OCCUPER

verbe

[T-L : ocuper ; GD : occuper ; GDC : occuper ; FEW (VII, 300b, 301a) : occupare ; TLF (XII, 390b) : occuper]

I. -[Dans le temps]

A. -Employer (son temps) à qqc. ; se consacrer à qqc..

1.Employer, consacrer (un certain temps) à qqc..

...afin que plus franchement peussent leur temps occuper en contemplation. (Daudin, De la erudition H., c.1360-1380, 46)

Toutefois depuis, en grant labeur et estude, je occupay mon tamps a lire escriptures morales et divines (Daudin, De la erudition H., c.1360-1380, 82)

Ces princes ici si metoient toute leur entente et occupoient tout leur temps a ce que les tres saintes lois, qui ordenent et attrempent la vie de toute personne, fussent sceues, tenues et gardees de toutes gens (Foul., Policrat., IV, 1372, 64)

Jadis fut ung jeune homme qui, en la fleur de son aage, se donna fort a la joliveté et a la vanité du monde et occupa son tempz en diverses plaisances vaines et mondaines (Horloge de sapience S., c.1389, 61)

...et faisoit l'en trop grandes buveries, et y occupoit l'en le temps que l'en devoit emploier à conseiller (Baye, I, 1400-1410, 90)

Et ce advient ou pour ce qu'il vient jeusne a seignourie et ne peut occuper son temps a sciences aquerir (Fillastre, Traité Conseil H., c.1472-1473, 155)

...en oyseuseté non oyseux, mais occupans leur temps en quelque chose fructueuse, en leur hostel, non dissolus, en convive, non yvrongnes ne gourmans (Fillastre, Traité Conseil H., c.1472-1473, 158)

Occuper qqn à/en qqc. Faire en sorte que qqn consacre du temps à qqc..

On les doit premierement nourrir et occuper en euvres de vertus. (Foul., Policrat., IV, 1372, 81)

[D'une activité] Occuper qqn. Employer le temps de qqn.

...moy, ta creature, laquelle autre chose n'occupe en solitaireté ne mais labour d'estude (Chr. Piz., Paix W., 1412-1413, 63)

2.S'occuper. Consacrer son temps à qqc., se consacrer à qqc..

Ches choses dist Seneque contre cheulx qui se occupent pour aprendre choses vaines. (Daudin, De la erudition H., c.1360-1380, 104)

Item, par soy occuper en temps indeü, si comme qui estudieroit au vespre tant que il convenist dormir a l'eure que l'en deüst savoir le temps d'aler as matines ou l'en est obligié. (Oresme, E.A.C., c.1370, 180)

La se doit occuper jeunesse. (Narcissus, p.1426, 292)

S'occuper à/en qqc. Consacrer son temps à qqc., s'appliquer à qqc..

Quar s'autre chose a labourer Eusse, je m'i occupasse, Et point ne redespecasse Ce qu(e j)'ai fait pour le refaire ; Mes tu voiz que voiz (bien) que rien a faire N'aroie, se ne (re)binoie Mon ouvraige et refaisoye (Guill. Digull., Pèler. vie hum. S., c.1330-1331, 206)

Pour ces choses, en l'Eglise occidentale les ministres constitués es ordres sains ne se peuent marier, affin que au service de Dieu ilz puissent plus franchement eulx occuper (Daudin, De la erudition H., c.1360-1380, 319)

...car celui qui se occupe en poi de besoingnes n'est pas hastif ne poursaillant ne tost mouvant. (Oresme, E.A., c.1370, 256)

Car nul ne puet bien entendre a ses besoignes quant il se occupe trop as besoignes des autres (Oresme, E.A.C., c.1370, 489)

...quant les mescheans se occupent a teles chetivetéz... (Foul., Policrat. B., II, 1372, 199)

...a fin que le peuple ne se occupast ou service des dyables (Foul., Policrat. B., V, 1372, 280)

Ore se occupent donques a leur marchez (Foul., Policrat. B., V, 1372, 367)

...diligement s'occupe ou bien de la chose publique, et ne perte temps en fratras, et ne s'empesche de vices et basses choses (Chr. Piz., Paix W., 1412-1413, 104)

...que nul ne les oppresse ne face grief afin que cause n'aient d'eulx esmouvoir ne occuper en autres choses ne mais à leurs labours et mestiers (Chr. Piz., Paix W., 1412-1413, 137)

Et eust encores faict plus de maulx qu'il n'a, s'il ne se fust tant occupé au vice de la chair (Comm., II, 1489-1491, 339)

S'occuper à/de + inf. Consacrer son temps à.

