MEURTRE

substantif masculin

[T-L : mordre2 ; GDC : murtre ; AND : murdre1 ; DECT : mordre2 ; FEW (XVI, 583b) : *murþrjan ; TLF (XI, 772a) : meurtre]

I. -Assassinat, homicide.

Je pense Que chascuns me maudist et tense Et dit que je sui en prison Mis pour murdre ou pour traïson, S'ai en ce si grant deshonneur Qu'avoir ne puis jamais honneur (Mach., C. ami, 1357, 64)

...si y eut dedens le ville de Kem moult de villains fais, de mourdres, de pillemens, de roberies, d'arsins et de larecins. (Froiss., Chron. L., III, c.1375-1400, 146)

...fu dist qu'il deist verité des larrecins et murdres par lui fais, et en especial d'un certain murdre commis et perpetré le mercredi IIIJe jour de novembre, l'andemain du jour de la feste aus Mors (Reg. crim. Chât., I, 1389-1392, 154)

...nagueires, environ la Saint-Martin d'iver derrenierement passée, avoit esté fait un très mauvais murtre, environ minuit, en la ville de Soucy, près de Sens, en l'ostel d'un nommé Thibaut des Quarreaux (Reg. crim. Chât., II, 1389-1392, 375)

Item, qu'ilz ne doivent point estre esquis, fors pour trois choses, c'est assavoir meuldre, rap, et bestes sauvages. (Hector De Chartres, Cout. R., 1398-1408, 10)

...sur la justification du duc de Bourgoigne sur le murtre fait en la personne du feu duc d'Orleans, frere germain du Roy (Baye, II, 1411-1417, 170)

Tost trouveras par ce maintien Grant soubstien Et trop assez qui diront, 'Tien.' Ce n'est meurtre ne larrecin. (Myst. jeune fille L., c.1413-1445 [c.1530], 22)

...et dit que l'evesque n'a congnoissance de rapt, ne de murtres, ne d'autres pluiseurs cas, dont il s'efforce d'avoir la congnoissance, en troublant les drois du Roy. (Fauq., III, 1431-1435, 6)

La tierce cause est que nul ne puet estre pugny autrement que par voye de gaige, et ce signiffie la clause de murdre ou de traison reposte, si que cellui qui l'avroit faite ne se pourroit deffendre que par son corps. (La Sale, J.S., 1456, 32)

Quant a moy, par mon sacrement, Meurdre ne fis onc qu'en poullaille. (Fr. arch. B., c.1468-1480, 43)

Meurtre apensé. Assassinat prémédité.

PREMIER CHANOINE. C'est uns homs qui est mors. SECOND CHANOINE. Las ! c'est l'evesque, le saint corps ! Qui a si vilain fait pensé, Com de murtre faire apensé, D'un si preudomme ? (Mir. ev. arced., c.1341, 113)

[Avec une valeur intensive] Massacre.

Voyant cecy, comme esgaree sault hors de sa maison et prinst une faulx, qui trenschoit a merveille, et vint sur les François si impetueusement qu'elle en fist ung grant murtre, tellement qu'ilz ne se osoyent mettre devant elle. (Bagnyon, Hist. Charlem. K., c.1465-1470, 151)

Et là fut le grant murdre plus la moitié que ou champ de la bataille, car ceulx qui se gectoient en l'eaue estoient tuez par lesdiz Suixes qui y vindrent, et ceulx de l'autre partie se noioient eulx mesmes, et le demourant fut mort ou prins et bien peu s'en sauva. (Roye, Chron. scand., II, 1460-1483, 39)

Car en ce peu de temps fut la bataille presentée, gros rencontres et grant murdre de chacun party (La Marche, Mém., I, c.1470, 138)

et se n'eust esté que les gens de cheval ne s'oserent adventurer sur ledit pont, qui n'estoit faict que pour gens de pied, certes le murdre et la tuerie eust esté moult grande (La Marche, Mém., II, c.1470, 241)

Proverbe. Meurtre n'est point celé tant soit fait coiement Un crime ne peut rester caché tant discrètement soit il commis.

Pour che dist un proverbes et raconte souvent : Mudres n'est point celés tant soit fait coiement. (Belle Hélène Const. R., c.1350, 547)

[Cri pour appeler à l'aide] Au meurtre/ahors le meurtre/haro le meurtre

...lui et un sien frere estans logez en rue Neufve Saint-Merry, à l'enseigne de la Heuse, oy crier emmi la rue : Haro le murtre. Auquel qui parle fu dit que l'en tuoit un sien frere (Reg. crim. Chât., I, 1389-1392, 83)

Et sesdittes gens, qui ainsi s'en aloient courans aval la rue, crioient à l'arme ! et Au murdre ! afin que le peuple saillist pour donner secours à leur maistre. (Roye, Chron. scand., I, 1460-1483, 112)

LE .I. SERGENT [au .II. sergent] . Au meurtre ! (...) Va bien tost querir la justice. Vecy nostrë homme [le chrétien écrasé par le chartier] tout mort. (Mir. st Nic. juif, c.1480-1500, 140)

Ahors ! le murdre ! ahors ! ahors ! Ahors ! le murdre ! quesse cy ? (Marcadé, Myst. Pass. Arras R., a.1440, 57)

II. -Meurtrier.

Comme beau meurtre. Comme un beau meurtrier' (Éd.).

LE JUIF. N'as tu pas bonne souvenance Que je luy prestay [au chrétien] a fïance Cent escus ? MATHATIEL. Pour vous ilz sont fris. LE JUIF. Je l'ay fait convenir. MATHATIEL. Et puis ? LE JUIF. Comme beau meurtre le renie. Bien enragé est qui se fie En ces crestiens ne qu'a ung chien. (Mir. st Nic. juif, c.1480-1500, 124)