DIGNITÉ

substantif féminin

[T-L : dignité ; GDC : digneté ; AND : digneté ; FEW (III, 78b) : dignitas ; TLF (VII, 207b) : dignité]

I. -[Correspond à digne de] Fait d'être digne de qqc..

C'est a dire asquelz [biens] il [le pusillanime] est abille et desquelz il fust digne, se il ne perdist tele dignité par sa pusillanimité et par sa misere. (Oresme, E.A.C., c.1370, 256)

II. -[Correspond à l'empl. abs. de digne]

A. -[À propos d'une pers.]

1.Fait d'être digne, respectable.

Puis que Jhesu Crist nostre sire M'a (...) Mis en l'estat de dignité Et fait de son peuple pasteur (Mir. ev. arced., c.1341, 105)

Se tu m'entens bien, il sommet Ton corps, ton honneur, ta puissance, Ta gloire, ta magnificence, Ton roiaume, ta dignité Et toute ta felicité A mort et a destruction, Pour ce qu'as fait oblation Aus ydoles... (Mach., C. ami, 1357, 33)

Il considera la parole Dou signeur qui à li parole, Sa sainté et sa dignité, Et sa très grant humilité, Qu'il li promet qu'il gardera Son honneur et li sauvera (Mach., P. Alex., p.1369, 238)

Ceste noble princepce doncques, quoy que la dignité de son estat requiere que elle reçoive des gens grans reverences, n'y prendra point de delit quant on les lui fera (Chr. Piz., Trois vertus W.H., c.1405, 29)

...afin que des benefices qui escherront à leur collacion ilz leur veullent pourveoir selon leur estat et dignité de leurs personnes. (Fauq., II, 1421-1430, 6)

...le Sennat tua Romus (...) qui en celle dignité et haultesse les avoit mis (La Sale, Sale D., 1451, 248)

...lors pour cause d'estat et de la dignité, damp Abbés fut assiz au hault bout de la table (La Sale, J.S., 1456, 276)

Exemple : on dist bien, essence divine est paternité, mais on ne dist pas essence divine est engendrant. Item notion ne emporte ou signifie toudis dignité de persone comme innascibilité, c'est a dire non naissible ne estre né. (Somme abr., c.1477-1481, 152)

RELIGION [À propos de Dieu]

...Et pour ce, au commencement de ceste hystoire, je, cognoicent que je ne soye pas digne de lui requerir, supplie a sa haulte dignité que ceste histoire je puise achever a sa gloire et louenges (Arras, c.1392-1393, 1)

Redempteur d'eternelle gloire (...), Donne moy, par ta dignité, Maintenant l'opportunité D'aller devers les Arrïens (La Vigne, S.M., 1496, 325)

[À propos de la nature humaine, de la condition humaine]

Tu trouueras matiere de magnanimite quant tu penseras la dignite de humaine nature. (Cib., p.1451, 196)

Se tu ne congnois la dignite de la condicion humaine tu ne peulx sauoir comme dieu a mis soubz tes piez toute gloire mondaine et les creatures qui sont soubz toy. (Cib., p.1451, 197)

2.Par métonymie.

a)Ce qui fait que qqn est digne, respectable.

...si seroit mére d'un filz Qui tant aroit dignité que de fait Reformeroit ce qu'Adam ot deffait (Mir. enf. diable, c.1339, 55)

Et se ilz ne ont en eulz tele dignité ou valeur, leur dit est une derision. (Oresme, E.A., c.1370, 431)

Tost l'a recongneü a son escu doré, A trois chiefz de pucelles qui ont grant dignité (Galien D.B., c.1400-1500, 71)

b)Ce qui rend digne, respectable.

Charge, fonction qui donne à qqn un rang éminent.

Car, en aucunes dignités, c'est especial que, par seule election, il ont plain dret et puent administrer, conme il appiert en un patrice et en un consul, qui sont certaines dignités de Droit civil, (...) et la cause si est pour ce que cez dignités sont prochaines du prince. Donques, se lez dignités maindres puent administrer par seule election, pour la prochaineté qu'il ont au prince, par plus forte raison le prince, par sa seule election, ou par succession sanz aucune election, pourra administrer. (Songe verg. S., t.1, 1378, 125)