A mon pouoir vous serviray, N'en riens je ne m'ocupperay, Qu'a vous servir (Mir. femme, 1368, 220)

Il appert clerement comme il se sont occupéz a ordener et saintifier tout le monde de tres saintes lois ordener, instituer et declairer comme un bel temple de justice bien appareillié et paré. (Foul., Policrat., IV, 1372, 64)

Nostre Dame s'occupoit a lire l'Escripture ; et dient aucuns que l'angle la trouva lisant (Gers., Annonc., a.1400, 237)

...ledit suppliant lors estant en la court de l'ostel de sa demourance audit lieu, où adont il s'occupoit a lever certain sien fumier (Chancell. Henri VI, L., t.2, 1427-1435, 172)

...la plus grand partie du temps se occupoient d'aler despendre le leur par grandes compaignies ès tavernes et cabarès (Monstrelet, Chron. D.-A., t.5, c.1444-1453, 234)

Il se rendit hermite et s'occupa a faire banettons et coffins. (Nouvelles inéd. L., p.1452, 58)

S'occuper en peu

Car aussi comme l'entendement qui se occupe en pluseurs choses est mendre en chascune de elles que se occupast en peu si comme dit un vers commun : 'Pluribus intentus minor est ad singula sensus,' semblablement est il de la volenté ou affeccion qui est partie en pluseurs. (Oresme, E.A.C., c.1370, 490)

3.Participe passé. Qui a beaucoup à faire.

...le saint pére ensement Estoit occuppé grandement, Si ne pouoit a moy entendre. (Mir. parr., 1356, 42)

Mon seigneur dit que vous souppez Sanz l'attendre ; car occuppez Est, qu'il ne peut venir maishuit (Mir. emper. Romme, 1369, 257)

Sy advint qu'en certains et briefs jours, plusieurs grands ambassades, tant de France comme de Grenade et de Portugal, vinrent et arrivèrent en la ville de Valdolit, pour laquelle chose et pour les oyr et dépescher, le roy et son conseil furent fort occupés (Faits Lalaing K., c.1470, 115)

Occupé de/en qqc. Qui se consacre à qqc..

Car nul qui est occupé en tele delectacion ne peut entendre a autre chose. (Oresme, E.A., c.1370, 401)

Et semblablement en une petite cité ou communité un seul peut bien faire pluseurs offices compassibles, et seroit peu occupé en une. (Oresme, Pol. Arist. M., c.1372-1374, 197)

...qui tousjours estoient ententis et occupez en saintes meditacions (Horloge de sapience S., c.1389, 81)

...lui face dire quant il venra qu'elle se repose, ou qu'elle est occupee d'aucune chose, et qu'il ne lui desplaise qu'elle ne le puet veoir pour celle foiz. (Chr. Piz., Trois vertus W.H., c.1405, 103)

...et a l'ostel non oyseuses, mais tousjours occupees en quelque oeuvre de maisnage (Chr. Piz., Trois vertus W.H., c.1405, 195)

Et ce pendant les presidens et conseilliers de la Court ont esté occupez en consultacions et jugemens de procès (Fauq., I, 1417-1420, 44)

...l'estat des conseilliers (...) qui sont continuelment occupez ou fait de la Court à tres grant et continuel labeur (Fauq., II, 1421-1430, 365)

Estre occupé de + inf. Se consacrer à, travailler à faire qqc..

