MALEFICE

substantif masculin

[T-L : malefice1 ; GD : malefice ; GDC : malefice ; AND : malefice ; FEW (VI-1, 86a) : maleficium ; TLF (XI, 246b) : maléfice]

A. -Mauvaise action, méfait, crime.

La premiere estoit Congnoissance Qui li moustroit la difference D'entre les vertus et les vices Et des biens fais aus malefices, Par Avis qui la conduisoit Jusqu'a un miroir qui luisoit, Si qu'onques plus cler mirëoir Ne pot on tenir ne vëoir. (Mach., J. R. Nav., 1349, 176)

Li rois Daires fist enquerir Partout, enserchier et querir Tous ceaus qui de ce malefice [var. malice] Furent cause, et de quelque office Il fussent, il les fist geter Dedens le lac sans arrester, Et leurs femmes, leurs fils, leurs filles. (Mach., C. ami, 1357, 45)

Mais le traistre en enmenrons, Et la damoiselle querrons Compaigne de son malefice (Mir. Oton, c.1370, 387)

Par les dittes guerres sont maintes fois avenues batailles mortèles, occisions de gens (...) justice en est fallie et la foy crestiienne refroidie et marchandise perie, et tant d'autres malefisces et horribles fais s'en sont ensievoit qu'il ne poeent estre dit. (Froiss., Chron. L., VI, c.1375-1400, 35)

...touz prisonniers et prisonnières, détenuz et detenues pour quelzconques crimes, maléfices ou déliz que ce soit (Ch. VI, D., t.1, 1382, 31)

Et plus ne scet, quant à present, ne n'est record d'aucuns autres crimes ou malefices par lui fais et commis (Reg. crim. Chât., I, 1389-1392, 172)

...ledit prisonnier a esté par plusieurs foiz admené prisonnier pour plusieurs exès et malefices et a esté homme vacabond, de male vie et gouvernement (Reg. crim. Chât., II, 1389-1392, 462)

Et elle [Mélusine] , qui bien apperceut que il estoit tous honteux de ce qu'elle savoit tant de son estat, lui dist : Par Dieu, Remondin, je suiz, aprez Dieu, celle qui te puet plus aidier et avancier en ce mortel monde, en tes adversitez, et ton malefice revertir en bien. Rien ne te vault le celer. Je scay bien comment tu as occis ton seigneur par mespresure, comme de cas volontaire, combien que pour l'eure tu ne le cuidas pas faire (Arras, c.1392-1393, 25)

Et Sperticus, qui des enfens Fu roy, punissoit les offens, Selon qu'estoit le malefice Et faisoit a chacun justice (Chr. Piz., M.F., II, 1400-1403, 194)

La premiere cause est qu'il soit chose notoire, certaine et evidente que le malefice soit advenu, et ce signiffie la clause ou il appera evidenment omicide, traison ou autre vray semblable malefice par evidente suspection. (La Sale, J.S., 1456, 32)

SECOND BRIGANT. (...) Mon corps fera le sacriffice, Sans avoir souspir në alayne, De mon tresvillain maleffice, A mort deshonneste et villayne. (La Vigne, S.M., 1496, 320)

Commettre/faire/perpetrer un/des malefice(s)

...a ce ja tu ne me menras Que je face tel malefice Qu'a tes diex face sacrefice (Mir. st Ign., 1366, 81)

...yceulx brigans et godins pilloient et desroboient ceulz qui aloient par les chemins et commettoient pluseurs cas et malefices (Ch. VI, D., t.1, 1382, 29)

...yceulx brigans et godins pilloient et desroboient ceulz qui aloient par les chemins et commettoient pluseurs cas et malefices (Ch. VI, D., t.1, 1382, 29)

...le duc de Lorreinne, qui ceans avoit esté adjorné à comparoir en personne, sur pluseurs rebellions, inobeyssances (...) pilleries, murtres, larrecins et pluseurs autres crimes et malefices fais contre le Roy (Baye, I, 1400-1410, 320)

...par deffaulte de ce que on n'avoit point pourveu de lieutenant à la prevosté de Paris ou lieu de feu maistre Raoul Anchier, pluiseurs crimes, deliz et malefices estoient faiz et perpetrez et pourroient avenir à Paris et environ (Fauq., I, 1417-1420, 121)

