DESOLATION

substantif féminin

[T-L : desolacïon ; GDC : desolacion ; AND : desolacion ; *FEW (III, 54a) : desolare ; TLF (VII, 4b) : désolation]

A. -[Idée de solitude, de dépeuplement, doù aussi idée de ravage, de destruction]

1.État de solitude, de déréliction.

Pence a quel mal tu me convie Quant tu as la vie ravie De mon filz lequel tu as pris. Douleur m'assault, rigueur me prent, Desespoir en moy ne mesprent, Congneu ma tribulacion. A moy navrer dueil entreprent Et cas de mort mon filz comprent, Dont suis en desolacion (La Vigne, S.M., 1496, 488)

2.Dévastation, destruction.

a)[À propos d'une chose] État qui résulte d'une destruction, ruine.

[...d'un pays, d'une ville]

...nous (...) desirant l'entretennement de nostre dite ville de Chastillon et éviter à la désolation d'icelle, vous mandons et expressément enjoignons que vous eslisez et commettez aucuns de vous de noz dites deux chambres (Chartes communes Bourg. G., t.1, 1429, 422)

Et fut examiné [le coq] , et dist la verité, et si declara la desolacion du pais, et comme il n'avoit plus geline, et declaira la cause ; car c'estoit par ceulx qui estoient autour de luy qui destruisoient et mengoient tout, et le regnart en estoit facteur. (Juv. Urs., Loquar, 1440, 351)

Mais par la desolation du païs elle passa la mer et s'en vint en la Grant Bretaigne (Percef. IV, R., c.1450 [c.1340], 818)

Mettre à/en desolation une ville

En ce temps, mist monseigneur le connestable le siege a Pontorson et le print et fist abatre et mectre a desolacion. (Le Bouvier, Chron. Ch. VII, C.C.J., c.1451-1455, 125)

Cestui fonda la cité de Nichomedie selon la science de astrologie, après conquesta Egipte jusques au fleuve Eufrate, puis vint en Jherusalem et le mist en desolacion, print les precieux vaisseaux ou Temple et puis le fist abatre et mourir tout le peuple, ainsi que Jeremie l'avoit dit. (Simon De Phares, Astrol., c.1494-1498, f° 44 r°)

Action de détruire (une ville).

Priam aussi eust esté aulcunement bieneureux s'il eust vescu si longuement qu'il eust peu veoir que les roys de Grece, parens et amis entr'eulx, eussent fait batailles pour la venchance des grans pecchiez et mesfaictz que les Grecs firent en la desolation et ou destruiement de la cité de Troye (Premierfait, Cas nobles hommes G., 1409, 194)

[...d'une institution]

...et ardoit le pays et les gens d'environ la cité jusques au derrenier destruiement d'elle et jusques a la desolation de tout son royaume (Premierfait, Cas nobles hommes G., 1409, 181)

...pluseurs grandes et excessives finances ont esté et sont de jour en jour transportées et widées de noz diz royaume et Daulphiné (...) ou grant prejudice, dommage irreparable et desolation de noz diz royaume et Daulphiné (Baye, II, 1411-1417, 156)

Et, finablement, pour ce qu'il sembloit estre expedient et necessaire de apaisier et tenir en bonne paix et transquilité les subgiez du Roy, a esté conclu, advisé et deliberé que, pour obvier et remedier aux dommages et inconveniens dessusdis, pour eviter la desolacion de ce royaume et ycellui entierement conserver, on devoit incessamment, sans intermission, poursuir par devers le Roy, monseigneur le Dauphin et les gens de leur Grant Conseil l'accord et apaisement des divisions estans entre les subgez de ce royaume (Fauq., I, 1417-1420, 52)

...et fu requis au Chancelier que à ce voulsist assister avec ladicte Court pour eviter la desolacion de l'Eglise et de tout ce royaume. (Fauq., I, 1417-1420, 266)

Et ce nous ratiffie la decision evangelique qui aux royaulmes divisés mande desolation et ruyne. (Chart., L. Esp., c.1429-1430, 80)

Item, se ceste constitucion dure, venront en ruyne et desolacion totale les colleges de Paris qui n'ont pas esté fondez par les roys ne par les gens de Paris (Fauq., III, 1431-1435, 104)

Et est ce mystère si grand que les royaulmes et grans seigneuries en prennent aucunes fois fin et desolation, et les autres accroissement et commancement de regner. (Comm., I, 1489-1491, 27)

[De l'état d'une institution] Estre en desolation

En grant erreur, grant murmure et grant desolacion fut l'estat de l'Eglise et de toute la chrestienté, car chascun d'eulx faisoit les sainctz exercices aussi bien l'ung comme l'aultre, Eugene comme Felix, et Felix comme Eugene. (La Marche, Mém., I, c.1470, 262)

[D'une construction] Enchoir en desolation

[À propos d'un monument]

...en faisant ladicte visitacion, ayeons, comme dit est, les villes devant dictes trouvé inhabitées et sy que toutes desnuées de peuple et les aucunes du tout en tout inhabitée, en telle maniere que sont venues en bois et buissons, les maisons, granges et habitacions encheues en ruyne et desolacion (Trés. Reth. L., t.3, 1449, 276)

[À propos d'un élément vital] Atteinte profonde, lésion.

...trop grande sollicitude seche les corps humains en donnant desolacion aux esperiz de vie, et les esperitz ainsy desolés et marris sechent les os. (Rég. santé corps C., 1480, 1)

En particulier. [À propos du temple de Jérusalem] Abomination de desolation. Profanation sacrilège.

