DILIGENCE

substantif féminin

[T-L : diligence ; GDC : diligence ; AND : diligence ; FEW (III, 79b) : diligentia ; TLF (VII, 215a) : diligence1]

I. -[À propos de pers.]

A. -Soin empressé, application, empressement, zèle.

1.Soin empressé, application.

...celle de destre signefie Scens, honnesté et courtoisie, De la senestre le contraire, Et s'en doit on d'autel dart traire Com de la destre, sans ruser, Qui en vuet bien a point user, C'est assavoir de diligence Ou il n'ait point de negligence. (Mach., D. Aler., a.1349, 336)

J'ay de toy soing et diligence. (Mir. Theod., 1357, 112)

...par bonne estude et diligence (Saint-gille, Comment. A.Y. L., 1362-1365, 366)

...la grant diligence d'excerciter et communiquer avecques les sages docteurs (Saint-gille, Comment. A.Y. L., 1362-1365, 366)

Et a l'experience que met Aristote de la vessie enflee, premierement, si comme recite saint Thomas d'Aquin, Simplicius et Themistius et aucuns autres tempterent ceste chose a grant diligence et fu trouvé que aucune tele chose plaine de aer pesoit equalment comme wide de aer, et aucune fois moins et aucune fois plus (Oresme, C.M., c.1377, 690)

Or doint Dieu que par bonne experience et enseignement du saint Esperit nous puissons concevoir en nous ces trois merveilles autrement que nous ne les pouons faire, car diligence humaine n'y souffist pas (Gers., P. Paul, a.1394, 506)

Devotes gens, se les dampnez ont telle cure et diligence que nous ne soyons dampnez, et que nous faisons yci nostre penitence, car autre remede n'y a, vous devez trop mieulz croire que les ames de purgatoire ont plus grant desir que nous soyons repentans de noz pechiez (Gers., Déf., 1400, 241)

...tieulx gens appeller se peullent 'Clercs', qui science aiment et veulent, Et si ne peut qu'ilz n'en acquierent, Quant par diligence la quierent. (Chr. Piz., M.F., II, 1400-1403, 64)

...en remerciant la Court de la bonne affection et diligence qu'elle a eu et a adès à ladicte Université en ce fait selon justice et raison (Baye, I, 1400-1410, 109)

Or vousist Dieu que tout ainsy diligemment comme nous sommes icy assemblez pour ouyr parler de la toute belle amie de Dieu, nous eussions peine et diligence de ensuyr son exemple, sa vie, ses meurs et saincte conversacion en beauté et bonté espirituelle ! (Gers., Concept., 1401, 427)

Et finablement le peuple, qui estoit esmeu et armé, fu apaisié par la bonne diligence des gens du Conseil du Roy, des prevosts de Paris et des marchans et des eschevins et notables bourgois de Paris. (Fauq., II, 1421-1430, 18)

...il l'ammenoit par devers luy en sa diligence et conduite (Chastell., Chron. K., t.3, c.1456-1471, 189)

À grande diligence. Avec application, avec constance.

...et qu'ilz ont bien et grandement servy le Roy à grant diligence en l'exercice desdiz offices, et qu'ilz sont dignes et ont bien deservy d'estre bien paiez et bien remunerez (Fauq., III, 1431-1435, 40)

...affin d'avoir generacion qui aux grans biens qu'il avoit a grand diligence et grand labour amassez et acquis luy succedast [Un riche célibataire envisage le mariage] (C.n.n., c.1456-1467, 554)

Par (bonne / grande) diligence

...par grant diligence Au regne Dieu premierement Entendi et segondement A ses besoignes seculieres. (Tomb. Chartr. Trois contes S., c.1337-1339, 106)

...par grant diligence tu regarderas et considereras la demonstrance de... (Foul., Policrat. B., I, 1372, 125)

Mes freres, metez devant eulx Et les servez par diligence. (Gréban, Pass. J., c.1450, 174)

Et tes yeulx, qui sont enboué, Lave par bonne diligence. (Gréban, Pass. J., c.1450, 188)

Avoir diligence à / de. Se consacrer à, prendre soin de.

