COLLEGE

substantif masculin

[T-L : college ; GDC : college ; AND : college ; FEW (II-2, 896b,897a) : collegium ; TLF (V, 1041a) : collège1 ; TLF (V, 1041b) : collège2]

I. -[Compagnie de personnes]

A. -[Corps constitué] Corps de personnes revêtues d'une dignité ou d'une fonction commune.

1.[Domaine religieux]

Je suis plus poissant et plus fort, Et s'ay plus que vous des amis Qui bien m'aideront trestoudis. J'ai mes gentilz hommes a moy Qui m'aideront sans nul arroy, Les collieges, les abbaÿes, Et avec ce les chanonnies Qui tous seront a mes accords, Et metteront pour moy leurs corps. (Renart contref. R.L., t.2, 1328-1342, 153)

Ce jour, la Court acompaigna le college de la Sainte-Chappelle en la procession par eulz faicte en l'eglise Nostre-Dame de Paris (Fauq., I, 1417-1420, 202)

Et iceluy service ordinaire fait par ses chapelains, vinrent les mendians et tous les colléges faire le service pour l'âme. (Chastell., Chron. K., t.1, c.1456-1471, 346)

Compagnie des cardinaux.

Le saint pere lui dit : 'Amis, or vous levez, Car de vous cy aval plus saige n'ay trouvez, Et pour ce tous mes colleges s'est acordez Que le rouge chapeau vous soit par moy donnez...' (Renaut Mont. B.L. V., c.1350-1400, 19)

...tant qu'au saint pére De ton obscurté la matére Revellasses, car par ystoire Tient du collége consistoire (Mir. parr., 1356, 34)

Pour ce temps resgnoit papes Jehan, qui descendi tantos a la dispensation faire dou mariage d'Engleterre et de Hainnau. Et li fu avis et a tout le colege que c'estoit une cose bien prise. (Froiss., Chron. D., p.1400, 157)

Adont fu avisé dou Saint Pere et dou colege a preechier celle crois parmi la crestienneté et de absorre de painne et de coupe, tous vrais Crestiiens qui la vermelle Crois encargeroient et le porteroient en devotion oultre mer, pour aidier le roi de France a conquerir la terre de Surie et la sainte chité de Jherusalem. (Froiss., Chron. D., p.1400, 241)

...Bénédic, desrainement esleu en pape du college des cardinaulx et de la ville d'Avignon et des habitans d'icelle (Ch. VI, D., t.1, 1402, 228)

Item, sera requiz et supplié au Roy qu'il escripve au Pape et au college des cardinaulx sur ce (Baye, II, 1411-1417, 56)

Et lors eslurent cellui archevesque de Bar, auquel firent jurer et promettre que, touteffoiz et quantes fois que le college des cardinaux ou la plus grant partie le requerroient, ou qu'ilz fussent, il y vendroit (La Sale, Salade, c.1442-1444, 103)

...il compta a nostre saint Pere, en la presence du college des cardinaulx et de tout le conseil, l'adventure de son homme (C.n.n., c.1456-1467, 288)

Le saint College

Si leur remoustrèrent sus quel estat il estoient parti d'Avignon, et là envoiiet dou pape et dou Saint Collège. (Froiss., Chron. L., VI, c.1375-1400, 167)

...nostredict Saint Pere et le saint college seront advertiz de mon vouloir et intencion. (Lettres Ch. VIII, P., t.4, 1494, 98)

Assemblée des chanoines d'un diocèse ; chapitre.

Michel, arcevesque de Paris, esleu par le colege dudit lieu, monstra bien qu'il sçavoit de la science des estoilles. (Simon De Phares, Astrol., c.1494-1498, f° 116 r°)

Larchediacre [l. l'archediacre] que voyez cy Et tout le college de Tours Pour le bon sens et bonnes meurs Qui sont en vous et grandz bontez Veullent que Archeuesque soyez (Myst. st Martin K., a.1500, 291)

Et si fonda à chascun desditz lieux ung college de chanoines à l'intention du bon roy Charles septiesme et de luy, à cause des grans biens que ledit seigneur son maistre luy avoit faitz (Le Clerc, Interp. Roye, c.1502, 205)

2.En particulier. Communauté religieuse, couvent.

