CHAPITRE

substantif masculin

[T-L : chapitre ; GDC : chapitle ; AND : chapitre ; FEW (II-1, 265b) : capitulum ; TLF (V, 528b) : chapitre1]

I. -[Partie d'un ouvrage, d'un texte, d'un écrit (pourvue, en tête, de son intitulé)] Partie d'un écrit.

A. -Subdivision d'un livre, chapitre.

...ou livre d'Eclesiastre, ou XXIV^echapitre (Mir. nat. N.S.J.C., c.1343, 206)

En ce premier chapitre il monstre que le monde est .I. corps tres parfait. (Oresme, C.M., c.1377, 44)

Et entre autres escriptures, comme je leusse le tiers chapitre de Ysaïe, le cueur m'est troublé de freeur et les yeulx obscurciz de larmes, quant je voy sur nous les coups feruz qui sont signes de mort et donnent ensaignes de la divine indignacion, se nous n'y querons briefves medicines. (Chart., Q. inv., 1422, 5)

Les matières et les chapitres Se demonsterront par leurs tiltres. (La Haye, P. peste, 1426, 21)

Vallerius le declaire en son premier livre et ou second chappiltre (La Sale, Salade, c.1442-1444, 29)

Sensuyt la table de ce present livre, intitulé des Cent Nouvelles, lequel en soy contient cent chapitres ou histoires, ou pour mieulx dire nouvelles. (C.n.n., c.1456-1467, 1)

Et ou chappitre ensieuvant sera recité et mys au long l'effect d'icelle entreprinse (Bueil, I, 1461-1466, 113)

...il porra estre avec celle ou cellui aprez la mort de l'homme legitime ou de la femme legitime, et ce pour la bonne foy que il a eu. Au chapitle precedent et au chapitle veniens ce est a plain declarié. (Sacr. mar., c.1477-1481, 64)

Cy commence le quart livre et parle ou premier chapitle de l'incarnation de Jhesu Crist. (Somme abr., c.1477-1481, 92)

Ce propoz dont je parle eust myeulx servy plus en arrière où je parleray du trespas dudict roy Edouard, car il estoit encores vif au temps dont parle ce chappitre (Comm., II, 1489-1491, 235)

Chapitre de qqn/qqc. Partie d'un ouvrage consacré à qqn/qqc..

...et le devisoit tout au long, ainsi qu'il est escript cy dessus ou chappitre du roy Elinas. (Arras, c.1392-1393, 266)

Sy alé voir en Taillevant Ou chappitre de fricassure, Tout au long, derriere et devant, Leque ne parle jus ne sure (Villon, Test. R.H., 1461-1462, 113)

Le chapitre des clercs ou livre de Parlement dit que le juge lay ne peut toucher au prinsonnier qui s'aveue clerc, combien qu'il ne soit point tonsuré (Cout. instit. Anjou Maine B.-B., t.4, 1464, 327)

B. -[Gén. au pluriel,] Partie d'un texte.

1.Dispositions, suite d'articles, de points (d'un traité, d'un arrangement...).

Et vuet qu'autre traitiés se face Qui cestui-si planne et efface, Et que tout soit fait en son non, Qu'amiraus est de grant renon. Baillié le nous a par epytres, Par cedules et par chapitres ; Tenez, ves les ci par escript, Qu'il a de sa main propre escript. (Mach., P. Alex., p.1369, 203)

...sans entencion de faire ligue, alliance (...) contre les accors et chapitres de la paix faiz et jurez par nous (Ch. VI, D., t.1, 1413, 361)

...et s'il advenoit que sur le contenu des chappitres dessus declairiez, et au furnissement et acomplissement d'iceulx ou d'aucuns d'eux, aucune question naissoit, sur laquelle il convinst faire aucune interprettacion ou plus ample declaracion, la congnoissance et jugement en sera et appartendra aux commis et depputtez, qui pour ce y seront ordonnez par ledit très puissant prince monseigneur le duc de Bourgoingne. (Doc. 1448. In : ESCOUCHY, Chron. B., t.1, c.1453-1460, 271)

2.Articles définissant une communauté et réglant son fonctionnement.

