SOUVENT

adverbe et adjectif

[T-L : sovent ; GD : souvent ; GDC : souvent ; FEW (XII, 333a) : subinde ; TLF (XV, 833a) : souvent]

I. -Adverbe. Maintes fois, à mainte reprise, fréquemment, souvent.

...il garnissoit grandement de pourveances et d'artilleries ses garnisons, ses villes et ses chastiaulx, et envoiet souvent lettres et messaiges en Angleterre devers le roy et ses deux oncles (Froiss., Chron. M., XIV, c.1375-1400, 182)

Et pour ce telz corps, quant est de soy, seroient meuz droit en haut, mes par accident ou par aucune violence, leur mouvemens sont souvent obliques ou tortueus ou traversains et mixtes, si comme il appert par ce que dit Seneque ou livre des Questions naturelz. (Oresme, C.M., c.1377, 66)

...icellui Hennequin parloit à lui plus souvent, et il lui faisoit plus grant semblant que à sondit compaignon ne à lui qui parle. (Reg. crim. Chât., I, 1389-1392, 134)

...l'ostel dudit Michel Le Moyne, à Chasteillon, (...) ouquel il avoit et a acoustumé d'aler souvant (Reg. crim. Chât., II, 1389-1392, 17)

Et si y a pluseurs forteresses que ceulx de Rodes et les Hermins viennent souvent refreschir, de quoy le roy de Chippre et ceulx de la cité ont grant confort. (Arras, c.1392-1393, 82)

Vous avés souvent oi dire et recorder que envie et discorde se boutent volentiers en maison ou paix est, pour tout touellier. (Froiss., Chron. D., p.1400, 182)

...qant la bataille conmença, il estoit ja moult tart. Et ce greva plus les François que aultre cose, car pluisseurs gens d'armes, chevaliers et esquiers, sus la nuit, perdirent lors signeurs et lors mestres. Si vaucroient par les camps, et ne savoient ou il aloient, et souvent il s'embatoient entre les Englois, ou il estoient mal logiet. (Froiss., Chron. D., p.1400, 734)

...combien que ycelz procureurs retiennent souvant l'argent devers eulz sans le restituer (Baye, I, 1400-1410, 62)

Dont il advint que, par les victoires et triumphes, que pluiseurs foiz et souvent de noz voisins nous preinsmes esperance de acquerir plus loingz. (La Sale, Salade, c.1442-1444, 37)

De son jeune acge, sire, Souvent le diable l'a gité Au feu et en l'eau mené. (Pass. Auv., 1477, 162)

...la grant solicitude du dict seigneur de La Trimoylle qui faisoit boyre et menger souvent les gens traveillans en cest affaire (La Vigne, V.N., p.1495, 278)

SAINCT MARTIN. (...) L'empereur me fit chevalier Pour avoir gloire terrïenne Partout sur le bras seculier En commun et particulier. J'ay souvant les armes portees, Mais, present, de cueur singulier Ont esté de moy deportees. (La Vigne, S.M., 1496, 259)

[Dans un prov., un aphorisme...]

... mais on dit souvent qu'a l'euvre congnoist on l'ouvrier ; et de petit mercier, petit pennier. (Arras, c.1392-1393, 311)

Adonaÿ, quant je y advise Les gens que preschent verité, Souvent pour la iniquité Des ostinés seuffrent beaucop. (Pass. Auv., 1477, 99)

Tenu seray d'en mercïer mon Dieu. Envis le foys, mais ou force survient, On dit souvant que droit n'a poinct de lieu. (La Vigne, S.M., 1496, 170)

Bien souvent/moult souvent/peu souvent/très souvent

Et ainsi est il de pluseurs noms et verbes, et mesmement de aucuns sincathegoremes, si comme pluseurs preposicions et autres, qui tres souvent sont es livres dessus diz, que l'en ne puet bien translater en françois. (Oresme, E.A., c.1370, 100)

...et demouroit le duc de Bretaingne à Vennes ou à l'Ermine ou au Suceniot, et chevauchoit pou souvent parmy son païs, car il se doubtoit trop fort des bruines et des embusques (Froiss., Chron. M., XIV, c.1375-1400, 18)

Et tousjours s'entretenoient compaignie Uriiens et Guyon. Et les amoient tant les nobles enfans du pays, et eulx aussi les nobles et les enfans, qu'ilz ne povoient plus, et fesoient armes bien souvent en joustes, en tournois et en bouhours. (Arras, c.1392-1393, 81)

...encontre la plueve il ne se savoient conment desfendre ; et passoient bien souvent, qant il aloient et venoient pour querir pourveances ou pour veoir l'un l'autre, en la bourbe jusques as qievilles. (Froiss., Chron. D., p.1400, 136)

