BAN

substantif masculin

[T-L : ban ; GD : ban ; GDC : ban ; AND : ban1 ; DECT : ban1 ; FEW (XV-1, 47a, 52a, 48a) : *ban ; TLF (IV, 109) : ban1]

A. -Proclamation publique (pour ordonner, interdire, règlementer...).

1.Proclamation (émanant d'une autorité) qui ordonne, interdit qqc.

Et commanda de par le roy que nulz ne fust si hardis, dessus le hart, qui boutast feu ne occesist homme ne violast femme. Quant cil de Kem entendirent ce ban si furent plus asseur. (Froiss., Chron. L., III, c.1375-1400, 146)

Si fissent un commandement en Gaind que cascuns fust pourveus bien et souffisanment (...). A che banc ne desobeï nuls (Froiss., Chron. R., IX, c.1375-1400, 195)

Partout faisoit son ban semer Et noncier que trestous venissent Lui aydier... (Chr. Piz., M.F., II, 1400-1403, 242)

Crier/faire crier le/un ban. Faire connaître une proclamation par criée.

Brighedans fist .j. ban crier appertement : Qui se voelt baptizier des siens, hasteëment Si oste son hiaume, qui reluist clèrement (Baud. Sebourc B., t.1, c.1350, 133)

Or avient que sont faictes entreprinses ou sieges assis ou le ban des princes est crié et le jour souvent nommé pour les champs tenir (Chart., Q. inv., 1422, 56)

Crieur de bans. Celui qui est chargé de faire connaître les proclamations, par criée, aux populations concernées.

...et défendons expressément à tous les Maistres de nostre Hostel, à tous noz fourriers, Chevaucheurs, Portechappes (...) au Crieur des bans de nostre ville de Paris (Ordonn. rois Fr. S., t.8, 1398, 317)

Faire un ban. Édicter un ordre, une interdiction.

Item, affiert à dit maieur et à ses sergans, appeleis botteilhons ou menestreis, et nient aux aultres, de faire et defaire bains et arestes, sens l'ensengnement des esquevins (Hemricourt, Patron Temp. B., c.1360-1399, 92)

[Charles de Blois] fist faire un ban et un commandement : quiconques avoit riens pris ne levé en la ville de Jugon, tout fust restitué et mis arriere (Froiss., Chron. D., p.1400, 560)

Faire/faire crier le/un ban que + subj. Faire proclamer publiquement que.

Quant ce fut fait, l'empereur fist faire son ban sur la hart que nul n'aprouchast a sa fille, et atant on yssi hors du palaiz, fors ceulx qui estoient couchez, et fut la lumiere destainte. (Bérinus, II, c.1350-1370, 40)

Si leur tourna à contraire, quoique li contes de Bouquighem fesist faire un bant sus la teste que nuls ne fourfesist à l'abbeïe ne de feu ne d'autre cose. (Froiss., Chron. R., IX, c.1375-1400, 277)

On fait le ban que il ne soit aucuns ne aucune personne, covreur de tieulle ne entremettans de ouvrer de tieulle, que, puis ceste heure en avant, accateche ne face accater (...) tieules, festissures, vaniaux ne quariaux (Vie urbaine Douai E., t.4, 1385, 617)

Puys commandat a Zacarias, son seneschal, le roy hongrois de faire crier ung bant que touis bourgoys soient garnis de vitailhe pour recepvoir la flour du monde et qu'il ne soit enchieris pour ung denier. (JEAN D'OUTREM., Myr. histors G., a.1400, 9)

Le roy fist par mi Londres tantost son ban crier Que trestous soient prestz, sergant et bacheler. (Cip. Vignevaux W., p.1400, 40)

Si fu, de par le roi, fais uns bans et un cris d'un sergant d'armes a cheval tout parmi la ville et chité de Evruich, que nuls, sus la teste a perdre, ne fesist debat ne rihote (Froiss., Chron. D., p.1400, 121)

Tenir un ban. Exécuter un ordre édicté publiquement.

Chils bans [de restituer ce qu'on avait volé] ne fu pas bien tenus, et par especial de ceuls qui avoient l'argent trouvé et levé (Froiss., Chron. D., p.1400, 560)

2.Proclamation qui règlemente (un aspect de la vie sociale, économique, religieuse...).

a)Bans de vendanges. Proclamation qui donne l'autorisation de commencer les vendanges.

