ORAISON

substantif féminin

[T-L : oraison ; GDC : oraison ; DECT : oraison ; FEW (VII, 385b,386a) : oratio ; TLF (XII, 573a) : oraison]

A. -Discours.

Comme li liegat s'en feussent venu a Fabius et il luy eussent baillié le senat-consult et aveques ce il eussent fait une allocucion et oroison covenable aus mandemens que l'en luy faisoit, le consul, sans mot sonner et les iex enclinez, se departi d'ilec sans ce que li liegat seussent aucune chose de ce qu'il entendoit a faire (Bers., I, 9, c.1354-1359, 38.13, 71)

La dicion c'est mot, me semble, Qui n'a aucune foiz que une Sillabe et autre foiz aüne Plusieurs ensemble, et oroison C'est assemblee ou foison De plusieurs dictions (Chr. Piz., M.F., II, 1400-1403, 126)

Marc Anthonius jamaiz ne mettoit en escript nulles de ses oroisons, lesquelles il faisoit en son plaidoier, adfin que, se une aultre foiz il disoit le contraire, que il le peust affermer sans ce que on le peust reprendre par son escript. (La Sale, Salade, c.1442-1444, 26)

SOTOUART. Autant de farces fist encores Que on a mis[es] en inventoire. CROQUEPIE. Puis de [sotties] grant foyson Pour sa derreniere orayson. (Vig. Trib., c.1480, 232)

...nous vous tenons assez records de la belle et singuliere oraison que nous fist nostre chere et bien amée Françoyse (Lettres Ch. VIII, P., t.4, 1495, 141)

L'un d'eulx pour tous, de tres bonne maison, Luy presenta les clefz de la cité, En luy faisant une belle oraison Par demonstrance que de longue saison Ilz s'estoyent mys soubz son auctorité (La Vigne, V.N., p.1495, 200)

Discours amoureux.

...ne luy suffisit pas de l'amer et servir en cueur seullement, mais d'oroison, comme il a fait cy devant, la veult arriere reservir. [Un seigneur courtise de près sa chambrière] (C.n.n., c.1456-1467, 116)

GRAMMAIRE Phrase, proposition, locution.

La seconde science est gramaire, qui est science de ordonner icheulx noms imposés aux choses et de composer oroisons, c'est a dire assambler paroles en sens parfait. (Daudin, De la erudition H., c.1360-1380, 76)

Car aussi comme les lectres sont les parties des sillabes et les sillabes des diccions, et les dictions des oroisons ou proposicions, semblablement les premieres parties de maison ou d'ostel sont le mari et la femme. (Oresme, E.A.C., c.1370, 443)

Si comme en grasmatique, qui veult cognoistre la nature d'une oroyson, il considere de quelles et de quantes parties ou dictions elle est (Oresme, Pol. Arist. M., c.1372-1374, 46)

Oracio (...) : oroison ou locucion (Aalma R., c.1380, 291)

Et me semble qu'il a en elle .IIII. principales parties, Qui par tel ordre sont parties : Lettre, sillabe et oraison, Diction, et toute raison De latin faut par cestes mettre. (Chr. Piz., M.F., II, 1400-1403, 126)

B. -Prière ; p. méton., recueil de prières.

1.Prière adressée à Dieu, à un saint.

...Jeune, aumosne et oraison Et messe (Tomb. Chartr. Trois contes S., c.1337-1339, 86)

Si entra en son oratoire Pour le souverain Dieu de gloire Aourer, loër et prier, Ne riens nel peüst detrier Qu'a genous trois fois la journee Ne fust s'orison presentee A Dieu qui deffent et qui garde De tous ceaus qu'il prent en sa garde ; Si tourna son cuer et sa face Vers le souverain Dieu de grace Et par devers Jherusalem. (Mach., C. ami, 1357, 37)

Quant il ot finé s'orison, En parfaite devotion Des plours de son cuer arousee Et de parfons soupirs sevree, En recongnoissant son delit Et son droit Dieu, tant abelit A Dieu qu'il oÿ sa priere (...) Que de prison le deslia (Mach., C. ami, 1357, 55)

...le sauveur du monde, qui nous bailla et aprist la fourme de requerre et demander en l'orison de la sainte patenostre... (Mir. Barl. Josaph., c.1363, 246)

'Et le conte de Foeis a-il point amendé la mort du chevalier, et en a -til point... esté courroucié ?' -'Oïl, trop grandement... mais des amendes n'a-il nulles faictes, se ce n'est par penance secrete, par messes ou par oroisons' (Froiss., Chron. M., XII, c.1375-1400, 64)

David li prophetes jadis, Quant il voloit apaisier l'ire De Dieu, il acordoit sa lire, Dont il harpoit si proprement Et chantoit si devotement Hympnes, psautiers et orisons, Einsi comme nous le lisons, Que sa harpe a Dieu tant plaisoit Et son chant qu'il se rapaisoit. (Mach., Prol., c.1377, 10)

