SORT

substantif masculin et féminin

[T-L : sort2 ; GD : sort1, sort2 ; GDC : sort ; FEW (XII, 119b) : sors ; TLF (XV, 698a) : sort]

A. -Hasard, recours au hasard.

1.Objet utilisé pour faire parler le hasard.

a)À Rome, tablette portant un nom, une inscription qu'on met dans une urne.

Jeter les sorts. Laisser au hasard le soin de décider.

Encorez n'estoyt pas dediee en capitole la meson de Jovis [et] ont les deus consuls getés les sors au quel de deus seroyt commise la dedication dudit temple Jovis ['ont... geté les sors' trad. lat. sortiri] (Bers., II.8, c.1354-1359, ms. Paris, B.N.F., nouv. acq. fr. 27401, f° 191a)

Les juvenceaus ont geté les sors, liquelz de euls beseroit premiers sa mere. Mes Brucus, qui consideroit que autre significat avoit la voys du Phiton, c'est Apolin, se lessa choir tout de garde, si que il besa la terre en choyant comme celle qui est mere commune de tous morteux. (Bers., I, 1, c.1354-1359, 56.12, 94)

Le sort choit/eschoit sur qqn.

Or avint que li sors cheï Seur Theseüs, qui esbahi Pluseurs ; car il fu fils le roy, Preuz, vaillans, et de bel arroy. (Mach., J. R. Nav., 1349, 230)

Et les mist tous pour cest outrage Minos en si mortel servage, Que tous les ans li envoioient Un homme ; mais il sortissoient, Et cils seur qui li sors chëoit, Trop mortelment li meschëoit ; Car li rois Minos devourer Le faisoit la, sans demourer, Par un moustre trop mervilleus, Trop felon et trop perilleus. (Mach., J. R. Nav., 1349, 230)

Seigneur, or ne vous esmaiez, car se vous voulez ouvrer par mon conseil, je et vous serons delivre prouchainement par sy qu'il lui convendra l'un de nous demourer et nous convendra faire un sort, et cilz sur qui li sors escherra fera ce que je vous deviseray. (Bérinus, I, c.1350-1370, 258)

b)Objet quelconque utilisé pour prendre une décision en recourant au hasard.

Il fault la buchette tirer. Esse ung bon sort ? (Marcadé, Myst. Pass. Arras R., a.1440, 190)

Vecy noz deuz gens separéz, Ça, vecy deux sors preparéz Comme le commun les assigne : L'un en y a qui a ung signe De quoy a part signé l'avons (...) ; le second de signe n'a point. S'avons consentu, sur ce point, Que vous les tendrés en voz mains Et eulx deux qui sont incertains Ou le signe est n'en quelle espece, Vendront tirer checun sa piece (Gréban, Pass. J., c.1450, 44)

Puis, de ses deux, en prandrons ung Par ung moyen qu'on sortira : Et cil a qui le sort yra Sera le douziesme de nous. (Myst. Pass. Troyes B., a.1482, 1044)

Remarque : Ces deux derniers ex. se rapportent à la désignation d'un nouvel apôtre en remplacement de Judas ; le tirage au sort manifeste ici la volonté divine (cf. Actes 1, 15-26)

Jeter (le)/(les)/son sort(s). Jeter les dés, tirer au sort.

Quant il orent bien entendu tout ce que Aigres leur devisa, sy n'ot entre eulx ne jeu ne ris, ains regarderent tous li uns l'autre moult esmaieement, ne il ne savoient que faire, car au demourer il veoient bien qu'il estoient tous mors, et d'autre part il redoubtoient le sort jetter, car chascuns doubtoit qu'il n'escheïst sur lui. (Bérinus, I, c.1350-1370, 223)

La robe est moult belle a veoir, Damage seroit a le copper, Se volons sort dessus jetter, Assavoir mon lequel l'ara Par sort et a qui escharra (Marcadé, Myst. Pass. Arras R., a.1440, 190)

Quand de deux choses doubte avoient Et n'avoient couleur aucune De prendre l'autre plus que l'une, Leur voulenté a Dieu soubmise Et sa grace premier requise, Gectoyent sort, ou qu'il allast, Afin que Dieu en disposast Ainsi que bon luy sembleroit. (Gréban, Pass. J., c.1450, 445)

...les pucelles se seirent au mengier comme elles avoient acoustumé, puis jecterent leur sort asçavoir mont qui seroit celle qui avroit l'onneur de celle journee. (Percef. IV, R., c.1450 [c.1340], 141)

Le sort advient/demeure/choit sur qqn/va à qqn. Le hasard (le dé) désigne qqn, tombe sur qqn.