...qui d'oiseaux a diligence... (La Buigne, Rom. deduis B., 1359-1377, 161)

...qui ait amour, cure et diligence aux chienz (Gast. Phébus, Livre chasse T., 1387-1389, 139)

Faire (la) diligence à qqc. / de qqc. / sur qqc. / de qqn. S'appliquer à qqc., s'occuper de qqc. ou de qqn, prendre les mesures nécessaires au sujet de qqc., de qqn.

...pour un appel fait dou dit prevost dou quel il ne fist point de diligence. (Comté Champ. Brie L., t.3, 1340-1341, 351)

A publier, se l'on puet, au lundi aprés Quasimodo les parties, presenz les tesmoins des quelx diligence hai estei faite (Echevin. Dijon L., 1342, 24)

...gardez (...) que de ces choses vous facez tèle et si bonne diligence que nous n'aions cause de vous en donner blasme (Ch. VI, D., t.1, 1381, 11)

...et icelle prefixion (...) a esté signifiée et dite à maistres Jehan Merlet, Gautier de Lengres et Robert Caret, promoteurs de la court de l'official ; et en leurs presences fu interroguez sur la maniere d'icelle tonsure, et cogneut ce que dit est. Lesquelz promoteurs, ouy icelle prefixion, dirent que sur ce il feroient tele diligence comme bonnement porroyent. (Reg. crim. Chât., I, 1389-1392, 400)

À Hennequin Le Borgne, chevaucheur de mondit seigneur, qui, le premier jour de juillet ensivant, se parti dudit siege pour aler de par mondit seigneur devers le cappitaine de Bray affin de faire la dilligence de deux chevaulx qui ont esté lors perdus et prins en son ost, lesquelz estoient à messire Simon de Beart, chevalier (Comptes Etat bourg. M.F., t.1, 1420, 467)

Faisons y bonne deligence Et nous viendrons a nostre effect. (La Vigne, S.M., 1496, 490)

Mettre diligence en qqc.

Seigneur, il fault qu'en nostre affaire Mettons diligence (Mir. Oton, c.1370, 327)

Mettre diligence à ce que

Car se il est bon roy, il a la cure de euls et met grant diligence a ce que euls facent bien (Oresme, E.A., c.1370, 438)

Mettre diligence comment

...et mettre diligence avec le roy et son grant conseil comment... (Bouvet, Appar. Meun A., 1398, 2)

Mettre diligence à / de / pour + inf. S'appliquer à.

Dont quant j'en fui bien acointiez Et d'eaus honnourer apointiez, Il meïrent grant diligence De moy porter tel reverence Que tous li lieus abandonnez Me fu, et plain congié donnez De cel alerion porter, Pour moy deduire et deporter... (Mach., D. Aler., a.1349, 319)

...je mettrai tele diligence a la bien apenre [la ballade notée] que, quant il plaira a Dieu que je vous voie, je la chanteray aveuc vous du mieulz que je porray. (Mach., Voir, 1364, 94)

Et je, qui ay tousjours eu grant desir de faire son plaisir a mon povoir, ay mis diligence de ceste histoire mettre en prose au mieulx que je l'ay sceu faire. (Arras, c.1392-1393, 308)

...vous me promectiez d'entendre songneusement et mettre toute vostre cure et diligence pour ma paix et amour garder (Ménagier Paris B.F., c.1392-1394, 1)

...et mez grant cure et diligence de lui faire plaisir (Chr. Piz., Trois vertus W.H., c.1405, 125)

...la grant dilligence qu'ilz mettent pour le trouver (Percef. III, R., t.1, c.1450 [c.1340], 188)

...et sy mettrons toute dilligence de recouvrer tes biens (Percef. IV, R., c.1450 [c.1340], 208)

La belle fille (...) mist grosse peine et grand diligence de retenir la leczon de sa bonne mere. (C.n.n., c.1456-1467, 496)

Se mettre en ses diligences de + inf.

