MERVEILLE

substantif féminin et masculin

[T-L : merveille ; GD : merveille ; AND : merveille ; DECT : merveille ; FEW (VI-2, 143b-144b) : mirabilia ; TLF (XI, 691b) : merveille]

A. -Chose qui suscite l'étonnement, l'admiration.

1.[Qui suscite l'étonnement, par son caractère étrange, surprenant, inexplicable, voire surnaturel]

Ce fu des orribles merveilles, Seur toutes autres despareilles, Dont homme puet avoir memoire, Car je ne truis pas en histoire Lisant nulles si mervilleuses, Si dures, ne si perilleuses De quatre pars, non de dis tans, Comme elles ont esté de mon temps. (Mach., J. R. Nav., 1349, 142)

'...Aucuns se pourroient esmerveillier', dist la royne, 'de ce que en descripsant nostre royal eschequier, ou premier quartier je n'ay pas commaincie au fait de l'eglise touchant au jeune Moyse, comme il soit escript en l'evvangile que on doit premierement querre le royaume du ciel et tous les biens se ensuivront. A laquelle instance ou merveille je respons', dist la royne, 'que sicomme dit saint Bernart, les faiz de ce monde commaincent a la charnalite...' (Mézières, Songe vieil pèl. C., t.2, c.1386-1389, 205)

Si vous vueil desormais commencier la vraye histoire des merveilles du noble chastel de Lisignen en Poictou, et comment ne par quel maniere il fu fondez. (Arras, c.1392-1393, 14)

Remondin, dist le conte, il est verité que l'en m'a compté que moult grant merveille est advenue present en la place que on vous a delivree de par moy, laquelle je vous ay donnee ligement. (Arras, c.1392-1393, 34)

Mais il n'y ot cellui qui fort ne pensast aux merveilles et aux richesses que ilz avoient veues aux nopces, et aux trancheiz des fallisses, et au ruisseau qui soubdainement s'estoit comparus et fait ou dit lieu. Et disoient bien tout de commun que d'autres plus grans merveilles vendroient et apparroient de cest commencement. (Arras, c.1392-1393, 44)

Ainsi souloient mettre en cendre Les corps mors, li grant et li mendre, Mais adont avint grant merveille, Je croy qu'onques ne fu pareille, Car, quant les ..II.. freres ardoient En ..II.. feux, en hault se batoient Les fumees, qui de leur corps Yssoient et sailloient hors, En l'air, et estoient reveches L'une vers l'autre les flammeches, Qui signe ert de la grant racine De leur tres mortelle hayne. (Chr. Piz., M.F., II, 1400-1403, 327)

...une merveille qui nous advint, estans au port de Boulcan. (La Sale, Salade, c.1442-1444, 4)

...ne vy jamais chose entre les merveilles que j'ay veues dont je fusse plus esbahy. (C.n.n., c.1456-1467, 130)

Oudit temps, fut grandes nouvelles par tout le royaume de France et en autres lieux de une jeune fille de l'aage de XVIII ans ou environ, qui estoit en la ville du Mans, laquelle fist plusieurs folies et grandes merveilles, et disoit que le dyable la tourmentoit, et sailloit en l'air, crioit, escumoit et faisoit moult d'autres merveilles, en abusant plusieurs personnes qui l'aloient veoir. (Roye, Chron. scand., I, 1460-1483, 13)

...et, entre autres choses, fist esmerveiller icelui Octovien, pour ce aussi qu'il dist que grans merveilles se verroient dedans Romme et autre part, et, assez tost après, fut veue en Romme, oultre le Tibre, une grande fontaine emanant huille et ung cercle de coulleur d'or, à l'entour du Soleil (Simon De Phares, Astrol., c.1494-1498, f° 71 v°)

Touteffois en l'ost d'après l'on y trouva les blez et tous genres de grains multiplier au double, dont la merveille ne fut pas petite et l'estyme dudit Montgravier en fut moult augmentée et le peuple bien esjoy. (Simon De Phares, Astrol., c.1494-1498, f° 119 v°)

Monter à merveille. Provoquer l'étonnement.

Assez le puez avoir leü Ou caier dont Platon raconte D'un phillosophe qui lui monte A merveille quant tout suppose, Puis qu'il ne preuve nulle chose, Et pour loy tiennent ses edits Les gens qui croient en ses dis. (Le Fèvre, Vieille, trad. De vetula H., a.1376, 193)

Raconter monstres et merveilles. Raconter des choses étonnantes, voire fantaisistes, qui n'existent que dans l'imagination.

Et certes moult volentiers je eusse teu si tresgrant et inhumain pechié [de manger de la chair humaine] , que aucune personne ne cuidast que je racontasse monstres et merveilles, se ce ne feust pour tant que pluseurs hommes de nostre memoire je trouvasse tesmoings de cest horrible pechié. (Foul., Policrat. B., II, 1372, 143)

[En mauvaise part]

Chose incroyable, invraisemblable.

LA PREMIERE DAME. Ha ! dame, ne me puis taisir D'une merveille qu'ay oÿe ! Mon seigneur le marquis oublie Vostre bonté et vuelt avoir Femme plus noble (Gris., 1395, 74)

Chose horrible.

Mais couvoiteus ont tel defaut Que quant plus ont, plus leur deffaut, Et quant plus sont puissamment riche, Tant sont il plus aver et chiche ; Qu'avarice ardant qui d'euls vist, Com plus vivent, plus rajonnist. Et de ce la vient la tempeste Qui destruit le monde et tempeste, Les merveilles et les fortunes Qui au jour d'ui sont si communes Qu'on n'oit de nulle part nouvelle Qui soit aggreable ne belle ; Car il a plus grant difference Dou temps que je vi en m'enfance A cestui qui trop est divers, Qu'il n'ait des estez aus yvers. (Mach., J. R. Nav., 1349, 140)

La, Fortune, qui toudis veille, A fait mainte estrange merveille Et fait entre occire parens, Pour eulx depposer de leurs rancs (Chr. Piz., M.F., II, 1400-1403, 13)

Si je [Satan] y vaiz, je y feray merveilhes ; Tant luy criarey a l'oureilhe [à Hérodiade] Que pour elle feray tüer Jehan baptiste, pour le mener Seans dedens noz sarcacabins. (Pass. Auv., 1477, 93)

[L'aspect négatif est marqué par un adj.]

