DEUIL

substantif masculin

[T-L : duel ; GDC : dueil ; AND : duel ; DECT : duel ; FEW (III, 121a) : dolus ; TLF (VII, 76b) : deuil]

A. -Rare. Douleur physique.

...Esperant que brief vous concede Guerison et que le dueil saille De vostre corps. (La Vigne, S.M., 1496, 467)

B. -Douleur morale.

1.Affliction, chagrin.

De poul de fait sault grant dommaige, Grant duel et grant melancolie. (Dupin, Mélanc. L., c.1324-1340, 118)

Mais après li, lasse ! dolente ! eimy ! Ne quier jamais vivre jour ne demi En si grief dueil, Eins vueil mourir dou mal dont je me dueil. (Mach., J. R. Beh., c.1340, 65)

...je me mis de richesse en essil, De seürté en un mortel peril, De joie en dueil, par son regart soutil, Et de franchise En servitute ou on n'aimme, ne prise Moy, ne m'onnour, m'amour, ne mon servise, Ne ma vie vaillant une cerise. (Mach., J. R. Beh., c.1340, 88)

NOSTRE DAME. (...) li deulx Soit beneürez, qui affine Si bien qu'en gloire qui ne fine Fait venir l'ame. (Mir. enf. ress., 1353, 7)

...mainte tristesce et maint deul Fist au curé en son vivant (Mir. parr., 1356, 20)

Berengier, soit ou joie ou deulx, Il convient qu'a l'un de ces deux Vous combatez. (Mir. Oton, c.1370, 378)

Voir, le cuer de deuil si me serre Que je ne scé que vous en die. (Mir. fille roy, c.1379, 24)

Il n'est doels qui ne se pasce et ne se mete en ouble (Froiss., Chron. D., p.1400, 742)

La mort en fait lachement son devoir Quant el n'occit et chascun et chascune Sans espargnier ne beauté ne peccune ; Mais, malgré lour, tout efforceement. Je la requier craignant duel et torment ; Et elle soit par rigueur conjuree ! Elas ! Pourquoy m'a elle procuree Mort a demy sans l'avoir assouvie ? (Chart., R. Bal., c.1410-1425, 391)

Or, pensés doncques, quel dueil est ce A ung prince chevallereux Qui, soy moustrant plain de prouesse, Se voit desemparé de ceulx Qui lui doyvent service et foy, Dont il est et chief et seigneur ? (Chart., D. Her., p.1415, 429)

Joie et deul en sont les deux bous, Maiz dueil est le bout de dessoubz, Car amours finent En deul lors que leurs cours terminent : Autres maladies declinent En joie quant elles definent. (Chart., L. Dames, 1416, 268)

Amours, qui joie et dueil depart, Mist les dames hors de servaige Et leur ordonna pour leur part Maistrise et franc seigneurïage. (Chart., B. Dame, 1424, 341)

Derrainement, à beau loisir, Nom pas sans deul et desplaisir, Vint Jupiter, l'estoille clère, à l'ord palaiz de son vielz Père, Où s'arresta moult longuement. (La Haye, P. peste, 1426, 33)

Duquel trespas madicte dame la royne Jehanne fust sy tresdoloureuse et desplaisante que a paynes la vist on oncques puis rire de bon cuer ; ains dist on que de dueil elle prist le mal dont elle morust. (La Sale, Salade, c.1442-1444, 198)

...tant fort mesmes le print il au cueur que devant n'en tenoit compte par semblant, que au bout de XV jours de dueil il en mourut. (C.n.n., c.1456-1467, 460)

Chantés, dancés, laissés tout deul Et menés tous joyeuse vie (Pass. Auv., 1477, 88)

LE CHRESTIEN commence. (...) De Povreté me voy tout embrassé, Si enlassé que suis tout lassé, Si entassé, de honte et dueil cassé, Mocqué, farcé que plus ne me peux taire. Quant je pense en ce tres dur affaire, Sans plus braire, me vousisse deffaire, Car contraire voy Malheur sur moy traire Et atraire sans estre soulassé. (Mir. st Nic. juif, c.1480-1500, 73)

