PECHÉ

substantif masculin

[T-L : pechié ; GDC : pechié ; DECT : pechié ; FEW (VIII, 98b,99a) : peccare ; TLF (XII, 1243a) : péché]

I. -[Hors du domaine religieux et moral] Erreur, faute, défaut ; état défectueux.

A. -Erreur, faute, défaut.

Quant Cephalus vid le meschié, Il a son arc en .II. trenchié Et ses saiettes depecié ; Tous ses dieus jure Qu'il s'ocirra pour ce pechié. (Mach., Voir, 1364, 532)

Et quant à vous entierement donnée Sui sans partir, amez moy loiaument, Tres dous amis ; si seray confortée De tous mes maus et vivray liement. Et par ma foy, s'il estoit autrement, Pechiés seroit, quant de vray cuer d'amie Vous ameray tous les jours de ma vie. (Mach., L. dames, 1377, 199)

Pour ce te pri, ne vueilles oublier Moy qui plus t'aim que creature née ; Car s'il avient, je te puis bien jurer Que ma vie sera par toy finée, Briefment et en desespoir ; Et ce seroit pechiés, à dire voir, Quant tu me fais à cuer plus noir que meure Haïr mes jours pour ta longue demeure. (Mach., L. dames, 1377, 205)

Vilenie.

S'à moult douce norriture Qui vit de telle pasture, Qu'amans, qui en li figure D'Amours la droite figure, Fuit et het tous mauvais tours, Pechié, vice, mespresure Et quanqu'il touche à laidure ; C'est des loyaus la nature. Par mon fait en sui seüre, Sans prueve querir aillours. (Mach., Les lays, 1377, 351)

Et ce font ilz tousjours en l'amoindrissement et reboutement des dames, dont c'est pechié et grant honte pour ceulx qui ainsi le font, car ilz ygnorent la grande noblesse des dames et les grans biens qui d'elles procedent. (Ev. Quen., I, c.1466-1474, 77)

Pechié de qqc.

Et certes, tu li fais injure De dire a li qu'elle t'est dure, Et c'est pechiez d'ingratitude Et maniere mauvaise et rude. (Mach., R. Fort., c.1341, 61)

Or vueil aler à confesse De ma fole hardiesse, Repenteus et pleins d'umblesse, À Venus qui est deesse Et souvereinne maistresse D'amours et de tous ses fais, Qui moy de blamer ne cesse Dou pechié de la rudesse Que j'ay fait par ma simplesse Contre Amours ; si m'en confesse, Et Vesta dira la messe En pardon de mes meffais, Qui des nimphes est prestresse. (Mach., Les lays, 1377, 441)

C'est pechié contre qqc.

Sire, m'avés vous entendu ? Vous ai je bien raison rendu Dou corbel et de la corneille ? Se Dieus me gart, trop me merveille Comment vous creés teles bourdes. Avoir devez oreilles sourdes Envers tous ceulz qui vous raportent Teles paroles et enhortent ; Et c'est pechié contre noblesce De croire chose qui tant blesce, Qu'on en pert l'onneur et la vie Et l'amour de sa douce amie. Se vous les volés croire ainsi, Vo dame occirrés de soussy ; Et puis vous en repentirés Et cent fois encor maudirés La journee et ceulz qui le dirent Et les oreilles qui l'oïrent, Le lieu, le damage et la perte Qu'evident sera et apperte (Mach., Voir, 1364, 706)

Par/pour le peché de qqn. Par la faute de qqn.

Lors [la damoiselle] dist : Vrais Dieux, que fera ceste doulente ? Mieulx venist que je me feusse noyee ou fait mourir d'autre mort cruelle ou que je eusse esté mort nee que tant de nobles creatures eussent esté periz et mors par mon pechié. Moult fu la pucelle doulente a son cuer du grant meschief qu'elle voit qui par lui advient en la grosse bataille. (Arras, c.1392-1393, 162)

Sire roy, dist Anthoine, c'est par vostre musardie et par vostre pechié, qui guerroiez les pucelles sans cause, et les voulez avoir par force. Mais sachiez que vous en serez paiez a vostre droit ; car je vous rendray en la subgection de celle que vous vouliez avoir subgecte par force. (Arras, c.1392-1393, 163)

Item, a maistre Jehan Laurens, Qui a les povres yeulx si rouges Pour le pechié de ses parens Qui boivent en baris et courges, Je donne l'envers de mes bouges Pour tous les matins les torcher ; S'il fust arcevesque de Bourges, Du cendail eust, mais il est cher. (Villon, Test. R.H., 1461-1462, 101)

Sans peché. Sans faute (à l'égard de quiconque).

[Et vecy le commancement de mon testament] Ou nom de Dieu, comme j'ay dit, Et de sa glorïeuse Mere, Sans pechié soit parfait ce dit Par moy, plus maigre que chimere. (Villon, Test. R.H., 1461-1462, 76)

Ad ce deussies arregarder Que dignement sommes punis, Et non pas le saulveur larder, Qui sans peché est en croix mis. (Pass. Auv., 1477, 218)

Estre peché. Être une faute.

...a tort et sanz raison Sui diffamée, c'est pechié. (Mir. marq. Gaudine, 1350, 138)

Dient que 'honte est et pechié De croire viellars et provoires, En fait de guerre, ne que voires Prophecies soient et dis De divins, qui acreandis Sont et demandent le repos.' (Chr. Piz., M.F., III, 1400-1403, 61)

Estre grand peché. Être une faute grave.

