FOULER

verbe

[T-L : foler2 ; GD : fouler ; GDC : fouler ; AND : fuller2 ; FEW (III, 844a,845a,846a,847a) : fullare ; TLF (VIII, 1151b) : fouler]

A. -Au propre.

1.Piétiner, écraser.

Plus desloial d'isdre foulee, Et plus tourble de sourde mer Se tu ne me daignes amer (Mach., Voir, 1364, 632)

'En chevauchant parmi nostre païs, il ont foullé et abatu les blés, les orges et les avaines, et (...) il ne dagnoient chevauchier les chemins.' (Froiss., Chron. R., XI, c.1375-1400, 275)

Donc, quant il vendra au lit d'un cerf ou a la reposee et il le verra lonc et large et bien foulé et preinte l'erbe, et au lever qu'il fera dou lit, le pié et le genoill auront bien fondue la terre et pressee l'erbe, ce sont signes qu'il est grant cerf et pesant (Gast. Phébus, Livre chasse T., 1387-1389, 154)

...il bouta sa main en sa tasse, pour prendre et getter à terre deux noëaux qui encores y estoient, afin que l'en ne les trouvast sur lui ; mais il dit que il n'y en trouva que un, lequel il print et getta à terre tout secrettement, et marchié du pié dessus, et foula en la boë, senz ce que nul le veist ou apperceust. (Reg. crim. Chât., I, 1389-1392, 431)

...quant il fu prins à la Ferté-Bernart, il avoit en sa tasse, sy comme il cuidoit, deux d'iceulx noëz ; mais il ne y en trouva que un, lequel il jetta en la boë et le foula aus piez, affin que l'en ne le trouvast de ce saisy. (Reg. crim. Chât., I, 1389-1392, 457)

Et si ne passasmes oncques haye, qu'il ne demourast derrière pour la relever, s'elle estoit foulée, de doubte que on congneust que nous eussions passé par là (Bueil, I, 1461-1466, 34)

Voie foulee. Voie piétinée, battue.

Bien est voir que chienz viennent aucune foiz chassant jusques a une voye qui sera foulee et usee et batue et poudreuse, et donc les chienz passent la voye tout oultre, et le cerf aura fouy et refouy la voye ou aval ou amont (Gast. Phébus, Livre chasse T., 1387-1389, 198)

[D'une chose] Écraser qqc..

...parce que le feu qui est plus legier le foule [cest air] et le met dessous soy. (Oresme, C.M., c.1377, 70)

Locution figurée. Fouler le foin

S'il se mocque que l'en l'asaille Et l'envoyez fouller le fain. (Sots gard., a.1488, 102)

2.[D'une pers., dans divers métiers] Comprimer, presser qqc. en appuyant de façon répétée.

a)DRAPERIE Presser un drap, une étoffe pour en rendre le tissu plus ferme, plus serré.

Et tels operations sunt comme fouler les draps. (Oresme, Pol. Arist. M., c.1372-1374, 69)

Item, nul des hommes dessusdiz ouvrans des mestiers qui ensuivent ne pevent fournier pain, pour brasser, forgier, caronner, fouller draps, cuire pos de terre (...), du boiz de ladicte forest, ou autres faisans mestier du boiz d'icelle forest, qui ne soit tenu païer par chacun an au roy chacun cinq solz venant en la main de l'aloueur au terme saint Michiel. (Hector De Chartres, Cout. R., 1398-1408, 100)

...lequel moulin ledit Houel ne sez hoirs ou ayans cause, ne aultres tenans d'icellui, ne pourront, pour le temps advenir, fere batre aucun tan, mais le pourra édiffier à fouller draps ou piller champvre (Cartul. Hôtel-Dieu Cout. L., 1446, 257)

Item, et sy commencheront lesdicts foullons à fouller lesdictes saies depuis le jour de Pasques carnées jusques au jour sainct Remy à cincq heures du matin (Hist. Lille T., t.2, 1500, 516)

b)PEAUSSERIE Presser, battre une peau pour l'amollir.

Pour foler 2 seurcoz et 1 chaperon et 2 paire de manches, 3s. Pour oint, 12d. Pour croie pour tramper lesdictes forreures, 6d. Pour bran, 6d. Pour fil pour lesdictes besoignes, 16d. Pour cervoise pour lesdiz ouvriers, 3s. 3d. (Comptes argent. rois Fr. D.-A., I, 1359-1360, 263)

c)Presser, écraser (le raisin) pour en faire sortir le jus.

