JOYAU

substantif masculin

[T-L : jöel ; GD : joiel2 ; GDC : joel ; DEAF, J 345) : joiel ; AND : juel ; FEW (V, 43a) : jocus ; TLF (X, 771b) : joyau]

A. -Objet de matière précieuse.

1.Parure, bijou, joyau.

Li rois les tint huit jours moult liement Et au partir leur donna largement Chevaus, harnois, joiaus, or et argent. (Mach., J. R. Beh., c.1340, 134)

Cils qui plus en a, plus li faut. Dont ont li roy plus grant deffaut Que n'ont la povre gent menue, D'or, d'argent et de joiaus nue, Et par deffaut de souffissance, Car en leur cuer se boute et lance Un ardant rain de convoitise Qui si les ambrase et atise Qu'il les art jusques es entrailles (Mach., R. Fort., c.1341, 101)

Se tu vosisses or molu Mengier, ou pierres precieuses, Ou avoir robes curieuses, Joiaus, deniers, chevaus, destriers, Dont d'or fin fussent les estriers, Tu l'eüsses sans contredit ; N'onques on ne te fist ne dit Chose qui te deüst desplaire, Car chascuns voloit a toy plaire. (Mach., C. ami, 1357, 66)

Il donnoit fiez, joiaus et terre, Or, argent ; riens ne retenoit Fors l'onneur ; ad ce se tenoit, Et il en avoit plus que nuls. (Mach., C. ami, 1357, 103)

...biaus fils, ne te doubte mie Que leurs richesses, leurs tresors, Leurs riches jouiaus et leurs ors Ne sont fait que pour moy servir Et pour ma grace desservir. (Mach., F. am., c.1361, 218)

Qu'il vous plaise prendre et avoir La moitié de tout mon avoir, Tant en argent come en joiaux, En rentes, en draps, en chevaux (Mir. st Val., c.1367, 139)

Li dus richement l'onnoura, Et VIII. jours o li demoura. Se li donna de ses joiaus D'or et d'argent, riches et biaus, Harnés à jouster et destrier, Où ne faloit celle n'estrier ; Car li roys joustoit volentiers (Mach., P. Alex., p.1369, 30)

Il avoit une merque a un des bons [l. bous] et a l'autre estoit celui qui tenoit le joiau pour le mieulx courant. [Explication de l'image du coureur et de la course dans un stade] (Oresme, E.A.C., c.1370, 110)

Si trouvoient li Englès et li Gascon le pays plain et drut, les cambres parées de kieutes et de draps, les escrins et les coffres plains de bons jeuiaus. (Froiss., Chron. L., IV, c.1375-1400, 165)

Brise Godet, pren les premiers, Ces joiaux, et toy ces deniers, Lambin, et toy, Boute en Couroye, Léves toute ceste monnoye (Mir. Rob. Dyable, c.1375, 13)

S'il n'est d'argent ou de joyaux garni, Celui est fol qui cuide avoir amie Au temps present n'estre appellé ami (Mach., App., 1377, 640)

...il rompi les coffres estans à la dame dudit lieu, esquelx coffres il print et embla plusieurs joyaulx et anneaulx qui estoient à icelle dame, n'est record quelx joyaulx, pour ce qu'il y a bien VJ ans qu'il fist ycellui larrecin (Reg. crim. Chât., I, 1389-1392, 26)

...il print et embla, en un hostel de ladite ville, IX tasses d'argent et XXX ou XL fr., pelles, joyaulx et autres biens, qui estoient en un coffre qu'il print et emporta (Reg. crim. Chât., I, 1389-1392, 28)

Et estoit l'espousee [Mélusine] tant belle et si tres noblement paree que chascuns disoit que oncques si belle n'avoient veue, ne si richement atournee, et s'esmerveilloient tuit de sa grant beauté et de la grant richesse de son habit. La contesse mesmes dist que en tout le monde ne cuidoit royne, ne roy, ne empereur qui peust finer d'autant que les joyaulx qu'elle avoit sur elle, valoient. (Arras, c.1392-1393, 39)