Je vous lairray Marie et Marthe Pour vous consoler de voz deulx. (Myst. Pass. Troyes B., a.1482, 523)

Apaiser deuil

Sur mol duvet assiz, ung gras chanoine, Lez un brasier, en chambre bien natee, A son costé gisant dame Sidoine, Blanche, tendre, polye et attintee, Boire ypocras a jour et a nuytee, Rire, jouer, mignonner et baisier, Et nud a nud pour mieulx des corps s'aisier, Les vy tous deux par ung trou de mortaise. Lors je congneuz que, pour dueil appaisier, Il n'est tresor que de vivre a son aise. (Villon, Test. R.H., 1461-1462, 117)

Avoir/soustenir (grand) deuil (au coeur/à son coeur)

Dydo, roïne de Cartage, Ot si grant dueil et si grant rage Pour l'amour qu'elle ot a Enée Qui li avoit sa foy donnée Qu'a mouillier l'aroit et a femme ; Et li faus l'appelloit sa dame, Son cuer, s'amour, et sa deesse, Et sa souvereinne maistresse. (Mach., J. R. Nav., 1349, 209)

LE COUSIN. (...) avis m'est c'on me sache Le cuer, tant ay dueil et hachie (Mir. enf. ress., 1353, 56)

Mais ja pour ce ne quier ne vueil Muer mon vueil, Comment que dueil Aie, qui va de mal en pire... (Mach., Les lays, 1377, 284)

...maiz ainsi N'est il pas, dont j'ay dueil en my, Quant des barons de mon hostel. (Gris., 1395, 52)

Et quant Remond la voit, si fu moult doulent. Hay, dist il, m'amour, or vous ay je trahie par le faulx enortement de mon frere, et me sui parjurez envers vous. Lors ot tel dueil a son cuer et telle tristece que cuer humain n'en pourroit plus porter. (Arras, c.1392-1393, 242)

Sire, sire, c'est trop tart a repentir quant la folie est faicte. Le doloser n'y vault desormais rien. Mais pensez de faire en la satisfacion a Dieu et au monde. Quant Gieffroy oït ce mot, si ot grand dueil ou cuer, mais il ne daigna oncques respondre (Arras, c.1392-1393, 252)

...de pres le tient Son pere, qui grant dueil soustient. (Chr. Piz., M.F., III, 1400-1403, 100)

...a Dieu le commenda tout en basset, en plorant tendrement, pour le grand dueil qu'elle avoit du tresfaux tour qu'il luy avoit joué. (C.n.n., c.1456-1467, 180)

Il semble que ouy, dont j'ay grant dueil, Ou s'il contrefait cy le lousche. (Copp. lard., a.1488, 175)

...lui remonstrant qu'il faisoit mal de vouloir calumpnier astrologie, actendu les utillités d'icelle, dont il eut tel dueil que peu après en devint aliené de son sens et après deceda et mourut, quasi enragé ou incensé. (Simon De Phares, Astrol., c.1494-1498, f° 164 r°)

Avoir le deuil de qqc. Déplorer qqc..

- Tu es perdu ! - G'y mectray resistence. - Plus ne t'en dis. - Et je m'en passeray. - J'en ay le dueil, toy le mal et douleur. Se feusses ung povre ydiot et folet, Encore eusses de t'excuser couleur ; Si n'as tu soing, tout t'est ung, bel ou lait. (Villon, Poèmes variés R.H., c.1456-1463, 70)

Avoir (grand) dueil que. Déplorer que.

[Premier veneur] A paines [les levriers] osent approuchier La beste qu'ilz voient a l'ueil. Va la, Goulïas ! J'ay grant dueil Qu'autrement tu n'y prenz l'avance. (Gris., 1395, 26)

Mettre qqn en dueil

Mon cuer d'un si doleureus trait Que jamais le cop n'en yert trait, Eins nourrist en moy et pourtrait La mort qu'il m'en conviendra traire. Ainsi mi oueil M'ont mis en dueil Que je recueil, Car par l'escueil D'eaus grant Biauté et Dous Accueil Que j'aim et vueil D'amoureus vueil (...) Ont de mon cuer passé le sueil. (Mach., Les lays, 1377, 304)

Mourir de deuil. Mourir de chagrin ; p. exagér., éprouver une extrême tristesse.

