EMPESCHER

verbe

[T-L : empëechier ; GD : empeechier ; GDC : empeechier ; AND : empescher ; FEW (IV, 579) : impedicare ; TLF (VII, 958b) : empêcher]

A. -[Idée d'obstacle, d'entrave]

1.Empescher qqn

a)Être un obstacle pour qqn, gêner, embarrasser qqn.

[D'une pers.]

Et donques quant chascun de eulz veult teles choses, il met grant diligence a les pourchacier et a empeechier son prouchain a fin que il ne les ait. (Oresme, E.A., c.1370, 472)

Se ne vous cuidoie empeschier, Voulentiers yroye couchier Et repos prendre. (Mir. st J. Paulu, c.1372, 112)

Qu'est ce ? Vous vient il empeschier Ne destourber vostre service ? (Mir. st Alexis, 1382, 340)

Mais se tu prens et crois plaisir mondain, tu empescheras plus tes amis mors que tu ne les ayderas. (Gers., Déf., 1400, 230)

Le prieur, desplaisant d'estre empesché a ce coup par cest yvroigne, respond : 'Va ton chemin...' [Un ivrogne exige d'un prêtre qu'il interrompe sa promenade pour le confesser] (C.n.n., c.1456-1467, 60)

Et si fut tel du bon seigneur le gré Que Florentins tous les premiers marchassent Affin que nulz les Françoys n'empeschassent, Mais fust a tous ceste entree famee (La Vigne, V.N., p.1495, 209)

Empescher qqn de qqc. Entraver, charger qqn de qqc..

Concede que tous deux pecherent [Adam et Ève] En commettant cas criminel, Que tous leurs enfans empescherent De commun vice originel (Martin Le Franc, Champion dames I-II, P., 1440-1442, 151)

[D'une chose concr. ou abstr.]

...c'est convoitise et yre : Ces deux l'omme pas ne despeschent, Mais si le troublent et empeschent Que veoir ne peut verité. (Mir. Barl. Josaph., c.1363, 253)

Li très et jets qui venoit d'amont, de pières, de plommées de plonc et de barriaus de fier, les grevoit et empechoit durement. (Froiss., Chron. R., VIII, c.1375-1400, 39)

Et adonc les Bourguignons et Anglois, au plus tost qu'ilz porent, passèrent la ville pour suivre leurs ennemis, non obstant la chaleur du soleil qui moult les empescha, et comme les autres, se mirent en bataille contre les Daulphinois. (Monstrelet, Chron. D.-A., t.4, c.1425-1440, 89)

Empescher qqn dans qqc. Empêtrer qqn dans qqc., l'embarrasser de qqc..

Sy vueil qu'ilz [mes trois orphelins, mes trois vieux usuriers] voisent a l'estude ; Ou ? sur maistre Pierre Richier. Le Donat est pour eulx trop rude, Ja ne les y vueil empescher ; Ilz sauront, je l'ayme plus cher, Ave salus, tiby decus, Sans plus grans lettres enserchier : Tousjours n'ont pas clercs l'au dessus. (Villon, Test. R.H., 1461-1462, 105)

Empesché en qqc. Empêtré dans qqc..

Aussi bien en y a-il des peuples qui offensent contre leur seigneur et ne luy obeissent point ny ne le secourent en ses necessitéz, mais, en lieu de luy ayder, quant le voyent empesché en quelques affaires, ilz le mesprisent ou se mectent en rebellion et desobeissance contre luy en commectant offense et vont contre le serment de fidelité qu'ilz luy ont fait. (Comm., II, 1489-1491, 222)

S'empescher en qqc. S'empêtrer en qqc..

Ainsi Raison et Loyaulté fauldroit, Et Crainte et Honte, Ne on ne sçaroit plus qu'Honneur vault et monte Car bien et mal seroit tout en un compte, Ne Hault Vouloir qui tout vaint et seurmonte Ne cerche guiere A s'empeschier en basse euvre et legiere. (Chart., D. Fort., 1412-1413, 166)

[Sans doute avec un jeu sur péché] S'emmêler dans le péché.

Supposé que chascun s'empesche, Et toy et elle, quant pechiez, Dy moy par ta foy, qui plus pesche Et qui est li plus empeschiez ? (Martin Le Franc, Champion dames I-II, P., 1440-1442, 247)

Emploi transitif indirect. Empescher l'un à l'autre. Se gêner l'un l'autre.

Et premierement de ne estre point trop empressez ; car se ilz le sont, ilz empeschent l'un a l'autre et ne puelent leurs cops frapper ; dont par ainssy sont desconffiz. (La Sale, Salade, c.1442-1444, 240)

Estre empesché de qqn/qqc. Être encombré, embarrassé par qqn/qqc..

...mais une partie des cappitaines ne furent, disans que seroit fort logier sy hault et que tous estoient bien empeschiez de tant seigneurs et gens d'armes et aultres prisonniers, aussy des chevaulx et bagaiges, que porroit celle nuit porter grant peril. (La Sale, Salade, c.1442-1444, 192)

Être chargé de qqc..

