DESPECHER

verbe

[T-L : despechier ; GD : despechier ; GDC : despeechier ; FEW (IV, 580b) : impedicare ; TLF (VI, 1141b) : dépêcher]

I. -[Anton. de empescher ; idée de débarrasser ou de libérer de qqc.]

A. -Despecher qqc. Despecher un lieu (de qqn/de qqc.). Ôter, libérer, débarrasser.

1.Despecher qqc.

Détacher, décrocher qqc..

Une eschiele de soie a li lerres sachie, Qui a gravais d'achier estoit entrelachie. Et quant sor le maison l'ot li lerres lanchie En la maison entra. Quant il l'ot despechie Si enchanta la dame et toute la maisnie (Bris., Restor paon D., a.1338, 75)

...lesquelx [les deux plongiez] en nouant ou fons de la mer despeschent souvent et delivrent les ancres acrochiez es pierres et rouchiers qui sont ou fons de la mer (Mézières, Songe vieil pèl. C., t.1, c.1386-1389, 567)

Ôter, enlever qqc., se débarrasser de qqc., contourner (ce qui fait obstacle).

Il a la haye despichee (Bien avisé Mal avisé B., c.1487-1490 [1396], 95)

Et m'en allay pour celle foys coucher En la chambre de Pensée Soubdaine, Chargé d'ung faix que ne puis despecher (Saint-gelais, Séj. honn. J., c.1490-1495, 140)

Dépenser qqc..

...puis que les avez si chier, Certes mon avoir depeschier Vueil si que je ne fineray Tant que povre conme eulz seray. (Mir. Pierre Changeur, c.1378, 264)

Décharger (un moyen de transport).

Et sejournerent ces huit jours pour despeschier leurs navires et les renvoyer en leur payz, et aussi allerent querir à Calibort aucunes choses qui leur estoient neccessaires et se refreschierent de l'estourdissement de la mer. (Bueil, II, 1461-1466, 191)

2.En particulier. Despecher un lieu (de qqn/qqc.). Débarrasser (un lieu) (de qqn/qqc.).

Vil charoingne (...) Fuy de cy, fay que despechié Soit ce lieu qui est ma maison De toy tost sanz arrestoison (Mir. pape, 1346, 378)

Seigneurs, alez devant Et le chemin nous despeschiez Qui de ces gens est empeschiez Trop malement. (Mir. fille roy, c.1379, 114)

Pors de mer despecha et terre De larrons et de malfaicteurs (Chr. Piz., M.F., IV, 1400-1403, 17)

Item, je vueil et ordene que, si tost comme je seray trespassé et ensevely, afin de despescher la place de la charoigne de mon corps que le plus tost que faire se pourra, sans y garder aucune solennité, elle soit portée en l'eglise de Saint Cosme (Test. Parlem. Paris T., 1404, 373)

...tout le pays d'environ, qui tout estoit occuppé de Sarrasins, despecha et desancombra (Bouciquaut L., 1406-1409, 148)

Onques homme ne fist les maulx Et la destourbance infinie Que ce Jhesus et sa mesgnie Nous perpetre de jour en jour, Et si n'y savons trouver tour Pour en despechier le paÿs. (Gréban, Pass. J., c.1450, 221)

A ! très orde vielle, truande, Vous me baillez du cambouys ! (...) J'en despecheré le pays, Par le sang bieu, quoy qu'il m'en couste ! (La Vigne, Munyer T., 1496, 216)

Supprimer (ce qui gêne l'accès à un lieu).

Jugement (...) que dit que une femme vuelt c'on li depelche une court ou elle a son allee et sa venue, parmei et pour ceu que en celle court on l'ait autre fois esxuriés a son marit ; et li autre dit qu'il ne fit onsquez esxurement qu'il ne tigne bien et qu'elle l'ait bien a desclairer de quoi il le empelche la court. Il fut dit que li femme ait bien a declairer quel empelchement qu'il li fait en la court. (Jug. maître-échev. Metz S.M.S., t.1, a.1494, [1374], 481)

Par extension. Disposer, mettre en ordre (un lieu).

