OUBLIER

verbe

[T-L : oblïer ; GD : oublier ; GDC : oublier ; DECT : oblïer ; FEW (VII, 271b) : *oblitare ; TLF (XII, 700b) : oublier]

A. -Emploi transitif.

1.Oublier qqn/qqc. Ne pas garder présent à l'esprit, perdre le souvenir de qqn ou de qqc., ne plus penser à qqn ou qqc., ne plus tenir compte de qqn ou de qqc., oublier qqn ou qqc..

Et, douce dame, La coustume est partout, d'omme et de fame, Que, quant dou corps s'est departie l'ame Et li corps est en terre sous la lame, Qu'en petit d'eure Est oubliez, ja soit ce qu'on en pleure. Car nul n'en voy ne nulle qui demeure Tant en son pleur qu'a joie ne requeure, Eins que li ans Soit acomplis, tant soit loiaus amans, Ne excepter n'en vueil petis ne grans. (Mach., J. R. Beh., c.1340, 99)

Si mis moult grant peinne a l'aprendre [la balade] , Et la sceus en si po d'espace Qu'eins qu'elle partist de la place, Ne que toute l'eüst pardit, Je la sceus par chant et par dit. Et pour ce que ne l'oubliasse, Failloit il que la recordasse. (Mach., R. Fort., c.1341, 107)

Car de celle honneur, j'en sui fis, Qui seroit solas et profis Pour mieus oublier ses meschiés, En son cuer en seroit li chiés Qui ses maus assouageroit Toutes fois qu'il l'en souvenroit. (Mach., D. Aler., a.1349, 381)

Tandis que la m'esbanioie Qui en moy oublié avoie Toutes autres merencolies, Tant les dolentes, com les lies, Une dame de grant noblesse, Bien acesmée de richesse, Venoit a belle compaingnie. (Mach., J. R. Nav., 1349, 155)

LE MARI. (...) L'onneur, le bien, la courtoisie Que m'a fait la vierge Marie, Et certes se je l'oublïoie, Assez plus que mauvais feroye (Mir. enf. ress., 1353, 77)

Vierge aus ennemis ennemie, Moy pecherre n'oblie mie, Mais reçoi ma priére en gré (Mir. parr., 1356, 54)

Et comment qu'en son cuer la sente, Il ne voit ne li ne sa sente. Mais elle [Douce Pensée] est de si noble affaire Qu'en cuer d'amant fait tout contraire Et toute dolour oublier. (Mach., C. ami, 1357, 77)

Les vesves et les orphenins, Tant masculins com femenins, Et les eglises dois deffendre, Et si ne dois riens dou leur prendre ; Car qui en ce vice encherra, Certeins sui qu'il li mescherra, Soit a la mort, soit a la vie, Car Dieus scet tout et riens n'oublie. (Mach., C. ami, 1357, 140)

Et par ce l'amoureus tourment Et les pensees qui forment Puelent grever, legierement Oublierons, Et s'en vivrons plus liement Et assez plus joliement, Et trop plus amoureusement En amerons. (Mach., F. am., c.1361, 224)

Mais quant est de son eleccion il ne voudroit pas oublier ceulz qui li ont bien fait, mesmement siques a tant que il leur ait largement remuneré. (Oresme, E.A.C., c.1370, 253)

Ceste parolle que le chevalier me dist me fist grant bien et luy dis : Ha ! doulx sire, vous me ferez grant plaisir au recorder, et si le retenray de vous, ne jamais je ne l'oublieray (Froiss., Chron. M., XIV, c.1375-1400, 9)

...ilz avoient les vins si durs et si chaulx, et en buvoient largement pour oublier leur doulours. (Froiss., Chron. M., XIV, c.1375-1400, 98)

Oublie ta destinée Et pense à ta retournée, Que joie guerredonnée, Par honneur prise et donnée, T'iert sans lonc detri, Et comment riens ne m'agrée Sans toi. (Mach., Les lays, 1377, 357)

Seigneurs, oblier ne doy mie Le diner que m'a sire Audry Promis. Alons y sanz detry (Mir. march. juif, c.1377, 177)

C'est selonc Averroÿs, et semble qu'il avoit oublié ce qu'il a dit tantost devant en cest chappitre, c'est assavoir que une chose qui est dure par la puissance qu'elle a a estre, et vient en non-estre par la deffaute de ceste puissance et donques a elle puissance a estre quant elle est. (Oresme, C.M., c.1377, 212)