À Jehan Robert, escrivain, ledit jour, treize solz neuf deniers, pour sa peine d'avoir relié le livre des chappitres de l'Ordre, couvert de velux, pour envoier au duc de Millan (Comptes roi René A., t.1, 1451, 239)

...pour ce, vous envoions presentement le colier de nostredit ordre par nostre amé et feal conseiller et maistre de nostre hostel le sire de la Choletiere, afin que le prenez et retenez, et que d'ores en avant vous le portez, en faisant le serment en sa presence de bien et loyament entretenir le contenu es chappitres et articles sur ce faiz de point en point, ainsi qu'ilz sont contenuz. (Le Clerc, Interp. Roye, c.1502, 241)

3.JOUTES ET TOURNOIS Ensemble des articles contenant les conditions de déroulement d'un combat fixées par celui qui en est l'instigateur, l'appelant.

Et puis le lendemain matin, messire Jehan envoya ses chappitres a messire Henry, qui (...) estoient que chescun devroit faire ung get de lance et puis venir a haches (Chastell., Chron. IV, D., c.1461-1472, 139)

...celuy qui premier touchera à madite emprise, fera armes avec moy, selon le contenu de mes chapitres ci-dessous escrits (Faits Lalaing K., c.1470, 79)

...sy fut trouvé que la hache de Diégo estoit de mal engin, et qu'elle n'estoit pas telle comme ès chapitres estoit contenu. Sy luy en fut baillée une autre, non obstant que messire Philippe de Sul s'en débattist assez. (Faits Lalaing K., c.1470, 137)

Et furent iceulx chappitres moult bien faictz et articulez de plusieurs poinctz, contenans et esclarcissans les perilz et les amendes qui debvoient estre par ceux qui en faisant lesdictes armes seroient portez par terre, feust à pied, feust à cheval (La Marche, Mém., I, c.1470, 286)

Et mesmement fut esdis chappitres expressement declairé que nulz nobles hommes, de condiccion dessusdicte, ne se pourroient trouver devant les escuz sans y laisser gaige d'espée ou d'esperon (La Marche, Mém., I, c.1470, 286)

Division d'une loi, d'un texte juridique.

...et treuve l'en ung chappitre des constitucions de Charles le grant qui dit ainsi (Juv. Urs., T. rever., 1433, 85)

...et institua [Charlemagne] XXIIJ chappittres de loys (Juv. Urs., T. crest., c.1446, 21)

PILATE. ...Qu'il soit vray, raison s'i consent, Car en fourme d'un innocent Le m'a renvoyé, de son vueil, Et, quant je n'y vot point de tiltre, Ne Herode ne loy ne chappitre Ne conseille sa mort a juge, Voulez vous donc que je le juge A mort souffrir pour vostre dict ? (Gréban, Pass. J., c.1450, 300)

C. -Par extension. Sujet que l'on traite, dont on parle.

Et a ce propos et pour mon premier chappitre, je dy pour aussi vray comme euvangile, que l'omme qui despend indeuement les biens qui lui viennent de par sa femme et sans son gré et congié, il en rendera conte devant Dieu comme de chose emblee. Glose. Sur ce chapitre dist une ancienne matrone nommee Griele (Ev. Quen., I, c.1466-1474, 82)

...bien est il que aux ignorans, comme sont noz calumpniateurs est expedient le monstrer en diverses opperacions, ce que avons pense fere tant à present, comme ou comment par nous fait sur le chappitre de Faulx semblant de nostre feu consanguin maistre Jehan de Meung ou Romant de la Rose (Simon De Phares, Astrol., c.1494-1498, f° 33 r°)

Cestui Aomar, ainsi que dit Albumasar, fut moult sage astrologien et suivoit la doctrine de Jehan, filz Caleg et celle de Phador, et icelui Phador ung jour lui monstra sa nativité et jugea de sa vie moult precisement, et dist l'an de sa mort et ne fut onques nul qui touchast icelui chappitre de mort si vrayement, comme recite ledit Albumasar. (Simon De Phares, Astrol., c.1494-1498, f° 81 v°)

Tenir chapitre de. Traiter, parler de.

...et meismement lez damez et damoisellez tenoient leur chappitre du chevalier aux vermeillez armez, disans que bien estoit tel champion digne de belle dame avoir (Comte Artois, c.1453-1467, 11)

II. -[Assemblée, réunion (où, en principe, est lue pour être discutée telle ou telle partie d'un texte)]

A. -[Domaine ecclésiastique] Assemblée, collège de religieux.

1.Assemblée de moines, de religieux (au début de laquelle se lit en principe un chapitre de la règle).

...les frères et les sereurs de le Maison Dieu de Saint Jehan de Beauvés, pour che assemblés en leur chapitle et illuec capitulans et chapitle tenans (Cartul. Beauv. L., 1370, 659)

Gieffroy chevaucha tant qu'il vint a Mailleres et entra a l'abbaye. Et pour lors estoient tous en chappitre, abbé et moynes. (Arras, c.1392-1393, 250)

En plein chapitre. Devant l'assemblee plénière d'un chapitre de religieux.