Et quant le champ sera pris et despeëchié, et tout le gaing cueilli et signé des ensaingnes du dit seigneur ou son capitaine, se meuve avec ses gens et ses banieres (Vignay, Théod. Paléol. K., c.1333-1350, 76)

JACOB. Or sa, que dictes vous la belle ? La chambre est elle despechée ? (Myst. Viel test. R., t.2, c.1450, 211)

Disposer, mettre (un objet) qq. part.

Einsi touz jours, Sire, ta grace et ta misericorde a alé devant moy, delivrant me de touz mauls, rompant les laz despachez devant moy, ostant les occasions des causes, car, se tu ne heüsses ce fait, je heüsse fet touz les pechiez du monde (Gast. Phébus, Livre oraisons T., c.1380-1383, 63)

Despecher la place. Libérer les lieux, s'en aller.

Je n'en despecherey la plasse Se je me prans a mon batom. (Myst. st Sébast. M., c.1450-1500, 150)

B. -Despecher qqn. Despecher qqn de qqc. Débarrasser qqn de ce qui entrave.

1.Despecher qqn

a)Mettre qqn en liberté.

Et avecques eulx en avoit accusé plusieurs autres, ce qu'il ne peüt monstrer ne enseigner, mais fut trouvé qu'il avoit menti de tout ce qu'il avoit dit, et comme faulx accusateur fut jugié à mort et fut noyé le XIIIIe jour du moys de juillet oudit an. Et, après ce, furent depechez lesdiz de la Mote, Jehan Raoul et autres et renvoiez en leurs maisons. (Roye, Chron. scand., I, 1460-1483, 174)

Il visitera Et delivrera Ses povres servans Qui plaignent les ans De leurs grefs pechéz ; Mais, dedans bref temps, Seront depeschés. (Michel, Myst. Pass. J., 1486, 104)

Libérer qqn de tout empêchement.

Supposé que chascun s'empesche, Et toy et elle, quant pechiez, Dy moy par ta foy, qui plus pesche Et qui est li plus empeschiez ? Certes tu es plus entechiez, Car tu l'as faulsement trahye, Ou pour estre tost despechiez A force prise et envahye. (Martin Le Franc, Champion dames I-II, P., 1440-1442, 247)

Se despecher. Se délivrer, se libérer.

Item, pource que ce ne est pas science de grant reputation, touz ceulz qui ont puissance de soy despeechier et delivrer qu'il ne seuffrent tel mal comme est avoir la cure de leurs servans, il ont un procureur qui prent cest honneur ou office (Oresme, Pol. Arist. M., c.1372-1374, 58)

Il [Jésus] volleroit plus tost aux cieulx Qu'il se sceust de la despescher Ou s'en voit maintenant preschier, Broiller et ramener les mors. (Gréban, Pass. J., c.1450, 262)

Se tirer d'affaire.

Conment me pourray depeschier ? Vray Diex, j'ay bien apperceu Que ces gens ci m'ont cogneu. (Mir. Pierre Changeur, c.1378, 290)

b)Délivrer (une femme enceinte).

...De doleur suis au vif attainte : Pour tant, mon tres amé mari, Pensés de moy, car, mon amy, Se vous me trouvés acouchie Au retour, vous serés marry S'a joie ne suis despechie. (Molinet, Myst. st Quentin C., c.1482, 4)

c)Au figuré. Libérer, dégager qqn moralement.

Quant Ysengrin oyt la nouvelle Lors sa douleur lui renouvelle, Car jaloux est de grant piecha, Et ce point ne le despicha, Ains lui enflambe tost et tard (Renart contref. R.L., t.1, 1328-1342, 11)

Sire, c'est convoitise et yre : Ces deux l'omme pas ne despeschent, Mais si le troublent et empeschent Que veoir ne peut verité. (Mir. Barl. Josaph., c.1363, 253)

'Sire, merci vous veul crïer, Je sçay bien qu'il me fault morir sans recouvrer, Verité vous diray pour m'ame despescher...' (Flor. Octav. L., t.2, c.1400, 510)

Libérer (l'âme de qqn en enterrant son corps).

