PROCLAMATION

substantif féminin

[GD : proclamation ; GDC : proclamation ; FEW (IX, 413a) : proclamare ; TLF (XIII, 1244b) : proclamation]

A. -Action de proclamer, d'annoncer publiquement.

...es commendemens des maistres ou en leur proclamacions... (Foul., Policrat. B., V, 1372, 288)

Au jour d'uy est faicte la paix de Dieu a homme, et de homme aux anges, laquelle fut proclamee le jour de la Nativité ! (Gers., Annonc., a.1400, 230)

Et de ce que dit est, et du cry et proclamacion, et de l'ordonnance dessusdicte, la Court commanda registre et cedule estre faicte par maistre Nicolas de Lespoisse (Fauq., I, 1417-1420, 354)

Euvre tez oreillez et escoute la trompe et la voix des proclamations divines, et tousjours orras tu parler de moy. (Chart., L. Esp., c.1429-1430, 95)

Et pour ce donnons en mandement à noz amez et féaulx noz conseilliers gens de nostre parlement, au prévost de Paris et à tous aultres noz baillifs, prévostz, sénéchaulx et aultres justiciers, à leurs lieutenans et à chascun d'eulx si comme à eulx appartiendra, que noz présentes assercion, déclaracion, révocacion et ordonnances facent publiier affin que nulz ne puist de ce avoir ignorance, en leurs auditoires et en tous les aultres lieux à faire proclamacions et telz cas et aultres accoustumés en leurs juridictions et mètes, à son de trompe ou aultrement deuement. (Monstrelet, Chron. D.-A., t.6, c.1444-1453, 114)

Et, apprez ung million de toutez loëngez et joieusez proclamacions, il fu reconvoiez jusquez a son logis qu'il n'en peust oncquez aultrement faire (Comte Artois S., c.1453-1467, 96)

...nous vous prions (...) que de vostre part vous leur vueillez clorre les vivres en faisant faire par voz pays, terres et seigneuries, proclamacions et deffences sur grans peines de leur en bailler ne administrer. (Lettres Ch. VIII, P., t.3, 1490, 65)

B. -Par extension. Déclaration.

....par le vertut delle proclamation qui est fichie parmi le parcilhe de cest presente lettre faite a cyrographe (Hemricourt, Pièces div. B.P., 1362, 69)

[Titre d'ouvrage]

Et pour vray l'accusation de l'enfant auchunefois fait plus a peser que du plus eagié, selonc le dit de Seneque ou .Ve. livre de ses Proclamations (Daudin, De la erudition H., c.1360-1380, 267)

C. -Réclamation.

On fait ses proclamacions Aux lieux ou sont faiz les deliz : L'official est amoliz, Et l'accusé n'est pas si beste Qu'il ne s'offre et mecte en l'enqueste Du promoteur, car il scet bien Que du fait vray n'enquerra rien Fors aux estrangiers et absens (Desch., M.M., c.1385-1403, 157)

Faire proclamations à qqn

Mais quant ce vint tout au plus fort Regret, en moy mis un effort, Par quoy d'erreur me destournay Et vers bonne Amour me tournay, Pour fuïr lamentations. Si li fis proclamations, En complaingnant moult bellement : 'Amours, par ton art doucement Me feïs l'esprivier amer, Dont j'ay orendroit moult d'amer, Amer qu'on appelle amertume, Par quoy mes cuers en amertume...' (Mach., D. Aler., a.1349, 291)