MEDITATION

substantif féminin

[T-L : meditacïon ; GDC : meditation ; AND : meditacion ; FEW (VI-1, 618a) : meditatio ; TLF (XI, 576a) : méditation]

A. -Fait de méditer, de réfléchir, réflexion, méditation.

Mais pour che que estudieuse meditation applique merveilleusement fort le corage aux choses qu'on veult scavoir, selonc le dit de Tulle : «Estude est occupation acoustumee et forte de corage a auchune chose appliquee», il le convient moderer principalment es enfans et es josnes gens, afin que par trop grant traveil ne nuise au corps, ou qu'elle ne destruise la chambrette de la memoire ou cervel, ou qu'elle ne oste le norrissement de dormir (Daudin, De la erudition H., c.1360-1380, 122)

Et de ce disoit Enetius le poëte en ceste maniere : 'Je di que la meditacion et pensee longue et durable demeure es genz amiablement et delictablement.' (Oresme, E.A., c.1370, 399)

Meditacio (...) : meditacion, pensee (Aalma R., c.1380, 251)

Cecy faisant, Charles estoit en grande meditacion et cogitoit que la querelle de Olivier estoit juste et que Dieu le devoit preserver (Bagnyon, Hist. Charlem. K., c.1465-1470, 50)

À chef de (sa) meditation. Au terme de (sa) réflexion.

...a chef de sa meditacion, se tire près d'elle, plorant, ses genoulz tout en bas sur la terre (C.n.n., c.1456-1467, 29)

...a chef de sa meditacion, entre aultres parolles, et [il] dist... (C.n.n., c.1456-1467, 245)

B. -En particulier. SPIRITUALITÉ Cogitation spirituelle, contemplation.

A che propos est le dit de saint Jherome sur l'Epistre aux Ephesiens : 'Se auchune chose est en ceste vie, qui tiengne l'omme sage et qu'il le faiche non muer corage entre les tourbles et pressures de che monde, je tiens que c'est principalment meditation et science des Escriptures.' (Daudin, De la erudition H., c.1360-1380, 120)

Beauté de contemplacion, Repos de meditacion, Pure leçon de sapience Et le miroir de conscience Aiment aucuns, et n'ont pas tort. (Desch., M.M., c.1385-1403, 224)

...qui tousjours estoient ententis et occupez en saintes meditacions et par leurs bonnes euvres edifioient eulx et leur proesme (Horloge de sapience S., c.1389, 81)

Ilz jugent nices ceulz qui mettent toute leur cure a oÿr parler de Dieu par Escripture ou sermon, a parler a luy par saincte oroison et meditacion, et sont nus, familleux, povres, souffreteurs, angoisseux, haÿz, moquez pour son amour (Gers., P. Paul, a.1394, 515)

Ainsy comme je me delictoye a regarder ce delicieux et celestiel champ et tres flourissant jardin de la divine Escripture, planté, anté et ordonné par la propre main du Saint Esperit, et que d'un lieu en l'autre par estude et meditacion plaisamment me transportoye, avint que je descendi en une partie de ce jardin, la plus gaye et florissant, qui se nomme Cantiques (Gers., Concept., 1401, 388)

...en l'estude de sainte Theologie et en ses secretes meditations (Chart., L. Esp., c.1429-1430, 28)

Se tu te sustrais de loquucions superflues et de circuicions oiseuses et d'oïr nouvelletés et rumeurs, tu trouveras temps suffisant et convenable pour entendre, et toy tenir en bonnes meditacions (Internele consol. P., 1447, 323)

Par quelconque excercice que la personne peut plus estre promeute a tele mortification de soy et vivification et transformation en Jhesu Crist, soit par lechon, meditation, oroison, euvre de misericorde corporele ou espirituele, par ce de tant plus est elle disposee a la sainte et sacree communion. (Traité S. Sacr. B., c.1450-1500, 176)

Cecy estre dit, l'ange s'en ala, et Charles par glorieuse meditacion remercia Dieu devotement. (Bagnyon, Hist. Charlem. K., c.1465-1470, 56)

[Dans le courant de Saint-Victor] Degré intermédiaire entra la cogitation et la contemplation dans l'exercice spirituel qui mène l'homme à la connaissance de Dieu.

Deux choses sont, comme dist Hugue, qui principallement excercitent l'engien, asscavoir lechon et meditation (Daudin, De la erudition H., c.1360-1380, 101)

Et comme dist Hugue : 'La leçon administre matere pour congnoistre verité, et meditation le applique'. (Daudin, De la erudition H., c.1360-1380, 124)

Le quint degre qui est le souuerain contemplacion appartient aulx parfais. Les moyens degrez comme meditacion oroison et vertueuse operacion appartiennent aulx prouffitans, et de tant que on en monte plusieurs de tant plus on approche a perfection. (Cib., p.1451, 177)

Car une même chose est aultrement en lentendement par cogitacion, aultrement par meditacion et aultrement par contemplacion. Cogitacion est vague et incertaine et va et vient sans quelque fin ou determinacion, meditacion se efforce a determiner son entendement et parquerir la condicion dune chose, contemplacion vole franchement par une agilite dentendement a congnoistre parfaictement les choses contemplees. (Cib., p.1451, 181)

En meditacion y a labour et fruict et ce sauoit Dauid qui disoit : in meditacione mea exardescet ignis, en ma meditacion le feu se alume, cest charite qui se embrase par saincte meditacion. En contemplacion ny a pas si grant labeur et mieulx ny a point de labeur et si y a grant fruict. En cogitacion il y a euagacion de pensee, en meditacion il y a parquisicion et inuestigacion, en contemplacion il y a admiracion et consolacion. (Cib., p.1451, 181)

En cogitacion il y a euagacion de pensee, en meditacion il y a parquisicion et inuestigacion, en contemplacion il y a admiracion et consolacion. Cogitacion vient de lymaginatiue, meditacion vient de raison, contemplacion vient de lintelligence. Or entens bien comment tu congnoistras lune de lautre, cogitacion a vng mouuement vague et passe de lung a lautre, meditacion perseuere et entent a une chose, contemplacion entour une chose voit choses innumerables et soy espant par intelligence aussi comme se lentendement se dilatoit (Cib., p.1451, 181)

Et ainsi cest proprement contemplacion quant lame se delite et se arreste a veoir en admiracion ce quelle voit, et par ce elle differe de cogitacion la ou ny a point de plaisir ne darrest, et de meditacion la ou ny a pas si grant plaisir car il ny a pas si grant admiracion de ce que on congnoist par meditacion simple comme par contemplacion, neantmoins tu dois sauoir que meditacion est bien pres de contemplacion et souuent on passe de lune a lautre, et pour tant aucunes fois les docteurs et les sainctes escriptures prenent lune pour lautre (...) Meditacion est une determinee cogitacion par laquelle on quiert la maniere, la cause, la raison et condicion de la chose a quoy on pense. (...) saincte meditacion est diuisee en trois especes ou manieres. La première est es creatures. La seconde est es meurs. La tierce est es commandemens et diuines institucions. (Cib., p.1451, 182)

Au pluriel. [Titre d'ouvrage]

...pour ce dit saint Anseaumes de elle en ses meditacions : O famme singuliére merveilleusement... (Mir. Theod., 1357, 80)