Et, au partir, sachiez qu'il n'y ot dame ne damoiselle a qui le duc ne feist presenter bel joyel, selon ce qu'il lui sembloit que la personne le vaulzist. (Arras, c.1392-1393, 176)

Et tantost le roy et le duc Oste l'alerent querre [la damoiselle] et lui firent poser le noir et vestir des plus riches garnemens qu'elle eust, et de ses plus riches joyaulx, esmaulx, fermaulx d'or a riches pierres, ceintures et chappeaux. (Arras, c.1392-1393, 190)

Lors fut le service dit, et offry Remond a ce commencement de moult riches joyaulx d'or a riches pierres. (Arras, c.1392-1393, 273)

LE MARQUIS. (...) Car je vueil que faire faciez Pour noz noces ce qu'il fauldra (...) Riches habis et vestemens, Joyaux, ceintures, ornemens Pour en atourner l'espousee. (Gris., 1395, 30)

LE QUINT CHEVALIER. (...) l'appareil [du mariage du marquis] feray faire (...). Appareilliez sont ja les draps. Et les joyaux nobles et riches Et le disner qui n'est pas chiches. (Gris., 1395, 31)

Qant la roine et si enfant et li signeur deurent entrer dedens Londres (...) estoient les rues parees et couvertes de draps et de jeuiauls moult estofeement. (Froiss., Chron. D., p.1400, 93)

...doi chevalier, tout avisé de ce que il devoient faire (...) departirent tous ces jeuiauls as chevaliers et as esquiers, et casquns selonch son estat. Tout en furent servi (Froiss., Chron. D., p.1400, 99)

Et enporta avoecques lui grant fuisson de biaus jeuiauls qui tous venoient dou tresor de Limoges son frere le duc de Bretagne, pour donner et departir la ou il les veroit bien a emploiier et pour acquerre amis (Froiss., Chron. D., p.1400, 478)

Et requeroit ledit sire Hemon que certains joyeaux, c'est assavoir une ceincture, un chappeau d'or et une coiffe, qui avoient esté miz en gage par maistre Jehan Salant audit sire Hemon, pour la somme de CCCC escus fussent vendus, et l'argent delivré à lui pour la Royne (Baye, I, 1400-1410, 55)

...Jehan Lachenel, dit Bouloingne, garde des joyaulx de la chambre de monseigneur (Comptes Etat bourg. M.F., t.1, 1419, 56)

Le roy, qui garny estoit des VIIJ joiaux souffisans qui estoient les pris, quatre des ungs, quatre des autres, pour les donner a cellui a qu'il appartiendroit, ordonna audit Monjoye, roy d'armes des François (...) que il portast les parolles toutes telles qui s'ensuivent. (La Sale, J.S., 1456, 167)

... [les femmes] la menerent en la chambre ou elle devoit coucher pour la nuyt avec son espousé, ou elles la desarmerent de ses actours et joyaux (C.n.n., c.1456-1467, 497)

...[elle] monta en sa chambre, et illec prepara et ordonna les bagues et joyaulx qu'elle avoit attains et mis dehors pour festoier et recevoir son amoureux. (C.n.n., c.1456-1467, 572)

Et depuis sondit parc s'enfouy sans arrester, et souvent regardoit derriere lui, jusques à Joigne, qui est bien distant dudit lieu de la desconfiture de XV à XVI lieues françoises. Et ilec perdi tout son vaillant qui estoit ilec, comme or, argent, vaisselle, joyaulx, tapicerie, toute son artillerie, tentes, paveillons et tout ce qu'il y avoit mené. (Roye, Chron. scand., II, 1460-1483, 21)

...et s'il y a crue de festoyement où il faille crue de vaisselle, le garde huche va au garde des joyaux, qui luy delivre ce qu'il luy fault et non aultre. (La Marche, Mém., IV, Pièces annexées, 1474, , , 41)

Il n'est monoye, Joyau, viande, voye, Qui me peust mon corps resjoyr, Ou que je soye. Mon cueur s'employe A panser qu'il me fault morir. (Pass. Auv., 1477, 109)