Mais de vos subgetz qui ont fait grans crismes et malefices estes si piteux que tout est pardonné sans faire justiceen aucuns cas. (Juv. Urs., Verba, 1452, 304)

...selon les cas d'injures, bateries et autres excès et maléfices que lesdiz maistres, ouvriers, maneuvres, servicteurs et autres besongnans ès dictes mines commectront et perpétreront, ledit gouverneur les pourra faire mectre et constituez prisonniers ès lieux des dictes mines (Aff. Jacques Coeur M., 1453-1457, 353)

Entre lesquelz donna abolition et perdon à deux gentilzhommes, nommez l'un Robert de Beaufort, seigneur [de] Valery, l'autre Messe Guillaume de Bersons, et plusieulx autres, lesquelz avoient esté serviteurs du duc de Nemours, de toutes les rebellions, desobeïssances, cas, crimes, delitz et malefices qu'ilz avoient et povoient avoir commis et perpetré contre le roy, son auctorité et majesté royal et la chose publicque de son royaulme, eulx estans au service dudit duc de Nemours. (Le Clerc, Interp. Roye, c.1502, 250)

Le premier malefice. La première faute, le péché originel.

Louange a toy, divin imperateur, Reparateur du premier malefice ! (Flamang, Vie Pass. st Didier S., 1482, v.7330)

Malfaisance, disposition au mal, malignité.

Et par iceukx chemins tortuz, S'entend gens vuides de vertus, Devoyéz par leur malefice Du sentier de droite justice. (Gréban, Pass. J., c.1450, 137)

Et l'en voit aussy par usaige Telz seduicteurs regner ung temps, Soit par quatre ou cinq ou six ans, Mais, en fin, vient justice vraye Qui de leur desserte les paye, Et vient en temps et en saison Leur malefice a meurison (Myst. Pass. Troyes B., a.1482, 416)

Par le conseil de celeste asistence En excersant mon naturel office, J'ay propheré contre (la) Vie sentence Qui aura lieu, congneu leur malefice [celui des humains]. (Cene dieux, c.1492, 140)

B. -Sortilège, magie.

Car je te fas bien mencion Li crestien n'ont point tel vice Qu'ilz usent d'art de malefice, N'en la vertu des ennemis Ne sommes point a ce soubzmis, Ains en sommes franc et delivre, Mais plus: nous ne souffrons point vivre Nul qui en use en nostre loy (Mir. st Ign., 1366, 96)

...si comme larrecin, adultere, malefice ou empoisonnement, paragogie, seducion ou substraccion cauteleuse de autrui servant, occision faite en traïson et faux tesmoignange [sic] . (Oresme, E.A., c.1370, 283)

Et aucuneffoiz avient, par ne scey quelles chouses que l'en dit que ce sont anvoutures, carathemens ou malefices, que sa femme ne l'ameroit jamés et lui est avis, ce dit a sa cousine ou a sa mere qui la blasme, que quant elle est emprés son mary, que la chair li espoint comme asguilles ne jamés ne feroit amour ne plaisir a son mary. (Quinze joies mar. R., c.1390-1410, 79)

Infirmité, en particulier impuissance sexuelle, due à un sortilège.

Et se les espousailles n'ont pas tenu, car ilz ne sont pas de droit, mais de fait, ilz sont tant seulement contrais. Et vecy le cas : aucun a espousé sa parenté ou de sa consanguinité, ou ung moyne ou ung clerc en saints ordres constitué, ou cellui qui est maleficié de perpetuel malefice de fait espouse aucune femme, telz espousailles qui n'ont esté d'aucune valeur prestent, donnent et baillent empeschement a ceulz de la consanguinité (Sacr. mar., c.1477-1481, 72)

Ilz sont pluseurs especes comme naturele impuissance, comme frigidité en l'homme, artacion et indisposition en la femme, deffaulte de eage en l'enfant. L'aultre est accidentele comme malefice qui est fait comme sors et factures. (Sacr. mar., c.1477-1481, 76)

Et quant l'homme et la femme sont separéz, divorce puet estre celebree, quant impuissance de habiter est allegimé ou a cause de frigidité ou de malefice ou deffection de membre viril ou d'artation en la femme. S'ilz sont impuissans par malefice, ilz ne doivent pas estre separéz jusques a trois ans. (Sacr. mar., c.1477-1481, 78)