BAST

substantif masculin

[T-L : bast1 ; GDC : bast ; FEW (I, 279a) : *bastum ; TLF (IV, 260a) : bât]

A. -Au propre. Dispositif que l'on place sur le dos des bêtes de somme pour le transport de leur charge, bât.

Puis que j'ay dessus ce cheval Troussé mes barilz et mon bas, Le chemin m'en vois (Mir. Theod., 1357, 91)

...le sommier de mercerie, de ganterie, qui au bas porte, VIII deniers ; et cellui qui porte deux bales sus sele, se il avient aux estriers, IIII deniers. C'est chascune bale de mercerie, II deniers ; et s'il porte en trousse par derrier, II deniers. (Cout. bourg. glosé P.M., c.1380-1400, 2)

Et se ilz ont achaté boiz es ventes de ladicte forest, soit vente en essart ou vente en haie ou autrement, leurs bestes à somme garnies de leurs bas et leurs bestes de charestes ou de harnoys pevent et doyvent aller pestre esdictes ventes durant le temps que l'en mestra à coupper et faire le boys (Hector De Chartres, Cout. R., 1398-1408, 250)

A lui, qu'il a payé pour deux selles et deux bas qui ont esté mis sur lesdiz chevaulx pour plus aysiement porter ladicte finance, 5 frans (Comptes Etat bourg. M.F., t.1, 1420, 331)

Bast à cheval

...pour avoir faict en ladite estable remassonner les chevalets qui portent les bas à chevals (Trés. Reth. S.L., t.2, 1409-1410, 601)

Bast de bahut

...ung bast de bahu pour l'un des mulletz d'icellui seigneur (Comptes roi René A., t.2, 1453, 185)

Cheval à bast. Cheval de somme.

Et aussi a sa part ou sommage que les bourgois de Breteul doyvent par chacun an, c'est assavoir chacun cheval à bas I d., et de une chartée II d, et d'un cariot IIII d., au terme de Noël. (Hector De Chartres, Cout. R., 1398-1408, 285)

Locution figurée. Despendre basts et selles. Faire de grosses dépenses.

Despendu avons bas et selles Et ainsi q'un million d'or ; Puis, par ces façons et cautelles, Nous veult tollir un tel tresor. (Myst. siège Orléans H., c.1480-1500, 366)

B. -Au figuré. Ce qu'il faut supporter moralement, souci.

Tu passez les nuis en dormant tant comme il te plest, et nous, aprez trop de vins et de grans paines, coulchons souvent en lis plains de vermines et aulcunesfois a tout le bas (Curial B.-H., a.1447, 359)

Charger le bast à qqn. Mettre qqn en situation difficile, accabler qqn.

J'ameroye mieulx perdre la vie Q'un chrestien nous surmontast. On leur chargera bien le bast, Ceulx qui sont baptizer de frois (Myst. st Vincent L., c.1471-1476, 237)

Le bast (charge et) blesse qqn. La situation est difficile et pesante pour qqn.

Par sainct Pierre, le bas me blesse ! Il n'y a point de fiction. Mourra il sans confession ? Au moins s'il demandast le prestre ! (Narcissus, p.1426, 316)

De qui vous plaignez vous mon cuer ? - De qui ? - Voire, de ma mestresse. - Cause pour quoy ? - Elle me lesse ! - Comment ? - Pour nouveau serviteur. (...) Bevrai ge ? - Quoy ? - Ceste sueur. - Vous moquez vous ? - Le bast me blesse. (JEHAN DE LORRAINE. In : CH. D'ORLÉANS, Rond. C., 1443-1460, 600)

En ce contemplé, c'est assavoir en l'an mil IIIIc XLIIII, en la fin du mois d'avril, les Angloys, voyans et cognoissans que le bas les chargoit fort et blessoit (...) avoynt envoyé devers le très noble Roy Charles ung grand ambassade pour luy faire ouverture de trefves (Leseur, Hist. Gast. IV, C., t.1, 1477-1478, 131)

Savoir où le bast blesse. Savoir où est la cause de la souffrance, du problème.

Par Dieu, vous en peussiez bien taire ! Mon drap, aussi vray que la messe...Je sçay mieulx où le bas m'en blesse, Que vous ne ung aultre ne sçavez ; Par la teste Dieu, vous l'avez ! (Path. D., c.1456-1469, 313)

Proverbe. Sur le garot blesse le bast. On finit par sentir le poids des ans.

Son beau cuir lui devient basane [au vieillard] , il ne lui convient plus destrier Mais chevaulcher sur ung bas ane (...) Non le hault chemin mais le bas. Sur le garot blesse le bas. (Taillev., Passe temps D., c.1440, 150)

[D'ânes] Se ronger les basts. Se ronger mutuellement ce qui est le gagne-pain' ; d'où 'se nuire à soi-même.

LES ASNES DE MYREBEAU. Soubz umbre d'esbaz Sourdent maintz cabaz Dont rongeons noz bas Qui nous feront faulte. L'ASNIER. Ne m'esbahys pas Si vous n'estes gras Quant, par soubdain cas, Vous mengez l'un l'autre. (Baude, Dictz moraulx S., p.1450, 108)