...car, à VIIJ heures, a esté la Court occupée jusques à près de XJ heures de parfaire l'election des V lieuz vacans (Baye, I, 1400-1410, 341)

Être occupé (ailleurs)

Il est aultre part occuppé. (Copp. lard., a.1488, 158)

B. -Préoccuper qqn ; se préoccuper de qqn ou de qqc..

1.[D'une chose] Préoccuper qqn.

La guerre que vous avez occuppe voz princes et voz barons tellement que a paine auroient ilz loisir de eulx diviser. (Juv. Urs., Loquar, 1440, 395)

Estre occupé de/par qqc. Être préoccupé par qqc..

...et par les longs proces sont tellement occupez et inutilement tormentez... (Mézières, Songe vieil pèl. C., t.1, c.1386-1389, 485)

...je tiens que vostre cuer n'est pas si endurcy, si remply de plaisir mondain, si occuppé d'autres choses, si plain d'ingratitude et d'oupliance, que vous ne ploreissiez a Dieu devotement. (Gers., Déf., 1400, 229)

2.[D'une pers.] S'occuper pour qqn. Se préoccuper de qqn, se donner du souci, de la peine pour qqn.

Voisine, la vostre mercy Que pour moy tant vous occupez. (Myst. Pass. Troyes B., a.1482, 544)

3.DROIT

a)[D'un avoué, d'un procureur] Occuper pour qqn. Se charger des intérêts de qqn, agir en lieu et place de qqn.

Ce jour, maistre Jehan de Cahors fu par moy interrogués se J. de Corbeant, pour qui occupoit, estoit clerc non marié (Baye, I, 1400-1410, 38)

...maistre J. Fourcaut, qui en la cause avoit ja pieça occuppé pour ledit Gontier, lequel Fourcaut a dit que pieça n'avoit occuppé pour ledit Gontier, ne ne voloit occuper. (Baye, II, 1411-1417, 74)

...et depuis le procureur du Roy a dit ceans que maistre Pierre de Brenne estoit à Lengres et tenoit le party contraire, pour ce depuis Roussel ne oza pour lui occuper et ne occupe point (Fauq., III, 1431-1435, 115)

Participe présent en emploi substantival. Celui qui se charge de intérêts de qqn, qui agit en lieu et place de qqn.

Savoir faisons que pardevant nous vint en jugement religieux homme frere Guy de Montfort, prieur de Versailles, lequel, tant en son nom comme ou nom de son prieuré, fist, ordena et estably ses procureurs generaulx et certainz messagiers especiaulx Jehannin de Chiry, Jehannin de Follieuse, Gillet Naudinet, Gillet de Dreues, Jehan Perroche, Vincent Drouart et Michelet de Chaumont, ensemble et chascun d'eulx par soy pour le tout, portanz ces lettres, en maniere que la condicion de l'occupant ne soit la meilleur, mais ce que l'un d'eulx aura encommencié l'autre puisse emprendre et mener a fin, en toutes ses causes et besongnes que il a et entent a avoir, meues et a mouvoir, tant pour lui conme contre lui, tant en demandant conme en deffendant, contre toutes personnes, pardevant touz juges quiex qu'il soient, tant ecclesiastres comme seculiers et de quelque pooir et auctorité que il usent et soient fondez (Chartes Abb. St-Magl. T.F., t.3, 1348, 156)

b)Prendre en charge une affaire, un procès.

Semblablement ung procureur qui occupe par avant plet contesté et se comparoist pour autruy doit avoir son delay d'enqueste (Cout. instit. Anjou Maine B.-B., t.4, 1496, 398)

Participe présent en emploi substantival. Celui qui prend en charge une affaire, un procès.

...et se par le temps avenir, il avenoit cas touchant haute justice en la dite lande, le premier occupant de chascune des dites parties et qui premier prendroit le forfaiteur, toutes fois que li cas avendroit, auroit la cognoissance du dit forfait et delit, sentence et execution de celui fait qu'il l'ocuperoit, et par samblable maniere de la moienne justice (Doc. Poitou G., t.3, 1353, 125)

II. -[Dans l'espace, au propre ou au fig.]

A. -Remplir (un certain espace) ; prendre possession (d'un lieu) ; s'emparer de qqc.

1.[D'une pers. ou d'une chose] Occuper (un certain espace). Remplir (un certain espace, au propre ou au fig.).

