DELIT

substantif masculin

[T-L : delit2 ; GD : delit1 ; AND : delit1 ; DECT : delit2 ; FEW (III, 32a) : delectare]

A. -Plaisir.

Nous n'avons jour ne hore ne terme ne respit. Qui bien y penseroit poul vault nostre delit. (Dupin, Mélanc. L., c.1324-1340, 234)

Et ciz qui en deliz habunde (...) Plus tost s'enlache a pechiés faire (Mir. N.D. Rosarius K., c.1330, 129)

N'onques homs vivans n'ot tant d'ire Que, s'il peüst leur chant [des oisillons] oïr, Qu'il ne s'en deüst resjoïr En son cuer et que sans sejour N'entroubliast toute dolour, Tant avoit en euls de delis. (Mach., D. verg., a.1340, 14)

Halas ! chestiz ! a nul delit Ne doit estre m'entencion. (Mir. pape, 1346, 367)

...jour et nuit estudie à destruire les annemis De la foy ; là son cuer a mis, Et ses delis et sa plaisence (Mach., P. Alex., p.1369, 20)

Item, la vie de ceulz qui oeuvrent selonc vertu n'a mestier de autre delectacion qui a elle soit adjointe, car telle vie a sa delectacion et son propre delit en soy et de soy meïsme. (Oresme, E.A., c.1370, 127)

Tes oevres et tout ti delit Ne valent une mitte. (Froiss., Joli buiss. F., 1373, 177)

...l'ennemi especial Qui par ses faulz biens nous detrait, Et par ses delis nous retrait De l'amour du regne celeste (Le Fèvre, Respit Mort H., 1376-1380, 96)

On en perd scens, maniere, courtoisie, Pais, joie, amour, raison et tous delis Dont tous frans cuers puet estre resjoïs. (Mach., L. dames, 1377, 67)

N'en riens nulle ne me delit, Ne nul delit Ne m'abelit... (Mach., Les lays, 1377, 290)

Onques [Griseldis] n'ot entente ne cure A nul delit ou qu'elle alast, Que rien n'estoit que tant amast Que simplesce et humilité (Gris., 1395, 40)

La sont trouvez tous les delis Et toutes choses gracieuses (Chr. Piz., M.F., I, 1400-1403, 118)

...pechié est de si ville et caduque condition qu'il attroit a soy misere et servitude, et son delit est tousjours compaignié de maleur et poursuy de paine. (Chart., L. Esp., c.1429-1430, 42)

Quant elle a ce oy, son cuer fort s'en resjoy, pensant qu'elle en aroit proufit, grant plaisir et delit (Nouvelles inéd. L., p.1452, 19)

Presupposons que pour delit Ne le faciez ne pour plaisance (La Vigne, S.M., 1496, 560)

Remarque : SAINT-GELAIS, Séj. honn. D., c.1490-1495, gloss.

À/par grand delit

Nous vous yrons par grant delit Aidier a mettre en vostre lit (Mir. st Sev., 1362, 200)

Li roys se coucha en son lit, à grant joie et à grant delit ; Et faisoit à chascun la feste De son armée, qui est preste. (Mach., P. Alex., p.1369, 60)

CONSTANCE. (...) Ceste femme nous fault couchier Cy en ce lit. YSABEL. Si le ferons a grant delit. (Mir. Berthe, c.1373, 195)

Lors de la grant joye qu'il avoit d'estre eschappé, peu a peu sa promesse oblia, fors de tant que quant il veoit Madame et ses autres femmes il fuioit, dont elles se rioient par grant delit. (La Sale, J.S., 1456, 11)

À son delit

...je le garderay [cest estrange homme] Voulentiers et le serviray A son delit. (Mir. st Alexis, 1382, 345)

Sans delit

Si me couchai dedens mon lit, Tous nus, sans joie et sans delit, En pensant a ceste aventure (Mach., Voir, 1364, 682)

Avoir joie et delit

A jointes mains Prie Venus qui regne et vit, Et li offrez ce que j'ay dit, Et lors d'avoir joie et delit Seras certains. (Mach., F. am., c.1361, 229)

Mener delit. Prendre du plaisir.

Lors soupperent ensamble, mennerent grant delis (Hugues Capet L., c.1358, 98)

Prendre (son) delit. Prendre du plaisir, trouver son plaisir, être satisfait.

Si les escoutai longuement Moult volentiers, et vraiement, J'y prenoie moult grant delit, Car leur chanter tant m'abelit Qu'endormir depuis ne me pos, Dont j'entroubliay mon repos. (Mach., D. Lyon, 1342, 162)

S'aucune chose t'abellit, N'i pren mie si grant delit Que tu en perdes tes besongnes. (Mach., C. ami, 1357, 134)

...les choses qui se font sans paine et sans dangier doivent estre sans loyer et sans louenge ; la preuve t'en donna par oeuvre et par doctrine mon disciple saint Pol, herault et publieux de mes commandemens, qui t'enseigna que en enfermeté et en peril est la perfection de vertu ; et en enfermeté prenoit il son delit et sa gloire pour la consequence du guerdon, par la seurté de la grace divine qui ne fault point au besoing au travaillans. (Chart., L. Esp., c.1429-1430, 25)