La dame ouy la frainte du cheval au roy Elinas, qui venoit grant aleure. Si dist a son varlet : Arreste et attendons ce chevalier, car je croy qu'il a oublié quelque chose a la fontaine, ou nous dire partie de sa voulenté dont il n'estoit mie pour l'eure advisié, car nous l'avons veu fort pensif. (Arras, c.1392-1393, 8)

Glorieux Pere Jhesucrist, je te regracie humblement de ce que tu n'as pas oublié moy qui suiz ta povre creature, ne ton povre peuple, qui a longtemps vescu cy dedens en grant doubte et en grant misere. (Arras, c.1392-1393, 96)

Par mon chief, dist le duc, grans mercis, beaulx seigneurs, et vous soiez les tres bien venuz. Ceste courtoisie ne fait pas a reffuser, et saichiez que je ne l'oublieray pas en temps et en lieu. (Arras, c.1392-1393, 177)

Mais non contretant elle avoit si grant douleur au cuer de la mort de son pere qu'elle ne le povoit oublier. (Arras, c.1392-1393, 185)

...messires Joffrois de Carni ne pooit oubliier la traison que chils Ainmeris de Pavie li avoit fait. (Froiss., Chron. D., p.1400, 892)

...Romulus n'oublia pas Son serment (Chr. Piz., M.F., III, 1400-1403, 181)

Lequel Ennee tant ama Dido que il en moroit, mais Dido de s'amour ne tenoit compte, car tant avoit amé et encor amoit son mary tout mort, qu'elle ne le pouoit oblier. (La Sale, J.S., 1456, 3)

...je vous supplie et de rechef que tout aultre passé courroux, et [cestuicy] vous obliez ; vostre grace me soit donnée, et me pardonnez ma folie. (C.n.n., c.1456-1467, 30)

Quand elle vit son amy oblyé et qu'il la cogneut aussi, chacun fut esbahy. (C.n.n., c.1456-1467, 148)

...la belle Katherine (...) estoit remise avec les pechez oubliez (C.n.n., c.1456-1467, 174)

Ilz ont tantost oublié ce qu'ilz promisrent au partir, et creez qu'on ne leur oblyra pas a dire. (C.n.n., c.1456-1467, 204)

...quoy que soit, que ce disme ne soyt pas oublyé. (C.n.n., c.1456-1467, 225)

...par dieu, beau sire, il ne m'en souvenoit plus, je l'ay pieça oublié. [Il s'agit d'un vol] (C.n.n., c.1456-1467, 400)

MATHATIEL. (...) il est a vous impossible D'estre payé de voz debteurs. (...) De ces trompeurs Crestiens a qui les cent escus Prestates. LE JUIF. (...) Me semble que sainct Nicolas Je prins pour gaige. MATHATIEL. Quel folie ! Seurement, je vous certifie Et de vray qu'i [qu'ils l'] ont oublié. LE JUIF. Comment dea, n'ont il rien payé Au terme ? MATHATIEL. Une seulle maille. (Mir. st Nic. juif, c.1480-1500, 105)

Et touchant vostre estat et pencion que avez de moy, je ne vous l'osteroye jamais, mais plustost la vous crestroie ; et si n'oblieray jamais les grans services que m'avés faitz, pour quelque homme qui en veulle parler. (Le Clerc, Interp. Roye, c.1502, 388)

Oublier que

Gardez bien que pas n'obliez Qu'a vostre fille ne diez Conmant (...) Devra pour le bourgeois prier (Mir. march. juif, c.1377, 185)

Faire oublier qqc. (à qqn)

Adont la damoiselle le fist mectre [le roi d'Ausay] en une moult riche chambre, o lui dames, damoiselles et chevaliers et escuiers, pour lui faire oublier sa perte et sa merancolie. (Arras, c.1392-1393, 164)

Et moult ont grant merveille de la joe Anthoine. Et en verité ce estoit une estrange chose a veoir, mais la grant beauté qui estoit ou remenant de lui faisoit oublier cela, et aussi il ne lui messeoit pas granment. (Arras, c.1392-1393, 165)

...tout fait Amours oublier (Chr. Piz., M.F., III, 1400-1403, 41)

[En amour]

Mais en oubli Ne puis mettre celle que pas n'oubli. Car Souvenir la tient moult près de mi Sans departir jour, heure, ne demi (Mach., J. R. Beh., c.1340, 99)