Dont furent bien esbaÿs Aigres, Berinus, Cleopatras et Rommaine, car il regardoient que autrement ne pouoit cheoir li sort ailleurs fors sur l'un d'eulx. (Bérinus, I, c.1350-1370, 223)

Si partirent entr'eulx lequel auroit le gouvernement. Le premier an, le sort advint à Romullus ; et, quant il se vit au-dessus de son frere, il se pourpensa de le faire mourir, pour usurper la seigneurie totalle (Bueil, I, 1461-1466, 128)

...et cil a qui le sort yra Fera le douziesme de nous [les apôtres] . (Gréban, Pass. J., c.1450, 444)

Mais quant elles [les pucelles] eurent tout fait, le sort demoura sus Camille (Percef. IV, R., c.1450 [c.1340], 141)

Quant la pucelle Camille vey que seurement le sort estoit chut sus elle, elle fist plus que nature n'enseignoit, car d'un cuer doulant elle faindy une joyeuse chiere a merveilles. (Percef. IV, R., c.1450 [c.1340], 141)

Faire un sort. Tirer au sort.

Seigneur, or ne vous esmaiez, car se vous voulez ouvrer par mon conseil, je et vous serons delivre prouchainement par sy qu'il lui convendra l'un de nous demourer et nous convendra faire un sort, et cilz sur qui li sors escherra fera ce que je vous deviseray. (Bérinus, I, c.1350-1370, 258)

Quant les six pucelles entendirent Camille, elles allerent faire ung sort nouveau. (Percef. IV, R., c.1450 [c.1340], 142)

Jouer au sort. Tirer au sort.

Pour les oster de debat les fist jouer au sort cellui qu'ilz choisiroient, dont chascun fut tres content. (La Sale, J.S., 1456, 264)

2.Hasard.

Hasard heureux, chance.

Car Fortune nous fait tort Par diverse voie et torte ; Mais en esperence au fort Un tres petit me conforte, Et en cest espoir ay sort Que Raison soit de ta sorte Et qu'encor venras au port D'onneur par la droite porte. (Mach., Les lays, 1377, 418)

Hasard malheureux.

LE JUGE. (...) En a un enfant mis a mort Seens, je ne say par quel sort, Si que savoir vueil qui ce a fait. (Mir. enf. ress., 1353, 36)

Sachiez que tant que vous userez de loyauté, sans penser ne faire tricherie, ne mauvaitié, et que vous les ayez sur vous [les anneaux] , vous ne serez desconfiz par armes, mais que vous ayez bonne querelle ; ne sort, ne enchantement d'art de magique, ne de poisons, de quelconque maniere, ne vous pourra nuire, que si tost que vous les regarderez, que ilz n'aient perdu toute leur force. (Arras, c.1392-1393, 84)

Par le sort. Par le recours au hasard.

Et ne fait pas a oublier pour nostre consolacion, c'est assavoir que quant la doulce et tendre Vierge Marie fu sur son partir du temple et les .VIJ. vierges avec lui comme dit est, les dictes vierges avecques Marie furent d'acord de faire un sort par maniere d'ebatement gracieux pour veoir, par le sort et volenté de Dieu, laquelle de toutes les vierges susdites seroit chevetaine d'elles ou chemin pour avoir le gouvernement des autres. (Mézières, Vertu sacr. mar. W., c.1384-1389, 132)

Tirage au sort.

Et aucuns sunt pris par election, et aucun par sort. (Oresme, Pol. Arist. M., c.1372-1374, 199)

GRIFFON. Il n'y convient brigues ne sors [pour savoir qui aura les vêtements de Jésus] ; Ilz sont tous miens selon raison. (Gréban, Pass. J., c.1450, 341)

Faire un sort. Faire un tirage au sort.