...Et pour l'amour de vous et de vous cortoisie Yert li mors chevalier mis ains demain complie En la terre benoite de la Vierge Marie (...) - Sire, s'ai dit Lion que moult en Dieu se fye, Ma promesse tanrai pués qu'elle est ottoye, Car je vuelz que son arme en soit despelchie (Lion Bourges K.P.F., c.1350, 163)

d)Au figuré.

Libérer qqn (par le règlement d'une affaire qui le concerne).

Et, que plus est, que celi gouverneur avoit et gouvernoit toute la court par ses mains ; et par tout l'empire de Rommaine, en ce que l'en avoit a faire devers la court, nul homme ne pouoit en aucune maniere estre despeëschié fors par ses mains (Vignay, Théod. Paléol. K., c.1333-1350, 108)

...a ce jour aussi y avoit il aulcuns de petit estat qui venus estoient a l'eglise pour espouser mattin devant jour, adfin de non estre raillés et beés, car y avoit des vielles et des viellars, et des rices et des povres (...), qui tous se voudrent avancier et estre les premiers despeciéz, car estoit devant jour. (Chastell., Chron. IV, D., c.1461-1472, 230)

Par plaisanterie. Soulager la conscience de qqn, confesser qqn.

LE PREBSTRE. Et bien, je prendray donc la peine De le despescher, mais qu'il viengne. (Nouv. Path. T., c.1474-1485, 86)

En particulier. Libérer (un ambassadeur) de sa mission, congédier (un ambassadeur).

Sy est vray maintenant que le duc ayant despeschié le légat de nostre Saint-Père, ensemble l'ambassade d'Angleterre, prist son chemin tout droit vers le pays de Luxembourg (Chastell., Chron. K., t.4, c.1456-1471, 166)

Et à tant se tut le roy et leur fit dire qu'ils estoient despesciés pour eux en aller quant ils voudroient. (Chastell., Chron. K., t.3, c.1456-1471, 168)

Donc à chief de pièce fit appeler Rollin, lequel approchié, le chancelier lui demanda s'il avoit aucune autre charge espéciale pour dire au duc, et il respondy que nenny, excepté qu'il prioit que temprement et tost il pust estre despeschié. (Chastell., Chron. K., t.3, c.1456-1471, 391)

Lesquelles doleances (...), il [les ambassadeurs du duc de Bourgogne auprès du roi de France] demanderent d'en avoir copie par escript, laquele chose toutevoyez n'avoient peu obtenir, comme tout au plein est contenu devant ou lieu la ou ilz furent despechiéz. (Chastell., Chron. IV, D., c.1461-1472, 153)

...le roy Charles, a l'eure quant il despeça ceste ambassade derreniere [du duc de Bourgogne] , n'estoit mie tout hors sain par semblant (Chastell., Chron. IV, D., c.1461-1472, 308)

Se despecher (de qqc.). S'acquitter (d'une tâche).

...il a noblement preschié, Et si s'en est biau depeschié Conme droit maistre. (Mir. emper. Romme, 1369, 244)

Maiz je vous fais une distinccion pour moy despecher plus ligierement (Bouvet, Arbre bat. R.-B., c.1386-1389, 536)

...et de leurs chastellenies, il en besongneroit cy-après par bon avis et conseil, et plus à loisir, après soy estre despescié de ses présens grans affaires qu'il avoit sur les mains (Chastell., Chron. K., t.5, c.1456-1471, 278)

2.Despecher qqn de qqc. Débarrasser qqn de qqc..

