CHANGE

substantif masculin

[T-L : change ; GD : change ; GDC : change ; AND : change ; DECT : change ; FEW (II-1, 120a, 122a) : cambiare ; TLF (V, 502b) : changer]

A. -[Idée d'échange] Action d'échanger.

1.Échange (de choses, de sentiments).

Et sachiez, quant de moy, que je croy que l'ystoire soit veritable. Et dit on pour certain que, depuis qu'elle fu fondée, pour change, pour acquest ou pour conquest, que la dicte forteresse de Lusegnen ne demoura .XXX. ans acomplis en main d'ome qui ne feust extraiz de la dessus dicte lignie de par pere ou de mere. (Arras, c.1392-1393, 308)

...tant rouvay Que un tel qui me plaisoit trouvay, Que bon et loyal esprouvay, De qui tous les faiz approuvay. La m'arrestay, Et a l'amer tout apprestay Le cuer que de fendre prest ay, Que je lui donnay et prestay ; Et en eschange Prins le sien par amoureux change. (Chart., L. Dames, 1416, 222)

Bailler en change qqc. contre autre chose. Donner en échange.

Item, vueil que le jeune Marle Desormaiz gouverne mon change, Car de changer enviz me mesle, Pourveu que tousjours baille en change, Soit a privé ou a estrange, Pour troys escus six brectes targes, Pour deux angelotz ung grant ange, Car amans doivent estre larges. (Villon, Test. R.H., 1461-1462, 104)

Faire change de qqc. à qqc. Échanger telle chose contre une autre.

...N'il n'est homme, a mon essient, Que quant il est impacient, Qui ne vosist avoir faire change De son estat a un estrange. (Mach., R. Fort., c.1341, 91)

Faire un mauvais change. Effectuer un échange désavantageux.

'...que Fortune m'a fait mau change, qui m'a donné marrastre en lieu de mere' ! (Bérinus, I, c.1350-1370, 31)

Helas ! ils font tres mauveys change ; Chastïer on ne le pouroit Que tousjours ne soyent en fange. (Myst. st Sébast. M., c.1450-1500, 6)

2.Par extension. Don.

Considere leur or ['orde (sale)'] tenue, En aultre chose d'eulx tenue, Et leur cueur qui de mal s'atourne, Apres [l. aprés] disner ne se retourne Vers Jesus pour rendre louanges De ses biens et gracieux changes, Qu'en ce monde leur a donnez. (Rivière, Nef folz D., 1497, 732)

3.Substitution (d'une pers. à une autre), remplacement (d'une pers. par une autre).

Si vous prye que entretant me veulhés prandre et recepvoir au lieu de vostre filh Paris, non obstant que je cognoys bien que tel change n'est pas advenant, quar en Paris sont toutes vertus habundans et en moy sont toutes vertus defalhans. (La Cépède, Paris Vienne K., 1432, 200)

La lignee des roys est faillie, Et qui nous est ung piteux change, Nous sommes soubz ung roy estrange, Herode, ou les siens, qui nous a Et tient sub manu ferrea. (Gréban, Pass. J., c.1450, 117)

- Je vous feray tousjours ce change quand vous vouldrez. - Quel change ? dist il. - D'une vieille ja toute passée, deshonneste et desloyale, a une belle, bonne et fresche jeune fille (C.n.n., c.1456-1467, 250)

Je [la Vierge Marie] change le roy [Jésus] en ung page [l'apôtre Jean] ; Las, au change ne suis pas sage. (Pass. Auv., 1477, 221)

SAINT JEAN. Nous desirons a Dieu servir Et habandonnons pere et mere, Cousins, cousines, seur et frere (...). Jamais rien tant ne nous valut Que le change que nous faison (Michel, Myst. Pass. J., 1486, 54)

Ne rien perdre en change. Ne rien perdre au change.

'Sire', dist el, 'vez ci un homme Que j'ay amené devers Romme, Sage et proz, je le vous oblige, Mais que mon filz me rendez lige ; Gentillesce et pitié vous meuve, Quar plus n'ay d'enfans et suy veuve, Et vous n'y perdrez rien en change.' (Tomb. Chartr. Trois contes S., c.1337-1339, 112)

Faire change de deux personnes. Procéder à l'échange de.

