SERMON

substantif masculin

[T-L : sermon ; GDC : sermon ; FEW (XI, 515a) : sermo ; TLF (XV, 391b) : sermon]

A. -Propos, discours.

1.Propos.

Je veuil cy finer mon sarmon, Que trop longuement vous sarmon ; Et s'ai bien prouvé par mon plaint Qu'assez reuve qui se complaint. (Mach., Voir, 1364, 256)

'...Or leur couron vitement seure, Si seront tantost desconfit.' Chascuns son commandement fit Si bien et si hardiement Qu'on ne pooit plus vaillamment ; Là ne fu pas lons li sermons. Li roy, Percevaulx et Bremons Se fierent dedens la bataille. Chascuns tint l'espée qui taille, Chascuns grans cops donne et depart ; De Sarrazins font grant essart. (Mach., P. Alex., p.1369, 72)

Trop vous seroit lons li sermons, Si tout voloie raconter, Ne le vous saroie conter. (Mach., P. Alex., p.1369, 207)

Car celui qui vit selon passion ou concupiscence, il ne ot ou escoute pas volentiers sermon ou parole qui le amonneste a bien ne il ne l'entent pas. (Oresme, E.A., c.1370, 532)

Si comme aucuns Stoÿciens qui blasmoient richesces en leur sermons et en leur doctrines, et neent moins ilz les appetoient et queroient. (Oresme, E.A.C., c.1370, 529)

...aucun pou que dit Josephus j'en raconteray en brief sermon (Foul., Policrat. B., II, 1372, 137)

CAŸN. Et puis, que faictes vous, mon frere ? Quelz sont vos sermons et records ? ABEL. Je remercye Dieu, nostre pere, Juste juge et misericord. (Myst. Pass. Troyes B., a.1482, 108)

Discours.

De Coustantinoble, là mis Avoit li papes et tramis Com legat, le bon patriarche ; N'est plus preudomme, que je sache. Si que très bien les sermonna Et moustré en son sermon a Comment messires saint Thomas De bien faire onques ne fu las, Mais fu en Ynde la majour, Pour l'amour de Nostre Signour, Et y mourut piteusement (Mach., P. Alex., p.1369, 106)

Messire Philippes d'Omont Respondi : 'Que vaus cils sermons ? Partons nous et si nous armons.' Si que tuit en l'eure s'armerent Et sus la place s'en alerent. Et vraiement il s'ordenoient Com gens qui leurs annemis voient. (Mach., P. Alex., p.1369, 151)

Et toutes voies, en telles choses n'est pas la fin ne la felicité civile, ja soit ce que pluseurs sermons et escriptures aient esté composees pour ce monstrer. (Oresme, E.A., c.1370, 112)

PREMIER SERGENT. (...) Mais pour quoy vien cy vous diray : Long sermon pas ne vous feray. Noz empereur m'ont envoié Dire vous soiez avoié Qu'a eulx vegniez isnel le pas... (Mir. st Alexis, 1382, 289)

Chil Jaquemés d'Artevelle parla si proprement a la plaisance dou peuple, qui la estoit asamblés pour oir ce que il voloit dire, que qant il conclut son sermon, une vois generaus et murmurations se esleverent en disant : 'D'Artevelle a bien parlé et par grande experiense, et est dignes de gouvrener et excerser le pais de Flandres.' (Froiss., Chron. D., p.1400, 414)

Et aussi dist comment ilz estoient aliez aux Anglois adversaires du Roy, et comment ils avoient destruit le royaume ; faisant de ce et de plusieurs autres choses ung long sermon. (Monstrelet, Chron. D.-A., t.2, c.1425-1440, 286)

Sans plus de sermon/sans faire sermon plus. Sans plus discourir, sans bavarder davantage.

G'y vois donc sanz plus de sermon. (Mir. abbeesse, 1340, 72)

L'ARCEDIACRE. (...) Je m'en vois, sanz vous faire plait Ne sermon plus. L'EVESQUE. Alez, que li tresdoulx Jhesus Vous doint sa grace. (Mir. ev. arced., c.1341, 108)

Il n'est mestier de long sermon. Trêve de bavardages.

Or ça, dist il, il n'est mestier de long sermon ; advisons qu'il est de faire. (C.n.n., c.1456-1467, 509)

Faire long sermon de qqc. S'étendre longuement sur un sujet.

Et sans vous faire de ce moult long sermon ne tenir trop de paroles, vous dy tout en un brief mot et une foiz pour toutes que tant que je soye femme vivant et je soye en sa compaignie, ceste joenne dame, qui par la fiance que ses amis et son seigneur ont en moy - tout n'en soye digne - m'ont bailliee en gouvernement, ne fera mal (Chr. Piz., Trois vertus W.H., c.1405, 100)

2.Discours insistant, exhortation.