...il se mettoit en ses diligences à touttes forces de donner obstacle aux emprinses de ceulx de la Marche. (Molinet, Chron. D.J., t.2, 1474-1506, 175)

Prendre (grande) diligence à / de. Prendre soin de.

...et si prent cure et diligence de tous (Crap., Cur Deus, De arrha B.H., c.1450-1460, 287)

...moult de gens estoient assez d'opinion que ledit de Melun eust bien servy le roy et fait de moult grans services, mesmement à la grant diligence qu'il print en la garde de la ville de Paris, en l'absence du roy (Roye, Chron. scand., I, 1460-1483, 153)

Proverbe.

...dilligence passe sens (Percef. IV, R., c.1450 [c.1340], 124)

Grand dilligence exede sens de livre. (Molinet, Faictz Dictz D., 1467-1506, 364)

Remarque : Prov. H., 97 [D102].

2.Empressement, zèle.

Et encore vorra il plus faire, Que les esliseurs de l'empire Voloit assambler, tire a tire, Et escrire à nostre Saint Pere Par coy sa diligense appere, Aus princes, aus communautés, Qui sont si homme, et feautés Li doivent, pour eaus esmouvoir (Mach., P. Alex., p.1369, 40)

Et pour ce, mon ami, que les amoureux telz que je dy sont par telles vertus sauvez, habandonnent ce tresvil et maleureux pechié de paresse pour eulx acompaignier avec la tres resplendissant vertu de diligence, vous prie que soiez de ceulz, et lors serez de ce maleureux pechié de paresse sauvé et quictes. (La Sale, J.S., 1456, 25)

... [un seigneur] avoit parfecte fiance, confidence et amour en ung jeune et gracieux gentil homme de son hostel (...) pour sa [leauté], diligence, subtilité et prudence (C.n.n., c.1456-1467, 79)

...pour rien ne l'eust voulu abandonner, tant pour son bien escripre et diligence que pour la fiance que doresenavant a luy adjoustera. [Un procureur et son clerc] (C.n.n., c.1456-1467, 95)

...sa trop grande diligence le fait souvent chevaucher seul devant ses gens (C.n.n., c.1456-1467, 111)

...tresconvoiteux estoit et homme de grand diligence et qui fort tiroit d'acquerre et gaigner. (C.n.n., c.1456-1467, 289)

Savoir faisons que nous, confians à plain des grans sens, vaillance, experience, loyaulté, preudommie et bonne diligence de nostre cher et amé cousin le conte de Dampmartin, grant maistre d'ostel de France... (Le Clerc, Interp. Roye, c.1502, 227)

À (grande) diligence. Avec empressement, en toute hâte.

...que ilz s'en voisent a grande diligence avecques les nations des autres terres (Percef. I, T., c.1450 [c.1340], 67)

...et par icelle predist la famine merveilleuse qui fut en son temps, au moien de laquelle predicion tous les marchans voyagerent à dilligence et par mer et par terre et firent si grandes provisions, que le païs supporta plus aisement l'infortune et sterillité de la terre. (Simon De Phares, Astrol., c.1494-1498, f° 37 r°)

À toute diligence. En toute hâte.

...et qu'il la queroit a toute diligence (Percef. III, R., t.2, c.1450 [c.1340], 252)

...une nef plaine de marchans qui a toute diligence se hastoient pour eulx mettre en la haulte mer (Percef. IV, R., c.1450 [c.1340], 67)

Sy vous prie que me venés secourir (...) a tout dilligence (Percef. IV, R., c.1450 [c.1340], 590)

La justice fut a toute diligence sollicitée de leurs amys pour leur delivrance (C.n.n., c.1456-1467, 524)

...lequel et à toute diligence vint et arriva le mardi matin, XVIe jour dudit moys de juillet, à Chastes (Roye, Chron. scand., I, 1460-1483, 64)

Et, pour ce, je vous prie que de vostre part vous luy escripvez qu'il se haste de se y rendre, affin que abregez à toute diligence, car plus grant plaisir ne service ne me pourriés faire. (Le Clerc, Interp. Roye, c.1502, 234)

De toute ma diligence. Avec le plus grand empressement.

