CRIME

substantif masculin

[T-L : crime ; GDC : crime ; AND : crime1 ; FEW (II-2, 1339a) : crimen ; TLF (VI, 492a) : crime]

A. -Accusation, chef d'accusation.

...et si vous prie, dist il, o vous consul, que se le senat vous commet le negoce, vous tout premierement exercés les enquestes encontre moy et contre cesti Folius, affin que il appere que nous, par nostre innocence et non mie par la puissance de noz magistraz, nous volons delivrer de telz manieres de blasmes et de crimes ! (Bers., I, 9, c.1354-1359, 26.19, 49)

Je vous demande pourquoy c'est que, ja soit ce que ilz treuvent lez lays purs et innocens dez crimes lezquelx leur sont imposés, nientmoins ilz lez detienent encore prisonniers pour païer leurs escriptures, laquelle chose est contre Droit et contre rayson, car ilz deveroient estre franchement delivrés. (Songe verg. S., t.2, 1378, 156)

Par ma foy, il est mauvais hom, Lerres et crimineulx de lui Qui crime impose sur nullui (Desch., M.M., c.1385-1403, 289)

Et par ainsy je accorde que saint Pol reprist justement saint Pierre sans ce que on impose crime a saint Pierre mais grant louange, comme dit est. (Gers., P. Paul, a.1394, 490)

Pareillement vïolateurs, Vïolentement oppresseurs De filles, femmes sans respit, Selon les droitz et vray edit Encourent crime capital ; Et au cas semblable et esgal, Gens obstinez, felons, et fiers, Guetteurs de chemins et meurtriers De faict et d'aguet, loy et raison Si les privent de remission (Myst. jeune fille L., c.1413-1445 [c.1530], 69)

On m'a mis sus, par ygnorance, Un criesme dont j'ay si grand deul Que je ne puis prendre plaisance, Ains suis de morir en escueil. (La Dame leale en amour, éd. A. Piaget, c.1425-1430. In : Romania 30, 1901, 328)

Et, par icelui arrest, fut ramené à fait le cas et crimes à lui imposez et la condemnacion jadis contre lui prononcée à Vendosme, durant la vie du bon roy Charles, dont Dieu ait l'ame, et le pardon et grace que de ce lui avoit depuis fait le roy de lui laisser la vie saulve, et que depuis il avoit encores continué de mal en pis, comme ingrat. (Roye, Chron. scand., I, 1460-1483, 316)

Et, après ces choses ainsy faictes, fut aussi adjourné à comparoir en ladicte court maistre Jehan Herbert, evesque de Coustances, pour respondre à plusieurs crimes et cas à luy imposez, où il vint et comparut, et fut par ce interrogué, et puis par arrest de ladicte court fut fait et constitué prisonnier es prisons de la Conciergerie et tous ses biens et temporel mys en la main du roy. (Roye, Chron. scand., II, 1460-1483, 98)

Quant tu auras a condanner Aulcun homme, de crime actaint, Garde toy bien de te danner Et d'estre d'omicide tainct, Car si haine pitié extainct Tu seras de sa mort en coulpe. (Meschin., Lun. princes M.-G., c.1461-1465, 62)

Motif d'accusation.

Soions aprestés de fort morir en la bataille, et ne inferons crieme a nostre glore ne ne fuyons point la croix. (Internele consol. P., 1447, 251)

B. -Acte délictueux.

1.Acte délictueux grave, au regard de la loi, de la morale, de la religion.

Quartement, il est dit en une decretale qui se commence SI SACERDOS que se un prestre scet par confession le crime d'un homme, il ne peut tel homme pugnir ne excommunier par son propre nom. (Oresme, E.A.C., c.1370, 316)

Secondement, le Pape puet estre jugié par honme humain quant son crime est tout notoire et tel que toute l'Eglyse est en esclandre pour luy. (Songe verg. S., t.1, 1378, 202)

Dist aussi, sur ce requis, que ladicte femme n'ot oncques que ledit coup, et ne la fery ou bouta en aucune maniere, ne aussi n'a esté avec icellui Perrin ou autre à aucun autre crime, larrecin faire, ne de soy seul n'a fait aucuns autres cas que cy-dessus sont exprimées et declairées. (Reg. crim. Chât., I, 1389-1392, 118)