Mais pluseurs fois ymaginai En mon cuer et determinai Que je penroie un homme estrange Et de nous .II. feroie change Et le menroie devant elle Telement et a tel cautele Qu'on diroit : 'Vescy vostre ami', Pour vëoir s'elle aroit de mi Congnoissance, et qu'elle diroit, Ne quel semblant elle feroit (Mach., Voir, 1364, 206)

Faire un beau change. Gagner au change.

...toutes disoient que a bonne heure estoit la pucelle nee d'avoir ung tel prince espousé, et qu'elle avoit fait en peu d'heure ung beau change. (Jehan de Paris W., 1494-1495, 87)

4.FINANCES

a)Action d'échanger des espèces monétaires contre d'autres.

...ne ne puevent ne doivent aucuns faire faire fait de change en ycelle ville, fors seulement les personnes qui ont et tiennent les changes assis entre lesdites bonnes ; c'est assavoir : l'eiglise Saint Lieffroy et l'anfance dudit Grant Pont (Phil. Vi Valois, Doc. paris. V., t.2, 1344, 223)

Robin Tauton, pour don fait, à li fait pour considéracion de plusieurs fraiz qu'il disoit avoir faiz en alant par le pays querre poulaille pour le Roy, qui ne li avoient mie esté comptez, et aussi pour change de florins qu'il avoit fait changier pour paier ladicte poulaille (Comptes argent. rois Fr. D.-A., I, 1359-1360, 216)

...pour le change de 6443 escuz et 500 florins ducas achetez de plusieurs changeurs, espiciers et autres, présent ledit Adenin : 50 fr. (Raponde, Comptes La Trémoille L.T., 1396-1406, 37)

...et usera damoiselle Marie du Cavech et Girardin du Cavech, son frere, de change et marchandise en la maniere que les autres changeurs de ladicte ville en usent. (Baye, I, 1400-1410, 133)

À Jaquet Le Maçon, bourgois et changeur de Paris, la somme de 100 frans en quoy monseigneur estoit tenuz pour le change de mil frans d'or prins derrenierement de lui pour le fait de la despence de mondit seigneur (Comptes Etat bourg. M.F., t.1, 1419, 172)

Et sur l'emprisonnement d'aucuns orfèvres, disoient les maistres des monnoies qu'ilz en avoient fait emprisonner aucuns, pour ce qu'ilz avoient acheté escus et fait fait de change, qui leur est defendu par les ordonnances (Fauq., II, 1421-1430, 233)

Item, donne a mon advocat, Maistre Guillaume Charüau, Quoy ? que Marchant ot pour estat, Mon branc ; je me taiz du fourreau. Il aura avec ce ung reau En change, affin que sa bourse enffle, Prins sur la chaussee et carreau De la grant costure du Temple. (Villon, Test. R.H., 1461-1462, 88)

b)Petite monnaie.

Lors le duc de rechief lui pria que venir voulsist avecques lui jusques audit grand chemin. 'Et sans faute, dist-il, je vous donray quatre pattars.' - 'Quattre pattars ! ce dist le bonhomme, où sont-ils ?' Et alors le duc bouta la main en une petite gibbessière que portoit et tira un florin de Rin, disant : 'Mon amy, je n'ay point de monnoye, vecy qui les vous paiera. Si vous avez change, payez vous-mesme, et le me changiez.' - 'Change ! ce dist le bonhomme. Pour changier un florin ! Je n'ay mie vaillant pour changier un pattart...' (Chastell., Chron. K., t.3, c.1456-1471, 261)

...pour ce qu'ilz n'avoient point de change ilz [des joueurs] prindrent des petites pieces de papier qu'ilz faisoient valloir chascune piece ung denier (Doc. 1486. In : G. de Lhomel, Nouv. rec. de doc. pour servir à l'hist. de Montreuil-sur-Mer, 1910, 76)

c)Par métonymie.

Lieu où les banquiers installent leurs bancs, leurs tables de changeurs ; comptoir de change, boutique de changeur, banque.