...plusieurs qui sont empeschéz De divers vices et pechiéz (...), Quant ilz perçoivent qu'il est tard, Ne font compte d'eulx amender (Gréban, Pass. J., c.1450, 222)

Empescher qqn de qqc. Mettre qqn dans l'incapacité (de faire qqc.).

Et se au contraire il vient a un homme beneuré pluseurs grandes males fortunes et adversitéz, il le tribulent et troublent et li font tristeces et si l'empeschent de pluseurs bonnes operacions. (Oresme, E.A., c.1370, 135)

...doubtant les empescher et destourber de la doulce oeuvre qu'ilz faisoient, leur dist... [Un mari surprend sa femme en compagnie de son amant] (C.n.n., c.1456-1467, 432)

Estre empesché (de qqc.). Être mis dans l'impossibilité, l'incapacité (de faire qqc.).

...il qui parle faisoit son assemblée oudit pays de gens et d'eschieles pour prendre ladite place et chastel, s'il eust bonnement peu ; mais il fu de ce destourbé et empeschié, parce que alors il fu prins et emprisonné par un nommé Tournemine (Reg. crim. Chât., II, 1389-1392, 190)

...elle s'estoit, au matin à son descoucher, disposée et ordonnée de venir par devers icelle Macete querre ledit botereau, pour faire et acomplir ce que dit est, et de fait y feust venue se, pour cause de ladite prinse, elle n'eust esté empeschée. (Reg. crim. Chât., II, 1389-1392, 309)

Empescher (à) qqn à/de + inf. S'opposer à ce qqn fasse qqc., ôter à qqn la possibilité de.

...le conte de Flandres (...) avoit (...) empechiet le signeur de Bournesiel à faire son voiage en Escoce. (Froiss., Chron. R., IX, c.1375-1400, 132)

Qu'onques ne me fist present De joie ne de tourment ; Ne empeschier Ne me porroit nullement à vivre joieusement Son menassier. (Mach., Ch. bal., 1377, 627)

...au propos, ja soit ce que la mere soit ou milleu, et prochaine de la courone, toutevoies elle n'enpechera pas son filz de succeder ou royaume, pour ce que il est malle et habile de succeder. (Songe verg. S., t.1, 1378, 244)

Car tres peu sont qui s'en confessent parfaittement ; et qui pis est, aucuns empeschent a confesser ceulx et celles qui sont consentens de leurs pechiez. (Gers., Pent., p.1389, 77)

Ne ne creez conseil de homme exillié, ne fuitif de son pays, ou il puist touchier au desir de nuire ceulx qui l'ont exillié, s'il n'a bonne raison, et vous bonne cause de lui aidier, car ce vous pourroit moult empeschier de venir au degré d'onneur. (Arras, c.1392-1393, 86)

Mais en oultre je considere que saint Pol ne pot en plus estre obscurcis ne empeschié d'espandre les rays de sa doctrine par les persecucions des tirans (Gers., P. Paul, a.1394, 499)

...affin que faulte d'encre ne m'empesche d'escripre, je pourray bien pescher en vostre escriptoire. (C.n.n., c.1456-1467, 152)

...il n'est si estroicte garde au monde qui peust destourber n'empescher la femme oultre sa volunté a faire son plaisir. (C.n.n., c.1456-1467, 562)

C'est ce Jhesus en bonne foy Qui par dïabolique action A fait songer celle vision A ta femme pour t'empescher De le jucger et condempner. (Pass. Auv., 1477, 169)

Empescher à qqn à/de + inf.

...la neccessité de gaigner leur vie (...) leur a par aventure empechié de savoir si largement des choses qui apertiennent au sauvement comme autres font (Chr. Piz., Trois vertus W.H., c.1405, 207)

...alés defferrer au trenchant des espees ces dragons qui empeschent aux jennes pucelles a voir le perron (Percef. IV, R., c.1450 [c.1340], 1119)

Estre empesché de + inf. Être dans l'incapacité de .

...jettez vostre lance le premier, se vous povez, et la suivez de prez et, se vous trouvez vostre homme entibardé de sa lance et de son pavoix, ainsi vous eschevez le gect de sa lance ; et si sera bien empesché de se deffendre, quant il vous verra si prez de lui. (Bueil, II, 1461-1466, 103)

Touteffois, a l'ayde de Dieu, ilz furent de sy bon gouvernement et de sy entier et ardant couraige et de sy merveilleuse deffence et puissance que de celle heure ilz mirent tant de ces Sarrazins a mort que la place en estoit toute encombree et estoient tous empeschez d'aller oultre. (Bagnyon, Hist. Charlem. K., c.1465-1470, 115)

Entraver l'action (d'un ennemi).

'Et empeecerons et greverons de tout nostre pooir leurs ennemis presens et advenir, nés et à nestre, quelz qu'il soient.' (Froiss., Chron. L., VI, c.1375-1400, 29)

Barrer le chemin à qqn, interdire à qqn de passer.

