GENERALEMENT

adverbe

[T-L : generalgeneralment ; GDC : generalment ; DEAF, G 474) : generalgeneralment ; AND : generaument ; FEW (IV, 97a) : generalis ; TLF (IX, 168b) : généralement]

A. -D'une manière qui intéresse l'ensemble ou la grande majorité des cas ou des individus.

Mais cils qui haut siet et loing voit, Qui tout gouverne et tout pourvoit, Ceste traïson plus celer Ne volt, eins la fist reveler Et si generaument savoir Qu'il perdirent corps et avoir. (Mach., J. R. Nav., 1349, 145)

On a veü generaument Toudis en amer loiaument Que les dames se sont portées Mieus et plus loiaument gardées Que les hommes en tous endrois. (Mach., J. R. Nav., 1349, 229)

...noz corps (...) par ce filz resucitez Seront, et puis touz excitez De venir a son jugement, Qu'a touz fera generalment Au derrain jour. (Mir. st Val., c.1367, 142)

Et requist li rois d'Engleterre, par le consel qu'il ot, a ceuls de Flandres generaulment que il li vosissent aidier a parmaintenir sa guerre (Froiss., Chron. D., p.1400, 339)

En cestui lieu commun a tous, Ou sages et foulz et estous Sont receüps generaument (Chr. Piz., M.F., I, 1400-1403, 143)

Cedit jour, n'a point esté plaidoié, ne n'avoit aucun advocat ne procureur (...) pour une moult griefve maladie qui generaument couroit par Paris (Baye, II, 1411-1417, 172)

Et fist, en la presence des dessusdis, lire certains advis fais par les bourgois et eschevins de Paris pour lever certain aide, generalment sur tous privilegiés et non privilegiés. (Fauq., I, 1417-1420, 177)

Et fu ce jour generalement à Paris faicte abstinence de cher par le commandement de l'evesque de Paris ou ses vicaires. (Fauq., I, 1417-1420, 180)

...pour le commun prouffit de nostre royaume, nous eussions deffendu generallement a tous noz subgez toutes manieres de guerres et tous gaiges de bactailles (La Sale, Salade, c.1442-1444, 208)

De deffendre ou faire deffendre de par nous à tous generalement et par cry publique, si mestier est, que personne vivant, de quelque auctorité ou estat qu'il soit, et especialement à noz cousins les contes de Foix et d'Armaignac, duc de Nemours, seigneur de Lebret et conte d'Estarac, qu'ilz ne soient si hardiz de mettre sus ne entretenir gens d'armes (Le Clerc, Interp. Roye, c.1502, 229)

[Modifie un pron. plur. désignant un groupe] Sans exception.

Et sur ce nous feismes crier et assavoir par pluseurs criz sollempnement et publique[ment], en noz assises de Lezignan, à touz generaument que quicunques vodroit aucune chose dire ou proposer, par quelque voie ou maniere que ce fust, contre le dit Pierre, que il venist (Doc. Poitou G., t.1, 1330, 356)

Einsi deveroit amans faire Qui averoit en son affaire Tendu la prise de maniere, Tant en bel samblant comme en chiere, Drecie emmy acoustumance De porter adès reverence A sa dame especiaument Et a toutes generaument... (Mach., D. Aler., a.1349, 267)

...car il [les concupiscences natureles] desirent la chose qui est en commun et sont communes a tous generalment. (Oresme, E.A.C., c.1370, 223)

En ce temps, par tout le monde generalment, une maladie, que on claime epydimie, couroit. (Froiss., Chron. L., IV, c.1375-1400, 100)

Si entrerent tout generaulment en lors vassiaus, et se desancrerent (Froiss., Chron. D., p.1400, 674)

...«Nous mandons plainement. Nous, Charle, roy de Franche, à tous généraument Sougès de no roiaume, (...) Que sans ariester soient tout prest et déligent Pour siervir le duc de Bourgongne au cors gent, À l'encontre de ciaus, qui frauduleusement Destruissent no royaume et font enpeschement...» (Geste ducs Bourg. K., c.1410-1419, 431)

Par lesquelx trois inconvéniens [famine, mortalité et guerre] pluiseurs nobles hommes, et générallement tout le peuple dudit royaume et des pays à l'environ, furent en grande et doloreuse perplexité, et fort amatis. (Monstrelet, Chron. D.-A., t.5, c.1444-1453, 339)

...nous sommes contentes et avons conclu et meurement deliberé, toutes ensemble generalement, que... (C.n.n., c.1456-1467, 144)

Ils feirent entendre a toutes les femmes generalement de la ville qu'elles estoient tenues a Dieu de rendre la disme (C.n.n., c.1456-1467, 216)