...les dictes vierges avecques Marie furent d'acord de faire un sort par maniere d'ebatement gracieux (Mézières, Vertu sacr. mar. W., c.1384-1389, 132)

[P. oppos. à par raison/par deliberation] Faire qqc. par sort. Faire qqc. au hasard, en laissant l'initiative au hasard.

...et pour ce, tele eleccion n'est pas faite par raison, mais aussi comme par sort et a l'aventure. (Oresme, E.A.C., c.1370, 435)

Et est assavoir qu'il entent par election ce qu'est fait par deliberation ou nomination voluntaire. Et par sort ce qu'est fait a l'aventure, si comme a prendre un nombre incertain et dire qu'il est per ou nomper et en autres manieres infinies. (Oresme, Pol. Arist. M., c.1372-1374, 199)

Le sort est abandonné. Les dés sont jetés.

Esveilliez vous si escoutez, Quart li sors est abandonnez Ou de bien ou de mal emprendre. (Dupin, Mélanc. L., c.1324-1340, 129)

Mettre qqc. en sort. Mettre qqc. au tirage, laisser au hasard le soin de la répartition.

...les vierges lors mistrent en sort .VIIJ. jouelles, si comme touaillons, de laine et de soie de diverses coulours, entre lesquelz avoit une piece de drap de soie vermeille (Mézières, Vertu sacr. mar. W., c.1384-1389, 132)

3.Ce qui échoit à qqn.

a)Ce qui échoit à qqn par hasard et façonne la vie de qqn, destin, destinée.

Cilz semble pugnas qui s'escoupe Qui sus ung autre met sa culpe. De son sort vuet autruy mesdire. (Dupin, Mélanc. L., c.1324-1340, 157)

Si que je sui de tout reconfortez, Que qu'il aveingne, et s'est mes confors tels Et tuit mi sort qu'il n'est pas homs mortel Qui peüst querre Dame où si bien peüsse estre assenez : Se di qu'Heürs estoit, quand je fu nez. (Mach., Compl., 1340-1377, 261)

Se ton sort Et ton ressort En li as, Meint deport Et meint emport Y penras (Mach., Les lays, 1377, 359)

LE MARQUIS [à Griseldis qu'il répudie]. ...nul sort n'est perpetüel A homme n'a feme ; s'est bel De s'en deporter bonnement. (Gris., 1395, 81)

En particulier. Destin malheureux, malédiction.

De la malicieuse est dit en Ecclesiastique ou .XXVe. chapitre : 'Briefve est toute malice sur la malice de la fenme, le sort des pechiés chera sur icelle, c'est la paine d'Enfer.' (Daudin, De la erudition H., c.1360-1380, 424)

Les sorts de qqn sont jetés qq. part. Le destin de qqn est fixé qq. part.

Là me confort, Là seulement me deport, Là sont geté tuit mi sort Et là me tir ; Là vueil je vivre et morir Et là m'acort ; Là seront tuit mi ressort Jusqu'au morir. (Mach., Ch. bal., 1377, 615)

Prendre son sort qq. part. Fixer son destin qq. part.

Boys et espines y avoit ; Aultre ediffice n'y estoit, Et dessus le Tibre est assis. Romulus a la son sort pris (Renart contref. R.L., t.2, 1328-1342, 205)

Situation.

Quatre sors font homme abaissier, Chart aviellir, mort approichier ; Grant deffaulte d'ame et de corps : C'est pour tropt boire et tropt vieillier, Luxure et melancolïer. (Dupin, Mélanc. L., c.1324-1340, 132)

...hons ne puet naistre Qu'en touz sors soit parfait ne mestre En la chart de feible nature. (Dupin, Mélanc. L., c.1324-1340, 12)

Le sort de qqc. L'avenir, le devenir de qqc..