Demendrez que li roys fesoit cestes choses tant en terre comme en mer, une espoentable merveille est avenue, que une serpent s'en est descendue de la columpne de boys (Bers., I, 1, c.1354-1359, 56.4, 93)

Et a ce propos je vous diray une piteuse merveille, et que je plain bien. (Ménagier Paris B.F., c.1392-1394, 79)

Ce fu des orribles merveilles, Seur toutes autres despareilles, Dont homme puet avoir memoire, Car je ne truis pas en histoire Lisant nulles si mervilleuses, Si dures, ne si perilleuses De quatre pars, non de dis tans, Comme elles ont esté de mon temps. (Mach., J. R. Nav., 1349, 142)

RELIGION

[P. oppos. à miracle] Événement qui se produit par l'intervention de Dieu sans qu'il y ait d'écart par rapport aux lois naturelles.

Maiz cuer devot et contemplatif pourroit icy demander - et soy eslever a l'amour de Nostre Seigneur et de sa digne mere - dont viennent toutes ces grans merveilles ? Response : elles viennent de la pure grace Dieu de misericorde piteuse (Gers., Annonc., a.1400, 231)

A dire que aucune chose soit miracle, quatre choses sont requises. Premierement qu'elle soit de Dieu. Secondement qu'elle previengne nature contre l'ordre de laquelle se fait. Tiercement qu'elle soit evidente. Quartement qu'elle soit pour le fortefiement de la foy. Et pour tant, se l'un de ces quatre poins deffault, c'est merveille, non miracle. (Somme abr., c.1477-1481, 162)

Cestui fut moult grant praticien en la congnoissance des herbes, gommes et perres et fist par icelles choses repputtées de plusieurs à merveille ou miracle. (Simon De Phares, Astrol., c.1494-1498, f° 83 r°)

Prodige, miracle.

LE COUSIN. (...) Car sachiez, vostre enfant a vie. Telles vertuz y a fait Diex, Dont tout le monde pleure aux yex De pitié pour la grant merveille. Il a couleur aussi vermeille Comme belle rose en esté ; (...) Si avint (...) qu'ainsi Qu'elle le cuida mort baisier, (...) L'enfant s'escrïa bien et fort, A haulte alaine. (Mir. enf. ress., 1353, 72)

N'il ne paroit coulour ne trace En la fournaise n'en la place Dou feu, car il estoit estains Qui si mervilleus estoit ains. Quant le miracle et la merveille Vit li rois, forment s'esmerveille Si dist hautement en oye : 'Misaël, et vous, Azarie, Il n'est plus de dieus vraiement Que le vostre qui telement Vous a garenti et sauvé...' (Mach., C. ami, 1357, 24)

Son regne ja ne finera Et sa puissance adès sera. C'est des prisons li delivrerres, C'est des pecheurs li vrais sauverres ; C'est cils qui les signes horribles Fait, et merveilles impossibles En ciel, en eaue, en mer, en terre ; Les pris et enserrez desserre, Qui Daniel a sauveté A dou lac aus lions geté. (Mach., C. ami, 1357, 46)

...il n'estoit pas chose convenable que a deux dieux fust fait ung soeul temple ; car se aulcune merveille y avenoit, on ne sauroit lequel des dieux l'auroit faitte (La Sale, Sale D., 1451, 62)

Au jour d'uy ceste prophetie Que j'ay lite en Yzaye Est accomplie en voz oreilhes, Car je faiz toutes ces merveilhes. Je guaris aveugles et ladres, Contraiz et tous autres malades, Demonïacles et enracgés. (Pass. Auv., 1477, 116)

Par ainsi, Centurion, vous conseilhe, Pour cognoistre ceste merveilhe [la résurrection annoncée de Jésus] , Que vous et voz gens y aliés, Et sans bouger y demeuriés Juc que trois jours seront passés. (Pass. Auv., 1477, 275)

LE JUIF. (...) Ce Nicolas si fait merveilles. De ces miracles m'esmerveilles. Le grant Dieu me garde d'errer, Oncques ne vy choses pareilles. Aux sours il refait les oreilles, Contrefaictz il fait droit aller, Aveugles veoir cler, Parler les muetz (Mir. st Nic. juif, c.1480-1500, 79)

BAYON (un lépreux qui vient d'être guéri miraculeusement). Par Venus, ma dame regente, Entendre ne sçay ce merveille : Bailliés me ung miroir, fille gente, Pour voir se j'ay face vermeille, Se je dors ou se je sommeille, Ou se je suis sain et deffait. (Molinet, Myst. st Quentin C., c.1482, 219)

2.[Qui suscite l'admiration par sa beauté, sa grandeur, sa perfection...]

