SOUFFRANCE

substantif féminin

[T-L : sofrance ; GD : soufrance ; FEW (XII, 401b) : sufferre ; TLF (XV, 736b) : souffrance]

A. -Fait de subir.

1.Fait de subir, de supporter douloureusement qqc., fait de souffrir, douleur, souffrance.

Dous amis, tant ay grevance, Tant ay grief souffrance, Tant ay dueil, tant ay pesance, Quant jamais ne te verray, Que doleur me point et lance De si mortel lance Au cuer qu'en desesperance Pour toy mes jours fineray. (Mach., L. plour, 1349, 289)

E ! doulx Jhesu, pour la souffrance Que portastes pour noz pechiez, Quant en croiz fustes clofichiez, Pardonnés moy cestui mefait (Mir. Theod., 1357, 110)

Il prent ici passion pour souffrance distinguee contre accion ; si comme estre batu, estre occis, estre despoillié, estre injurié, c'est passion ; et faire teles choses, c'est accion. (Oresme, E.A.C., c.1370, 289)

Si m'est si grief la souffrance, Que sueffre en ce, Que trop tart Muir, car j'en pers contenance Et puissance, Quant n'i part. (Mach., Les lays, 1377, 328)

Dieu garde tous bons chrestiens D'estre lyé de telz liens, Et doint bien briefve delivrance A tous ceulx qui sont en souffrance, Je l'en supplie de cueur fin Et a pardon a nostre fin. (Régn., F.A., 1432-c.1465, 151)

Pencés a la gloire des cieulx ; Laissés ces tristes passïons, Car les recompensacïons Qu'adtendons veoir par pascïence Sont en si grant perfectïons Que ce n'est riens que de souffrance. (Pass. Auv., 1477, 257)

Jesus qui les pechez rabat Vueille preserver de souffrance Et tenir en joyeulx esbat Le noble royaulme de France. (Sots, c.1480-1500, 280)

Ne de ce jour plus avant il alla, Pour soulager gendarmes et chevaulx Qui avoient tant soustenu de travaulx, Tant de misere, de peine et de martire, Tant de souffrance, de dangers et de maulx, Qu'il n'est possible de la disme en escrire. (La Vigne, V.N., p.1495, 281)

Souffrance de qqc. Fait de souffrir de qqc..

Donques est question, a savoir mon, se l'en peut dire veritablement que aucun seuffre injuste chose ly voulant ou se toute souffrance de chose injuste ou tout injuste souffrir est involuntaire en la maniere que tout injuste faire est voluntaire. (Oresme, E.A., c.1370, 310)

2.Fait de subir, de se soumettre.

Ce neantmoins grans et petiz sortirent, Et toutes bonnes obeyssances firent Faveurs, support, subjection, souffrance ; Ce que devant en effect et substance Ne pensoient pas Tuscains, parolle ronde, Qu'a ceste loy la ville de Florence Eussent peu mettre tous les princes du monde. (La Vigne, V.N., p.1495, 209)

Prendre qqc. en souffrance

Dieu les me doint prendre en souffrance, Et a tous autres prisonniers (Régn., F.A., 1432-c.1465, 150)

3.Par métonymie.

a)Ce que l'on endure.

Seur ce propos ci m'acorday Et par raison m'en recorday, Qui avec Amours me moustroit Les causes et amenistroit, Pour mes souffrances abaissier, Comment je devoie laissier Le gemir et le guermenter (Mach., D. Aler., a.1349, 292)

Nostre bon compaignon (...) s'en vint a l'hostel, ou il trouva pou paisible sa femme toute preste a tanser, qui de si loing qu'elle le vit commença la souffrance accoustumée [Il est fait réf. ici à la litanie de reproches dont une femme accable son mari, un franc buveur, à son retour de la taverne. Il a déclaré précédemment à ses amis : 'Je suis tout seur d'oyr la passion. Pleust a Dieu que ma femme fust muette !' p. 542] (C.n.n., c.1456-1467, 543)

Ce que Jésus a supporté au cours de sa Passion.

Et jure Jhesu Crist et sa dive souffrance (Hugues Capet Lab., c.1358, 258)

En l'an de grace Nostre Signour mille .CCCXLIX., alerent li penant et issirent premierement d'Alemagne ... Et chantoient, en faisant lors penitances, cançons moult piteuses de la Nativité Nostre Signour et de sa sainte sousfrance. (Froiss., Chron. D., p.1400, 894)

b)État, qualité de celui qui supporte, qui endure, patience, humilité.

