NEGLIGENCE

substantif féminin

[T-L : negligence ; GD : negligence ; GDC : negligence ; FEW (VII, 89a) : negligere ; TLF (XII, 63a) : négligence]

A. -Manque de soin et d'attention dans ce qu'on fait, manque d'ardeur, non accomplissement d'un devoir.

Des pelles dont chascune taille Com durs rasoirs bien affilez, Et sont assises de deus lés (...) Celle de destre signefie Scens, honnesté et courtoisie, De la senestre le contraire, Et s'en doit on d'autel dart traire Com de la destre, sans ruser, Qui en vuet bien a point user, C'est assavoir de diligence Ou il n'ait point de negligence. (Mach., D. Aler., a.1349, 336)

Et semblablement, fait l'en pugnicion en toutes autres choses de ceuls qui font mal par ignorance, laquelle est causee pour leur negligence comme ceuls en qui posté il estoit non ignorer. (Oresme, E.A., c.1370, 198)

Je vouldroye bien qu'il pleust à Dieu que je feusse une fois devant le roy en son bon conseil, et je diroie la verité ; car, par ma foy, c'est ma negligence et ignorance, et aussy ma coulpe, que autre en est en coulpe. (Reg. crim. Chât., I, 1389-1392, 545)

Negligence c'est quant l'en ayme et craint si peu Dieu et en souvient si peu, que par ce que on tient ainsi comme nul compte, l'en ne fait nul bien pour lui ne pour son amour (Ménagier Paris B.F., c.1392-1394, 29)

...il quidoit que poissance de par le roi de France deuist la venir pour lever le siege, mais non fist ; car ensi que je vous ai ja dit, li orgoels et la negligense estoient si grandes en l'ostel dou roi Phelippe, pour ce temps, que on ne faisoit compte de tels coses (Froiss., Chron. D., p.1400, 630)

...la negligence et non coustume de ne prendre garde sur les mauvais de telz offices le temps passé a donné licence de plus eslargir en mauvaistié ceulx qui de fallaces et divers fraudes se scevent bien aidier (Chr. Piz., Paix W., 1412-1413, 97)

...et vouloient, si comme on disoit, noter ou chargier sans cause les gens de la justice de negligence ou de corruption (Fauq., I, 1417-1420, 150)

Congnoiz tu or endroit que negligence marratre de vertus et mere de follie tire l'omme a basse renommee et en indigence de seigneurie. (Chart., L. Esp., c.1429-1430, 75)

Negligence de + subst.

...comme dit le sage : 'Nemo dat quod non habet' ; pourquoy, s'il y a quelque erreur ou negligence de grande investigacion, vous plaise à supporter mon imbescille science et prandre en gré seullement mon bon vouloir (Simon De Phares, Astrol., c.1494-1498, f° 1 v°)

Negligence de + inf.

De la partie de l'estude ou de doctrine dist Hugue ou livre nommé Didaschalicon ou ..Ve.. chapitre qu'«il y a trois empeschemens, asscavoir negligence, imprudence et fortune : negligence d'aprendre, imprudence de ordre et de maniere, fortune de povreté et de maladie ou defaulte de livres ou de maistre». (Daudin, De la erudition H., c.1360-1380, 32)

...leur travail et songneux desir de conquerir esbahit voz couraiges et vostre negligence de defendre enhardist leurs voulentez (Chart., Q. inv., 1422, 13)

Par negligence

Einsois serez ma dame et mes cuers dous, Mes dieus terriens, aourez dessus tous ; Et sans doubtance, Se je fais riens contre vostre plaisance, Ne dont vos cuers ait courrous ne grevance, Sachiez de voir que c'iert par negligence. (Mach., J. R. Beh., c.1340, 82)

Et de ceaus qui tant se deffont Que les fins amans contrefont, Par maintes fois est avenu Qu'en ce se sont si contenu Que par deffaut de congnoissance Et par leur fausse contenence, Par negligence et par errour, Par leur faus plaint, par leur faus plour Et par leur faus contenement, Que les dames moult bonnement Pour leurs amis les recevoient, Pour ce qu'a loiaus les tenoient, S'en portoient le guerredon. (Mach., D. Lyon, 1342, 200)

Mais aucunes foiz, par negligence ou pour ce que l'en n'en cure, sont aucuns arts empiréz et oubliéz en tout ou en partie par procés de temps. (Oresme, E.A.C., c.1370, 122)

Par la negligence de qqn

Les petits enfants baptiziés ou non baptiziés qui meurent dedans sept ans par la negligence des peres et meres, le péchié [des parents] leur en est pardonné. (Livre raison St-Martin-de-Pontoise D., 1333, 61)

Ou cas qu'il estoit chargiez de tenir, sauver et garder la Langue-Fride, il ne vouloit pas [que], par sa négligence, il fust repris, ne approchiez de blasme (Froiss., Chron. M., XIV, c.1375-1400, 161)

Vennes avoit esté perdue par simplece et povre garde et negligense de mesire Olivier de Cliçon (Froiss., Chron. D., p.1400, 573)

...car par la negligence des advocaz et procureurs pluseurs personnes demourent souvent à expedier à jours de Plaidoieries. (Baye, I, 1400-1410, 233)

Remarque : Ex. de la loc. par negligence de + subst. ds GDC X, 221c : Que se il avenoit par negligense de retencion des edifices es dictes maisons, ycellez decheoir ou ruyner, que les detenteurs ou possesseurs dessusdit par l'ocupacion des places ou terres ou lez dictes maisons sont assises, fussent tenus tant et si avant rediffier. (1372, Reg. du chap. de S. Jean de Jérus., A. N. MM 29, f° 78 v°).