...ne ne puevent ne doivent aucuns faire faire fait de change en ycelle ville, fors seulement les personnes qui ont et tiennent les changes assis entre lesdites bonnes ; c'est assavoir : l'eiglise Saint Lieffroy et l'anfance dudit Grant Pont (Phil. Vi Valois, Doc. paris. V., t.2, 1344, 223)

'En la noble cite de Venise', dist la chambriere Hardiesse, 'il y a un change qui s'appelle le banc au commun. Cellui qui le gouverne recoit, despent et depart, en mil miliers de parties, chacun an troys ou quatre milions de florins qui s'appeloient ducaz, en or, en argent, en pierres precieuses, en vaiselle, en joyaulx, et en soutille marchandie...' (Mézières, Songe vieil pèl. C., t.1, c.1386-1389, 460)

Et est cestui office si auctentique, si abregie [l. abregié] , et si appreuve [l. appreuvé] , que tous les marchans reputent leur avoir estre plus seur en la garde du dit change que en leurs propres maisons. (Mézières, Songe vieil pèl. C., t.1, c.1386-1389, 461)

...il, Nicolas Boutin, demourant à la Rochelle ; maistre Regnault de Beaupuis, prestre ; Bellasin de Plorant, demourant prez d'Avignon ; prindrent et emblerent, à un chamge de ladite ville, deux cens frans en or (Reg. crim. Chât., I, 1389-1392, 252)

...et aussi churent en la riviere grans parties des changes dessus ledit Grant Pont (Baye, I, 1400-1410, 217)

Et je te promet que, avant que il soit gaires de jours, tu me verras aler baudement par entre les changes de Gennes (Bouciquaut L., 1409, 386)

...par lequel greffier seront mises et baillées lesdictes sommes au change, sur le pont, à Paris, pour delivrer au paieur des euvres du Roy (Fauq., I, 1417-1420, 7)

Item en après, Katherine Gautière, donne à Olive, fame de Michelet Boutet, demourant au change de Bloys, laquelle est ma nièce, toute la terre qui est assise à Vienne, qui me peust appartenir de par mon père et ma mée en la priant que... (Catherine La Gautière, Test. S., 1454, 12)

Prince, trois jours [de délai avant d'être banni de Paris pour dix ans] ne vueillez m'escondire Pour moy pourvoir et aux miens adieu dire ; Sans eulx argent je n'ay, icy n'aulx changes. (Villon, Poèmes variés R.H., c.1456-1463, 77)

...pour ce que le premier terme dudit ayde ne escharra jusques à la feste de la Magdeleine procheine venant, et qu'il est besoing de trouver et avancer promptement la dicte somme de VIm escuz, nous voulons et vous mandons que vous trouvez maniere de recouvrer icelle somme au change, en nostre ville de Lyon, ou ailleurs, et que vous payez les interestz qui seront neccessaires pour le recouvrement d'icelle somme. (Lettres Louis XI, V., t.3, 1466, 359)

Alors respondit l'argentier et dit : 'Messire Jacques, si vous avez aucunes bagues laissées en gage, comme il survient aucunes fois des affaires à aucunes gens et espécialement les vostres, qui sont belles et mémoire de grand honneur, il n'est guères de royaumes, ne de provinces, où je n'aye mes changes ; j'escriray très-volontiers et de bon coeur, afin de les vous faire venir où bon vous semblera.' (Faits Lalaing K., c.1470, 160)

Tenir change. Tenir un comptoir de change.

Cestes gens tiennent change par toute la crestienté, et tout ce qu'i gaignent apportent en icelle ville de Fleurence et pour ce est la ville si riche (Le Bouvier, Descript. pays H., p.1451, 82)

Changeur.

Or trouvay l'autre compaignon Dedans la boutique d'ung change, Lequel estoit mon grant mignon. (Abuzé D., c.1450-1470, 84)

Changes. Intérêts, intérêts des intérêts liés aux opérations de paiement par lettres de change.