...en un pressour fermant a vis Il est estraint et enferme Aussi com marc qui est foule (Guill. Digull., Pèler. vie hum. S., c.1330-1331, 376)

Gautier le Blont, demourant a Paris, au Pont Perrin, confesse que, par plusieurs annees passees et ceste presente annee, reverant pere en Dieu monseigneur l'abbé de Saint Magloire de Paris lui a donné congié de aporter la vendenge de ses vingnes de Charronne, tenues de venir en la place et au pressouer du dit abbé et couvent du dit Saint Magloire au dit Charronne, en sa maison, pour illeuc la faire fouler et ordener jusques a porter le marc roisonnablement au dit pressouer, la quelle vendenge le dit Gautier devoit et doit faire porter en la dite place et au dit pressouer. (Chartes Abb. St-Magl. T.F., t.3, 1383, 529)

Et pour 3 hommes des dessusdiz qui veillèrent à fouller la ditte vendenge, à chascun 8d.p. (Chartes Ste-Chapelle Vincennes B., t.1, 1403-1404, 145)

Une cuve à fouler la vendange et une pipe de cinq asnées, 30 s. tournois. (Aff. Jacques Coeur M., 1453-1457, 272)

3.[Dans un cont. grivois] Fouler le harnais. Avoir un rapport sexuel avec une femme.

DEMANDE. Se suiz hucié et appellé, En sale et en chambre mené, Ou tost voy que j'ay a faire, Qui est chose de hault afaire, A ce labeur ne quiers avoir Tiers sochon ne quart pour voir. La j'ay paine tant que j'en sue, Et ma parole en devient mue ; Maiz quant j'ay mon harnaz foulé, Tout desvoié et affolé, On n'a plus cure de mes behours, Pour ce que suis ort, lait et lours. RESPONSE. C'est pour un ramonneur de cheminnees (Devin. R., c.1470, 69)

B. -[L'accent est mis sur l'idée de dommage subi par qqn ou qqc.]

1.Endommager, détériorer qqc. en le piétinant.

...pour doubte que ledit pont ne feust rompu ou trop folé, en maniere que la besoingne dudit suppliant n'en feust retardée, icellui suppliant se mist au devant des beufz qui menoient ladicte charette, et les garda de passer par dessus le dit pont. (Doc. Poitou G., t.8, 1446, 390)

Endommager, détériorer qqc..

...les terres dessus nommez estoient foulées et amenries et appovries grandement. (Froiss., Chron. M., XIV, c.1375-1400, 135)

...l'eaue leur coule Au long des armes et les foule Et charge (Chr. Piz., M.F., III, 1400-1403, 221)

Je m'esbahÿs bien que noz royz Ne sont tout en pieces vollee, Mais je n'y voy mailles foullees Ne plus que quant on les y mist. (Gréban, Pass. J., c.1450, 423)

Fourrer qqc. (qq.part).

...tousjours sans espace Cuid elle [Atropos] Cerberus souler, Et en sa gueulle luy fouler Sa proyë, au chien familleux (Courcy, Chem. vaill. D., 1424-1426, 41)

2.Malmener, maltraiter, blesser qqn (en partic. au combat).

Sa force est qu'en chëant est forte ; En desconfort se reconforte ; En riant meschëance aporte, Pleur et hachie ; En confortant se desconforte ; En foulant [var. folant, volant] les siens entreporte ; En tous maus faire se deporte, Quoy que nuls die. Fortune est par dessus les drois ; Ses estatus fait et ses lois Seur empereurs, papes et rois... (Mach., R. Fort., c.1341, 43)

LE ROY. (...) Mes gens foule et gaste ma terre (Mir. Amis, c.1365, 11)

Et vous di que il heussent vaillanment foulé ces gens d'armes, se li embusche ne fust traite avant. (Froiss., Chron. R., IX, c.1375-1400, 113)

Mais, avant qu'il les eust rassemblez ne ordonnez a moitie, vint Uriien et sa bataille, qui leur coururent sus moult asprement. Et la commenca l'occision grant et la perte, mais la plus grant perte tourna sur les payens, car ilz ne orent pas loisir d'eulx ordonner, et estoient foulez de l'assault, et n'estoit pas chascun soubz sa banniere, et ilz furent couru sus de gent aspre et qui estoient duit du mestier d'armes, que en petit de heure furent mis les pluseurs a la fuite. (Arras, c.1392-1393, 112)

Durant le temps dud. siege de Pontaise furent faictes maintes valiances et par les François et par les Anglois, mais tousjours furent les Anglois les plus fouléz. (Maupoint, Journ. paris. F., p.1441, 27)