Et aler m'estuet en servage Et laissier mon droit heritage. En servage ? Mais en essil, Dont tous me gaste et tous m'essil. Si m'ara tost mis en oubli La tres bele qu'onques n'oubli. En oubli ! Dieus ! li souvient il Que je l'aim plus qu'autre cent mil ? (Mach., F. am., c.1361, 195)

Et se vous saviez bien les pensee[s] que j'ai de vous, et a toutes heures, vous ne diriés mie que je vous eusse oublié, car, si m'ayt Dieus, je ne sui en nul estat qu'il ne me semble adés que je vous voie devant moi. (Mach., Voir, 1364, 540)

Ne croyez mie Qu'il ne face encore autre amie Que vous, et vous oubliera, Et une autre dame amera (Chr. Piz., M.F., III, 1400-1403, 22)

...tant trouva en luy de bonne chevalerie, de proesse et de vertuz, qu'elle oublya de tous poins son amy par amours (C.n.n., c.1456-1467, 146)

Mon amy, c'est force que vous eloignez ; si vous prie que vous n'obliez pas celle qui vous a fait le don de son cueur. (C.n.n., c.1456-1467, 167)

Proverbe.

Qui bien aimme a tart oublie, Et cuers qui oublie a tart Ressamble le feu qui art, Qui de legier n'esteint mie. (Mach., L. plour, 1349, 283)

Qui aime à vie, à mort n'oublie

Mais vous, Dieu mercy !, vous, devotes gens, qui estes yci venus, signifiez par vostre presence et par vostre entente, et demonstrez que vous n'avez pas du tout oublié voz amis trespassez : Qui aime a vie, A mort n'oblie. (Gers., Déf., 1400, 226)

Remarque : DI STEF., 890b, s.v.vie.

2.En particulier.

a)Négliger (délibérément) qqn ou qqc..

Encor te pri je trop de cuer Que tu n'oublies a nul fuer Les deus precieuses vertus Que je t'ay nommé ci dessus : L'une est Souffissance la belle, L'autre est Pacience, s'encelle. (Mach., R. Fort., c.1341, 102)

Dieus li peres ne voloit mie Oublier sa serve et s'amie Endurer, voloir, ne souffrir Son corps a tel martyre offrir Sans raison nulle et sans desserte, Eins fist pour li miracle aperte, Et de fait oy sa priere, De cuer faite et d'amour entiere. (Mach., C. ami, 1357, 11)

Si vous parleray de sa vie [de l'empereur Charles] , Car n'est pas drois que je l'oublie. On ne porroit en nulle terre Nul plus sage homme de li querre, C'on dit ça et dela les mons Que c'est li secons Salemons. Il aime Dieu, et sainte eglise Honneure, crient et sert et prise (Mach., P. Alex., p.1369, 31)

Et si ne vueil pas oublier Le bon Jehan de Bouviller Que j'aim, n'Endruet de Braibant, Sans orgueil nul et sans bobant. Deux très bons escuiers de Flandres, Qui ne sont pas des autres mendres (Mach., P. Alex., p.1369, 142)

...Au Caire avint une aventure Que je ne vueil pas oublier, Eins la vueil dire et publier. (Mach., P. Alex., p.1369, 182)

Et lors commenca la bataille forte et fiere, mais neantmoins Sarrazins ne porent durer, et s'en fuirent vers la porte de Triples, qu'ilz firent ouvrir. Et lors qui ot bon cheval, il ne l'oublia pas, mais fiert des esperons quan qu'il puet devers Triples, et les aucuns qui furent mieulx montez devers Damas (Arras, c.1392-1393, 225)

Las, dolente ! et se mon enfant que j'ay conceu, porté et enfanté, me refuse et m'est dur et me oublie, qui me aydera ? (Gers., Déf., 1400, 228)

Au besoing ne m'oublia pas, Ains acouru plus que le pas Moy visiter (Chr. Piz., M.F., I, 1400-1403, 24)

Item, aprés il n'est pas a obmettre Que le conseil n'oublia ['il ne négligea pas le conseil de...'] de commettre Gens suffisans pour les bons logis prendre Qui se sçavoyent de ce fait entremettre (La Vigne, V.N., p.1495, 147)

CATECUMINAIRE. Pour quelque chose qui m'aviengne, Jamais Dieu je n'oublieray. (La Vigne, S.M., 1496, 376)

Sans oublier

Et parmy eulx avoit fleustes, bedons De leurs expletz sonnans les entremetz, Sans oublier estendars et guydons, Le mieulx en point que l'on les vit jamais. (La Vigne, V.N., p.1495, 210)

[Intervention de l'aut. pour attirer l'attention du lecteur]

...tresbeau filz estoit, et, qu'on ne doit pas oblier, pour ung homme de son eage il n'en estoit point de plus subtil. (C.n.n., c.1456-1467, 91)

Oublier le temps. Passer le temps.