...dirent ung cent d'aultres, et generalement toutes, qu'elles ne devoient rien. (C.n.n., c.1456-1467, 224)

...après qu'il luy eut recommandé son ame, celle de sa mere (...) et generalement tout le college de purgatoire, il l'advisa trois choses [D'un mourant, à son fils] (C.n.n., c.1456-1467, 330)

Durant lequel temps, (...) advint une fortune de laquelle toutte la compaingnie generallement fut troublée et desplaisant ; car la Daulphine, fille du roi d'Escosse, qui estoit de josne aage, belle et bien fourmée, (...) prit maladie de laquelle elle ala de vie à mort en dedens aucuns peu de jours ensievant. (Escouchy, Chron. B., t.1, c.1461-14, 67)

LA CHOSE PUBLICQUE. Du temps que mon cas estoit beau, (Et) Que ma chose bien se portoit A toute gens mieulx en estoit, Car tout le monde entretenoye Et paisiblement gouvernoye, Tout par tout generallement... (Sots mal., c.1480, 88)

LE MESSAGIER. (Pause. L'empereur luy baille ung mandement, puis il s'en va.) (...) Oyez, oyez tous generallement, Nobles seigneurs, veillez cecy entendre : Pour les haulx droiz de l'empire deffendre Et du pays soubstenir la querelle, Veillez vous tous au jour d'uy condescendre Vers l'empereur, par faveur naturelle (La Vigne, S.M., 1496, 237)

La plupart du temps, d'ordinaire.

Et n'ont que faire de chaudieres ne de caudrons, car il quisent leurs chars generaument, qant il sont ensi sus un voiage, ens es quirs des bestes, qant il les ont escorchiés. (Froiss., Chron. D., p.1400, 126)

...du mal mort, peut l'on dire plusieurs salaces mais generallement est curé comme scabies (...) car se n'est aultre chose que puante et seiche scabie ou tigne (Panis, Guidon, 1478, tr.VI, doct.2, chap.8)

B. -Unanimement.

Chils avis fu tenus, et envoièrent un hiraut à Rains, qui leur remonstra toutes ces coses. Il respondirent generaument que il n'en feroient noient, et que il fesissent che que bon leur sambloit. Quant li Englès oïrent ceste response, si furent tout courouchiet. (Froiss., Chron. R., IX, c.1375-1400, 253)

Il regardèrent que il envoieroient devers le roi de Portingal, pour estre paiet de leurs gages. Si i envoièrent tout generaulment le signeur de Taillebot, un baron de la marche de Galles. (Froiss., Chron. R., X, c.1375-1400, 184)

Il comsideroient generaulment entre euls (...) que lors sires li rois estoit jones et a faire ; et ne voloient pas tenir ne nourir en wiseuses, mais en painne et en travel d'armes (Froiss., Chron. D., p.1400, 205)

Si priierent generaulment a mesire Jehan de Viane, lor chapitainne, que il en vosist tretiier et parler. (Froiss., Chron. D., p.1400, 835)

Solidairement.

Jaquemés d'Artevelle, liquels voloit aidier le roi d'Engleterre, et a che faire il estoit obligiés et avoit fait obligier generaument la ville de Gaind, n'estoit pas courouchiés (Froiss., Chron. D., p.1400, 273)

C. -D'une façon globale, sans entrer dans le détail.

Item, des duracions des choses, a parler generalment, aucune est successive et partie apres autre et des choses qui de fait sont en transmutacion, et ceste est appellee temps. (Oresme, C.M., c.1377, 162)

Et pour ce, comme je dis au commencement en ce chapitre et apres, l'en doit entendre par estoilles generaument les choses desus dites. (Oresme, C.M., c.1377, 452)

...generaument aucques en tous traittiez philosophes, pouettes, tous orateurs desquelz les noms seroit longue chose, semble que tous parlent par une meismes bouche et tous accordent une semblable conclusion, determinant les meurs femenins enclins et plains de tous les vices. (Chr. Piz., Cité dames C., c.1404-1407, 618)

Ceste perverse coustume, (...) est auques par tout le dit pays tant enracinee et accreue que toutes villes et generaument la terre en est empoisonnee et corrompue (Bouciquaut L., 1406-1409, 177)

[P. oppos. à specialement]

...De porter adès reverence A sa dame especiaument Et a toutes generaument (Mach., D. Aler., a.1349, 267)

Et là furent tous li consaulz de Flandres generaument et especialment. (Froiss., Chron. L., I, c.1375-1400, 186)

Là leur fu remoustré à Niorth (...) especialment et generalment (...) sus quel estat on voloit eslever ce fouage. (Froiss., Chron. L., VII, c.1375-1400, 67)