Après ce Cruautez respont, Qui son parler point ne repont, Einsois se debat et raisonne Si que tous les autres estonne, Et dit qu'onques ne fu veüe Tel merveille n'aperceüe Com dou chetif maleüreus Qui par son cuidier est si preus Qu'il cuide la joie emporter Que nuls ne porroit raporter (Mach., D. verg., a.1340, 41)

Si m'en alai parmi le brueil Qui estoit si biaus qu'onques mais Ne vi, ne ne verrai jamais Si bel, si gent, si aggreable, Si plaisant, ne si delitable ; Et les merveilles, les deduis, Les ars, les engins, les conduis, Les esbas, les estranges choses Qui estoient dedens encloses, Ne saroie jamais descrire. (Mach., R. Fort., c.1341, 30)

Et croy que les merveilles qui sont par universel terre et monde sont les plus vrayes, comme les choses dictes faees, comme de pluseurs autres. (Arras, c.1392-1393, 2)

L'en treuve tant de merveilles, selon commune estimacion, et si nouvelles que humain entendement est contraint de dire que les jugemens de Dieu sont abisme sans fons et sans rive (Arras, c.1392-1393, 3)

Mon seigneur, veez cy grant plaisance. La damoiselle fait mervelhes. [Allusion à la danse de la fille d'Hérodiade] (Pass. Auv., 1477, 94)

Nostre maistre, tu dy merveilhes ; Fay nous la parabole entendre. (Pass. Auv., 1477, 137)

Les sept merveilles du monde

Ce fut luy [Sostratus Phares] qui premier inventa la composicion de la merveilleuse tour du phar située en Alexandrie, vingt pas en mer, et la fonda sur sept cancres de verre, qui est reputée l'une des sept merveilles et miracles et le second du monde (Simon De Phares, Astrol., c.1494-1498, f° 60 v°)

La merveille de qqc. La chose admirable que représente qqc., le spectacle admirable.

...et y fut mené monseigneur de Berry et grant nombre de chevaliers pour veoir la merveille de la loyaulté et de l'amour du chien qui jour et nuyt ne se partoit de dessus la fosse ou estoit son maistre que les Angloiz avoient tué. (Ménagier Paris B.F., c.1392-1394, 69)

En particulier. Prouesse guerrière, exploit.

Cil [Geoffroy] fu grans, haulx, et fourniz et fort a merveilles, hardiz et crueulx. Chascun le doubtoit qui en ouoit parler. Et fist moult de merveilles, ainsi comme vous orrez en l'ystoire. (Arras, c.1392-1393, 80)

...depuis la creation dou monde et que premierement on se conmença a armer, on ne trouveroit en nulle histore tant de mervelles ne de grans fais d'armes conme il sont avenu ens ou temps et termes des guerres desus dittes (Froiss., Chron. D., p.1400, 36)

Et avoient fait carpenter une bastide ou il pooient bien .V. cens honmes, et ja i estoient il entré pour desfendre le cemin, et quidoient faire mervelles. Mais sitos que les Englois furent venus, chil de Bregerach ne tinrent nuls conrois (Froiss., Chron. D., p.1400, 604)

Merveille d'armes

...la cité de Karlion (...) est bien fremée (...) car jadis li rois Artus i sejournoit plus volentiers que ailleurs, pour les biaus bois qui sont environ et pour che que les grans mervelles d'armes i avenoient. (Froiss., Chron. R., XI, c.1375-1400, 271)

Et lors se fiert entre eulx et abat le premier qu'il attaint par terre ; puis tire l'espee et commence a faire merveille d'armes, et ses gens d'autre costé. (Arras, c.1392-1393, 225)

...li Escoçois i fissent mervelles d'armes, et ocirent et abatirent moult grant fuisson de Sarrasins. (Froiss., Chron. D., p.1400, 169)

Et, la, faisoit merveilles d'armes Scipïo li preux et li fermes, Et tant y fist par sa proece, A la fin, qu'a moult grant destrece En leur cité les fist entrer, Pour paour de piz encontrer. (Chr. Piz., M.F., III, 1400-1403, 256)

...le preu Gadiffer regardoit toutes les merveilles d'armes que faittes avoient le preu Lionnel (Percef. III, R., t.2, c.1450 [c.1340], 190)

...si retouvra son espee vistement, de quoy il n'avoit fait jamais plus grant merveille d'armes qu'il fist alors (Comte Artois, c.1453-1467, 86)

Il se mect a l'ouvrage et fait merveille d'armes (C.n.n., c.1456-1467, 122)

Vous oyez par leur confession que ces ribaulx moynes ont fait merveilles d'armes (C.n.n., c.1456-1467, 206)

Faire merveilles de + inf. Faire preuve de prouesse en.

Lors commenca la jouste forte. Bien le fist le conte de Poictiers et le conte de Forestz et les Poictevins. Mais les chevaliers de l'espousee fesoient merveilles d'abatre chevaulx et chevaliers par terre. (Arras, c.1392-1393, 40)

Par métonymie. Récit rapportant un fait, une action extraordinaire.

Mais pour ce que icellui Volunnius, de qui la merveille parle, estoit tant amy de cestui Marcus Luculus (La Sale, Sale D., 1451, 162)

Avoir merveille pour qqn. Avoir de l'admiration pour qqn.

...selon le dit de Varron le philozophe : 'Eslis icelui maistre duquel tu auras plus grant merveille pour ses dis que pour les dis d'aultrui.' (Daudin, De la erudition H., c.1360-1380, 13)

Avoir/se donner (grande(s)) merveille(s) (de qqc.). S'étonner, s'émerveiller de qqc..

Et, sans atendre, fu menée Dedens une chambre aournée Si bien, si bel, si cointement Et de tout si trés richement, Qu'onques mais, dont j'eus grant merveille, N'avoie veü la pareille. (Mach., J. R. Nav., 1349, 176)

Et puis je lus de chief en chief La complainte qu'avoie escripte Pour vir s'il y avoit redite, Mais nes une n'en y trouvay ; Et encor moult bien esprouvay Qu'il y avoit, dont j'eus merveilles, Cent rimes toutes despareilles. (Mach., F. am., c.1361, 180)

Et quant Remondin l'ouy, si la regarde, et percoit la grant beauté qui estoit en la dame ; si s'en donne grant merveille, et ne lui semble mie qu'il eust oncques mais veu si belle. (Arras, c.1392-1393, 24)

Et moult ont grant merveille de la joe Anthoine. Et en verité ce estoit une estrange chose a veoir, mais la grant beauté qui estoit ou remenant de lui faisoit oublier cela, et aussi il ne lui messeoit pas granment. (Arras, c.1392-1393, 165)