Si s'avisa li gentilz sires de Couci... que il se dissimuleroit moiiennement de l'un roy et de l'autre, et s'en iroit oubliier le temps, où que fust (Froiss., Chron. L., VII, c.1375-1400, 208)

N'est pas à oublier (que). Il faut penser que, il est à considérer (que).

Et n'est pas a oublier que trop plus grant peril est a errer en blaphemant ceste Vierge que en l'onnourant (Gers., Concept., 1401, 422)

...les trois advis que le bon pere bailla a son filz ne sont pas a oublier. (C.n.n., c.1456-1467, 337)

...n'est pas a oublier que autant faisoit pour elle qu'oncques serviteur fist pour sa dame (C.n.n., c.1456-1467, 473)

Ne pas faire à oublier

Or ne fait pas a oublier que la bonne damoiselle (...) luy voulut monstrer ung prisonnier (C.n.n., c.1456-1467, 197)

b)Oublier qqn/qqc. (qq. part). Quitter un lieu sans emmener qqn ou qqc..

...et quant ilz s'en revindrent, ilz obliérent l'enfant Jhesu en Jherusalem et le perdirent trois jours ; et après ces trois jours ilz le trouvérent ou temple (Mir. Theod., 1357, 80)

...et convint ce roy Acquin fuir et avoit sa navie toutte preste au piet de la tour du Glay. Il entra dedens, sa femme et ses enfans, mais ilz furent si quoischiez des François qui chachoient les fuians que le roi Acquin ne sa femme n'eurent loisir de prendre ung petit filz qu'ilz avoient, environ d'ung an, qui dormoit en celle tour du Glay et l'oublierent, et esquipperent en mer et se sauverent. Cel enffant fut trouvé en la tour et fut apporté au roy Charlemainne, qui en ot grant joye et volt qu'il fut baptisiez (Froiss., Chron. M., XIV, c.1375-1400, 11)

...il estoit retourné de son chemin pource qu'il avoit oublyé la lettre principale touchant le fait de son voyage. (C.n.n., c.1456-1467, 29)

...le chapellain (...) soubz le chevet du lit oublya ses braies le matin qu'il se leva (C.n.n., c.1456-1467, 336)

Ce bon curé avoit ung chien (...) qui tous les aultres chiens du païs passoit d'aller en l'eaue querir le vireton, ung chappeau si son maistre l'oblyoit ou de fait apensé le laissoit quelque part. (C.n.n., c.1456-1467, 539)

[Par litote]

...ce point le laissa [le prieur] , qui, pour sa seureté, n'oblia pas le cousteau. (C.n.n., c.1456-1467, 63)

3.[D'une chose] Qqc. oublie qqn. Quitter.

Car quant je voy vo biauté nompareille Et vo gent corps qui n'a point de pareil Et vo fresche coulour qui à merveille Coulourée est de blanc et de vermeil, Resplendissant si com or en soleil, Je n'ay vigour ne sens qui ne m'oublie : Tant me fait mal de vous la departie. (Mach., L. dames, 1377, 160)

B. -Oublier (à/de) + inf. Ne pas songer à, omettre de.

Oublier + inf.

Et vers ma fille retournez. Et n'obliez pas li requerre Que de la chambre ysse bonne erre (Mir. Berthe, c.1373, 173)

Mais la royne (...) n'oblia pas mander son medicin (La Sale, J.S., 1456, 241)

...se partit le premier venu, qui pas n'oblya lendemain tout au long racompter a son compaignon le derrain venu. (C.n.n., c.1456-1467, 236)

...il vaca nonante ans à l'estude de sapience et tant l'ayma que souventes fois oblioit prandre sa reffection. (Simon De Phares, Astrol., c.1494-1498, f° 72 r°)

...et pour ce composa unes helles qu'il se mist ès piez et mains et vola du hault d'une tour à la distance d'une stade au bout de laquelle il tumba et se rompit une jembe et disoit venir la faulte de ce qu'il avoit houblié prandre la queue. (Simon De Phares, Astrol., c.1494-1498, f° 111 v°)

Oublier à + inf.

