ORGUEIL

substantif masculin

[T-L : orgueil ; GD : orgoil, orgueil1 ; GDC : orgoil ; DECT : orgueil ; FEW (XVII, 414b) : *urgoli ; TLF (XII, 626a) : orgueil]

A. -[Idée de force, de violence]

1.Force, agressivité, violence.

Qu'autrement nul bien ne vueil, S'il ne vient par leur escueil Et par leur gracieus vueil, À cui je sui plus sougis C'un chiennet devant l'orgueil D'un lyon, quant il ha dueil Qu'il n'a pasture en son breuil Pour ses faonnés petis. (Mach., Les lays, 1377, 390)

Mener tel orgueil que... Se battre avec une telle violence que....

Adonc entrerent au palais de Soissonne noz François menant tel orgueil que tous les Sarrazins fuyoient devant eulx (Doolin de Mayence V, P2., a.1500, 254)

Orgueil de la mer. Impétuosité de la mer.

Remarque : Hist. prem. destruct. Troie R., c.1470-1480, gloss.

2.[Instrument de chasse] Cale de bois ou de pierre qui, insérée sous un levier, lui sert de point d'appui.

Remarque : HENRI FERR., Modus et Ratio, Livre deduis T., c.1354-1377 (gloss. orguel ; T-L VI, 1270).

B. -Sentiment exagéré de sa valeur, orgueil.

Et s'ay si noble signourie Qu'au monde n'a prince ne roy, Tant soit ses cuers de grant desroy, Durs ou hauteins ou pleins d'orgueil, Que ne le face, se je vueil, De fin cuer loial sans amer Cent fois mendre de lui amer, Sans ce qu'il en ait ja solas ; Eins sera loiez en ses las (Mach., D. verg., a.1340, 22)

Mais nompourquant grant destresse d'amour, Ardant desir, la crueuse langour, Ou j'avoie demouré par maint jour, Son bel acueil, Esperance de terminer mon dueil, Sa grant biauté, si dous riant vair oueil, Et ce qu'en li n'avoit goute d'orgueil, Le hardement De requerre merci couardement Me donnerent (Mach., J. R. Beh., c.1340, 76)

Mais son attrait et son gent appareil [de la dame] Qui simples fu n'avoit point de pareil ; Et si fu blanche Plus que la noif, quant elle est sus la branche, Sage, loial, courtoise, et de cuer franche, Et si parfaite en toute contenance Qu'en loiauté Estoit assez plus belle que biauté ; N'en li n'avoit orgueil, ne cruauté, Ne riens qui fust contraire a amisté. (Mach., J. R. Beh., c.1340, 104)

Et son humilité parfaite [de ma dame] M'estoit escuz, deffense et gaite Qu'orguieus ne me peüst sousprendre, Qui mains maus norrist et engendre, Et qu'envers tous trés doucement Me maintenisse et humblement. Et vraiement bien dire puis Que d'umblesse est fonteinne et puis (Mach., R. Fort., c.1341, 7)

Et vraiement bien dire puis Que d'umblesse est fonteinne et puis ; Qu'onques turtre ne turterelle, Aingnaus, coulons, ne coulombelle, Damoiselle, ne pucelette Ne pot estre d'orgueil plus nette, Ne plus pleinne d'umilité, Acompaingnie de pité, En tous cas et en tous endrois, De li. (Mach., R. Fort., c.1341, 8)

...Fortune par ses conduits Monte l'un, l'autre avale, et puis Rien n'i aconte A roy, a duc, a per, n'a conte : L'un donne honneur, et l'autre honte ; L'un desgrade ; l'autre seurmonte ; C'est ses deduis ; Tout orgueil amolie et donte. Mais Boëces si nous raconte Qu'on ne doit mie faire conte De ses anuis. (Mach., R. Fort., c.1341, 36)

LE CURÉ. (...) Or me dites (...) Sanz riens celer ce qu'avez fait En penser, en parler, en fait, Soit d'envie, d'orgueil ou d'ire. (Mir. mère pape, c.1355, 354)

Ceaus qu'il voloit humelier, Il les metoit au pain prier, Et ceaus qu'il haoit jusqu'a mort, Il estoient en l'eure mort. Quant il se vit en si haut point, Orgueil, qui ne scet faire a point, En son cuer se mist et bouta Et telement le debouta Qu'il perdi sa gloire et son regne, N'orgueil n'i tint regle ne regne. De tous hommes fu deboutez Pour l'orgueil ou il fu boutez, Et parmi champs, parmi boscages Fu mis o les bestes sauvages. (Mach., C. ami, 1357, 29)

Mais encor supplier te vueil Que seur tout te garde d'orgueil, Car de tous vices c'est li pires Et cils que plus het nostres sires, Et si fait l'omme trebuchier, Et paresse le fait mendier. (Mach., C. ami, 1357, 126)