Si lui recommende humblement Le sort de mon marïement, Esperant en sa bonté bele Qu'il me ottroit a femme tele Avec qui vivre puisse en paix A mon salut des ore maiz, Et je vous promet et ottroy A prendre femme et tenir foy Pour condescendre a vostre vueil. (Gris., 1395, 17)

b)Territoire, ressort attribué à qqn par le sort.

Fabius, qui avoit vaincu la bataille en autruy sort, ramena sont ost en sa province. (Bers., I, 9, c.1354-1359, 42.1, 78)

«...il a en mon sort ung fait continué Dont crestiien seront en grande aviersité...» (God. Bouillon R.B., t.3, c.1356, 262)

c)Ce qui échoit à qqn en matière financière, capital prêté à intérêt.

...secondement, ilz mettent lez Crestians a telle povreté que, dez ce que un Crestian est une foys en leurs mains, a poinez en puet eschaper et si ne se puet jamés ressoudre ; et de fait, je cognois tel, lequel a amprunté d'un Juyf XIIII frans, dezquelx, tant que pour le sort, que pour lez usures, il en a ja poïé XIIII cent frans et encore n'est il pas quitte. (Songe verg. S., t.1, 1378, 356)

...se il scet que lesdis lombars facent obligier leurs debteurs en plus grosses sommez que du sort que ilz prestent et des montes pour une année (Trés. Reth. S.L., t.2, 1395, 393)

...offrant payer le sort et pris principal de ladicte rente (Doc.1494. In : Brunel-Tardy, Paris, l'Église et le roi, 2016, 207)

Pur sort/principal sort. Capital proprement dit.

...en paiant le pur sort tant seulement à nostre receveur de Touraine, nous les absolons et quittons plainement à touz jours de toutes les usures et de touz les mandemens, despens et interès qui s'en seront ensuiz (Doc. Poitou G., t.2, 1347, 362)

J'ay a Cambray eu troiz frans de pur sort Pour un demi a rendre a Compiengne. (Desch., Oeuvres Q., t.4, c.1370-1407, 82)

...les quiex VIII. livres ladicte dame devoit encores au roy nostre sire de reste de LVI. livres parisis, en quoy elle et ses enfans estoient tenuz de pur sort à Phelippon André, Gautier et Boudin, dis Vinteguerre, et à leurs compaignons, lombars usuriers, lequel sort dessus dit est montés jusques à la somme de VI. livres tournois et LX. doubles d'or de usure (Doc. Poitou G., t.3, 1351, 56)

...ne volt oncques souffrir que nulz de ses debteurs fust traveilliez, non seulement des usures, mais du pur sort et principal debte. (La Sale, Sale D., 1451, 211)

...nous voullons et ordonnons en oultre que en consignant par eulx reellement, parties presentes ou appellées, le dit sort principal et loyaulx coustemens es mains des juges ordinaires des lieux où les dites choses vendues ou engagées sont situées (...), les dis marchans, mesnagiers et habitans de Franchise se puissent, de leur plain chief et sans autre ministere ou solempnité de justice, ensaisiner des dites choses ainsi par eulx vendues ou engaigées (Hist. dr. munic. E., t.1, 1481, 487)

d)Condition, nature qui échoit à qqn.

Faulx Juïfz, c'est de vostre sort Quë oncques jour bien ne lui feistes [à Jésus] . (Gréban, Pass. J., c.1450, 391)

Manière, façon.

Et pour ce, sans nul descort, Endurer Vueil et celer L'ardant desir Qui vuet ma joie amenrir Par soutil sort (Mach., R. Fort., c.1341, 25)

...et je l'aim si fort Que cuer, corps, pouoir et effort, Ame, vie et tout par tel sort Ay en li mis Qu'en riens qui soit ne me deport Fors es maus d'amours que je port (Mach., Compl., 1340-1377, 243)

B. -Suffrage, décision, choix.

Et pource il descendi en champ la sort [trad. lat. sors] de la prerogative, fust issue et elle eust dit et decerné estre consulz romains T. Aucilium et M. Emilium Regulum (Bers., XXIV.7, c.1354-1359, ms. Paris, B.N.F., fr. 263, f° 246a)

Sont tuit li vent contraire pour ma mort, Si qu'il n'i a confort ne garison, Merci n'espoir, ne d'eschaper ressort, Ne riens de bien pour moy, car sans raison Je voy venir la mort amere à tort Preste de moy mettre à destruction ; Mais celle mort reçoy je par ton sort, Fausse Fortune, et par ta traïson. (Mach., Motés, 1377, 498)

Chescum dyra sa volanté ; Sains fiction dicte vous sors. (Myst. st Bern. Menth. L., c.1450, 109)

Le sort choit/fiert/vient dessus/sur qqn. Le choix porte sur qqn.

