ENFREINDRE

verbe

[T-L : enfraindre ; GD : enfraindre ; GDC : enfraindre ; AND : enfreindre ; DECT : enfraindre ; FEW (IV, 680a) : infringere ; TLF (VII, 1105a) : enfreindre]

Emploi transitif.

A. -Transgresser, contrevenir à (un droit, une promesse, un engagement, un voeu, une loi, un commandement...), enfreindre.

...j'ay depuis mis Mon corps au pechié de luxure (...) Dont j'ay si ma chasté enfrainte (Mir. abbeesse, 1340, 96)

...de moy sera Gardé et bien tenu ce point Sans ce que je l'enfraingne point (Mir. mère pape, c.1355, 395)

Et ceuls qui estoient entour Dirent au roy : 'Tu ne dois mie Estre pour c'en merencolie, Car trop seroit chose diverse, Se la loy de Mede et de Perse Estoit pour un seul homme enfreinte ; Grant perte seroit et grant pleinte.' (Mach., C. ami, 1357, 39)

Les quelz sieremens, sus estre deshonouré, il n'oseroient enfraindre. (Froiss., Chron. R., VIII, c.1375-1400, 168)

...vos francisses (...) dou tamps passé ont esté si hautes, si nobles et si prisies, et avoec che si bien tenues et gardées que nuls ne les osoit enfraindre ne brisier. (Froiss., Chron. R., IX, c.1375-1400, 169)

...vous foulez noz drois soubz lez piés, noz libertés vous enfraingnés. (Songe verg. S., t.1, 1378, 14)

O tres justes prince, garde ta loyaulté et ta promesse et tez aliances, lezquellez tu as confermees, car, ja soit ce que aucun bien puist avenir en enfregnant sez aliances et sez promesses, toutevoies, d'autre part, il en avient plus de mal que de bien. (Songe verg. S., t.2, 1378, 269)

...car par contrainte de justice elle avoit dites icelles parolles, qui estoient vrayes ; et icelles amast mieulx avoir dites dès le premier jour que elle fu emprisonnée en Chastellet ; mais elle n'avoit osé, pour doubte d'enfraindre les promesses et convenances que elles avoient eu ensamble (Reg. crim. Chât., II, 1389-1392, 320)

...ledit prisonnier est digne de mort, mesmement qu'il avoit enfraint lesdites injunccions à lui pieçà faittes (Reg. crim. Chât., II, 1389-1392, 525)

Par foy, dame, s'il se puet excuser qu'il n'ait pas erré contre son serement ne faussé ne enfraint l'ommage que il doit, j'en seray tous liez, et seray cellui qui voulentiers le recevray en ses excusacions, lui et ses complices. (Arras, c.1392-1393, 209)

Lors prindrent congié du galliffre et du soudant et du roy Anthenor, et leur donna le soudant de moult beaulx joyaulx, et especiaument a Gieffroy. Et pour poy, se ne feust pour leur loy enfraindre, ilz se feussent entrebaisiez. (Arras, c.1392-1393, 238)

Qant ces coses furent apaisies (...) se tenoient bien ces trieuves en Bretagne entre mesire Carle de Blois et la contesse et lors gens, ne nuls ne les enfraindoit ne brisoit (Froiss., Chron. D., p.1400, 593)

Bien a icy, o createure humaine, espouentable exemple que les commandemens de Dieu, quelzconques ilz soyent, point ne enfraingnes ou trespasses. (Gers., Concept., 1401, 398)

A ce propos que le roy Charles amast science et l'estude, bien le moustroit à sa tres amée fille l'Université des clers de Paris, à laquelle gardoit entierement les previleges et les franchises, et plus encore lui en donnoit, et ne souffrist que ilz leur fussent enfrains. (Chr. Piz., Faits meurs Ch. V, S., II, 1404, 46)

