RIGUEUR

substantif féminin

[T-L : rigor ; GDC : rigor ; FEW (X, 405b, 406a) : rigor ; TLF (XIV, 1156b) : rigueur]

A. -MÉDECINE Rigidité, frisson, tremblement fébrile.

Le froit est mordicatif de membres ulcerez, endurcist le cuir, cause douleur sans sanie, cause nigreur, rigour, spasme et thetane (Saint-gille, A.Y., 1362-1365, 82)

Le frequent usage de froit engendre spasme, et thethane, et nigreurs, et rigueurs de fievres. (Saint-gille, A.Y., 1362-1365, 82)

Quant la fame ne sent nulle rigour ou friçon, et les purgacions lui laissent a venir, quant elles ont angoisses, abhomminacions, defaut de vertu naturelle, ces signes vienent pour cause de impregnacion. (Saint-gille, A.Y., 1362-1365, 87)

Rigour vient es fames, premierement es rains, et monte par le doz au chief ; mais es hommes, telles rigours commencent derriere, par especial es coustes et es oz des cuisses, et ce vient pour la cause de la rarité du cuir ; et ce nous monstre le poil. (Saint-gille, A.Y., 1362-1365, 89)

Icy nous ensaigne Ypocras la cure de tremeur ou rigueur qui vienent en causon par alienacion de courage ou de pensee. (Saint-gille, Comment. A.Y. L., 1362-1365, 175)

Il fault et est expédient Secourir au cuer patient Par saignier, ou commencement, D'un braz ou deux moult largement, Selon la force et la vigueur De cil qui seuffre la rigueur, Laquele forme est à tenir Qui voit l'apostume avenir Vers la poictrine, si m'ait Dieux, Ou au dessuz en autres lieux. (La Haye, P. peste, 1426, 119)

...et quant la semence yst hors de la verge, on a rigueur et tremeur sans froidure ; aulcuns ont douleur de chief ainsi que manie et a on inquietude et gravité de tout le corps (Gordon, Prat., c.1450-1500, VII, 3)

...rigueur est ung commun signe en toutes vulnerations de nerfs et par especial des nobles (Prevost, Cir. Guill. Salicet, 1492, II, 1)

B. -Dureté implacable.

Comme mort le tient a la fie, Ne ja il ne l'ara si chier Qu'il ne le face tout sechier Et qu'il ne li toille vigour Par sa force et par sa rigour (Mach., D. verg., a.1340, 37)

Nompourquant, quant de son regart Sentoie le trés dous espart, Je perdoie toute vigour Par sa force et par sa rigour, Et me faisoit teindre et palir, Fremir, trambler et tressaillir. (Mach., R. Fort., c.1341, 14)

Tu scés bien (...) conment t'es maintenuz En rigueur d'orgueil paroutré Toutes foiz que je t'ay monstré (...) les pechiez Dont surpris es (Mir. parr., 1356, 12)

...ou despit du roy, ilz ont occis honteusement messire Robert Trimilien, son chevalier, et ainsi feront-ilz tous les aultres se ilz en pevent venir à chief ; si ques je dis et metz oultre que il vault mieux que le roy y voist de rigeur et de puissance que de doulcheur. (Froiss., Chron. M., XIV, c.1375-1400, 61)

Et devez considerer les grans et cordialles pensees que luy en couvenoit avoir jour et nuyt a trouver si fors argumens et si vives raisons pour oster la rigueur de l'emprise a quoy son mary tendoit. (Ménagier Paris B.F., c.1392-1394, 113)

Li rois de France, ... qui veoit que li Flamenc estoient trop fort rebelle a lui, ... les euist volentiers ratrais par douces et amiables paroles, se ils peuist, non par rigeur ne par manaces. (Froiss., Chron. D., p.1400, 366)