Aprez moi a a(tout) sa coingnïe S'en vint et me retint aus las Dont despechie n'estoie pas. '(r)Arriere, arriere ! a elle dit, Ne t'en vas pas encor, ce cuit. Rien ne t'i vaut le tresculer...' (Guill. Digull., Pèler. vie hum. S.C., c.1330-1331, 228)

Sicques de trestous ces pechés Et d'autres desquelz entachés Seroye, dont n'enn'ay souvenance, J'en requers estre despeschés (Hautev., Conf. Test. am. tresp. B., c.1441-1447, 41)

Virginalment enfentera Son chier filz qui de toy sera Nommé Jhesus, qui par pouoir Saulvera son peuple, pour voir, Et par luy seront despeschiéz De tous leurs vices et pechiéz. (Gréban, Pass. J., c.1450, 60)

Hella fus, filz de Basa, Faulx tirant, mal profitable ; Le trop boire m'empescha, Mais Zambry m'en despescha, Qui m'occit seant a table ; Ebrieté detestable Cause mauvais accidens (Molinet, Faictz Dictz D., 1467-1506, 538)

3.Se despecher de qqc. Se défaire, se débarrasser de qqc..

Prince, on ne fait chascun jour que preschier Qu'om se vueille de pechiez despeschier, Pour paradis avoir, qui tousjours dure (Desch., Oeuvres Q., t.6, c.1370-1407, 251)

Argent est senblable a la glus. On ne le sceit si peu toucher Qu'on [ne] s'en puisse despescher. (Moralité 1427 B.B., 1428, 175)

JUDAS. ...Venez sa substance mortelle Tuer, destruire et exiller Ou a tout le moins conseiller Comment je m'en despescheray (Gréban, Pass. J., c.1450, 290)

De la langue que puis-je dire ? Souvent tance par mauvaise ire, Maudit, jure, ment et renye Et tout remplist de genglerie ; Moustier, escole et tout empesche Qui sagement ne s'en despesche (Coeur sens M., a.1433, 84)

En leur maison retournerent et se despescherent des richesses du deable (Miélot, Mir. N.D. W., 1456, 6)

...et suivit sa lance de si prez qu'il trouva son adversaire empeschié de sa lance, de son pavoix et de sa hache, tellement qu'il ne s'en peust oncques despescher, et lui donna de bons coups avant que l'autre peust mettre remede à son fait. (Bueil, II, 1461-1466, 110)

Se dégager d'une situation difficile.

Encore plus dit Vegece que les assiégez et enclos en aucune forteresse doivent être songneux de secretement enserchier et savoir par subtilz moyens et bonnes espies, la convine de leurs ennemyz (...) si par la voye dessus dicte les pevent surprendre et que hardi couraige les conduise, s'en pourront par celle voye despescher. (Bueil, II, 1461-1466, 54)

Se débarrasser, se défaire de qqn.

Mieulx vault tousjours au commencier Terre a sa fille departir Ou argent, pour s'en depeschier, A une foiz, que tant querir De choses ; l'en n'en puet yssir (Desch., Oeuvres Q., t.6, c.1370-1407, 239)

...la femme dudit suppliant lui dist que ung nommé Estienne Samin, prebstre, demourant oudit villaige de Broillebon en ladicte parroisse, estoit tous les jours à la prescher et requerir de son deshonneur de son corps et qu'elle ne s'en povoit despescher de lui (Doc. Poitou G., t.12, 1481, 442)

...et tindrent conseil, comme il m'a esté dit depuis par ung homme de bien qui estoit present, assavoir comment ilz pourroyent chasser ses Bourguygnons et eulx en despescher, et estoit l'oppinion d'aucuns et presque de tous que on les destroussast qui pourroit. (Comm., I, 1489-1491, 41)

Mais les princes, au contraire, sont d'oppinion que on est tenu à les bien servir et treuvent bien qui leur dit et ne desirent que à se despescher de ceulx qui les gourdoyent. (Comm., I, 1489-1491, 251)

Estre despeché de qqn

Pardonner vuelles nous pechié, Je le te supplie humblemant, Affin que soyons despachié De l'ennemy, qui plainnemant Destruit ton peuple, vainement Creant par sa grande folie. (Myst. st Bern. Menth. L., c.1450, 57)