En ces cas par especial, sans enfraindre la loy peut le bon prince prendre nouvelle subside et oultre son naturel demaine sur ses subgetz. (Chr. Piz., Corps policie L., 1406-1407, 31)

...pour occasion de l'immunité des XVxx de Paris, que l'en disoit estre enfraincte par les gens du Roy ou Chastellet (Baye, II, 1411-1417, 254)

...le cardinal des Ursins ou autres de par lui s'efforçoient d'entreprendre contre les ordonnances faictes sur les libertés de l'Eglise de France et ycelles enfraindre (Fauq., I, 1417-1420, 270)

Si va juger en soy mesmes qu'il avoit enfraint son saufconduit (C.n.n., c.1456-1467, 55)

Si s'advisa d'un tresbon tour pour contenter tous ses parens, sans enfraindre la loyaulté qu'elle veult tenir a son serviteur (C.n.n., c.1456-1467, 170)

Je ne vouldroye pour rien avoir enfrainct mon veu (C.n.n., c.1456-1467, 205)

Sur tout fault Dieu aymer et craindre Affin que l'on ne puisse enffraindre En rien qui soit son ordonnance (La Vigne, S.M., 1496, 420)

Sans enfreindre. Sans infraction, fidèlement.

LE MARQUIS [à ses barons] . (...) Maiz une chose quier et vueil, Laquelle vous me promettrez Et sans enfraindre garderez : C'est que celle que je prendray [comme femme] (...) celle honnourrez, Aimerez et obeïrez Sans ce qu'aprez aucunement En doiez estre mal content N'aucunement en murmurer (Gris., 1395, 17)

...que ledit suppliant ilz laissent joyr de nostre presente grace et pardon sans infreindre (Lettres rémission René II P.D.H., 1477, 101)

Participe passé en emploi adjectival. Qui contrevient à tout ce qui est attendu, à ce qui est souhaité.

MALE FIN. (...) Je suy gourdë et engentee, Et enfraignie et redoubtee (Bien avisé Mal avisé B., c.1487-1490 [1396], 212)

B. -Enfreindre qqn. Se placer hors des commandements de qqn.

Or lui convient il [au pauvre vieillard] mendïer, Car ad ce force le contrainct ; Regrectë huy sa mort et hier, Tristesse son cueur si estraint ! Se, souvent, n'estoit Dieu qu'il craint, Il feroit ung orrible fait, Et advient qu'en ce Dieu enffraint Et que lui mesme se deffait. (Villon, Test. R.H., 1461-1462, 51)

Enfreindre la sauvegarde de qqn. Se placer hors de la protection de qqn.

...en disant que le clerc aura commis port d'armes, ou enffraint la saulvegarde du roy, ou commis aultre cas (Juv. Urs., Nescio, 1445, 500)

...n'est doubte que l'omme et la femme de la condicion dessusdicte enfraingnent bien la sauvegarde de Dieu et du saint sacrement de mariage (Juv. Urs., Verba, 1452, 381)

C. -Par extension. Contrevenir à l'intégrité de qqc., briser, détruire.

Car li loriers est uns arbres loés, Vers en tous tamps, prisiés et honnourés ; Onques ne fu ne enfrains ne mués. (Froiss., Espin. amour. F., c.1369, 134)

Item que se desbaz uns ou plusours se movoyent en temps avenir par quelque cause entre les gens desdiz seignours de Beaujeu et de Vilars, que les quatre chevaliers qui sunt nommé par la partie desdis seignours de Beaujeu et de Vilars ou les baillis de cour se fere se povoit par eulz ayent plaine puyssance de seder, pacciffier et accorder lesdiz desbaz un ou plusours, par lesquelz desbaz ou offenses qui surevindront entre les gens desdictes parties ne soit mie la pays dessusdicte rote ne enfreinte ne auxi les autres choses dessusdictes pronunciez en tout ne en aucune partie. (Titres Bourbon H.-B., t.1, 1378, 595)