Finablement toutes manieres de gens se missent au pasage et en haste de passer. La convint que Englois fuissent bonnes gens d'armes et de grande ordenance ; car les François, qui estoient d'aultre part, les empeçoient et ensonnioient ce qu'il pooient. (Froiss., Chron. D., p.1400, 711)

Participe présent en emploi adjectival. Empêchant. Qui fait obstacle (ici qui empêche qqc. d'être vu).

...elles veirent dedens la chambre, qui estoit close, ung vestu d'une rude et grosse vesture et d'un chapperon sy empeschant que son viaire ne pouoit aucunement estre veu. (Percef. IV, R., c.1450 [c.1340], 161)

Estre empesché de son corps. Être dans l'incapacité d'agir.

'...et m'y employerai [à participer à une croisade] en telle façon, à mon povoir, que j'ay espoir que Dieu et le monde seront de moy contans ; pourveu toutesvoyes que lors ne soye empesché de mon corps ; et s'il advenoit que Dieu ne vuille, y envoieray, tant de gentilzhommes comme autres, en tel et si grant nombre que la faculté de ma chevance pourra pourter.' (La Marche, Mém., II, c.1470, 387)

Emploi pronominal réfléchi. Être un obstacle, un frein à son propre progrès à son propre développement.

Et par ce appert l'erreur de pluiseurs quy se donnent de la grande affliction, sy que souvent en deviennent les aulcuns folz et hors du sens (...), par quoy ilz s'empeschent plus qu'ilz ne se promeuvent (Traité S. Sacr. B., c.1450-1500, 176)

Empescher qqn en qqc. Freiner, retenir qqn dans qqc. (ici l'exercice du pouvoir).

Pourquoy ledit Jouvelin voulut empescher ledit grant maistre en la joÿssance dudit povoir à luy donné. (Le Clerc, Interp. Roye, c.1502, 338)

b)En particulier. Retenir qqn (qq part).

Je m'en cuide très-bien issir sans le dangier Dou soudant, qui me voet ychy empaicier. (God. Bouillon R., t.2, c.1356, 83)

Certes, sur tous c'estoit ung bon archer ; On ne lui sceust pot des mains arracher ; De bien boire ne fut oncques fetart. Nobles seigneurs [Noé, Loth...] , ne souffrez empescher ['retenir (à la porte du Paradis)'] L'ame du bon feu maistre Jehan Cotart. (Villon, Test. M., 1461-1462, 102)

Et, ainsy qu'ilz marchandoient certaines pieces de cuisine, le cuisinier fut empesché et lui convint vacquer et entendre a certains affaires et negoces domestiques (Tardif, Apologues R., c.1493-1498, 65)

Il nous a trop cy empesché : Nous deussions ja estre a la ville. (La Vigne, S.M., 1496, 322)

c)Empescher qqn (de qqc.). Accuser, charger qqn (de qqc.).

...elle n'ara mal ne nulle vilonnie, Se vous ne congnissiés, voiant la baronnie, La traïson de quoy elle est empaicie (God. Bouillon R.B., t.3, c.1356, 32)

...disans icelles par eulx ainsi avoir esté faites, dites et recongnues que escriptes sont, et que elles contenoient et contiennent verité, sauf tant que ledit Jehannin Rousseau dist et afferma par son serement que jà soit ce qu'il eust, par sadite confession, chargé, empesché ou occupé Jehan Blanchet, neantmoins il n'avoit pas de ce dit verité, et l'avoit fait par hayne qu'il avoit à lui (Reg. crim. Chât., I, 1389-1392, 107)

Item, adviseroient manieres par lesquelles chascun demourra paisible et en bonne seurté pour le temps avenir de toutes choses avenues (...) sans ce que aucun jamais en puist estre poursui, empeschié ne dommagié en quelque maniere que ce soit. (Baye, II, 1411-1417, 121)

PILATE. ...Mais je n'ay trouvé tant soit peu Qu'i soit coupable des pechés Dont l'accusés et empeschés. (Michel, Myst. Pass. J., 1486, 336)

Estre empesché de qqc.

...le dit suppliant [l'archevêque de Canterbury] en le parlement tenuz a Westm'(...) estoit nonduement des diverses matires empeschiéz, et sur ce sanz ascune responce en sa absence ajuggéz d'estre exilee hors du roialme d'Engleterre pur touz jours (Lettres agn. L., 1399, 20)

Remarque : Ce sens est entré dans la langue par l'intermédiaire de l'anglo-norm. (cf. AND, s.v. empescher et W. Rothwell, Z. rom. Philol. 109, 1993, 42-43, à comparer au m. angl. empechen 'id.' ds MED).

d)Emprisonner qqn.

Helas, chiers freres, il me poise De nostre maistre amé et chier Que l'en vueult ainsy empeschier Sans occasion ne sens tiltre. (Gréban, Pass. J., c.1450, 255)

Jhesus, nostre maistre begnin, Celluy que a tort on enpescha, Le juste qu'onquez ne pecha... (Gréban, Pass. J., c.1450, 426)

Celluy qui est detenu et empesché chante moult voulentiers pour oublier son mal et sa melancolie. (Bagnyon, Hist. Charlem. K., c.1465-1470, 76)

e)Accabler qqn, faire du mal à qqn.