...c'est molt gran(t)[s] pechiés de vassal forjugier (Bris., Restor paon D., a.1338, 116)

Dame, femme qui tant demeure En ire est de soy homicide, Dont c'est grand pechié et grant hide. (Mir. st J. Cris., c.1344, 258)

Sire, ce sera grant pechié Se Jehan ne ra s'eveschié, Qu'a tort lui a esté tolue (Mir. st J. Cris., c.1344, 302)

...Vous nous voulez desheriter. Grant pechié seroit, sanz doubter, Se le faisiez. (Mir. prev., 1352, 240)

Être une chose regrettable.

Mais ne fu pas à l'assamblée, Qui pour bien estoit assamblée, Circé, la male enchanteresse, Qui d'enchantemens est deesse ; Car elle eust tout empeschié, Dont ce eust esté grand pechié. Venus y ert par especial, À ceste assamblee roial. (Mach., P. Alex., p.1369, 2)

Estre peché et enfance. Être légèreté, inconscience.

S'elle m'ocist, c'iert pechiés et enfance, Puis que je l'aim sans nul decevement ; Et s'elle vuet de moy penre venjance, Bien vueil morir pour faire son talent ; Car je ne puis morir plus doucement, S'il plaist Amours, que pour amer m'ocie. (Mach., L. dames, 1377, 116)

Et s'aucuns ont parlé pour ma grevance, Qui sunt à moy haïneus et contraire, S'elle les croit, s'iert pechiés et enfance ; Mais en li est de moy faire ou deffaire. (Mach., L. dames, 1377, 213)

Par ironie.

L'EVESQUE. (...) A mes gens vueil congié donner. Seigneurs, alez vous tost diner A mon hostel. LE BOURGEOIS. Ce seroit grant pechié mortel De les en faire ainsi aler. Avecques nous sanz plus parler Vraiement, sire, dineront (Mir. march. juif, c.1377, 178)

Faire peché. Commettre une faute.

...Nulle raison n'i doy garder Ne nulle chose regarder, Biauté, richesse, ne lignage, Scens, maniere, ne cuer volage. Car s'a tels choses regardoie, Certes trop grant pechié feroie ; Car li meins bel et li meins riche, Li povre d'amis et li nice, Cil qui ont volenté legiere Et cil qui ont po de maniere, Dou tout en tout honni seroient, Se de moy oublié estoient. (Mach., D. verg., a.1340, 27)

La souvent les äoureray Et sacrefice leur feray D'encen, de mier, d'oile ou de cire, Et si ferai chanter et lire De maniere serie et coie Que li dieus de dormir ne l'oie, Car vraiement, pechié feroit Qui son repos empeecheroit. (Mach., F. am., c.1361, 235)

Et s'elle croit mesdisans pour mentir, Qu'elle scet bien qui sont mi adversaire, Pechié fera : si m'en faura morir Com vray ami qui si aim sans meffaire Qu'à moy merci d'amours ne porroit plaire Ne recevoir toute joie d'ami Fors par son gré ; et si sache de fi, Car autrement riens ne vorroie faire. (Mach., L. dames, 1377, 122)

Erreur.

Peché de qqc. Erreur attachée à qqc..

Et donques le premier pechié ou inconvenient de ceste opinion est de ce que il ne mettent pas les elemens finis, car aussi bien et miex salvassent il par ce toutes apparences. (Oresme, C.M., c.1377, 622)

(À tort et) à peché. À tort.

...de ma part, voel que le pris sien soit, Car bien l'a deservi ; et qui m'en desdiroit A tort et a pechiet debat i meteroit. (Bris., Restor paon D., a.1338, 109)

Mais ceulz que Hastivet afaite, Que Dieux en grant malen le mette, Sont diffamés a grant pechié, Car il les fait mal enteichié. (La Buigne, Rom. deduis B., 1359-1377, 360)

Quant le roy Richard d'Angleterre qui se tenoit en la marche de Galles sceut la mort de messire Symon Burlé, son chevalier et l'un de ses maistres, qui toujours l'avoit nourry et introduit, si en fut durement courrouciez, et dist et jura que la chose ne demouroit pas ainsi, et que à grant tort et pechié et sans nul tiltre de raison on l'avoit mis à mort. (Froiss., Chron. M., XIV, c.1375-1400, 42)

Moult fu li rois d'Engleterre courouchiés de la mort mesire Robert d'Artois, et dist et jura que jamés n'entenderoit a aultre cose si averoit esté en Bretagne, car li contes de Montfort avoit relevé la ducee de Bretagne de li, lequel a tort et a pechié, ensi que on l'avoit enfourmé, li rois Phelippes et li François avoient enprisonné a Paris ou chastiel dou Louvre et la tant tenu que il i estoit mort (Froiss., Chron. D., p.1400, 577)

...tant que j'aye achevee une aventure que j'ay entreprise au service d'une damoiselle qui est emprisonnee a moult grant tort et grant pechié. (Chev. papegau H., c.1400-1500, 47)

B. -État défectueux.

1.Dommage.