...Dieus et Nature la belle, Quant il formerent Celle que j'aim, si fort se deliterent En la trés grant biauté qu'il li donnerent Que loyauté a mettre y oublierent. Et bien y pert ; Que je say bien et voy tout en apert Que ma dame, qui tant a corps apert, Que mes cuers crient, aimme, obeïst et sert, A fait ami Nouvellement, sans cause, autre que mi. (Mach., J. R. Beh., c.1340, 83)

...j'ay grant talent, Puis que j'ay dite ma complie, D'aler couchier, que je n'oblie A relever a mie nuit. (Mir. ev. arced., c.1341, 111)

Et dit que au lendemain matin, au partement qu'il fist d'icelle ville de Pontoise, il oublia à prendre icelle sainture, ne oncques puis ne la vit (Reg. crim. Chât., II, 1389-1392, 364)

Puis a dit a Remond : Adieu, mon amy. N'oubliez pas a faire de vostre filz Eudes ce que je vous ay dit. Mais pensez de noz deux filz Remonnet et Thierry. (Arras, c.1392-1393, 260)

...li rois Phelippes de France, qant il vint au Pont a Bouvines a l'encontre dou roi d'Engleterre, liquels avoit assis et environné la chité de Tournai, et i fist son mandement parmi le roiaulme de France, il n'oublia pas a mander le duch de Bretagne, liquels le vint servir plus poissanment que nuls des aultres prinches de France (Froiss., Chron. D., p.1400, 462)

Li bons rois de Boesme ne fu pas oubliiés a mander ne mesires Carles ses fils (Froiss., Chron. D., p.1400, 683)

...d'ung curé qui oublia par negligence, ou faulte de sens, a annuncer le karesme a ses paroichiens (C.n.n., c.1456-1467, 18)

Ilz ont tantost oublié ce qu'ilz promisrent au partir, et creez qu'on ne leur oblyra pas a dire. (C.n.n., c.1456-1467, 204)

Alez, n'ombliez pas a boire, Se vous trouvez Martin Garant. (Path. D., c.1456-1469, 56)

Sans oublier à + inf. Sans omettre de.

...et challeurs excessives, inundacions de eaues, apparicions de feux et autres merveilles, sans oblier à ramentevoir sommairement les plus grans strages, clades et batailles qui oncques furent (Simon De Phares, Astrol., c.1494-1498, f° 10 r°)

Oublier de + inf.

La royne n'oublia mie (...) De dire au roy ceste besongne (Chr. Piz., M.F., III, 1400-1403, 117)

...devant ces devises elle n'oblya pas de le servir de laudes (C.n.n., c.1456-1467, 150)

...il oblya de serrer l'huys de la chambre (C.n.n., c.1456-1467, 432)

Dea, toutesfois n'oubliés pas D'apporter argent avec vous. (Sav. serg. D.L., c.1480-1490, 30)

[Croisement avec oublier qqn]

S'il [Dieu] nous a donné ung enfant par miracle (...) il ne nous a pas oblié d'envoier chevance pour l'entretenir. (C.n.n., c.1456-1467, 128)

C. -Emploi pronominal.

1.S'oublier à/en qqc. S'absorber dans qqc. (au point d'oublier le reste).

Lors au resgarder m'oubliay, Si que tout mis en oubli ay Ce que li devoie requerre ; Car sa douceur faisoit tel guerre Par sa force et par sa rigour A moy, que n'os scens ne vigour Que la sceüsse arraisonner, Ne que peüsse un mot sonner (Mach., D. Lyon, 1342, 185)

Touttes vos villes, citez et chastiaulx sont bien garnies et pourveues de bonne gens d'armes. Nous creons bien qu'ilz feront aucuns assaulx et aulcuns envaïez, car c'est vie et nourrechon de gens d'armes. En telles choses convient-il qu'ilz se oublient et passent le temps ; pour ce chevaulchent-ilz parmy le monde pour eulx avanchie. (Froiss., Chron. M., XIV, c.1375-1400, 92)

S'oublier que. Oublier que.

Amoureux Jhesus, je vous proy (...) que s'il est ainsi Que par aucun cas je m'oblie Que ce juif ne paie mie, Que vostre largesce estendez Si que son avoir li rendez (Mir. march. juif, c.1377, 193)

S'oublier de + inf. Oublier de.

Venir me pourroit grant ennuy Se de crier plus m'oblioie ; Je vueil crier en ceste voie : Au mains de tant seray je quittes. (Mir. ev. arced., c.1341, 119)

2.[En tournure nég.] Ne pas s'oublier (à qqc.)