Che seroit bon de oster ou de effacier auchunes choses du corage de chelui qui aprend, pour che qu'ilz occupent lieu ou on devroit mettre la science de verité (Daudin, De la erudition H., c.1360-1380, 102)

Et ceste chose aucun peut presqu'entendre ou comprendre se il resgarde as cités des Grecs qui sunt approvees, et a tout le circuite de la terre en tant comme elle est occupee de gens. (Oresme, Pol. Arist. M., c.1372-1374, 297)

Et donques se un corps est infini, il est estendu de toutes pars sanz fin et est infini de toutes pars et occupe tout, et par consequent, [ se ] une partie de corps infini est infinie, tel corps ne puet avoir autre partie dessemblable (Oresme, C.M., c.1377, 118)

...quar se en la premiere moitié d'une heure une chose materiele estoit condempsee et comprimee en tant que elle occupast la moitié moins de lieu que devant, et apres en la moitié du residu de celle heure elle fust encor condempsee et comprimee tant qu'elle occupast moins de lieu la moitié que en la fin de la premiere moitié de l'eure, et ainsi en procedant par les parties de celle heure lesquelles l'en seult appeller continuelment [proporcionnelles], je di que en la fin de celle heure ceste mattiere seroit sanz quantité aussi comme .I. point indivisible (Oresme, C.M., c.1377, 250)

...tout corps occupe et emplist lieu et pour ce [ ne ] peuent par nature pluseurs corps estre en un lieu propre ou precis (Oresme, C.M., c.1377, 284)

Et par ce s'ensuit que l'ame de la glorieuse vierge Marie ou une autre sainte ame peust estre ensemble sus le ciel et en terre et en cent mille lieus distanz et plus sans estre en plus grant lieu que l'espace qui seroit simplement equale a l'espace que occupe une petite pomme (Oresme, C.M., c.1377, 720)

Par ce peut il apparoir clerement que ces .IIIJ. elemens occuppent tout le monde qui est dessoubz le ciel (Evr. Conty, Harm. sphères H.P.-H., c.1400, 4)

Pechié mortel, le vilain et crueux tirant, avec toute sa maudicte compaignie, Ignorance, Desloyauté, Ydolatrie, Orgueil, Avarice, Luxure, Envie, Paresse, Gloutonnie et autres Vices sans nombre ont en [en] terre presque occupé tout le logis (Gers., Concept., 1401, 394)

...l'umain lignage, qui se espandi ça et la, avoit presques occupé toute espace de terre (Premierfait, Cas nobles hommes G., 1409, 126)

C'est doctrine médicinale D'ouvrir la vaine capitale Quant l'apostume, o sa tempeste, Occupe la gorge ou la teste (La Haye, P. peste, 1426, 119)

Ne sces tu pas que dissimulation a de si long temps occupé les portes et les entrees des cours des princes, que verité qui tant a hurté a l'uys et se fait ouir dehors par publiques oeuvres, ne peult dedens avoir entree ? (Chart., L. Esp., c.1429-1430, 7)

...et pour ce il semble au patient que ce soit fantosme qui monte des piés amont et petit a petit il occupe tout le corps (Gordon, Prat., c.1450-1500, II, 23)

Et David prophetisa sus Qui dist : flabit spiritus meus, Que le saint Esperit, nostre per, Doit inspirer et occuper Les vrays couraiges des humains Qui seront preparéz et sains. (Myst. Pass. Troyes B., a.1482, 1068)

Par analogie. Occuper le temps en... Remplir le temps en.

Mais, se je pensoye qu'il ennuyast à aucun de vous, je ne vouldroye pas occupper le temps en parolles, especiallement se elles ne vous estoient agreables et aussi prouffitables (Bueil, I, 1461-1466, 119)

Occuper les sens. Mettre en éveil les sens.