...vous avez veu Que, de toute ma diligence, Luy cyté en vostre presence... (Gréban, Pass. J., c.1450, 300)

En diligence. En toute hâte.

Alixandre, en diligence Faictes besoignher les sergens. (Pass. Auv., 1477, 228)

J'ay receu voz lettres, et, incontinent après la recepcion d'icelles, ay escript par tous les lieux où j'ay peu savoir et congnoistre que l'on peult recouvrer des charpentiers et maneuvres, et mandé aux officiers des lieux en envoier à Beauvais en toute diligence le plus grant nombre qu'ilz pourront (Le Clerc, Interp. Roye, c.1502, 289)

En grande diligence. Avec empressement.

...tous d'ugne liance Vant querrant le roy en grant diligence. (Noëls avign. A., a.1450, 306)

...mon sage et bien advisé mary (...) avoit regard a mon cas, quand il se partit, en plus grand diligence que moy mesmes (C.n.n., c.1456-1467, 573)

Faire diligence. S'empresser.

Et faictes, vers la part de France, Diligence soingneusement (CH. D'ORLÉANS, Ball. C., c.1415-1457, 141)

...de ma part feray diligense, tellement que en tout ce que avons pourposé n'y ara aulcune faulte. (Hist. seign. Gavre S., c.1456, 128)

De ce faire licence avons De Pilate. Faictes diligence ! (Pass. Auv., 1477, 229)

...lequel Voyau luy dist qu'il venoit de querir les clefz de la ville et qu'il avoit sceu de bonnes nouvelles, qui estoient tellez que, si ledit conte faisoit diligence, il recouvreroit Saint-Morice (Le Clerc, Interp. Roye, c.1502, 181)

Faire (grande) diligence à / en qqc.

Et quant à l'autre pourveance, Firent il tele diligence, Qu'en brief temps furent assevi à tous poins... (Mach., P. Alex., p.1369, 55)

...et faisoient les gens dudit marchiz grant et aspre diligence en la poursuite dudit arrest (Baye, I, 1400-1410, 4)

Et a ledit prévost fait grant diligence en ceste matière, et sont ses prisonniers, ses subjetz et prins en sa justice, et si n'y a nul cas privilégié, et a ses informacions. (Ch. VI, D., t.2, 1403, 58)

...auquel ycelle Court avoit enjoint autresfois de faire diligence à l'expedicion et delivrance de certaine somme d'argent (Fauq., I, 1417-1420, 313)

Faire diligence comment

Par foy, dist ly jouvenciaulx, cy a grant mesprison, plus de la part de mon oncle que de la part Hervy de Leon, combien qu'il en sera trop bien paiez. Alez vous en vostre affaire, car sachiez que je feray diligence comment il ne me ostera pas mon heritaige. (Arras, c.1392-1393, 49)

Faire telle diligence que

...ung examinateur du Chastellet à Paris, nommé maistre Jehan Potin, accompaigné de trois sergens, en fist telle diligence qu'il le trouva mucié en l'ostel de Saint-Pol à Paris dedens unes aumoires (Roye, Chron. scand., I, 1460-1483, 175)

Faire toute diligence

Item faites que toute diligence soit faite, que le mariage du roy d'Engleterre soit consomé (Doc. 1444. In : L. Delisle, Bibl. Éc. Chartes 45, 1884, 304)

J'en feray toute diligence. (Gréban, Pass. J., c.1450, 250)

Faire (bonne / grande) diligence de / pour + inf.

