FERMETÉ

substantif féminin

[T-L : fermeté ; GD : fermeté ; GDC : fermeté ; AND : fermeté ; FEW (III, 575b) : firmitas ; TLF (VIII, 772a) : fermeté]

A. -Caractère de ce qui est ferme.

1.Au propre. Consistance (de qqc.).

Et aussi comme les membres ou parties du corps d'un homme qui sont dissolutes et sont hors de leur bonne fermeté et disposicion par une maladie appellee tremeur ne sont pas menéz selon la volonté ou eleccion de celui qui est ainsi malade, mais aucune foiz quant il les cuide mouvoir a destre il tournent pour la maladie a senestre ; semblablement a il mouvement qui tendent a parties contraires en l'ame de ceuls qui sont incontinens. (Oresme, E.A., c.1370, 143)

2.Au figuré. Caractère de ce qui tend à rester dans le même état, stabilité, constance.

Car sans faute, ce qu'elle [Fortune] fait Moult soudeinnement le deffait, Car en li n'a estableté, Amour, pité, ne fermeté, Einsois est toudis sa coustume Que ceaus qu'elle fait tonde et plume Et sousmette en subjection Tele come a destruction. (Mach., R. Fort., c.1341, 33)

Je vous di, sire, que, par m'ame, Vous avés maniere de fame : Trop souvent mue vos courages. Socrates li bons et li sages N'estoit mie si fort estables Com vos courages est muables, Et si estes enmi la roe Qui n'arreste ne c'une aloe, Car riens n'i ha d'estableté ; Ne d'arrest ne de fermeté (Mach., Voir, 1364, 756)

Car en nulle chose quelconques qui resgarde oeuvres humainnes, il n'a telle constance ne si grant fermeté comme elle est es operacions qui sont selon vertu en tant que encor semblent et sont les vertus plus permanens et plus durables que ne sont les disciplines ou sciences. (Oresme, E.A., c.1370, 133)

Et pas je n'entens de la loy escripte dont l'escripture mortifie, mais de la loy de l'esperit qui vivifie en sainteté de cuer, en purté de corps, en entiere fermeté de foy et en euvres de charité (Foul., Policrat., IV, 1372, 73)

S'il pert fermeté de couraige... (Desch., M.M., c.1385-1403, 343)

La vertu de force est a entendre non mie seulement force corporelle, mais constance et fermeté que le bon chevalier doit avoir en tous ses fais deliberez par bon sens et force de resister contre les contrarietes qui lui pevent avenir (Chr. Piz., Ep. Othea L., c.1400-1401, 161-162)

C'est bien grevable, Mal deliteux, fermeté varïable, Arrest mouvant, legiereté estable (Chart., D. Fort., 1412-1413, 190)

...au moins nous feussons nous plustost ressours par l'union et fermeté de noz voulentez. (Chart., Q. inv., 1422, 30)

La est trouvee la fermeté et esprouvee la vertu ou sont les extremes perilz, quant le sens demeure entre les grans doubtes et la constance ou mylieu des terribles aventures (Chart., Q. inv., 1422, 48)

Mais, tout bien regardé, nostre seulle esperance doit estre en Dieu, car en cestuy-là gist toute nostre fermeté et toute bonté, qui en nulle chose de ce monde ne se pourroit trouver (Comm., I, 1489-1491, 93)

Sûreté.

'Et volons que (...) nos presentes lettres et quanques compris est dedens, aient tant de vigheur, d'effect et fermeté comme aroient nos aultres lettres par nous prommises et baillies, comme dessus est dit.' (Froiss., Chron. L., VI, c.1375-1400, 46)

Pour la quelle rente de douze livres par.., et pour la seurté et fermeté d'icelle, les diz preneurs et chascun pour le tout ont baillié et delaissié en nom de gaige et de contreplaige au dit bailleur, a ses hoirs et aux ayans cause de lui, une leur maison, puis et jardin, si comme tout se comporte... (Chartes Abb. St-Magl. T.F., t.3, 1376, 467)

Et, pour plus grant fermeté, nous en bailla en plege nostre très chier et très amé frere le duc de Bourbonnois et d'Auvergne, et avec ce nous en bailla son scellé (Le Clerc, Interp. Roye, c.1502, 243)

Par métonymie. Ce qui atteste de ce caractère.

'Item, afin que les coses dessus dittes, traitiés et paroles soient plus fermes, estables et vaillables, seront faites et données les fermetés qui s'ensievent : c'est à savoir, lettres seelées des seaulz des rois et des ainsnés filz de ceulx, les milleurs qu'il poront faire et ordonner par les consaulz des roys.' (Froiss., Chron. L., VII, c.1375-1400, 87)

Personne qui garantit ce caractère.

Et toutevoiz, sires, tu es ma force, tu es ma fermetté, tu es mon refuge (Crap., Cur Deus, De arrha B.H., c.1450-1460, 286)

B. -Ce qui est ferme (dans le domaine concr.), en partic. une fortification ; ce qui est fermé.

1.Fortification, enceinte fortifiée.

a)[D'une ville, d'un bourg, d'une place-forte...]