...et aussi, comme l'en lui voult donner et jetter de l'eaue sur lui, requist instaument que l'en le meist jus, et il diroit [ verité ] dudit crime et larrecin par lui fais et commis, et qui vrayes estoient par la maniere que lesdis tesmoings l'avoyent ouy dire, et aussi qui le deposoyent. (Reg. crim. Chât., I, 1389-1392, 287)

...resveillez-vous, juges, levez-vous, procureur et advocas royaulx et toutes cours de justice à venger tel crime, autrement il redundera sur vous, car mesme avoit oy dire au Chancellier que, lui estans presidens en la Court, avoit esté menacié d'estre tué (Baye, II, 1411-1417, 261)

Disoit en oultre que Charles, soy nagaires disant dauphin, n'avoit aucun droit de succeder oudit royaume de France, et que s'aucun droit avoit eu, il l'auroit perdu et s'en seroit rendu indigne, et seroient touz absolz de sa segnorie et de sa feaulté, et seroit encheu es paines temporeles et espiritueles pour occasion de l'orrible et detestable crime, commis et perpetré en sa presence, de son commandement, consentement et adveu, contre les seurtés jurées et par pluiseurs fois reiterées et passées avec le feu duc de Bourgongne, dont il apparoit et appert plus à plain par ses lettres. (Fauq., II, 1421-1430, 74)

Et conclus d'[ un ] aultre costé Qui ne vouldra estre a mort mis Que les gens de saine posté Ne visitent point leurs amys, En ce avez crime commis Contre Dieu et contre sa foy, Qui veult chacun estre submis Son prochain aymer comme soy. (Cene dieux, c.1492, 138)

Et avec ce a adheré et eu intelligence avec Jehan, comte d'Armignac, aux grans faultes, infidelités, desobeïssances, crimes et delictz qu'il a faitz et commis à l'encontre de nous, et à invader, piller et rober noz pays, officiers, serviteurs et subjectz. (Le Clerc, Interp. Roye, c.1502, 244)

Encheoir/rencheoir en un crime. Se rendre coupable de cet acte.

De femme nuist prochienneté: Qui trop prouchains en a esté, Encheus en est en grief crime. (Desch., M.M., c.1385-1403, 195)

Combien qu'on n'ardë ou ne pende Cellui qui en tel crime enchiet, Je suis certain, quoy qu'il actende, Qu'en la fin il lui en meschiet, Et qu'onneur et bien lui dechiet, Car Faulceté est si maudite Que jamais hault honneur ne chiet Dessus cellui ou elle habite. (Chart., B. Dame, 1424, 352)

...ledit Jacques Cuer est encheu ès crimes de concussion et exaccions de noz finances et de noz païs et subgiez, de faulx, de transport de grant quantité d'argent aux Sarrazins, ennemis de la foy chrestienne et de nous, de transport de billon d'or et d'argent en grant nombre hors de nostre royaume, transgression des ordonnances royaulx, crime de lèse-maiesté (Aff. Jacques Coeur M., 1453-1457, 13)

...veue (...) la quantité des foiz qu'il est renchu esdiz crimes (...) vous mandons que prononcez lesdiz dictum et conclusions par vous prins, et icelluy mectés à excecucion selon sa forme et teneur. (Lettres Louis XI, V., t.6, 1475-1478, 210)

Encheoir tel crime

...et de quoi les favorisans et consentans encheurent le crime de lèse-majesté, et une mesme peine et offense avecques le délinquant (Chastell., Chron. K., t.5, c.1456-1471, 114)

Crime capital. Crime passible de la peine de mort.

...quant pluiseurs personnes estoient à faire aucun murtre ou autre crime capital, les dessus dis eschevins ne condempnoient criminelment que l'un des dis malfaiteurs qui le fait advooit, dont pluiseurs inconveniens sont ensievy, advisé est que toutezfois que aucun tel fait sera fait d'aguet appensé ou de certain propoz, tous en seront pugni criminelment. (Hist. dr. munic. E., t.1, 1379, , , 397)

Crime mortel

Ay je ce fait Et commis ces crimes mortelz ? (Chr. Piz., Chem. estude P., 1402-1403, 126)

Crime de telle chose

En particulier. Crime de lèse-majesté. Atteinte à la majesté du souverain, attentat commis contre sa personne, son pouvoir, l'intérêt de l'état.

