SORTILEGE

substantif masculin

[T-L : sortilege ; GDC : sortilege ; FEW (XII, 125b) : sortilegus ; TLF (XV, 702b) : sortilège]

A. -Pratique, artifice qui doit permettre de lire l'avenir, divination.

...Dieu nous a donné, des que nous feusmes nez, engin et naturelle puissance de savoir par bonne prudence tout ce qui nous loit savoir et que nous est mestier, et tielx sortileges seulent enquerir gens paoureux et malavanturez, et n'est pas chose appartenant a personne qui a sens et vertu de bonnes meurs en soy. (Oresme, Divin. C., c.1366, 78)

Selon Eustrace et Albert, aucunes sciences sont dites mauvaises ou pour ce que il ont mauvais principes, si comme sont aucuns argüemenz ou sortileges, ou pour ce que il sont de mauvaise matiere, si comme nigromance, ou pour ce que l'en les tourne a mauvaise fin, si comme larrecin (Oresme, E.A.C., c.1370, 405)

Ilz [les Juifs] sont plains de sortilieges et font plusieurs Crestians errer ; ilz se dient avoir dyables privés enclos lez uns en aneaux, lez aultres en pos et en aultres vesseaux et lez vendent aux Crestians pour divers pris, en faignent que ilz aient diverses vertus (Songe verg. S., t.1, 1378, 361-362)

...ou ilz font getter aux dez lequel ara plus de poins, lezquelles choses sont toutes sortilegues. (Songe verg. S., t.1, 1378, 366)

Dezquellez choses il nous appiert que il est troys manieres de dyvinacion : la primiere maniere se fait par expresse evocacion de l'Anemi ; la seconde se fait par la seule consideracion du mouvement d'aucune chose ; la tierce, quant nous faisons aucune chose afin que la chose occulte ou recelee nous soit revelee. La primiere espece si appartient au nigromanciens ; la seconde, aux augures ; la tierce, aux sortileges (Songe verg. S., t.1, 1378, 366)

Pour tant que vous avés touché que sortilieges sont deffendus, nous devons savoir que sortilieges proprement sont appellés quant l'en use d'aucune chose selon l'avenement de laquelle l'en adyvine lez choses avenir. (Songe verg. S., t.1, 1378, 385)

Finablement Ydolatrie s'i embat avec ses suers germaines qui sont Sortilege, Supersticion, Magique qui font la povre ame aourer et croire en leurs dieux, denier son baptesme et la foy crestienne, adourer le(s) dyable(s) et luy sacrifier. Certainement toute creature qui s'abondonne a telz sortileges est ydolatre et hors de la foy crestienne (Gers., Purif., 1396-1397, 65)

...et consequemment sera aussi traittié de l'art de augure, aruspice, auspice, ornimance, (...) en après de l'art de piromance, aerimance, armonance, spatulamence et presage, de sortillege, de ariolle et de toutes leurs espesses et finablement de l'orrible et excecrable art de nigromance (Simon De Phares, Astrol., c.1494-1498, f° 9 r°)

B. -Sorcellerie, magie, sortilège.

Sortilegium (...) : art de sortileges, sorceries (Aalma R., c.1380, 388)

...cieux félons Phelipes (...) S'acompagna d'un moine qui mout estoit soutis En fais de sortilèges qui est ars d'anemis Et d'évocations dont il estoit apris. (Geste ducs Bourg. K., c.1410-1419, 271)

Par ses faus sortiléges fu encantés Loïs, Comme la vois en fu par trestout le païs (Geste ducs Bourg. K., c.1410-1419, 271)

...feu Loys naguères duc d'Orléans, fut tant embrasé de convoitise et honneurs vaines et richesses mondaines, c'estassavoir de obtenir pour soy et sa généracion, et de toler et substraire pardevers lui la très haulte et très noble seigneurie de la couronne de France au Roy nostresire, qu'il machina et estudia par convoitise, barat et sortilèges et malengins, pour destruire la personne du Roy de ses enfans et généracion (Monstrelet, Chron. D.-A., t.1, c.1425-1440, 223)

La première manière est machiner la mort de sondit prince par maléfices, sortiléges et supersticion. La seconde, par poisons, venins, intoxicacions. La tierce, par occire ou faire occire par armes, eau, feu ou autres violentes injections. (Monstrelet, Chron. D.-A., t.1, c.1425-1440, 224)

Item, le criminel duc d'Orléans fist faire ung autre sortilège par ledit moyne, d'une verge de bois appellé corniller, et du sang d'un rouge cochet et d'une poule blanche. Lequel sortilège parfait, ladicte verge devoit avoir si grant vertu par art et paccion dyabolique que cellui qui le porteroit sur soy feroit sa voulenté de toutes les femmes qu'il toucheroit. (Monstrelet, Chron. D.-A., t.1, c.1425-1440, 227)

...icelly duc d'Orlienz fist faire à iceluy mongne .J. autre sortilliege d'une verge de bosc de cornollier et du sanc d'un rouge cochet et d'une poullete blance (Cochon, Chron. norm. B., c.1430, 227)

...pour plus monstrer evidaument qu'i fust attenu des dessusdiz sortillieges, charaux et malefices et aussi des empoisonnemens dont j'ay parlé (Cochon, Chron. norm. B., c.1430, 232)

Remarque : MOLINET, Faictz Dictz D., 1467-1506, gloss. (sortilegue 'maléfice').