DESTINEE

substantif féminin

[T-L : destinee ; GD : destinee ; GDC : destinee ; AND : destiné ; DECT : destinee ; FEW (III, 56a) : destinare ; TLF (VII, 36a) : destinée]

A. -Sort échu à qqn ou qqc., destinée.

'...Voulez vous a cheval refaire nouvellee Ou estre tout a pié ? (...)' 'A pié !' dist Olivier, 'Telle est ma destinee...' (Gir. Vienne D.B., c.1350-1400, 199)

NOSTRE DAME. Mon ami, ceste destinee, Je te promet, n'est qu'une espreuve ; Et te dy bien, se Dieu te treuve Souffrant en ceste adversité, Doulcement croy pour verité, Que telle joie te donrra (Mir. enf. ress., 1353, 63)

'...Et dont vient elle [la sainte lance] chy, en savés vous riens née' ? - 'Oïl, dist ly clers, toute la destinée.' (God. Bouillon R., t.2, c.1356, 187)

Adonques li fu il dit que ce ne pouoit il savoir car ainsi empescheroit il l'ordenance des destinees. (Oresme, Divin. C., c.1366, 90)

Paris maudit sa destinee Et Heleine l'eure, que nee Fu (Chr. Piz., M.F., III, 1400-1403, 108)

Touteffois qu'il a soif son bon hanap segna, Et le vin i venoit que Dieux i envoya ; Ce fust par destinee qu'ainsy le destina Morgue qui estoit fee (Huon Bordeaux B., c.1400-1450, 46)

Elas ! Pourquoy m'a elle procuree Mort a demy sans l'avoir assouvie ? Vie en langueur, telle est ma destinee, Quant je ne voy ma doulce dame en vie. (Chart., R. Bal., c.1410-1425, 391)

Ma destinee Est autre, et moins determinee. Je suy comme la tour minee, Dont la prise n'est pas finee De longue piece, Et de qui on doubte qu'el chiece Ou qu'a ceulx de dedens meschiece (Chart., L. Dames, 1416, 262)

Il fut contraint de la laisser passer sa destinée (C.n.n., c.1456-1467, 519)

Ha ! pouvre maleureux veillart, tel que je suis et tousjours ay esté, de qui la fortune et destinée sont dures (C.n.n., c.1456-1467, 555)

Se un homme a tele destinee d'estre leu warou, c'est fort se son filz n'en tient. Et se filles a et nulz filz, volentiers sont quauquemaires. (Ev. Quen. II, c.1466-1474, 143)

Je cuide que ma destinee Me devoit mettrë en ce lieu. (Tr. Men., c.1480-1500, 288)

Adj. + destinee / Destinee + adj.

Car s'il li agrée, J'aray destinée Bonne ou mort desesperée ; Dou tout a li tient. (Mach., R. Fort., c.1341, 18)

Mahoms, dist Garscions, com dure destinée, J'ay plus cier à morir en bataille ariestée (God. Bouillon R., t.2, c.1356, 137)

Car einsi comme on la menoit A sa mort, li pueples venoit Vëoir la dure destinee De la lasse desconfortee. (Mach., C. ami, 1357, 11)

Et de leurs temples ensement, Prioit là moult devotement, à tous dieus, à toutes deesses, Que, de leurs courtoises largesses, à ceste creature née Donnassent bonne destinée. (Mach., P. Alex., p.1369, 4)

Si que, sire, je vous conseil, Que vous usez de mon conseil Et que faciez vos voiles tendre Droit vers la cité d'Alixandre, Car Diex si noble destinée Vous a, ce m'est vis, destinée Qu'en vérité vous la penrez, Sans faillir, quant vous y venrez. (Mach., P. Alex., p.1369, 62)

Et selonc l'amour, pour voir, Dont je vous aim si loyaument Trop compere amours chierement. S'ay moult dure destinée, Quant vous avés mon espoir Et mon cuer et ma pensée, Et il vous convient manoir Ensus de moy main et soir (Mach., L. dames, 1377, 130)

