RETENIR

verbe

[T-L : retenir ; GD : retenir ; GDC : retenir ; AND : retenir ; DECT : retenir ; FEW (X, 333b,334a) : retinere ; TLF (XIV, 1014a) : retenir]

A. -[Idée d'empêchement opposé à la dégradation] Entretenir qqc. en bon état, faire les réparations nécessaires à qqc..

...les detenteurs et occuppeurs d'icelle priouré sont et ont estéz tenus de retenir, faire et reedifier le ponth (Trés. Reth. S.L., t.2, 1408, 550)

Lesquelles [lisses] tous juges seront tenus de faire et les retenir pour les aultres, s'il en venoit. (La Sale, Salade, c.1442-1444, 216)

Participe passé en emploi adjectival. [D'une construction] Entretenu.

Et quelz comptes voulez vous que je [Geoffroy] oye doncques, quant vous et moy nous sommes tout aise, et que mes forteresces sont bien retenues, et toutes mes besoingnes en bon point, et que vous me baillez de l'argent quant j'en demande, et en donnez ou je vous command, et me faictes finance de ce que je vueil avoir ? (Arras, c.1392-1393, 295)

...en lad. ville de Rosoy est un chastel grant et spacieux, mal retenu (Trés. Reth. L., t.4, 1410, 336)

B. -[Dans l'ordre du mouvement, au propre ou au fig., idée d'empêchement opposé au mouvement]

1.Empêcher, contrarier le mouvement d'éloignement de qqn, d'un animal, de qqc..

Toutes fames qui ont le corps moderé, se telles fames advortent ou second ou tiers moiz, sans occasion magnifeste, a telles fames cotilidones sont plaines de muscillages ; pourquoy elles ne pevent, pour la griefté, retenir le fruit, maiz sont rompues. (Saint-gille, A.Y., 1362-1365, 85)

Aussi est il es hommes ; par telle rarité du corps, les esperilz et la chaleur naturelle du sperme ne peut estre retenue en la semence, et pour ce elle ne cheet pas deuement (Saint-gille, A.Y., 1362-1365, 87)

Se le connestable, messire Olivier Clayquin, voulsist retenir les compaignons, si ne peust-il, tant estoient-ilz en grant voulenté de yssir. (Froiss., Chron. M., XIV, c.1375-1400, 94)

Mais seroit neccessaire que aucun la soustenist [ceste ame qui ainsi mouvroit le ciel] et la retenist et contrainsist a mouvoir sanz cesser. (Oresme, C.M., c.1377, 304)

Icy faint Jhesus d'aler plus loing et les pelerins le retiennent [Réf. à Luc 24, 28-29] (Myst. Pass. Troyes B., a.1482, 926)

Cestui predist sur aucune revolucion et grande conjunction que les bestes plus domestiques comme chevaulx, beufz, vaches, chievres, brebis et pourceaulx laysseroient leurs communes habitacions et fuyroient ès lieux sauvages, ce qui advint en ce temps et ne se povoit trouver remede les retenir. (Simon De Phares, Astrol., c.1494-1498, f° 64 v°)

Et de faict il falloit atteler les chevaulx et grant nombre d'hommes par derriere, affin de retenir la dicte artillerie en devallant contre bas, laquelle chose fut plus penible ou du moins trop plus dangereuse beaucoup qu'a la monter. (La Vigne, V.N., p.1495, 278)

Réprimer, modérer, empêcher (un mouvement, un coup).

...mais lui qui parle lui retint le cop, et tint à une main ledit glayve, et l'autre mist sur ladite espée et taloche, en disant que se ledit deffunt leur avoit riens meffait, il leur amanderoit à leur voulenté. (Reg. crim. Chât., I, 1389-1392, 414)

...et lui dist ledit Huguet plusieurs autres parolles injurieuses et leva le poing pour le cuider frapper ; lequel retint le copt du bras (Doc. Poitou G., t.12, 1476, 89)

Estre de bon retenir. Être facile à saisir, à arrêter.

...lez Gals sont de fors cuers et terribles en leur commencement, maisen la fin sont de bon retenir (Bouvet, Arbre bat. R.-B., c.1386-1389, 123)

[D'un corps en mouvement] Retenir son lieu. Conserver son lieu, sans éloignement, sans déviation.

...tel corps sera meu tres isnelement et si retendra meismement son lieu. (Oresme, C.M., c.1377, 452)

Participe présent en emploi adjectival. [D'une chose] Qui empêche l'éloignement, qui est collant.

Car retenant et argilleus, Arrestant et bitumïeus Est si de ricesce mondaine (...) Que... (Guill. Digull., Pèler. vie hum. D.-M.-S.-T., c.1330-1331, 131)

2.Au figuré. [Dans un mouvement imaginaire] Empêcher l'éloignement de.

Finablement Perseverance est la vertus qui retient et garde misericorde (Gers., Purif., 1396-1397, 64)

Faire obstacle à, qqc. empêcher qqc..