Dont fu tretié deviers le dit duch de Normendie que il lor vosist donner trieuwes quinse jours, et se la en dedens il n'estoient secouru, il renderoient la forterece ; et de ce deliveroient ils bons pleges. Li auqun qui comsideroient le dangier ou li Hainnuier estoient, opposoient au tretié et disoient : 'Pourquoi lor donroit on jour ? Il ne se pueent plus tenir. Le chastiel est nostre, se monsigneur le voelt avoir et nous aussi.' Nequedent toutes ces paroles remonstrees, li dus de Normendie s'enclina a douçour, non a rigeur, et entendi a lor trettié. (Froiss., Chron. D., p.1400, 398)

...dont est chose estrange de acompaignier rigour avec amiableté, qui sont deux choses contraires (La Sale, Salade, c.1442-1444, 9)

Quand le bon hoste entendit et cogneut leur rigueur, et que sa doulce parolle ne luy prouffitoit point, il leur nomma le nom du chevalier (C.n.n., c.1456-1467, 548)

Et quant il [le prince] vouldroit user à force de rigueur... [Il s'agit de la menace de mort qui plane sur un jeune garçon livré en otage] (La Sale, Reconf. De Fresne H., 1457, 9)

Mort, j'appelle de ta rigueur, Qui m'as ma maistresse ravie. (Villon, Test. R.H., 1461-1462, 85)

...misericorde est interpretee comme mettant arriere la rigoeur du cuer (Somme abr., c.1477-1481, 178)

Pour estre exemps de la rigueur crüelle Que Florentins de force et vïolence Leur preparoyent par coustume annüelle, Ilz se soubmisdrent a son obeyssance. (La Vigne, V.N., p.1495, 199)

Par rigueur. Avec dureté, cruauté.

Vous cheres gens qui estes icy Si aucun mal par rigueur icy Auez faict ne dict en present De bon cueur vray tout loyaument Tout present Iesus mercier Et sainct Martin glorifier Allons tost au mostier chantant Et ie commenceray le chant (Myst. st Martin K., a.1500, 378)

Faire la rigueur de qqn. Traiter qqn avec une dureté implacable.

...il [le prince] enttendoit, se il ne avoit la place, à faire par despit toute la rigueur de son filz [du seigneur du Chastel] que il porroit. (La Sale, Reconf. De Fresne H., 1457, 9)

Mener rigueur contre qqn. Mener durement qqn.

...et de mener rigour Contre cez anemis (Hugues Capet Lab., c.1358, 135)

Tenir rigueur à qqn. Mener durement qqn.

M'amye, dist il, je vous requier que vous me dictes la cause qui vous meut de moy tenir si grand rigueur quand je vous veil baiser. (C.n.n., c.1456-1467, 317)

Se montrer insistant auprès de qqn.

Et luy tint plusieurs grans rigueurs ledit de Meleun, esperant faire le mariage du filz du conte de Dampmartin, qui n'avoit que deux ans, à la fille dudit de Meleun, mais le conte ne la contesse n'y voulurent aucunement entendre, pour ce qu'ilz veoient le mariage non estre sortable, et n'estoit que leur vassal à cause de la terre de Nantouillet, qui est tenue en fief à cause de ladite conté de Dampmartin. (Le Clerc, Interp. Roye, c.1502, 163)

En particulier. Dureté, force dans la résistance.

LE SERGENT DU MARQUIS [à Griseldis] . Ce dont je suis contraint au faire. Tressaige dame estes d'affaire Et assez savez par raison Que c'est d'estre en subjeccïon Et soubz puissance de seigneur, A laquelle, ne par rigueur, Ne par nul engin, resister On ne pourroit, ne contrester, Qu'exemples avez veü mains. (Gris., 1395, 54)

Par métonymie. Chose difficile à supporter.