De Jhesu Crist nous tenons la patenostre, et ceste nous disons a Dieu le pére par maniére de orison ; des apostres nous tenons la credo, et ceste nous disons par maniére de confession ; et de l'ange la salutacion qu'il fist a la vierge benoite, et ceste disons nous par maniére de loenge et de salutacion. (Mir. fille roy, c.1379, 5)

...que nous soyons participans aux orisons et prieres qui seront fais en ladite eglise (Trés. Reth. S.L., t.2, 1389, 359)

...un role de parchemin ouquel sont escrips plusieurs oroisons (Reg. crim. Chât., I, 1389-1392, 364)

Et qui est chose qui tant empesche a avoir cuer humilié et devot, contrit et humble en oroison, comme est Plaisir mondain ? Que veult autre chose Plaisir mondain fors boire et mengier, flaver et jouer, suyr taverne et fuyr moustier, ouyr plus tost detraction ou vilains et ors parlemens que predicacion ? (Gers., Déf., 1400, 225)

...tant pria Dieu et de cuer merci crya, Par jeunes et par oroisons (Chr. Piz., M.F., I, 1400-1403, 152)

...non pas luy donner gloire de bouche seulement, comme font ceulz qui en disant leur patenostre ou autre oroison, ou en oyant la messe ou sermon, ont le cuer tousjours a terre (Gers., Noël, p.1404, 299)

...en recommendant soy et ses affaires à la grace et providence de Dieu, aux prieres, oroisons et bonnes euvres de ses bons subgiez et bien vueillans (Fauq., I, 1417-1420, 194)

DEUS. Vous quil seans alés vendant, L'on n'y doit nulle chose vendre, Acheter, paier ne despendre, Car Dieu cy dit de sa maison Ce doit estre lieu d'orison (Pass. Semur D.M., c.1420 [1488], 159)

...je me fonde sur l'Escripture, qui dit que oreison appaise l'ire de Dieu. (Chart., L. Esp., c.1429-1430, 156)

...et que, pour ce faire, lesdiz trois estas promisdrent de secourir et aider au roy, c'est assavoir les gens d'eglise de prieres et oroisons et biens de leur temporel, et les nobles et populaire de corps et de biens, et jusques à la mort inclusivement. (Roye, Chron. scand., I, 1460-1483, 200)

Quant les saints docteurs dient que predestination se aide par orisons, pas n'est a entendre telement que chose temporele soit cause de l'eternele, mais quant a l'effect de ce que fait predestination, orison aide (Somme abr., c.1477-1481, 168)

SECOND [PAYEN (qui vient d'être baptisé par saint Martin)] . (...) Il fault que je me contregarde De procurer crismes infectz Et admoderer mes forfaiz Par penitence et oroison, Le servant, par ditz et par faiz, Sans cesser en toute saison. (La Vigne, S.M., 1496, 498)

Dire (une/son/ses) oraison(s)

...le gentil homme (... ) avoit dit au matin ses oroisons (Froiss., Chron. M., XII, c.1375-1400, 21)

Et est assavoir que en commensant et disant ceste petite precieuse oroison, on doit faire une croys de son paouch sur la poitrine. (Mézières, Vertu sacr. mar. G.-K., c.1384-1389, 43)

Et lors commenca on par les abbayes, priorés et eglises qu'elle avoit fondees, a dire pseaulmes, vigilles, et universaires faire pour la dame. Et fu regretee de tout le peuple, grant et petit, noble et non noble, en faisant plours et lamentacions. Et le clergié en disoient oroisons et messes moult devotement. Et Remond en fist faire mainte noble priere et devote. (Arras, c.1392-1393, 261)

Ce jour, les tresorier, chanoines et college de la Sainte-Chapelle alerent oudit hostel de Saint-Pol dire vigiles et oroisons pour l'ame dudit feu Charles VIe. (Fauq., II, 1421-1430, 59)

...il se tire ung petit arriere de luy, disant ses oroisons et paternostres. (C.n.n., c.1456-1467, 298)

Je arryvay à Amboise deux jours après son trespas et allay dire mon oraison là où estoit le corps, et y fuz cinq ou six heures (Comm., III, 1495-1498, 312)

[Par allusion grivoise]

... [la chambrière] dit a monseigneur le gouvernement de madame, et dont elle venoit a ceste heure de dire ses oroisons, et avec quy. (C.n.n., c.1456-1467, 272)

Oraison publique. Prière dite à haute voix.