...après qu'il fust dit et declaré ycelui de Montfort estre encheu en crime de lese majesté et avoir commis felonnie envers le Roy (Chron. Jean II Ch. V, D., t.2, 1364-1380, 353)

Et la cause pour laquelle il [lez Papes et leurs cardinaulx] n'osoient lez appeller loys estoit car il doubtoient estre repris ou corrigés dez princes seculiers conme de crime de lese majesté, car au seul prince secullier appartient faire loy. (Songe verg. S., t.1, 1378, 103)

Tous lesquieulx dirent et furent d'oppinion que, veue ladite confession, ycelli Pierre, qui avoit commis crime de lese-magesté, feust decapitez et puis pendu. (Reg. crim. Chât., I, 1389-1392, 475)

L'Université dit au contraire que lesdiz prisonniers sont jà requiz par leur ordinaire, car ilz sont gens d'eglise et si sont prisonniers pour crime de lese majesté et pour scisme de l'Eglise, à quoy ne voudroit toucher la Court. (Baye, I, 1400-1410, 233)

Par quoy selon ta loy escripte et justice mesmement qui se [s]e garde entre les hommes, ilz desservirent non pas seulement morir, mais avec ce perdre tout leur heritage pour eulz et leurs enfans, tant le temporel paradis terrestre comme l'espirituel, justice originele, a cause de crime de lese majesté. (Gers., Concept., 1401, 398)

Puiz a esté declaré estre attaint et conveincu de crime de lese magesté, et a esté privé de tous offices et benefices ecclesiastiques, et condempné en chartre perpetuel à pain de doleur et eaue d'angoisse (Baye, II, 1411-1417, 249)

...mais commettent crime de lese majesté les subgiez qui appellent desdictes ordonnances, ou qui ycelles debatent ou contredient directè vel indirectè (Fauq., I, 1417-1420, 63)

Et doit on conmmunement plus escouter que parler, et tres tart et envis croire rapporteur de mauvaises parolles, ou gens chargens aultruy, sy non en cas de crime de leze majesté, ou de chose qui touche la chose publique (Juv. Urs., Aud. illos, 1432, 29)

Par lesquelz fut dit et declairé audit de Mory qu'il estoit crimineulx de crime de leze majesté, et comme tel le condampnerent à estre escartelé es hales de Paris, et ses biens et heritages acquis et confisquez au roy. (Roye, Chron. scand., I, 1460-1483, 70)

Et, tout dit et recité publiquement en icelle court, fut ledit duc d'Alençon declairé par arrest estre criminel de crime de lese majesté, et comme tel condempné à estre decapité et souffrir mort (Roye, Chron. scand., I, 1460-1483, 316)

Mais aucuns dient que ung homme qui a commiz le crime de lese-magesté ne doit point avoir de franchise. (Bueil, II, 1461-1466, 211)

Crime de lèse-majesté divine

Item, est assavoir que crime de lèze-majesté divine se part en deux degrez. Le premier, si est quant on faict directement injure au Souverain Roy qui est nostre souverain Dieu et nostre Créateur, comme sont ceulx qui font crime de hérésie ou de ydolatrie. La seconde est quant on fait injure directement contre l'espouse de nostre Souverain Roy et nostre seigneur Jhésus Crist, c'est assavoir saincte Eglise, et est quant on commet péché de scisme ou division en ladicte Eglise. Ainsi que je vueil dire que les hérétiques et les ydolastres commectent crime de lèze-majesté divine ou premier degré, et scismatique, ou second degré. (Monstrelet, Chron. D.-A., t.1, c.1425-1440, 187)

Crime d'adultere

Car, se Giges et la royne eussent eu ceur honeste, de pou leur eust servi le annel pour ce que, par estre invisible, ja pour tant n'eust commis Giges le crime de adultere en sa maistresse ne sa maistresse ne l'eust souffert, quelque seureté qu'elle eust eu que rien n'en seroit sceu. (Fillastre, Traité Conseil H., c.1472-1473, 211)

Crime de concussion/d'exaction

...ledit Jacques Cuer est encheu ès crimes de concussion et exaccions de noz finances et de noz païs et subgiez, de faulx, de transport de grant quantité d'argent aux Sarrazins, ennemis de la foy chrestienne et de nous, de transport de billon d'or et d'argent en grant nombre hors de nostre royaume, transgression des ordonnances royaulx, crime de lèse-maiesté (Aff. Jacques Coeur M., 1453-1457, 13)