À peché

A droicte bataille bastie, S'occyent enmy le marchié De Romme, a dueil et a pechié. (Chr. Piz., M.F., IV, 1400-1403, 8)

...un homme appellé Jaques de Rue, à l'instance d'un certain prince, à grant tort et pechié, devoit machiner par poisons ou autrement la mort du dit roy Charles (Chr. Piz., Faits meurs Ch. V, S., II, 1404, 137)

...aux mauvais souffit seulement avoir regart d'aviser par grant diligence les tours et chemins comment argent pourra estre trait et venir ens, soit par voie droite, torse au grief du peuple par tirannie et cruaulté, à grant pechié, ou autrement, bien ou mal que ce soit, mais que aucunement soit coulouréz que pour aucune juste cause soit souffist assez. (Chr. Piz., Paix W., 1412-1413, 78)

2.Malheur, misère, infortune.

Signeurs, n'aiez doubtance De la planté, de la puissance Des anemis Dieu, ne freour, Qu'il vivent en si grant errour, En tel pechié, en tel misere, Qu'il ne congnoissent Dieu le pere, Ses commandemens, ne sa loy. (Mach., P. Alex., p.1369, 66)

O tres noble dame et honneste, Vous estes grandement enferme, Ensaincte et pres de vostre terme ; A joye en puissiés delivrer ! C'est grant pechié de vous livrer Ce travail [d'aller à Bethleem] et bien je vous plains. (Gréban, Pass. J., c.1450, 63)

...ung ange luy revela [à David] Qu'aprés que septante sepmaines seront acomplies et pleines, Nostre pechié doit terminer et vraie justice regner. (Gréban, Pass. J., c.1450, 123)

Par ces pechiés il entent les douleurs, les courous et les perturbations des infortunes et des pertes des choses dehors (Oresme, Ycon. Arist. M., 1374, 829)

Sy [le garçon rusé que j'aime] ne me sceust tant detrainer, Fouller aux piez, que [moi, la belle Heaumière] ne l'aymasse, Et m'eust il fait les rains trayner, S'il m'eust dit que je le baisasse, Que tous mes maulx je n'oubliasse. Le glouton, de mal entaichié, M'embrassoit... J'en suis bien plus grasse ! Que m'en rest'il ? Honte et pechié. (Villon, Test. R.H., 1461-1462, 54)

II. -[Domaine religieux et moral]

A. -RELIGION

1.Transgression de la loi divine.

LA CHAMBERIERE. (...) Et me donnez grace de vivre, Si que m'ame s'en voit delivre De pechié, quant il avenra Que de mon corps departira (Mir. enf. ress., 1353, 3)

...plus entechiés Sui de vices et de pechiés Qu'il n'a dedens la mer d'areinne, Ma grant iniquité me mainne (Mach., C. ami, 1357, 54)

...car l'en ne les puet bien faire [ces choses ici] et ne puet l'en dire que il sont a faire quant il convient ou appartient et en la maniere que il convient, c'est assavoir, adultere, larrecin et telles choses, car c'est pechié de les faire en quelconques maniere. (Oresme, E.A., c.1370, 163)

...il recommenda l'ame de soy à Dieu, à la benoite Vierge Marie et à toute la sainte Trinité de Paradis, en eulx requerant que ses meffaiz, torfaiz et peschez lui voulsissent pardonner (Reg. crim. Chât., I, 1389-1392, 22)

...s'il eust eu bonne volunté de bien faire et soy retraire de pechié, il n'eust pas continué et perseveré esdiz larrecins. (Reg. crim. Chât., II, 1389-1392, 525)

Hee, faulse Fortune, (...) tu m'as fait occire cellui qui tant m'amoit, cellui qui tant de bien m'avoit fait ! (...) Non contrestant, puis qu'il ne peut autrement estre, je partiray de ces marches et m'en yray querir adventure en lieu ou je pourray esperir [l. espenir] mon pechié, s'il plaist a Dieu. (Arras, c.1392-1393, 23)

Se Gieffroy, vostre filz, a fait son oultraige par son courage merveilleux et fort, sachiez que de certain c'est pour le pechié des moines, qui estoient de mauvaise vie et desordonnee ; et en a Nostre Seigneur voulu avoir la punicion (Arras, c.1392-1393, 255)

...par les blasphemes horribles qui ont cours en ce royaume (...) et autres pechiez non dicibles (Baye, I, 1400-1410, 333)

Ha ! dolente creature encline a pechié et a tout vice ! (Chr. Piz., Trois vertus W.H., c.1405, 14)

...quant tu penseras sur la iustice de Dieu quil [l. qu'il] excerce en homme pour la cause de pechie [l. pechié] ; et leueras ta pensee a mediter en humilite [l. humilité] lestat [l. l'estat] de nature humaine qui a este nauree de pechie [l. pechié] ainsi quil [qu'il] a este [l. esté] dit. (Cib., p.1451, 187)

...confessés moy : j'ay a ceste heure tres fresche memoire de mes pechez et parfecte contrition. (C.n.n., c.1456-1467, 60)

...quand il voit le curé refusant d'oyr ses peschez, il mect la main a sa grand coustille (C.n.n., c.1456-1467, 61)

Que mauldite soit la cabasse Qu'est cause d'ung si grand peché ! (Pass. Auv., 1477, 100)

Le doulx cuer en m'oyant fructiffie, Et de ses pechés mercy crie. (Pass. Auv., 1477, 137)