...en ce sacrement par vray mistere sont les .v. sens corporelz occupez (Jean Golein, Rational B.D., c.1370-1372, 566)

2.Prendre possession d'un lieu pour s'y établir ou pour y exercer une fonction.

a)Prendre possession d'un lieu pour s'y établir.

...car il ne firent pas contre l'entencion de celui qui mist la loy, qui fist tele loy ou deffense afin que les forains ne occupassent et fussent seigneurs de la cité (Oresme, E.A.C., c.1370, 325)

Et aussi les dictes terres ne sont pas obéissans à l'église, mais sont occupées par autres (Ch. VI, D., t.1, 1393, 116)

...et avoit avec lui pluiseurs manieres de sergens et appariteurs, par quoy il occupa les hostelz et boutoit arriere tous ceulz qui lui venoient a l'encontre. (La Sale, Salade, c.1442-1444, 29)

Car comme Diocles occupast le regne d'Assirye et le vouloit aler combatre, pria Josias, filz Amon, qu'il lui donast congié passer par sa terre (Simon De Phares, Astrol., c.1494-1498, f° 43 r°)

ART MILITAIRE Se rendre maître d'un lieu et s'y établir ; tenir militairement (un lieu) dont on s'est rendu maître.

...car li ennemi avoient occupé toutez les voiez et garni touz les estrois passagez pour ce que nul vivre ne peussent venir a son ost (Bers., I, 9, c.1354-1359, 43.8, 80)

...à une certaine bataille ou assault qui fu au devant du fort de Macere en Lymosin, que tenoient lors et occuppoient les François, icellui messire Gouffier fu tué (Reg. crim. Chât., II, 1389-1392, 186)

...il, depuis iceulx commandemens à lui faiz, et aussi les sommacions et requestes des officiers du roy estans oudit païs, afin qu'il vuidast icellui fort, a, depuis ce, tenu et occupé ledit fort du Roc de Vendas (Reg. crim. Chât., II, 1389-1392, 193)

...les gens des ducs d'Orleans, de Bourbon (...) par aucun temps aussy avoient occupé et tenu de force la ville de Saint Deniz (Baye, II, 1411-1417, 33)

Et depuis ait, icellui de Crannes, esté dedens nostre ville de Soissons avec ledit de Bournonville et autres, qui contre noz plaisir et voulenté l'ont détenue et occupée. (Ch. VI, D., t.2, 1414, 116)

...depuis lequel siege les Anglois ont occupé la duchié de Normendie avec pluiseurs villes et forteresses (Fauq., I, 1417-1420, 311)

...et toutesfoys on ne treuvera pas qu'ilz y eussent aulcune chose jusques au temps de Alienor, filles du duc Guillaume qui morut en pelerinage de Saint Jaques, repudiee pour sainte et juste cause de Loys filz de Loys le gros, et en fut le mariage separé, et la quelle fut depuis conjoincte a Henry filz du conte d'Angiers, le quel de puis occupa le royaulme d'Engleterre, et par ce tint il la duchié de Guyenne et la conté de Poittiers (Juv. Urs., T. crest., c.1446, 105)

Oudit temps, fut envoyé mettre le siege devant Saint-Morisse, tenu et ocupé par l'adveu dudit conte de Dampmartin. (Roye, Chron. scand., I, 1460-1483, 48)

Et cependant se reduisirent à lui plusieurs villes et places tenues et ocupées par ledit de Bourgongne, comme Montdidier, Peronne, Abbeville, Monstereul sur la mer, et autres places estans près de Arras (Roye, Chron. scand., II, 1460-1483, 43)

Cestui fut prudent et liberal, predist à ses gens choses merveilleuses, touchant les infortunes advenir audit Xerses, qui occupoit presque toute la mer et la terre (Simon De Phares, Astrol., c.1494-1498, f° 46 v°)

...le roy voult et ordonna certain aide estre faict et mis sus, c'est assavoir, sur chascune queue de vin qui seroit menée et traicte du royaulme es pays que tenoit et occupe le duc de Bourgoigne et autres pays hors dudit royaulme, ung escu d'or. (Le Clerc, Interp. Roye, c.1502, 338)

Audit duc de Millan, qui occupoit laditte duchié à faulx tiltre et par tyrannye, pour ce qu'elle appartenoit au duc d'Orleans... (Le Clerc, Interp. Roye, c.1502, 362)

Occuper la place. Être solidement installé.