Et qui le fait pour lui prisier Ou pour lui plus auctorisier, Y fait mal, car si fole emprise Fait li homs, si tost qu'il se prise, Qu'il boute orgueil et vanité En sa povre fragilité. (Mach., C. ami, 1357, 133)

Certes elle a vaincu Tout orgueil par humilité. (Mir. Theod., 1357, 127)

Li roys Jehans, dont Dieus ait l'ame, Ot espousé la milleur dame Qu'on peüst trouver en ce monde. Car d'orgueil estoit pure et monde, Et sot quan que nature donne De bien : ce fu ma dame Bonne. Bien le say, car moult la servi ; Mais onques si bonne ne vi. Fille yert dou bon roy de Behaigne (Mach., P. Alex., p.1369, 24)

...car il ne le font pas pour cause de gaaing, mais pour fuir et eschiver que il ne molestent ou charchent et contristent ceuls avecques qui ilz conversent et pour fuir orgueil. (Oresme, E.A., c.1370, 269)

...chil signeur de Gascongne, vinrent en France pour remonstrer au roi et a son consel conment les besongnes de Gascongne se portoient mal.... Mais les faisoit on la croupir et seoir au palais ou ailleurs, tant que il estoient tout lasset et tout hodet, ...ne il ne pooient veoir le roi ne parler a lui, ne il ne se savoient a qui traire, pour avoir responses de lors requestes. ...et maudisoient l'orgoel (Froiss., Chron. L., IV, c.1375-1400, 176)

J'ai tant mon cuer et mon orgueil creü Et tenu chier ce qui m'a deceü Et en vilté ce qui m'amoit eü, Que j'ay failli Aus tres dous biens dont Amours pourveü Ha par pitié maint cuer despourveü Et de la tres grant joie repeü Dont je langui. (Mach., Motés, 1377, 495)

Mais c'est trop tart : je ne puis recouvrer La soie amour ; Et s'ay paour, se je li vueil rouver, Qu'il ne me deingne oïr ne escouter Pour mon orgueil qui trop m'a fait fier En ma folour ; Et se je li vueil celer ma dolour, Desirs espris d'amoureuse chalour Destraint mon corps, et mon cuer en errour Met de finer. (Mach., Motés, 1377, 495)

Une femme sera belle et riche : elle en usera en orgueil ou en charnalité (Gers., Pent., p.1389, 80)

Sur toutes choses je vous deffend orgueil. Je vous commande a faire justice aussi bien et faire raison au petit comme au grant. (Arras, c.1392-1393, 86)

Gieffroy envoya devers les freres, en disant comment ilz venissent faire obeissance a Remond son pere. Et ceulx dirent au messaige : Pour Remond ne pour homme de par lui, ne feroient ilz rien (...). Et sachiez, se le messaige n'eust si tost hasté le cheval, qu'il estoit mort sans remede, car ilz estoient felz et crueulx, et ne craingnoient Dieu ne homme. Et le messagier retourna a Gieffroy, et lui compte l'orgueil et le bobant des IIJ. freres. Par mon chief, dit Gieffroy, grant vent chiet pour pou de pluie. Je les payeray bien de leurs gaiges. (Arras, c.1392-1393, 198)

Haa, Glaude, beau frere, nous sommes par vostre orgueil cheuz en grant chetivité, et me doubte bien que nous n'en eschapperons ja sans perdre les vies, car trop est Gieffroy crueulx. (Arras, c.1392-1393, 205)

Or advint en ce temps qu'il ot un jayant en Gueurrande, en qui avoit si grant orgueil que par sa force il mist tout le pays en patiz jusques a la Rochelle. (Arras, c.1392-1393, 239)

Et fuissent bien rentré dedens et a petit de damage, se il vosissent ; mais orgoels et outrequidance les amonesta de demorer et faire armes. (Froiss., Chron. D., p.1400, 497)

Tant tint li contes Derbi son siege devant le chastiel de la Riole, que messires Agos des Baus falli a ses ententes, car il quidoit que poissance de par le roi de France deuist la venir pour lever le siege, mais non fist ; car ensi que je vous ai ja dit, li orgoels et la negligense estoient si grandes en l'ostel dou roi Phelippe, pour ce temps, que on ne faisoit compte de tels coses, ne del aler ne del envoiier. (Froiss., Chron. D., p.1400, 630)

Espagnols se comfient grandement en lors vassiaus, ... Et dient li auqun que il s'en fuissent bien alé, se il vosissent, et que ja il n'euissent eu nul rencontre des Englois ; mais orgoels les sourmonta et outrequidance, et quidierent bien desconfire le roi d'Engleterre et ruer jus les Englois, et disoient que il estoient fort assés pour tout cela faire. (Froiss., Chron. D., p.1400, 882)