... chil esqumeur de mer normant, ... venoient moult souvent sus les bendes d'Engleterre courir devant Douvres, a Rie, a Wincenesel devant Plumude, Wesmude, Dardemude, et ne lor aloit encores nuls au devant, (Froiss., Chron. D., p.1400, 344)

Conseilh de famme bien souvant, Quant on le prent, A sages gens porte profit, Mes qu'il soit pris d'entendement, Le dirigent Par raison que tout dirigit ! (Pass. Auv., 1477, 278)

...plusieurs compaignons d'icelle artillerie (...) soustindrent des paines innumerebles en cest affaire. Pource qu'il convenoit le plus souvent rompre et tailler le bout d'une roche pour contourner les pieces d'artillerie, aucunes fois eslargir et bien souvent remplir les concavitez du chemin ou roches, selon le besoing qu'il en estoit en montant et en descendant. (La Vigne, V.N., p.1495, 278)

Le plus souvent

Car a un parlement que il fist venir a Bristo, la ou il se tenoit le plus souvent et moult volentiers, il fist prendre jusques a .XXII. de ces nobles et hauls barons d'Engleterre et les fist tous decoler, (Froiss., Chron. D., p.1400, 48)

LE PERE. (...) Oultrecuydance le plus souvent deçoit L'omme vaillant. Pour ce, mon filz, je vueil, Si vostre cueur quelque vigueur reçoit, Que vous fuyez sur toute chose orgueil (La Vigne, S.M., 1496, 190)

Si souvent

Chil quatre martinet jetterent grosses pieres et si souvent sus ces kas que il furent bien tos tous confroissiés et debrisiés, (Froiss., Chron. D., p.1400, 669)

Menu et souvent. Voir menu

Souvent de fois

Remarque : Myst. process. Lille K., t.1, a.1485, 26/319.

II. -Adjectif.

A. -[Avec un inf. subst. ou un subst. d'action] Fréquent.

...as hommes qui ont necessité de souvante refeccion (Foul., Policrat. B., III, 1372, 219)

...car ilz ne souffroient, par leur souvent rebeller, que nostre cité, qui moult estoit foible et joyne, se endormist en oyseuseté et en paresse. (La Sale, Salade, c.1442-1444, 37)

B. -Locution adverbiale. Souvente(s) fois. Maintes fois, à mainte reprise, fréquemment, souvent.

Et cel Vaudeis en son vergier Trop volentiers se delitoit Et souvente foiz visitoit Son gardinier en son repaire Pour voier comme il savoit faire Le mestier ou commis estoit (Tomb. Chartr. Trois contes S., c.1337-1339, 114)

...ilz ne se trouverront mie souvente foys en guerre, en joustes ne en tournoys (Songe verg. S., t.1, 1378, 289)

En divers lieux la fault vouer Pour les sains requerre et rouver Et y aler souvente foys (Desch., M.M., c.1385-1403, 116)

...par icellui feu Thevenin, pour pitié et compassion qu'il avoit de la povreté d'elle qui parle, lui donnoit souventes fois de l'argent (Reg. crim. Chât., II, 1389-1392, 61)

...vous avez acoustumé de parler à mon mary et à moy, boire, et mengier, et chauffer souvente foiz, et quant il vous plaist, en nostre hostel, et de me faire bonne chiere. (Reg. crim. Chât., II, 1389-1392, 62)

...ou bailliage d'Amiens, quant on appelle d'une sentence ou jugement, le bailli ou cellui qui congnoist de la cause d'appel, souventes fois et communement, condempne es despens de la cause d'appel, quant il infirme la sentence, cellui qui a obtenu ycelle sentence ou jugement à son prouffit (Fauq., II, 1421-1430, 83)

Durans ces nopces, Jason et Mirro souventeffois parlerent ensamble. (LEFÈVRE (R.), Hist. Jason P., c.1460, 231)

Ainsi souventeffois advient que l'en ne va pas où l'en cuide (Bueil, I, 1461-1466, 151)

J'entends bien toutes leurs manieres. Elles monstrent souventes fois Leurs denrees comme les tripieres (Sots Magn., a.1488, 196)

SAINCT MARTIN. Souventes foys, Quant ta grant deïté contemple, Autre chose aprés je ne foys Que de querir quelque tien temple (La Vigne, S.M., 1496, 149)

Sa largesse povoit equipoler à celle de Alixandre, car souventefois il a plus donné que on ne luy demandoit. (Le Clerc, Interp. Roye, c.1502, 399)

Remarque : Cf. TLF XV, 833b, souventefois. Jourd. Blaye alex. M., a.1455, gloss.