...et, par tant, ilh entreprist une rigeure encontre Saint Engliese, qui fut asseis merveilheuze ; car, en tos liez où ilh avoit vingnes, preis, terres et jardins, qui devoiient deyme, ilh cessat de ses deymes à paiier et dest az deymeurs qu'il ne voloit plus estre leurs bovirs ne leurs wangnirs, car, puysque ly XIe part de ses bins estoit à eaz, ilh presissent l'onzeme part à juste parchon al encontre de ly, et bin le wangnassent et fesissent leur profil, car jamais deyme ne leur paiieroit ; dont ilh avit que longtemps après cely XIe part demorat en trixhe. (Hemricourt, Miroir Hesb. B.B., 1353-1398, 477)

Justice fu, la doutee, Verite, la bien loee, Misericorde, la douce Qui rigueurs tendans adouce. (Guill. Digull., Pèler. J.-C. S., 1358, 336)

...dont en tant qu'il touche a la rigueur qu'em avez eue, force me estoit, et le me pardonnez. (La Sale, J.S. E., 1456, 437)

Nous voyons a l'oeil que noz dames ne tiennent compte de nous, et toutesfoiz nous enrageons après, et tant plus nous monstrent de fiertez et de rigueurs, tant plus les desirons complaire (C.n.n., c.1456-1467, 363)

Ostez moy ces rigueurs et angoisses que pluseurs suffrent pour demourer avec leurs femmes ! (C.n.n., c.1456-1467, 560)

Tourner à grant rigueur. Avoir des conséquences fâcheuses.

Remarque : Mabrien V., 1462, gloss.

C. -Sévérité (qui peut être excessive).

1.Sévérité exemplaire et qui peut être excessive (du juge, de la justice, d'une procédure judiciaire, p. ext. de celui qui porte un jugement...).

Ha ! vrais Dieux, mercy ! sire, plaise A ta puissance souveraine, Qui cy me tient en ceste paine, C'un petit lache sa rigueur. (Mir. prev., 1352, 248)

JUSTICE. «Se rigoureuse j'ai este Et le droit du segneur gardé, (...) Ma rigueur amaloiement A pris et grant atrempement Pour ceuz que [la] a rachatés Le fil Dieu et d'enfer getes...» (Guill. Digull., Pèler. J.-C. S., 1358, 338)

...car la misericorde de Dieu estoit muciée lassus es cieulx, et la rigueur de sa justice estoit ça jus en terre. (Mir. st Ign., 1366, 71)

Car tout juge doit estre plus enclin a misericorde que a rigueur. (Oresme, E.A.C., c.1370, 325)

Si ne puet a toutes fins que la dame ne gaingne plus en tel cas a tenir si faicte maniere que par voye de rigueur. (Chr. Piz., Trois vertus W.H., c.1405, 65)

...la rigueur de la discipline chevalereuse vainqui la pitié naturelle du pere (Chart., Q. inv., 1422, 55)

O fil du vray Dieu sapient, Veulles incliner ta douleur Vers moy sans monstrer ta rigueur, La monstre ta misericorde, Donne paix en lieu de discorde (Marcadé, Myst. Pass. Arras R., a.1440, 91)

Phillebert dit qu'il luy semble que en rigueur de stille de marchans, veu que c'est une seule compaignie chacun desdiz Gimart et Village sont tenuz d'en rendre compte du tout. (Aff. Jacques Coeur M., 1453-1457, 214)

Rigueur le transmist [Villon] en exil Et lui frappa au cul la pelle, Non obstant qu'il dit : 'J'en appelle !' Qui n'est pas terme trop subtil. (Villon, Test. R.H., 1461-1462, 143)

Je ne trouve herbe ne rachine En champs, prez, jardins ne vergiers, Ne medecin ne medecine Qui nul preservatif m'assine En ces mortiferes dangers. Voiez, prochains et estrangers, La sentence de rigeur plaine, Par qui Mort rue ses dars legiers Autant sur roys que sur bergiers. (Cene dieux, c.1492, 132)

Et s'il ne peut monstrer et abatre ledict terme o intimation si le demandeur luy veult garder rigeur de procès, il sera condempné comme dessus (Cout. instit. Anjou Maine B.-B., t.4, 1496, 400)

À la rigueur. Avec sévérité, sans adoucissement, sans concession ni indulgence.