En grant orgueil lors s'est soubzlevez Arphasat (Chr. Piz., M.F., II, 1400-1403, 212)

Dieu par sa pitié weille avoir pitié et mercy de nous et nous donner cognoiscence de nos fautes et orgueil, et mauvaistié. (Baye, I, 1400-1410, 333)

...en trespassant ton commandement de non mengier la pomme, et en preposant leur volenté a la tienne par orgueil et fole rebellion. (Gers., Concept., 1401, 398)

Pour ceste cause les passions et desordonnez mouvemens sont lais et coulpables es hommes, qui point ne le sont es bestes, comme orgueil n'est point pechié, ou laydure en cheval, cruaulté en lyon, malice en renart, envie es chiens, avarice es cornailles, et ainsy des autres. (Gers., Concept., 1401, 399)

Se ung tel exemple, ung tel miroir, une telle medicine ne garist cuer humain de la maladie d'orgueil, ne scay chose autre qui la doye garir. (Gers., Noël, p.1404, 295)

On dit, et il est tout certain, Qu'il n'est dangier que de villain N'orgueil que de povre enrichi. (Pouvre peuple H., c.1450-1492, 189)

Mais la science des aultres choses quant tu ne te congnois est vaine et ne fait que enfler par orgueil et ne edifie point par humilite. (Cib., p.1451, 196)

C'est a dire, mon ami : Combien que tu soies bon, se tu es orgueilleux tout est gasté : ton seul orgueil te dampne. (La Sale, J.S., 1456, 18)

Croyés mes parolles et dicts Pour faire aux diables desfarde. Nulz de vous amis ne se parde Par ire, orgueulh ne luxure ! Le feu d'avarice nul n'arde ! (Pass. Auv., 1477, 125)

O tresmauldite oultrecuydance, Tu m'as trop longuement deceu Par orgueil et par arrogance (La Vigne, S.M., 1496, 508)

...par noz autres executeurs de cestuy nostre testament et derniere volunté ci après declairé, soit procuré nostredit corps estre honnestement ensevely, à la louenge de Dieu, non pas à la pompe et orgueil mondain (Le Clerc, Interp. Roye, c.1502, 283)

Sans orgueil

Si pri a Dieu que jamais ne mefface Chose envers vous qui nostre amour efface, Et que vo vueil Puisse acomplir, einsi com je le vueil Faire, humblement, sans hautesse, n'orgueil. Car, se je puis, assez mieus que ne sueil, Vous serviray Trés loiaument de cuer et ameray, Et vostre honneur en tous cas garderay, N'en dit, n'en fait, n'en penser ne feray Chose envers vous. (Mach., J. R. Beh., c.1340, 82)

Et bien pensoie qu'escondire Ne me vorroit pas ma requeste, Car tant fu courtoise et honneste, Bele, bonne, sage, honnourable, Humble, sans orgueil, raisonnable, Douce, debonnaire, po fiere, D'atour, de port simple et de chiere, Que je me commensay a traire Vers son dous gracieus viaire. (Mach., D. Lyon, 1342, 184)

Et si ne vueil pas oublier Le bon Jehan de Bouviller Que j'aim, n'Endruet de Braibant, Sans orgueil nul et sans bobant. (Mach., P. Alex., p.1369, 142)

Et quant il furent tuit venu, Grant, petit, moien et menu, Li sires de Lesparre estoit Avec les autres, qui estoit Piessa venus au mandement Dou pape, et tout premierement. Et li gentils roys sans orgueil Se seoit en un fausdestueil. (Mach., P. Alex., p.1369, 241)

Je l' [Griseldis] ay veüe moult souvent Gardant brebis par mi ces champs. Maiz sa maniere est bien plaisans ; Dieu la vueille en bonté parfaire, Et tant qu'elle puisse a Dieu plaire, Car simple semble et sanz orgueil. (Gris., 1395, 30)

[À propos de la dame]

...Pour sa biauté sans orgueil Qui toutes passe, a mon vueil, Et pour son trés bel acueil Qui toudis rist, Si qu'en plaisance norrist Mon cuer et tant m'enrichist Qu'ainsi vivre me souffist, Ne plus ne vueil (Mach., R. Fort., c.1341, 19)

Car souvenirs en moy figure Sa fine biauté sans orgueil, Sa bonté, sa noble figure, Son gent maintieng, son bel accueil, Et comment si dous riant oueil Par leur attrait m'ont mené, si Que j'aim dame, s'aten mercy. (Mach., Bal., 1377, 549)

