MEURTRIR

verbe

[T-L : mordrir ; GD : mordrir ; AND : murdrir ; FEW (XVI, 583b) : *murþrjan ; TLF (XI, 773a) : meurtrir]

A. -Au propre. Meurtrir qqn

1.Tuer, assassiner qqn.

Arse serez, Quant vostre cousine arse avez Et mon seneschal si murdri (Mir. femme roy Port., c.1342, 193)

Ainsy ces gens (...) ardoient et roboient tout et murdrissoient gentilz hommes et nobles femmes (Le Bel, Chron. V.D., t.2, 1358, 257)

Il le pourfent tout jusques ès dens et l'abat là dou travers dou suel : ensi fu il mourdris que je vous di, et puis vient à le première porte et le deffrume. (Froiss., Chron. L., V, c.1375-1400, 92)

'Et fault qu'il muire tout du commancement (...) A ces mots, s'avancierent ceulx qui ordonnez estoient pour ce faire, et prindrent le chevalier et le murtrirent.' (Froiss., Chron. M., XII, c.1375-1400, 257)

Elle [Fortune] se boute en maint abist ; Se l'un garist, L'autre mourdrist, Quanqu'elle dist Tantost desdist. Adès est contraire à son dist. (Mach., Les lays, 1377, 417)

Et quant il appercevoit que lez diz subjés vouloient appeller de cez griefs, il lez faiset murtrir ou mutyler, enprisonner ou lez traitier aultrement tres durement. (Songe verg. S., t.1, 1378, 283)

...et porterons le corps devers le roy, en lui disant comment Hervy de Leon a murdry son nepveu en trahison. (Arras, c.1392-1393, 59)

...il a ouy dire, ou temps qu'il estoit oudit païs, que icellui Thomassin occist et murdrit pour elle un compaignon qui estoit venu à elle pour avoir sa compaignie. (Reg. crim. Chât., I, 1389-1392, 143)

... [ils] dient que il est voix et commune renommée oudit païs que icellui prisonnier avoit emblé ledit cheval et leine qui dessus icellui estoit, et souspeçonné d'avoir occiz et murdri icellui homme à qui ledit cheval estoit (Reg. crim. Chât., I, 1389-1392, 286)

...Remondin se recommandoit a sa bonne grace, et qu'il ne lui voulsist desplaire s'il avoit prins vengence des traitres qui l'avoient voulu murtrir en trahison, et qu'il lui envoyoit le chastellain et les autres pour savoir la verité du fait, et qu'il en preinst la punicion a sa voulenté. (Arras, c.1392-1393, 73)

Les filz Aucus, par leurs malices, Le murdrirent a la parfin, Et ce fu de Picus la fin. (Chr. Piz., M.F., III, 1400-1403, 190)

...contre ces pillars et banniz qui courent par le royaume, pillans et murtrissans toutes manieres de gens (Baye, II, 1411-1417, 266)

Maillets sont volentiers de bois fort et dur ou de pesant mettal pour ferir et enfondrer dures choses et meurdrissent volentiers ce qui refuse contre eulx. Et senefie que cellui qui premier les porta en armes estoit dur pour frapper grans horions de puissance en bataille representant liesce et haultesce par le bois et par le mettal homme de grant poix qui enfondroit et meurdrissoit ceulx qui rebelloient contre lui et l'estat de noblesce. (Best. hérald. H.E., c.1435-1450, 506)

Duquel, pour venir a mon propos, est assavoir qu'il [Jules César] fust trahy et murtry estant au conseil pour le bien de la chose publicque. (La Sale, Sale D., 1451, 198)

...le cueur tousjours luy jugeoit qu'ilz l'avoient tué et murdry. (C.n.n., c.1456-1467, 552)

...pour cause de quoy grant nombre de gens dudit pays se mirent sur les champs pour le tuer, et y ala aussy sondit maistre ; et tant firent qu'ilz trouverent ladicte beste, laquelle entre autres personnes recongneut et vint à sondit maistre, et incontinent fut tuée et meurdrie. (Roye, Chron. scand., II, 1460-1483, 80)

Et, à l'eure dudit assault, la plus grande et saine partie des habitans d'icelle cité s'enfouirent et retrahirent et laisserent ung peu de populaire comme femmes, enfans, prestres, religieuses et vielz et anciens hommes, qui tous y furent tuez et murdris. (Roye, Chron. scand., I, 1460-1483, 217)

Je l'ay veu en ceste advanture, Car Herodes a fait murtrir Jehan batiste, personne pure, Pour faire a Herodias plesir. (Pass. Auv., 1477, 111)

Par métaphore.