...de tant plus l'omme [marié] profite Et emporte greigneur merite, Se souffrir puet en pacience, De tant qu'il a plus de souffrance Que ne fait l'omme solitaire (Desch., M.M., c.1385-1403, 322)

Ma chiere amie, mon bien, mon esperance, mon honneur, je vous supply, en l'onneur de la glorieuse souffrance Jhesucrist et en l'onneur du saint glorieux pardon que le vray Filz de Dieu fist a Marie Magdalaine, que vous me veulliez pardonner ce meffait... (Arras, c.1392-1393, 257)

...mais d'un moult gentil Diray, qui ades est en vie, Qui n'a fors de bien faire envie. Si est des parties de France Le bon, vaillant, plain de souffrance (Chr. Piz., Chem. estude P., 1402-1403, 192)

Le sage roy, plain de souffrance, De vertu et de grant raison, Bien savoit en toute saison Dissimuler a point et traire A soy ce qu'il devoit atraire (Chr. Piz., Chem. estude P., 1402-1403, 215)

S'il a esperance Et humble souffrance Et a sa dame acointance, Donc lui puet il dire, S'il voit sa semblance, Que Pitié s'avance De mectre bonne alegance En son dur martire. (Chart., L. Plais., c.1412, 152)

Se vous estes gentes et belles, Ne soyez point pour tant cruelles Vers voz servans d'humble souffrance ! (Narcissus, p.1426, 308)

Tant est longue sa sapience, et sa justice si enlacee a sa pitié et grace, qu'il attent longuement a flageller lez mauvaiz, en espoir de leur amendement, et a remunerer lez bons pour esprouver leur souffrance, et acroistre la perfection de leur merite. (Chart., L. Esp., c.1429-1430, 50)

B. -Fait de tolérer, tolérance.

1.Fait de tolérer qqc., tolérance.

Car aujourduy il y a plus à faire entre les marchands d'estre d'accord du pris de la Monnoie et la évaluacion, qu'il n'y a de marchandise dont ilz traictent. Parquoy l'or et l'argent sont à present venuz à si hault pris, que, si de brief n'y est pourveu de remède, il est à doubter de plusieurs inconvéniens grans et moult dommaigeables en la tollerance et souffrance d'icelle, comme des matières, à savoir, or et argent, estre transportez ès pays voisins, là où le cours est plus hault (Oresme, Monnoies W., c.1365, III)

... se il pooient estre trouvé en nostre royaulme, nous commandons ... que punitions en soit faite comme de traittes et rebelles à nous... sans faire sur ce grace, remission, souffrance ne pardon (Froiss., Chron. L., VI, c.1375-1400, 49)

...lequel messire J. [de Montagu], par affection ou souffrance et simplece du Roy et des seigneurs de son sanc royal, avoit esté elevé en telle auctorité et eminence qu'il avoit en son temps gouverné toute la maison du Roy et de la Royne (Baye, I, 1400-1410, 291)

Ou il fault toutes les oeuvres du temps present reverser au contraire, ou qu'elles vous mainnent briefvement a ce que vous avés a tel mesfait fouy, puis que je voy que en souffrant non challement regner la tyrannie de voz ennemis vous cheez par une recreue souffrance en leur servitude, comme lez perdris qui, en fuyant par despourveue negligence le perdrieur qui les chevalle, cheent en sa tonnelle (Chart., L. Esp., c.1429-1430, 15)

CHANCELIER [à l'Empereur] . (...) Car il [les chrétiens] vous font grant desplaisance, Dont ne debvés avoir souffrance. (Myst. st Adr. P., c.1450-1485, 69)

La voulenté divine proprement a parler ou elle est au regard des choses presentes ou de celles a advenir. S'elle est au regard des presentes, qui sont bonnes, elle est apellee complissement ou operation. S'il est mal, elle se dist permission ou souffrance. (Somme abr., c.1477-1481, 173)

2.Permission, autorisation d'avoir l'usage de qqc. ou de faire qqc..

Et ledit Baron, par la permission et souffrance de nostre dit cousin le conte d'Armaignac, a appatissiez les habitans et subgiez des pays de Rouergue, Quercy, Pierregort et autres (Escouchy, Chron. B., t.3, Pièces justif., 1445, 128)

De Maistre Jehan Guerriau, huissier de Parlement, et sa femme, à cause d'elle, paravant femme de feu Maistre Baulde Benault, en son vivant procureur en Parlement, pour le dangier et souffrance de l'allée desdits anciens murs (Comptes Paris M., t.2, 1488-1489, 403)

De Oudin Guyart, vinaigrier, pour la permission et souffrance à lui faicte et baillée de povoir ediffier au long desdicts murs, en l'espace de 2 toises de long, ou environ, à l'endroit et derriere son hostel (Comptes Paris M., t.2, 1488-1489, 408)

3.Autorisation accordée par une autorité de différer qqc..

a)Délai, répit.