Crime de desloyauté

...qui tient aucune chose de fief et il la nye, se le seigneur le puet prouver, le demoine du fief est forfait et acquis au seigneur par crime de desleaulté ; que plus grant desleaulté ne puet estre que nyer ce que j'ay reprins de main et de bouche et fait hommage. (Cout. bourg. glosé P.M., c.1380-1400, 203)

Crime de fausse monnaie

...ledict Jacques Cuer fust trouvé chargé que dès l'an CCCCXXIX, luy estant compagnon de la ferme de nostre monnoye de Bourges, il auroit fait forgier escus à moindre poix et loy, (...) et par ce moien y avoit eu prouffit de vingt ou de trente escus pour marc, où il n'en devoit avoir que deux escus, en deffraudant et dérobant nous et la chose publique de nostre royaume, et commectant, en ce faisant, crime de faulse monnoye. (Aff. Jacques Coeur M., 1453-1457, 6)

Crime de faux

S'il estoit trouvé et prouvé que l'achacteur ait mis en son contralct plus grant pris que la chose n'a cousté, il fait amende arbitraire ; car c'est espece de crime de faulx ; et aussi s'il a mys en ses habondances plus grant chose, il en fera amende et desdommaigera partie. (Cout. instit. Anjou Maine B.-B., t.2, 1437, 241)

...pour ce que la cause et matiere de certain crime de faulx fait et commis en ung contract (...) passé entre le prieur et curé de Giein, d'une part, et les habitans dudit lieu, d'autre, a esté et est commise à aucuns conseilliers de nostredicte court, pour laquelle matiere actaindre est besoing ausdiz commissaires recouvrer aucun procès (...) autresfois faiz en icelle matiere en nostredicte court, nous vous (...) enjoignons que (...) vous [leur] faictes (...) delivrer (...) tous procès, (...) et procedures faictes en icelle court touchant ladicte matiere (Lettres Louis XI, V., t.8, 1479-1480, 29)

Crime d'heresie/d'idolatrie

Item, est assavoir que crime de lèze-majesté divine se part en deux degrez. Le premier, si est quant on faict directement injure au Souverain Roy qui est nostre souverain Dieu et nostre Créateur, comme sont ceulx qui font crime de hérésie ou de ydolatrie. (Monstrelet, Chron. D.-A., t.1, c.1425-1440, 187)

Crime de larrecin

...là où il apperra evidemment homicide ou autre grief malefice, du quel peine de mort se devroit ensuir, estre fait, excepté le crime de larrecin, soit que ce a esté fait en traïson ou en repost, si que cellui qui l'auroit fait ne peust estre convaincuz par tesmoins ou en autre maniere souffisante, nous voulons que, en default d'autre prouve, l'en puisse cellui ou ceulx qui par indices ou presumpcions vraysemblables seroient de telx cas et faiz soupeçonnéz appeller à gaige de bataille (Cout. bourg. glosé P.M., c.1380-1400, 300)

Crime de rebellion

Et, certes, il n'est nul crime plus grant que le crime de rebellion et de lese majesté. (Songe verg. S., t.1, 1378, 264)

Crime de sacrilege

...jusques a tant que ilz [les mauvais esprits] les aient envelopéz avec eulz par le crime de sacrilege et la poine de dampnacion. (Foul., Policrat. B., II, 1372, 195)

2.Par extension. Faute (plus ou moins grave), manquement à un code social, familial.

Sa mere, toute enragée, forcenée et tant marrie qu'on ne pourroit plus, la voyant ainsi deshonorée, si prend a la tanser, et tant d'injures luy va dire que la pacience qu'elle eut de tout escouter, sans mot sonner ne rien luy contredire, estoit assez suffisante d'estaindre le crime qu'elle avoit commis par soy laisser engrosser du picard. (C.n.n., c.1456-1467, 69)

Le bon pere doit chastier son enfant en sa jeunesse et non pas en sa viellesse, car adoncques le chastier est chose trop difficile, ainsi que raconte ceste fable d'un pere de famille qui avoit ung filz qui ne faisoit chose qu'i deust faire et ne faisoit que courir et aller jouer parmy la ville. Et le pere, pour le crime, batoit ses serviteurs (Macho, Esope R., c.1480, 122)

Crime d'ingratitude

...et evitez le très reprochable crime de ingratitude (Escouchy, Chron. B., t.2, a.1465, 376)