...il la maria a un barbier, et, cuidant d'elle estre despesché, se voulut marier ailleurs [D'un homme que sa maîtresse importune] (C.n.n., c.1456-1467, 14)

...affin d'estre de son yvroigne despeschié, qui de plus en plus l'aggresse (...), il saisist et prent le cousteau (C.n.n., c.1456-1467, 62)

II. -Par extension. [Idée d'éloignement de soi, d'exécution expéditive ou de hâte]

A. -Éloigner de soi, envoyer qqn/qqc..

1.Despecher qqn

Envoyer qqn (pour porter un message, exécuter une mission).

Ainsi furent despeschez les ambaxadeurs et chevaucherent devers le Roy tant qu'ilz furent devant luy. (Bueil, II, 1461-1466, 140)

Nous avons depesché Jehan Guerin, Anthoine Mortillon et le seigneur de Soret pour en prendre chascun sa bande, pour les faire faire bonne diligence à eulx en aller vers vous. (Lettres Ch. VIII, P., t.1, 1488, 356)

Lequelles [paroles] furent rapportées à monseigneur de Nemours par ledit de Langhac, sur le point qu'il vouloit envoyer son seneschal de la Marche vers monseigneur de Bourbon à Moulins, et estoit jà ledit seneschal despeché et prest de monter à cheval pour autres matieres. (Le Clerc, Interp. Roye, c.1502, 186)

Mons. le grant maistre, j'ay despeché le gouverneur de Daulphiné pour s'en aller au Quesnoy. (Le Clerc, Interp. Roye, c.1502, 385)

Faire despecher qqn

...faictes le despescher, et, quant il sera là, qu'il volle soubz l'alle dudit evesque d'Arras. (Lettres Louis XI, V., t.2, 1462, 87)

Congédier qqn.

...ma dame, je ne sçay, car je n'ay mie arresté une heure avec elle que je fus despeschiez ne onques ne peuz parler a dame Jehanne, a dame Katherine, a Ysabel, a homme ne a femme de ses gens, fors a dire, vous soiez le bien venu, et au retour, a Dieu soiez. (La Sale, J.S., 1456, 261)

Le jour propre, les depescha le pape, mais il retint prisonnier le cardinal Escaigne, vi-chancelier et frère du duc de Milan, et Prospre Coulonne : aulcuns dient que ce fut de leur vouloir. (Comm., III, 1495-1498, 73)

2.Despecher qqc.

Projeter, envoyer qqc..

La vi comment le souvrain pere A ordené du ciel l'espere, Qui obliquement ades tourne Au tour de son aixiau a ourne, Entre les deux poles assise, Et comment et par quel devise De son mouvement gravissant Vait les estoilles ravissant, Qui sont toutes en lui fichiees Et par ces voies despechiees. D'orient jusqu'en occident Les tourne, non pas d'accident, Mais par nature (Chr. Piz., Chem. estude P., 1402-1403, 81)

Faire porter, envoyer (un message).

En oultre mandons que ceste nouvelle soit a eulz deux par ung des angels, noz messaigiers, tantost portee. Et tu, Verité, nostre secretaire, despesche les lettres sans sejourner. (Gers., Concept., 1401, 405)

Faictes mes bulles despeschier, De bon droict et sans point clochier (Molinet, Faictz Dictz D., 1467-1506, 792)

Ains que jamais soleil se couche, La lettre sera despechie (Molinet, Myst. st Quentin C., c.1482, 66)

B. -[Souvent avec une idée de rapidité]

1.Despecher qqc.

Hâter l'exécution de qqc., traiter rapidement qqc..