Ces doubtes ratinrent les bonnes villes de Flandres en celle saison que nul sièges ne se fist ne mist devant Lille (Froiss., Chron. R., IX, c.1375-1400, 231)

Ne retenez point les labours De voz humbles servans fëaulx ! Quant mercy auront desservy De cueur loyaument asservi, Ne retenez point leurs merites ! (Narcissus, p.1426, 306)

Contenir qqc. (p. ex. un sentiment, une envie de rire...).

Car il ne ont pas tant seulement leur yre retenue en leur cuer ; mais avecques ce, ilz ont ferme propos de avoir et procurer venjance. (Oresme, E.A.C., c.1370, 262)

...ce ris a force retenu fut converty en ung sonnet (C.n.n., c.1456-1467, 35)

Taire qqc., ne pas l'exprimer.

Sire, dites moy vostre assens, Sanz riens celer ne retenir. Qui vous a meu de venir Cy orendroit ? (Mir. ev. N.D., c.1348, 65)

Emploi pronominal. Se retenir. Réprimer son envie d'agir.

Et ardirent... aucuns hamelés... tant que les fumières et flamesches en avolèrent dedens le Noef Chastiel, et que li Englès se rastinrent à grant malaise, et voloient issir hors... sus ciaus qui cel oultrage faisoient (Froiss., Chron. L., IV, c.1375-1400, 21)

C. -Par extension. [Idées de conservation, de maintien, de prise en considération...]

1.Retenir qqc. (ou qqn, dans telle ou telle situation, dans tel ou tel état, dans telle ou telle qualité...)

a)Prendre et garder qqc., conserver qqc. pour soi (ou pour qqn d'autre).

Retenez ce que je vous rue, Tenez, des dons de ceste rue. (Mir. parr., 1356, 16)

Dame, elle pense a retenir Son cierge, et m'a dit en ce point Pour certain ne l'offerra point (Mir. femme, 1368, 228)

Il estoit doulx, courtois et debonnaires, vierges et chastes de son corps, larges aumosniers ; tout donnoit et departoit aux povres gens, riens ne retenoit des biens de l'Eglise fors que pour simplement tenir son estat. (Froiss., Chron. M., XIV, c.1375-1400, 183)

...et lesqueles poisons ceulx de la justice dudit lieu de Touvoye retindrent et encores ont par devers eulx. (Reg. crim. Chât., I, 1389-1392, 479)

...et ainsi fu fait et les fustes et demourans Guyon donna au maistre de Rodes, qui les envoya en Rodes, fors tant que de l'avoir departy a ses compaignons largement que oncques n'en retint rien. (Arras, c.1392-1393, 130)

GRISELDIS [au marquis qui la répudie] . ...ton annel te restitue O lequel jadiz m'espousas. Autres anneaux que me donnas, Riches joyaux et vestemens, Et les riches aornemens Dont, par ta grace, ere paree En ta chambre sont. Sy m'agree Retourner en la maisoncelle Dont je yssy povre pucelle, Nue de trestous bien mundains ; Et nue mon retour y clains, Sanz en retenir rien qui soit (Gris., 1395, 83)

Tu scez bien que souvent on retient les biens des mors pour acomplir le vouloir de plaisir mondain, par quoy appert que plaisir mondain emprisonne les mors en tant que leur delivrance en est retardee. (Gers., Déf., 1400, 230)

Et ce fait, la Court a conclu de retenir copie desdictes lettres d'admortissement et de renvoier au Chancelier lesdictes lettres originaulz (Fauq., III, 1431-1435, 140)

...il n'est nul (...) que, quant plus ait, que plus ne desire avoir ; dont comment puelt le seigneur retenir et gouverner ce qui est de chascun tant amé et sy desiré (La Sale, Salade, c.1442-1444, 18)

...s'il l'avoit trouvé en leur chambre (...) il ne faisoit pas bien de le retenir, attendu l'amour et fraternité qui tousjours avoit esté entre eulx [D'un diamant perdu par l'un des deux amis] (C.n.n., c.1456-1467, 392)

Item, ne vueil plus que Chollet Dolle, trenche douve ne boise, Relie broc ne tonnelet, Mais tous ses houstiz changer voise A une espee lïonnoise, Et retiengne le hutinet : Combien qu'il n'ayme bruyt ne noise, Sy lui plaist il ung tantinet. (Villon, Test. R.H., 1461-1462, 93)

PROSERPINE. Si tes beaux ditz ne sont present tenus, Je suis contant d'estre au gibet pendue. Propres habitz j'ay pour ce retenus ; Bailler me fault au paillart la tondue. (Pause de menestriers. Elle se mect en guise de dame bien paree et bien acoustree, fors que devers les piedz, et s'en revient.) (La Vigne, S.M., 1496, 480)

Et, pour ce, vous envoions presentement le colier de nostredit ordre par nostre amé et feal conseiller et maistre de nostre hostel le sire de la Choletiere, afin que le prenez et retenez, et que d'ores en avant vous le portez, en faisant le serment en sa presence de bien et loyament entretenir le contenu es chappitres et articles sur ce faiz de point en point, ainsi qu'ilz sont contenuz. (Le Clerc, Interp. Roye, c.1502, 241)