Si par occasion d'aucunes lectres touchant lesditz echanges, faictes esdites foires pour payer et rendre argent autre part, ou des lectres qui seront faictes ailleurs pour rendre argent esdictes foires de Lyon, lequel argent ne seroit payé selon lesdictes lectres (...), ceux qui seront tenus payer ledit argent, tant du principal que des dommages et interests, pourront estre et seront contraints à les payer, tant à cause des changes, arriere-changes, qu'autrement (Ordonn. rois Fr. P., t.15, 1462, 646)

Remarque : Cf. aussi les Lettres patentes de Louis XI du 8 mars 1463 citées par F. Rainer (d'après MarcelinVigne, La banque à Lyon du XVe au XVIIIe siècle, 1903, 68) ds Rev. Ling. rom., t. 78, 2014, 80 (...en foires les marchands ont accoustumé user dechanges, arrière-changes et interests).

Avancer une somme d'argent à change et à perte. Avancer une somme d'argent à intérêt et à perte.

Et si voyés que ladite somme par impost ne se peut promptement recouvrer sur les habitans de ladite ville, trouvez moyens (...) à icelle advancer ou faire delivrer à change et perte dès maintenant à ladite foyre d'Apparition (Lettres Louis XI, V., t.9, 1481, 110)

d)Lettre de change

Convention par laquelle une somme d'argent est fournie en échange d'un engagement payable à terme mais en un autre lieu et une autre monnaie (il y a conjointement une opération de crédit et une opération de change entre un donneur et un preneur).

...ledit Bardi estoit tenu au Roy en la somme de dix marcs d'or que Anthoine Noir, facteur de Jacques Cuer, luy avoit délivré ou fait délivrer par sa lectre de change paravant la prinse dudit Cuer. (Aff. Jacques Coeur M., 1453-1457, 215)

...voulons et octroyons que, durant lesdictes foires, toutes gens, de quelque estat, nation ou condition qu'ilz soient, puissent bailler, prendre et remectre leur argent par lectres de change, en quelque pays que ce soit, touchant le faict de marchandise (Ordonn. rois Fr. P., t.15, 1462, 646)

...prohibons et deffendons comme dessus, qu'ilz ne auscuns d'eux voyent ou envoyent en ladicte cour de Rome pour avoir ne obtenir quelque evesché (...) sans premierement avoir noz lectres et consentement de ce faire, le tout sur peine d'encourir nostre indignacion, de perdre les deniers dont ils, leurs procureurs, facteurs, messagers ou entremecteurs, seront trouvés saisis par bulles, lectres de change ou autrement, pour porter ou envoyer en ladicte cour de Rome (Ordonn. rois Fr. P., t.16, 1464, 246)

Remarque : Cf. J. Le Goff, Marchands et banquiers du Moy. Âge, 1972, 28-33.

Autorisation accordée par les autorités compétentes à un marchand ou à un bourgeois qui veut exercer la fonction de changeur. Le candidat à cette fonction prête serment et s'engage à payer une redevance annuelle.

...que doresenavant l'expedicion que feront lesd. generaulx maistres des monnoyes sur les lettres de change soient faictes pures et absolues, a charge de marcs d'or et d'argent, sans pour ce recevoir les changeurs a quelque composicion de payer au roy prouffit particulier ou default de non avoir acomply ladicte charge. (Doc. 1457. In : R. Favreau, Bibl. Éc. Chartes 122, 1964, 221)

Remarque : L'ex. suivant des Ordonn. rois Fr., V.B., t.13, 1443, 386 fait allusion à ces lettres : Que nul, de quelque estat ou condicion qu'il soit, ne s'entremette de fait de change, se sur ce il n'a nos Lettres verifiées desdicts Generaulx-Maistres, et que par iceulx Généraulx ou leurs Commis, lesdits Changeurs soient composez à livrer en nosdictes Monnoyes, chacun an, certaine quantité de marcs d'or et d'argent, chacun selon sa faculté

5.CHASSE Animal chassé à la place d'un autre.

a)[Essentiellement à propos du cerf, du chevreuil] Bête que la bête poursuivie fait partir à sa place pour que les chiens la suivent.

