PATENOSTRE

substantif féminin

[T-L : paternostre ; GDC : patenostre ; DECT : paternostre ; FEW (VIII, 10b) : pater ; TLF (XII, 1162b) : patenôtre]

A. -[Prière]

1.Au propre. Prière du Notre Père (en partic. oraison dominicale, Pater Noster).

LE PATRIARCHE. (...) Je t'absolz ; plus ne te debaz, Mais dy ta patenostre et baz Ta coulpe, ains que partes de cy (Mir. st Guill., c.1347, 35)

...le sauveur du monde, qui nous bailla et aprist la fourme de requerre et demander en l'orison de la sainte patenostre... (Mir. Barl. Josaph., c.1363, 246)

Et puet estre que le nombre a menu des journees, qui par le decret en leur office leur sont octroyees [aux juges], leur vient plus souvent a memoyre que la pater nostre ne l'ave maria. (Mézières, Songe vieil pèl. C., t.1, c.1386-1389, 496)

Requis se il scet sa paternostre et son Credo, dist par serement qu'il scet bien sadite paternostre, maiz ledit Credo , non. (Reg. crim. Chât., I, 1389-1392, 94)

...et, ce fait, avant ce que elle merlast aucunement icelle cire et poix ensamble, deist sur iceulx trois fois l'euvangile saint Jehan, et trois fois la patenostre et Ave Maria (Reg. crim. Chât., II, 1389-1392, 323)

...en donnant gloire a Dieu nous devons eslever noz cuers et noz penseez a Dieu la sus, non pas luy donner gloire de bouche seulement, comme font ceulz qui en disant leur patenostre ou autre oroison, ou en oyant la messe ou sermon, ont le cuer tousjours a terre, c'est a dire a pensee terrienne (Gers., Noël, p.1404, 299)

Dictes pour luy le patrenoustre, Et vous gagnierés le pardom. (Myst. st Sébast. M., c.1450-1500, 295)

SATHAN. Sa patenostre Luy fera bien de gringoter [au chrétien qu'on va écraser] . (...) LE CRESTIEN. Au meurtre ! (Mir. st Nic. juif, c.1480-1500, 138)

Donnez moy tost et lon dira Pour vous tous demye patenostre. (Myst. st Martin K., a.1500, 365)

Remarque : JEAN GOLEIN, Rational B.D., c.1370-1372, gloss. ; FOUL., Policrat. B., II, 1372, 134 ; TARDIF, Facéties Pogge D.H.-P., c.1490, 85/3...

Voir comme patenostre

Vous dites voir com patenostre. (Mir. abbeesse, 1340, 84)

Par m'ame, c'est parole voire, Einsi comme est la patenostre, Que le fis et que je sui vostre, Ma dame, et vostre honneur soit sauve Que j'aim, vueil, desir, quier et sauve, Com celle que je vueil sauver Tant com m'ame qu'ay a sauver. (Mach., R. Fort., c.1341, 137)

[Dans une formule d'invocation ou de serment]

Foy que je doy la patenostre, Et je me vueil ycy gesir, Car aussi ay ge grant desir De sonmeillier. (Mir. ev. arced., c.1341, 111)

LE ROY. (...) Vous jurez par la patenostre Et par la foy qu'a Dieu devez Que ma fille que ci veez Prendrez a femme ? (Mir. Amis, c.1365, 42)

2.Par extension. au pluriel. Oraison, prière.

Seigneurs, voz patenostres dites Pour messire Jehan Compaigne Jadis evesque d'Alemaigne (Mir. ev. arced., c.1341, 119)

Derriére vous si m'asserray Et mes patenostres diray A basse vois. (Mir. Clov., c.1381, 201)

...servir Dieu en oiant messes, sermons et disant paternostres et oroisons (Chr. Piz., Trois vertus W.H., c.1405, 207)

Vous, lais, dictes vos patrenostres, Et vous, clers, qui estre devez Example de bien, sus levez ! En publïant nos estatus Chantez Te Deum Laudamus ! (Mart. st Pierre st Paul R., c.1430-1440, 161)

Armez vous tous diligenment, Sy vous en yrez prestement Par les lieux de devocion Savoir se trouverez nul hon Qui tienne aultre loy que la nostre. Il leur fault aultre patenostre Aprandre qu'i ne l'ont aprinse. (Myst. st Adr. P., c.1450-1485, 71)

Si vint l'espousé premier, et se confessa a ce curé ; et quand il eut fait, il se tire ung petit arriere de luy, disant ses oroisons et paternostres. (C.n.n., c.1456-1467, 298)

Et l'un desdiz crieux, qui aloit devant ledit corps, crioit : 'Bonnes gens, dictes voz patenostres pour l'ame de feu Laurens Guernier, en son vivant demourant à Provins, qu'on a nouvellement trouvé mort soubz ung chesne ! Dictez en voz patenostres que Dieu bonne mercy luy face !' (Roye, Chron. scand., II, 1460-1483, 83)

EMPEREUR. (...) Mais, affin que mieulx je m'acoustre, Donnez moy par devocion, En disant une pastenostre, Vostre humble benedicion. (Il se mect a genoulx.) (La Vigne, S.M., 1496, 510)

Remarque : Lorsqu'il s'agit du Pater, l'auteur des C.N.N. emploie le lat. et le terme est alors masc. et non agglutiné (S'il vous plaisoit, j'entreroye voluntiers dedans ceste eglise pour dire ung Pater noster et ung Ave Maria, p.217). Il devrait cependant s'agir du Pater ds l'ex. suiv.