...au matin (...) li Englés (...) regarderent par deviers la montagne ou il pensoient les Escos, si ne veirent nului, car il s'en estoient parti a la mienuit. Si en orent li signeur grant mervelle et ne pooient apenser que il estoient devenu. (Froiss., Chron. D., p.1400, 146)

Se le corps dessoubz petit vault, On ne s'en doit donner merveille (Chr. Piz., M.F., II, 1400-1403, 7)

Se Madame estoit aise il ne le fault point demander, et en verité aussi estoient le roy, la royne et tous autres de la court, eulz donnant merveilles de son eureux jouster. (La Sale, J.S., 1456, 88)

...le dit Jehan Stotton, oyant ce, en fut moult esbahy, soy donnant grand merveille (C.n.n., c.1456-1467, 394)

Chacun de vous scet ceci estre vray comme l'euvangile. Pour quoy ne vous donnez merveilles de la longue demeure de quaresme. (C.n.n., c.1456-1467, 514)

...lequel procés est, comme l'on dit, en droit et receu pour juger cinq ans a, et ne reste que à donner et prononcer vostre arrest, ce que n'avez encores fait, et nous en donnons merveilles. (Lettres Ch. VIII, P., t.1, 1487, 267)

Dymenche, .XIX. d'avril, jour de Pasques, le roy fut confessé a Sainct Pierre (...) et toucha les malades des escrouelles la deuziesme foys, qui fut belle chose a veoir, mesmement a ung tel jour, dont la seigneurie de Napples se donnoit grant merveilles. (La Vigne, V.N., p.1495, 260)

Avoir merveilles de qqn. Avoir de l'admiration pour qqn.

LA PREMIERE DAME DE LA COURT. J'ay merveilles, se Dieu me voye, De la marquise nostre dame [Griseldis] ; Onques si vertüeuse femme Comme je la voy je ne vi. (Gris., 1395, 58)

Avoir/se donner (grande) merveille (de qqn) + interr. indir. Se demander avec étonnement (à propos de qqn).

Nous devons bien merveille avoir Que mon seigneur est devenuz N'en quel lieu il s'est tant tenuz (Mir. femme roy Port., c.1342, 166)

Quant vrais amans de sa dame se part Qui ne se puet ne vuet de li partir, Grant merveille ay que li cuers ne li part : Tant a meschiés et doleur à sentir ; Quar quant il pert le veoir et l'oïr Et le regart de sa tres douce dame, Comment vit il, je ne le say, par m'ame. (Mach., L. dames, 1377, 195)

Alain, dist ly rois, je me donne merveille de ce chevalier estrangier a qui vous estes si acointtés, qu'il quiert en ce pays. (Arras, c.1392-1393, 55)

Et dirent qu'ilz n'avoient riens ouy ne veu, dont tous se donnent merveille qui avoit fait cel effroy. (Arras, c.1392-1393, 156)

Monseigneur, j'ay grant merveille de vous, qui estes chevalier de si hault affaire, comment vous avez tant souffert de ce mastin Gardon, le jayant, qui a mis vostre pays de Guerrande en patiz, et autre pays d'environ, tant du vostre comme de l'autrui, jusques a la Rochelle. (Arras, c.1392-1393, 239)

Par foy, dist Gieffroy, veez cy appert messagier, je me donne merveille que ce puet estre. (Arras, c.1392-1393, 299)

Et dont le dit qui parle leur a plusieurs fois dit que il se donnoit grant merveille comment ilz osoient aisis user (Trés. Reth. S.L., t.2, 1395, 403)

...les cloces furent sonnees a esfort ; toutes gens sallirent sus sans ordenance, car on avoit mervelles quel cose ce voloit estre a celle heure la (Froiss., Chron. D., p.1400, 353)

...merveille avoir On doit comment tenir se porent [les Romains] Si long temps aux guerres qu'ilz horent (Chr. Piz., M.F., III, 1400-1403, 222)

Je me donne merveille se Justice veult que le souverain empereur et cond[i]teur des loys soit si astrains a elles que en riens ne les puisse ou doye muer pour quelconque cas qui aviengne. (Gers., Concept., 1401, 402)

Grande merveille nous donnons Pour quoy, n'a quelle occasion Trespassent la tradition Tes disciples des anciens (Marcadé, Myst. Pass. Arras R., a.1440, 114)

Avoir/se donner grande(s) merveille(s) (de ce) que. Être très étonné que.

Pour ce je vous proy, Se je vous ay riens meffait, Dame, pardonnés le moy. Grant merveille ont de ce que plus ne chant Cil qui m'ont veu chanter de lie chiere, Et dient que je vois en empirant. (Mach., L. dames, 1377, 56)

Et qui l'a doncques [le sultan] , dist Uriiens, maintenant meu de passer la mer, puis qu'il est homme d'emprise ? J'ay grant merveille qu'il s'en est tant tenu, a ce que vous lui estes prez voisins, et aussi qu'il a grant puissance, si comme l'en m'a informé. (Arras, c.1392-1393, 93)

Et pour ce, nous donnons grant merveille que pendant ledit traictié vous nous avez envoiées lesdictes lectres. (Ch. VI, D., t.1, 1411, 342)

Je me donne grant merveilles de ce que vous reclamez tant de sains et de saintes mains puissans, et vous oubliez a reclamer la vierge Marie, qui tout peult. (Miélot, Mir. N.D. W., 1456, 30)

Mon voisin, je me donne grand merveille (...) que vous ne mariez vostre fille (C.n.n., c.1456-1467, 295)

Sy en rescriptz [pour mes deux pauvres clergeons, deux très vieux chanoines de Notre-Dame] au collateur Lettres semblables et parreilles ; Or prient pour leur bien faicteur Ou qu'on leur tire les orreilles ! Aucunes gens ont grans merveilles Que tant m'encline vers ces deulx, Mais, foy que doy festes et veilles, Oncques ne vy les meres d'eulx. (Villon, Test. R.H., 1461-1462, 108)

En ce me donne grant merveille Que dont il est vous ne sçavez (Myst. Pass. Troyes B., a.1482, 464)

[D'une chose] Donner merveilles à qqn. Étonner, surprendre qqn.