Ne pas s'oublier à qqc. Ne pas manquer à qqc..

Mais bas me dist : 'Celle par[t] tir, Doulz amis, que vëoir vous puisse ; Faites qu'en ce vergier vous truisse Aprés souper pour nous deduire, Quant li solaus laira le luire.' Et je ne m'i oubliai pas, Ainçois y vins plus que le pas. Mais elle y estoit ja venue, S'ot grant joie de ma venue (Mach., Voir, 1364, 328)

Venus y ert par especial, À ceste assamblee roial. Mars, qui est li dieus de bataille, Et la belle Venus, sans faille, Ne s'i estoit pas oubliée ; Eins estoit vestue et parée, Com deesse, royne et dame, En corps, en biens, en cuer, en ame, De tous ceaus qui par amours aiment, Voire et, par Dieu, de ceaus qui n'aiment, Car homs ne li puet eschaper Puis qu'elle le deingne atraper. (Mach., P. Alex., p.1369, 2)

A che mandement et asamblée ne s'oublia mie li sires d'Enghien, mais là vint servir à tout ce que il peut par raison avoir de gens (Froiss., Chron. R., X, c.1375-1400, 141)

Ne pas s'oublier à + inf. Ne pas manquer de.

Et tout i vinrent, et aussi Jaquemés d'Artevelle ne s'i oublia point a estre, tant pour veoir le roi d'Engleterre, que point il n'avoit encores veu par deça la mer, que pour sçavoir de l'ordenance des signeurs ne quelle la conclusion dou parlement seroit. (Froiss., Chron. D., p.1400, 292)

Emploi absolu. Ne pas s'oublier. Ne pas rester étranger, absent.

La nous seÿsmes coste a coste ; Mais j'avoie un trop cruel hoste En Desir, qui ne se partoit De mon cuer, ainçois le partoit ; Car je vëoie vis a vis Son gentil corps fait a devis, Son doulz oeil, sa riant bouchette Plus que cerise vermillette, Si me sembloit qu'elle deïst : 'Baisiés moy !' Dieus ! qui ce feïst, Il n'est paradis qui le vaille ! S'avoie en moi une bataille D'ardant Desir et de Pensee Qui fu de Paour engendree Et fu fille de Couardie ; La Honte ne s'oublia mie, Ains y vint malgré Bon Espoir Qui s'estoit oubliés, espoir ; Si sentoie en moi une ardure Entremellee de froidure Et pleinne de tele matiere Qu'elle art sans fu et sans fumiere. (Mach., Voir, 1364, 236)

La fait .IX. jours ma demeure hai ; Et ainsi com je y demourai, Ma dame ne s'oublia mie, Ains mist sus une chevauchie De dames et de damoiselles Cointes, gentes, juenes et belles Pour moi vëoir et viseter Et de mancolie jetter. (Mach., Voir, 1364, 262)

Quant je os ma priere finee, Venus ne s'est pas oubliee, N'elle aussi pas ne s'oublia, Car moult bien souvenu li a De mon fait et de la requeste. Si fu tost la deesse preste, Car tout en l'eure est descendue, Couverte d'une obscure nue, Plainne de manne et de fin bausme Qui la chambre encense et enbausme. Et la fist miracles ouvertes Si clerement et si appertes Que de joie fui raemplis ; Et mes desirs fu acomplis (...) Par miracles qu'elle faisoit. (Mach., Voir, 1364, 356)

3.Perdre son temps.

Haston nous, car le temps nous haste ; Fol s'oublie et le temps se gaste ; Pourtant se fault diligenter (Myst. st Laur. S.W., 1499, 139)

4.RELIGION Considérer l'intérêt d'autrui avant le sien propre, par abnégation.

Maintenant veyons sa foulie. L'omme est bien foul quant il s'oublie. Il [Jésus] soloit malades guerir, Les mors en vie revenir ; Maintenant ne ce peult saulver Ne d'entre noz mains eschaper. Il monstre qu'il est bien beste ! [Réf. à Matth. 27, 39-44] (Pass. Auv., 1477, 211)

[Dans le courant de Saint-Victor] Élever son esprit au-dessus de sa personne.

...et est quant lame arrousee et refectionnee de la consolacion et aussi comme enyuree de la suauite des choses diuines quelle gouste ou a gouste dedens soy par la grant leesse desperit elle se oublie du tout et ne luy souuient quelle est, ne quelle a este. (Cib., p.1451, 191)

Voir aussi oublié