Ainsy et par ceste manière fist le Roy Charles ses ordonnances publier avant son partement, et ce fist sagement, afin que le povre poeupple ne fust pas tant foullé, et aussy qu'il y eut policie et justice en sa guerre. (Escouchy, Chron. B., t.1, a.1465, 328-329)

Ne vous pourroye a demi dire le tresgrant dueil que le seigneur de Loissellench fist, tant de sa male fortune comme de ce que un si josne homme l'avoit a cheval et a pyé foulé (La Sale, J.S., 1456, 165)

...se ne fust le bon droit que j'avoie, il m'eust foulé et mis au bas, tant ay trouvé de force en lui qu'il n'est pas de merveilles s'il a tant de gens desconfiz (La Sale, J.S., 1456, 283)

Le chevalier estoit vestu d'une longue robe de velours tanné, fourrée d'ermines, à ung grant collet renversé, et la robe fendue de costé, et les manches fendues par telle façon, que, quant il se dressa en sa littiere, l'on veoit partie de son harnois. Il avoit une barrette de velours noir en sa teste et tenoit toute maniere de chevallier ancien, foulé et debilité des armes porter. (La Marche, Mém., III, c.1470, 128)

Encor a naistre est celuy qu'ay doubté, Ains par mes faiz ay plusieurs roys dompté, Batu, frappé, foullé, rué par terre. (La Vigne, S.M., 1496, 242)

Foulé de + compl. de cause

Conseil n'eurent pas à ceste heure Qu'il leur alassent courir seure. Li pluseurs estoient blecié, Et s'estoient trestuit à pié ; Et si estoient moult foulez Dou chaut, et pesamment armez, Car chaut faisoit à desmesure Dessus la roche haute et dure... (Mach., P. Alex., p.1369, 165)

Quant il y vint, il assailly Le chastel, mais il y failly, Car sa gent estoient lassé, Grevé, travillié et foulé Dou grant chaut et de la bataille, Et s'avoient po de vitaille ; Et li Sarrazin qui estoient Eu chastel, bien se deffendoient. (Mach., P. Alex., p.1369, 215)

...on les avoit bouté hors de Calais, pour tant que il cargoient trop la ville, et le foulloient de vivres, et en aloient aillours a l'enventure querir lor mieuls (Froiss., Chron. D., p.1400, 747)

Je me sens foulé du harnois, Et veulx reprandre mon alaine (CH. D'ORLÉANS, Rond. C., 1443-1460, 335)

Bousculer, gêner qqn.

Et pour ce sont tenus estre de leurs personnes aux pasnages de la dicte forest et garder le pas par lequel les pors passent, affin que les gens du roy n'y soient trop foulléz. (Hector De Chartres, Cout. R.B., 1398-1402, 77)

Refouler qqn.

LE ROY. Avant, biaux seigneurs ! (...) A l'encontre vous en alez, Et faites qu'ilz [les ennemis] soient foulez. (Mir. Amis, c.1365, 10)

Part. passé en empl. subst..

...sitos qu'il avoit les foulés remis sus, et il veoit une aultre bataille ouvrir ou branler, il se traioit celle part (Froiss., Chron. L., VI, c.1375-1400, 163)

CHASSE Harasser (la bête traquée).

Aussi les mener souvent chascier et fouler leur fet bien laissier le crier, quar, quant ilz sont las, ilz n'ont cure de jangler. (Gast. Phébus, Livre chasse T., 1387-1389, 210)

Mordre (la bête tuée).

Et quant il est mort [la loutre] , si le giete enmi les chiens et leur fait fouler. (Henri Ferr., Modus et Ratio, Livre deduis T., c.1354-1377, 97)

Premierement, il doit fere le lou bien fouler et tirier a ses chienz, aprés le doit fendre tout au long et vuidier tout quant qui est dedanz et bien laver. (Gast. Phébus, Livre chasse T., 1387-1389, 241)

3.(Se) fouler. Se fatiguer, s'épuiser.

...ses gens et tous les meilleurs se foulloient et laissoient et s'acouchoient au lit (Froiss., Chron. M., XIV, c.1375-1400, 96)

Et s'estoient li signeur foulet et travilliet de tant jesir par si ort tamps, si froit et si plouvieux as camps (Froiss., Chron. R., XI, c.1375-1400, 69)

ANNE. (...) Il fault que ceens vous tegniez, Nous deux menons ma dame esbatre Aux oisiaux sauvages abatre. (...) FRANÇOISE. Ne la laissiez pas trop fouler. (Mir. fille roy, c.1379, 50)

Participe passé en emploi adjectival. Foulé. Fatigué, épuisé.