...du Sathan contraire Par qui li bon sont empeschié Le gart... ! (Mir. emp. Julien, 1351, 214)

Nous avons malement pechié Contre Dieu d'avoir empeschié Ainsi laidement ce saint corps. (Mir. femme, 1368, 218)

De Sarrazins sui empeschiez Qui m'ardent et gastent ma terre (Mir. fille roy, c.1379, 68)

[D'une maladie] Incommoder, accabler qqn.

...pour ce que ledit maistre Jaques ne les avoit peu ne povoit signer, ne grosser, obstant la griefve maladie contenue qui l'empeschoit. (Fauq., II, 1421-1430, 25)

Empesché de maladie

...si d'aujourd'hui en sept ans prochains venant, vous, vos femmes et enfants estiez empechés de la maladie de sainte Ladre (Hist. dr. munic. E., t.2, c.1349, 107)

...aultrement, ilz estoient si chargiez et empeschié, eulx et leurs gens, de maladie de cours de ventre ou de fievre que ilz estoient mort à moittié, et ne pourroient nullement souffrir, ne porter les painnes ne les dangiers de la mer. (Froiss., Chron. M., XIV, c.1375-1400, 101)

...l'evesque de Chaalons, empesché de maladie en son hostel à Paris, se fist exonier par messire Ferri de Mets, conseiller du Roy nostre sire. (Procès Montfort D., 1378, 214)

2.Empescher qqc.

a)Faire obstacle à qqc., à l'exercice de qqc., faire que qqc. ne se produise pas, être cause que qqc. ne se fait pas.

Bien estoient plus de C. mille, Et s'en yssoit hors de la ville, Tant et si mervilleusement Que nuls homs nombrer bonnement Ne le peüst en verité, Tant en y ot grant quantité Qui empeschierent le descendre De ses vaissiaus et terre prendre. Einsois que l'aube fu crevée, Fu venue toute l'armée. La nuit passa et li jours vint Si biaus, que plus bel ne couvint (Mach., P. Alex., p.1369, 67)

...lesdis de la Porte et ses adherens ou complices, veullans appeller desdictes constitucions et ordonnances, ou au moins debatre, contredire et empeschier l'effect et l'execucion d'icelles ordonnances (Fauq., I, 1417-1420, 64)

Mon maistre, je vous sers (...) pour (...) garder vostre honneur et vostre dommage empescher (C.n.n., c.1456-1467, 494)

Toutevoies ainsi est que la trinité des personnes pas n'empesche l'unité de l'essence (Somme abr., c.1477-1481, 123)

Pouoit il trouver action Plus briefve pour le despescher Que de noz editz empescher Et la guerre a nous entreprendre ? (Myst. Pass. Troyes B., a.1482, 414)

[D'une chose] Faire obstacle à qqc., entraver qqc., faire que qqc. ne se produise pas.

La souvent les äoureray Et secrefice leur feray D'encen, de mier, d'oile ou de cire, Et si ferai chanter et lire De maniere serie et coie Que li dieus de dormir ne l'oie, Car vraiement, pechié feroit Qui son repos empeecheroit [var. empescheroit] . (Mach., F. am., c.1361, 235)

Et ainsi, com partir voloit, Li prist une grant maladie, Qui si le contraint et maistrie Que tout son fait fu depecié à ceste fois et empeeschié. (Mach., P. Alex., p.1369, 130)

Mais autres philosophes disoient que infortune empeeche felicité et ses operacions (Oresme, E.A.C., c.1370, 515)

Filz, mais que ce soit chose humaine Qui conscience point n'empesche, De la me dire te despesche (Mir. Rob. Dyable, c.1375, 71)

...Car, à droit jugier, On voit de legier Que hors sui de tout dangier, Ne melancolie Ne m'ose aprochier Pour joie empechier Ne je n'ay mestier De riens qu'on puist souhaidier. (Mach., Les lays, 1377, 457)

Et au contraire, tant plus sont aspres et plus freent et de tant eschaufent plus aussi, ceteris paribus. Item, es roes des moulins et en celles des charretes es parties ou elles freent, l'en met eaue ou oingnement pour empeeschier la cause de l'eschaufement, et c'est la violence de la confricacion qui par ce est empeeschie ou appeticie. (Oresme, C.M., c.1377, 438)

Mais, posé que la velocité ou isneleté de la giracion ou revolucion du ciel, ne aussi la latitude de la terre ne empeeschassent en rien le mouvement de elle, et que l'aer desouz elle peust estre meu et transporté sans estre en rien comprimé, il convendroit que la terre fust meue quelcunque part, car se elle fu meue au milieu par violence, elle y repose par violence (Oresme, C.M., c.1377, 546)

Se la personne fait le bien en son nom, son pechié empesche le fruit. (Gers., Déf., 1400, 234)

Iay [l. I'ay] plus parle [l. parlé] de la vertu ymaginatiue que des autres pour ce que souuent elle empesche saincte meditacion et que le deable en fait souuent son instrument (Cib., p.1451, 214)

C'est a dire, mon ami, que yre et couroux empeschent et aveuglent le couraige de la personne en telle façon qu'elle ne puet regarder a ce qui est vray (La Sale, J.S., 1456, 19)

...l'usage qu'il [l'oeil sain] a a regarder empesche la garison de l'autre malade. (C.n.n., c.1456-1467, 504)

O pecheurs, laissés vanités Et voz puans charnalités Qu'empeschent fruit de penitence. Mectés en Dieu vostre esperance (Pass. Auv., 1477, 138)

Emploi pronominal à sens passif. [D'une chose abstr.] Être rendu impossible.