...et se lors me dueil, Se vous n'avez le cuer et l'ueil Vers moy, je serai mors de dueil En sa presence. (Mach., R. Fort., c.1341, 122)

Si comme Dido la royne, qui mourut de deul que elle perdy son amant. (Oresme, E.A.C., c.1370, 210)

Au darrain il en eut povre guerredon, car il en morut en France de duel, quant on vei apparamment le contraire de ce dont il escusoit le duch si certainnement. (Froiss., Chron. L., I, c.1375-1400, 151)

Langue poignant, aspre, amere et aguë En traïson souvent me mort et point ; Mais riens ne doubt que die ne arguë, Ne l'aguillon de son venimeus point, Car je me vueil gouverner si à point Que par souffrir et estre de bonne aire Je la feray morir de dueil ou taire. (Mach., L. dames, 1377, 172)

Hee, mesdames, je ne puis plus. Aydés moy. Las, je meurs de deul. (Pass. Auv., 1477, 183)

Se fendre de deuil

LE MARI. (...) Et si voy qu'a destruccïon Ma femme muert pour son enfant. Ou est le cuer qui ne me fent De dueil, d'angoisse et de meschief ? (Mir. enf. ress., 1353, 63)

Porter/prendre deuil (de qqc.). Se désespérer de qqc..

Remondin se marie et ne scet quelle femme il prent, ne de quel lignaige. Monseigneur, dist Remondin, puis que il me souffist, il vous doit assez souffire, car je ne pren pas femme pour vous, a mon escient, mais la pren pour moy ; si en porteray le dueil ou la joye, lequel il plaira a Dieu. (Arras, c.1392-1393, 36)

Monseigneur, il est verité que Gieffroy au grant dent, vostre filz, a prins telle merancolie et tel dueil de ce que Fromont, vostre filz, se estoit rendu a l'abbaye de Malleres, qu'il y est venu, et a trouvé l'abbé et tous les moines en chappitre. (Arras, c.1392-1393, 252)

Par trop vous estes subvertie De ce grant dueil que vous portés. (Vig. Trib., c.1480, 227)

Manifestation de cette douleur, de ce chagrin.

Demener/mener deuil

Car grant espace a ja par m'ame, Qu'elle [Griseldis] traveille et a grant paine. La saige femme y est, qui maine Grant dueil que plus tost ne delivre. (Gris., 1395, 49)

He ! treschiere dame, achoison Avons de grant dueil demener, Quant ensi vous veons mener En si dolante compaignie. (Gris., 1395, 84)

Et atant laisseray cy a parler du congié que ilz ont prins, et de leur voiaige, ou ilz vont en la court de l'empereur, et diray du duel que Madame maine et d'un autre nouvel party. (La Sale, J.S., 1456, 240)

...c'est folie de mener tel dueil et si grand ; car on ne vous peut, la Dieu mercy, reproucher de chose qui touche vostre honneur (C.n.n., c.1456-1467, 164)

Il vint rencontrer le curé plorant et demenant grand dueil qui luy compta la mort de son bon compaignon. (C.n.n., c.1456-1467, 349)

Faire deuil (de qqc.)