Le second cas et le second pechié qui empesche mariage, se il preste et donne foy a l'adultere que il la prendra en femme aprez la mort de son mary ou aprez la mort de sa femme. Le tiers pechié est quant il ne preste ne donne la foy a la femme adultere de la prendre a mariage, mais principalement il la prend a femme et de fait contrait avec elle, car comme dist le decret, c'est plus grant chose de la prendre que donner la foy a elle de la prendre. (Sacr. mar., c.1477-1481, 62)

Se l'offence où tu es emprainte N'est par penitance remise, Dieu n'exaulcera point ta plainte Veu la (grant) faulte que tu as commise. Despouille ton orde chemise De peché, dont tu es vestue, Ou certainement je t'avise Qu'en brief te verras abbatue. (Cene dieux, c.1492, 137)

Et en maints lieux grosses femmes ensaintes A deux genoulx devant vierges et sainctes Tres humblement retourneront leur face, A celle fin que Jesucrist luy face Soit par priere, par offrande ou par don, Entierement de ses pechez pardon (La Vigne, V.N., p.1495, 316)

Et encore estoit bruit tout notoire que, quant aucuns des mariz desdittez femmes et peres et meres desdittes filles deffendoient à leurs filles de non le hanter, il y trouvoit moyen, pour acomplir sa puante luxure et sans y garder ordre de droit, de les mener en lieu propre où les peres et meres et les mariz des femmes le povoient veoir acomplir son maleureux peché. (Le Clerc, Interp. Roye, c.1502, 196)

Commettre peché

...conment ay je vesquy Depuis que tel pechié conmis ? (Mir. mère pape, c.1355, 360)

«...Par le pechié que j'ay en vostre corps commis M'est avenus droit cy cest doeul et chest peris !...» (Huon Bordeaux B., c.1400-1450, 249)

Lez pugnitions des hommes ne sont pas tousjours selon le present meffait, ne pas ne leur en est besoing: car se a tous propos que ilz commettent pechié ilz estoient pugnys, on lez congnoistroit par grant ostacle. (Chart., L. Esp., c.1429-1430, 50)

Commission de peché. Fait de commettre un péché.

Mais le portail par ou l'en va a perdition est large et patent, et y entre l'en de legier par une double porte, dont l'un des huys est commission de pechié, l'aultre est omission de bienfait. (Chart., L. Esp., c.1429-1430, 26)

...s'il y aloit, il commettroit ung des troiz pechiez qu'i luy fut dit ; c'est assavoir qu'il s'en yvreroit, ou qu'il commettroit le pechié d'avoultrise, ou qu'il feroit homicide (Nouvelles inéd. L., p.1452, 100)

Choir/enchoir en peché

Et est le sens des paroles dessus dittes : comme le cheval sauvage ou non aprivoisié et dur tresbuche et tue soy et chelui qui siet sur soy, ainssi le filz sans discipline ou lasche chiet en pechié et occist son ame de double maladie. (Daudin, De la erudition H., c.1360-1380, 187)

Helas ! que tu te dois hair, Se tu enchiez sanz mariage En tel pechié et en tel raige ! (Desch., M.M., c.1385-1403, 314)

Et se sa loy enjoint abstinence, elle y adjouxte mesure, ad ce que par abondance le corps n'enchee en pechié, ou par faulte de nourrissement il ne se treuve en foiblesse. (Chart., L. Esp., c.1429-1430, 129)

Oncques ne fut clerc si saige ne homme si attempre, se Dieu ne le gardoit, quil [qu'il] nencheist [l. n'encheist] tost en pechie [l. pechié] (Miélot, Mir. N.D. W., 1456, 67)

Faire confession/se confesser d'un peché

Et dist, sur ce requis, que, depuis ledit temps, il a esté par pluseurs foiz à confession et receu son Sauveur, mais dudit pechié ne se ossa oncques confesser à prestre aucun. (Reg. crim. Chât., I, 1389-1392, 112)

Beaux amys, de tous tes pechez Dont tu as fait confession Requiers tu absolution ? (C. Riffl., c.1480-1520, 60)

2.[Distinctions selon la nature, la gravité]

a)[P. oppos. à peché originel] Peché actuel. Péché commis par le pécheur lui-même.

Et se vous me dittes que il la garda assez de pechié originel, car, avant qu'elle conceüst Jhesuchrist, elle en fust purgiee, je vous respons que aussi vous pourroie je dire, du pechié veniel, que il la laissa choir, mez aprés, avant qu'elle le conceüt, il la purga, laquelle chose n'est mie vraie, par l'auctorité dessus dite, car elle ne fust onques [entechie de] pechié actuel. (Songe verg. S., t.2, 1378, 253)

Peché originel. Péché de désobéissance commis par Adam et Ève dont tout être humain est entaché en naissant.

La seconde maniere est quant aucun est racheté de pechié veniel, et si n'est mie enchoit en pechié mortel. La tierce maniere, quant aucun est racheté aprés ce que il est enchoit en pechié originel, conme sont lez enffans qui sont rachetés du pechié originel par le baptesme (Songe verg. S., t.2, 1378, 252)

Pour quoy donc seuffre ta non challance s'avugler en la nuee de ce mortel corps, seduit par les passions humaines, et cheoir avec la pesenteur de charnalité abatue par les hurs de fortune, quant tu le dois enluminer et ressourdre, et recurer l'ancienne masse du corps humain, enclinee a vice, et infecte par l'originel peché, en nouvelleté d'esperit purifié par impartition de grace. (Chart., L. Esp., c.1429-1430, 26)