...de quoy avient que confession s'en empesche, et trebuche la personne, a bouche close, a dampnation. (Gers., Annonc., a.1400, 236)

(Estre) empesché

[D'un organe du corps] (Estre) empesché (de qqc.) Être gêné dans son fonctionnement ; atteint par qqc..

Car tout aussi com d'une drame Le bon maistre garist et drame L'ueil empeschié de catharacte, Dou quel il couvient qu'il abate Par soutil engien une toie Qui la clarté tient et desvoie, Et li rent sa clarté premiere, Tout einsi me rendoit lumiere De cuer, de memoire et de l'ueil, Et me metoit d'umbre en soleil Sa clarté et sa resplendeur. (Mach., R. Fort., c.1341, 56)

Et pour ce que l'operacion du membre organique estoit empesché, pour ce Avicene l'apelle membre official (Gordon, Prat., c.1450-1500, II, 16)

[D'une faculté] Être diminué.

Comme sa complexion soubtille fust impoissant de porter longuement fais de si grieve maladie, en bien pou de jours fu à merveilles debilités, et tant que sa saine discrecion, non empeschée jusques à la mort, pour quelconques souffrance du corps lui jugia que brief seroit le terme de sa vie (Chr. Piz., Faits meurs Ch. V, S., II, 1404, 182)

...et ce est par cause de la variacion du mouvement de dedens, et ainsi le jugement est empesché (Gordon, Prat., c.1450-1500, III, 6)

Avoir la vue empeschee. Perdre la vue.

Et quant Flamine eut a plain regardé Gadiffer, qui a cause de l'enchantement avoit eue la veue empeschee, et qu'elle le recognut au vray, elle fesoia honnestement le chevalier et lui elle. (Percef. III, R., t.2, c.1450 [c.1340], 193)

...Mais celuy qui regarderoit La pierre quant chargié seroit De pechié pardroit somme toute La veue et n'y verroit plus goute Regarder s'ell'est autentique. Or je me congnoy en fusique, Par laquelle pui percevoir Que vous n'estez pas sans avoir Aucun pechié en vostre corps, Par quoy ne voel ne ne m'acors Que la veue aiez empeschie (Du Prier, Roy Adv. M., 1455, 442)

[D'une institution] Ne pas pouvoir fonctionner.

Ce jour, a esté la Court empeschée, pour ce que pluseurs des presidens et autres des seigneurs sont alez devers nosseigneurs pour certeinnes rebellions faictes ou païz de Guienne et de Languedoc contre l'execution d'un arrest obtenu par Regnault de Murath contre Pons de Cardilhac, et pour ce n'a pas esté plaidoié. (Baye, I, 1400-1410, 154)

Et disoit le procureur du Roy que par ladicte faulte et inadvertence dudit bailli la Court estoit souvent empeschée en la visitation et jugement desdiz procès, et si perdoit le Roy les amendes pour occasion de la condempnacion desdiz despens, soubz umbre desquelz la Court a souvent infirmé les jugemens desdis bailli et juges desdictes causes d'appel, comme dit est. (Fauq., II, 1421-1430, 84)

Et soubz umbre de debitis et sauvegarde, que baillent sans congnoissance les baillis et seneschaulx ou aultres officiers royaulx, sont du tout empeschés les jurisdictions temporelles et spirituelles des gens d'esglise, et tellement que par voyes obliques et exquises lesdis officiers se efforcent de enerver comme du tout au neant leur jurisdiction temporelle et spirituelle. (Juv. Urs., Verba, 1452, 384)

[D'une activité] Ne pas pouvoir se faire.

Premiers par che appert que l'estude de sapience en est empeschie, car on ne peut servir ensamble aux livres et a la fenme. (Daudin, De la erudition H., c.1360-1380, 320)

Vray est que, pour les turbations et empeschemens qui ont esté et sont en ce royaume, notoirement ont esté depuiz aoust jusques à cy empeschées les Plaidoiries (Baye, II, 1411-1417, 42)

[D'une requête] Être sans effet.

...car quant vous serés confés et repentans de voz pechés, se vous rancheés et vous ne pardonnés tout et remettés toutes injures et autres choses dont procede division et sedicion vostre oroison sera empeschee, et ne se accomplira point vostre requeste. (Juv. Urs., Aud. celi, 1435, 253)

b)En particulier. Empecher (le) mariage. Rendre impossible (le mariage).