Montbleru les mena en la grand eglise d'Envers (...) Quand ilz eurent chacun dit une paternostre, ilz dirent a Montbleru... (C.n.n., c.1456-1467, 399)

Patenostre du papelard / patenostre du renard / patenostre de la pie / patenostre du singe. Prière récitée sans conviction, prière hypocrite.

Aucuns dyent la patenostre du singe ou de la pie : ilz barbotent sans scavoir que eulz dyent, et sans penser a Dieu la sus. Les autres dyent la patenostre du regnart qui au matin dit patenostre, et puis tantost happe le nostre. Les tiers dyent la patenostre du papelart pour soy couvrir du mantel d'ypocrisie et de faintise, et on les congnoist aux oeuvres. (Gers., Noël, p.1404, 299)

3.Par analogie. Suite de paroles.

Regarde cy quel patre nostre Je ly ay fait cy dedans escrire (Oudin, St Genis M.S., c.1490, 74)

B. -[Chapelet]

1.[Gén. au plur.] Chapelet dont chaque grain répond à un Pater Noster qu'on doit réciter, chapelet.

...unes patrenostres de ambre. (Jean Le Long, Voy. Odoric A.M., 1351, 33)

Hannequin l'orfèvre, pour l'or de unes patenostres qu'il a faites pour le Roy (...) sur la façon des dictes patenostres, et de anneaux, et une croiz qu'il a faicte, paié à la relacion M. J. le Royer, 10 nobles (Comptes argent. rois Fr. D.-A., I, 1359-1360, 271)

Mon tresdoulz cuer, je vous envoie ce que vous m'avés mandé, et vos paternostres ; et vous promet loyalment que je les ai portees, tout en l'estat que je les vous envoie, .II. nuis et .III. jours, sans oster d'entour moi ; et, depuis que li fremaillés fu fais, ai je tous jours porté les paternostres en ycelle maniere que je les vous envoie ; si vous pri que vous le[s] veuilliés porter. (Mach., Voir, 1364, 458)

Il est assavoir que la (...) preudefemme mariee est comparee a la patrenostre d'ambre qui est belle et reluisant et flaire souef et est instrument de la loenge de Dieu et de dire ses Patenostres. Mais quant la patenostre d'ambre est bien frotee et eschauffee elle attrait la paille a lui, c'est la femme luxurieuse eschauffee de luxure, qui non tant seulement attrait la paille a lui mais le grain aussy, c'est assavoir la char de l'omme et le cuer et la chetive ame. (Mézières, Vertu sacr. mar. W., c.1384-1389, 291)

Il estoit vestu d'une cote large et longue jusques aux piez, nonpas d'escarlete ou de fin drap de Louviers, mais de longues feuilles de pommiers treillees ensemble comme on fait ung pannier. Et portoit en sa main destre pour lui appuyer une potence et a l'autre ses patenostres de XV notz ou XX. (Mézières, Songe vieil pèl. C., t.1, c.1386-1389, 192-193)

... [il] trouva en ycellui [coffre] environ XXV fr.en or, un annel d'or à un levrier blanc, unes paternostres d'argent à freses de pelles, un chapeau et une coiffe d'or, une paternostres d'or (Reg. crim. Chât., I, 1389-1392, 32)

...l'en li avoit prins et osté unes patenostres d'ambre qui bien valoient XL s. par., et lesqueles elle avoit acoustumées de porter et aussi de mettre esdites aurmailles (Reg. crim. Chât., II, 1389-1392, 426)

...elles se meslent de devocion parmy, pour mieulz tout couvrir, et vont au mostier a tout patenostres, et la est le peril. (Chr. Piz., Trois vertus W.H., c.1405, 211)

Quelx patenostres A fourer les poings d'un hermite ! (Pipée R., c.1470-1480, 172)

À Charles, mercier, sur neuf escus qui luy sont deuz pour plusieurs patenostres de gest, deux saint Sébastien en verre cristalin (Roi René vie L., 1476, 375)

BLONDINE. Madame viendrez vous par tant Ouyr la Messe au moustier. POLYE. Ouy quant et toy veulx y aller Mes patenostres me faut prendre (Myst. st Martin K., a.1500, 316)

Remarque : SAINT-GELAIS, Séj. honn. D., c.1490-1495, gloss.

2.Par métonymie. Grain de chapelet.

Item achité 10 000 de paternostre d'estain (...). Item 3-12e de paternostre de gulchenne petite à 6 gros la 12e (...). Item 2-12e de petite paternostre de boix pour homme (...). Item achité à Anvers à la Pantecoste (...) 2-12e de paternostre petite de verre (Metz Comptes merciers S., 1461, 68)

3.Par analogie. Perle semblable aux grains de chapelet.

...une once troys cars de patenostres d'ambre blans (Comptes roi René A., t.2, 1476, 423)

...une douzaine de patenostres pour faire une ceincture ung florin, et pour autres petites merceries que le roy lui a donnez montant VII f. pour ce VIII fo (Comptes roi René A., t.2, 1478, 355)