...d'aler y, chier sire, Vueil faire en l'eure diligence. (Mir. emper. Romme, 1369, 302)

...sil qui a la preuve a faire, devra a iceulx plès ensaigner de dilligence avoir faicte de ses temoings faire venir (Instruct. ensaign. B.G., c.1386-1390, 64)

...Si vous plaise à faire diligence de la trouver et de en faire raison et justice. (Reg. crim. Chât., II, 1389-1392, 56)

Cappitaine, dist le roy, vous soiez li bien venus, et si vous mercie de la bonne diligence que vous avez fait de compaignier ces deux nobles hommes par qui nostre terre est mise hors de la subjection des Sarrasins, car je n'avoye mais puissance de gouverner mes gens ne mon pays. (Arras, c.1392-1393, 114)

...puis face diligence d'encquerre le lieu ou les gentilz chevalliers tiennent prison (Percef. III, R., t.1, c.1450 [c.1340], 158)

Le jour ensuivant, qui fut le darrain jour d'avril, ainsin tost qu'il fut jour, Saintré de avoir queux et viandes de diverses façons fist diligence (La Sale, J.S., 1456, 84)

...il faisoit grant diligence de plaire à icelle très sainte Vierge (Miélot, Mir. N.D. L., 1456, 84)

...la diligence faicte pour le trouver [un diamant perdu] , si fist madame monter sur son lit (C.n.n., c.1456-1467, 46)

...vous poursuyvez et faictes grand diligence d'obtenir ce que a droit ne sariez fournir. (C.n.n., c.1456-1467, 106)

Et, pour lequel recouvrer, fut fait bien grant diligence (Roye, Chron. scand., I, 1460-1483, 325)

...luy priant faire dilligencede mectre sus son armée (Comm., I, 1489-1491, 224)

Et, lesdittes nouvelles sceues par ledit Guinot Vigier, fist diligence de s'en retourner devers ledit conte de Dampmartin (Le Clerc, Interp. Roye, c.1502, 170)

Faire rage de diligence. Faire preuve d'une ardeur excessive.

...comme ung homme affamé, pour deux nuiz qu'il a couché sans moy, il a fait rage de diligence [Connotation érotique] (C.n.n., c.1456-1467, 204)

Montrer (bonne) diligence. Montrer de l'empressement.

Nous y monstrerons diligence. (Gréban, Pass. J., c.1450, 165)

Vous monstrez bonne diligence. (Gréban, Pass. J., c.1450, 358)

Prendre diligence. Se hâter.

LE MARCHANT. S'aultre diligence ne prens A la foyre seray bien tard. (Myst. jeune fille L., c.1413-1445 [c.1530], 28)

Rendre diligence. Se montrer empressé.

...j'ay bon appetit De rendre toute diligence. (Gréban, Pass. J., c.1450, 69)

B. -Par métonymie. Action accomplie avec ardeur, avec empressement.

...toutes peines furent perdues et toutes diligences sans rendre fruit (Chastell., Chron. K., t.3, c.1456-1471, 246)

Par (grandes) diligences. Par une suite d'actions empressées.

Par diligences telles quelles, Il m'est advis que nous avons Passé le torrent de Cedron Et vecy, au plus pres de luy, La ville de Gethsemany (Gréban, Pass. J., c.1450, 251)

...par grandes diligences la commotion des Frisons fut appaisée (Chastell., Chron. K., t.3, c.1456-1471, 106)

Faire la / cette / sa diligence. Accomplir l'action nécessaire.

Prenez trois de noz chevaliers (...) Qui en facent la diligence. (Gréban, Pass. J., c.1450, 364)

JHESUS. Or, l'apportez. SAINT ANDRY. Voulentiers, sire ; Je voys faire la diligence. (Gréban, Pass. J., c.1450, 416)

J'ay fait ma diligence. (Myst. Viel test. R., t.2, c.1450, 313)

... [ses amis] prindrent la charge de faire toute diligence et inquisicion possible pour luy trouver femme. Et tantdiz que la diligence et enqueste se faisoit, nostre marchant (...) faisoit de l'amoureux [Un marchand voudrait se marier] (C.n.n., c.1456-1467, 557)

