FAUSSER

verbe

[T-L : fausser ; GD : fausser ; GDC : falser ; AND : fauser ; DECT : fausser ; FEW (III, 393) : falsus ; TLF (VIII, 690a) : fausser]

I. -[Dans les relations à la vérité, à la loyauté]

A. -Agir d'une manière contraire à la vérité, à l'authenticité.

1.Fausser qqc. Rendre qqc. (un propos, un argument, une démonstration...) contraire à la vérité, falsifier.

...Par mos desguises et faussant (Guill. Digull., Pèler. vie hum. S., c.1330-1331, 173)

Item, en retournant as instances demonstrables ou neccessaires et lesquelles l'en ne pourroit fausser, il fu monstré ou .XXVIIIe. chappitre comment c'est possible et vraysemblable que ou ciel cesse une lumiere (Oresme, C.M., c.1377, 242)

...ceste rayson d'Aristote est faussee (Oresme, C.M., c.1377, 240)

Emploi intransitif. Mentir.

: Ou Merancolie demeure En ton cuer, qui te fait penser Vers elle [ma dame] si villain penser ; Ou que tu la sers faussement ; Ou que ta bouche fausse et ment. (Mach., Voir, 1364, 496)

Je chante et m'esbat faussement, Ma chanson dessoipt, fausse et ment. (Mach., Voir, 1364, 716)

En ce monde n'a gent si fausse, Si traïtre, ne qui tant fausse Comme la gent de ce païs. (Mach., P. Alex., p.1369, 264)

2.Fausser qqc. Falsifier, contrefaire qqc. (un document, la monnaie...).

Mais se il est ainsi deceü par la simulacion et par la ficcion de l'autre, adonques est ce chose juste que il accuse celui qui l'a deceü. Et est moult plus a accuser que ne sont ceulz qui corrumpent ou faussent la monnoie. (Oresme, E.A., c.1370, 462)

...se il avoit en cest accord aucunes paroles obscures, doubles ou autres par quoy il y faulsist déclaracion, les dites parties veulent et se assentent que elles soient interprétées, déclarées et amendées à l'entencion de maistre Jehan Canard (Cartul. Laval B., t.2, 1384, 313)

[Le blason]

...Blanc joie, vert nouveleté, Et le jaune, c'est fausseté. Mais retien les quatre premiers Et laisse les deus darreniers ; Car s'en l'escu fussent posées, Les armes en fussent faussées. (Mach., R. Fort., c.1341, 69)

B. -Agir d'une manière contraire à la loyauté.

1.Fausser (à ?) qqn. Trahir, tromper qqn.

Or supposons qu'elle soit fausse Envers vous et qu'elle vous fausse (Mach., Voir, 1364, 684)

Las ! Mon amy [Remondin] , or sont noz amours tournees en hayne, noz doulceurs en durté, noz soulaz et noz joyes en larmes et en plours, nostre bon eur en tres dure et infortuneuse pestillence. Las ! Mon amy, se tu ne m'eusses faussee, je [Mélusine] estoye gettee et exemptee de paine et de tourment, et eusse vescu le cours naturel comme femme naturelle, et feusse morte naturelement, et eu tous mes sacremens, et eusse esté ensevelie et enterree en l'eglise de Nostre Dame de Lusegnen, et eust on fait mon unniversaire bien et deuement. (Arras, c.1392-1393, 256)

Je ne fausseray ja mon mary pour riens qui me doiue aduenir ; ne mon ame nen sera ja mise en peril pour perpetrer le pechie de luxure. (Miélot, Mir. N.D. W., 1456, 68)

Fausser vers/envers qqn. Trahir qqn, tromper qqn, être infidèle à qqn.

Dame, et se vous avez corage D'autre recevoir en hommage, Ou de moy tenir en penser, Qu'envers moy daingnissiés fausser, Ou de moy de vous estrangier Qui sui en vostre dous dangier... (Mach., R. Fort., c.1341, 153)

...par tout le monde envoia Certeins messages, pour savoir Se pour argent ne pour avoir On peüst trouver creature Qui sceüst faire une closture Estant environ ce vergier Tele que jamais herbergier, Entrer, habiter, ne venir, Pour riens qui peüst avenir, Homme ne femme n'i peüssent Qui talent de fausser eüssent Envers Amours, ou qui faussé Y eüssent en temps passé. (Mach., D. Lyon, 1342, 221)

Lors [un mien ami] me dist qu'onques [ma dame] ne faussa Vers moi, n'a fausser ne pensa En fait n'en desir n'en pensee, Ne que ja de moi dessevree Ne sera s'amour ne sa grace Pour chose que die ne face (Mach., Voir, 1364, 744)