Et qui vouldroit regarder a la rigueur, quelque bien qu'il en venist, il en devroit bien estre pugny qui le fait autrement. (La Sale, J.S., 1456, 237)

Toutesfois icelluy grant maistre considerant que ledit injuriant estoit personnage de petit estimation, et la longue detencion de sa personne en prison, luy pardonna et ne voult point la sentence donnée contre luy estre [à] la rigueur mise à execution. (Le Clerc, Interp. Roye, c.1502, 278)

Par rigueur. Selon la sévérité de la loi morale.

...aucuns curés qui ne demandent mie seulement aux vivans par rigueur offrande, mais... (Jean Golein, Rational B.D., c.1370-1372, 428)

DROIT À rigueur de droit. Selon la sévérité exemplaire de la loi.

...il fault viser A ses erreurs cy extirper Par voie d'ammonestement, Remonstrant à ceulx doulcement Qui vorront tenir de Jhesus Qui ont tort, et se eulx abstenir Ne vueillent, soit leur folie A rigueur de droit bien pugnie (Marcadé, Myst. Pass. Arras R., a.1440, 209)

Droit de rigueur

Rude en effect, ypocrite doulceur, Amour dure plus que fer a macher, Nommer que puis, de ma deffaçon seur, Cherme felon, la mort d'un povre cueur, Orgueil mussé qui gens met au mourir, Yeulx sans pitié, ne veult droit de rigueur, Sans empirer, ung povre secourir ? (Villon, Test. R.H., 1461-1462, 83)

Rigueur de la loi. Application stricte et inflexible de la loi.

C'est a dire, bien sentenciant et bien jugeant et bien moderant la rigeur de la loy. (Oresme, E.A.C., c.1370, 352)

Rigueur de justice. Application stricte et inflexible de la loi (parfois p. oppos. à l'équité, qui est la justice naturelle et qui tient compte des circonstances particulières).

De combien plus grant diligence doit le prince avoir et traveillier a ordener et gouverner son peuple et l'attremper l'un par rigueur de justice, l'autre par remission de douceur a fin que il face acorder ses gens et estre d'un courage, ensemble demourer. (Foul., Policrat., IV, 1372, 72)

...la Court, qui avoit tousjours voulu et vouloit proceder benignement et meurement à la conservacion des drois d'un chascun, et preferer equité à rigueur de justice, selon l'exigence des cas (Fauq., II, 1421-1430, 212)

...il devroit preferer misericorde a rigueur de justice (Juv. Urs., Exort., 1458, 410)

...et aussi en user, ce seroit la vraye rigueur de justice que confiscacion de corps et de biens, et ne la sauroit on faire plus rigoreuse, si non que on fist aucune chose que on reputeroit a une espesse de tirannye. (Juv. Urs., Exort., 1458, 414)

Prendre qqc. en sa rigueur. Traiter qqc. avec une sévérité exemplaire.

Si vous pry humblement qu'il vous plaise a moy mettre a finance si raisonnable que je ne soye pas destruiz de ma seignourie, et vous y plaise a regarder en pitié, non pas prendre ma fole emprise en vostre rigueur, combien que je congnoiz que j'ay bien desservi a estre pugny rigoureusement. (Arras, c.1392-1393, 167)

C'est de rigueur que. Cela s'impose que.

Se vigueur ont [les lois] , c'est de rigueur Que les seignouries nouvelles... (Martin Le Franc, Champion dames D., t.1, 1440-1442, 109)

2.Sévérité morale.

Niés, le cuer pour vous m'esbahist De ce qu'estes si nonscient Que miex amez a escient Estre povre (...) Que vous a mariage aerdre (...). Biau niez, vostre rigueur lachiez Et se mon conseil vous souffist, Par Dieu, (...) Bien vous feray. (Mir. chan., c.1361, 151)