LONGUEMENT

adverbe

[T-L : lonclongement ; GDC : longuement ; AND : lungement ; DECT : longement ; FEW (V, 415b) : longus ; TLF (X, 1357a) : longuement]

A. -(Pendant) un long espace de temps, longtemps.

NOSTRE DAME. (...) Trop longuement y faiz demour ; Met toy en pais. (Mir. enf. ress., 1353, 62)

Dyarrie quant elle a longuement tenu, et vomite survient de son gré, c'est cause de garison. (Saint-gille, A.Y., 1362-1365, 91)

Quar se les corps qui sont meus selonc circuite ou circulairement sont ainsi meus hors nature ou violentement, ce est mervilleuse chose et du tout desraysonnable que cest mouvement qui seul est continuel et perpetuel soit hors nature, quar en autres choses l'en voit que les choses qui sont hors nature sont tres tost corrompues et ne durent pas longuement. (Oresme, C.M., c.1377, 74)

...pour lequel fait lui et ledit Perrin furent longuement prisonniers au Palais et à Saint-Eloy, et depuis ce, par la pene de prison, mis au delivre. (Reg. crim. Chât., I, 1389-1392, 13)

...icellui de Ruilly estoit envoulté et ensorcelé par une femme demourant à Paris, à la porte Baudoer, avec laquele ledit de Ruilly avoit longuement frequenté et eu de lui deux enfans (Reg. crim. Chât., II, 1389-1392, 293)

Mais Remondin qui estoit eschauffez, et qui ne ressoingnoit sa vie, ne fortune bonne ne male qui lui peust avenir, le suit asprement, et il estoit bien montez, et tousjours le suit le conte qu'a trace qu'a veue. Que vous vauldroit longuement tenir le parler ? Tous les chevaulx commencierent a escauchier et a demourer derriere, fors Remondin et le conte, et tant chacierent que la nuit fu obscure. (Arras, c.1392-1393, 19)

TROP JOLÏET, le messagier [au secrétaire du marquis] . (...) Traiez vous devers le marquis, Car longuement vous ay ja quis Pour vous devers lui faire aler. (Gris., 1395, 21)

LE TIERS CHEVALIER. (...) Maintes foiz (...) La [Griseldis] regarde [le marquis] moult longuement, Maiz ja maiz un seul mouvement Ne un seul semblant de tristece Il n'y trouvast, maiz que lÿece (Gris., 1395, 70)

Et ne sejournerent pas longement a l'Escluse, mais vinrent a Bruges (Froiss., Chron. D., p.1400, 237)

...se Dieu plaist ce ne durera mie longuement (Chr. Piz., Trois vertus W.H., c.1405, 85)

Le petit Saintré qui encores, comme dit est, n'avoit senti ne gousté des amoreux desirs nullement, dont par ce avoit perdue toute contenance, fors de entorteillier le pendant de sa ceinture entour ces doiz, sans mot parler fut longuement. (La Sale, J.S., 1456, 8)

...baisiers donnez, baisiers renduz, tant et si longuement que chacun ne desiroit que le lit. (C.n.n., c.1456-1467, 25)

Le bon compaignon (...) fut assez longuement sans dire mot. (C.n.n., c.1456-1467, 26)

...force de rire (...) la surprint, qu'elle cuida longuement retenir. (C.n.n., c.1456-1467, 35)

La queste de ce dyamant dura longuement (C.n.n., c.1456-1467, 44)

...elle eut bien la constance de longuement et largement lendemain deviser avecques celle qui luy faisoit tort (C.n.n., c.1456-1467, 178)

Ceste maniere de faire dura beaucop et longuement (C.n.n., c.1456-1467, 217)

...[il] fut amoureux d'une tresbelle dame assez et longuement (C.n.n., c.1456-1467, 268)

Et, après les choses dessusdictes, furent aussi arrestez prisonniers en la ville de Molins le seigneur de Traynel, par avant chancelier de France, et maistre Pierre d'Oriole, general des finances du roy, lesquelz furent longuement detenus en arrest en ladicte ville de Molins. (Roye, Chron. scand., I, 1460-1483, 39)