...Dieu, qui vous voit en tout lieu (...) vous a creé ung bel vaissel, soullé de pechié originel pour cause de vostre engendreure quant estes mis ou corps, et puis par baptesme estes nettoyé et fait pur et net. (Nouvelles inéd. L., p.1452, 115)

[Toi, Marie d'Orléans] qui nostre paix batist et brasse ! La paix, c'est assavoir des riches, Des povres le substantament, Le rebours des felons et chiches ; Tres necessaire enfantement, Conceu, porté honnestement, - Hors le pechié originel - Que dire je puis sainctement, Souverain bien de Dieu eternel. (Villon, Poèmes variés R.H., c.1456-1463, 40)

...prescha que la très pure et inmaculée Vierge Marie, glorieuse mere du benoist Fils de Dieu, estoit contaminée du peché originel. Semblablement ung autre docteur, ce mesme temps, à Rouen, dist en plaine chaire : 'Si je ne monstre qu'il soit ainsi que la Vierge Marie soit conceue en peché originel, je vuel que l'on m'apelle Huet' (Simon De Phares, Astrol., c.1494-1498, f° 149 r°)

Peché d'Adam

Ce nous renouvelle, Pour vous, Mere, à Dieu ancelle, Car destruit Estiemmes tuit Dou pechié le pere Abel (Mach., Les lays, 1377, 398)

Desquieux [Noé et sa famille] touz li humains linaiges Est yssuz, qui encor compére Le pechié dou dit premier pére (Jour Jug. R., c.1380-1400, 215)

Le premier livre et chappitre declaire la redempcion humaine, c'est assavoir du peché du premier homme, faire ne se pouoit par aultre personne que par celle du Filz, en deité conjoincte en humanité. (Crap., Cur Deus, De arrha B.H., c.1450-1460, 163)

...et de ce tu te pourras esleuer a mediter sur la vengence que Dieu fait si generalement pour le pechie [l. pechié] de Adam. (Cib., p.1451, 187)

Peché d'Ève

Je demande a Justice, puisque elle veult les loys estre gardees, se nostre Dame sera point comprise en la generale loy et maudisson que bailla Dieu aux femmes pour le pechié de Eve, c'est que en tristesse enfenteront et en engoisses ? (Gers., Concept., 1401, 402)

Le premier peché. Le péché originel.

Tout ce qu'estoit de moy escript Tout est consommé, car l'esmende Du premier peché est payee ! (Pass. Auv., 1477, 223)

b)Peché de tel défaut ou vice

Peché d'avarice

Dont, par ce, le vray amoreux, tel que je dy, pour acquerir la tres desiree grace de sa tresbelle dame, toutes les acomplist et laisse ce tres desplaisant pechié d'avarice et se acompaigne avec celle tresdoulce et tres amiable vertu de largesse, qui est amie de Dieu et honnoree du monde, et par ainsin est il sauvé. (La Sale, J.S., 1456, 23)

Peché d'avoutrise

...s'il y aloit, il commettroit ung des troiz pechiez qu'i luy fut dit ; c'est assavoir qu'il s'en yvreroit, ou qu'il commettroit le pechié d'avoultrise, ou qu'il feroit homicide (Nouvelles inéd. L., p.1452, 100)

Peché de desobeissance

Lesquelz, incontinent que ilz se consentirent a pechié de desobeïssance, furent subitement chassiez dudit lieu de paradiz que Dieu avoit sacré. (La Sale, Salade, c.1442-1444, 138)

Peché d'envie

Ce nous renouvelle, Pour vous, Mere, à Dieu ancelle, Car destruit Estiemmes tuit Dou pechié le pere Abel, N'estoit cils ou celle, Donsiaus ou donselle, Dame ou demoiselle, Qui n'alassent pelle melle, À grant bruit, Où riens ne luit. (Mach., Les lays, 1377, 398)

De ce vil péché d'envie en parle Platon, et dit : Estudie et employe-toy à fuir envie, car envie est sans amour et sèche le corps et fait le coeur inique et mauvais. (Faits Lalaing K., c.1470, 18)

Peché de gueule

Je le te dy, belle seur, car je voys ycy une geline, que l'om nous ha tremys pour nostre disner. Et quar le pechié de goule est le peché qui plus fait obscur l'entendement de la creature et toute la devotion de l'arme, pourtant je vouldroye, se il te plaisoit et sembloit bon, que nous jeunessions huy, et puys toute ceste nuyt serons en oroyson (La Cépède, Paris Vienne K., 1432, 231)

Peché de haine

Et je croy bien que Dieux vous aimme, Car il le vous a bien moustré En lieus où vous avez esté, Si que, fieux, je vous vueil reprendre Et, en vous reprenant, aprendre Que c'est si mauvaise racine De vivre en pechie [l. pechié] de hayne, Que bien jamais ne fructifie (Mach., P. Alex., p.1369, 237)

Peché d'idolatrie

Le inobedient est comme ung serviteur a sa propre volenté, car il actribue a luy la subjection a Dieu deue, qui est pechié de ydolatrie. (Daudin, De la erudition H., c.1360-1380, 223)

Soubz celle deception commença entre les hommes le peché de ydolatrie, quant Ninus fist une statue d'or pour memoire de son pere Belus, et commenda adourer du peuple comme Dieu, dont les hommes foibles de sens et faciles a pernicieulx exemples ont depuis prins la coustume de adourer et prier les ydoles, et faire ymage a leurs proismez et bienfacteurs, ou a ceulx qui en leur vie avoient esté puissans et redoubtez. (Chart., L. Esp., c.1429-1430, 113)