Or vous ay dit la maniere (...) Comment de moy ma dame ne souvint, Les biens, les maus qu'endurer me couvint Jusqu'au jour d'ui, Comment je n'ay aïe de nelui, Comment vengier ne puis mon grief anui, Dont a par mi me mourdri et destrui ; Si que je di, Se bien m'avez entendu et oy, Que la doleur dont en morant langui, Qui mon viaire a desteint et pali Par sa rigour, Est de vos maus cent mille fois gringnour. (Mach., J. R. Beh., c.1340, 90)

Emploi absolu.

Je ne fis onques bien, par foy, Fors que desrober et murdrir. (Mir. march. larr., c.1349, 108)

Batre, rouiller pour ce n'est pas scïence ; Tollir, ravir, piller, meurtrir a tort : De Dieu ne chault, trop de verité se tort Qui en telz faiz sa jeunesse demaine, Dont a la fin ses poins doloureux tort, Par offenser et prendre autruy demaine. (Villon, Poèmes variés R.H., c.1456-1463, 62)

Participe passé en emploi substantival. Celui qui est mort de mort violente.

...le juppon duquel murdy ycellui de Saint-Cloud print et le vendi le lendemain, en la ville de Saint-Cloud, XIJ s., lesquelx ilz burent et despendirent ensemble audit lieu, le lendemain matin dudit fait et murdre advenu (Reg. crim. Chât., I, 1389-1392, 63)

2.Contusionner, meurtrir qqn.

Puis après ses jambes mettrons Sur l'enclume et le moldrirons, Comme dist est, de noz marteaux (Myst. st Adr. P., c.1450-1485, 156)

Sang meurtri. Sang qui vient d'une meurtrissure, d'une contusion, ecchymose, hématome' .

Et en oultre fut faite ordonnance de la tauxacion des drois des aultres bateures et malfaichons qui ensieuvent, c'est assavoir : De coup de baston sans sanc et sans cable, X s. De playe a test descouvert, LXXII s. D'un coup d'espée de plat et de taille, XVIII s. Et s'il y a sanc muldry, XVIII s. (Echiq. Normandie S., 1386, 49-50)

B. -Au figuré.

1.Blesser, déchirer, faire cruellement souffrir qqn/un aspect de la pers..

Encor te vueil je deus mos dire Pour continuer ma matire : Amis, se tu te desconfortes, Tu mourdris ton cuer et avortes Et fais joie a tes anemis, Et s'en est Dieus arriere mis, Meins priez et meins honnourez, Meins servis et meins adourez, Et si dois tout autre penser Laissier, pour bien a li penser. (Mach., C. ami, 1357, 64)

Et quant Souvenir en moy vient, Tendrement plourer me couvient, Qu'en monde n'a bien qu'i m'aporte, Eins me mourdrist et desconforte, Et les pointures que je sens, Qui sont a milliers et a cens, Chacent de moy par leur rigour Sanc, couleur, maniere et vigour. (Mach., C. ami, 1357, 74)

Si qu'à ce faillir Ne puet qui vuet, sans partir, Servir, Chierir, Obeir Tous jours, Sans faire faus tours, S'Amours ne se desnature ; Et s'elle murtrir Vuet .J. amant et honnir, Haïr, Fuïr Et tenir Dolours En li et tristours, Ce n'est pas bonne nature. (Mach., Les lays, 1377, 387)

Ne serez vous aussi jamais saoulez de traveillier cuers et les murtrir ? (La Sale, J.S., 1456, 300)

[D'une chose]

Si ne puis durer longuement, Car ma tres douce dame rit Et prent deduit en mon tourment Et ès meschiés, où mes cuers vit. Ce me destruit, ce me murdrit, Ce me fait plaindre et larmoier, Ce me partue et desconfit, Quant à ma dame merci quier. (Mach., Bal., 1377, 564)

Car pour mon las cuer detraire Sont ja mort tuit mi deport, Si qu'en riens ne me deport, Einsois li maus que je port Me mourdrist sans nul deport, Pour ce que j'aim sans retraire. (Mach., Les lays, 1377, 300)

Emploi pronominal réfléchi. Être abîmé dans la douleur.

La [sur ton cercueil] ne fait que fondre et frire ; La son dueil demeinne ; La, sans rire, Se martire ; La se mourdrist ; la desire Qu'il ait mort procheinne. (Mach., L. plour, 1349, 289)

2.Étouffer qqc..

Amours (...) Li porra bien dire Que pour s'amour fri Sans plainte et sans cri, Et qu'a li m'ottri Comme au plus trés noble tri Que peüsse eslire, Et qu'autre ne tri ; Einsois a l'ottri Qu'onc ne descouvri, Dont maint souspir ay murtri Qui puis n'orent mire. Mais s'en mon depri M'est amours estri, Je n'en brai ne cri, N'autrement ne m'en defri, Ne pense a defrire. (Mach., R. Fort., c.1341, 23)