Retenir pour soi

...car chascun modeste et actrempé est minoratif, c'est a dire que il retient moins pour soy, mais il n'est pas simplement verité que celui qui ainsi distribue retient pour soy le moins de bien. (Oresme, E.A., c.1370, 313)

Lors fait Geffroy les mors gecter en la mer, et advise la ville, qui fu forte a merveilles, et le chastel qui siet sur la mer, et le beau cloz garni de grosses tours pour mettre le navire. Lors dist par ses bons dieux que cestui port vouldroit il retenir pour lui, et y laissa VIJxx. arbalestriers et IJc. hommes d'armes de ses gens, et y sejourna toute celle nuit. (Arras, c.1392-1393, 225)

Si trouverent li François ... auquns vassiaus, ens esquels il i avoit des vins de Poito et de Saintongle et de la Rocelle, et gissoient la a l'ancre pour estre vendu ; mais il furent pris et levé, et en traist on hors des vassiaus biaucop et furent cargiet sus chars et envoiiet en l'oost devant Auroi, et en retinrent une partie pour euls pour lors pourveances. (Froiss., Chron. D., p.1400, 536)

Qant il se deubrent departir de Monstruel Bonnin, il ardirent la ville, mais i retinrent le castel pour euls et i laissierent .XL. archiers, pour le garder (Froiss., Chron. D., p.1400, 765)

...lesquelz larrecins pour lesditz larrons vendoit et distribuoit, et l'argent que de ce elle recepvoit, en bailloit et delivroit ausditz larrons leur portion, et pour elle en retenoit son butin. (Roye, Chron. scand., I, 1460-1483, 4)

En particulier.

Garder (ce qui appartient à autrui), détenir illégalement.

...moult des procureurs de ceans exigent de leurs maistres, soubz umbre de la Court et pour avancer les procès de leursdiz maistres, grans finances et argent, en disant à leurs maistres que faut argent pour espices pour l'avancement de leurs procès, combien que ycelz procureurs retiennent souvant l'argent devers eulz sans le restituer (Baye, I, 1400-1410, 62)

Participe passé en emploi substantival. Faire retenu de qqc.

Cellui est bien fol qui conseille Faire de l'autruy retenu (Bien avisé Mal avisé B., c.1487-1490 [1396], 175)

Garder (une partie d'une somme), déduire, prélever.

Dist avec ce, que en vendant le vin qu'il a vendu pour Guillemin Doregerat, par maniere de tail, il, dudit argent par lui reçu, print, et appliqua, et retint à son prouffit, la somme de XXIIIJ s. par. (Reg. crim. Chât., I, 1389-1392, 281)

...s'il y avoit [dans les travaux de réparation de la dite maison] aucune chose à parfaire, il feroit retenir jusques à la somme que ce monteroit pour les parfaire (Baye, I, 1400-1410, 266)

...sera dit par le graphier de par la Court à cellui ou celx qui paient les gages des dessusdiz que pour un chascun retiegne J escu qui sera delivré à maistre Guillaume de Gaudiac (Baye, I, 1400-1410, 324)

Oultre disoit que ledit de Bedford pour soy, desdictes finances de par deça, n'a retenu, ne veult retenir aucune chose, mais a voulu et veult tout estre emploié et distribué, comme dit est. (Fauq., III, 1431-1435, 37)

Prendre qqc. à bail, louer qqc..

Comme Guichars li Charretons ahust retenu a faire et a cultiver, a la moitié des fruz (...) doues pieces de terre (Echevin. Dijon L., 1341, 52)

Garder en retour la possession de qqc..

...anchois descangat ilh la dit terre de Falcomont al duk de Juley adont vivant por la terre de Calstre ; et, après ce, fist ilh une atre discange delle terre de Calstre alle terre de Zichen, que ly dus de Juley tenoit en Braibant, et retinve la fortrece de Monjoie, laqueile discange fut faite l'an mil CCC et LVI. (Hemricourt, Miroir Hesb. B.B., 1353-1398, 163)

Réserver qqc..

Gauwain, alez nous retenir Ung hostel pour nous hebergier, Et s'appointiez pour nous logier, Et dementiers que nous irons Offrir au roy que nous querons. (Marcadé, Myst. Pass. Arras R., a.1440, 43)

Damp Abbés (...) manda a la bonne ville retenir lemprois, saulmons et des autres meilleurs poissons (La Sale, J.S., 1456, 245)

Mettre qqc. à part.

Participe passé. [Empl. prép.] Retenu. Sous réserve de.

...et sur cestui [parement] je entens faire mes harmes a cheval, retenu vostre bon plaisir. (La Sale, J.S., 1456, 90)

b)Garder en mémoire, garder à l'esprit.