Maiz or vient le plaisir plus grant, Car les chiens qui si vont chaçant Ont trouvé le change en la taille, Ou leur droit a esté sanz faille, Si ne font du change nul conte (La Buigne, Rom. deduis B., 1359-1377, 381)

Donc, quant il orra aucuns chascier et les saiges chienz demourer, il puet bien savoir que c'est le change, mes, quant nul ne crie plus avant, c'est une reüse ou esteurse. (Gast. Phébus, Livre chasse T., 1387-1389, 196)

Lors, quant le change saut ['bondit (pour attirer les chiens)'] , le veneur doit escouter quieulx chienz chascent, quar le bon veneur doit cognoistre et entendre les gueles et menees de ses chienz, espiciaument des bons et saiges. (Gast. Phébus, Livre chasse T., 1387-1389, 204)

Par son pais il [le cerf] va tournant, Tant luy greve de le laisser. Le change quiert, c'est pour neant, La teste luy fauldra baisser. (Brézé, Chasse T., c.1481-1490, 35)

b)Oiseau que le faucon (ou autre oiseau de proie) poursuit, à la place de celui qu'il est censé chasser.

Et se par aucune voie ton faucon estoit dehetié d'aucune enmertume que tu li eusses donnee, si li moulle sa char en yaue chucree, si guerira. Et par telles voies peus retraire ton faucon du change. (Henri Ferr., Modus et Ratio, Livre deduis T., c.1354-1377, 193)

En l'eure leurs faucons geterent, Qui pour change en rien ne branlerent. (La Buigne, Rom. deduis B., 1359-1377, 168)

Et quant pour crier ne pour braire Ne pour chose qu'on puisse faire Li faucons ne laisse l'emprise Dou change qu'il a entreprise, Se sa proie prent en volant, Li gentilz quens a cuer dolant Le traite felonnessement Et si parle a li rudement. (Mach., Voir, 1364, 726)

[Du cerf chassé]

Estre/fuir/venir avec le change

...se la beste qu'il [le bon chien] chasse fuit avecques le change, il parsieut sanz crier tant qu'elle soit departie du change. (Henri Ferr., Modus et Ratio, Livre deduis T., c.1354-1377, 64)

Muz s'apellent [certains chiens de chasse] pour ce que, si un cerf vient ou change, ilz iront aprés, mes ilz ne diront mot tant comme il sera avec le change. (Gast. Phébus, Livre chasse T., 1387-1389, 133)

Et, s'il avient que son droit ['le cerf chassé'] fuye avec le change, ce que fet bien souvent, il le pourra cognoistre a ses saiges chienz, quar, si son droit est demouré la ou le change leur sailli ou est refui sus soy et le change s'en est alé outre, les bons chienz retourneront arriere et le vendront voulentiers requerir et redrescier. (Gast. Phébus, Livre chasse T., 1387-1389, 205)

Et, si le droit fuit avec le change, les bons chienz demourront touz coys et ne voudront tourner arriere ne requerir ou iront avant par ou le change va, pour ce que leur droit y va aussi, mes ce sera lentement et sanz crier, quar ilz n'osent ne veulent chascier tant comme leur droit soit avec le change, espiciaument au jour d'ui ou il n'a nul chien baut ne si bons chienz d'assez comme ilz souloyent estre, aussi n'a il de nulles autres creatures. (Gast. Phébus, Livre chasse T., 1387-1389, 205)

Estre hors du change. Avoir abandonné le change.

Et, quant il sera hors dou change, adonc crieront ilz [les chiens] et chasceront et prendront le cerf bien et parfaitement et arreement parmi tout change. (Gast. Phébus, Livre chasse T., 1387-1389, 133)

Lancer le change. Faire lever un autre cerf pour que les chiens en suivent la voie.

Il leur a beau lansser le change [aux chiens] . Je croy qu'il luy soit bien estrange D'ouyr aprés luy tel chappelle. (Brézé, Chasse T., c.1481-1490, 34)

[De l'animal qui chasse (chien, faucon...)]

Aller au change. Aller en direction d'une autre proie (le change), s'écarter de la voie.

