OUTRECUIDANCE

substantif féminin

[T-L : outrecuidance ; GDC : outrecuidance ; FEW (II-1, 840b) : cogitare ; TLF (XII, 725b) : outrecuidance]

A. -Confiance excessive en soi-même, arrogance, présomption, outrecuidance.

Et tous les jours en oy tant dire Que raison ma volenté tire A vous amer et oubeïr Et a vous volentiers veïr. Mais li hostes qui riens n'aporte Et baudement hurte a la porte, S'il n'i a trop grant congnoissance, C'est folie ou outrecuidance. Monsigneur, je l'ay einsi fait, S'en corrigerez le meffait, Car je suis venus sans mander Pour moy a vous recommander. (Mach., F. am., c.1361, 187)

...passer par la nef de netteté Soubz l'umbre du noble mast de droiture Par my la haulte mer d'oultrecuidance Tenant le gouvernail de souffisance (Mir. Barl. Josaph., c.1363, 301)

[Le jeune Pierre est arrêté en mer et ramené au roi son père] Quant li rois le vit, il li dist : '(...) Tu me dois toute oubeissance, Foy, pais, honneur et reverence, Et tu t'en vas sans congié prendre ? Au ciel cuides la grue prendre, Quant tu vas en estrange terre, Et ne scez que tu y vas querre. Que te faut il en ce païs ? Certes, je sui tous esbahis De ta tres grant outrecuidance, De ta sotie et de t'enfance. Mais, vraiement, je te tendray, Que l'aler hors te deffendray.' (Mach., P. Alex., p.1369, 18)

...puis que ce fait il font Par orgueil et oultrecuidance... (Mir. ste Bauth., c.1376, 127)

Si prent la venjence De m'outrecuidence Amours qui me lance Le mortel fer de sa lance ; C'est desesperence En lieu d'esperance, Et ce que deffense D'estre en sa presence [de ma dame] Me fait en lieu d'aligence. (Mach., Les lays, 1377, 377)

Ainsy ne fist pas saint Pol, aincoys s'en party quant il s'en party par grant vertus pour mieulz proffiter [aprés] sa vie, comme ung bon chevalier ou champion qui guenchira le cop pour mieulz ferir aprés. N'est pas a reprouver, mais seroit fole oultrecuidance de faire autrement. (Gers., P. Paul, a.1394, 500)

Et dient li auqun que il s'en fuissent bien alé, se il vosissent, et que ja il n'euissent eu nul rencontre des Englois ; mais orgoels les sourmonta et outrequidance, et quidierent bien desconfire le roi d'Engleterre et ruer jus les Englois, et disoient que il estoient fort assés pour tout cela faire. (Froiss., Chron. D., p.1400, 882)

...par .II. manieres d'occasions viennent et sourdent communement troublemens de courage et contaminacions de pensée, dont l'une vient et est la pire et qui plus à haute gent messiet à cause d'orgueil et oultrecuidance ou de mauvaise acoustumance par la mignotise de trop aise, de non vouloir riens souffrir (Chr. Piz., P.V.H., 1416-1418, 30)

Par luy [Amours] je reçoy Douloureux esmoy, Je ne sçay pour quoy, Fors qu'il abee ma mort. Ainsi prent vengeance De m'oultrecuidance Et folle aliance Reffus, qui me lance Ce mortel fer de la lance. (Narcissus, p.1426, 303)

Mais regardez qu'il est piteux ! Bonnes gens, aiez en pitié ! Il doit estre ung peu refroidié Du feu d'amours, qui ainsi l'art. Au lart, coquart, bec jaune, au lart ! Vostre oultrecuidance est punie. (Narcissus, p.1426, 313)

Et vous, dames et damoiselles, Bourgoyses, filles et pucelles, Fuyez du tout oultrecuidance ! Se vous estes gentes et belles, Ne soyez point pour tant cruelles Vers voz servans d'humble souffrance ! (Narcissus, p.1426, 318)

Car nous avons veu mains hommes combattre corps a corps, et depuis se trouver que le droit avoit perdu par ses pechiez, par sa force ou par son oultrecuidance, reffusant convenable party ou oubliant par ire ou par voullenté de fiere vengance toute misericorde par les commandemens de Dieu. (La Sale, Salade, c.1442-1444, 237)

En après, le roy estant à Lion, qui auprès d'ilec avoit grant quantité de son armée, ot certaines nouvelles que monseigneur le duc de Lorraine, qui estoit ou pays de Souysse avecques les Suixes, Barués, Alemans et Lorrains pour desconfire ledit de Bourgongne, qui, par fole obstinacion et oultrecuidance, estoit entré oudit pays de Suexe et [avoit] avecques lui mené grande quantité d'artillerie, gens de guerre et marchans suivans son ost, qu'il avoit parqué et mis en forme de siege devant une petite ville dudit pays de Suexe, nommée Morat (Roye, Chron. scand., II, 1460-1483, 18)

Or cognoiz je tous mes habus, Et de mon corps l'oultrecuidance. Je me truffoye de Jhesus Et des gens de sa allïance. (Pass. Auv., 1477, 249)

Finablement est a scavoir que, comme dist Saint Bernard, c'est presumption et oultrecuidance de vouloir enquerir et au plain entendre la pluralité des persones en l'unité d'essence, ou l'unité d'essence en la pluralité des personnes. Le croire ainsi est sainte, le congnoistre est vie eternele. (Somme abr., c.1477-1481, 126)

Et voyant ledit Gabriel la fierté et oultrecuidance dudit Pierre le Menusier et que de sesdites menaces il ne tenoit compte et s'estoit venu pousser par devant la porte dudit hostel, delibera en soy de saillir et le battre (Doc. Poitou G., t.12, 1480, 324)

Se sont folz plains d'oultrecuidance (S. fol, c.1480-1490, 8)

...jamais ne frapperent coup plus avant ceulx qui s'estoyent par leur oultrecuidance tant avancez. (La Vigne, V.N., p.1495, 288)

Remarque : Jourd. Blaye alex. M., a.1455, gloss.

B. -Par métonymie. au pluriel. Acte inspiré par une excessive confiance en soi.

Tèlement que leur punicion soit exemple à tous autres de non se oser enhardir de entreprendre tèles foles outrecuidances. (Ch. VI, D., t.1, 1402, 225)