Quant les fruiz des vignes aprochera de cuillir, prodommes seront esleuz qui seront envoiéz par les vignes avec les vignex et, selon ce qu'il rapporteront, le maire, les eschevins et les prodommes ordonneront les bans de vendanges (Cout. bourg. glosé P.M., c.1380-1400, 32)

b)Prendre ban(s). Faire proclamer solennellement, par la justice, une mutation de propriété.

Jugement (...) que dit coment ung home prenoit ban sus cens qu'il avoit acquaisteit a ung jone homme, les quelz bans on li escondisont pour debte que cil que le cens avoit vandut debvoit (Jug. maître-échev. Metz S.M.S., t.1, a.1494 [1334], 106-107)

c)Ban(s) (de mariage). Publication du mariage par le curé, lors de plusieurs messes dominicales successives.

Ilz font les nopces sans bans et sans selles a l'aventure, quar il lui tarde moult qu'il la tienge et auxi les amis de la fille ont paour qu'il y ait aucun empeschement. (Quinze joies mar. R., c.1390-1410, 88)

...dudit mariage fut de puis fait et proclame ung ban en l'église parrochial dudit Marzy (Doc. 1440. In : R. Vaultier, Folkl. pendant la guerre de Cent ans, 1965, 34)

Droit de ban. Coutume régionale qui veut que les nouveaux mariés donnent de menus cadeaux (vin, pain, viande, monnaie) aux jeunes gens de la paroisse.

...plusieurs tisserands demeurant en ladicte ville vindrent au lieu ou lesdictes noces avoient esté, et en faisant grant noise et par grant arrogance demandèrent le droit de ban (Doc. 1390. In : R. Vaultier, Folkl. pendant la guerre de Cent ans, 1965, 18)

Chanter le ban. Chanter une chanson à de jeunes mariés pour réclamer le droit de ban.

...ilz yroient chanter le bast [l. ban] , que on a acoustumé chanter oudit pais la premiere nuyt de nopces. (Chancell. Henri VI, L., t.1, 1424, 109)

...après ce que ledit Hezart et un nommé marin Gaultier eurent souppé ensemble en la ville dudit lieu de Chartres, prindrent accord ensemble de aler veoir se on chantoit le ban du varlet chartier de labbaye de saint pere de Chartres, lequel icellui jour avoit este espousé (Doc. 1425. In : R. Vaultier, Folkl. pendant la guerre de Cent ans, 1965, 20)

Espouser qqn à ban. Épouser qqn selon les règles.

...Jacob avant la loi donnée Se maria avec Lya Et puis a Rachel se lia Et espousa Rachel a ban (Le Fèvre, Lament. Math. V.H., c.1380, 12)

3.Par extension. Réclamation bruyante.

Or ça, Barraquin et Judas, Qui est ceste femme adeullee [elle réclame justice pour la mort de son mari] Qui a haulte voix esplouree Fait ses piteux cris et son ban ? (Gréban, Pass. J., c.1450, 48)

[Dans un combat] Crier son ban. Pousser son cri de guerre (?).

Maintenant il cria son ben Li chevaliers par hardement. Si tost con li jaians [qui est aveuglé par son propre sang qui coule] l'entent, A li s'en vint sans demorer, Aus poins le quida devourer. (Dame Lycorne G., c.1349-1350, 177)

Cloche de ban. Cloche utilisée pour assembler les habitants.

Savoir vous faisons nous avoir reçeu la supplicacion des eschevins de nostre ville de Hennin Lietard, contenant comment de toute anchienneté icelle a esté ville de grant estorement et bien privilegiée et en icelle pour corps de Loy douze eschevins, clocque de ban, seel autenticque (Hist. dr. munic. E., t.2, 1330-1498, 579)

4.Par métonymie.

a)Territoire soumis au pouvoir et à la juridiction du seigneur; ressort judiciaire.