Par negligence de + inf.

Ce fut lui qui predist la douloreuse mort du roy Guillaume devoir estre tué en une forest et par negligence d'y penser et obvier aux insidiateurs (Simon De Phares, Astrol., c.1494-1498, f° 111 v°)

Pour negligence

Les autres sont comme moyens entre deux estaz car finablement ilz meurent en grace, mais ilz ne sont pas tous puniz et purgiez de leurs meffaiz, ou pour la multitude, ou pour la briefté du temps, ou pour la fragilité du corps, ou pour negligence, ou pour aucune telle cause. (Gers., Déf., 1400, 225)

Pour la negligence de qqn

Ainssi dont que les bons parens, pour la diligence que ilz ont en l'erudition ou doctrine de leurs enfans, acquierent honneur et leesse ou temps present et ou temps a venir, ainssi au contraire les mauvais pour leur negligence ont confusion et tritresse. (Daudin, De la erudition H., c.1360-1380, 163)

Sans negligence

A riches et a pouvres fist droit senz negligence (Gir. Ross. H., c.1334, 194)

CHATON. (...) Or me dites, mon enfant douls, A estre clerc metterez vous Bien diligence ? LE FILZ A L'EMPEREUR. Oil, maistre, sanz negligence, A mon pouoir. (Mir. st Val., c.1367, 125)

Il y a negligence

...il fault dire que il y ait negligence ou nonchalence, et est a advertir que il en y ait qui plus pensent a convoitise et avarice que affaire leur devoir de leurs offices (Juv. Urs., Verba, 1452, 334)

Estre en negligence

Qqn est en negligence. Qqn se montre négligent.

La conscience me remort Que Dieu prend cy de moy venjance Pour ce que trop en negligence Ay esté et dormy oultre heure. (Mir. ev. arced., c.1341, 112)

Qqc. est en negligence

Car en pluseurs cités teles choses sont en negligence et ne en cure l'en. (Oresme, E.A., c.1370, 534)

Se mettre en negligence

Puis que la voy estre saint pére, Il fault que devant li m'appére, Sanz moy plus mettre en negligence. (Mir. fille roy Hongrie, c.1371, 8)

Veille sur toy mesmes, resveille toy mesmes, admoneste toy mesmes, et, quoy que soit des autres, ne te mets point en negligence. Tu prouffiteras autant comme tu feras de force a toy mesmes. (Internele consol. P., 1447, 359)

Mettre qqc. en negligence

...car la chose commune est de legier mise en negligence, si comme il fu dit ou tiers chapitre du secunt. (Oresme, Pol. Arist. M., c.1372-1374, 314)

Car faictes toutes les devocions que vouldrés, se vous mectés en negligence la charité que devez avoir a vostre peuple, comme ung homme qui dort vous ne edifiés point, vous dormés comme faisoit saint Pierre, Petrus erat dormiens inter duos milites: Actuum XIIo, que est dormicio cecitatis et negligencie. (Juv. Urs., Loquar, 1440, 328)

Tenir qqn en negligence

...par tant qu'il estoit favourables au roi d'Escoce, il avoit tant conseilliet et tenu le roi d'Engleterre en negligense que li Escot avoient reconquis le bonne cité de Bervich. (Froiss., Chron. L., I, c.1375-1400, 12)

La negligence tient qqn. Qqn se montre négligent.

Pour ce, chier sire, je vous lo Ne vous tiengne pas negligence, Mais mettez paine et diligence D'estre en estat de mariage Avec feme de hault lignage (Mir. ste Bauth., c.1376, 82)

Nous ne sariesme assés comprendre Tant de honneur que a vous appartient, Par negligence que nous tient. (Myst. st Bern. Menth. L., c.1450, 152)

B. -Par métonymie. Acte qui témoigne d'un manque de soin, d'attention, d'ardeur.

Au pluriel.

Item, il [le mari] doit user vers elle [sa femme] de moult grant modestie ou attrempance et de moult de foy en lui remettant et pardonnant les pechiés petis et voluntaires. Si comme aucunes negligences, deffautes ou simpleces que elle fait pour la fragillité du sexe. (Oresme, Ycon. Arist. M., 1374, 837)

On congnoit le chaut par le froit, On congnoit le tort par le droit, L'en congnoit le vray par le faulx, Les diligences par defaulx Qui sont nommées negligences (Desch., M.M., c.1385-1403, 320)

Diverses histoires se pourroient produire a ce propos d'autres punicions et aspres justices faictes par faulte de garder l'obbeissance et l'ordre du treshonnourable mestier d'armes, et, oultre de ceulx qui pour ces causes ont esté capitalment punis, trouveroit on pluseurs es rommaines escriptures qui pour menues et petites negligences ont esté batuz de verges a l'estache et rabaessiez du raeng de chevalerie jusques a l'estat de servans de pié. (Chart., Q. inv., 1422, 55)

Faire negligence

...car en toutes autres estudes ou besoignes de quoy il est art ou science, l'en peut dire ceste verité general, c'est a savoir, que il convient labourer et ouvrer et non pas faire negligence. (Oresme, E.A., c.1370, 330)

Faire (sa) negligence de + inf.

...la Court a commendé et enjoinct à Robert Chaurre que (...) il lieve les amendes ordonnées pieça des advocas et procureurs qui negligence feroient de venir à heure ordonnée. (Baye, II, 1411-1417, 3)

ANNE. Noz gens font bien leur negligence D'amener Jhesus de bonne heure ; Ilz font par trop longue demeure : Je ne sçay en quel point ilz sont. (Myst. Pass. Troyes B., a.1482, 691)