SPECULATION

substantif féminin

[T-L : speculacïon ; GDC : speculation ; FEW (XII, 161b) : speculari ; TLF (XV, 862b) : spéculation]

I. -Observation.

Jouxte cest amphorisme peut on veoir mainte belle speculacion, comme une fame peut concevoir deux jumeaux, et comme l'un peut advorter et l'autre non (Saint-gille, Comment. A.Y. L., 1362-1365, 116)

ASTR. Observation astronomique.

Speculation (des corps célestes)

Arthemidoro fut environ ce temps moult intentif en la speculacion des corps celestes (Simon De Phares, Astrol., c.1494-1498, f° 19 v°)

[Atheio] [Philologo] fut en ce temps moult ententif en la speculation celeste et y eut divers disciples. (Simon De Phares, Astrol., c.1494-1498, f° 35 r°)

...quoy qu'il en soit, sa prophecie bien specullée, il fut de merveilleuse speculacion ès corps celestes. (Simon De Phares, Astrol., c.1494-1498, f° 91 v°)

Cestui fist ung livre de astrologie qui est de grande specullacion et se commance : 'De ignorancie', l'an 1219. (Simon De Phares, Astrol., c.1494-1498, f° 119 v°)

II. -Recherche (théorique) ; activité de l'esprit ayant pour but la connaissance pure.

A. -[P. oppos. à la pratique] Recherche (théorique).

Apres, veult il qu'il ne soit pas astrologien et par ce il lui donne science mathematique et telles speculacions ou estude (Oresme, Divin. C., c.1366, 102)

Qui ordena ces leçons et ces epistres n'est mie de presente speculacion (Jean Golein, Rational B.D., c.1370-1372, 356)

...les quelles choses, se elles ne peuent estre chascune par soy, toutesvoies elles se peuent penser chascune par soy. Et ceste speculation est tres proffitable a la science entiere de toute philosophie (Foul., Policrat. B., II, 1372, 161)

Pource que nous avons determiné souffisamment de possessive ou pecuniative quant est a science et a speculation (Oresme, Pol. Arist. M., c.1372-1374, 68)

Speculations mathematiques

...car les delectacions qui sont en speculacions mathemathiques sont sens oster aucune tristece precedente. (Oresme, E.A., c.1370, 502)

Speculation de qqc. Recherche (théorique) de qqc..

Et premierement a savoir mon se aucun corps est infini, si comme plusseurs des anciens ont cuidé, ou se c'est impossible ; quar se il est ainsi ou non, ce n'est pas peu de difference, mais fait differer toute la speculacion de verité, quar presque a touz ceulz qui dient aucune chose de toute nature, ceci est commencement de contradicion. (Oresme, C.M., c.1377, 96)

Remarque : JEAN D'ARKEL, Ars d'Amour, c.1350 (Lespeculationde le verité), ds GDC X, 708c.

B. -Activité de l'esprit ayant pour but la connaissance pure, réflexion abstraite, méditation.

Pour ce que le present negoce de doctrine moral n'est pas ordené pour la grace ne a fin de contemplacion ou speculacion comme pluseurs autres sciences, car nous ne querons pas quelle chose est vertu afin que nous aprenons science, mais afin que nous soions faiz bons, car autrement le profit de ceste doctrine seroit nul, - pour ce donques que il est ainsi, est il neccessaire d'enquerir et traictier des operacions et des choses qui a ce appartiennent et comme l'en les doit faire (Oresme, E.A., c.1370, 148)

Item, ce n'est pas possible que ame eust telle vie sanz tristesce et que sa vie fust beneuree, car il convient par neccessité que le mouvement soit o violence se le corps qui est ainsi meu est enclin naturelment a estre meu autrement. Et mouvoir ainsi continuelment sanz vacacion et sanz cesser et sanz avoir remission ne repos de vaquer a prudence ou a speculacion, ce n'est pas bonne vie. (Oresme, C.M., c.1377, 304)

Nagaires me fut adviz en ma speculacion que l'Ame parloit ainsy a Raison la saige, et luy disoit : 'Belle suer Raison, tu as esté longuement hors de moy...' (Gers., Trin., 1402, 156)

La matiere d'icelle eschiele Que tu vois qui le ciel eschiele Speculacion est nommee (Chr. Piz., Chem. estude P., 1402-1403, 71)

...si estoit trop plus aise et à repos à pouvre vie, mengant choulz et rabes en speculant philosophie, comme il ne fust convoiteux d'autre richece, qu'il ne seroit de quelconques delices ou richeces, par si qu'il deust perdre le repos et aise de speculacion (Chr. Piz., Faits meurs Ch. V, S., II, 1404, 65)

Mais aussi pour entendre mieulx ceste dottrine on se doit excercer ou appliquer a la dottrine morale des vices et des vertus, et plus especialement a aucuns livres qui sont fais pour venir a devocion, puis a speculacion, puis a contemplacion, selon les trois poins de nostre game (Gers., Canticordum G., c.1425-1430, 133)

Ceste grace est tant eminente que ne don de prophetie, ne ouvrage de signes, ne quelque haulte speculacion ne sont rien estimees sans elle. (Internele consol. P., 1447, 246)

Ceste [théologie] est une science surmontant les aultres sciences, eslevee par dessus toute speculation et consideration naturele, qui se dist phisique congnoissance ou science naturelle (Somme abr., c.1477-1481, 98)

Au pluriel.

Et par deffaute de ce, les pusillanimes se departent et laissent a faire bonnes operacions et avecques ce, ilz se departent et laissent bonnes et nobles speculacions, comme se ilz en fussent indignes. (Oresme, E.A., c.1370, 257)

Pour entendre mieulx ce qui est dit et autres belles speculacions, on pourroit amener l'exemple d[es] miroir[s] materiel[z]. (Gers., Trin., 1402, 172)

Aptitude à la réflexion abstraite.

...qui n'estoit pas home de grant speculation pour exposer haute theologie (Tardif, Facéties Pogge D.H.-P., c.1490, 136)