Li cardinal (...) se missent ensamble et fissent pappe. Et cheï li sors et li vois à monsigneur Robert de Genève, jadis fils au conte de Genève (Froiss., Chron. R., IX, c.1375-1400, 145)

Ce jour, a esté faicte eleccion de graphier, et est venu le sort sur moy N. de Baye, indigne. (Baye, I, 1400-1410, 1)

SAINCT BERNARD. ...je ne suys deliberé De recepvoir tel dignité ; J'ay plus de bien qu'a moy n'affiert. L'EVESQUE. Syre Bernard, nostre sors fiert Dessus vous ; advisé vous bien. (Myst. st Bern. Menth. L., c.1450, 110)

...la sort vint sur cest Oracius. De laquelle sort les amys de l'aultre consulle (...) en furent très desplaisans (La Sale, Sale D., 1451, 49)

Le sort de qqc. Déroulement, issue de qqc..

Et se aucun bien vient a l'omme, Tout vient de Dieu, ce en est la somme ; Si lui recommende humblement Le sort de mon marïement, Esperant en sa bonté bele Qu'il me ottroit a femme tele Avec qui vivre puisse en paix (Gris., 1395, 17)

Et a tant je les lesse jusques au jour de leurs armes a Valencines, la ou ma plume refrescira leurs fais selong le sort de leur aventure (Chastell., Chron. IV, D., c.1461-1472, 139)

C. -Oracle, prophétie, prédiction, conjecture.

À Rome, oracle.

Combien que li Romain eussent veu les prodiges et les signes et eulz procuré convenablement et aussi qu'il sceussent bien quelz estoient les respons du devin et les sors [trad. lat. sors] phisiciennes... (Bers., V.23, c.1354-1359, ms. Paris, B.N.F., fr. 263, f° 102d)

...et que on faisoit solempnel sacrefice quant on voloit enquerre de aucune chose a venir par sors [trad. lat. sors] ou par le regart des entrailles des bestes, car par tels sacrefices sont procurees les denontiacions des foudres et des merveilleuses choses a venir (Sim. Hesdin, Val. Max., 1375-1383, I.1.1, f° 4c)

[Énée parle à la Pythie] Or me declaire doncques de l'advenir, Car je feray observer et tenir A la gent myenne tes sors et tes responces Et les fatales archanes et absconces (Saint-gelais, Enéide VI, B., c.1500, 296)

Prendre sort de qqc. Pratiquer la divination à partir de l'observation de qqc..

Item, dist Justin que la cause du sort qu'ilz prinrent du soleil levant et du hanissement du cheval, fut pour ce que les Persans adoroient le soleil (La Sale, Salade, c.1442-1444, 31)

Vivre par sort. Vivre en se conformant aux oracles.

Ce sont gens qui vivent par sort : Et près de la ville a un port, Que chascuns le Viez Port appelle, Sus une place pleinne et belle, Qui entre le port et la ville Est pleinne de greve et d'arsille. Il tiennent veritablement, Tous et toutes communement, Que c'est droite necessité Que par ce viez port la cité D'Alixandre sera gastée, Destruite, prise, arse et bruslée Et desconfite (Mach., P. Alex., p.1369, 62)

Objet, en partic. dé, dont on se sert pour prédire l'avenir.

Jeter son/ses sort(s). Pratiquer la divination.