...se ton faucon va au change et il prent coulomp ou corneille ou autre oisel de change et tu le treuves mengant ou que il ait mengié, ne li fai nulle froiterie ne ennui (Henri Ferr., Modus et Ratio, Livre deduis T., c.1354-1377, 192)

L'aultre n'est pas bon heronnier, Car n'est ne viste ne legier. L'un pas bien ne le maintendra A l'iaue, l'autre au change yra. (La Buigne, Rom. deduis B., 1359-1377, 473)

Quant ses faucons s'en va au change, Il le reclaime, il le lesdange, Il crie, il huche, il huie, il brait Tant que li faucons oit son brait (Mach., Voir, 1364, 724)

...Et s'il est qu'aucun [jeune chien] se defface ['perde la trace'] , On le bat, forhuie et menace, Quant au change va et se tort, A tel fin qu'il ne se mefface : Qui autrement fait, il a tort. (Desch., Oeuvres R., t.8, c.1370-1407, 151)

Accueillir/chasser/prendre le change. Poursuivre une autre bête que la bête chassée.

Il avient que, quant l'en lesse courre les jeunes chiens rades aussi tost comme les autres, que de leur radeur il enpaingnent et passent oultre, et aqueillent le change bien souvent. (Henri Ferr., Modus et Ratio, Livre deduis T., c.1354-1377, 40)

Le faucon se va esloignier Pour le change qu'il veult chacier. Son maistre se prinst a huer, Mais il ne voult pas retourner, Quar il avoit fain de soy paistre. (La Buigne, Rom. deduis B., 1359-1377, 101)

Un[e] autre fois si loing ira [le faucon] Prendre le change que son maistre Ne li toudra pas a soy paistre (La Buigne, Rom. deduis B., 1359-1377, 108)

Et, s'il n'i venoit nul veneur ne aide et il voit que le cerf soit grant cerf et vieill et les sis chienz qui le chaceront soient des bons chienz de la muete, il doit releissier, sanz ce qu'il n'i ait ne veneur ne ayde, quar moult de foiz, comme j'ay dit, et les veneurs et toute la meute acuillent bien le change la ou quatre chienz, ou plus ou moins, en meneront le droit. (Gast. Phébus, Livre chasse T., 1387-1389, 197)

Prendre de change un oiseau Prendre un oiseau à la place de l'oiseau chassé.

...chen ['ce'] qui plus l'areste et fait haïr de prendre oisel de change, c'est pour lui donner choses ameres suz la char des oisiaux que il prendra de change (Henri Ferr., Modus et Ratio, Livre deduis T., c.1354-1377, 193)

Il a sur son cheval monté, Aval la riviere est alé Pour trouver encore autre vol, Si l'a trouvé tout a son vol. Un beau muier de bois geta, Mais a son gre [l. gré] pas ne vola, Quar un oisel a pris de change (La Buigne, Rom. deduis B., 1359-1377, 107)

Se mettre en change. Se mettre à la poursuite d'une autre bête que la bête chassée.

Et jetta ses fauconniers un faucon apriès le hairon, et li contes ossi un. Si se misent cil doy faucon en cange, et li contes apriès, ensi que pour les lorier ['leurrer'] , en disant : hoie ! hoie ! (Froiss., Chron. L., IV, c.1375-1400, 36)

B. -[Idée de changement]

1.Changement (en amour), inconstance.

Se vostre cueur ayme le change, Je luy repute a grant louenge, Car cela luy vient par Nature. De voulloir user de revenge, Le terme me seroit estrange. (Au grey d'amours F.-H., c.1400-1500, 190)

Il jurera aussi secondement Qu'en ung seul lieu amera fermement, Sans point querir ou desirer le change ; Car, sans faillir, ce seroit trop estrange Que bien servir peust un cueur en mains lieux (CH. D'ORLÉANS, Ret. am. C., 1414, 12)

Qui a faulcon, oisel ou chien Qui le suit, ame, craint et doubte, Il le tient chier et garde bien Et ne le chace ne deboute : Et je, qui ay m'entente toute En vous sans faintise et sans change, Suis rebouté plus bas qu'en soute Et moins prisé q'un tout estrange. (Chart., B. Dame, 1424, 345)

Aller au/en change. Être inconstant en amour, changer de partenaire.