Peché d'ire

En luy ne te fie jamais, Car tu seroyes a martyre, N'a Desconfort ne te submes [l. submés] Car ilz sont plains du peché d'yre. (Régn., F.A., 1432-c.1465, 102)

Peché d'orgueil

Et premiers, au regart du pechié d'orgueil : pour acquerir par l'amant la tres desiree grace de sa dame, se efforcera d'estre doulz, humble, courtois et gracieux (La Sale, J.S., 1456, 17)

Et par ainsi, mon fils, bannissez et déchassez arrière de vous ce très-déplaisant et abominable péché d'orgueil et toutes ses circonstances (Faits Lalaing K., c.1470, 16)

Peché de paresse

Et pour ce, mon ami, que les amoureux telz que je dy sont par telles vertus sauvez, habandonnent ce tresvil et maleureux pechié de paresse pour eulx acompaignier avec la tres resplendissant vertu de diligence, vous prie que soiez de ceulz, et lors serez de ce maleureux pechié de paresse sauvé et quictes. (La Sale, J.S., 1456, 25)

...je veux et vous commande, mon fils, que mettiez peine d'estre du nombre d'iceux ; et lors serez quitte de ce malheureux péché de paresse (Faits Lalaing K., c.1470, 21)

Peché de parjurement

...il trebucha en fausseté, et sa desloiauté enforsa par le pechié de parjurement. (Foul., Policrat. B., II, 1372, 193)

Peché de schisme

Item, est assavoir que crime de lèze-majesté divine se part en deux degrez. Le premier, si est quant on faict directement injure au Souverain Roy qui est nostre souverain Dieu (...). La seconde est quant on fait injure directement contre l'espouse de nostre Souverain Roy et nostre seigneur Jhésus Crist, c'est assavoir saincte Eglise, et est quant on commet péché de scisme ou division en ladicte Eglise. (Monstrelet, Chron. D.-A., t.1, c.1425-1440, 187)

Peché de + inf.

Mais j'ay trop fort mal en ma teste De ce qu'evesque et archevesque, Qui ont si nobles benefices, Atrapent les mondains offices, Car, pour le couvoiteus pechié D'avoir gaiges, leur eveschié Laissent, et sont entre les princes, Gouvernens l'argent des provinces, Plus tyramps, plus particulers Que ne soient les seculers. (Desch., M.M., c.1385-1403, 154)

c)En particulier. [Domaine sexuel]

Peché de (la) chair

Et ne te dampne De suir en ce temps obscur Pechié de char, car ou futur En seroit ta vie abregiée, Et en la fin t'ame dampnée (Desch., M.M., c.1385-1403, 17)

Et luy souvint de Marie-Magdeleine, qui fut une grande pécheresse ou péché de la chair, et invocoit Dieu moult dévotement et la vierge Marie en son aide. Puis, comme bonne catholique, après la réception de ses sacremens, demanda ses Heures pour dire les vers de sainct Bernard (Chart. J., Chron. Ch. VII, V., t.2, c.1437-1464, 184)

Peché de luxure

Débauche.

...j'ay depuis mis Mon corps au pechié de luxure (Mir. abbeesse, 1340, 96)

Sur cette mer Morte souloit avoir cinq cités : c'est assavoir Sodome, Gomorre, etc.., lesquelles fondirent jusques en bisme pour le vil peché de luxure. (Voy. Jérus., c.1395, 36)

Peché de luxure en sa parenté. Inceste.

Et fault noter que ilz sont pluseurs crimes et pechiéz qui pour leur enormité empescent a contraire mariage, comme est inceste, qui est apellé pechié de luxure en sa parenté. (Sacr. mar., c.1477-1481, 62)

Peché contre nature. Toute relation sexuelle contraire à l'ordre naturel (sodomie, masturbation).

Ce est a dire le pechié contre nature. Et de ce parle l'Escripture ou secunt livre des Machabees, comment Jason establi ephebie, ce est a dire bourdel d'enfans masles (Oresme, Pol. Arist. M., c.1372-1374, 106)

La .Ve. [fille de luxure] est la pire, si est le pechié contre nature, qui tant desplait a Dieu et est de si grant ordure que selonc ce qu'il se dit, pour le seul parler l'air en pourrit. (Mézières, Vertu sacr. mar. W., c.1384-1389, 292)

Peché de corps. Péché de la chair ; adultère.

...plusieurs fois se soit efforciez (...) d'aler et entrer ou jardin d'iceux mariez et en leur maison, contre leur gré et voulenté, pour avoir compaignie charnèle avec ladicte Jehenne, qui est bonne femme, sanz estre reprouchié d'aucun péchié de corps. (Ch. VI, D., t.2, 1382, 131)

Et celle dame avoit un esparvier, ou tout chevalier de noble sang qui le povoit veillier IIJ. jours et IIJ. nuys, sans dormir, elle s'apparissoit a eulx, et avoient un don de elle, tel qu'ilz le vouloient demander, voire des dons temporelz, sans pechié de corps, ne sans elle touchier charnelment. (Arras, c.1392-1393, 302)

Faire peché de son corps. Se prostituer.