...quant elle vid qu'on le deshabilloit tout nud pour le vestir en cordelier, les larmes luy vindrent aux yeulx a si grant affluence qu'elle ne sceut qu'elle devint, et luy commença a soulever le cueur par telle façon qu'elle se envanuist en plain chappitre (MART. D'AUV., Arrêts Am. R., c.1460-1466, 168)

...en plain chappitre devant tous fit faire [le chapelain du grand prieur] le serment sollennel aulx sainctes Evvanggiles de Dieu à Guyon Auger, quielx [queux ('cuisinier')] de couvent (Doc. 1493. In : Ch. Samaran, Le Moy. Âge 22, 1920, 253)

Sonner chapitre. Réunir l'assemblee plénière d'un chapitre de religieux.

...au monastere de Saint-Sixte, a Romme, de quoy est faite mencion par cy devant, saint Dominique fist subitement sonner chapitre et convoquier les fre[re]s (Lég. st Dominique T., c.1500, 300)

Tenir (le) chapitre

L'ABBESSE. (...) Demain lever nous convenra Matin, pour ce que l'en tenra Ceens chapitre. (Mir. nonne, 1345, 332)

...les frères et les sereurs de le Maison Dieu de Saint Jehan de Beauvés, pour che assemblés en leur chapitle et illuec capitulans et chapitle tenans (Cartul. Beauv. L., 1370, 659)

...à Fribourg en Alemaigne devers le general maistre de l'ordre des freres prescheurs qui doit tenir son chappitre general audit lieu (Comptes Etat bourg. M.F., t.2, 1419, 370)

DOYEN. Commun de Poitiers, beau compere, Vous soyez le tresbien venu (...). LE COMMUN. Or, puisque vous avez tenu D'un commun acord le chappitre (...), Je conseille, sans estre tristre, Ou qu'il soit, qu'il ne nous eschappe (La Vigne, S.M., 1496, 402)

2.Collège de chanoines dans une église cathédrale, de moines ou de religieuses dans un monastère.

...une maison que le dit Estienne avoit en la ville de Lodun, ou bourc Sainte Croiz, (...) mouvant du chapitre de Sainte Croiz de la dite ville de Lodun (Doc. Poitou G., t.2, 1336, 132)

L'ARCEDIACRE. Sire, de par moy vous supplie Le chapitre de nostre eglise... (Mir. ev. arced., c.1341, 107)

...lesquielx grains dessusdis furent prins es granches dudit chappitre en Costentin et livrez à Raoul de Villers pour la garnison du chastel de Cherebourg (Compte Navarre I.P., 1367-1371, 312)

...un estanc appartenant aus doyen et chapitre de Paris (Reg. crim. Chât., II, 1389-1392, 69)

...maistre Simon Legras, procureur de chapitre de l'eglise Saint-Germain-l'Aucerrois de Paris (Fauq., II, 1421-1430, 198)

Mecredi, XJe jour de juing, l'evesque et chapitre de Paris alerent au Lendit pour y faire la benediction en la maniere acoustumée. (Fauq., II, 1421-1430, 235)

Et là firent ces dessus diz mestres avec leur alliés venir le capistre de Rouen à la crois de Saint-Ouein où l'assemblée se faisoit (Cochon, Chron. norm. B., c.1430, 164)

...les prelats, arcevesques, evesques, abbés, chappitres et universités de vostre royaume et du Dauphiné (Juv. Urs., Verba, 1452, 233)

Lequel incontinent manda lectres aux doyen et chappitre de la grant église, et pareillement à l'université, au maire et soubz-maire et aux gens de justice de ladite ville d'Angiers (Roi René vie L., 1481, 388)

Ouy dea pere sainct vrayment : De par le chapitre de Tours Ie suis icy venu le cours Et leurs lettres ie vous present. (Myst. st Martin K., a.1500, 287)

Salle où se réunit un chapitre.