Ne scevent qu'avoir amasser, Et les francz lignages casser, Les jonez hommes vieultoyer Et les grans avoirs manoyer, Ces ors viellars secz et foullez Par qui nous sommes deboutez. (Renart contref. R.L., t.1, 1328-1342, 216)

Mais moult en y ot de bleciez De trais, de lances et d'espiez, Et de leurs chevaus affolez, Qui estoient las et foulez ; Et li Sarrazin en perdirent Pluseurs que li nostres ocirent. (Mach., P. Alex., p.1369, 94)

Si furent mis hors les chevaulx tout bellement, qui avoient esté ens es naves plus de XV. jours. Si estoient tous foulez et oppressez, quoy que ilz eussent esté bien songniez de foin, d'avaine, d'aigue doulce. (Froiss., Chron. M., XII, c.1375-1400, 311)

Tu seras ennuyes et te sentiras tout foule et recognoistras lors en toy mesmes qu'il vaulast mieulx que tu eusses dormy la nuyt a souffisance. (Mézières, Songe vieil pèl. C., t.2, c.1386-1389, 207)

Le faulx roy fuioit tousjours et le chevalier le poursieuvoit, tres doulant que son cheval ne le pouoit rataindre, car il estoit faulé d'avoir fait plus de chemin que mestier ne lui fust. (Percef. III, R., t.2, c.1450 [c.1340], 232)

...li cheval estoient si foullé et si lassé que il ne pooient aler que le pas (Froiss., Chron. D., p.1400, 134)

Treschiers sire, ne vous desplaise, Je n'ay de sesjourner besoing, Ains me convient aler plus loing, Combien que je soye foler. (Myst. st Adr. P., c.1450-1485, 16)

4.HIPPIATRIE Foulé. Atteint de bleime (meurtrissure de la sole du talon).

Item, s'il est foulés dedens la voine, si soit parés li piés dessous et serré la voine en l'emplastre et teper la .III. fois avec .I. fer chaut. (Chir. chevaux P., c.1325-1350, 368)

C. -Au figuré.

1.Réduire, écraser, opprimer, maltraiter qqn / une communauté.

...il [les subjects] soient depauperés et desarmés et occupés en oeuvres et fouléz en tele maniere que il sentent et apperçoivent que il ne ont puissance de rebeller. (Oresme, Pol. Arist. M., c.1372-1374, 247)

Ensi estoient là les coses entoueillies, et li signeur et li chevalier l'un contre l'autre ; et y fouloit li fors le foible ne on n'i faisoit droit ne loy ne raison à nullui. (Froiss., Chron. R., VIII, c.1375-1400, 19)

Li connestables qui ne voloit mies trop fouler ne grever ses gens, ne chiaus dou fort trop presser, pour tant que il estoient droites gens d'armes, entendi à ces trettiés et les laissa passer. (Froiss., Chron. R., VIII, c.1375-1400, 53)

...et devoient li manant de Bervich demorer en bonne paix sans estre foullé ne pressé, ne avoir auqune violense de lors corps et de lors biens. (Froiss., Chron. D., p.1400, 222)

...li contes Derbi (...) avoit (...) le pais durement foulé et apovri. (Froiss., Chron. D., p.1400, 647)

...que elle sache tout le fait de son gouvernement (...) c'est afin que se veuve demouroit, que elle ne fust pas trouvee ignorant de savoir son estre, si que chascun la voulsist foler et enporter sa piece. (Chr. Piz., Trois vertus W.H., c.1405, 152)

...se tant estoit qu'ilz voulsissent tirer à Montbeliart pour le plus court, il les conviendroit passer et traverser, actendu la marche ou ilz sont presentement, les pays de Charolois, des duchié et conté de Bourgongne, qui seroit grant foule et dommaige pour lesdits pays, et de quoy tenons que le Roy et mondit seigneur le Daulphin ne seroient pas contens, lesquelx ne vueillent point fouler ne domaiger les pays et subges de nostredit seigneur (Ecorch. Ch. VII, T., 1445, 37)

Helas ! chascun fole le Povre Peuple. Je ne possede plus (nulle) terre ne meuble, Certes, je suis par Pluseurs deserté. (Pouvre peuple H., c.1450-1492, 197)

Accabler (d'exactions, d'impôts...).