Mont les garnirent bien [les églises] de reliques tres chieres, De rentes, de joiaus, de tres biaus privileges, Ce sevent cil qui sont ancor en ces colleges. (Gir. Ross. H., c.1334, 264)

...lui estant en la ville de Grignoble, ou college des Cordeliers, en laquele il trouva un coffre ouvert (...) si tost qu'il ot prins ledit coffre, il se ala bouter en franchise en une autre eglise d'icelle ville (Reg. crim. Chât., I, 1389-1392, 218)

Et, après icelle faicte, s'en ala en son logis, qui luy estoit ordonné au colliege de Sainct-Denis près les Augustins. (Roye, Chron. scand., II, 1460-1483, 100)

Premierement, à ladicte porte et ès rues rengiés actendoient les collieges dudit Bruges, tant possessans comme mendians, evesques, abbez, aultres prelats et gens d'eglise revestus en grant reverence pour illec recepvoir madicte dame pourcessionnellement (La Marche, Mém., IV, Pièces annexées, p.1468, 99)

3.[Domaine laïque]

Les eschevins, maieur et comunaulté de la ville de Bethune nous ont fait exposer comme la dite ville soit fondée d'amchienneté en corps et college, et à cause de ce et aultrement deuement aient plusieurs beaulx previleges à eulx donnéz et octroiéz par les advoués et contes d'Arthois (Hist. dr. munic. E., t.2, 1387, 133)

...lesquelz Maire et eschevins sont esleuz par chacun an, et muez à la fin d'icelui, le jour de la feste de la Nativité Saint Jehan Baptiste, ainsi qu'il est plus à plain contenu et déclaré es lettres de previleges, et création du colliège des ditz Maire et eschevins (Chartes communes Bourg. G., t.1, 1477, 113)

College des notaires

Dimenche, VJe jour de may, feste saint Jehan l'Evangeliste, le college des notaires du Roy s'assembla en l'ostel des Celestins de Paris pour estre à la messe de la confrarie desdis notaires et au disner (Fauq., II, 1421-1430, 174)

Corporation, confrérie.

...Jehan a la Hache, maistre du college des arbalestriers de ville de Rouen (Clos galées Rouen M.-C., t.2, 1363, 152)

...maistre du colliege des arbalestiers de la cinquantaine de Rouen (Rouen temps Jeanne d'Arc L., 1426, 100)

B. -Par extension. Toute communauté, même éphémère, animée d'un même dessein ou ayant des points communs.

J'ay en dormant, ce m'a semblé, Veu merveilleuse vision D'un college noir et troublé Qui estoit a collacion, Requerans a Pugnicion Qu'elle fist des mauvais justice (Desch., Oeuvres R., t.7, c.1370-1407, 43)

...mieulx m'apartenoit de suyvre la compaignie des vrais philosophes que aler es colleges de truffeurs et moquers. (Foul., Policrat. B., I, 1372, 94)

Ha ! tres amee et singuliere Ameresse de sapience, Du colliege de grant science Des femmes qui prophetiserent Par grace divine et qui erent Du secret de Dieu secretaires, Signifians divers misteres, Dont vous vient tel humilité Qu'a moy par tel benignité Manifestez vostre plaisir ? (Chr. Piz., Chem. estude P., 1402-1403, 29)

A tout le colliege femenin et a leur devote religion soit notifié le sermon et la lecçon de Sapience. (Chr. Piz., Trois vertus W.H., c.1405, 9)

Tres saint, beneuré colliege et court de Paradis, angelz, archangelz, cherubins, seraphins, trosnes et dominacions l'université des beneurees sainctes, martires, vierges et continentes, priez pour moy et soiez en mon aide. (Chr. Piz., Trois vertus W.H., c.1405, 22)

Contre Luciabiel sains Michiel s'en ala ; De mort perpétuele l'ocist et condampna, Lui et tout son coliége en infier il condampna. (Geste ducs Bourg. K., c.1410-1419, 320)

HERODE. Sces tu pas bien renluminer Les aveugles ? C'est chose grande ; C'est pour bien que je le demande, Car plusieurs en ay en ma terre Que j'envoyroye tantost querre Se tu t'y vouloies occupper, Car c'est une vertu sans per. Se tu l'as, il convient conclure Que tu es Juppin ou Mercure Ou ung d'un colleige divin (Gréban, Pass. J., c.1450, 298)

SAINT ANDRY. ...avec Jhesus, nostre chief, Avons souffert moult de meschief : Par quoy doua nostre college D'un tres singulier privillege Quant il nous dist ces motz plaisans Qu'avecques luy serions sëans, Jugans par jugement cruel Les douze tribuz d'Israel. (Gréban, Pass. J., c.1450, 395)

...la jeune espousée, oyant le college des femmes ainsi parler, leur dist... (C.n.n., c.1456-1467, 472)

Sy s'en vint remoustrer droit cy a teste encline et criant que de grace peust estre receu ou college des malheureux (Chastell., Temple Boc. B., 1463-1464, 59)

Je me tiray vers le Peron de Liege, Querant logis ou gaires ne me tins, Car l'hoste estoit, ensembe son colliege, En grand dangier de perdre hostel et siege, Par le discord d'aucuns mauvais mutins. (Molinet, Faictz Dictz D., 1467-1506, 167)

Les douze apôtres.