Or tost, ostez li [Jehan] ses bons draps Et celle croce et celle mittre ; Puis le menez en ce chapitre Ou de verges sera batuz. (Mir. st J. Cris., c.1344, 297)

...près de la le chapitre est trouvé Qui est moult bel et gentement ouvré. (Chr. Piz., Dit Poissy R., 1400, 171)

B. -[Domaine chevaleresque] Assemblée des membres d'un ordre de chevalerie.

Sept ou huit jours dura le chapitre de ces chevaliers [de la Toison d'Or] au bout desquels entre les autres grans affaires, il eslurent cinc autres nouveaux chevaliers pour estre de leur ordre (Chastell., Chron. K., t.3, c.1456-1471, 95)

...plusieurs chevaliers [de l'ordre de la Toison d'or] estoient aléz de vye a trespas. Si y convenoit restablir des autres nouveaux jusques au parfait du nombre et reintegrer la compaignie rompue par convention de chapitre (Chastell., Chron. IV, D., c.1461-1472, 275)

...la noble convention [de l'ordre de la Toison d'or] concluse en estroit chapitre (Chastell., Chron. IV, D., c.1461-1472, 276)

Tenir chapitre de l'ordre

Le duc, retourné en son hostel, ensemble ses frères et compaignons celebrèrent et tindrent le chapitle de l'Ordre [la Toison d'Or] , et furent parfaites les cerimonies ad ce accoustumées, bien solennelement. (Molinet, Chron. D.J., t.1, 1474-1506, 255)

C. -Par extension. Assemblée, réunion ( de personnes quelconques, d'animaux...).

...monseigneur, son conseil et son peuple qui cy est, ont tenu a ceste heure ung petit chapitre du fait de leurs consciences (C.n.n., c.1456-1467, 222)

Lucifer, resgardez quel proye Nous amenons cy au chappitre ! (Myst. Pass. Troyes B., a.1482, 373)

Tenir (le) chapitre. Tenir une réunion.

...Et qu'oisillons ont leur chapitre Tenu de sons et de hoquès, Par plains, par aunois, par bosquès... (Mach., J. R. Nav., 1349, 137)

Diables grans et vous, diables noir, Venéz tost en nostre manoir, Lucifer veul tenir chappitre. (Pass. Semur D.M., c.1420 [1488], 33)

Messeigneurs, je vous prie qu'ains Que nous habandonnions le tiltre, Regardons luy tenir chappitre Cheux cel usurier manifeste. (Myst. Pass. Troyes B., a.1482, 482)

[Titre] De l'aigle tenant chapitre des autres oyseaux. (Colart Mans., Dial. créat. R., 1482, 164)

D. -Par métonymie. [Idée de décision prise en réunion ou, p. ext. individuellement (sous forme de conseil donné, de jugement, de châtiment imposé...)]

Faire un chapitre à qqn. Donner un conseil à qqn (ici un conseil mal intentionné).

Fel conseillier est et traïtre Qui a son seigneur tel chapitre Fet et qui veult conseillier Et qui se fet faus conseillier Vers son seigneur en tricherie ; Itel son seigneur n'aime mie (Vie st Evroul S., c.1350, 117)

Mettre qqn au chapitre. Faire passer devant le chapitre ; faire passer en jugement.

BERITH. Et je m'en voys, par manyere d'esbas, Les cardinaulx, l'empereur et le pape Aussi aguillonner, aussi leurs vielz cabas Qui revestues sont de leur rouge chappe. Si de mes mains une seulle en eschappe, Je suis contant d'estre mys au chappitre ! (La Vigne, S.M., 1496, 225)

Recevoir le chapitre. Subir un châtiment.

Quant saint Dominique eubt ce oÿ, incontinent dit au dragon : « Va-t'ent, maudite creature de Dieu, es abimes d'enfer, jusques ad ce que tu viengnes au grant Jugement general, la ou tu recepvras ton derrainier et perpetuel chapitre ». (Lég. st Dominique T., c.1500, 230)

Tenir qqn en chapitre. 'Juger qqn, le traiter de haut, le mépriser.

Ilz dient que sont faulses ydolles Et toutes abusions folles ; Ilz tiennent noz dieux en chappitre (Myst. st Vincent L., c.1471-1476, 234)

Tenir qqn a droit chapitre. Se comporter avec qqn comme dans un chapitre , être rigoureux avec qqn.

Li sainz hons les appelle pour lire son registre, Ainsint comme bons abbes les tient a droit chapistre Et dist : 'Girart, has tu en Dieu creance ferme ?' (Gir. Ross. H., c.1334, 168)

[De Dieu] Tenir son chapitre sur qqn. Exercer sa sévérité, sa justice sur qqn.

Sur tous par ceste maniere tient Dieu son chappitre et sa reformation, et qui ne se sent de sa discipline se tienge forclos de sa grace. (Chart., L. Esp., c.1429-1430, 43)