Si que, tres belle sans orgueil, Que j'aim d'amour entiere, Pour vous si grant doleur recueil, Quant einsi m'estes fiere, Que je sui en doubtance D'estre en desesperence (Mach., Ch. bal., 1377, 582)

..Car vo biauté sans orgueil, Qu'aim et desir, Et dous espoir de merir En tel escueil M'ont mis qu'au goust de joïr Mes maus recueil. (Mach., Ch. bal., 1377, 600)

Martyrés sui de l'amoureus martyre Plus durement assez que je ne sueil, Car j'ay desir qui m'ocist et martyre De reveoir la belle sans orgueil Qui fait en moy demourer si grant dueil Que pour s'amour souvent soupire et pleure, Pour ce que trop ensus de li demeure. (Mach., L. dames, 1377, 144)

Tres bonne et bele, mi oueil Joieuse pasture Prennent en vostre figure, Simple et sans orgueil, Et mes cuers en vostre acueil Vie et douce norriture. (Mach., L. dames, 1377, 185)

Bien parée, sans orgueil, D'acueil, Bien vueil Par vo vueil Morir, pour vous faire lie, Dou grief mal que je recueil. (Mach., Les lays, 1377, 313)

...Amours riens ne me conseille Fors l'amer : s'aim par son vueil Ce qui ma mort appareille, C'est des fleurs la nompareille Qu'on claimme blanche, vermeille, Belle, bonne et sans orgueil. (Mach., Les lays, 1377, 314)

Ne say, se je dor ou veil, Quant son riant oueil, Son gent corps qui n'a pareil Et son dous accueil Voy et son cointe appareil, Simple et sans orgueil, Et son vis blanc et vermeil Plus que fleur en brueil, À qui d'amer me conseil, Dont maint plaisant mal recueil. (Mach., Les lays, 1377, 428)

Avec ce son riant oueil Et son gracieus accueil M'ont ad ce mis Que je sui ses vrais amis Et estre vueil ; Mais la bele sans orgueil, Qui met en moy tout ce dueil, Ne vuet que passe le sueil De son pourpris Ne que voie son cler vis, Si com je sueil. (Mach., Les lays, 1377, 435)

Abattre/rabattre l'orgueil de qqn

Que fist il premiers en Behaingne ? Que qui s'en loe ou qui s'en plaingne, Par force d'armes et d'amis En subjection les a mis, Comment qu'il li fussent rebelle Tuit, mais il gaaingna la querelle, Et maintes fois se combati, Dont maint grant orgueil abati. Après ce vint a Esselingne, Une ville qu'est en Duringne. (Mach., C. ami, 1357, 106)

On ne doit pas croire en augure, Car c'est pechiez contre la foy Et c'est sorcerie et laidure Et grant deshonneur ; car je croy, Quant homs voit ses anemis Qui destruisent sa gent et son païs, Qu'il ne se puet excuser de combatre, S'il a pooir de leur orgueil abatre. Car la victoire et l'aventure Gist en Dieu et en bon arroy Et en grant avis qui n'a cure De folier ne de desroy (Mach., L. dames, 1377, 230)

Par Nostre Dame, c'est grant despit. Par Dieu, se je fu que le roy, je rebateroi tres bien leur orgueille et fumosité. (Man. lang. G., 1396, 80)

...Pour leur orgueil rabatre, Vouloir avons de les combatre Et tous mettre a destruccion (Myst. st Adr. P., c.1450-1485, 13)

Nabusgodonozor fut en ce temps appellé Main forte, pour ce qu'il fut incité de Dieu pour abaisser l'orgueil des Juifz en Babillonie, dont il tenoit le resne. (Simon De Phares, Astrol., c.1494-1498, f° 44 r°)

Valerien, je vous adjure Qu'en cest heure, soit droit ou tort, Ilz soient tous livrés a mort Devant leur maistre, c'est mon vueil, Afin d'abatre leur orgueil (Myst. st Laur. S.W., 1499, 261)

Il meut à qqn de grand orgueil de + inf. Un grand orgueil pousse qqn à.

Par ma foy, vassaulx, il vous muet de grant orgueil ou de grant niceté de ainsi passer par devant damoiselles sans les saluer, combien que l'orgueil et la niceté puet bien estre en vous tout ensemble. (Arras, c.1392-1393, 24)

[En cooccurrence avec vent]

Le vent subtil de chippre, qui fait enfler les gens, est prins en figure pour le pechie d'orgueil. (Mézières, Songe vieil pèl. C., t.1, c.1386-1389, 108)

Bien tu l'esprouvas, o Lucifer, jadiz ange tres bel, car incontinent que le vent d'orgueil ot enflé ta pensee et tellement demenee que tu volus monter a l'equalité de ton Seigneur, tu qui estoyes fait pour le servir, point n'y ot de remede. (Gers., Purif., 1396-1397, 61)