Et ce qui avoit detriiet et empechiet bien cinc jours les mariages à aprochier, estoit pour un different que li consaulx dou duc de Bourgongne i trouvoient et mettoient. (Froiss., Chron. R., XI, c.1375-1400, 190)

Le veu de continence empesche mariage. (Sacr. mar., c.1477-1481, 52)

Et ainsi compaternité directe et indirecte empesche le mariage fait et affaire. (Sacr. mar., c.1477-1481, 56)

L'empeschement de pechié empesche mariage. Et fault noter que ilz sont pluseurs crimes et pechiéz qui pour leur enormité empescent a contraire mariage, comme est inceste, qui est apellé pechié de luxure en sa parenté. (Sacr. mar., c.1477-1481, 62)

3.Empescher qqc./un lieu (de qqc.)

a)Encombrer, embarrasser un lieu (de qqc.).

'Ils firent ouvriers (...) abatre bois et gros sapins de travers les pas, et empescheerent si les destrois que tout fu clos, ne il n'estoit pas en puissance d'omme de point aler avant.' (Froiss., Chron. M., XII, c.1375-1400, 221)

...vindrent logier tous ensamble (...) en la ville de Verbrie, à tout foison de vivres, et grand nombre de paysans, qui avoient pluiseurs instrumens, est assavoir cuignières, soioires, louches, sarpes, hauwiaux et autres pareulx ostieux, pour refaire et réparer les chemins parmy forestz et autres lieux que les asségans avoient empeschez en pluiseurs parties, tant de gros bois qu'ilz avoient fait abatre et traverser èsdiz chemins, comme de fossés qu'ilz avoient fait faire, et autres empeschemens. (Monstrelet, Chron. D.-A., t.4, c.1444-1453, 409-410)

[Des paysans ont ont été recrutés] ... pour remettre en point les chemins rompus et empeschiés par les Bourgongnons (Chastell., Chron. K., t.2, c.1456-1471, 93)

Estre empesché

...et aussi sont les chemins moult pereilleux et enpeschez si comme vous savez. (Doc. 1356. In : H. Moranvillé, Bibl. Éc. Chartes 99, 1938, 305)

Interdire l'accès d'un lieu.

...il n'en partira meshuy, pource qu'il a tant empesché le lieu de celuy qu'elle ayme beaucop mieulx que luy. [Une femme a enfermé son mari dans un coffre parce que sa présence ne lui permettait pas de recevoir son amant] (C.n.n., c.1456-1467, 185)

Interdire, rendre dangereuse (une voie de passage).

...Alixandre li demanda [à un pirate] pour quoy il empeschoit le chemin de la mer en prenant et pillant les bons marcheans de mer (Foul., Policrat. B., III, 1372, 242)

Vous chevaucerés et tout vostre hoost jusques ens es portes de Paris, et ja ne trouverés qui vous empece ne contredie vostre cemin. (Froiss., Chron. D., p.1400, 675)

Le Pape manda incontinent de rompre l'entree de la cave et le pas de l'islette, comme j'ay dit, et empeschier tellement que jamaiz homme n'y peust retourner, et deffendre par grans esdiz que nul jamaiz plus n'y entrast. (La Sale, Salade, c.1442-1444, 110)

Et, audit passage faisant se y trouva Salezart et aucuns de la compaignie de Joachin Rouault pour cuider empescher ledit passage, mais ilz n'estoient que peu de gens et sans artillerie, et les ennemis du roy en avoient largement, par quoy les convint reculer et retraire. (Roye, Chron. scand., I, 1460-1483, 78)

Au figuré. Empescher la voie à qqn de + inf. Interdire à qqn de.

...c'est celle [la famille Appius] laquelle entrerompit les mariagez des perez et du pueple ; c'est celle qui ha empesché la voie par tant de temps au pueple de ataindre et de venir aus magistraz curulez. Certez, dist il, ce est le nom qui moult plus est noisant et ataïneux a vostre liberté que fu onques li noms des Tarquins ! (Bers., I, 9, c.1354-1359, 34.5, 60)

Empescher qqc. + prop. inf. Interdire à qqc. de.

Et en verité, je me doubte que l'incredulité de nous ne empeche fort misericorde venir pour bailler santé a nostre Roy. (Gers., Purif., 1396-1397, 64)

Empescher qqc. à qqn. Faire que qqc. devienne impossible pour qqn.

Qu'elle ne puet a moi venir, Et seulement par souvenir Qui li empesche sa venue, Las, ce m'ocist et me partue. (Mach., Voir, 1364, 484)

Qant il vei che que il n'en averoit aultre cose, et que on li empeçoit sa comsacration, il i pourvei, car il fist un pape et douse cardinauls, par l'acort des Ronmains ; et se fist consacrer et couronner de ce pape et de ces cardinauls, et prononchier a estre empereres. (Froiss., Chron. D., p.1400, 244)

...ledit Roussel s'estoit efforcié de lui empeschier ung adjornement en cas d'appel, que on lui avoit refusé en la Chancelerie (Fauq., II, 1421-1430, 267)

[Des seigneurs mécontents] ...assemblerent en leur pays gens de guerre, feignans de vouloir faire guerre au roy, lequel, pour ce leur empescher, y envoya sur la marche dudit pays de Guienne cinq cens lances et certain nombre de son artillerie (Roye, Chron. scand., I, 1460-1483, 263)

Au passif. Être refusé à qqn, n'être pas reconnu à qqn.