...selon ce que le prophecte dit, abhominacion de desolacion a esté establie et assise ou temple qui jadis estoit si noblement eslevé et honorablement renommé, et tant que jusques au derrenier le feu a tout gasté et devouré et la flambe tout ars et brullé. (Foul., Policrat. B., II, 1372, 139)

[Dans un cont. métaph.]

Bien est en grant confusion, misere et desolacion le povre temple de nostre ame, quant cruaulté tellement s'i embat : riens n'y a espargnié, que tout ne soit froissié, ars et confundu ! (Gers., Purif., 1396-1397, 65)

b)[À propos d'une personne, d'une collectivité]

Fait d'être détruit.

Mais quant il venirent au quart de la dicte riviere, une maniere de poissons saillirent hors de la riviere, lesquelz poissons s'appelloent ypotames, et lez devorarent tous excepté trois qui n'estoent mie si astés que lez aultres ; lesquelz veans la desolation de leurs compaignons s'en retournarent au plus astivement qu'il peurent. (Wauquelin, Conq. faits Alexandre, a.1440. In : Chrestom. R., 106)

Ruine, perte.

Or est ainsi que d'oultraige et de desordonnance vient murmure, de murmure rumeur et de rumeur division et de division desolation et esclandre. (Chart., Q. inv., 1422, 38)

Mettre en desolation une collectivité. Ruiner une collectivité.

Et si dist oultre à mond. seigneur le daulphin qu'il confermast tous les officiers qu'il avoit faitz en leurs offices, et que principallement il eust son povre peuple pour recommandé, lequel il avoit mis en grande povreté et desolacion. (Roye, Chron. scand., II, 1460-1483, 121)

Action destructrice.

Le lendemain, ledict duc partit, et ceulx qui estoient demouréz en la ville continuèrent la desolation comme il leur avoit esté commandé (Comm., I, 1489-1491, 166)

B. -Par métonymie.

1.Sentiment d'affliction qu'on éprouve devant une telle situation, affliction, chagrin.

Ces quatre exemples que dit ay, Tres chiers amis, je les ditay Seulement pour toy conforter, Car je ne te puis pas porter A mon vueil consolation En ta grant desolation. (Mach., C. ami, 1357, 56)

...voiant Dieu le pére la desolacion des sains péres anciens de ceste grant secheresse (Mir. st Ign., 1366, 71)

...mes sains ne les eurent pas [les consolations spirituelles] tousjours telles, mais souffrirent paciaument moult de grieftés, diverses temptacions et grans desolacions. (Internele consol. P., 1447, 175)

Confortez la triste et dolente Qui se complaint et se lamente Et est en grant confusion Et en grant desolacion. (Mir. fille roy Hongrie, c.1371, 18)

«...mais tantost que vouldrés descouvrir nostre joieuse aliance, sachés certainement que j'en prendroye la mort par habondance de desolacion et de descomffort. Et ainssi arés perdu vostre amour, et moy la vie.» (Chastel. Vergier S., c.1450-1480, 87)

...mais leur desolation estoit si grande et la paour, qu'ilz ne sçavoyent ne que dire ne que faire. (Comm., II, 1489-1491, 182)

Desolation de qqc. Souffrance, affliction causée par qqc..

Et pour ce voiant Dieu le pére la desolacion des sains péres anciens de ceste grant secheresse, c'est de ce deffault de grace, en aiant compassion de eulx et pour eulx conforter, leur promist que ceste ardeur, c'est a dire la rigueur de sa justice, il leur attremperoit par envoier son filz en terre prendre char humaine, et ceste promesse est touchée en la parole proposée, ou il dit: Solem nube tegam, qui vault autant a dire en françois conme je couverray le soleil de la nue. (Mir. st Ign., 1366, 71)

Avoir desolation de qqc. Être affligé à cause de qqc..

Vous advés desolacïon De l'actïon Qu'advés faicte injustement. (Pass. Auv., 1477, 277)

Estre en desolation

...pére de misericorde, Confortez la triste et dolente Qui se complaint et se lamente Et est en grant confusion Et en grant desolacion. (Mir. fille roy Hongrie, c.1371, 18)

...les prestres et vierges sont en pleurs, lermes et desolacion (Juv. Urs., Loquar, 1440, 362)

Qu'apres ma tribulacion Je puisse avoir remission Et aussi de bref allegance Sans estre en desolacion, Par la vostre permission, Donnez moi plaine delivrance. (Myst. siège Orléans H., c.1480-1500, 101)

Mettre qqn en desolation

Bien say que sa grief passion Vous mist en desolation. (Mach., Les lays, 1377, 400)

2.Manifestation extérieure d'affliction.

Faire desolation

Sortibrant a grans pleurs le leva sus, et avec luy pluseurs ploroient et font moult grande desolacion, et puis dist l'admiral : «Seigneurs et amys, a tousjours sera mon amis especial qui vengera la honte que ces glottons font a mes dieux !' (Bagnyon, Hist. Charlem. K., c.1465-1470, 157)

Au pluriel.

La ot on lamentacions De grandes desolacions : L'un d'avoir perdu sa chevance, L'autre d'aucune mescheance Ou de maladie aucune, Que plaindre n'a qui n'en a q'une, Mais mains sont qui en ont plusieurs Ou receüs de mortelz heurs, Si crient, brayent et demantent, Pour les tres griefs doulours qu'ilz sentent (Chr. Piz., M.F., I, 1400-1403, 149)

Aprés toutes ces choses par la trespitoyable Chrestienté dictes, proferees et aleguees, n'y eult homme quel qu'il fust grant ou petit, qui de maxime volunté et couraige fervent, plus par pitié que par consolacion, n'oyst et escoutist voluntiers les allegacions, remonstrances et desolacions que douloureusement elle faisoit en pleurant et souspirant amerement. (La Vigne, Ress. chrest. B., 1494, 124)