Et devons savoir que nous trovons plusieurs signes, car il est aucuns signes d'aucunes dignités, lezquelx signes puent porter ceulx de celle dignité, et nulx aultres ne lez puent porter, mez deveroient estre punis come fauseres, se ilz le faisoient (...) Il est aussi une enseigne de seinguliere dignité, conme en la dignité royal le ceptre et le[z] armes, et ne lez puet nul porter ne mettre subz sez choses sanz la volanté et le congié du prince (Songe verg. S., t.1, 1378, 290)

De ce venoit que saint Pol s'esjouyssoit plus des aversitez de ce monde et de ses chaines et de sa prison pour le confort de ceste belle contemplacion, que nous faisons en noz prosperitez ou en couronnes et dignitez. (Gers., P. Paul, a.1394, 514)

...lequel prey est pour le présent, comme l'en dit, en la main d'icelle seigneurie par prinses et arrestz pour les devoirs, droictures et dignitez appartenant à ladite seigneurie (Cartul. Hôtel-Dieu Cout. L., 1426, 241)

En particulier. Charge, fonction religieuse.

Non pourquant chascun de ces deux apostres a eu aucunes excellances et dignités sur terre ; l'un en une maniere et l'autre en une autre, comme saint Pierre ot dignité de universale prelacion, et saint Pol de generale predicacion (Gers., P. Paul, a.1394, 486)

...a cause de sa dignité archiepiscopal et de sa jurisdicion ecclesiastique lui compecte et appartiengne la detencion, correpcion et punicion des personnes clercs qui sont trouvés ou admenés a sondit diocese quant ilz sont accusés ou trouvés couppables d'aucuns crimes (Rouen temps Jeanne d'Arc L., 1426, 102)

...ledit de Cambray fut degradé de la dignité episcopale, banny et dechassé de Romme (Le Clerc, Interp. Roye, c.1502, 331)

Bénéfice auquel est annexée une juridiction ecclésiastique, une prééminence ou une fonction particulière.

... [deux des premiers bénéfices de son choix] pour les donner et en faire la présentacion par ycelle de Bar, à quelque personne qu'il lui plaira, soient dignités, cures, prébendes ou autres, comme qu'ils soient nommés. (Cartul. Laval B., t.2, 1385, 325)

Les cardinaulx ont empetré Les dignités, les benefices (Bouvet, Appar. Meun A., 1398, 51)

...à Romme celx qui voloient estre promeuz à prelatures et dignitez et avoir benefices transportoient innumerables pecunes et finances (Baye, II, 1411-1417, 111)

Cedit jour, frere Symon de Gilocourt, quart prieur et cuisinier de l'eglise Saint-Denis en France, est commis au gouvernement de l'office, dignité ou benefice du grant prioré de Saint-Denis (Fauq., II, 1421-1430, 229)

Pour quoy il vouloit, mandoit et ordonnoit que tous arcevesques, evesques et autres constituez en dignité feussent residens chascun en leurs benefices, et s'y en alassent demourer pour estre tous prestz et appareillez à aler où ordonné leur seroit (Roye, Chron. scand., II, 1460-1483, 5)

...tant cardinaulx comme evesques et autres prelatz constituez en dignitez (La Vigne, V.N., p.1495, 261)

Privilège éminent, prérogative, pouvoir.

...loer touz diz Et l'excellence et les grans dinitez Dont use ceste vierge en paradis... (Mir. enf. diable, c.1339, 55)

No saint pere est telz et telz dinitez a Que tantost qu'il lui plaist et a Dieu prié a, Nous avrons tel vitaille com a chascun plaira (Renaut Mont. B.L. V., c.1350-1400, 30)

Telz sont samblables a Esaü, qui donna sa dignité qui lui appartenoit comme premier né ['primogéniture'] pour ung peu de meschant viande (Daudin, De la erudition H., c.1360-1380, 329)

...car ceste dignité [le pouvoir de faire roi] est donnee a l'emperreur, comme le plus hault roy des roys terriens. (La Sale, Salade, c.1442-1444, 230)

Rang (dans la société), respect voué à qqn, honneur qui lui est fait, respectabilité.