LA DAME. (...) Et quant j'ai bien pensé, je pleure Et fois dueil fort. (Mir. enf. ress., 1353, 2)

Et aussi te vien j'enorter Que tu te vueilles deporter De faire dueil et toy getter De cest anoy. (Mach., F. am., c.1361, 222)

Et d'autre part je sçay certainnement C'on ne puet miex valoir, fors empirer, De faire dueil. Pour ce vueil liement User mon temps en loyaument amer, Ne plus ne vueil desconfort osteler, Ains chanteray plus que je ne soloie, Qu'Amours le vuet et ma dame m'en proie. (Mach., L. dames, 1377, 88)

LA MARQUISE. Pere, saichiez quant ce complaist [de son amour] Au marquis qu'en soye partie, Dueil ne courroux de ma partie N'en sera fait (Gris., 1395, 87)

Puis vont aux autres dames et damoiselles, qui toutes ensemble tel deul faisoient que se tous leurs amis fussent la mors (La Sale, J.S., 1456, 204)

O palharde cher venimeuse, Vous advés trop eu voz aneaulx ! Laisés vous atours et aneaulx, Chaines, camailz, bagues, tourés, Veloux et soyes osterés, Pour faire de vous pechés deul. (Pass. Auv., 1477, 149)

SOTOUART. Je le vueil, Et qu'esse cy ? qui fait ce dueil ? Aprouchés, pour Dieu, qu'on vous voye. (Vig. Trib., c.1480, 227)

2.Affliction mêlée de courroux, colère.

Li rois fu pleins de dueil et d'ire, Quant einsi s'oy contredire, Ses dieus blasmer et desprisier Et son pooir petit prisier. (Mach., C. ami, 1357, 21)

Atant esvous le duc Anthoine, l'espee ou poing. Quant il appercoit ses gens reculer, par poy qu'il ne desue de dueil. Lors escrie Lusegnen a haulte voix, et se boute entre les Sarrasins plus roidement que fouldre ne chiet du ciel. Et fiert a dextre et a senestre, et rompt et abat quanqu'il encontre ; et ses gens le suivent au doz, qui sont tous esbahiz de ce que ilz lui voient faire. (Arras, c.1392-1393, 184)

LA FEMME DU CRESTIEN. Cher espoux, dolente j'en suis, Mais tout ce vient par voz conduis, De conduicte mal promenee. J'en ay eu cent mauvaises nuitz, De dueil, grief courroux et ennuis Et en est ma joye finee. (Mir. st Nic. juif, c.1480-1500, 75)

De fin deuil. De colère meurtrière.

Chevaliers, que quiers tu cy ? Par foy, dist Gieffroy, je te quier, et non autre chose, et vien callengier le treu que tu as levé sur les gens Raymond de Lusegnen. Et quant le jayant l'entent, par poy qu'il n'enrage de fin dueil quant il voit que le corps d'un seul chevalier lui fait guerre et le requiert jusque en son recept. Mais, quant il s'est bien advisez, si le tient a grant vaillance. (Arras, c.1392-1393, 245)

3.Par métonymie. Ce qui cause cette douleur, malheur.

De rechief, pour ce que tu te plains si trestristement qu'il semble que nul ait douleur ou mesaise fors que toy mesmes et ne comptes a rien les autres fortunes qui souvent aviennent a ung chascun, et combien que chascun son dueil plaigne, ne penses tu pas que les nobles hommes en leur estat aient a souffrir autant que tu as ? (Chart., Q. inv., 1422, 28)

Au diziesme an de mon dolent exil, Aprés maint deueil et maint mortel peril, Et les dangiers qu'ay jusquez cy passés Dont j'ay souffert graces a Dieu assés, N'a pas granment es croniques lisoye, Et aux haulx faiz des anciens visoye, Qui au premier noble France fonderent (Chart., L. Esp., c.1429-1430, 1)

Sans cause n'est se nous pleurons, Veu le grant dueil qui nous survient (La Vigne, S.M., 1496, 574)

Deuil s'embat sur qqn

Dame serez de mon cueur sans debat, (...) Olivier franc m'otant toute amertume. Raison ne veult que je desacoustume - Et en ce vueil avec elle m'assemble - De vous servir, mais que m'y acoustume, Et c'est la fin pourquoy sommes ensemble. Et qui plus est, quant dueil sur moy s'embat Par Fortune qui souvent si se fume, Vostre doulx oeil sa malice rabat Ne plus ne moins que le vent fait la fume. (Villon, Test. R.H., 1461-1462, 112)

Faire maint dueil à qqn. Causer mainte souffrance à qqn.