Item, I autre hommage en la ville de Nouvion, que je tiens de mon dit seigneur comme desseur, dont les parties s'ensuient : Premiers, ma maison, qui siet on ban de Laitre (...) Item, toute la justice dou dit ban (Comté Porcien R., 1353, 156)

...pour cause de plusieurs heritaiges ou realitéz censives qu'il tenoit et possidoit ou ban et finaige de Charboigne (Trés. Reth. S.L., t.2, 1374, 212)

Ceulx qui ont vigneries dedans les bans de la ville de Beaune presenteront leurs vignex au maieur et es eschevins (Cout. bourg. glosé P.M., c.1380-1400, 32)

...et les aucuns, il meismes les avoit acquestéz non toutes voies de fief ne de franc aleuf, estoit tenus à contribuer pour porcion raisonnable en la taille dehue amiablement pour cause des heritaiges ou ban et finage du lieu (Trés. Reth. S.L., t.2, 1383, 212)

...pluseurs personnes qui tiennent de moy en masnage certainnes pieces de terre, de prés, de courtilz, de bois et de hayes seans ou ban d'Ellemont (Trés. Reth. L., t.3, 1415-1490, 230)

Item, tiens et dois avoir a la cause que dessus la moitié de la ville, ban, terroir et finage de Ranwez en toute justice haulte, moyenne et basse (Comté Porcien R., 1459, 271)

b)Droit dû au seigneur (pour l'usage d'un lieu ou l'exercice d'une faculté).

...les quelles villes [données par le seigneur de Jauche] vont et doient muerre par ban as molins des signeurs as quels li sires de Jauche les a données (Terre Jauche D., 1350, 112)

Ce sont les bans de la riviere de Chastel en Porcien (...) Premierement, tous les dimanches de l'an sont deffendus que on n'y peut ne doit pescher. (...) Item, est deffendu le pescher de peschoires fouleresses. (Comté Porcien R., 1400, 230)

Ce jour, maistre Guillaume Le Clerc, conseillier du Roy en la Chambre des Comptes, et m.. J.. Chastenier apporterent et presenterent à la Court certaines lettres royaulz patentes (...), faisans mencion des drois, prouffis, rentes et revenues amorties que le Roy avoit cedé et transporté aux religieux, abbé et couvent de l'eglise de Saint Denis en France, à prendre, avoir et percevoir sur seize estaulz de la boucherie de Beauvais, assise à Paris, reservez au Roy sur yceulx estaulz la jurisdiction et droit de ban, et pour le pris et somme de XXm livres tournois, en la forme et maniere plus à plain contenue et declairée esdictes lettres. (Fauq., I, 1417-1420, 122)

...13 tonneaux de vin de rente sur la dimerie dudit seigneur de Monfant, pour le pris de 398 l. ; Item, le ban que ledit seigneur de Monfant avoit en ceste ville de Saint-Pourcein, pour le pris de cinquante l. (Aff. Jacques Coeur M., 1453-1457, 404)

...autresfois vous avons dict et faict dire que nostre plaisir estoit que nostre chier et feal cousin Thiebault, seigneur de Neufchastel, d'Espinal et de Chastel sur Mozelle (...) eust la jouissance pleniere de noz ville, ban, terre et seigneurie d'Espinal (Lettres Louis XI, V., t.3, 1465-1469, 12)

En particulier.

Ban (du vin). Privilège accordé à qqn, de vendre ses propres vins, pendant une période de l'année, sans aucune concurrence.

Le Ban du vin ; c'est assavoir, que Nous pouvons par la forme dudict Privilege, faire vendre nos propres vins estant dans nos celiers, ung moys en l'an, et ledict moys nul aultres ne pourroit ne devroit vendre vin en ladicte ville (Ordonn. rois Fr. L.S., t.2, 1338, 52)

...lesquelx vins madite dame fist vendre audit lieu d'Aubigné par ledit Maillechat durant son ban et estanche, et à cause d'icelx n'est deu aucun devoir d'impost (Cartul. Laval B., t.3, 1412-1500, 156)

Four/moulin/pressoir à/en ban. Four, moulin, pressoir à l'usage desquels un seigneur a le droit d'assujettir ceux qui habitent sur son territoire, moyennant redevance.