Les lettres lues et bien entendues donnerent merveilles au roy Perceforest (Percef. IV, R., c.1450 [c.1340], 52)

Cestes lettres droit-cy donnoient assez merveilles au duc, et de la manière de l'escrire, qui estoit estrange, fu mu plus en coeur qu'en samblant. (Chastell., Chron. K., t.3, c.1456-1471, 390)

Avoir qqc. a grande merveille. S'étonner de qqc..

Chascun d'eux moult se merveilla, Et a moult tres grant merveille a Ce que Deduit leur a conté (La Buigne, Rom. deduis B., 1359-1377, 195)

C'est (une grande) merveille. C'est un sujet d'admiration.

Se combatoit encontre Hectour, Mais n'i pooit rien conquester N'a ses mortels cops contrester ; Et le mervilleus sagittaire Occioit tant de gens a traire Que c'estoit une grant merveille ; Et Troïllus moult se traveille Pour la fille Calcas de Troie, Briseyda. Que vous diroie ? Onques mais en jour de ma vie Ne vi si bien ouevre assevie. (Mach., F. am., c.1361, 191)

Mais toutes les cloches sonnoient, Qui si tres grant noise menoient, Que c'estoit une grant merveille. Li roys de ce moult se merveille, Et dit qu'onques mais en sa vie Ne vit si tres grant melodie. (Mach., P. Alex., p.1369, 36)

...[J. de Montagu] avoit aussi en moins de IJ ans edifié et fondé un couvent de Celestins près dudit chastel, si bien ordonné en toutes manieres que c'estoit merveille, comme l'en disoit (Baye, I, 1400-1410, 292)

C'est un sujet d'étonnement.

Ce fait, le president premier pour la Court a respondu que grant rumeur et clameur a esté du grant excès qui a esté fait à Tholouse par ceulx de la dicte Université, dont c'estoit grant merveille (Baye, I, 1400-1410, 195)

C'est merveille(s) à/de + inf. C'est une chose admirable à + inf..

Qui d'autre part veïst pingnier, Polir, cointier, alignier Vallès tranchans et eau parer Et pour leur maistre pain parer, Faire tailloirs, demander napes Et de leurs mains oster les rapes, L'un sëoir jus, l'autre troter (...), C'estoit merveilles a vëoir. (Mach., R. Fort., c.1341, 144)

Car selonc mon entendement, A la guise qu'il le looit Chascuns moult volentiers l'ooit, Et gracioient la loange, Pour ce qu'elle estoit si estrange, D'une estrangeté nompareille, Que c'estoit une grant merveille D'escouter les divisions Qu'on faisoit des alerions. (Mach., D. Aler., a.1349, 294)

Atant se taist Remondins, et lors apporta on mès a si grant planté que c'estoit merveilles a regarder. (Arras, c.1392-1393, 30)

Et puis [Mélusine] fist venir grant foison macons et tailleurs de pierre, et fist commencier sur la ounye roche et bastir les fondemens telz et si fors que c'estoit merveilles a veoir. Et fesoient les ouvriers dessuz diz tant d'ouvrage et si soubdainement que tous ceulx qui par la passoient en estoient esbahiz. (Arras, c.1392-1393, 46)

...les Escoçois (...) se retraissent sus lors logeis, et fissent tantos tant de feus que mervelles estoit a regarder. (Froiss., Chron. D., p.1400, 144)

La i furent faites tant de belles apertises d'armes que mervelles seroit a recorder. (Froiss., Chron. D., p.1400, 583)

Par hyperbole. C'est merveille que + sub. C'est un miracle que.

Car quant il voit Que de s'amour, present li, autres joit, Qui son ami appeler le soloit, Il a le cuer si jalous, si destroit, Que c'est merveille Qu'il ne s'occist, ou qu'il ne s'apareille D'occirre ce qui einsi le traveille ; Et ce li met jalousie en l'oreille. (Mach., J. R. Beh., c.1340, 123)

Mais quant li tristes ymagine La grant biauté, la douceur fine De celle qui n'a de li cure, Dont li venroit envoiseüre, Que elle aimme un autre que li ? Je ne me tien pas a celi, Qu'il a tant de dueil et de rage Que c'est merveille qu'il n'enrage, Ou qu'il ne se tue ou se pent, Ou que d'amer ne se repent (Mach., Prol., c.1377, 8)

[Dans un tour impers.]

Estre merveilles de qqc. Qqc. est un sujet d'étonnement.

Li Sarrazin, si com moy samble, Ne les laissoient mettre ensamble, Qu'au descendre se combatoient, Main à main, dont trop les grevoient. Mais merveilles fu de leur trait ; Car chascuns rue et lance et trait Par tel guise et par tel effort Qu'onques ne treïrent si fort. (Mach., P. Alex., p.1369, 74)

'Mervelles est dou voiage des Englois. Que pensent il a devenir, ne ou quident il passer la riviere de Sainne ?' (Froiss., Chron. D., p.1400, 700)

Estre merveille quand + ind. C'est une chose étonnante, inattendue quand.

Merveille fu quant mon cuer ne parti Quant de moi vi mon doulz ami(s) partir, Car tel doulour onques mais ne senti : Merveille fu quant mon cuer ne parti. (Mach., Voir, 1364, 374)

[Souvent suivi de car, qui introduit une explication pour ce qui précède] (Ce) n'est pas (de) merveille. Ce n'est pas étonnant.