Sire, je vueil d'or en avant Cest enseignement retenir Et mains m'affeccion tenir Es biens mondains c'onques ne fis. (Mir. st J. Cris., c.1344, 259)

Qui pourroit bien memoire avoir De retenir ce qu'il a dit, Il n'aroit nullui en despit Que soy meismes. (Mir. mère pape, c.1355, 353)

Ceste parolle que le chevalier me dist me fist grant bien et luy dis : 'Ha ! doulx sire, vous me ferez grant plaisir au recorder, et si le retenray de vous, ne jamais je ne l'oublieray' (Froiss., Chron. M., XIV, c.1375-1400, 9)

...enquerez touz jours des sages Ou les plus biaux pelerinages Seront et de plus grant renom, Et des lieux retenez le nom (Mir. st Alexis, 1382, 326)

Mais le principal deffault est aux escoutans es quelz n'a point obeissance, et qui ne viennent point oïr huchier a l'uis par predicacion pour soy amender, mais pour passer le temps ou pour retenir aucune folie s'elle est dicte (Gers., Pent., p.1389, 79)

...mais se, par autre voye ou maniere, lui vouloit enseigner aucun bien pour sa vie avoir et soubstenir honnestement, voulentiers le retendroit et aprendroit. (Reg. crim. Chât., II, 1389-1392, 292)

Enfans, vous vous departez de la compaignie de monseigneur vostre pere et de moy [Mélusine] et est adventure que je vous revoie jamais par de ca. Et pour tant vous vueil je enseignier et introduire pour vostre bien et advancement. Ce que je vous diray et l'entendez et retenez bien, car il vous aura bien besoing. Premierement amez et doubtez et servez Dieu vostre Createur, continuelment. (Arras, c.1392-1393, 152)

Si vous prions, Vierge glorieuse, que, selon vostre propriété et condicion naturelle, vous nous amenez maintenant misericorde qui nous face devotement recevoir et perseveremment retenir doctrine qui soit a nostre salvacion. (Gers., Purif., 1396-1397, 60)

Retentive sert de recevoir en soy les choses que l'entendement lui administre et baille, si les retient. (Chr. Piz., P.V.H., 1416-1418, 34)

...car quant lymaginatiue ou la fantasie est troublee ou blessee par trop grant impression des choses deuant dictes cestassauoir des especes ou des fantosmes retenus des choses sentues par dehors, tu vois que lentendement et la raison de la personne est troublee. (Cib., p.1451, 213)

'Or vous levez et entendez bien mes parolles et les retenez.' (La Sale, J.S., 1456, 36)

Je retiens tout, riens ne sçay concepvoir, Bien recueully, debouté de chascun. (Villon, Poèmes variés R.H., c.1456-1463, 47)

...les trois advis que le bon pere bailla a son filz ne sont pas a oublier. Si les retienne chacun (C.n.n., c.1456-1467, 337)

...me promectez en bonne et ferme leaulté que garderez ceste lecçon et retiendrez. (C.n.n., c.1456-1467, 564)

SATHAN [au chrétien] . Sur ce cas te conseilleray. De les rendre [les cent écus au juif] seroit folie (...). Retiens bien, entens ces sentiers, Car personne si ne le scet. (Mir. st Nic. juif, c.1480-1500, 112)

Demostenes, duquel parle Eusebe, fut en ce temps moult apprecié et repputé souverain philozophe et, entre les disciples de Platon, cestui retint plus de sa facunde et fut moult grant orateur (Simon De Phares, Astrol., c.1494-1498, f° 53 r°)

SECOND PRESTRE. Mon chier filz doulx et amÿable, Retenez mon enseignement. SAINCT MARTIN. Garde n'ay d'estre variable, Je le vous promectz seurement. (La Vigne, S.M., 1496, 153)

Prendre bonne note de qqc..

Et pour certain c'estoit la greingneur ymaginacion et plaisance que je avoie que toudis enquerir avant et de retenir et tantost escripre comme je en avoie fait les enquestes. (Froiss., Chron. M., XIV, c.1375-1400, 4)

'Biaux cousins, nous savons bien que tout ce que vous nous dittes et monstrez, c'est en espesse de bien, et ainsy nous le retenons et nous y penserons, car nous n'y avons pas encoires bien pensé ; et vous, demourez dalez nous tant comme il vous plaira, car vostre venue nous fait grant plaisir.' (Froiss., Chron. M., XIV, c.1375-1400, 236)

Retenir qqc. en sa connaissance

Combien que saint Pol die en l'epistre aux Rommains que toutes choses sont sceues par humaine nature, voire sans les secretes choses de Dieu, et qu'il a retenues en sa congnoissance, sans autre, la nature aux humains si est a entendre pluseurs hommes vacquans par universes contrees. (Arras, c.1392-1393, 311)

Retenir qqc. en son secret

Et la puissance de Dieu y puet adjouster ce qu'il lui plaist, comme on raconte, en pluseurs histoires, de pluseurs faees, avoir esté mariees et avoir eu enfans. Comment ce se puet faire ne puet savoir humaine creature, car ces poins et autres a Dieu retenu en son secret, et en monstre les exemples es lieux et aux personnes ou il lui plaist. (Arras, c.1392-1393, 311)

infinitif substantivé.