LE CRESTIEN. Le juif ay si bien blasonné (...) Qu'il m'a presté cent escus d'or. (...) LA FEMME. Quel tresor ! C'est bien besongné, par mon ame ! LE CRESTIEN. G'i ai bien joué de ma dame (...). LA FEMME. Quelz joyaulx ! (Mir. st Nic. juif, c.1480-1500, 96)

Voyla le gaige de bataille, Qui est jolis, plaisant et beau ; Vous leur porterez, comment qu'il aille ; Fait faire l'avons tout nouveau. Vous voyez c'est ung rossigneau Qui tout melodieusement chante. Presenter leur ce bel joyau ; La chose si est belle et gente. (Myst. siège Orléans H., c.1480-1500, 308)

Je suis Venus, la plus belle des cieulx, Entre les dieux tenant ma region, Aornée de joyaulx precieulx, De chans joyeulx et sons melodieux, Esbatz et jeux sont en ma legion... (Cene dieux, c.1492, 108)

En ceste ville hault en ung monastere, A une chasse ou une fierte entiere, Ainsi qu'on dit et comme on le propose, La ou le corps Sainct Ambroise repose, Advironné de joyaux precïeux (La Vigne, V.N., p.1495, 243)

2.Objet précieux à caractère religieux ; en partic. relique ou reliquaire.

Mont les garnirent bien [les églises] de reliques tres chieres, De rentes, de joiaus, de tres biaus privileges, Ce sevent cil qui sont ancor en ces colleges. (Gir. Ross. H., c.1334, 264)

...d'un evesque a qui Nostre Dame s'apparut et lui donna un jouel d'or, ouquel avoit du lait de ses mamelles. (Mir. ev. N.D., c.1348, 57)

LA DAMOISELLE. Sire, ce jouel ci vous livre : C'est la chose certainement Qu'elle gardoit plus chiérement (...) Car c'est l'os d'un des doiz du pié Mon seigneur (Mir. Oton, c.1370, 349)

Et en donna li dus de Normendie à çascun des chevaliers une des plus grandes espines de la ditte couronne, laquèle cose cescuns des chevaliers prisa moult et le tint au plus noble jeuiel que on li peuist donner. (Froiss., Chron. L., VI, c.1375-1400, 20)

Apriès ce, il furent mené en le Sainte Chapelle dou palais, et lor furent moustrées les plus belles reliques et li plus digne jeuiel dou monde qui là estoient et sont encores. (Froiss., Chron. L., VI, c.1375-1400, 20)

Et de la sainte mere eglise ravissoient les vaisseaux des reliques, les joyaux de l'eglise et les sains calices. (Mézières, Songe vieil pèl. C., t.1, c.1386-1389, 296)

'...La tierce chose en quoy je me delicte assez,' dist la vieille, 'si est en beaux et riches joyaux d'or et d'argent et garniz de riches pierres precieuses, et par espicial en riches et haultes mistres, en beaux et precieux anneaux pontificaux, en vestemens aussi et habiz de divers coleurs, precieux et resplendissans, et en riches paremens de sales, de chambres, de oratoires et de chapelles...' (Mézières, Songe vieil pèl. C., t.1, c.1386-1389, 321)

Mais en devant ce, li abbés de Hanon et li monne avoient amené lor fietre et lors jeuiauls et les reliques a sauveté en la ville de Valenchiennes. (Froiss., Chron. D., p.1400, 421)

Après qu'il se fu une piece reposé, il se fist derechief porter en l'eglise de leans, et se fist porter ou tresor, assis en une chaiere, et vid les reliques et les joyaulx, et moult y prist grant plaisance. (Chr. Piz., Faits meurs Ch. V, S., II, 1404, 95)