Je ne vous ai rien escript par les gens de mon dit frere, pour cause que je vous dirai bien quant il plaira a Dieu que je vous voie ; la quele chose me tarde plus que ne fist onques nulle autre chose, et il n'est pas de merveille, car je ne puis sans vous avoir nulz des biens du tresor dont vous avez la clef. (Mach., Voir, 1364, 508)

Et par ferme foy fut ottroyé puissance a saint Pierre de faire miracles plus grans quant en aucune condicion que nous ne lisons de Jhesu Crist. Et n'est pas de merveille car ainsi l'avoit promis par avant : 'Qui crera, dit il, en moy il fera les oeuvres que je faiz, et plus grandes' (Gers., P. Paul, a.1394, 487)

...car telz gens moult sont esloignez de faire operacion spirituelle quant ilz sont en telles tristesses de melancolie, et nest [l. n'est] pas merueille car ilz sont aterris et de la condicion de la terre, et pour ce a grant peine se relieuent pour contempler ou pour prier, ou pour estudier ou pour faire operacion spirituelle. (Cib., p.1451, 219)

'...Si m'aist Dieu, dit elle, quand il besoigne une foiz en ung moys, c'est au mieulx venir (...) - Ce n'est pas merveille, dit il, mais regardez comment nous ferons...' (C.n.n., c.1456-1467, 248)

(Ce) (il) n'est pas (de) merveille(s) si/quand. Il ne faut pas s'étonner si.

Dame, or oiez Ce que diray et a mal ne l'aiez : N'est merveille se vous vous esmaiez, Car bien est drois que dolente soiez. Mais vraiement On trouveroit plus tost aligement En vostre mal qu'en mien. (Mach., J. R. Beh., c.1340, 66)

Si que, dame, se je pleure et gemi Parfondement et di souvent : 'Aimy !', N'est pas merveille, Quant sa fine biauté qui n'a pareille Et sa colour vive, fresche et vermeille, Et son trés dous regart qui me traveille, M'ont eslongié, Et qu'elle m'a dou tout donné congié (Mach., J. R. Beh., c.1340, 84)

...ce n'est mie de merveille Se chascun de moy s'esmerveille. (Mir. marq. Gaudine, 1350, 161)

Aussi te vueil je supplier, Les deffaus vueilles supplier ; Car je say po et petit vail, Si n'est merveille, se je fail. Mais uns cornars a teste fole Dit bien une bonne parole. (Mach., C. ami, 1357, 140)

Et vous le veez par exemple : car, quant ung aveugle maine l'autre, ce n'est pas de merveille se ilz cheent tous deux en une fosse. (Ménagier Paris B.F., c.1392-1394, 17)

...ne fu merveille Se ma douleur fu non pareille (Chr. Piz., M.F., I, 1400-1403, 49)

...se ne fust le bon droit que j'avoie, il m'eust foulé et mis au bas, tant ay trouvé de force en lui qu'il n'est pas de merveilles s'il a tant de gens desconfiz (La Sale, J.S., 1456, 283)

...n'est pas merveille si le vouloir luy creut et desir l'enorta d'accoler sa femme en ce lieu (C.n.n., c.1456-1467, 89)

...si je y mectz ung pou de refus, ce n'est pas merveille. (C.n.n., c.1456-1467, 101)

S'elle fut soupprinse et esbahie de se veoir tenue et saisie de monseigneur le conte, ce ne fut pas merveilles (C.n.n., c.1456-1467, 156)

S'elle fut plus mal contente que par avant, ce ne fut pas de merveille (C.n.n., c.1456-1467, 273)

...pourquoy est bien à penser que dudit temps et auparavant avoient esté plusieurs gens en toutes sciences, actendu la grande dilligence des escriptures dont la memoire par ceste maniere et choses semblables a esté adnichillée et perdue avecque leurs euvres. Pour ce n'est de merveille si peu se en treuve. (Simon De Phares, Astrol., c.1494-1498, f° 44 r°)

Merveille est/c'est merveille + sub. interr. indir. C'est chose étonnante + sub. interr. indir..

Onques n'oistes telle bouche. C'est merveille conment il touche Biau son parler. (Mir. Theod., 1357, 78)

...et dient que le païz d'Auvergne est et a esté dès long temps moult foulé et gasté tant de tailles que aultrement, et telement que merveille est comment y puent demourer les gens (Baye, II, 1411-1417, 12)

Faire merveille(s) de + inf. Susciter la curiosité, l'étonnement, se faire remarquer en faisant telle chose.

MARDOCEE. ...On m'a souflé en l'oreille, Aucun bien mon amy privé, Que Jhesus y est arrivé, Qui fait merveille de prescher Et d'abatre et de trebucher Noz esditz et noz drois legaulx. (Gréban, Pass. J., c.1450, 221)

...puis troys heures ou quatre, Il [Jésus] a fait merveilles d'abatre Aux marchans leurs bancs et estaux. (Michel, Myst. Pass. J., 1486, 235)

Faire croire merveilles à qqn. Faire gober n'importe quoi à qqn.

Dames ne sont mye si lourdes, Si mal entendans ne si foles Que, pour un peu de plaisans bourdes Confites en belles parolles, Dont vous autres tenés escoles Pour leur faire croire merveilles, Elles changent si tost leurs coles: A beau parler closes oreilles. (Chart., B. Dame, 1424, 342)

Estre en merveille de ce que. Être stupéfait de.

Quant Aigres entendi la voix qui yssy du corps, si fu tous esmaiez et en grant merveille de ce qu'il le vit par devant lui si lait et si orrible, car il estoit grans et haulz desmesureement et estoit de tres laide figure, et avecques ce il estoit touz nulz fors que d'un noir drap dont il estoit çaint en travers. (Bérinus, I, c.1350-1370, 252)

Tourner/venir à merveille

[D'une chose] Tourner à merveille à qqn . Être un sujet d'étonnement, d'incompréhension pour qqn.