... il s'assentirent à ce trettié, mais il ne veurent donner que huit jours de souffrance : encores ne le faisoient il mies volentiers (Froiss., Chron. R., VIII, c.1375-1400, 209)

Je di que doy avoir souffrance (...). Se l'omme est damagié par guerre, Il li loist bien de respit querre (Le Fèvre, Respit Mort H., 1376-1380, 107)

...qu'il [icellui cardinal] voulsist proroguer la souffrance ou surseance, sans ce que iceulx seigneurs, graphier et notaire dessusdiz en cheussent en sentence d'excommeniement. (Baye, II, 1411-1417, 37)

Et le tien cors oussy delivrer sans grevance [var. soufrance] [ou sens A ?] (Jourd. Blaye alex. M., a.1455, 57)

Donner/octroyer/ordonner souffrance. Accorder un délai, une suspension.

... il sont tout vostre sans cop ferir... si vous pri que hui tant seulement et demain jusques soleil levant vous leur accordés respit et souffrance (Froiss., Chron. L., V, c.1375-1400, 25)

...c'est assavoir aux debtes vieilles qui seront doubteuses et ne se pourront pas clerement demoustrer, ilz pourront donner une negative ou souffrance a certain temps, pour estre mieulx informez (a certain temps). (Mézières, Songe vieil pèl. C., t.2, c.1386-1389, 360)

Et combien que, selon la coustume, XL jours de souffrance soient ordonnez, quant aux amis de l'une partie et de l'autre, esquelz quarante jours les deux parties qui ont commaincie la guerre doyvent mander et faire assavoir a tous leurs amis et parens qu'ilz se doyent garder (Mézières, Songe vieil pèl. C., t.2, c.1386-1389, 416-417)

...donnons et octroions de grace especial par ces presentes terme, souffrance et delay, de nous venir faire les foy et hommaige qu'elle est tenue de nous faire a cause des contés, baronnie et autres terres dessus dictes (Trés. Reth. L., t.3, 1416, 6)

...il ne donnera ne souffrera donner par aucuns de ses gens quelxconques sauf conduiz, souffrances ne aucunes seurtez à nulz de noz subgiez, ne prendra ne souffrera prendre par les dictes gens, le bastart de Saint Cyre ne autres de ses dictes gens, vivres, apatiz ne rençonnemens sur nosdiz subgiez (Doc. Poitou G., t.8, 1431, 11)

...par noz autres lettres patentes et pour les causes dedans contenues, nous avons donné et octroyé à (...) Gilbert Dugué terme, souffrance et delay de faire le serement qu'il est tenu de faire en nostre court de Parlement pour raison de l'office de seneschal de Lyon, bailli de Mascon, conservateur juge des foires et capitaine de Lyon (Lettres Ch. VIII, P., t.3, 1490, 103)

b)Trêve, suspension des armes.

...et si n'y a jammes treves ne soeffrance, mes touz jours grante guerre. (Henri Lanc., Seyntz medicines A., 1354, 26)

Adoncques fut acordée une souffrance entre eulx ; mais toudis se entreguerryoient les Flamens et les Brabanchons d'aultre part. (Le Bel, Chron. V.D., t.1, 1358, 240)

...depuis la trieve ou soufrance qui par nos dis freres, connestable et sire de Cliçon, comme nostre lieutenant, ou aucuns d'eulx, fu accordée et donnée à Lodun ou ailleurs (Doc. Poitou G., t.4, 1372, 185)

...le conte Guillaume de Haynau... envoia ma dame sa femme... devers le dit roy, pour impetrer une souffrance et une triewe de lui d'une part et dou duch de Braibant d'autre part (Froiss., Chron. L., I, c.1375-1400, 102)

... li rois, qui les voloit attraire à amour, lor envoia, celle souffrance durant, des vivres bien et largement pour leurs deniers raisonnablement (Froiss., Chron. L., IV, c.1375-1400, 109)

...la finance du patiz ou souffrance que les bonnes gens demourans et habitans en la dicte parroisse de Luchac et de Moustel en Poitou devoient aus Anglois et ennemis de la garnison de Corbaffin (Doc. Poitou G., t.5, 1389, 396)