PIERRE. Berthelemy, Bienviengnez, mon chier amy, En nostre simple compaignie. JHESUS. Par ainsi croist nostre mesgnie Et nostre colleige simplet, Mais encores n'est pas complect Le nombre que nous requerons. (Gréban, Pass. J., c.1450, 148)

Combien que peu vous y puis duyre, Ainsy que ma simple personne Ne se repute pas ydonne A estre sy hault colloqué, Puis que Dieu m'y a invocqué, Je mercye sa bienveillance Quant, a sa bonne pourvëance, Il m'a par sa grace accepté Que je suis douziesme compté En ung tant reverend colleige (Myst. Pass. Troyes B., a.1482, 1051)

College de Purgatoire. Les âmes du Purgatoire.

...le coliege du purgatoire te soit recommandé en aliegence de painnes aux ames (Chr. Piz., Heures contempl. Pass. N.S.J., c.1420, 9)

...après qu'il luy eut recommandé son ame, celle de sa mere (...) et generalement tout le college de purgatoire... (C.n.n., c.1456-1467, 330)

College des Vertus

Mais Oroison ne feist pas grant compte de Nature ne de ses paroles, ains s'en tourna feablement par devers Charité et tout le college des Vertuz en leur demandant ayde (Gers., Concept., 1401, 396)

II. -Maison destinée à assurer le gîte et le couvert, et souvent aussi l'instruction, à des étudiants bénéficiant d'une bourse.

...maistre Pierre d'Ailly, evesque dessusdit, qui estoit nez de Compiegne, et avoit esté estudiant et après maistre du college de Champaigne dit de Navarre (Baye, I, 1400-1410, 53)

Me fu dit par monsr messire Ymbert de Boisy, president, que je enregistrasse certain appoinctement fait par la Court, comme me dist, combien que je estoie absent à faire l'appoinctement, c'est assavoir d'entre maistre Pierre Bonpain, complaignant en cas de nouvelleté, d'une part, et les escoliers du college de Montagu, d'autre part. (Baye, I, 1400-1410, 80)

Maistre Nicole de Savigny dit que, à l'entrée des Bourgoignons à Paris, aucuns escoliers du college de Mignon lui laisserent en depost vaisselle et argent et autres biens (Fauq., II, 1421-1430, 3)

Des escolliers de Retel, pour leur colliege assis en ladite rue, que a accoustumé de paier pour chacun an Me Gilles Hutelot, natif du pays de bourgongne (Comptes Paris V.L.D., t.1, 1424-1425, 2)

...et le très sage et debonnaire roy Charles le Quint, lequel tant estudia et ayma ceste science de astrologie, en congnoissant et voyant l'utillité d'icelle, fonda et renta à perpetuité ung college et estudians en icelle, en ladicte Université de Paris (Simon De Phares, Astrol., c.1494-1498, f° 3 r°)

Maistre Gervais Chrestien, souverain medicin et astrologien, stipendié et moult aprecié du roy Charles le Quint, fut en ce temps en si grande estyme que le roy voulut que son dit colliege eust son propre nom, pour ce qu'il avoist esté l'inventeur et promoteur d'icelle fondacion. (...) Le colliege du Roy est à Paris, entre la rue de la Herpe et Saint Severin, ou milieu de la rue de la Parcheminerie, tirant vers la conservacion et sont diz les bourciers du coliege de astrologie et medicine, escoliers du Roy. (Simon De Phares, Astrol., c.1494-1498, f° 140 r°)

Remarque : Cf. F. Lot, R. Fawtier, Hist. des instit. fr. au Moy. Âge, t.3, 1968, 308

Farce de college. Farce où les étudiants se moquent de leurs maîtres' (Éd.).

MALOSTRU. Voullez vous farce d'eschauffault ? TESTE CREUSE. Nenny. MALOSTRU. Farces de nopces ? SOTIN. Jamais. MALOSTRU. Ou de collieges ? (Copp. lard., a.1488, 164)

Par plaisanterie. College de Glatigny. Maison de prostitution.

Et a brief dire, elle avoit une partie des sept ars en sa memoire car elle avoit estudié a Paris par l'espace de sept ans ou colliege de Glatigny dont elle avoit rapporté mainte parfonde science. (Ev. Quen., I, c.1466-1474, 95)