Et nous tourne a grant mervelle celle dureté que vous avés empris a faire a vostre frere, nostre roi, et vostre serour, nostre roine, qant ce tant de petit hiretage que Dieus lor a donné, vous volés destruire. (Froiss., Chron. D., p.1400, 212)

Il tourne à merveille à qqn + sub. interr. indir.

'...Sire duc, nous sommes icy envoyez de par le roy nostre sire et nos seigneurs ses oncles (...) pour vous dire et monstrer qu'il leur tourne à grant merveille pourquoy le voyaige de mer qui se devoit faire en Angleterre vous avez rompu...' (Froiss., Chron. M., XIV, c.1375-1400, 13)

Il ne vient pas à merveille à qqn si

Car quant je vi la gente taille De son corps faitis et adroit, Cointe, joli, gent, joint et droit, Assés longuet, grasset a point, En qui de meffaçon n'a point, Il ne me vint pas a merveille Se li lions pour amer veille Celle qu'on doit clamer 'Tout passe', Qui toutes dames veint et passe De quanqu'on puet penser ne dire, Peindre, pourtraire ne escrire. (Mach., D. Lyon, 1342, 185)

B. -[Empl. adv. et loc. adv.]

1.[Empl. adv.] D'une façon étonnante.

J'ay merveille bon appetit. (Myst. st Vincent L., c.1471-1476, 189)

[Porte sur un adj., un adv.]

...Et chevaucherent les campaignes Merveilles ordeneement. (Tomb. Chartr. Trois contes S., c.1337-1339, 78)

'...Allés en la dessoubz, ne soiés arrestans, Au port dessus la mer et la serés trouvans Ne sçay quel chevalier. Merveilles est delans. Alés, sy l'amenés...' (Tristan Nant. S., c.1350, 86)

Mon cuer en est merveille baus (Mir. enf. diable, c.1339, 8)

Encore dit il sur cest Ave merveilles beles paroles (Mir. nat. N.S.J.C., c.1343, 207)

[Porte sur un verbe] En totale satisfaction.

Cest homme merveille vivoit De touz les biens du monde a ese Et n'estoit nul temps en malaese (Tomb. Chartr. W., c.1337-1339, 72)

2.Locution adverbiale. À merveille(s)

[Marque l'étonnement devant un phénomène naturel] D'une façon étonnante.

...car on y treuve [chez les bêtes] congnoissance du temps present, memoire du preterit, aucune proveance du futur ; on y voit les V sens du corps aussi parfaictement ou plus : les chiens ont plus parfait odorement a merveille et les voultours aussy, le singe nous passe en gouster, le porc sauvaige en escouter (Gers., Trin., 1402, 152)

Avec admiration.

En la mer sont jusqu'à l'eschine ; Là se combatent fierement Et si tres orguilleusement, Que tous ceuls qui les regardoient, A merveilles s'en mervilloient. Tant ont feru, tant ont maillié, Tant ont fait, tant ont esploitié, Que, malgré Sarrazins, ambdoy Sont venu d'encoste le roy. (Mach., P. Alex., p.1369, 72)

Et lors montent a cheval a moult belle compaignie, et vindrent en la cité ou dames et damoiselles, chevaliers et escuiers, bourgois et gens de commun les regardoient a merveille. Et fort estoient esbahiz du gipp de lyon que Anthoine avoit sur la joe, mais moult prisoient le beau corps et les beaulx membres de lui et de Regnault. (Arras, c.1392-1393, 187)

...chil signeur (...) se logierent a leur aise et i furent recheu a joie. Et les regardoient toutes gens a mervelles, pour le grant estat que il tenoient, car il n'espargnoient nulles riens (Froiss., Chron. D., p.1400, 253)

Réaliser qqc. à merveilles. Réaliser qqc. de façon remarquable.

Ma dame, j'ay oÿ dire que ce josne filz Saintré a fait tres beaux paremens a merveilles ; vraiement je ne le puis croire. (La Sale, J.S., 1456, 91)

[Équivalent d'un adv. d'intensité] Beaucoup, extrêmement.

...en tel maniere en ouvra Que la teste [de l'oiseau] li dessevra Tantost en l'eure de son corps - Einsi m'en fu fais li recors - Et le geta sans nul respit Jus a la terre par despit. Dont tuit cil qui ce fait veïrent A merveilles s'en esbahirent, Et moult le damage peserent. Si ot de telz qui en parlerent, Nom pas qu'il eüst fait outrage, Mais en regretant le damage. (Mach., D. Aler., a.1349, 358)

...il la cremoit et doubtoit a merveilles (C.n.n., c.1456-1467, 368)

[En mauvaise part] De façon injuste, incroyable.

LE LABOUREUR. ...Nous somez appellés villains. De tout cella n'est que du maings, Mes chascun nous bat a merveilles Et labouronss froment et seilles, Et ne mangeons que du pain d'orge (Pac. Job M., c.1448-1478, 22)

...et le peuple, esmeü par les ennemys dudit frère et par commission de ceste Seigneurie, l'allèrent prendre audit couvent, luy troisiesme, et d'entrée le gehaynnèrent à merveilles. (Comm., III, 1495-1498, 310)

[Porte sur un adj. ou un adv.]

Étonnamment, extraordinairement.

...fonda aussi icelui Nembrod une ville jouxte icelle tour qui, selon saint Jerosme, fut à merveilles grande, qui de tour avoit LXIII mil, et pour la confusion des langues la fist Babillone nommer. (Simon De Phares, Astrol., c.1494-1498, f° 15 r°)

[Équivalent d'un adv. d'intensité ou d'un superlatif] Très, extrêmement.