...quand le vaillant et courageux chevalier perceut que doulceur n'avoit point lieu en ses responses, et que rigueur et haulteur occupoient la place, il se ferma a son courage (C.n.n., c.1456-1467, 550)

Emploi pronominal. S'occuper qq. part. S'établir, demeurer qq. part.

Sans en ce lieu plus avant s'occuper, Aprés la messe s'en alla lendemain Dedens Casat tant disner que souper (La Vigne, V.N., p.1495, 179)

Participe passé en emploi adjectival. [D'un lieu] Occupé. Envahi, encombré.

...bourgois et habitans de la ville de Paris en grant nombre, tant que ladicte Chambre de Parlement en estoit toute plaine et occupée (Fauq., I, 1417-1420, 358)

b)Occuper (un lieu pour y exercer une fonction).

Et, adonques, celluy tres maudit Pierre de Corvarus occupa le Saint Siege de Ronme et fust fait Anthipape, et ot plusieurs cardinaux, notaires et aultres officiers et tres grant court, et plusieurs sievans (Songe verg. S., t.1, 1378, 319)

Participe présent en emploi substantival.

...et veoir .II. occupans le siege papal, dont les unes provinces se portoient pour l'un, les autres pour l'autre, dont trop d'inco[n]veniens s'ensuivoit (Chr. Piz., Faits meurs Ch. V, S., II, 1404, 156)

3.Occuper qqc. S'emparer de qqc. ; détenir qqc..

a)S'emparer de qqc..

...par vertu des quels dons tous les biens meubles et heritaiges de la dicte exposante ont esté pris, occupés, donnez et distribuez, aussi bien ceulx de son chief comme autres et telement que il ne li est rien demouré dont elle et son dit [filz] puissent vivre (Doc. Poitou G., t.4, 1372, 161)

...se aucuns d'iceulx biens estoient prins ou occuppez par quelque personne que ce soit, nous voulons et commandons les diz occuppemens estre ostez (Doc. Poitou G., t.4, 1373, 286)

...des ce que un chevallier est, huy, fait et creé, lez biens de l'Yglise il tout et occupe, et sez ministres prent en despit, et lez injurie et tormante (Songe verg. S., t.1, 1378, 15)

Car des lors Dieu soufry que les choses du monde qui a tous estoient pareillement communes, devindrent propres selon la convoitise de cellui qui par violence et force les occupoit pour soy (Premierfait, Cas nobles hommes G., 1409, 76)

b)Détenir qqc..

Le Clerc preuve, par plusieurs raysons, que le Pape et lez aultres Crestians puent justement faire guerre contre lez Sarrazins et contre ceulx qui inpugnent Sainte Eglise et qui detienent ou occupent son patrimoyne. (Songe verg. S., t.1, 1378, 315)

Le plus puissant puet l'autre deserter, Si qu'il n'est roy, duc n'empereur de Romme Qui en terre puist vray tiltre occuper Ne dire sien, fors que le sens de l'omme (Desch., Art dictier R., 1392, 275)

Occuper qqc. à qqn. Détenir qqc. qui appartient à qqn.

...pour lui aydier à soustenir une partie des pertes et dommaiges qu'il a euz et souffers en pluseurs ses biens, hiretaiges et meubles que les ennemis du roy et de mondit seigneur lui detiennent et occuppent (Comptes Etat bourg. M.F., t.1, 1419-1420, 403)

Ainsi, Monseigneur, je dy que pour bien pourveoir ces vaillans gens, qui si grandement ont servi, il leur fault baillier bon chief et leur querir aucune bonne et juste querelle pour remettre aucun bon et notable seigneur en sa seigneurie, si aucun la luy occuppe (Bueil, II, 1461-1466, 156)

B. -Remplir en créant un empêchement, empêcher.

1.[D'une pers.] Créer un empêchement à qqn, empêcher qqn.