Et pour ce proposent contre icelle lettre lesdictes bonnes villes et dient que le païz d'Auvergne est et a esté dès long temps moult foulé et gasté tant de tailles que aultrement (Baye, II, 1411-1417, 12)

2.Traiter qqn/qqc. avec mépris, outrager qqn/qqc..

Item, l'official et ses advocatz de sa court ont foullé et foullent le procureur du roy en icelle court et ne l'ont voullu ne veullent ouyr, comme ilz doivent, a postuller ne requerir les causes du roy, luy ont fait plusieurs injures et opprobres et a ses enffans aussi, en haygne de son office, qui est grandement eu préjudice du roy et de ses droictz (Echiq. Normandie S., 1391, 84)

...pour ce que l'onneur du Roy sa justice et l'estat du Royaume et de la chose publique estoient foulez et bléciez (Ch. VI, D., t.1, 1410, 327)

Et ledit feu Colin dist (...) que autresfoiz ledit Faupoint l'avoit foulé et grevé de sa parolle, se lui avoit on dit. (Chancell. Henri VI, L., t.1, 1426, 313)

Toutevoies, avecq messeigneurs de vostre conseil, n'a pu trouver jusques-cy nul moyen, mais le foullent et reboutent très-fort (Chastell., Chron. K., t.3, c.1456-1471, 163)

...comme plus à plain sera veu cy après de chacun [des astrologues] en son ordre et aage, l'onneur et sainteté de tous lesquelz ledict calumpniateur et ignorant detracteur s'efforce charger, fouller et diminuer en blasmant ladicte science (Simon De Phares, Astrol., c.1494-1498, f° 4 r°)

Part. passé en empl. subst..

Le hault orgueil descendra, L'umble cueur es cieulx tendra, Le foulé se soustendra. (Chart., L. Esp., c.1429-1430, 63)

Justice fault que du juste ysse Pour supporter les trop foullés. (Michel, Myst. Pass. J., 1486, 121)

Blesser, atteindre qqn.

...toy succombee en dangier et en chartre de merancollie, non toutesvoyes habandonnee de Dieu, ne foullee en ton honneur, tu es venue droit cy faire tes clamaces (Chastell., Temple Boc. B., 1463-1464, 189)

Emploi pronominal réfléchi. Agir contre son honneur et contre ses intétêts.

...et ne fut oncques jusques à celle heure si en perplexité de chose [le comte de Saint-Pol] , que quand il oyt que en Hainaut et ailleurs, là où il avoit belles terres et places, le duc ne le vouloit garder, ne luy donner aveu de soy y retraire, combien que le duc mesme se fouloit en cela car les terres et seigneuries qu'il avoit en l'empire, hautes et puissantes, le roy n'y avoit que cognoistre et n'y quéroit riens ; et pour tant il se fouloit soy-mesme et non moins ses subgects. (Chastell., Chron. K., t.4, c.1456-1471, 435)

3.Bafouer qqc..

...pour ce que l'onneur du Roy, sa justice, et l'estat du royaume et de la chose publique estoient foulez et bleciez (Baye, I, 1400-1410, 332)

...iceulx seigneurs (...) leur dirent en effect comment en la ville de Paris, depuis aucun temps en ça, avoient esté et encores estoient tenues aucunes manieres qui fouloient et bleçoient l'auctorité et puissance du Roy et de sa justice (Baye, II, 1411-1417, 120)

De foler la loy a [Jésus] grant tort, Deffendéz la sur tout [l. toute] rien. (Pass. Semur D.M., c.1420 [1488], 152)

Et s'il avance sa seignourie par fourme qu'il puisse avoir ung banerez ou VI chevaliers bachelliers, chascun de V^Ic frans de rente, soubz lui, alors il puelt, par le congié du prince, soy dire baron ; et aultrement le prince qui le seuffre foulle les termes de raison. (La Sale, Salade, c.1442-1444, 233)

Fouler qqc. (des droits / des lois...) sous les pieds. Bafouer qqc..

Et que pis est, lez biens que, ja, justement nous tenons et avons acquis, se nous ne lez vous distribuons, vous lez nous ostés et par force lez ravissiés ; vous foulez noz drois soubz lez piés, noz libertés vous enfraingnés. (Songe verg. S., t.1, 1378, 14)

4.Perturber, modifier qqc..

Touteffois l'en print le coeur a ratendrir et sa veue a amoistir tant qu'il ala dire de parole foullee par tendreur : ... (Percef. Compl. R., c.1450 [c.1340], 279)