La avoit il sis damoisiaus Juenes, jolis, gentils et biaus ; Et si avoit sis damoiselles Qu'a merveilles estoient belles (Mach., D. verg., a.1340, 18)

La ot maison qui fu bele a merveille. La est li dieux qui tant dort et sommeille Que riens n'i a qui par raison l'esveille. (Mach., F. am., c.1361, 164)

Et y a trois paire de brayes haultes et puissantes, et pluseurs tours es dictes braies. Et si y a poternes fors a merveilles. (Arras, c.1392-1393, 46)

...Melusigne demoura puis environ deux ans sans porter enfant. Mais a la XJe annee, apporta un filz, le VIIJe, grant a merveille. (Arras, c.1392-1393, 80)

Ha dya ! ma damoiselle, dit lors le gentil conte (...) vous estes a merveilles fiere. (C.n.n., c.1456-1467, 156)

En ce point l'attendit aucun petit de temps, qui luy sembla long a merveilles, pour le grand desir qu'elle avoit. (C.n.n., c.1456-1467, 571)

...fut très expert en la science des estoilles et prenostica longtemps au peuple et jugea de plusieurs choses, et predisoit à la disposicion de l'air à merveilles justement. (Simon De Phares, Astrol., c.1494-1498, f° 22 r°)

Devant le lit estoit le jeune enfant, Beau a merveilles, sans pleur et sans effroy (La Vigne, V.N., p.1495, 168)

Si / /tant + adv./adj. + que (à) merveille(s). À ce point (...) que c'en est remarquable ; remarquablement, au plus haut degré.

[La fille du seigneur] estoit moult bonne et tant belle qu'a merveilles. (Arras, c.1392-1393, 147)

Le roy et la royne d'Arragon regardoient moult Bernardon, le nepveu Gieffroy et Thierry et moult leur plot, car il servoit si gracieusement que merveille (Arras, c.1392-1393, 292)

...il estoit encores en son lit dalés sen amie qui si belle estoit que a mervelles (Froiss., Chron. D., p.1400, 893)

Lors commença la bataille si fiere et dure que Merveilles (La Sale, J.S., 1456, 266)

Le bon chevalier, quand il cogneut qui parloit a luy, fut tant esbahy que merveilles. (C.n.n., c.1456-1467, 212)

...la grosse riviere du Rosne (...) en cel endroit est tant roidde que merveilles. (C.n.n., c.1456-1467, 313)

...une toux le va prendre, si grand et horrible que merveille (C.n.n., c.1456-1467, 436)

...le feu courut par le fil, ainçois qu'il l'aperceust jusques au lincieul, lequel lincieul incontinent fut esprins si très fort que merveilles ne po souffler tousjours plus s'alumoit (Simon De Phares, Astrol., c.1494-1498, f° 151 r°)

Tant de + subst. + que merveille

JHESUS. Vous avez aussy d'Ysaÿe Qui, en tant de lieux que merveille, Parla de la peine impareille Que Christus devoit endurer Pour ses bons amys delivrer. (Myst. Pass. Troyes B., a.1482, 924)

Tant + verbe que merveilles. À ce point...que c'en est incroyable.

Et ma femme tant me demaine Que merveilles, et de pis en pis. (P. Jouh. D.R., a.1488, 16)

3.Locution exclamative. par ironie. Quelle merveille (!)

[Gén. suivi de car ; introduit une explication de ce qui précède] Ce n'est pas étonnant (en effet...).

...lors les [vens] fortunaux ne tempeste communement en la nef n'avoyent nulle puissance. Quel merveille, car tous [var. lors] les seigneurs ne mangeoyent pas a mynuit, ilz ne faisoient pas du jour la nuyt, come on fait a present. (Mézières, Songe vieil pèl. C., t.1, c.1386-1389, 582)

Ryotes, guerres et debaz, mors soudaines et trahisons secretes sont souvent engendrees de la liberte du sacrement corrompue. Quel merveille ! car a vray sacrement de mariage, selon le dit de Hue de Saint Victor, docteur de sainte eglise, il fault que les voulentez et de l'omme et de la femme soient en Dieu (...) unies. (Mézières, Songe vieil pèl. C., t.2, c.1386-1389, 347)

[Suivi de si, avec une nuance d'interrogation] Est-ce étonnant si.

Quel merveille ! disoient les assistens dessusdiz, se ces cardinaulx estoient vestuz de jaune comme les Juifz, car de grant chaleur d'avarice et d'ambicion leur foye estoit tout entierement pourry, et par accident avoient acquis la jaunesse qui ne pourroit estre sanee ne lavee pour tout l'eauue de Tannisse. (Mézières, Songe vieil pèl. C., t.1, c.1386-1389, 284)

Une femme sera belle et riche : elle en usera en orgueil ou en charnalité ; une personne, homme ou femme, aura biaux enfans et belle lignie : elle les norrira plus tost en mal que [en] bien. Quelle merveille se le Saint Esperit se depart en la parfin, et en prant griefve venjance ? (Gers., Pent., p.1389, 80)

[Exprime l'étonnement, voire la réprobation] Quelle merveille !

'...Quel merveille !' dist la vieille. 'Nagayres en Brebant et en Alemaigne, je les feiz tant dancer que, sans dormir et mangier, jour et nuyt ilz dancoient, en dancant ilz mouroient et de la mort ilz ne pouoient eschapper.' (Mézières, Songe vieil pèl. C., t.1, c.1386-1389, 343)

Quel merveille ! se par paour raisonnable des Rommains les cardinaulx firent l'election du Terrible, Barrois, et apres en lieu seur justement le retraicterent, et par nouvelle election, le Saint Esperit inspirant, le Debonnayre gouverneur des deux clefz esleurent et eslieverent. (Mézières, Songe vieil pèl. C., t.1, c.1386-1389, 371)

Quel merveille ! Il est assez notoire que une ville qui doivra des aides C livres en un an, il se trouvera que tant montera que au chief de l'an la dicte ville sera dommagee de autres IIc livres. (Mézières, Songe vieil pèl. C., t.2, c.1386-1389, 393)

Remarque : Pour l'expr. chez Mézières, cf. J. M. Ferrier, Mél. T. B. W. Reid, 1972, 109-116.