...je n'oy preschier Homme qui si bel depeschier Sceust ses introduccions Pour venir aux conclusions De ses premisses. (Mir. mère pape, c.1355, 352)

...toutes les autres choses et articles qui sont esté pourparlées et debatues avec les gens du Conseil du Roy par les ambasseurs de mondit seigneur estans avec madicte Dame, seront expediez et depeschez, ainsi qu'ilz ont esté concluz et advisez, et le tout sans préjudicier au traictié de la paix d'Arras (Ecorch. Ch. VII, T., 1445, 196)

JUDAS. ...Que ne dit il [Jésus] en plain bouticle Qui c'est affin qu'il fust lÿé, Pris, murtry et expedïé Pour despeschier en le partaige ? (Gréban, Pass. J., c.1450, 241)

...le duc estant en ses pays tient audience publique pour oyr et despechier toutes requestes qui lui sont apportées (La Marche, Mém. IV, Pièces annexées, p.1468-1500, 4)

Pour aujourd'uy la chose est telle Que je suis ung peu empesché ; Mes vous direz a la pucelle Son fait sera demain despeché. (Myst. siège Orléans H., c.1480-1500, 369)

Jà estoit assez près de la nuyct quant ledict duc eut ceste nouvelle ; et, après avoir despesché les choses dessusdictes, alla là où estoit son enseigne compter le tout au roy, lequel en fut très joyeulx, car le contraire luy eust peü porter dommaige. (Comm., I, 1489-1491, 151)

De ses affaires saigement ordonna Et depescha plusieurs grans points exprés (La Vigne, V.N., p.1495, 176)

En particulier.

Expédier, traiter rapidement (un procès).

A qui veez vous que ne despesche Sa cause, se je m'y vueil mettre ? (Path. D., c.1456-1469, 50)

...voulons que entendez à lui de depeschier sondit procès à la plus grant diligence qu'il vous sera possible (Lettres Louis XI, V., t.7, 1478, 5)

LE PREMIER AVOCAT. ...Que la cause soit cy traictee, Affin que on entende le cas. LE JUGE. Sus donc, qu'elle soit despeschee ! Faictes appeller advocatz ! (Coquill., Oeuvres F., 1478-p.1494, 4)

Faire disparaître rapidement qqc..

...lesquelz entrerent tantost dedens les maisons des Juifz et dedens leurs sinagogues aussy et regardèrent par les secres et muschiez lieux de leurs maisons, affin que si on y voit riens meffait que lesdits faulx Juifz par paour ou autrement ne le peussent despecher aucunement. (Miélot, Mir. N.D. L., 1456, 98)

En particulier. Faire disparaître, avaler rapidement (une nourriture).

Tenez. Suis je vostre cousin ? Reviens je point de main fournie ? Despeschez moy ceste poignie Tandis que l'autre meurira. (Gréban, Pass. J., c.1450, 93)

[Aux noces de Cana] Or, messeigneurs, il n'y ait ame Qui ne pense de soy gorgier ; Faictes moy ces potz descharger, Despeschez ce premier venant ! (Gréban, Pass. J., c.1450, 151)

Quand la piece de beuf fut comme toute mengée et despeschée (...) [l'hôtesse] fist signe a la chambriere qu'elle apportast ung gros jambon (C.n.n., c.1456-1467, 487)

Emploi pronominal à sens passif.

[D'une affaire] Être traité.

Ainsi se depeschent les affaires des grans princes, quant ilz ne sont point presens et qu'ilz sont soudains à commender lettres et expedier gens sans bien oÿr debatre devant eulx les expeditions de si grosses choses. (Comm., III, 1495-1498, 279)

[D'une marchandise] Être objet de transactions.

Et n'est pas comme Bruges, qui est grant recueil de marchandise et grant assemblée de nations estranges ; et, par adventure, se y despesche plus de marchandise que en nulle autre ville de Europe et seroit dommaige irreparable qu'elle fust destruicte. (Comm., II, 1489-1491, 207)

Se despecher de qqc. Régler qqc. avec diligence.