...car incontinent il mercha par où seroit faicte la dicte fortificacion et bailla de ses gens et aultres pour faire la diligence [ou est-ce là ?] . (Gruel, Chron. Richemont L., c.1459-1466, 24)

MARS. Or allés, Mort, qui mort et rue, Faictes donc ceste diligence Car de mercy ne d'indulgence Ne fault plus parler es humains. (Cene dieux, c.1492, 127)

Faire des / ses diligences

Et est vray que la Court en ceste chose a fait par avant pluiseurs diligences par lettres envoiéez au Roy, au duc de Bourgongne, au Chancelier de France et autres du Conseil du Roy (Fauq., I, 1417-1420, 219)

...esquelz lieux dessusdiz il a affermé avoir esté et fait les diligences pertinens aux cas dessusdis (Ecorch. Ch. VII, T., 1444-1445, 89)

Et de fait le tint long temps depuis, et ce du consentement du roy Charles, non obstant que ledit connestable fesist depuis pluiseurs diligences de le ravoir. (Monstrelet, Chron. D.-A., t.5, c.1444-1453, 274)

...sur toutes les choses dessusdictes feront telles sommacions, protestacions, requestes et diligences, comme ilz verront à faire et aux personnes qu'il appartiendra, gardant les solemnitez et coustumes ad ce requises. (Ecorch. Ch. VII, T., 1447, 157)

Ung gentilhomme (...) devint amoureux, a Rouen, d'une tresbelle damoiselle, et fist toutes ses diligences de parvenir a sa grace. (C.n.n., c.1456-1467, 207)

...Jehan Stotton fait pareilles diligences et requestes a leur dicte hostesse, laquelle luy ne avoit oncques volu quelque chose accorder (C.n.n., c.1456-1467, 388)

Puis s'en vint monseigneur à Paris pour faire les diligences, tant de gens d'artillerie, d'armeures, d'autres abillemens pour le dit siege, et aussi d'argent pour souldoyer les gens d'armes. (Gruel, Chron. Richemont L., c.1459-1466, 134)

Predist plusieurs choses et, entre autres choses, il predist la famine qui fut en son temps, au moïen de laquelle predicion plusieurs marchans firent leurs dilligences et provisions et, par ce, fut le peuple secouru en diverses regions. (Simon De Phares, Astrol., c.1494-1498, f° 111 r°)

Et dist [ledit Vuyau] audit bastard que après ce qu'il auroit trouvé les moyens de l'ouverture dudit pont et fait ses dilligences, qu'il s'en iroyt après luy ausditz forsbours Saint-Denis. (Le Clerc, Interp. Roye, c.1502, 171)

Remarque : LEFÈVRE (R.), Hist. Troyes A., c.1464, 159 ; MART. D'AUV., Arrêts Am. R., c.1460-1466, 25 ; MART. D'AUV., Mat. Vierge L.H., c.1477-1483, 74...

Faire toutes les diligences

Je l'ay apporté Et fait toutes les diligences (Gréban, Pass. J., c.1450, 295)

Faire sa diligence de + inf.

Chascun sa diligence face De garder tresbien son costé ! (Gréban, Pass. J., c.1450, 382)

...tantost que je pourray eschapper je feray ma diligence de me trouver bientost vers vous. (C.n.n., c.1456-1467, 307)

II. -[À propos de choses]

Soin, exactitude qui s'attache à qqc..

...pourquoy est bien à penser que dudit temps et auparavant avoient esté plusieurs gens en toutes sciences, actendu la grande dilligence des escriptures dont la memoire par ceste maniere et choses semblables a esté adnichillée et perdue avecque leurs euvres. (Simon De Phares, Astrol., c.1494-1498, f° 44 r°)

Selon diligence. Avec précision.

Or appert donques par ces raisons que le monde est sperique et que il est tourné selon diligence en telle maniere que il n'est chose faite par main d'onme tournee ou polie samblablement (Oresme, C.M., c.1377, 398)