...aucunes foiz les possidans d'aucuns heritages ou d'aucunes rentes sont occuppés et troubléz indeuement en leur possession et saisine par aucuns leurs adverses parties et par autre negligence, absence ou incuriosité delaissent à intempter et poursuir leurs cas de nouvelleté de leur dite possession et saisine (Cout. bourg. glosé P.M., c.1380-1400, 150)

SATHAN. (...) J'ay regardé et circuÿ De l'avoir par aulcun malice, Mais il n'est mal, pechié ne vice, De quoy je la puisse occuper. (Myst. Pass. Troyes B., a.1482, 338)

Créer à qqn un empêchement de nature accusatoire, accuser qqn.

Ces traistres m'ont fait cy bien a tort attrapper, Et de la mort Hunault m'ont voulu occupper, Et je m'en dois combatre demain devant disner (Hern. Beaul. D.B., c.1350-1400, 68)

...ledit Jehannin Rousseau dist et afferma par son serement que jà soit ce qu'il eust, par sadite confession, chargé, empesché ou occupé Jehan Blanchet, neantmoins il n'avoit pas de ce dit verité, et l'avoit fait par hayne qu'il avoit à lui (Reg. crim. Chât., I, 1389-1392, 107)

Et monseigneur Jehan, quy illec estoit present, sentant que la damoiselle estoit occupee a tort, respond qu'il n'y faut nul advis et que elle avra ung chevalier quy pour son honneur sauver se esprouvera contre le seigneur de Rocefort pour sçavoir la verité du fait qu'il luy admet (Jehan d'Avennes F., c.1465-1468, 131)

Par quoy, s'on l'occupe et charge D'avoir failly en ceste clause, Je tiens que ce n'est pas sans cause Et qu'il est ung de ses complices. (Myst. Pass. Troyes B., a.1482, 770)

Occuper qqn de qqc. Accuser qqn de qqc..

Vous le prendrez sur vous pour trestout amender S'il estoit homme ou monde en tiere ne en mer Qui de ceste besongne me vosist ocuper. (Hugues Capet Lab., c.1358, 203)

Estre occupé de qqn. Être empêché, entravé par qqn.

Si coururent lors en pluiseurs parties, par petites compaignies, en faisant grans maulx et innumérables dommages sur le pays, sans estre occupés de leurs ennemis. (Monstrelet, Chron. D.-A., t.5, c.1444-1453, 80)

2.[D'une circonstance défavorable, d'un mal, d'une maladie, d'un sentiment pénible...] Empêcher qqn.

...si ne vous cellez de nulle chose envers lui, car je suis certain que se vous estiez occupez ou occoisonnez d'autre chose, si vous en aideroit il par son sens. (Bérinus, I, c.1350-1370, 398)

Comme ceste legacion fust renoncee es tentes, si grans gemissemens et si tres grant tristeice les occupa trestous que il leur sembloit que il ne leur eust pas esté plus grief se l'en leur eust denoncié que en celui lieu les couvenist mourir touz (Bers., I, 9, c.1354-1359, 4.6, 7)

La ou Postumius ot dit ces paroles, si grant admiration et aveuques ce miseration de cellui homme occupa tous les hommes que ainz onques cuidoient que ce feust Sp.. Postumius qui avoit esté acteur de si vilainne pais (Bers., I, 9, c.1354-1359, 8.11, 14)

...li Samnicien petit a petit commencierent a fouir, mes occision occupa tout ne n'i avoit point de lieu seur pour fouir (Bers., I, 9, c.1354-1359, 43.16, 81)

Dy moy quelle achoison le tient, Ne qui ['ce qui'] le peut si occupper Qu'il ne venra pas a souper Avecques moy. (Mir. emper. Romme, 1369, 257)