N'en fait n'en dit n'en pensée Onques ne faussay Vers ma dame desirée, Ne ja ne feray, Eins yert de cuer vray De moy servie et amée, Tant com je vivray. (Mach., Bal., 1377, 546)

J'ay par lonc temp amé et ameray De vraie amour, loyal et affinée, Qu'oncques nul jour ne mespris ne faussai Vers ma dame de fait ne de pensée ; Et, par m'ame, pour longue demourée, Pour riens qui soit ne quier vers li fausser, N'en fait n'en dit n'en desir n'en penser. (Mach., L. dames, 1377, 94)

Si me merveil trop de loyal Amour, Quant elle scet que j'ay lonc temps servi Si loyaument ma dame de valour C'onques vers li ne faussay ne menti. Mais vraiment, je les escuse einsi Que je croy bien qu'il ne leur en souveingne, Qu'Amours ne veut et ma dame ne deingne. (Mach., L. dames, 1377, 141)

2.Fausser qqc. (un engagement, une obligation...) Trahir qqc., enfreindre qqc..

...(que) faussee Soit t'(en) autorité vulguee... (Guill. Digull., Pèler. vie hum. S., c.1330-1331, 281)

Comment ? Crois tu que je te faille Et que je fausse le couvent Que je t'ay eü en couvent ? (Mach., R. Fort., c.1341, 113)

Bien croy qu'il ne faulcera mie La foy que il vous a baillie (Mir. femme roy Port., c.1342, 177)

'Enssi perderons nous en deus manières : nous resjoïrons nos ennemis et aseurerons de ce qu'il sont en doubte, et si fauserons nostre loiauté envers monsigneur de Cambruge.' (Froiss., Chron. R., X, c.1375-1400, 187)

Tuez serez et detranchiez, Se ne laissiez vostre loy fausse Qui la nostre despite et fausse (Jour Jug. R., c.1380-1400, 236)

Je voy bien que si a maux dix Commandemens qu'avons faussé, Touz jours mais en serons chauffé En enfer, sanz reaindre avoir (Jour Jug. R., c.1380-1400, 242)

Par foy, dame, s'il [votre mari] se puet excuser qu'il n'ait pas erré contre son serement ne faussé ne enfraint l'ommage que il doit, j'en seray tous liez, et seray cellui qui voulentiers le recevray en ses excusacions, lui et ses complices. (Arras, c.1392-1393, 209)

...sires de Hermales, tu t'estoiiez vanteis que je moroy de ta main ; mais tes orgoul est abatus et ta parolle fasée [l. fa[l]sée], car tu es mors delle mienne ! (Hemricourt, Guerres Awans B., c.1398, 19)

...le dit suppliant la trouva en un certain heritaige qui fu au dit feu Guillaume Climent, son mary, et là corrocié et esmeu de chaude cole, et ayant souvenance et argu de ce que long temps paravant par fors induction avoit tant fait que la dicte femme avoit faussé son mariage envers le dit suppliant, comme il sceut depuis, dont il fut en voye de la tuer dès lors, soubz umbre de ce que elle cuilloit du fruit ou dit heritaige (Doc. Poitou G., t.6, 1399, 345)

Pour ce s'aucun sa foy te fauce, De tel burel si li fay chauce (Saint-andré, Livre Jean de Bret. C., c.1400, 450)

Et treuve l'en qu'enciennement pour mort ne quelconques perte, un roy ou prince jamais ne faulsast sa parolle (Chr. Piz., Paix W., 1412-1413, 163)

...pour parjur seroye tenus se mon maryage faussoye. (Gérard de Nevers L., c.1451-1464, 70)

...[je] vous monstreray que je vous veil tenir sans faulser ma promesse. (C.n.n., c.1456-1467, 167)

...vous avez double peché, comme de faulser vostre veu et de mentir a esscient (C.n.n., c.1456-1467, 205)

...le duc de Calabre (...) à qui le roy avoit fait tant de honneur de lui donner sa fille ainsnée en femme et espouse, s'en ala hors de sa duchié de Lorraine, pardevers ledit duc de Bourgongne, pour traicter d'avoir et espouser sa fille, en delaissant, en ce faisant, ladicte fille du roy, sa femme, qui fut chose moult estrange à lui de ainsi faulser sa foy et soy ainsi abaisser de delaisser la propre fille ainsnée du roy, son souverain seigneur, pour cuider avoir et prendre la fille dudit de Bourgongne, subject et vassal du roy. (Roye, Chron. scand., I, 1460-1483, 265)