Biau filz Albert, (...) Je t'y reçoy benignement Et te doing cest enseignement ; Met au retenir diligence. (Mir. st Guill., c.1347, 48)

c)Garder, maintenir (tel ou tel état ou dans tel ou tel état).

Li arbre sac ne puet florir Ne botonner ne reverdir [var. ne retenir] Ne jamais fruit ne pourtera. Bien est sechiez sans revenir. (Dupin, Mélanc. L., c.1324-1340, 86)

...comment que l'ame [l'âme de Jésus après sa mort] en fust separee [du corps] quant a l'informacion, si estoit elle tous jours retenue en concomitance et sociacion par l'ordenance des chaenes de la divine operacion. (Jean Golein, Rational B.D., c.1370-1372, 321)

Or ca, dist le duc, Regnault, beau frere, retenez ceste noble pucelle et l'onneur du noble royaume de Bahaigne. Lors passe Regnault avant et dist en hault : Par ma foy, beaulx freres, premierement je rens graces a Dieu, a vous et au roy qui cy est, et a tous les barons de cest pays de ceste haulte honneur, car, s'il n'y avoit seulement que la pucelle tout sans l'eritaige, si ne la refuseroye je pas. (...) La fu mandé uns evesques, qui les fianca. (Arras, c.1392-1393, 190)

Et furent tout chil qui requelliet s'estoient en la place devant l'abeie, mort et pris, et par especial la capitainne messire Piere de Charcasonne i fu mors ; dont il en desplaisi grandement au conte de Hainnau, et euist volentiers veu que on l'euist pris sus et retenu en vie. (Froiss., Chron. D., p.1400, 428)

...les cas descriptz et racomptez (...) portant et retenant nom de Nouvelles, se peut tresbien (...) ce present livre intituler de Cent Nouvelles nouvelles (C.n.n., c.1456-1467, 22)

...ne puis [je] donc pas (...) sçavoir par parolles faire convertir ces perdriz, qui est chair, de poisson devenir, jasoit ce qu'elles retiennent la forme de perdriz ? (C.n.n., c.1456-1467, 583)

Maintenir qqc..

Quant au fait de voz emprises, Monseigneur a tresbon droit, et avez mespris, ja soit ce que vous aiez retenu son congié, plaisir et ordonnance (La Sale, J.S., 1456, 237)

Retenir que. Maintenir que.

...li rois ...cevauça autour des batailles en priant et en amonestant ses honmes que casquns vosist entendre a bien faire son devoir, et que tout i estoient tenu ; et retenoit sus son corps et se ame que pour son hiretage et son bon droit, que Phelippes de Valois li ostoit et perseveroit en ce, il avoit passet la mer et atendoit l'aventure de la bataille. (Froiss., Chron. D., p.1400, 719)

...je proteste et retiens que, par loyalle essoyne de mon corps, je puisse avoir ung gentil homme (...) qui (...) fera son loyal devoir a mes perilz, coustz et despens (La Sale, Salade, c.1442-1444, 211)

d)Considérer qqc. (comme recevable), prendre qqc. en considération.

Il qui estoit riches sans nombre de V. ou VI. millions de flourins, et qui desiroit l'avancement de sa fille, car pour ce temps il ne le povoit plus hault marier que au conte de Guerles, s'avisa que il retenroit che marchiet (Froiss., Chron. M., XIV, c.1375-1400, 147)

GABRIEL. (...) (Il dessend de paradis.) Amy de Dieu courtois et saige, Treshumblement je te salue En te venant faire ung messaige Qui est de moult grande value : Dieu ta priere a retenue, Dont maintenant vers toy m'envoye Affin que, sans plus de tenue, Vers l'empereur preigne la voye (La Vigne, S.M., 1496, 505)

DROIT Considérer comme recevable (une cause, la connaissance d'une cause...).

En la fin monsr le Chancellier, meu pour certeinnes causes, a au jour d'ui retenu et reservé à lui la cognoiscence de ladicte cause (Baye, I, 1400-1410, 17)

...et fu dit que se aucunes causes y a qui soient à retenir en la Court par l'adviz des graphier et registreurs de la Court, oultre celles qui sont retenues, les pourront iceulx graphiers les retenir de par la Court. (Baye, I, 1400-1410, 294)

La Court a retenue la cognoisçance de la cause d'entre Pierre L'Escot, d'une part, et Jehan Lyonart, d'autre part (Baye, II, 1411-1417, 63)

Emploi impersonnel. au passif. (Il) est retenu à (+ inf.). Il est admis, convenu, décidé de.

...car mesme a esté retenu à pourveoir samedi prouchain sur aucunes ordonnances touchans tant les bouchiers, tanneurs que autres (Baye, I, 1400-1410, 294)

Retenir qqn à/pour. Considérer que qqn a la qualité de, donner à qqn la qualité de.

