ABONDAMMENT

adverbe

[T-L : abonderabondanmen ; GDC : abondamment ; AND : abundantment ; FEW (XXIV, 60a) : abundare ; TLF (I, 142b) : abondamment]

A. -D'une manière abondante, en grande quantité.

Et de temporelle richesse Trés habondanment assasez (Mach., J. R. Nav., 1349, 217)

Tant vont ensemble qu'ilz monterent la montaigne et virent les grans trancheiz qui y furent fais soubdainement, et le ruisseau qui y sourdoit habondamment, dont chascun s'esmerveilla fort comment tele chose povoit estre si soubdainement. (Arras, c.1392-1393, 37)

Et qui veulent long chemin faire Par air puant, trouble et contraire, Doivent garder soigneusement De l'inspirer abondanment, Et porter o soy toute part Des pommes, confites par art, De bonne oudeur et sentement. (La Haye, P. peste, 1426, 140)

L'omme religieux qui ententivement et devotement se exerce en la trés sainte vie et passion de Nostre Seigneur y trouvera pour soy trés habondaument toutes choses utiles et necessaires (Internele consol. P., 1447, 355)

O mon desir, se sans mercy devez remaindre, pour quoy fustes vous oncques si adroit et si habondantement garnie de l'excés de toute beauté ? Vostre resplendisseur est clere entre les femmes comme le soleil entre les estoilles. (LEFÈVRE (R.), Hist. Jason P., c.1460, 140)

...les povres hommes d'armes, qui ont de la souffraitte et du travail habondamment, sont tousjours prestz à emploier leurs corps pour honneur et renommée acquerir ; car on dit communement que la faim chasse le loup hors du bois. (Bueil, I, 1461-1466, 27)

Venir abondamment. Venir en grand nombre.

Car ly contez Fedris assambla moult de gent, D'Alemaingne et d'ailleurs vinrent abondanment (Hugues Capet Lab., c.1358, 117)

...pour tant que Allemans sont convoiteux et desirent fort à gaaignier (...) vindrent-ilz plus habondaument, quant ilz sceurent de verité qu'ilz avoient à faire contre le duc de Braibant. (Froiss., Chron. M., XIV, c.1375-1400, 162)

B. -[Comme intensif] Intensément, pleinement.

Forte chose est d'Amours, qui aussi se dessent C'on aime bien celui et très habondament C'on n'a oncque veü ne tenu parlement ! (Renaut Mont. B.N. V., c.1350-1400, 257)

Dieux voelliés nous aidier anuit habondamment (God. Bouillon R., t.2, c.1356, 485)

...et pour lesquelz le roy escripvy et charga bien expressement aux prevost des marchans et eschevins et tous autres officiers et gens notables de ladicte ville que, de tout leur povoir, ilz festiassent fort et honorablement lesdiz ambasseurs ; laquelle chose fut faicte, et furent moult honnorablement et habondamment festiez... (Roye, Chron. scand., I, 1460-1483, 224)

Aussi promet le bon chevalier foy et jure que bien et loyaulment servira son prince et deffendra et gardera le bien de la chose publique. Et tel chevalier doit estre honnorable, courrageux, loyal en ses faiz, bon aux armes, saige habondamment et prest de deffendre le droit de son prince, de son pays et de ceulx qu'il a en son gouvernement. (Bueil, II, 1461-1466, 71)