Vés ci comment prouver le vueil, Comment qu'il m'aient fait maint dueil Et maint anui et maint contraire Que je ne vueil mie retraire. (Mach., Compl., 1340-1377, 267)

C'est pitié/meschief et deuil

Si ne m'en say Que demander et a qui m'en penray Des griés doleurs et des meschiés que j'ay. S'on m'en demande, a tous responderay Que ç'a fait Dieus Et Nature ; dont c'est meschiés et dieus, Quant il firent son corps en trestous lieus Si bel, si gent, si dous, qu'on ne puet mieus, S'il fust loiaus. (Mach., J. R. Beh., c.1340, 89)

Mais seuls ne pooit pas souffire Pour tout le monde desconfire, Qu'entour lui furent pris et mort Sa gent de moult piteuse mort, Et il pris ; c'est pitez et dieus. (Mach., C. ami, 1357, 99)

C'est grant deuil et grant dommage

Et maint de ceste pestilence Sont mort, dont leur hoir tel seront Que jamais ne reverdiront, Dont c'est grans dues et grans damages. (Mach., C. ami, 1357, 101)

C. -En particulier.

1.Douleur causée par la mort de qqn.

Et la nouvelle est espandue par le pays comment Remond s'en estoit alez en essil pour le grant dueil qu'il avoit eu de sa moillier qu'il avoit perdue. (Arras, c.1392-1393, 274)

Fonteines feray de mes yeulx Fort piteux. Mon deulh croistra de jour en jour, Tant que vivré. (Pass. Auv., 1477, 104)

SOTOUART. Or est il mort et trespassé, Mais ce c'est de soif je ne scay. Tous ensemble. Vele la, vele la tout estendu, Dont le deul nous est chier vendu. Versus Nous en sommes tous bien maris. (Vig. Trib., c.1480, 232)

Avoir deuil

Mais encontre leur joye ot dueil le lignaige de Jossellin de Port le Leon, lesquelx n'oublierent mie la mort de leur cousin et de son filz, ainsi que vous orrez cy après. (Arras, c.1392-1393, 66)

Trois jours après luy vindrent nouvelles qu'il estoit trespassé. Ledit seigneur en eut deul, comme la raison le veult, et poy luy dura (Comm., III, 1495-1498, 256)

Estre en deuil de qqn

Et dit sur ce saint Jherome ou second livre, parlent a Juvinien de celles vesves, et met exemple de pluseurs qui ne vouldrent nulz seconds maris avoir, si comme de Marcia, qui estoit fille de Cathon, qui sans cesser estoit en duel de son mary. (La Sale, J.S., 1456, 4)

Passer le deuil. Surmonter un deuil.

Cy nous dist l'ystoire que tantost aprez ceste chose advenue [le meurtre de son frère par Geoffroy, son fils] , on le compta a Remond, qui moult en fut doulent. Mais non pour quant il passa le dueil assez legierement pour ce que son frere lui avoit enhorté la droicte racine de quoy il avoit perdue sa moillier. Lors dist a soy mesmes : Ce qui est fait ne puet autrement estre. (Arras, c.1392-1393, 269)

Manifestation de cette douleur.

Demener/mener (grand) deuil

Lors vint a son seigneur. Si le baise tout en plourant et triste de cuer que il ne disist un mot pour tout l'or du monde ; et prent son cor et lui met sur le pitz. Et monta a cheval, et s'en va grant aleure au travers de la forest, ne scet quelle part. Et si grant dueil va demenant qu'il n'est corps de creature qui vous sceust dire la dixiesme partie de sa doulour. (Arras, c.1392-1393, 23)

Et comment monseigneur le daulphin mourut, dont le roy et la royne menèrent grant deuil. (Comm., III, 1495-1498, 256)

Faire (grand) deuil

Faictes dueil comme les autres, vestez le noir comme les autres. (Arras, c.1392-1393, 27)