Ne demourra en France fermetté en estant Et vous ferons fuïr oultre la mer bruiant. (Gir. Vienne D.B., c.1350-1400, 148)

Iten [sic] face et ordene par celx presentes mon droit, universalx et natural hoirs Jaiques, mon aymiex filz, (...) par la meniere et condition cy après escripte et devisee ; c'est assavoir lidit Jaiques panra et aura en preception et avantaige de Guillaume, mon fil et son frere, la millour forterace et telle comment li plaira, ensamble le bourg et tote la fermetey et cloison dodit luef, le millour fiés, la millour garde de priorex, et ne seront a aucune chose evaluex lidit fiés et garde de priorex es partaiges desdiz Jaiques et Guillaume, freres, mes filz. Toutes voyes li bourgs que lidit Jaiques emportera sera prisiés tant solement et tanques a l'extimation de cimqt cenz florenees de terre (Test. Besanç. R., t.1, 1372, 462)

[Monsigneur Loeis d'Espagne] tenoit le siège par devant et avoit si debrisié et defroissié le ville et le fremeté, par les engiens, que cil de dedens se commencièrent à esmaiier. (Froiss., Chron. L., II, c.1375-1400, 149)

Et faisoit (...) de jour et de nuit ouvrer à le frumetet de Paris, et tenoit en le ditte cité grant fuison de gens d'armes. (Froiss., Chron. L., V, c.1375-1400, 107)

Et s'en vinrent courir jusques a Vaus desous Laon, et l'ardirent et Bruieres, car pour lors il n'i avoit nulle fremeté, et s'en retournerent par Cresci sus Sele et l'ardirent, et le Pont au Nouvion, et tous les hamiaus de la environ, et la ville de Marle. (Froiss., Chron. D., p.1400, 328)

Et premierement il ardirent tous les fourbours de Chimai ; et abatirent les moulins, qui estoient hors de la fremeté. (Froiss., Chron. D., p.1400, 347)

...laquelle somme de 250 frans iceulx habitans sont tenus de emploier et convertir à faire venir par cors et tuyaulx de bois deux fontaines dedens le bourg et fermeté de ladite ville, si comme par mandement de mondit seigneur donné à Auxerre le XVIIe jour de decembre mil CCCC et XVII (Comptes Etat bourg. M.F., t.2, 1418, 95)

...autres heritages qui souloient estre dehors la fermeté de Biervliet (Comptes Etat bourg. M.F., t.3, 1418-1420, 341)

Et en ce mesme temps, La Hire prist d'emblée la vieze fremeté d'Amiens, et y fut environ de huit à dix heures, et après qu'il eust pillié les biens qui estoient dedens, s'en ala à Bretheul dont il estoit venu. (Monstrelet, Chron. D.-A., t.5, c.1444-1453, 114)

A l'entrée du mois de septembre, se rebellèrent et armèrent l'un contre l'autre les bourgois et commune de la ville de Tournay, est assavoir ceulx du marché et de la vieille fermeté, contre ceulx d'entre deux murs. (Monstrelet, Chron. D.-A., t.4, c.1444-1453, 198)

...et chassa le conte de Sainct Pol jusques à ce que le seigneur de la Hauverdrie et aultres luy certifierent qu'ilz avoient veu les Gantois entrer ès barrieres et fermetez de Gand (La Marche, Mém., II, c.1470, 263)

...une petite place vague, seant on ban dudit bourg oultre les fossez de la fermeté d'icellui (Trés. Reth. L., t.3, 1485, 574)

[D'un bâtiment, d'un couvent...]

Aux religieuses, abbesse et seurs cordellieres du couvent et monastere de Poligny, la somme de deux cens frans, pour don à elles fait par mondit seigneur, de grace especial et pour une foiz, pour emploier et convertir en ouvraiges et construcion de l'eglise, monnastere et fermeté dudit couvent (Comptes Etat bourg. M.F., t.2, 1419, 396)

[D'une construction] Faire fermeté. Faire rempart.

...laquelle maison, tour et appartenances font fermeté et forteresse par devers la riviere de Meuse (Trés. Reth. S.L., t.2, 1399, 474)

b)Place-forte, forteresse.

Et cependant ilz firent mainte envahie aux Sarrazins, si que, par leur proësse et par leur vasselage, ilz les tindrent si court qu'ilz ne se osoient monstrer ne yssir de leurs fermetez (Bérinus, II, c.1350-1370, 181)

Ils trepassent (...) Les villes, les chasteaulx, et les grans fermettez (Hern. Beaul. D.B., c.1350-1400, 12)

Jamaiz ne finerai jour de mon aés, Tant que le bon chatel et la bonne fermectés Vous sera delivrés (Galien D.B., c.1400-1500, 106)

c)Par métonymie. Region. (Wallonie) REDEVANCE Impôt levé sur la bière destiné à l'entretien de la cité de Liège .

Li dis Messires Robiers acorda que li brasseurs de de Biaufort [proche de Liège] paieroient le fermetet anchiennement acoustumee a paier par les brasseurs afforains. (Arch. Nord, a.1400, B 146, 1er cahier, f. 2)

Si l'ordinat ensi, com oreis la sequenche : Que XVIII ans serat levée à conscienche Par desus la chervoise fermeteit sens oienche, Por les fosseis refaire, pons et murs de prudenche, Et le Marchiet paveir par bonne diligenche, La fontaine de Marchiét, de quoy l'ovraige clenche, Reformeir ansiment par bonne obedienche. (JEAN D'OUTREM., Geste Liège B.B., t.5, a.1400, 670)

Item, tant com al point delle fermeteit touchant à fait des bresseurs del citeit, est accordeit selonc la Paix des clers (Stavelot, Chron. B., a.1447, 24)

2.Dispositif de fermeture.

Se aulcunes choses emblées sont trouvées en maison d'aultruy soubz serrure ou fermeté, celuy en la maison duquel les dites choses seront trouvées, sera reputé coupable du larechin (Hist. dr. munic. E., t.1, 1469, 250)

3.Endroit fermé, prison.

[JÉSUS, aux deux anges] Ceste prison en air levez Tant que Joseph dehors arez, Rompre ne veul la fermeté Car ce n'est pas ma volenté, Levez l'en l'air tout maintenant. (Marcadé, Myst. Pass. Arras R., a.1440, 249)