...astinence et souffrance de guerre entre les gens d'armes et autres gens de guerre qui y estoient de par nous et de par nostre dit ainsné filz, et les autres gens d'armes et gens de guerre du dit sire de Partenay et des autres barons et seigneurs du dit païs (Doc. Poitou G., t.7, 1416, 309)

Souffrance de paix

...il envoiièrent à Bourdiaus vingt quatre des plus riches de leur cité en ostagerie, sus un certain trettiet que il demoroient en souffrance de pais un mois (Froiss., Chron. L., III, c.1375-1400, 94)

Et ainsi eult lors seure paix et continuelle de tous les hommes ou paction et souffrance de paix. (Mamerot, Romuleon D., 1466, 293)

c)Surséance accordée par le seigneur à un nouveau vassal, par laquelle on surseoit à la prestation de foi et hommage' (GD VII, 504b).

...je vous prie que dudit hommaige et autres devoirs faire, pour raison de ladicte terre et seigneurie de Rouy, me vueillez tenir en souffrance (Escouchy, Chron. B., t.3, Pièces justif., 1454, 448)

Avoir souffrance de faire foi et hommage. Obtenir un délai pour faire foi et hommage.

...pour avoir advis et deliberacion comment on devroit proceder en la matiere touchant certaine requeste bailliée par escript au Roy et à son Conseil de par le duc de Bourbon et madame sa femme, afin d'avoir la delivrance de la duchié d'Auvergne et souffrance d'en faire foy et hommage. (Fauq., I, 1417-1420, 160)

C. -Par extension.

1.Suspension.

a)En souffrance. En suspens.

Demeurer en souffrance

[D'une chose]

...la chose est demourée grand temps en souffrance (Trés. Reth. S.L., t.2, 1395, 399)

[D'une pers.] Demeurer en souffrance de qqc.

Et demoure, ledit Huguet, en souffrance de la somme de 21 l. (Aff. Jacques Coeur M., 1453-1457, 119)

Mettre/tenir en souffrance

Item qui ci sont à reprendre, de quoy Messeigneurs des comptes me avoient escript tenir en souffrance Guillot Charnel, pour lors garde et gouverneur de la viconté de Valloignes, de la somme de IXxxX l. XIIII s. VII d. de pluseurs parties quil disoit estre non solvables (Compte Navarre I.P., 1367-1371, 409)

...de laquelle chastellerie nostredit cousin nous a fait foy et hommage à cause de nostre chastel de Sainte Manehoult, où en a esté mis de par nous en souffrance (Trés. Reth. S.L., t.2, 1380, 273)

...messires Robers d'Artois ... parla atempreement et remonstra ... con proçains li rois, lors sires, ... estoit de l'iretage et de la couronne de France. Et ... le conte Henri de Lancastre ...dist... ... : 'Je conselle de ma partie que ceste besongne soit mise en sousfrance tant que li rois nostres sires ait soufissans honmes de son roiaulme envoiiet par de dela la mer pour parler au conte de Hainnau, ..., et a messire Jehan de Hainnau, ... et tout ce que chil doi en conselleront, les ambassadours retournés en ce pais, et nous remis ensamble et la response et parole des desus dis oie, nous procederons sus sans nulle faute.' (Froiss., Chron. D., p.1400, 232)

Maiz quel vaillance Ara homme en guerre a oultrance, S'il ne puet avoir la constance De tenir sa lengue en souffrance ? (Chart., L. Dames, 1416, 280)

De George de Joingny, bailli de Nieneve, pour le cler de son rest, oultre et par dessus les 98 livres 2 solz dont par l'ordonnance de messeigneurs des comptes à Lille il a esté tenu en souffrance jusques aux comptes de septembre l'an mil CCCC et vint... 31 l. 5 s. 4 d. (Comptes Etat bourg. M.F., t.3, 1418-1420, 405)

De laquelle somme il avoit esté tenu par sesdiz comptes en souffrance et suspens jusques à certain terme piéça passé (Aff. Jacques Coeur M., 1453-1457, 487)

b)Par métonymie. [Dans un compte] Somme tenue en souffrance.

Et d'icelle somme des souffrances sera distraite et ostée la somme de 1175 l. p. mise et couchée en deniers rendus et non receus en plusieurs parties couchés èsdits comptes (Comptes Paris V.L.D., t.1, 1446-1447, 522)

2.Souffrance de. Privation de. (synonyme souffrète)

Mais les Galz, qui avoient eu moult longue souffrance de vivres et la trouverrent le pays plain de viandes et de bons vins (La Sale, Sale D., 1451, 238)