EXHORTATION

substantif féminin

[T-L : exortacïon ; GDC : exhortacion ; FEW (III, 294b) : exhortari ; TLF (VIII, 440a) : exhortation]

A. -Discours, paroles pour inciter qqn à qqc., exhortation.

Li chevalier, esmeu par ces exhortacions, osté tout regart et toute memoire de diffisculté de lieu, s'en monterent contre la bataille des ennemis qui estoit au dessus (Bers., I, 9, c.1354-1359, 31.14, 57)

Or avise ci qui vourra : Pour ce le souverain lien Esperitel, oy et retien, C'est la saincte exortacion, Que tu n'aies entencion De toy bouter dedenz ce cerne (Desch., M.M., c.1385-1403, 41)

Ce que le bois est trait en fil En la destre main sanz peril Et doucement humiliez, Par ces poins est l'esperit liez, Quant la pensée de son corps Vicieuse est mise dehors Et traicte par sainctes vertus De bon exemple, ou, qui est plus, Par exhortacion de bien Se convertit par bon moien. (Desch., M.M., c.1385-1403, 251)

Ceste honte, doncques, sustouchee, Beau Filz, soit mise arriere, et pour donner bon exemple a tous les gallicans soit renouvellee en toy, Beau Filz, la devocion et service et sainte exortacion de tes bons predecesseurs, en accomplissant a la lectre, sans dispen, se n'est en grant neccessite, les commandemens de Dieu et de l'eglise (Mézières, Songe vieil pèl. C., t.2, c.1386-1389, 265)

À Domoingin Anthoine, nagueres juif, la somme de 41 francs, sur ung don de 40 frans à lui fait par mondit seigneur, de grace especial, pour une foiz, pour l'onneur et reverence de Notre Seigneur Jesus Crist à l'exortacion de la foy en laquelle, par la grace du Saint Esperit et par le moyen de plusieurs bonnes exortacions, il s'est rendu et a receu le saint sacrement de baptesme (Comptes Etat bourg. M.F., t.2, 1418, 143)

...et, se publiques exhortacions te ont de ce meu, je m'en rapporte aux publieurs du dire (Chart., Q. inv., 1422, 42)

...non mie que je vous veuille faire oroison ou requeste, mais une maniere d'avis et exhortacion briefve (Juv. Urs., Verba, 1452, 401)

...après plusieurs remonstrances et exortacions qu'il lui fist pour le salut de son ame, lui crya mercy (C.n.n., c.1456-1467, 19)

...après qu'il eut aucun petit temps devisé avec elle et finé ses ammonnestemens et exhortacions, luy pria mercy [Un mari au chevet de sa femme mourante] (C.n.n., c.1456-1467, 515)

Pour ce, dit Yzocrates [Socrate] en ses Exhortations : ... (Fillastre, Traité Conseil H., c.1472-1473, 251)

Bonne/mauvaise exhortation

...la ville, qui par mauvaise exortacion estoit comme toute rebelle, se fust bien peue esmouvoir (Chr. Piz., Faits meurs Ch. V, S., I, 1404, 67)

Ceste bonté se doit estendre en IIJ.. manieres : l'une que tousjours dire à son maistre bonnes parolles veritables, loyalles et de bonne exorcacion [l. exortacion] à son pouoir des choses qui à lui appartendra à parler (Chr. Piz., Paix W., 1412-1413, 85)

...et telle flaterie si n'est mie doncques à entendre que au seigneur doient estre fais rapors par flater qui soient de mauvaise exortacion pour lui complaire en ce en quoy on le sent enclin (Chr. Piz., Paix W., 1412-1413, 86)

En particulier. Prédication incitant à la dévotion, à la pratique et aux devoirs moraux ou religieux.

Quar ausi com le cors est vain En brief tempz, s'a faute de pain, Ausi l'ame vainne seroit Tantost, se pëue n'estoit De bonnes exortations Et vives predications. (Guill. Digull., Pèler. J.-C. S., 1358, 330)

Car se sermons, persuasions ou exhortacions souffisoient pour faire les gens vertueus, pour certain pluseurs et grans louiers et remuneracions seroient justement deües a ceuls qui scevent et qui usent de art de persuader et sermonner. (Oresme, E.A., c.1370, 530)

Prière supplicative.

...la tierce, faire une devote oroison et supplicacion par maniere de exhortacion, et en ce intende voci orationis mee, rex meus (Juv. Urs., Verba, 1452, 190)

...et pour ce, que je dis de present n'est point par forme d'oppinion, mais par maniere d'une exhortacion piteuse (Juv. Urs., Exort., 1458, 411)

B. -Par extension. Discours.

(...puis disent en le saluant :) Haultain seigneur qui en ceste contree Avez puissance et dominacion, De Mahommet la grant amour monstree Vous puisse estre en exaltacion ! LE PERE. Vostre parolle et exortacion, Mes bons seigneurs, en lÿesse me boute (La Vigne, S.M., 1496, 185)