LE SERGENT. (...) Vas, si apreste ton affaire, Car tantost fault justice faire De celle femme qui noya Son enfant, dont arse sera. Or t'en despesche. (Mir. enf. ress., 1353, 52)

Vous dictes tresbien, dit le curé, et par ma foy, vous ne povez mieulx faire que de vous en despescher [de marier votre fille] (C.n.n., c.1456-1467, 295)

...puis que voz besoignes sont en telz termes (...) a moy ne tiendra ; et maudit soit qui ne s'en despesche (C.n.n., c.1456-1467, 360)

Incontinent que l'aurez acceptée, j'en envoyeray mes lettres patentes sans difficulté, telles que me manderez ; et, veue la paine que les gens d'armes ont eue cest yver, je vous prie, depeschez vous en le plus tost que vous pourrez, et la prenez ainsi que vous la pourrez avoir. (Le Clerc, Interp. Roye, c.1502, 247)

Despescher à faire qqc. Faire qqc. avec hâte.

...ses pensees furent a Gerart, puis se redresse et s'assiet sur son lit ; ses dois despesche a frotter (Gérard de Nevers M., c.1451-1464, 200)

2.Despecher qqn

En finir avec qqn, s'occuper rapidement de qqn.

LE PRIEUR (à l'amant qui vient demander à être admis au couvent) Or vois je bien, pour parolle Ne pour rien qu'on vous sceust prescher, Ne vous osteriés de la cole Ou vostre cueur se vuet ficher, De quoy je vous aime plus chier Beaucoup de vraye amour fervent Et tant que, pour vous despecher, je m'en voys parler au couvent. (Amant cord. M., 1490, 43)

En particulier. [Par litote] Mettre qqn à mort.

Pouoit il [Jésus] trouver accion Plus briefve pour le despeschier Que de noz editz empeschier Et la guerre a nous entreprendre ? (Gréban, Pass. J., c.1450, 180)

GRIFFON. Puisque Jhesus est depeschié, Commandez nous que ferons. CENTURÏON. Crucifïez ces deulx larrons En la fourme qu'on les doit mettre (Gréban, Pass. J., c.1450, 334)

PYLATE. ...Et desmembrez ces larronceaulx Comme vous en sçavez l'usaige. BRAYART. Et Jhesus, quoy ? PILATE. Es tu peu saige ! Escoutez quel butor voicy ! Tu le despescheras aussi : Il n'entend goucte, ce villain. (Gréban, Pass. J., c.1450, 353)

Vey le la, comment il gargote ! C'est une gracieuse nocte : Il n'y fauldroit que contrepoint ; Et je croy que je ne faut point Quam je le ay a despechier. (Myst. st Bern. Menth. L., c.1450, 44-45)

...si bientost ne me despeschez et ne me mettez en paradis, je mesme a mes deux mains vous occiray. (C.n.n., c.1456-1467, 62)

Le bourreau, a chef de piece, fist ses preparacions pour luy bouter la hart au col pour le despescher (C.n.n., c.1456-1467, 452)

...il lui fendit la teste jucques a la cervelle, et Desir cheut comme mort de celui coup. Lors s'escria Dangier, 'Aux autres, car cestui cy est despeschié !' (RENÉ D'ANJOU, Cuer am. espris W., 1457, 200)

Mais la justice s'en alla Cuidant qu'il feust tout despechié Et le laisserent pendent là Au gibet, en haut attachié. (MART. D'AUV., Mat. Vierge L.H., c.1477-1483, 134)

...mieulx vauldroit tuer par ferrement Ceste femme ou par venin lui nuyre (...) Que permettre qu'el face aucunement Chose qui soit infame ou impudique, Car on pourra assés legierement La despecher sans macule publique. (Saint-gelais, Eurial. Lucr. R., c.1490, 110)

Et quant on luy demandoit combien il en y avoit esté depesché, il ne respondit aultre chose, si non que trop y en avoit de mors. (La Vigne, V.N., p.1495, 291)

Despecher qqn du monde

A luy commencer le premier Et le despeschez de ce monde ! (Myst. st Adr. P., c.1450-1485, 152)

Je pance que som fet est net. Il est du monde depeché. (Myst. st Sébast. M., c.1450-1500, 233)

[D'un malade] Despeché. Perdu, condamné.