...un molin en ban et en justice haute et basse, fors que damoiselle Jehanne (...) a la moitié en la mousture doudit molin pour ses sulues dou Mont de Jues que elle y fait venir morre (Trés. Reth. S.L., t.2, 1330, 3)

Si ung subgit a dix quartiers de vigne en la nuepce d'ung seigneur aiant pressouer à ban et en autres fiez au dedens de la lieue, iceluy subgit peut faire et avoir pressouer pour luy seullement, et ne sera plus contreignable à celui de son seigneur. (Cout. instit. Anjou Maine B.-B., t.3, a.1458-1463, 196)

...délaissons, de grâce espécial, par ces présentes, pour luy, ses hoirs, successeurs et ayans cause, les chasteaulx, chastellenies, terres et seigneuries de Chastelnau, de Montmiral et de Villeneufve en Albigois, ainsi qu'elles se comportent et extendent avecques leurs appartenances et appendences quelxconques (...), foires, marchez, four à ban (Archives servit. Louis XI, T., 1470, 33)

Et aussi les fiefz, arriere-fiefz, aubaynes (...) et le droit du four à ban dudit lieu que lesdits bailleurs ont retenuz et réservez à eulx. (Chartes Ste-Chapelle Vincennes B., t.1, 1487, 485)

Mettre qqn à ban. Mettre qqn à l'amende.

Et aussi ont droit de faire mener et conduire [toutes leurs bêtes] en pasture par toute icelle forest, hors chien et chievre, en tous les temps de l'an, excepté le moys de may, ouquel ilz ne doivent aller que à la veue des champs ; et se ilz sont trouvéz oultre, ilz sont mis en à ban par le sergent et tauxés selon la coustume (Hector De Chartres, Cout. R., 1398-1408, 292)

c)Au figuré. Droit sur qqc./qqn ; usage de qqc..

Donner qqc. à ban à qqn. Donner en libre usage à .

...Par larrecin et par pecune Il fault que soye habandonné ! Las, je suis bien a bandon né, Mais malheur m'a a ban donné ung don que ne demandoye pas ! (Michel, Myst. Pass. J., 1486, 357)

Donner qqn à ban à qqn. Soumettre, livrer à.

...Dont es d'entendement mal sains, Quant a tel vices t'abandonnes ; Ton ame au Dëable a ban donnes, Regnyant Dieu aulcunesfois (Meschin., Lun. princes M.-G., c.1461-1465, 40)

B. -Proclamation d'une mesure de bannissement hors d'un territoire déterminé (ville, royaume...).

Mais, s'il plaissoit au conte, leur signeur, que chil qui estoient demorant en la ville outre sa volenté fuissent pugni par ban et bani de Gand et de la conté de Flandres à tousjours (...) sus cel estat estoient il tout fondé. (Froiss., Chron. R., X, c.1375-1400, 209)

Lequel evesque ou son official, pour la povreté de lui, et aussi la prison par lui soufferte, le banyrent de l'evesché de Paris jusques à trois ans, à pene de XX mars d'argent. Pendant lequel temps, et nonobstant ycellui ban il ala et vint parmi la ville de Paris (Reg. crim. Chât., I, 1389-1392, 81)

...lequel ban il a paciement souffer et enduré par les 28 ans dessuz diz en estranges pais et contrées en grant misère et povreté (Hist. industr. drapière Flandre E.P., t.4, 1390, 76)

Estre crié à ban. Faire l'objet d'une mesure de bannissement.

Et envoya ledit Vigier ung saufconduit audit conte pour soy venir rendre en la Conciergerie pour estre purifié des charges à luy imposées, à cause qu'il estoit desjà cryé à ban par le royaulme, à la requeste de ses haigneux et malveillans. (Le Clerc, Interp. Roye, c.1502, 156)

Par ironie. Menace d'un mari trompé de chasser sa femme.

La pouvre gouge (...) n'osa plus demourer après ces horribles parolles, après cest horrible ban (C.n.n., c.1456-1467, 420)

C. -Proclamation pour convoquer ; convocation.

1.DROIT Citation en justice par voie de proclamation.

...iceluy Laurencin ait esté appellé par cri et par ban à noz droiz par les quatre quatorzaines accoustumées (...) Et pour ce que à aucun desdis appeaux ne vint, ne ne comparut par soi ne par autre (...) il ait esté banni de nostre royaume (Phil. Vi Valois, Doc. paris. V., t.2, 1339, 49)

Appeler à ban. Appeler à comparaître en justice, convoquer.