Quant pour ami me retenez Et ma penance en gré prenez, Devotement sanz mesurer Y (...) doy ma vie user (Mir. parr., 1356, 39)

De ma dame ay cuidié joir, Et estre a ami retenu (Mir. emper. Romme, 1369, 265)

...requerir audit roy Loys tiers (...) la vensist ou envoiast prestement secourir, le retenant, apprès la fin de ses jours, pour son vray filz adoptif (La Sale, Salade, c.1442-1444, 196)

...et quant je verray que bien vous gouvernerez, alors je vous retenray pour mon ami (La Sale, J.S., 1456, 60)

Retenir qqn de sa famille. Considérer que qqn fait désormais partie de ses proches.

Sy les retint de sa famille, les a très grande instance priant que le retenissent pour leur .III^e. compaignon. (La Sale, Sale D., 1451, 162)

2.Retenir qqn

a)Garder qqn auprès de soi (dans tel ou tel état, dans telle ou telle condition...).

Je vous requier donques que j'aie Mon maistre hui mais en ma mennaie Pour avoir avec li conseil, Et vous voz maistres, bien le veil ; Ou se mon maistre retenez Que voz clercs huy mais me donnez. (Mir. Barl. Josaph., c.1363, 286)

Et certes c'est chose certaine que en chascune office de la maison de Dieu les uns sont delaissiez et mis arriere par telle maniere que les autres sont amez et retenuz (Foul., Policrat. B., V, 1372, 423)

Je vois savoir ysnel le pas Se son pére l'a retenu, Ne qu'il peut estre devenu. (Mir. st Alexis, 1382, 309)

Et, pour ce, lui qui deppose et ledit Regnier retindrent l'un desdiz charretiers tant que ilz eussent admené ledit Pelart. (Reg. crim. Chât., II, 1389-1392, 355)

Et sachiez que mon compaignon et moy vouldrions bien avoir trouvé qui y voulzist aler en telle compaignie que vous dictes, et nous y deussions prendre l'aventure avecques lui. Par foy, dist Uriiens, et mon frere et moy vous retenons et vous y menrons, ne demourra gueres. Quant ceulx l'entendirent, si en furent moult joyeux, et dirent, que, s'ilz y vont, que il leur muet de grant noblesce et grant vaillantise. (Arras, c.1392-1393, 82)

Ha ! ma fille, je te retiens. Estre puisses tu bien venue. Onques si piteuse venue Ne fu, ce croy, d'enfant au pere. (...) Ma vie repute a chaitive, Quant je n'ay dont te recevoir. Si saiches tu bien, tout de voir, Que tout le mieux que je pourray Ma vie durant te feray. (Gris., 1395, 86)

Et [le marquis] a reprise Griseldis Qu'il a et en faiz et en dis Tant honnouree et conjoÿe Qu'onq femme ne fu tant prisie ; Et Janicola, son seigneur En son hostel a grant honneur A retenu tant qu'il vivra, Dont je suis tant esjoÿz ja Que plus liez estre ne pourroye. (Gris., 1395, 100)

Et convint le dit mesire Godefroi tapir et fuir et issir hors dou roiaulme de France. Et ala en Engleterre deviers le roi Edouwart, et se offri a lui et mist en obeisance ensi conme messires Robers d'Artois avoit fait jadis, ne nuls ne li pot onques faire sa paix. Li rois d'Engleterre le rechut et le retint dalés lui, et li donna assés pour tenir son estat. (Froiss., Chron. D., p.1400, 633)

Chils Crokars ... retourna en Bretagne, en ce temps que li dus de Lancastre ... seoit a siege devant la chité de Rennes. Li dus li fist grant chiere et le retint de son hostel a .XII. chevaus (Froiss., Chron. D., p.1400, 860)

Ne retenez, sire, envers vous quelzconques personnes qui vous enhortent a mal et au contraire de verité (Gers., Noël, p.1404, 310)

...et que la Court les vueille tousjours retenir en sa bonne grace et benivolence (Fauq., III, 1431-1435, 39)

Dont Emilius, par ainsi, donna deux de ses filz et retint les aultres. (La Sale, Sale D., 1451, 36)

...pource qu'il estoit tant tard, l'orfevre retint au couscher son chareton, doubtant la rencontre du guet (C.n.n., c.1456-1467, 65)

...ainsi qu'elle vouloit partir, il la cuidoit retenir par force et par belles parolles (C.n.n., c.1456-1467, 194)

...il envoya ses enfans a ceulx qu'elle avoit ordonné, qui les retindrent. (C.n.n., c.1456-1467, 329)

Roy n'a ceans de si tres grant vallue Ne royne aussi, je le vous acertaine, Quant je vous voy tout le cueur me remue, Retenez moy en vostre droict demaine. (Feste roys, c.1475-1500, 308)

...et le fist delivrer le roy Charles VIIe par le bastard d'Orleans, seigneur de Baugenci et conte de Dunois et le retint de sa pension et maison honnorablement, jaçoit ce que aucuns qui encores sont de la race des Anglois dient le contraire et qu'il mourut en prison. (Simon De Phares, Astrol., c.1494-1498, f° 153 v°)