LE JUIF en s'en revenant. Il ne sçauroit que contredire Qu'au terme il ne face payement. Et quant il se vouldroit desdire, Il faulceroit ung grant serment. (Mir. st Nic. juif, c.1480-1500, 94)

Or congnois je que j'ay faulsee La foy que deusse avoir monstree A mon maistre lëal et cher. (Myst. Pass. Troyes B., a.1482, 734)

Helas sire, Jupiter en presence Nous a trahis, comme faulx apostat, A l'appetit de ce vilain p[re]lat, Dit Saturnus, il a sa foy faulsee, Et luy mesme, comme traitre, debat Ma requeste n'estre point exaulcee... (Cene dieux, c.1492, 118)

...mais cela ne leur devoit point faire faulcer leur foy (Comm., III, 1495-1498, 137)

Le duc de Nemours, pour ce qu'il avoit faulsé son serment encontre le roy... (Le Clerc, Interp. Roye, c.1502, 358)

Fausser son scellé. Manquer à une convention signée et scellée.

Or regardez doncques comment il se pourroit, ne voudroit consentir à rompre, ne à fausser son scellé, ne à luy faire celle honte, qui est si haut et si noble prince, que de commuer sa grâce promise (Chastell., Chron. K., t.5, c.1456-1471, 188)

3.Emploi absolu. Être déloyal.

...Et sachiés bien que j'aim si sans trichier, Car je sui cilz qui onques ne faussay N'onques nul jour à fausser ne pensay. (Mach., L. dames, 1377, 142)

Se j'avoie corage de fausser, Si preng je en vous si tres bon exemplaire Qu'il m'osteroit le faire ou le penser. Car vo bonté me feroit amender, Se j'avoie corage de fausser ; Vostre biauté, vo plaisant regarder Et vo dous ris m'en feroient retraire, N'amour loyal ne me laroit durer. (Mach., L. dames, 1377, 168)

Manquer à ses devoirs.

'...Maiz par Dieu vous aveiz faulseit [en aidant Basin] ! Sire, se dist Rollant, vous perdeiz vos parollez, car nous yrons tous a Huy ; et se nous poions Basin tenir, il serat escorchiet, traieneit et pendus...' (JEAN D'OUTREM., Myr. histors G., a.1400, 201)

Sans fausser. Loyalement.

Mais je te diray que je fais : Je regarde la grant franchise Qui en li est mise et assise, Et comment il vuet sans fausser En moy servir sa vie user ; Et puis, selonc ce qu'amer vuet, Soit bas, soit haut mettre l'estuet, Car raison n'y iert ja gardée, Puis que mise y iert sa pensée. (Mach., D. verg., a.1340, 29)

...tous li cuers me frit et tramble, Quant einsi sans cause blamer Oy les dames et diffamer. Or entendez a ma demande : Biau Guillaume, je vous demande, Se celle change ne varie Qui est tous les jours de sa vie Loial amie, sans fausser, N'en fait, n'en desir, n'en penser ? (Mach., J. R. Nav., 1349, 243)

LA MAQUERELLE. (...) un riches homs (...) A du tout son cuer en vous mis Et vous aime tant sanz faucer Que riens nulle ne peut penser Fors conment de vous soit amez (Mir. Theod., 1357, 73)

C'est tout cler Que je l'aimme sans fausser (Froiss., Joli buiss. F., 1373, 141)

S'en vueil Amours mercier et loer Qui m'a donné si noble destinée Que j'aim et serf et desir sans fausser Celle envers qui nulle n'est comparée. (Mach., L. dames, 1377, 92)

Si vous pri, belle sans orgueil, Que j'aim loyaument, sans fausser, Pour le regart dont vo vair oueil Vorrent mon cuer enamourer, Que il vous vueille ramembrer Dou mal que j'arai main et tart, Se mes corps de vous se depart. (Mach., L. dames, 1377, 151)

...Li garder, Li celer, Li amer Sans fausser. Là sont tuit mi desir. (Mach., Les lays, 1377, 375)

C'est le Dieu createur du monde Qui, de pensée pure et monde, Veult c'on le serve sans faulcer (Myst. st Adr. P., c.1450-1485, 94)

Sans se dérober.

Michel, va le temple [de Jérusalem] casser De ton espee sans faulser ! Mect en piesses une partie ! (Pass. Auv., 1477, 224)

Participe passé en emploi adjectival. Déloyal.

...Se je vouloie nullement Estre moy vers lui tant faussé Que j'eusse a tel fait pensé (Mir. st J. Cris., c.1344, 269)

II. -[Domaine concret]

A. -[Idée de manquer, de rater (une cible)]

Fausser de qqn. Rater (qqn qu'on vise).