Et dès mie nuit mes matines Est m'entencion que je die, Se ne m'occupe maladie Telle que je lever ne puisse. (Mir. st J. Paulu, c.1372, 95)

Fille, ne me puis esjoir Qu'estes si de mal occupée Et si ceste chambre estoupée Qu'il n'est nul (...) qui vous congneust. (Mir. Berthe, c.1373, 214)

Et ou VIIe article est contenu que le roy Charles dernier mort estoit empeschés et occuppés en telle maniere que il ne povoit entendre ou vacquer a la disposicion des besoingnes du royaulme (Juv. Urs., Aud. celi, 1435, 193)

...je suis occupé de toux les anuyeux tourmens dont Fortune puisse tourmenter cuer de jeune homme (Cligès C.T., 1455, 76)

(Estre) occupé de maladie. (Être) empêché par la maladie, (être) atteint de maladie.

...feignant estre malade de goute, dont souvent estoit ocupé, afin d'estre excusé (...) de servir le Roy en son armée. (Monstrelet, Chron. D.-A., t.3, c.1425-1440, 4)

Et pour tant qu'il estoit ocupé de maladie de fièvres, ne monta point à cheval pour aler à l'encontre d'icellui roy (Monstrelet, Chron. D.-A., t.4, c.1425-1440, 45)

La seconde, qui est Humanité, se monstre et est donnee a occupacion : c'est a dire, a ceulx qui sont occuppez de malladies ou ensonniez de leurs corps par prisons ou aultrement. (La Sale, Sale D., 1451, 107)

Participe passé en emploi substantival. Un occupé par maladie

Et seront les dictes sommes et amendes levéez, executées et appliquiés au pourfit de le ville, sanz faire ent quelcunquez deport, quittance ou remission, à quelcunque personne que ce soit, excepté tant seulement les occupés par maladie, ceuls qui seront hors ville au jour du dit cry (Hist. dr. munic. E., t.1, 1356, 360)

3.Occuper qqc. Empêcher qqc..

...et par si que une quentité de l'esgout de la couverture de la dite eglise du Sepulcre qui chut ad present sur les jardins des diz religieus illec en droit, tant conme le dit jardin contient, demourra et sera ou point et en l'estat que il est ad present, tant et si longuement conme il plaira aus diz religieus, senz ce que les diz Robert et sa femme ne ceulx dessus nonmez qui a leur vie y ont droit, conme dessus est dit, ne leur aians cause, les dites vies durans, le puissent occuper ne contredire (Chartes Abb. St-Magl. T.F., t.3, 1368, 366)

...des quiex il rempli et occupa par telle maniere la barbarie a fin que il se abstenissent des injures et se deportassent d'armes porter et gardassent justice (Foul., Policrat. B., V, 1372, 279)

Aussi ne savions a quoi entendre, mais nous sonmes courouchié de ce que li voiages de la Sainte Terre de oultre la mer en sera retardés et occupés, et moult de bonnes devotions de pluisseurs vaillans honmes brisiés, et tout nous fault atendre et soufrir (Froiss., Chron. D., p.1400, 268)

Et l'ueil bon courage reprist Car le cuer boutta de l'espee Contre les lices et [l'ueil] comprist Qu'au cuer fut la force occupee. (Taillev., Deb. cuer ueil D., c.1444, 216)

Créer un empêchement, un embarras en qqc..

Et nous voieons qu'une chose est maintenant en mont de regions et de cités, ce est assavoir que les fors bourcs et lez ports de mer et de fleuves sunt aptement et convenablement assis en tel maniere que la fortelece principal ou la cité ne est par ce en rien occupee ou empechié. (Oresme, Pol. Arist. M., c.1372-1374, 296)

Occupé de. Embarrassé par.

[D'un lieu]

...il veoient le dit royaume grevé et occupé de guerres, de compagnes, de pilleurs et de reubeurs qui y descendoient et venoient de tous pays (Froiss., Chron. L., VI, c.1375-1400, 87)

[D'une chose]

La fin de leesse est occupee de tritresse (Daudin, De la erudition H., c.1360-1380, 341)