Et le tindrent, depuis ladicte ville prinse, bien longuement, et jusques après la conqueste faicte dudit lieu de Lestaure (Roye, Chron. scand., I, 1460-1483, 296)

TESTE. Par bieu, avant qu'il soit dix ans Chacun trompeur se trouvera. FINE. Pas longuement ne durera, Le Temps a Chacun en ce point. (Sots triumph., c.1475, 47)

Donnons luy a boere devant De vin espicé en mierre, Fin que son esperit se sarre Et qu'il vive plus longuement. (Pass. Auv., 1477, 196)

Mon Dieu, que ma teste est atonee Et les yeulx me deulent molt fort ! Il me vauldroit mieulx estre mort Que d'ausi vivre longuement. (Pass. Auv., 1477, 231)

A ! Martin, escoute ma voix Et nocte mon enseignement Ou, sinon, soubdain je m'en voys Sans actendre plus longuement. (La Vigne, S.M., 1496, 484)

Remarque : Jourd. Blaye alex. M., a.1455, gloss. (longement, longhement, longuement).

Il (y) a longuement que. Il y a longtemps que.

Seigneurs, il a ja longuement Que n'ay esté pour solacier Ny en riviére ne chacier. (Mir. st J. Paulu, c.1372, 125)

L'ERMITE. Corps bieu, il y a longuement Que ne les vy në apparceu. LE PRINCIPAL. S'ilz ne viennent, je suis deceu. (Sots gard., a.1488, 102)

Il n'ert longuement que. Il ne tardera pas que.

Par amour, dame, souffrez vous ; N'iert pas longuement que n'aviengne Qu'aucun de ma gent ci ne viengne (Mir. st Alexis, 1382, 312)

Si longuement que + indic.

...lequel juif de ce ne voult aucune chose faire, mais le delaya tant et si longuement, que par un sergent du roy nostre sire qui survint illec, (...) fu prins et admené prisonnier oudit Chastellet, ouquel il est de present. (Reg. crim. Chât., II, 1389-1392, 132)

Jusqu'à ce que.

A che pourpos se tinrent bien li troi oncle, Ango, Berri et Bourgongne, mès que il euissent le gouvrenement dou roiaulme tant et si longuement que li enffes aroit son eage, c'est à entendre vint et un ans. (Froiss., Chron. R., IX, c.1375-1400, 288)

Durer longuement. Vivre longtemps.

Et ceulx retournent, et dient l'un a l'autre : Cest homme ne puet longuement durer, car il ne craint rien ; ne aussi de lui conseillier est peine perdue, car on m'a bien dit pieca, dist le duc Anthoine, qu'il ne veult riens faire fors sa pure voulenté. (Arras, c.1392-1393, 283)

Faire longuement à + inf. Mettre beaucoup de temps à.

...il fist moult longuement à venir ainçois qu'il entrast en Espaingne, et prinst le loingtain chemin (Froiss., Chron. M., XIV, c.1375-1400, 120)

B. -Depuis longtemps.

...la guerre avoit trop longement duré. (Froiss., Chron. D., p.1400, 171)

Helas, ceste plaie a jà longuement duré sanz remede, et si n'y a ancor aucun qui l'ait confortée (Baye, I, 1400-1410, 103)

... [les médecins] veullent veoir (...) les parties du corps au descouvert ou ce maudit mal de broches s'estoit, helas ! longuement embusché. (C.n.n., c.1456-1467, 33)

SATHAN. Longuement en vain je labeure Sans trouver sentier ne moyen D'atirer quelque faulx crestien Pour tresbucher dedans mes las. (Mir. st Nic. juif, c.1480-1500, 107)

LE .II. SERGENT. Sans y gaigner denier ne maille, Nous sommes cy bien longuement. (Mir. st Nic. juif, c.1480-1500, 131)