La nuit avoit geté ses sors li roys Mandas Qui fu cousins germains a Huon de Damas. As paiens devisoit de ses sors les estas. (Bât. Bouillon C., c.1350, 41)

...Et s'i estoit Calabre, qui ses sors i getoit En l'oscur d'une nue, es estoiles veoit .I. signe merveilleus, et au soudan disoit Que li os des Franchois cha outre passeroit (Bât. Bouillon C., c.1350, 33)

Ceste dame jecta son sort, mais elle trouva que ains que ce lignaige eust gaires de poouir, il vendroit qui tous les mettroit a mort. (Percef. IV, R., c.1450 [c.1340], 955)

Gayus Valerius (...) disoit que luy present les ennemis avoient gecté trois fois leur sors [trad. lat. sors] , assavoir mon se on le aideroit ou s'on le garderoit jusques en autre temps, mais le sort vint si bien que il demoura saulf. (Gaguin, Comment. César, 1485, I.53, f° 21)

Jeter son sort que + subj. Apprendre qqc. par divination.

YSABEL. (...) A mort, chiennaille, A mort, a mort ! TURQUIE. Avez vous jetté vostre sort Que vous nous doiez a mort mettre ? Ainçois vous y mettrons nous, maistre, Par Mahommet. (Mir. fille roy, c.1379, 75)

Prédiction.

Mais Helenus dist que Fortune dort, Et qu'averi sont maintenant li sort Que Merlins a son mestre Blase dist. (Froiss., Ball. B., c.1362-1377, 39)

A mon enfant santé renvoie Tele qu'il soit sanz maladie Par quoy le pére plus ne die Que pour ce s'il est crestien, Que ne li puissiez aussi bien Donner la vie com la mort, Et qu'en ce cas faille son sort. (Mir. Clov., c.1381, 254)

Lors sors averirent, car voirement furent en che temps tous les Juis destruis, et plus en un pais que en aultre (Froiss., Chron. D., p.1400, 896)

Seigneurs, selon le sort des dames des forests, souffrir ne pouons que autrui y mette la main que nous. (Percef. IV, R., c.1450 [c.1340], 954)

Sortir un sort. Faire une prédiction.

...Vous avés a grant tort son cors en prison mis, Car oncque ne meffist vaillant ung parresis. Et pour l'amour de vous est li mien sort sortis Dont je sus durement dollant et esbahis (Lion Bourges K.P.F., c.1350, 90)

...ly sors qui fu sortis Dist bien que Godefroys (...) Ochiroit trois oisiaus d'un trait et d'un avis Desus la tour que fist faire ly roys Davis (God. Bouillon R., t.2, c.1356, 460)

Sortir les sorts que. Prédire que.

Puis qu'ainsis est, venez plourer ma mort [de France] , Vaillance, Honeur et Pitiez l'enterine ! De male heure furent sorti li sort Qu'avoir ne doy que le dos et l'eschine, Par le sanglier, atout sa noire crine Qui chascun jour en ma fourest se lance Et me destruit par la queue vulpine (Desch., Oeuvres Q., t.1, c.1370-1407, 289)

Prophétie.

Sitretos que ces penans aparurent et que les nouvelles en vinrent, li sexste des Juis comsidererent et imaginerent lors destructions, et avoient sorti plus de .CC. ans ou devant et dit par figure : 'Il doivent venir chevaliers qui porteront mailles de fier et seront moult crueuls ; mais il n'averont point de chief, et ne s'estenderont point lors poissanches ne lors oevres hors de l'empire d'Alemagne ; mais qant il seront venu, nous serons tous destruis.' Lors sors averirent, car voirement furent en che temps tous les Juis destruis, et plus en un pais que en aultre ; car li papes, li rois d'Espagne, li rois d'Arragon et li rois de Navare en requellierent grant fuisson et les tinrent a treu desous euls. (Froiss., Chron. D., p.1400, 896)

Conjecture.

PREMIER SERGENT. Je cuit se nous en alissons La ou gist le crestien mort, Nous le trouverions : c'est mon sort. (Mir. st Panth., 1364, 343)

Escoute conme ilz [les enfants] crient fort ! Pour certain j'ay a ce mon sort Qu'avec eulx n'ait pére ne mére. (Mir. roy Thierry, c.1374, 268)

Remarque : Cf. G. Roques, Approches du m. fr. 2, 1992, 92-95.