... [elle] a depuis demouré ès villes dessus dites, tant en service comme à faire pechié de son corps, à Beauvaiz, au bordel et cloistriere et de laquelle ville elle s'est partie cinq mois a ou environ, et s'en est venue demourer à Paris, en la rue de Glatigny, pour faire samblablement pechié de son corps. (Reg. crim. Chât., II, 1389-1392, 392)

Peché de sodomite

En ce mesmes temps advint en la ville de Bruges que ung nommé Jacques Purgatoire, contempnant Dieu et la court céleste, avoit commis ung détestable péché de sodomite, autrement dit bougrerie, et avoit eu charnellement, par force, maistrise et viollance, copulacion avec plussieurs personnes par le fondement. Pourquoi fut par les gens de justice emprisonné et après deument examiné, et le délit par lui confessé, fut presché en lieu publicque, et affin qu'il tournast à example à tous, fut condampné par justice à estre ars et brûlé au lieu et place en tel cas acoustumé. (Chart. J., Chron. Ch. VII, V., t.1, c.1437-1464, 184)

Femme/fille de peché. Femme qui se livre à la débauche, prostituée.

...ycellui de Saint-Cloud et lui alerent au bordeau de Tiron, ouquel il prindrent une fille de peché qui illec seoit au bordeau, laquelle ilz menerent boire à la ville de la Pissote, prez des vignes du boys de Vinciennes, et avecques eulx estoit un compaignon nommé Perrin de Creux. (Reg. crim. Chât., I, 1389-1392, 61)

...il a espousé une fille de peché qui est putain publique, demourant à Rouen vers Rosebec, ou lieu où l'en vent le poisson de mer, assez prez de l'eglise Saint-Ouen de Rouen. (Reg. crim. Chât., I, 1389-1392, 83)

...une femme de peché, leur chambrière, nommée Guillemine (Doc. Poitou G., t.11, 1469, 194)

d)Peché mortel/mortueux. Péché qui expose à la damnation éternelle.

Aussi faisoit il autre chose Dont s'ame Dieu prise et alose, Et je le tesmongne encor tel, Qu'onques en un pechié mortel Ne se volt couchier ne armer. (Mach., C. ami, 1357, 121)

Mais il a fait pechié mortel. (Mir. femme, 1368, 184)

Vous savez bien que je di voir Et si est contre l'evangile, Qui dit que c'est chose si vile De haïr ; et c'est un mors tel Com de vivre en pechie [l. pechié] mortel (Mach., P. Alex., p.1369, 237)

La seconde maniere est quant aucun est racheté de pechié veniel, et si n'est mie enchoit en pechié mortel. La tierce maniere, quant aucun est racheté aprés ce que il est enchoit en pechié originel, conme sont lez enffans qui sont rachetés du pechié originel par le baptesme (Songe verg. S., t.2, 1378, 252)

Une recapitulation des .VIJ. maladies des dames malcontentes, desquelles maladies les .VIJ. pechiés mortelx sont engendrés, et de la garison par l'example et miroir de la Passion de Jesu Crist ; et premierement de la maladie d'idropisye segnefiant orguel. (...) et [la dame malcontente] ne se pouoit saouler de boire, voire les bruvages de ce monde, honnours, richesses et delis dont elle estoit encheue, non pas tant seulement ou pechié d'orguel mais en tous les autres : avarice, gloutonnie et luxure, yre, envie et peresse (Mézières, Vertu sacr. mar. W., c.1384-1389, 272)

Mais pechié mortel quelconque, c'est certain, corrompt et viole innocence de l'ame. (Gers., Concept., 1401, 402)

Mon Dieu puissant et vertueulx, Je te deprie pour tous ceulx Qui en mon nom te serviront : Garde les de peché mortueulx Et leur octroye, beau sire Dieux, Ce qu'en mon nom te requerront (Myst. st Laur. S.W., 1499, 248)

Peché criminel

Sainte vraie crois aourée, Qui du cors Dieu fus aournée, Et de sa sueur arosée, Et de son sanc enluminée, Par ta vertu, par ta puissance, Deffent mon cors de mescheance, Et si me defent de tout mal Et de tout pechié criminal, Et m'otroie par ton plessir Que je puisse confés mourir (Doc. 1350-1400. In : L. Delisle, Bibl. Éc. Chartes 1905, 533)

[P. oppos. à peché mortel] Peché véniel. Péché qui peut être pardonné.

Se l'Eglyse a aucun apprové conme saint, il ne s'ensieut mie que, pour tant, elle approve sez pechiés mortieulx [et] venieux, lezquelx il avoit faiz avant sa canonizacion. (Songe verg. S., t.2, 1378, 236)

La seconde maniere est quant aucun est racheté de pechié veniel, et si n'est mie enchoit en pechié mortel. (Songe verg. S., t.2, 1378, 252)

La quinte maniere est quant aucun est tellement racheté que il ne puet comettre aucun pechié veniel, conme dient aucuns de monseigneur saint Jehan Baptiste (Songe verg. S., t.2, 1378, 252)

...nostre Dame a toudiz esté belle sans laidure de pechié quelconque originel, veniel ou actuel (Gers., Concept., 1401, 421)

Quartement il puet estre fait a cause de luxure estre acomplie, et en cest estat est pechiet ou veniel ou mortel, selon que la luxure est veniele ou mortele. (Sacr. mar., c.1477-1481, 46)

De la penitance des pechiéz venielz. (...) Par quoy pechié veniel est pardonné. (Somme abr., c.1477-1481, 96)

Locution. Faire d'un peché veniel un peché mortel. Être d'une sévérité excessive.