SAINCT MARTIN. (...) Lors Jhesucrist qui ses servans regarde Et qui sequeure en tous lieux ses amys, Si me retint dedens [sa] sauvegarde, Car de ce lieu je fus tantost desmys Et le brigant en si bon train remys Qu'il eult remort de sa vie mauldicte : Aprés qu'il m'eult en mon chemin submys, Il s'en alla dens ung boys rendre hermyte. (La Vigne, S.M., 1496, 356)

Belle, se vous prenez amy Par amour, au jour la journee, Vous serés vestue, aournee Autant a l'endroit qu'a l'envers, Et s'on vous dit rien de travers, A Dieu jusques au revenir. Il ne vous scauroit rectenir Contre vostre consentement (P. moyne, a.1500, 46)

Retenir qqn devers soi

Ne retenez ja rapporteur de paroles devers vous, ne ne le creez legierement, car ce fait aucunes foiz grant ennuy. (Arras, c.1392-1393, 153)

Retenir qqn au souper. Inviter qqn pour le souper.

...damp Abbés s'aproucha de l'ostel et manda par un de ses moynnes au maistre d'ostel qu'il sceust a Madame se on retendroit le seigneur de Saintré au soupper. (La Sale, J.S., 1456, 274)

infinitif substantivé.

Et n'avoient aucuns biens, sauf lesdis Cousin et Jaquet Auguier, lesquelx ont esté baillez au retenir par declaration. (Reg. crim. Chât., I, 1389-1392, 112)

Garder (un animal).

'Biaulx seigneurs', respondy le duc, 'grant merchys au conte de Foix, mais tant que aux flourins, nous respondons que nulz nous n'en prendrons, mais le demourant nous recepvons de bonne voulenté.' Ainsi furent les flourins refusez et les chevaulx retenus. (Froiss., Chron. M., XIV, c.1375-1400, 127)

...de vostre si tresbon faucon, pour l'amour de vous je le retien par ainsin que le me garderez, afin qeu [l. que] se nul le vous demande, que puissiez dire qu'il est mien (La Sale, J.S., 1456, 287)

b)Détenir qqn comme captif, comme prisonnier.

Messires Gilles Grignars de Manni fu pris et retenus et portés a Cambrai, trop durement navrés (Froiss., Chron. D., p.1400, 350)

La avoit un chevalier de Hainnau, qui se nonma mesires Henris d'Usfalise, sires dou Petit Wargni, moult vaillant et appert chevalier, et estoit retenus au capiel et au frain le signeur de Montmorensi. (Froiss., Chron. D., p.1400, 733)

...un banni (...) avoit esté comme par force mené à Orleans par lesdiz sergens et retenu (Baye, I, 1400-1410, 17)

Cellui Cornelius Asina fut appellé de Hanibal le viel devantdit, pour traictier de la paix ; sy y alla follement avec sept nefz, et fut la prins et retenu. (La Sale, Salade, c.1442-1444, 33)

...ne sçay cause nulle par quoy il me doive avoir retenu ; si vous en demande justice. [D'un soldat récemment capturé] (C.n.n., c.1456-1467, 56)

...et retint pardevers lui ledit evesque du Liege, sans vouloir souffrir qu'il s'en retournast en ladicte ville, non obstant que ledit evesque avoit promis et juré ausdiz de Liege de retourner pardevers eulx et de vivre et mourir avecques eulx. (Roye, Chron. scand., I, 1460-1483, 216)

DOYEN. Courroux n'ayez s'on vous detient, Car pencez que se n'est sans cause. Pour ce, s'ainsi l'on vous retient, Il fault que le cas je vous cause. (La Vigne, S.M., 1496, 413)

Et de là s'en retourna le roy à Saint-Quentin, et dudit lieu envoya unes lettres missives au grant maistre, desquelles la teneur s'ensuit : 'Mons. le grant maistre, vous retendrez avecques vous tant que vous vouldrez les deux cens lances qui vont à Tournay, et mille ou douze cens chevaulx ne sont pas pour vous courir sus veu la compaignie que vous avez, mais je vous prie qu'il n'y faille pas retourner une autre foiz faire le gast, car...' (Le Clerc, Interp. Roye, c.1502, 386)

Retenir qqn (à/pour) prisonnier. Voir prisonnier

Et a ce jour i estoient la fenme et les enfans, deus filles et deus jones fils, au chastellain de Ghinghant. Auqun Breton et François il disoient que il les retenist a prisonniers et prisonnieres, mais il n'en volt riens faire. Avant lor fist grasce, et les delivra euls et le leur, (Froiss., Chron. D., p.1400, 535)

Si asallirent le chastiel de Miremont ces gens d'armes et ces arbalestriers, et le prissent de force ; et ocirent tous ceuls qui dedens estoient, hors mis le capitainne et .V. ou .VI. gentilshonmes qu'il retinrent pour prisonnier (Froiss., Chron. D., p.1400, 648)

...Jehan de Maisné, dit de Blois, clerc du greffier criminel de ceste Court de Parlement, lequel ung nommé Boquet avoit fait mettre et retenir prisonnier (Fauq., I, 1417-1420, 129)

Mais, en la fin, ceulx de ladicte ville de Dynan, par traïson et autrement, furent surprins, et entrerent lesdiz Bourguignons dedens icelle ville, qui d'icelle en gecterent et bouterent dehors hommes, femmes et enfans, et retindrent prisonniers les plus notables gens d'icelle ville, et puis la pillerent tellement qu'il n'y demoura rien. (Roye, Chron. scand., I, 1460-1483, 164)

Participe passé en emploi substantival. Captif.