Quant le prestre dit les oroisons publiques... (Jean Golein, Rational B.D., c.1370-1372, 344)

Estre en oraison

Item, tout près d'icelle pierre a une petite chappellette en laquelle saincte Marie Magdelaine estoit en oroisons quant Nostre Seigneur s'apparut a elle et elle l'apparçut. (Voy. Jérus., c.1395, 28)

Si estoit en orissons a Dieu que il lor vosist donner et envoiier victore. (Froiss., Chron. D., p.1400, 890)

...et là se agenoilha et, toute la nuyt furent en oroison, requerant le Dieu inmortel que icelle mer se pense retraire affin de passer et, à sa priere, la mer se retira de IX piez (Simon De Phares, Astrol., c.1494-1498, f° 102 v°)

Faire (son/ses) oraison(s)

Si fu la messe apparillie, Devotement ditte et oye. Et la fis je mes orisons A Dieu, et mes afflictions, Qu'il me vosist sauver ma dame En honneur, en corps et en ame (Mach., R. Fort., c.1341, 143)

Et avecques ce, ilz [les assemblees] sont pour garder amistié et pour faire oroisons pour le salut de la communité et pour le bien publique. (Oresme, E.A.C., c.1370, 433)

Item, les paiens ydolatres n'eurent onques cultivement divin, mes en estoient plus loing que les desus diz qui ne feroient ne oroisons ne sacrefices. (Oresme, Pol. Arist. M., c.1372-1374, 302)

Lequel prisonnier estant en la fin de ses jours et après ce qu'il ot fait ses prieres, orisons et recommendacions à Dieu, congneut et confessa [ceci] (Reg. crim. Chât., II, 1389-1392, 494)

TERCIUS MARTIR. Ung peu me laisse, je t'em pry, Amy, faire mon orison A Dieu, qui souffrit passion, Et a sa mere, ma priere. Tresdoulce Vierge, tresoriere De tous biens et de toute grace, Plaise vous nous en ceste place Et autre part reconforter. (Myst. st Adr. P., c.1450-1485, 75)

...devant la figure et remembrance de Nostre Seigneur a genoulz vous mectez, et aussi a Nostre Dame, et a jointes mains, (...) faites voz prieres et oroisons de tout vostre cuer, non pas a eulz mais pour l'amour de Cellui qui est es cielz. (La Sale, J.S., 1456, 44)

...leans font les tresdevotes oroisons a Dieu le tout puissant (C.n.n., c.1456-1467, 103)

...sa response estoit plus asseurée que la plus juste de ce monde faisant a Dieu son oroison. (C.n.n., c.1456-1467, 465)

Et, par tous les lieux en ladicte ville par où le roy passa celle journée, estoit tendu au long des rues bien notablement. Et ainsi s'en ala faire son oroison en l'eglise Nostre-Dame de Paris, et puis s'en retourna souper en son Palais royal à Paris, en la grant sale d'icellui : lequel souper fut moult bel et plantureux, et coucha celle nuit oudit palais. (Roye, Chron. scand., I, 1460-1483, 29)

Et, par tout son chemin où il passa par ladicte ville, estoit tout tendu de tapisserie jusques à l'eglise Nostre-Dame de Paris, où il fist illec son oroison. (Roye, Chron. scand., II, 1460-1483, 100)

Se mettre en oraison(s)

LE PAPE. (...) En oroison nous metterons Et mercierons Jhesu Crist De ce que le faux antecrist Ne nous a fait mal ne dommage. (Mir. mère pape, c.1355, 389)

Vous laisserez ceans vostre belle fille, dit l'ermite, et elle et moi en oroisons nous mettrons (C.n.n., c.1456-1467, 103)

2.En particulier. [Dans le courant de Saint-Victor] Un des exercices spirituels pour parvenir à la contemplation de Dieu.

La vie des iustes en ce monde est excercitee en cinq choses par les quelles ainsy que par degrez elle est subleuee a la perfection qui est aduenir en la vie mortelle. Le premiere chose est doctrine, la seconde est saincte meditacion, la tierce est oroison, la quarte est operacion, sensuit la cinquiesme chose qui est contemplacion en laquelle aussi comme on fruit des quatre precedentes on gouste en ceste mortelle vie quel louyer ou guerdon on aura en lautre (Cib., p.1451, 177)

Le quint degre qui est le souuerain contemplacion appartient aulx parfais. Les moyens degrez comme meditacion oroison et vertueuse operacion appartiennent aulx prouffitans, et de tant que on en monte plusieurs de tant plus on approche a perfection. (Cib., p.1451, 177)

...il se fault drecier et assourdre au tiers degre, cest oroison et demander laide et la grace de Dieu sans le quel tu nas puissance de faire quelque bien (Cib., p.1451, 178)

3.Par métonymie. Recueil de prières, livre de prières.

...il luy vouloit monstrer une ymage de Nostre Dame et une belle oroison qui estoit en sa chambre. (C.n.n., c.1456-1467, 220)

...ung petit livre couvert de veloux cramoisi ouquel a des quizielles. Le tout remys en lad. bourse avecques de petites oraisons en parchemin. (Invent. biens Ch. Savoie T., 1484, 432)