Et près de vous souspir, pleure et gemi, Quant vous m'avés de vo grace banni. Et puis que j'ay si dure destinée Que je vous pers, et si n'ay riens mespris, Et qu'en doleur est ma joie muée Et que mes biens est tous mors et peris, Jamais ne quier desirer Fors tost morir, belle, pour vous amer. (Mach., L. dames, 1377, 228)

Las ! au meins s'elle sceüst Ma dolour et congneüst, Certes, petit me neüst Et moult alegié m'eüst Ma dolente destinée, N'en rien ne me despleüst Ma mort, s'elle li pleüst, Einsois mes cuers en eüst Grant joie, puis qu'il peüst Obeir à sa pensée. (Mach., Les lays, 1377, 298)

Tres noble destinée Ha cils qui s'i puet assener Sans dessevrer, Qu'elle n'a per, Eins est nomper (Mach., Les lays, 1377, 428)

[Janicola à Griseldis] Qui te puet avoir dessevré De la bonne amour du marquis ? Ne croy pas que l'aies acquis. Hé ! Dieu, com dure destinee ! Moult est la chose tost tournee Et moult puis avoir cuer dolent, Quant ta belle et bonne jouvent As usee ou noble servise Du marquis, qui a sa devise Prent autre pour toy delaissier. (Gris., 1395, 86)

Sire, dit Galien, a bonne destinné ! (Galien D.B., c.1400-1500, 49)

J'eusse mon grant maleur changé En gracïeuse destynee (La Vigne, S.M., 1496, 321)

A bonne destinee. A la bonne heure.

Dame, je la [l'amour] reçoy a bonne destinee. (Ren. Gennes D.B., c.1350-1400, 107)

[Formule de recommandation] Dieu vous donne bonne destinee

Sire, et Diex bonne destinée Vous doint aussi. (Mir. emper. Romme, 1369, 300)

Bien voy que estes enhorter, Dieu vous dont bonne destinee ! (Myst. siège Orléans H., c.1480-1500, 305)

[Comme entité supérieure]

Et si maudi Fortune et son faus tour, La planette, l'eür, la destinée Qui mon fol cuer mirent en tel errour Qu'onques de moy fu servie n'amée. (Mach., L. dames, 1377, 192)

...Elles sont clamees Influences et destinees, Qui a ce sont predestinees Que aussi tost que l'omme naist Ou la femme, ja si grant n'est, Ceulx yci de sa vie ordenent Et sa droite fin lui assenent (Chr. Piz., Chem. estude P., 1402-1403, 91)

LE CRESTIEN. (...) De tous pointz nous summes destruis. LA FEMME DU CRESTIEN. (...) Mauldicte journee, L'heure que fus nee Pour estre en ce point ! Faulse Destinee, Fortune obstinee Qui trop fort nous point ! (...) LE CRESTIEN. Nous sommes tous desprins et mis, Mocqué de grans et de petis. On nous monstre au doit. (Mir. st Nic. juif, c.1480-1500, 75)

B. -Par analogie.

1.Ce que qqn est amené à faire ; d'où intention.

A Ciperis envoierent dire leur destinee, Ad fin qu'on leur ouvrist de la porte l'entree. (Cip. Vignevaux W., p.1400, 181)

'Vecy le traïtre de male destinee, Par qui ma douleur a esté ordonnee ! (...) Si vous prie, seigneurs, que jugés sans demouree Ce qu'il a deservi avoir en ceste aunee.' (Galien D.B., c.1400-1500, 146)

En ce penser et en ce soing Chevauchay toute matinee, Tant que je ne fu gaire loing Du lieu ou estoit la dinee ; Et quant j'euz ma voye finee Et que je cuiday herbergier, J'ouÿ par droicte destinee Les menestriers en un vergier. (Chart., B. Dame, 1424, 333)

Faire la destinee à qqn. Réserver un mauvais sort à quelqu'un, le maltraiter.