Mais or est verité que sermons et persuasions peuent bien provoquer, exciter et esmouvoir a bien aucunes joenes genz (Oresme, E.A., c.1370, 530)

3.Par extension. Discours intérieur, pensée, réflexion.

...se va coucher ce trespaillard jaloux auprès de sa tresbonne femme. Et, jasoit ce qu'il eust en sa teste des sermons largement, si le contraignit nature qu'elle eust ses droiz, et de fait bien fermement s'endormit. [L'homme vient de faire une offrande au diable] (C.n.n., c.1456-1467, 86)

B. -En particulier. Discours sur un thème religieux ; prédication aux fidèles, prêche.

LE CLERC. (...) Chiére dame, avancier vous faut, Se le sermon voulez oir (Mir. abbeesse, 1340, 60)

...ce fut quant il lui dist les paroles que je proposay au conmencement de mon sermon (Mir. nat. N.S.J.C., c.1343, 206)

LE BOURGOIS. (...) Il est temps d'aler a l'eglise Pour oïr le divin servise Et le sermon c'on y doit faire (Mir. enf. ress., 1353, 2)

On celebra en l'ost en set lieux messes, et à cascune messe ot sermon, liquel sermon durèrent plus de heure et demie (Froiss., Chron. R., X, c.1375-1400, 221)

Dont saint Augustin dit u premier sermon de l'anonciacion... (Mir. fille roy, c.1379, 7)

Item, cogneut que, XVJ ans a ou environ, ainsi comme l'en faisoit un sermon ou cymetiere Saint-Innocent, à un jour de vendredi aouré, s'aprocha près d'une femme qui ouyoit ledit sermon, qui avoit pendu à sa sainture une bourse de cuir, laquelle il qui parle li coppa (Reg. crim. Chât., I, 1389-1392, 282)

Et ne vueillent mie faire comme aucuns folz ou folles, qui sont trop aises quant ilz sont au sermon et le prescheur parle sur la charge de aucun estat qui ne leur touche, et trop bien le nottent et dient que il dit voir et que c'est bien dit, mais quant ce vient ad ce qui leur puet touchier et apertenir, ilz baissent la teste et cloent les oreilles (Chr. Piz., Trois vertus W.H., c.1405, 171)

Le IIJe de novembre, y ot processions et grant assemblée de peuple en l'eglise Nostre-Dame de Paris, et fist le sermon ung cordelier nommé frere Pierre aux Buefs (Fauq., I, 1417-1420, 188)

Et à celle voix à une mesme heure de l'approchement desdis ennemis, se departirent des eglises de Paris toutes les gens estans lors es sermons, et furent moult espoventez et se retrahirent les pluiseurs en leurs maisons et fermerent leurs huys. (Fauq., II, 1421-1430, 323)

Encor veul et vous commande que les sermons et les services de Sainte Eglise quant vous pourrez les oiez (La Sale, J.S., 1456, 40)

Après ung pou de sermon que fist l'ermite touchant songes, visions, apparicions et revelacions, qui souvent aux gens adviennent, il cheut en propos de toucher leur matiere (C.n.n., c.1456-1467, 103)

...au moien de certains sermons et predicacions puis nagueres faiz en ladicte ville par frere Anthoine Fradin, de l'ordre des Cordeliers (Roye, Chron. scand., II, 1460-1483, 71)

Ma seur, si vous me voulés croire, Vous irés oyr son sermon [de Jésus] . (Pass. Auv., 1477, 136)

Et aprés le disner le roy alla au sermont que fist ung excellent docteur de l'ordre des dictz Augustins, et puis ouyt Vespres et Complies au dict convent (La Vigne, V.N., p.1495, 300)

Donner un sermon

LE PAPE. (...) Je leur vueil un sermon donner. Faites moy un lieu ordener Ou le feray. (Mir. prev., 1352, 229)

Faire sermon

LE CARDINAL. (...) Vezla un lieu, ce m'est avis, Tout ordené et bien faitiz Pour preeschier. LE CHAPPELLAIN. Il dit verité, pére chier. Il est tout propre a sermon faire (Mir. prev., 1352, 229)

Par métonymie. Lieu de prêche.

...que nul n'issist du sermon jusque a tant qu'il fust acompli sur paine d'escommeniement (Jean Golein, Rational B.D., c.1370-1372, 410)

C. -Discours moralisateur, leçon de morale.

A tout le colliege femenin et a leur devote religion soit notifié le sermon et la lecçon de Sapience. (Chr. Piz., Trois vertus W.H., c.1405, 9)

'...Pesez, pesez voz vouloirs desraisonnables et le grand mal que vous voulez commettre a petite occasion. - Cessez vostre sermon, dirent les loudiers, tous alumez du feu de concupiscence charnelle, et donnez nous voye que la puissions avoir...' [Un aubergiste tente d'empêcher un viol] (C.n.n., c.1456-1467, 549)