En oultre, la Court a ordonné que Girart de Bourbon, frere de l'abbé d'icelle abbaie, sera contraint, par prinse et emprisonnement de sa personne et par toutes autres voies deues et raisonnables, à rapporter à Paris à ses despens, et mettre en la main de ladicte Court ou à mettre en la main du Roy les trois angels d'argent doré et autres parties qu'il a du reliquiaire du chief Saint-Denis, avec les mitres d'or, la crosse d'argent entiere et le crosson, les livres d'Euvangiles, couvers d'or, et autres reliques et joyaux de ladicte abbaie estans par devers ledit de Bourbon. (Fauq., II, 1421-1430, 113)

Ce jour, Girart de Bourbon, escuier, frere de l'abbé de Saint-Denis, par l'ordonnance de la Court, a mis devers ycelle Court certains joyaux venans de l'eglise de Saint-Denis, declairiez en l'inventaire sur ce fait. (Fauq., II, 1421-1430, 116)

...le conte de Flandrez n'en voulut riens prendre [des trésors proposés] mais demanda au pape ung joyel des reliquez de Romme. (Baud. Flandre P.-M., c.1443-1452, 42)

En ceste ville hault en ung monastere, A une chasse ou une fierte entiere, Ainsi qu'on dit et comme on le propose, La ou le corps Sainct Ambroise repose, Advironné de joyaux precïeux (La Vigne, V.N., p.1495, 243)

B. -Au figuré. Bien particulièrement précieux.

Je fais mon derrain testament, Ou quel je laisse franchement à ceus qui sont u val de pleur Et en la terre de labeur Le don de pais, c'est mon jouel, Le plus gracieus et plus bel Qui soit en ciel ne en terre Ne c'on puist trouver ne querre. (Guill. Digull., Pèler. vie hum. S.C., c.1330-1331, 274)

Et en pensant il ne trouve pas bien maniere d'avoir chevanche et toutevoies il la lui fault avoir, car il voit sa femme que est telle a son avis qu'il loue Dieu en son courage dont il lui donna ung si riche joyau come el est. (Quinze joies mar. R., c.1390-1410, 11)

...bien se comfioit li rois en li, qant il li bailloit en garde le jeuiel ou monde a ce jour que il amoit le mieuls : c'estoit la ville et le castiel de Calais. (Froiss., Chron. D., p.1400, 856)

Le roy ot conseil (...) que bon seroit pour lui d'estre saisi et revestu de si noble jouel comme la seigneurie de Gennes (Bouciquaut L., 1406-1409, 184)

A ses apostres Dieu donner Si ne voult pain blanc ne pain bis Quant il les voult habandonner, Fors qu'il leur donna : Pax vobis, De plus bel joyau ne rubis Si ne les povoit guerdonner. (Régn., F.A., 1432-c.1465, 72)

LE HOSTE. Plaisir me faictes vrayement Quant les corps sains vous m'apourtez Que ont estez martirizés Pour le non de Dieu soubstenir, Et la loy que Dieu, Jhesucrist, Sy a grant piessa ordonnée. Ceste cité est bien eurée De garder ces riches joyaulx. (Myst. st Adr. P., c.1450-1485, 167)

Après qu'il se fu une piece reposé, il se fist derechief porter en l'eglise de leans, et se fist porter ou tresor, assis en une chaiere, et vid les reliques et les joyaulx, et moult y prist grant plaisance. (Chr. Piz., Faits meurs Ch. V, S., II, 1404, 95)

Puis qu'i vous semble que soit bon Abatre tout le Portereau, Qu'i soit fait nous nous consenton(s), Et tout jusques au rees de l'eau Combien que ce noble joyau Nous fait mal des Augustins ; Mais nous le referons de plus beau S'i plaist a Dieu et a ses sains. (Myst. siège Orléans H., c.1480-1500, 149)

En particulier. Cadeau.

Bien voire car en tout et partout il veoit tourner et reluyre la puissance de Dieu, sa saigesse et sa benivolence. Il usoit de tout comme l'enfant qui seroit en pays estrange useroit du jouel que son pere luy envoyroit. Il consideroit que pour lui et pour son usaige Dieu avoit fait ung tel monde (Gers., P. Paul, a.1394, 514)

Remarque : Cf. DEAF, 348, et n.44 et 45.