D. -Sortilège, magie, pratique de sorcellerie.

Et Cathon, qui estoit payen, deffent que l'en ne quiere par sors l'entencion de Dieu (Oresme, Divin. C., c.1366, 80)

Aussy te dis je de Circes Qui les compaignons de Ulixes Par ses engins et par ses sors Transmua en fourme de pors (Échecs amour. Koert., c.1370-1380, 22)

Il [Desir] ne tent qu'à ma mort, Il me point, il me mort : Trop me nuist sa morsure. Il m'aroit tantost mort Par son mervilleus sort, Se n'estoit le ressort D'esperence seüre. Liement me deport. (Mach., Ch. bal., 1377, 619)

Si ne tient pas à Amours N'à moy que mes dous amis N'ait souffissance et secours Et qu'il ne soit assevis, Car de tout le bon confort Que penser puis le confort Et conforterai toudis, Sauve m'onneur, par le sort D'Amours qui à ce m'a mis. (Mach., Les lays, 1377, 341)

Les autres sciences sont geomance, ydromance, et telx sors (Oresme, Divin. C., c.1366, 54)

Et si ne porterons sur nous quelque chose qui tourne à sort ou invocacion quelconques qui de l'Eglise soit défendue. (Doc. 1402. In : MONSTRELET, Chron. D.-A., t.1, c.1425-1440, 44)

Cestui Gouffier fut accusé envers le roy qu'il devoit user de sorts et de meschancetés (Chastell., Chron. K., t.3, c.1456-1471, 295)

Mieulx aymeroye souffryr mort Que cas ort Commectre, ne maulvais sort (Meschin., Lun. princes M.-G., c.1461-1465, 72)

Ilz sont pluseurs especes [de défauts] comme naturele impuissance, comme frigidité en l'homme, artacion et indisposition en la femme, deffaulte de eage en l'enfant. L'aultre est accidentele comme malefice qui est fait comme sors et factures. (Sacr. mar., c.1477-1481, 76)

[À propos du mariage, avec une valeur très nég.] Pratique magique, pratique irrationnelle.

Et adonques dist Servitute : 'Certes je sers et ay servi Mariage, et onques ne vi Nul puissant qui le ressoingnast Ne personne qui advisast A telz trufes n'a telz rappors, A telz mensonges n'a telz sors N'a teles choses fantastiques, Controuvées, fausses, iniques Comme cilz homs treuve, ce dit, Je ne sçay quel part en escript, Qui ne sont de reciter dignes...' (Desch., M.M., c.1385-1403, 328)

Jeter un sort à/sur qqn. Ensorceler qqn.

Mon cuer se combat a mon eueil, Jamais ne les treuve d'accort. Si je treuve que Bel Acueil Ayt gecté entre eulx aucun sort, Je la condampneray a mort. (CH. D'ORLÉANS, Rond. C., 1443-1460, 46)

Ses deux seurs [Mellusigne] a mis a raison En contant toute l'achoyson, Et dit que moy qui suys leur mere Me vourroit vengier de son pere. Les trois serours furent d'accort De getter sur leur pere un sort Pour me vengier du grant meffait Que par folie ot vers moy fait. (Coudrette, Mélus. R., c.1401-1402, 272)

Si luy [à Saladin] respondirent lors lez plus advanciés que c'estoit trop forte chose a faire, quelque puissance qu'ilz sceussent assambler, que conquerir France. Et il leur dist qu'il en vouloit veioir l'aparence a cause d'un sort qui sur luy avoit esté getté et qui assés coulouroit la conqueste, pour quoy lez barons se teurent, car il estoit craint en sez dis et en ses fais criminel et arretés. (Saladin C., c.1465-1468, 110)

Par métonymie. Produit maléfique, ici poison.

Sur quoy, le comte non visant que en bien, prit le vin en riant et but. Mais ledit Coustain n'avoit appresté à celle heure son sort ; Ains fit cecy pour une entrée d'assay pour autre occasion semblable une autre fois de faire le pareil a bon escient (Chastell., Chron. K., t.4, c.1456-1471, 242)