Et les ouvrieres ensement Sont tuit en mon commandement, Et les set sciences aussi Qui sont nuit et jour en sousci Et ne cessent d'estudier Pour ma dignité publier En audience et en publique. (Mach., F. am., c.1361, 217)

Ne quier point qu'en honneur me mettes N'en dignité, qui a nient vient (Mir. st Ign., 1366, 80)

L'ARCEVESQUE. (...) De me seoir ici em bas Me doit souffire. CLOTILDE. Marie ! vous serrez ci, sire : Dignité avez conme j'ay. (Mir. Clov., c.1381, 270)

...les IJ contendans (...) contumax, declarez pertinax scismatiques et heretiques, et degradez de toute honneur et dignité par le Conseil general estant à Pise (Baye, I, 1400-1410, 277)

...ilz s'estoient renduz indignes de toute dignité et honneur (Fauq., I, 1417-1420, 361)

...quant aulcun a perdu sa dignité, il doit delaisser sa premiere audace affin que il ne soit de ung chescun injurié (Macho, Esope R., c.1480, 88)

B. -[À propos d'une chose concr. ou abstr.]

1.Fait d'être digne, estimable, de nature à être pris en considération.

...et par le premier nomper est reformee union et amistié aussi comme se il retornast a unité, et comme se .III. fussent un ; et par ce appert la digneté et perfection de cest nombre. (Oresme, C.M., c.1377, 50)

Hulin vest cest haubert qui ot grant dignité (Huon Bordeaux B., c.1400-1450, 74)

...et est ceste science theologique et divine preferee a toutes sciences par dignité et utilité comme la plus digne, utile et prouffitable. (Somme abr., c.1477-1481, 98)

2.Par métonymie. Ce qui rend qqc. digne, estimable, puissance.

Et s'a tel dignité [un cor] que, qui le va portant, Ne sera ja vaincus en nul estour pesant (Tristan Nant. S., c.1350, 322)

...pour la dignité du cuer et de son accion (Saint-gille, Comment. A.Y. L., 1362-1365, 262)

[D'un remède]

Ung onguement a prins de si grant dignité, Car homs ne pourroit estre si en parfons navré, (...) De ses plaies seroit en l'eure tost sané. (Galien D.B., c.1400-1500, 70)

3.Ce qui est vénérable, les reliques.

...l'autel où reposoyent les dignitéz (Molinet, Chron. D.J., t.2, 1474-1506, 12)

C. -ASTR. Situation particulière des planètes dans les signes du zodiaque et dans les maisons du ciel où elles ont le plus d'influence.

...le Soleil a ses dignités (Renart contref., 1ère réd. R.L., t.2, c.1319-1322, 229)

Ce chapitre tient 2 parties. La premiere monstre les dignités essencielles des 7 planetes dedenz les 12 signes, et la seconde partie leur dignités accidentelles dedenz les 12 signes et dedenz les 12 maisons (Pelerin, Traité des elections, 1361, I, ms. Oxford, St John's College 164, f° 43)

...Saturne et Mars en leurs maisons et dignitez (Le Forestier, Rég. épid. pest., 1495. In : Chrestom. R., 276)

Dignité essentielle. Position privilégiée d'une planète dans un signe du zodiaque ou sur un point précis de l'un de ces signes, grâce à laquelle cette planète est susceptible d'exercer une influence particulière. Les dignités essentielles des planètes sont, par ordre d'importance, le domicile (ou maison), l'exaltation, la triplicité, le terme et le décan (ou face).

La cinq dignités essencieles : maison, exaltacion, triplicité, terme et face (Pelerin, Traité des elections, 1361, I, ms. Oxford, St John's College 164, f° 43)

Pour cognoistre la force de ces 5 dignités [essentielles], ont les maistres donné telle ordenance et differance par toutes, car le sire de la maison a 5 forces, le sire de la exaltacion 4, le sire de la triplicité 3, le sire de terme 2, et le sire de face une (Pelerin, Traité des elections, 1361, I, ms. Oxford, St John's College 164, f° 44 v°)

Et quant la planete est en une place sans nulle dignité [essentielle], elle est comme un pelerin qui est hors de son païs, sans amis et sans nule cognoissance (Pelerin, Traité des elections, 1361, I, ms. Oxford, St John's College 164, f° 44 v°)

Dignité accidentelle. Situation temporaire d'une planète par rapport à une autre planète (aspect ou regard quelconque, application, réception), ou caractéristique jugée secondaire de la position d'une planète dans un signe du zodiaque ou une maison du ciel.

Les dignités accidentelles dedenz les 12 maisons quant a sept planetes est que les planetes soient en angles, ou a succedans, ou a cheantes maisons (Pelerin, Traité des elections, 1361, I, ms. Oxford, St John's College 164, f° 46 v°)