Or ça, coquin, et sans rïote, De par le diable, laissez la cote. Je te feray la destinee ; Ta pel sera toute tranchee. (Myst. Pass. Amb. R., c.1474-1500, 51)

Remarque : G. Roussineau comprend : 'Tu vas avoir ton compte' (Z. rom. Philol. 111, 1995, 302).

2.Destination ; d'où impact.

Robastre descharga sa grant perche quarree Et la laissa cheoir de telle randonnee ; Que XXV en ont eu la destinee. (Gir. Vienne D.B., c.1350-1400, 149)

Au figuré. Destination, projet.

Et pour plus brief declairer le propos Dont la fin est par moy tant desiree, Je, travaillant et loing de bon repos, Pensant tousjours en celle destinee... (Saint-gelais, Séj. honn. D., c.1490-1495, 333)

C. -Par extension.

1.Vie (en général), existence.

Ilz sont bons en ne soy hobant Soubz cheminees, Quant leurs bouches sont avinees Et ilz ont les bonnes vinees. Lors comptent de leurs destinees Les quoquars foulx ; Alors se vantent des gros coupx Et font gras despens et grans coustx. (Chart., L. Dames, 1416, 225)

2.Avenir.

Sans destinee. Immédiatement.

[Baptizee] fut [l'espee] la sans nulle destinee (Gir. Vienne D.B., c.1350-1400, 199)

3.Manière engageant l'avenir, condition.

Par telle destinee. Dans de telles conditions.

Cent et cinquante mille de monnoie dorée A à mariaige par telle destinée Que des cinquante mille sera rente acatée, Dont la dame sera tout son vivant douée (Geste ducs Bourg. K., c.1410-1419, 356)

4.Manière.

À telle destinee. De telle manière.

Car li coz est queüx de le targe listee A sy tres gran mesquief et a tel destinee Que le mache encontra qui d'achier fu tempree. (Jourd. Blaye alex. M., a.1455, 280)

Par telle destinee. De telle manière.

Tout premiers m'en alay à le tente dorée Du fier conte Fedry (...) Et m'acointay de ly par telle destinée Que je ly dis nouvelles d'outre la mer sallée (Hugues Capet L., c.1358, 126)

Gallaffres li roys et cilx de sa contree Se sont ferus es tentes par telle destinee Que maintes en ont par terre abatue et verssee. (Huon Bordeaux B., c.1400-1450, 184)

Là est entrés dedens, s'ont leur voille levée, Et li vens y féry par tele destinée Qu'il vinrent à l'Esclusse droit à le matinée. (Geste ducs Bourg. K., c.1410-1419, 399)

Mais li coz est tounez par telle destinee Que l'oreille li a de le joe rasee. (Jourd. Blaye alex. M., a.1455, 282)

Par + adj. + destinee. D'une façon + adj..

Pis valy que Caÿns de fait et de penssee, Car son frere traÿ par male destinee. (Flor. Rome W., c.1330-1400, 133)

Et Regnault respondy par bonne destinnee (Renaut Mont. B.N. V., c.1350-1400, 249)

Je le rens [la terre] à chelui qui l'a reconquestée, Et ma fille li doins par boine destinée (Chev. cygne R., c.1356, 113)

Montez fu à cheval par povre destinée. (Hugues Capet L., c.1358, 168)

Et prist à lui congiet par bonne destinée. (Hugues Capet L., c.1358, 185)

Ses enfans treuve sans point de demoree. (...) Une pome eurent qui d'or estoit lectree Dont ilz jouent par bonne destinee. (Ami Amile M., c.1400-1500, 537)

Qu'[ilz] sont yci venus par mauvaise pensee, Croire ne le pourroye par nulle destinee (Galien D.B., c.1400-1500, 20)

Puis que Dieu vostre pere par sa commandison, A plaine destinee a ce jeune enfançon, Pas ne lui puis oster (Galien D.B., c.1400-1500, 11)

Pour ceste destinee. À cause de cela.

Prisonier suis vo pere pour ceste destinee (Flor. Octav. L., t.2, c.1400, 529)