Auquns appers compagnons de Cambrai, liquel estoient bien monté, se missent en cace, et en i eut des pris et des retenus jusques a .IX. ; et li aultre se sauverent et se bouterent dedens Thun l'Evesque. (Froiss., Chron. D., p.1400, 350)

c)Prendre qqn à son service.

Dame, vueillez y nous tenir Et a vous servir retenir (Mir. enf. diable, c.1339, 7)

Le tiers remede si est, Beau Filz, se tu auras guerre, que les chevetaines desdictes compaignes, chacun a C ou a IIc lances, soient retenuz a gaiges royaulx et departiz et retenuz desoubz le gouvernement du connestable, des mareschaulx et des autres chevetaines. (Mézières, Songe vieil pèl. C., t.2, c.1386-1389, 408)

Et pour vostre service que nous tenons a grant et a agreable, nous vous retenons pour nostre corps et de nostre cambre, parmi .Vc. livres a l'estrelin de revenue par an, que vous averés (Froiss., Chron. D., p.1400, 791)

Qant messires Robers de Namur ... entendi que li rois d'Engleterre seoit devant Calais ; si se ordonna a la venir et i vint moult estofeement, et se mist ou serviche dou roi d'Engleterre. Et le retint li rois parmis .CC. livres a l'estrelin que il li donna de revenue par an (Froiss., Chron. D., p.1400, 809)

Ce jour, messire Marcial Fourmier, evesque d'Evreux, retenu du Grant Conseil à mil livres de gaiges par lettres autresfois leues en la Court de ceans, a fait en ycelle Court le serement acoustumé. (Fauq., II, 1421-1430, 294)

...il pleust au Roy et aux gens de son Grant Conseil de les retenir, et furent retenus ledit Rapiout, advocat, et ledit Barthelemi, procureur general du Roy, chascun d'eulz à IIIJc livres de gaiges par chascun an (Fauq., III, 1431-1435, 38)

...et fusmes envoyez, messire Jaques de Montmartin, le bastard de la Viesville, cappitaine des archiers, et moy, pour passer les reveues des hommes d'armes et archiers qui se presenteroient en icelles ordonnances ; et en trouvasmes assez et largement, et de gens de bien, qui furent retenuz et passez (La Marche, Mém., III, c.1470, 74)

...et lors le roy qui bien le congnoissoit et aussi pour le bon bruit qui lors couroit de sa personne, voyant estre accusé par envie, le retint à IIIIc l. de pension, puis l'envoya audit Lion pratiquer et user de sa science d'astrologie, comme devant. (Simon De Phares, Astrol., c.1494-1498, f° 157 r°)

Retenir qqn + attribut. Prendre qqn à son service, en tant que.

...mondit seigneur le duc qui à present est, vueillans icellui seigneur de Roubais pourveoir de pareil et semblable estat qu'il avoit avecques feu mondit seigneur son pere, eu regard et consideracion aux bons, notables et agreables services qu'il lui a fais ou temps passé et fait chacun jour incessaument, a, apres ce que par ses autres lettres il l'a retenu son conseillier et chambellan (Comptes Etat bourg. M.F., t.3, 1418-1420, 514)

Je te retiens mon gouverneur. (Roy sotz, c.1450-1500, 227)

...[le chevalier] se trouva tant et si bien en la grace d'une belle damoiselle qu'il en fut retenu serviteur. (C.n.n., c.1456-1467, 227)

Retenir qqn en

Audit maistre Thierry, (...) monseigneur le duc Phelippe (...), confians plainement de ses sens, loyaulté et bonne diligence, a retenu en son conseillier, et avec ce pour la bonne et grant experience qu'il a ou fait desdictes chartres, il l'a fait et ordonné garde d'icelles chartres et de tous autres privileges, lettres et escriptures touchans son pays de Flandres et autres qui sont et seront mises en ses tresoreries ordonnees en icellui pays (Comptes Etat bourg. M.F., t.3, 1418-1420, 515)

Retenir qqn de sa banniere. Engager, enrôler qqn.

Se mestier est, nous vous y guiderons bien et seurement par tous les destrois, passaiges et rivieres. A ce respondy le duc : Beaulx seigneurs, cecy n'empire pas nostre affaire, et je n'y renonce pas quant il sera temps. Atant les fait mettre en ordonnance et les retint de sa banniere. (Arras, c.1392-1393, 177)