Bouciquaut (...) fist exécuter (...) quatre desdiz compaignons (...) et les autres fist appeler à ban (Ch. VI, D., t.1, 1416, 381)

...nostre procureur au Chastelet de Paris (...) a de lui seul fait appeller lesdits supplians ou les aucuns d'eulx à ban, et tellement contre eulx procedé, que par deffaulx il a obtenu sentence de nostre prevost de Paris. (Lettres Louis XI, V., Pièces justif., t.2, 1465, 386)

Mettre/semondre qqn en lieu de ban. Assigner à comparaître devant un tribunal.

...il fut sommenus en lieu de ban pour debte et il n'i vint mie et droit corrus sur lui. (Jug. maître-échev. Metz S.M.S., t.1, a.1494 [1334], 107)

...convient sçavoir se son marit estoit en vie a jour qu'il fut mis pour cellui jour [l. fait (éd.)] en lieu de ban. (Jug. maître-échev. Metz S.M.S., t.1, a.1494 [1334], 287)

2.[Domaine politique et militaire] Mode de convocation qui permet au roi de mobiliser ses vassaux, quand il en a besoin pour la guerre.

Faire crier/(ban et) arriere ban. Mobiliser les vassaux et les vassaux indirects.

Et pour ce que le Roy avoit fait crier son arrier ban à occasion des gens d'armes qui venoient par deça (Baye, I, 1400-1410, 332)

Pour lequel secours faire le Roy avoit long temps par avant mandé les chevaliers, escuiers et fiefvez de son royaume, et fait crier son arriere-ban par ses cités et bonnes villes (Fauq., I, 1417-1420, 203)

Et delibera lors le roy de faire guerre (...), et pour ceste cause, fist crier es villes de son royaume ban et arriere ban (Roye, Chron. scand., I, 1460-1483, 167)

Faire son ban et arriere ban. Mobiliser les vassaux et les vassaux indirects.

Pour lesquelles causes, et voulant par le roy de tout son povoir et puissance obvier aux dampnées et faulses entreprinses desdiz Anglois, ordonna ban et arriere ban estre fait (Roye, Chron. scand., I, 1460-1483, 235)

3.Par métonymie. (Ban et) arriere ban

a)Ensemble des vassaux (directs) et indirects.

Vous conduirés mes os et mon arière banc (God. Bouillon R., t.2, c.1356, 124)

...donnons puissance de faire et faire faire par ses commis et depputez les monstres de nos gens d'armes et de traict, tant de ceulx de la soulde des compaignies des Srs de Pointhièvre, (...) que de ceulx du ban et arrière ban desdits païs d'Anjou, aussi des francs archiers (Roi René vie L., 1468, 328)

...nous avons entendu qu'il y a plusieurs de noz gens d'armes, tant de nostre ordonnance, de nostre ban, des gens de pié que autres, qui envoyent chascun jour au fourrage par les villages sur noz pays et subgectz (Lettres Ch. VIII, P., t.1, 1488, 340)

...et y estoyent toutes les ordonnances du royaulme, qui povoient bien estre environ vingt et deux cens hommes d'armes, et l'arrière ban de Daulphiné (Comm., I, 1489-1491, 21)

b)Taxe permettant de se racheter du service de ban et d'arrière-ban.

...Jehan Arnaut collecteur de l'arriere ban en la viconté d'Orbec (Clos galées Rouen M.-C., t.2, 1335-1415, 24)

...lesquelz hommes et subgez n'ont pas acoustumé de contribuer aus Foüaiges, Bans, Arrierebans, Subsides, ne autres exaccions quelxconques imposées, indictes, accordées, levées et exigées à cause des guerres (Ordonn. rois Fr. S., t.6, 1375, 157)

Remarque : Cf. Ph. Contamine, Guerre, État et société à la fin du Moy. Âge, 1972, en partic. 26-40, 219-220, 302-303 etc.

4.Au figuré. Arriere ban de qqc. Ensemble des ressources ou des réserves de qqc..

Entre lesquelz Lyonnel du Glat estoit present, sy pensa qu'a ce jour monstrer lui convendroit l'arriere ban de toute sa proesse (Percef. III, R., t.3, c.1450 [c.1340], 57)

...nostre procureur estant hors de l'ostel, sa femme vint a nostre clerc bailler l'arriere ban d'assault (C.n.n., c.1456-1467, 151)