Prendre pauvre delit

La prist elle povre delit ; Car au cuer estoit fort ateinte Et ou viaire pale et teinte... (Mach., J. R. Nav., 1349, 201)

B. -En particulier. Plaisir des sens, plaisir de la chair, plaisir d'amour.

Maugis li otroya ses bons et ces delis. (Renaut Mont. B.N. V., c.1350-1400, 460)

...tant y conversa qu'il engenra X. filz En pluseurs pucellettez où il ot cez delis (Hugues Capet L., c.1358, 128)

Failloit-il reveiller a haultz cris de nuyt les endormis pour amonnester aux oeuvres veneriennes ? Assés devoit estre assouvie ta desordonnance d'avoir plusieurs femmez sans avoir establi les repudier a quelconque cause, pour rempler lez delitz dez femmez nouvellez. (Chart., L. Esp., c.1429-1430, 124)

Dy moy que jugeroit philosophie de la secte de Mahommet effrenee en luxure et desordonnee en delices de corps, quant toutes les sentences morales damnent excez et appreuvent moderation en delit, et atrempee parcité es oeuvres de la chair. (Chart., L. Esp., c.1429-1430, 129)

...les hommes estoyent trop plus enclins a suivir les femmes et leur demander le delict que les femmes aux hommes. (Tardif, Facéties Pogge D.H.-P., c.1490, 139)

Charnel delit

...Sathans (...) ens ou cuer li ala enter Le vouloir de charnel delit (Mir. enf. diable, c.1339, 32)

...car la on doit eschiver touz charnelz deliz et ensuyvir les esperituelz deduiz. (Jean Golein, Rational B.D., c.1370-1372, 625)

...les delitz charnés pervertirent son sens. (Chart., L. Esp., c.1429-1430, 40)

Car en la joye de paradis advenir ne promist il [Mahomet] aultre chose fors charnelz delitz et concupiscence de corps et des yeulx, boire, menger delicativement, et cohabiter avecquez belles femmes, abandonnez richesses, vaisseaux et rivieres de lait et de miel, et toutes aultres mondaines delices, qui sont contraires a l'estat de perfection et de gloire, et communes aux hommes et aux pourceaux (Chart., L. Esp., c.1429-1430, 120)

Garde moy de charnel delit (Prières saints R., t.2, c.1488, 34)

Fol delit

Vers ma mére vint en son lit, De ce fol delit eschaufez (Mir. enf. diable, c.1339, 32)

Delit luxurieux

Parlons aprés du second traitre, Delit luxurieux, qui occist ou deboute pure et nette chasteté (...). Quans royaumes sont venuz a perdicion par Delit luxurieux ! Troie la grant, et Romme. Maiz qui plus est : tout le monde par le deluge. (Gers., Annonc., a.1400, 236)

Delit de charnalité

Elle s'appelle mére de belle amour contre le vice de delit de charnalité (Mir. st Panth., 1364, 308)

Faire delit de la chair de qqn

Je vous ay voué, fleur de lis, Que jamais de ma char delis Ne sera en vostre honneur fais. (Mir. enf. diable, c.1339, 3)

Delit de nature

...ceste belle fille, qui desja congnoissoyt que c'estoit des delictz de nature... (Tardif, Facéties Pogge D.H.-P., c.1490, 133)

Faire son delit de qqn/avec qqn

...le nain fu trouvé Avec ma dame (...) Couchié avec elle en son lit Et la en faisoit son delit. (Mir. marq. Gaudine, 1350, 155)

Nostre Seigneur ne volt plus souffrir qu'il feist ainsi sa druerie et son delit avec la dame (Wauquelin, Belle Hélène Const. C., c.1448-1452, 263)

Avoir/prendre son delit (de qqn)

La char me bout (...) De ce que ja dedans ce lit N'a pris et eu son delit Et son vouloir de la pucelle Qui y gist (Mir. chan., c.1361, 174)

Mais une nuit que me gisoie, Se vint couchier dedans mon lit. La pris je d'elle [la fille au roy] un seul delit (Mir. Amis, c.1365, 33)

S'il est content, dit il, qu'il soit caché et bendé, ce nous sera la plus convenable voye du monde pour prendre nos delictz et plaisances [Amoureux de la femme de son malade, le médecin propose de mettre un bandeau sur le seul oeil valide du patient] (C.n.n., c.1456-1467, 504)

C. -Delit de qqc. Charme, attrait de qqc., plaisir que procure qqc..

Tuit cil qui sont et ont esté En vint et quatre jours d'esté Ne te diroient les delis Dou vergier, tant estoit jolis, Et pleins d'odeur plaisant et fine. La fu la belle Proserpine Qui cueilloit o ses compaingnettes Roses, esglentiers, violettes. (Mach., C. ami, 1357, 86)

Voyés que au premier roy par lui establi il retolli le ceptre, et au tiers amendrist son obeissance, et subtraist ses subgeitz, en signe que vostre regence ça jus n'est que commission revocable au plaisir du conseil de lassus ; et affin que le delit de l'onneur ne feist mescongnoistre la charge, ne delaya au premier la paine aprés l'offence, pour desclairer en la primitive institucion des royaulmes la condition du devoir des roys. (Chart., L. Esp., c.1429-1430, 41)