Vainc, dist il, et suppedite nature par vertueuse diligence, afin que les haulz biens ne te soient empechiéz (Chr. Piz., Trois vertus W.H., c.1405, 168)

Encores nostre souverain seigneur, que se tel, mon adversaire, avoit sur soy ou portoit armes forgees par malvais art, aussy briefz, charmes, fers ou invocacions de anemis, par quoy il fust veu et congneu magnifestement que mon bon droit me fust empeschié avant la battaille ou en combactant, que mon bon droit et honneur n'en peust estre empeschié ne admendry (La Sale, Salade, c.1442-1444, 215)

Empescher qqc. à + inf.

Il fault que vostre bon oeil soit couvert (...) car en verité il [l'oeil malade] l'empesche a garir sans doubte. (C.n.n., c.1456-1467, 504)

Empescher que

Et l'espesceté ou obscurté de la terre empeesche que telles lumieres ne leur effés ne penetrent ou percent et entrent et ataingnent jusques vers le centre, mes ileques sont tenebres perpetueles (Oresme, C.M., c.1377, 258)

...pour tant que lez causes dez pluies, dez neges et dez tonnerres sont natureles, neantmoins ilz n'en ont mie certaine cognoissance, pour ce que telles causes natureles puent avoir aultre causes, enpechentes que l'effect de telles pluies ou neges ne puissent avenir. (Songe verg. S., t.1, 1378, 373)

Ce jour, la Court a declairié qu'elle n'empesche point que l'evesque de Paris n'eslargisse maistre Bernart Nivart (Fauq., II, 1421-1430, 271)

...nonobstant le duc de Bourgongne qui, passé a long temps, estoit demouré tenant le siege devant ladicte ville de Nux, et qui avoit fait arriver plusieurs navires pour cuider empescher que ledit avitaillement ne vînt en icelle ville (Roye, Chron. scand., I, 1460-1483, 324)

Empescher + propos. inf.

...pour oyr dire et declarer le miserable estat de la ville de Rouen assiegée par le roy d'Angleterre, qui empeschoit touz vivres entrer en ladicte ville (Fauq., I, 1417-1420, 213)

b)Par extension. [Idée de combler, remplir un objet, un lieu]

Remplir, recouvrir (un espace).

...plus espés voulloient les saiettes que gresle par l'ayr, et tant de gens vont la mourir que les chemins estoyent tous empeschés des corps mors. (Bagnyon, Hist. Charlem. K., c.1465-1470, 165)

Bien deu aussi regarder la parsonne De Tycion qui fut filz et alumpne De la Terre ; cil fut certainement Si grant et hault que son corps seulement Pouvoit assez empescher et comprendre Neuf grans journaulx tant qu'ilz peurent estendre (Saint-gelais, Enéide VI, B., c.1500, 343)

Obstruer qqc..

C'est substraccion d'une chose qui peut venir a autre, comme seroit empeechier ou destourner le conduit par quoy l'eaue vient a son voisin. (Oresme, E.A.C., c.1370, 283)

Estre empesché de qqc. Être rempli de qqc..

Bacus vous envoye ses barilz Qui sont tous de vin empeschez. (Bataille st Pens. A., a.1485, 48)

Cestui marescaige estoit empeschié de plates eauz, de tourbieres et de buissons (Percef. IV, R., c.1450 [c.1340], 220)

c)DROIT Empescher un bien (à qqn). Confisquer ou saisir un bien (pour priver qqn de sa jouissance), mettre obstacle à la jouissance d'un bien, priver qqn de la jouissance d'un bien (par une confiscation ou une saisie).

...ou caux ['cas'] que ladicte corone serait en aucune menere empeschié, je vuis et ordene que par mes executours contenus en mondit testament, lidit empeschement soit ostex et li soit donee et rendue framchement et quittement. (Test. Besanç. R., t.1, 1372, 464)

...grant desir avoient (...) que on leur rendesist leur hiretage que on leur tenoit et empeeçoit à tort. (Froiss., Chron. L., VI, c.1375-1400, 89)

...messire Edouart de Guerles (...) fut moult dur à la vefve (...) madame Ysabel de Brabant (...) et luy empecha son douaire. (Froiss., Chron. M., XIV, c.1375-1400, 158)

...raison prendroit grant merveille que son heritage ainsi notablement et si anciennement par ses ancestres et lui possedé et de quoy si publiquement renommée se monstre, li feust sans cause empeschié. (Trés. Reth. S.L., t.2, 1377, 221)

...lequel fieufement les diz religieux et lours successours sont et seront tenuz garantir, délivrer et deffendre envers touz et contre touz, se par eulx ou par leur fait ou de Guillaume Poisson estoit empeschié ne encombré tant soulement. (Cartul. Hôtel-Dieu Cout. L., 1378, 184)