La contesse et ses enfans font grant dueil, le peuple et tous les barons du pays font grant dueil, et en seurquetout Remondin fait greigneur dueil que tous les autres, et se repentoit tant de son meffait que se ne feust l'esperance du confort qu'il prenoit de sa dame (Arras, c.1392-1393, 28)

Or m'a moustré la mort dure et crüelle Que les loyaulx sont les plus doloreux. Prince, ay je tort, puis que j'ay choisi telle Qui n'avoit si fors qu'elle estoit mortelle, Se je fais dueil treslong et rigoreux Et se je tien envers tous la querelle Que les loyaulx sont les plus doloreux ? (Chart., R. Bal., c.1410-1425, 388)

Sy prist congiet de la royne et de sa compaignie, et aussy des aultres gens qui estoient leans, faisans trestous moult grant dueil. (La Sale, Salade, c.1442-1444, 99)

Et disoient ces lettres qu'il ne s'esbaïst point si lesdits ambaxadeurs esoient retardéz par aulcuns jours, c'estoit pour le trespas du prince de Castille, dont les roys (car ainsi les appellent) faisoient si merveilleux deul que nul ne le sauroit croire (Comm., III, 1495-1498, 294)

Faire le deuil

Et après eulx estoient portées devant icelle lictiere lesdictes IIc torches ainsy armoiées en double que dit est. Et après icelle lictiere aloient faisans le dueil Messeigneurs les duc d'Orleans et conte d'Angolesme, freres, les contes d'Eu et de Dunois, messire Jehan Jouvenel des Ursins, chevalier, chancelier de France, et le grand escuier, tous revestus de dueil et montez à cheval. (Roye, Chron. scand., I, 1460-1483, 21)

Et Dieu scet le doloreux et piteux dueil qu'ilz faisoient pour leurdit maistre ! Et disoit on lors que l'un desdiz pages avoit esté par quatre jour entiers sans boire et sans menger pour la grant passion qu'il portoit de ladicte mort. (Roye, Chron. scand., I, 1460-1483, 22)

Et quant le dict corps fut passé, aprés marcherent ceulx qui faisoient le dueil (La Vigne, V.N., p.1495, 312)

Porter le deuil. Porter des vêtements marquant le deuil.

Et a tous ceulx qui portoient le dueil Incontinent fist argent transporter (La Vigne, V.N., p.1495, 192)

Tenir le deuil de qqn

Einsi la dame se maintient Qui le dueil de son amy tient, En cas qu'elle soit vraie amie. (Mach., J. R. Nav., 1349, 194)

2.Par métonymie. Vêtements portés comme marque de cette douleur.

...plusieurs draps de laine et plusieurs parties de peleterie pour vestir de dueil elle, madicte dame de Guienne, sa fille (Comptes Etat bourg. M.F., t.2, 1419, 367)

Et puis, après icelle lictiere, aloient à pié, deux et deux, tous les officiers de l'ostel dudit defunct, aussi tous vestus de dueil angoisseux, lesquelz il faisoit moult piteux veoir (Roye, Chron. scand., I, 1460-1483, 22)

Devant lequel corps estoient (...) deux huissiers a masse, habillez en dueil (La Vigne, V.N., p.1495, 311)

Habit de deuil

Et aussi y avoit au joignant de ladicte lictiere six des pages dudit defunct, housez et esperonnez, sur six coursiers tous vestus et couvers de veloux noir, et lesdiz pages oudit habit de dueil. (Roye, Chron. scand., I, 1460-1483, 22)

Ladicte damoyselle estoit en son habit de dueil et n'avoit que ung couvrechef sur la teste, qui estoit habit humble et simple, et pour leur faire pitié par raison (Comm., II, 1489-1491, 202)

Les étoffes dont on recouvre l'autel.

...par quoi je conclus que lez prestres qui, pour aucune douleur, decuevrent les autiers ou qui lez cuevrent de duel et de noyr ou qui soubstraient et ostent lez luminaires acoustumés, et ceulx, aussi, qui environnent le crucifix ou l'autier d'espynes, ne font pas bien, mez est chose dampnable et reprouvee. (Songe verg. S., t.1, 1378, 396)