Se aulcun de long temps avoit tremeur de cueur et soudainement vient sincopin, il est despeché, car la cause est ja equate. (Gordon, Prat., c.1450-1500, IV, 12)

FEMME. Jamais il ne vivra une heure. Regardez. CURÉ. A ! par mon serment, Est-il vray ? A Dieu vous commant, Munyer ! Baa, il est despesché. (La Vigne, Munyer T., 1496, 206)

C. -Emploi absolu. (Se) despecher. Faire vite, se hâter.

Or ça, vezci vostre lit fait : Je vous pri que vous depeschiez Et qu'apertement vous couchiez Sanz sejourner. (Mir. Pierre Changeur, c.1378, 240)

Frere, nous ferons bien et bel, Se Dieu plaist. Nepveu, despacié ; Faicte qu'i soit appareliez Mon destrier, aussy la haquenée. (Myst. st Bern. Menth. L., c.1450, 16)

Las, mon seignieur, despachiés vous. (Myst. st Bern. Menth. L., c.1450, 170)

'Mareschal, dit ung compaignon qui fut là, despeschez vous ; car il y a le plus grant bruit que vous veistes oncques : canons petent terriblement ; tout crie, tout hue, tout bruit ; trompettes sonnent ; tout sonne ; et les cloches de la ville sonnent mesmement ; tout maine telle noise qu'il semble que tout doive fondre. Pour Dieu ! avancez-vous.' (Bueil, I, 1461-1466, 190)

Se bien tost ne vous esventez, Vous pourrez payer ung amende. Despechez vous sotz eslentez, Oyez vous point qu'on vous demande ? (Feste roys, c.1475-1500, 301)

Nous y alons ; or te despeche ! Bailhe sa ce bout de filé. (Pass. Auv., 1477, 126)

L'AFFINEUR. Est il la ? FINE MINE. Et ouy, (ouy), admaine, Depesche toy, vien vistement. L'AFFINEUR. G'y courray a longuë allaine. (Sots mal., c.1480, 82)

...faictes le despescher, et, quant il sera là, qu'il volle soubz l'alle dudit evesque d'Arras. (Lettres Louis XI, V., t.2, 1462, 87)

L'ADVOCAT. (...) Despeschons nous legierement ; Allons vistement a l'eglise. (Mir. st Nic. juif, c.1480-1500, 130)

LA FILLE. Vous faictes ung procès si long Que c'est raige, il faut despecher, Si vous supplie, sans plus prescher, Cupido, dictes quelque chose. (P. moyne, a.1500, 48)

Se despecher de + inf.

Sire, qui se despescheroit De soupper, ce seroit bien fait. (Gréban, Pass. J., c.1450, 237)

Le curé en grand crainte se despescha de le confesser. (C.n.n., c.1456-1467, 349)

MATHATIEL (au juif et à sa femme). Despeschez vous hastivement De dire ce que demandez. (Mir. st Nic. juif, c.1480-1500, 87)

LA FEMME (au chrétien). Se ne luy voulez renvoyer [au juif] , Despeschons de le mettre en euvre [l'argent emprunté au juif] Affin que le usure on recueuvre Pour le payer comme sçavez. (Mir. st Nic. juif, c.1480-1500, 97)

Si brief guerison ne m'advient, Despesche toy de mon corps prendre ! (La Vigne, S.M., 1496, 452)

Remarque : Dans l'ex. suivant cité par GD II, 510a s.v. deparché, il convient peur-être de lire depasché ou depesché 'débarrassé'

Et lors, quant il se vit ainsy deparchez de son homme, et qu'en cuidoit du tout estre au dessus, regarda vers ses compaingnons, qui, d'aultre costé, se combattoient très vaillamment (Escouchy, Chron. B., t.1, a.1465, 151-152)