Les ungs pugnissent soubz umbre de justice et ont gens de ce mestier prestz à leur complaire, qui d'ung peché veniel font ung peché mortel (Comm., II, 1489-1491, 214)

Peché d'omission

Des pechiez de obmission, non faire ce qu'on doit et est tenus. (Somme abr., c.1477-1481, 91)

3.Locution. proverbe.

a)Locution. Mettre qqc. avec les pechés oubliés. Ne plus penser à qqc..

Mais depuis que les aides alectives en France mistrent le pie, pour leur grant habondance le demaine royal et bon gouvernement moral ont este mis avec les pechiez oubliez. (Mézières, Songe vieil pèl. C., t.2, c.1386-1389, 357)

Estre remis avec les pechés oubliés. Être complètement oublié.

Si se print a doubter (...) la belle Katherine, qu'elle estoit remise avec les pechez oubliez [Retrouvant son ancien ami, une jeune fille constate son indifférence] (C.n.n., c.1456-1467, 174)

b)Proverbe.

Pechés rendent l'ame servile

Je m'esbaÿs que n'apperçois Que brief seras mis au tombeau Et ausi tost comme tombe eau Defauldra ta plaisance ville. Pechez rendent l'ame serville. (Meschin., Lun. princes M.-G., c.1461-1465, 59)

Peché rompt le col à son maistre

NEMBROTH. Toute la loy gaste et destourne [Jésus] Si nous vueult de son erreur paistre. EMILÏÜS. Ainsi va qui s'atourne : Pechié rompt le col a son maistre. (Gréban, Pass. J., c.1450, 281)

Qui fait peché il en paiera la taille

Ce quay [l. qu'ay] seme [l. semé] il fault que je mestive [;] las que sera ma povre ame chetive (...) Qui fait peche [l. peché] il en payera la taille. (Comp. kal. bergiers C., 1493, g IV v°)

Vieux peché fait la vergogne nouvelle

'...Pensés comme des Turcz delivré vous soyés, Vous recouvrerés femme assés si vous voulés !' Ainsi disoit la faulce qui fit tous ces meschiefz, Maiz ains qu'i soit longt temps son corps sera payés, Car novelle vergogne vient bien de vieulx peché. (Flor. Octav. L., t.2, c.1400, 426)

Je voy bien que le proverbe que on dit est vray, que vieux pechié fait la vergoingne nouvelle. (Arras, c.1392-1393, 59)

Vieux peché fait nouvelle plaie

Le roy Pandrasus soy veant estre au-dessoubz ottroya au duc Bructus sa demande ; un pou gemy il pour lamour [l. l'amour] de sa fille quil [l. qu'il] donnoit a son ennemi mortel, toutesfoiz se resconfortoit il en disant que Bructus estoit preu et gentil, sycque encores leur eust il volontiers donne [l. donné] la tierce partie de son royaulme et tenu francs et quittez a toujoursmais se ilz eusent [sic] volu demourer la, mais Bructus avoit advise [l. advisé] que viel pecie [l. pecié ; var. pechie] fait nouvelle playe (Wavrin, Chron. H., t.1, p.1471, 64)

[Sentence] L'aumosne esteint le peché

Garde qu'aus povres soit ouverte Ta main a gaaing et a perte, Et Dieus le te rendra a double, Adès pour un denier un double, Car le pechiet aumosne esteint, Si com l'iaue feu, quant l'ateint. (Mach., C. ami, 1357, 136)

Peine donnee, patiemment portee allege le peché

Aussi dist Gautier que 'paine donnee, pacianment portee, allege le pechié et la constrainte l'amendrist.' (Daudin, De la erudition H., c.1360-1380, 205)

Qui une fois s'accoustume à pechier, legierement tombe les autres foiz ou grief peché

...puis qu'elle change une foys, Son lit certes ne deux ne trois A homme ne refusera, Et ainsis honnie sera ; Car qui une fois s'acoustume A pechier, legierement tume Les autres foiz ou grief pechié, Dont il est prins et entechié. (Desch., M.M., c.1385-1403, 57)

Par les pechiés du roi est puni le peuple, et par le peché du peuple est deprimé le roi

Sainte Escripture te monstre que par les pechiez du roy est pugny le peuple, et par le pechié du peuple est deprimé le roy. (Chart., L. Esp., c.1429-1430, 43)

Se le peché est manifeste la correction doit estre publique

Se le pechié est magnifeste, la correction doit estre publique, selonc le dit de l'Apostre en la premiere Epistre aux Corinthiens ou .Ve. chapitre : «Reprens devant tous cheulx qui pechent, affin que les aultres ayent cremeur». (Daudin, De la erudition H., c.1360-1380, 194)

Là où il n'y a point de peché il ne doit y avoir nulle punition, et là où il y a peché il doit y avoir punition raisonnable, selon le peché

Mes toutesfoys les sages dyent que la ou il n'a point de pechié, ne doit avoir nulle punition, et la ou il ha peché doit avoir punytion raisonnable selon le pechié. (La Cépède, Paris Vienne K., 1432, 194)

B. -Crime.

Que voult ce dire que Cyrus pour le pechié [lat. scelus] d'un ancian fut exposé es bois afin que la il perisist...? (Foul., Policrat. B., I, 1372, 129)