SOIGNEUSEMENT

adverbe

[T-L : soignossoignosement ; GDC : soigneusement ; FEW (XVII, 272b) : *sunni ; TLF (XV, 598a) : soigneusement]

A. -Avec application, avec attention, avec soin.

Je ne puis plus cy demourer : Or le garde [l'enfant] songneusement. (Mir. enf. diable, c.1339, 14)

Quoy qu'il me fust joieusement, Me couvint il songneusement Penser, viser et travillier De ma besongne apparillier. Mais si volentiers le faisoie, Qu'adès en acroissoit ma joie. (Mach., D. Aler., a.1349, 265)

Car c'estoit une chose chiere, Voire d'une double chierté, Car aveques l'auctorité De l'oisel estoit il gardez Et songneusement resgardez En lien d'onnourable hautesse, Si que pour cause de noblesse Dou requerir fust villenie. (Mach., D. Aler., a.1349, 309)

Et a ce droit point qu'il estoient Au plus estroit de leur conseil, Avis me dist : 'Je vous conseil Que ceste dame resgardez Et songneusement entendez Aus drois poins de sa qualité. La verrez vous grant quantité De sa grace et de son effort...' (Mach., J. R. Nav., 1349, 277)

Lors a un queude me dressai Et songneusement escoutay Pour savoir que ce pooit estre, Car je n'estoie pas de l'estre Ne de la chambre moult acointes, Dont je ne fui mie plus cointes. (Mach., F. am., c.1361, 146)

Sus son chief ot un chapelet Et en son doit un anelet Qu'il resgardoit songneusement. (Mach., F. am., c.1361, 183)

Mercurius la pomme prist, Dont vraiement pas ne mesprist, Car se lors prise ne l'eüst, Grant meschief venir en peüst. Moult volentiers la resgardoit Et songneusement la gardoit, Et si voloit en toute guise Que ceste besongne fust mise En Jupiter, et que l'acort Vosist faire de cest descort. (Mach., F. am., c.1361, 209)

'...Vesci ce que [elle] vous envoie De son fait, quar, se Dieus me voie, Je ne me doy pas de ce taire, Quar j'estoie present au faire.' Si me bailla un rondelet Qui n'estoit pas rudes ne let (...). Je le prins a grant reverence Et si le baisai sans doubtance Plus de cent fois, ou environ. Et puis j'ostai mon chaperon Et devant lui m'agenouillay ; Ne de moy pas ne l'eslongnay, Ains le garday tresdoucement Sus mon cuer et soingneusement ; Et souventefois le baisoie, Quar trop grant plaisance y prenoie. (Mach., Voir, 1364, 52)

Il dit en l'autre translacion que richesces acquises labourieusement, l'en les garde plus soigneusement ou plus diligenment et les despent l'en plus modereement ou plus actrempeement. (Oresme, E.A.C., c.1370, 476)

Tout quoys se taisoit pour veoir la fin de ceste besoingne, et enqueroit songneusement à cheulx qui tailliet en estoient de savoir, comment ces traittiez se portoient et quel part ces gens d'armes se trairoient, quant de leurs fors departy seroient. (Froiss., Chron. M., XIV, c.1375-1400, 188)

Si... fu de premiers mis ou chastiel dou Louvre, et là gardés bien songneusement (Froiss., Chron. R., VIII, c.1375-1400, 85)

GOBIN ESCUIER. Mon chier seigneur, de bon courage Feray toutes voz voulentez. Songneusement, ja n'en doubtez, Vous garderay. (Mir. march. juif, c.1377, 195)

...durant les XV jours, elle l'a veu ouvrer de layne au touret bien et soigneusement (Reg. crim. Chât., II, 1389-1392, 526)

[Griseldis] Au matin va soigneusement Garder les brebis de son pere (Gris., 1395, 29)

LA NOURRICE [au marquis]. [L'enfant] Couchie sera et levee Soigneusement, n'en doubtez mie. Et si avra de la boulie Et des eufs fres (...) Et assez tetteray aussi (Gris., 1395, 50)

...science Avoit en lui notablement Telle que tres soingneusement Il entendoit, je n'en mens mie, Assez des poins d'astronomie. (Chr. Piz., Chem. estude P., 1402-1403, 213)

Nonobstant ce, se partirent desdiz pays pluseurs povres gens qui alerent à Paris et en pluseurs autres bonnes villes, et furent mis en une grange ou maison à Saincte-Katherine du Val des Escolliers, où illec les bons bourgois et bonnes bourgoises de Paris les aloient songneusement penser. (Roye, Chron. scand., II, 1460-1483, 112)

Si fault trouver voye utille Pour encontre eulx remedier, Par cautelle bonne, sutille Somtensement [l. sonieusement] [comme dans l'éd. Guessard] y ovier. (Myst. siège Orléans H., c.1480-1500, 600)

SECOND BRIGANT. (...) N'avoye je pas entendement Pour le bien aussi bien comprendre Que le mal, qui songneusement Le m'eust fait monstrer et apprendre ? Ne me pouoit on pas reprendre Et batre d'amont et d'aval Tantost qu'on me voyoit mesprendre Ou adonner a quelque mal ? (La Vigne, S.M., 1496, 321)

B. -Avec persévérance, continuité ; avec insistance.

...et aller avec Dieu soingneusement [lat. sollicite] (Jean Golein, Rational B.D., c.1370-1372, 263)

...qu'il ait l'esperit ordené soingneusement en Dieu (Jean Golein, Rational B.D., c.1370-1372, 263)

... li Gascon songneusement li disoient : 'Chiers sires, nous tenons... à avoir nostre ressort en vostre court. Si vous prions que vous nous faites droit' (Froiss., Chron. L., VII, c.1375-1400, 92)

Tant fu li rois de France... songneusement quoitiés des Gascons, que uns appiaus fu fais (Froiss., Chron. L., VII, c.1375-1400, 93)

Il avoit messagiers allans et venans toudis songneusement entre Angiers et Paris (Froiss., Chron. R., IX, c.1375-1400, 263)

...cil des garnissous autour de Gand estoient nuit et jour songneusement sus les camps , ne nulles pourveances ne pooient venir à Gand (Froiss., Chron. R., X, c.1375-1400, 152)

Si constraindirent li Englés et li Breton moult fort la chité de Vennes, et moult songneusement l'asallirent le terme que il furent par devant ; (Froiss., Chron. D., p.1400, 578)