Et, par ma foy, Je n'ay penser qui ne soit contre moy ; Et si le pren au pis. Savez pour quoy ? Pour ce qu'aler ma dame en change voy. (Mach., J. R. Beh., c.1340, 97)

Mon biau sire, se Dieus me gart, Moult avez estrange regart, Et s'avez diverse parole ; Et s'avez esté a l'escole, Si com je croy, d'aler en change ; Et pour ce que li cuers vous change, Vous cuidiez que chascuns le face Si com vous ; mais ja Dieu ne place ; Car je prouveray le contraire De fait, cui qu'il doie desplaire. (Mach., J. R. Nav., 1349, 244)

Et ainsi par celle laideur et mescheance, il ne la peut depuis si parfaictement amer comme il souloit devant, et ala au change. (La Tour Landry, Livre pour l'enseign. de ses filles, éd. A. de Montaiglon, 1371, 37)

Et si bien lui en souvenra Que jamais ne l'oubliera, Mais lui reprouchera toudis Le default, et encor vous dis Que se son mari la laidange, Pour ce qu'il se doubte qu'au change Ne voit trop souvent ou dehors, Et pour ce qu'il oit les rappors Qui ne lui sont pas agreable De sa femme, mais reprouchable, Et que trop souvent va en ville (Desch., M.M., c.1385-1403, 128)

Par quoy sans nul delaiement Serïez de celle haÿ Qui sy fort vous aroit chery ; Mais Fausseté qui vous chalange Vous feroit tost aler au change. (Cent ball. R., c.1388-1396, 54)

...qui les suyt [les femmes] est aveugle et confus, Quant vont toutes et si souvent au change. (Au grey d'amours F.-H., c.1400-1500, 166)

...elle luy dist [à son mari] qu'elle estoit trop desplaisante qu'il estoit si petitement fourny de cela que vous savez, c'est asavoir du baston de quoy on plante les hommes, comme dit Bocace. 'Voire ! dist il, et est ce cela dont tant vous dolez ? Et par mon serment, vous avez bien cause. Toutesfoiz il ne peut estre aultre, et fault que vous en passez tel qu'il est, voire si vous ne voulez aller au change.' (C.n.n., c.1456-1467, 471)

'Haa Corfus !' respondy le roy. 'Leal amant n'usa oncques des termes que vous dittes. Quant un prince poeut parvenir a l'amour d'une dame, belle a l'oeil, sage et de bonne maison, n'est ce assez pour luy ? Cil qui vient en telle fellicité et va au change, certes est digne de reproce.' (LEFÈVRE (R.), Hist. Jason P., c.1460, 141)

Remarque : D'apr. FEW II-1, 124b, n.1, aller au change n'est pas en rapport avec son équivalent en CHASSE.

2.Passer un change. Supporter un changement difficile.

ZEBEDEUS. Comment donc ? Vous me laisserez, Enfans, pour suïr ung estrange [Jésus] ? JEHAN L'EUVANGELISTE. Il vous convient passer ce change, Pere ; Prenez en pacïence, Car nous tenons en conscïence Qu'en ce gist nostre sauvement. (Gréban, Pass. J., c.1450, 147)

3.Aspect chatoyant, changeant (d'un tissu) (?).

Or vas tu et viens par les voyes Et les quarfours beaux et plaisans, Et ne peut estre que ne voyes Aux cabarés perdrix, faisans, Vins enmiellez, fors et cuisans, Changes de draps, plaines bouticles, Aux fenestres dames luisans Comme fin cristal ou bericles. (Martin Le Franc, Champion dames D., t.4, 1440-1442, 51)

4.Au féminin. Changement (en mal), abaissement.

...se tu prens ton loysir a lyre Seneque ez tragedies, et Jehan Bocace en son livre du cas dez Nobles, tu ne orras autre leçon que de la change [var. chance M° O° ZO, XV^e s.] dez haultz hommez, la perte des conquereurs et ravalement de ceulx qui trop ont voulu surmonter. (Chart., L. Esp., c.1429-1430, 141)

Remarque : La lecture chance 'situation incertaine, hasardeuse, infortune' que proposent les var. semble préférable, le féminin pour change constituant un hapax douteux.