Basin prent son bordon forment à palmoier, Pynart quidat ferir parmi le hanepier : Mains ilh fausat de luy, si ferit Murgafier (JEAN D'OUTREM., Geste Liège B.B., t.2, a.1400, 718)

Une hameide prent qui astoit de beolle, Vers Baldwin s'en vat pour donneir une bolle : De Baldwin fausat, si conseut Gorsolle (...) : La tieste li fendit ensi com une amolle (JEAN D'OUTREM., Geste Liège B.B., t.4, a.1400, 714)

Et quant Basin l'entent, sy lieve son bordon et ferit aprés Pynart ; sy faulsat de luy, sy at occit Murgafier, I cusin Jehan. (JEAN D'OUTREM., Myr. histors G., a.1400, 215)

Au figuré. Fausser de + inf. Manquer à.

Atant sault avant Rollant et dist : 'Oncle, vous aveiz tort, qui fauseiz de faire justice !' (JEAN D'OUTREM., Myr. histors G., a.1400, 131)

B. -Fausser qqc. Déformer un objet (p. ex. en le frappant), endommager (surtout dans le combat).

Lors hauça l'espee et fery le glouton un si merveilleux coup qu'il lui faussa le haubert dessus l'espaulle et entra l'espee dedans la char (Bérinus, II, c.1350-1370, 117)

Dont vinrent gens d'armes (...) la ou li palis estoient fauset. (Froiss., Chron. D., p.1400, 587)

Car ilz ont des arcz et du traict que je cuide qu'ilz fausseroient ung haubergeon. (La Broquière, Voy. Outr. S., c.1455-1457, 227)

A la XJ^e course, messire Enguerrant un peu baissa sa lance et arresta au bas des lames, et Saintré a la rondelle, qu'il faulsa bien avant. (La Sale, J.S., 1456, 118)

...et vint a luy et le frappa sy dangereusement contre la poitrine qu'il luy faulça, et rompist son escu tellement qu'il cheit a terre tout mort (Bagnyon, Hist. Charlem. K., c.1465-1470, 134)

Sortibrant mist grant poyne a le resconforter, et le viel Tempesté en disant que en brief temps il s'en vengeroit de tous, veu que la tour estoit faulcee en plus de quinze parties. (Bagnyon, Hist. Charlem. K., c.1465-1470, 157)

Et de ce recontre le seigneur de Ternant donna un si grand cop à son compaignon qu'il faulça le bassinet à jour, et fut celle atteinte assez près du cop de la lance (La Marche, Mém., II, c.1470, 73)

La dix septiesme, atteindirent tous deux, et fauça de ce coup messire Jaques de Lalain le bord du gardebras de son compaignon (La Marche, Mém., II, c.1470, 103)

La quarte, messire Jaques atteindit ledit de Bonniface au default du grant garde bras, fauça le harnois à jour et rompit sa lance (La Marche, Mém., II, c.1470, 157)

...la cuirasse n'eust peu soubstenir l'atteinte dont le placart, qui estoit le plus fort et plus espez, estoit desjà percé et faulcé (La Marche, Mém., II, c.1470, 193)

Remarque : Ex. d'a.fr., cf. TLF.

Fausser qqc. outre. Endommager, briser qqc. de part en part.

...et de son espee le frappa moul[t] durement sur son escu, mais il estoit si dur qu'il ne le faulça pas tout oultre (Bagnyon, Hist. Charlem. K., c.1465-1470, 128)

...ledit Galiot assit sur le gantelet du seigneur de Ternant et le faulça tout oultre (La Marche, Mém., II, c.1470, 73)

[Une partie du corps] Transpercer.

...puis print son escu et sa lance, qu'il tourna devers l'un d'eux et le darda par tel vertu qu'il le faulsa parmy le senestre cousté et l'abati jus de son cheval. (Percef. IV, R., c.1450 [c.1340], 887)

...et luy faussa-on la teste tout outre d'une lance, parce qu'il l'avoit nue. (Chastell., Chron. K., t.4, c.1456-1471, 449)

...le cop luy passa a deux dois pres du visage, pris si a juste et a bonne mesure de haulteur et de largeur que, s'il l'eust attaint, jamés n'y eust eu remede qu'il ne fust mort et qu'il n'eust eu la teste faulsee de part en part (Chastell., Chron. IV, D., c.1461-1472, 166)

Celluy jour fut blessé le seigneur de Cimay au pied, et messire Jaques de Lalain eut la jambe faulcée d'une picque (La Marche, Mém., II, c.1470, 271)

[Un combattant]

O, quantes gens j'ay faulcé et trenché par le millieu ! (Bagnyon, Hist. Charlem. K., c.1465-1470, 207)