...mais s'aucuns d'iceulz biens sont priz, arrestez ou empeschez (Ch. VI, D., t.1, 1382, 27)

...s'il avient que aucuns desdiz evesques, abbés et autres, dont le temporel estoit empeschié, soit translaté ou alé de vie à trespas (Baye, I, 1400-1410, 135)

...et pluseurs autres aussy de petit estat avoient dit pluseurs injures de lui et avoient prins les biens de pluseurs de ses serviteurs et empeschié seellé (Baye, II, 1411-1417, 26)

De la tour du Chantier du Roy, derrier[e] ledit hostel du Barbel, neant, pour ce que le maistre charpentier du Roy la tient et l'empesche sans en rien payer (Comptes Paris M., t.2, 1458-1460, 132)

Pour laquelle mort la femme dudit boiteux se tira devers le roy lui faire savoir ces choses et pour estre son injure reparée. Dont et de quoy le roy depuis empescha les villes et terres dudit d'Alençon ; mais, bientost après, tout lui fut delivré et par lui tout pardonné comme devant. (Roye, Chron. scand., I, 1460-1483, 189)

Et si lui bailla on commissaires pour eulx informer de ceulx qui avoient parlé dudit seigneur pour raison de ladicte prinse de Sainct-Quentin, afin de les punir ; et si lui fust delivré l'argent du souldoy de ses gens de guerre, qui empesché fut incontinent après ladicte ville de Saint-Quentin prinse. (Roye, Chron. scand., I, 1460-1483, 307)

...s'aucuns de leurs biens ont esté ou estoient, à la cause dessusdicte, prins ou empeschez, mectez les ou faictes mectre, incontinent et sans delay, à pleine delivrance (Lettres Louis XI, V., t.3, 1468, 206)

B. -[Idée de peine qu'on se donne pour qqn ou qqc., d'occupation, de préoccupation pour qqn ou qqc. (qui fait obstacle à toute autre chose)']

1.S'empescher de qqn/qqc. S'occuper, s'embarrasser de qqn/qqc..

...Mais je ne voy ne Gautier, ne Colin, A court n'ailleurs qui s'empesche d'autrui, Ne qui cure ait de parent ne cousin (Desch., Oeuvres Q., t.1, c.1370-1407, 178)

Sanz nous d'autre chose empeschier, Je lo que nous deux (...) Alons le Dieu service oir (Mir. st Alexis, 1382, 352)

'...Qui peseroit bien,' dist la royne, 'Beau Filz, les grans sommes des gaiges ordonnez et esmolimens secrez et equivoques des officiers royaulx qui s'empeschent des aides, et d'autrepart les grans sommes des dictes aides qui au chief de l'an se treuvent esvanouyes...' (Mézières, Songe vieil pèl. C., t.2, c.1386-1389, 400)

...peu s'empechent des affaires En gouvernemens neccessaires (Chr. Piz., M.F., I, 1400-1403, 105)

Et pour ce ne te dois empeschier d'autrui estat ne d'avancement (Chr. Piz., Trois vertus W.H., c.1405, 139)

Mais ladicte royne (...) avoit fait venir a son ayde monseigneur messire Alfonse de Castelle, roy d'Arragon, qui la vint secourir a vingt gallees (...) par condicion que, apprès le trespas de ladicte royne, ledit roy devoit estre son heritier et successeur, mais au gouvernement dudit royaume ne se devoit empeschier de riens (La Sale, Salade, c.1442-1444, 195)

Terriblement et sans pitié de creature se maintenoient les trois vaillans princes a l'encontre de leurs ennemis, mais longuement ne s'en esteut empeschier ['mais il est inutile de longuement s'occuper d'eux, de s'attarder sur eux'] (Percef. IV, R., c.1450 [c.1340], 619)

Doncques requiers et demande a toy meïsmes et en ton coraige qui es tu, que veulz tu faire et se le fait dont tu te veulz empeschier t'appartient. (Colart Mans., Dial. créat. R., 1482, 220)

Puisqu'il fault que je m'en enpesche [d'aller voir saint Jean Baptiste] , Messeigneurs, voluntiers iray Devers luy. (Michel, Myst. Pass. J., 1486, 19)

Puisqu'il fault que je m'en empesche Par force, non pas par amour, Macher fault ceste dure pesche (La Vigne, S.M., 1496, 417)

Se mêler de qqc..

Sy respondirent qu'ilz ne sçavoient amer ne ja ne s'en ensonnieroient [var. (p.476) r. qu'ilz ne se sçavroient meller d'amer par amours et qu'ilz ne s'en empesceroient point], car trop en avoient veu souffrir de meschiefz ceulx qui a ce tendoient. (Percef. II, R., t.2, c.1450 [c.1340], 196)

S'empescher de + inf. S'appliquer à.

Et se y adjouste aultre chose qui t'y esmeut ['qui te pousse à vouloir travailler à la cour'] , c'est assavoir l'exemple de moy, quy m'empeche de servir a la court royal, adfin que tu uzes tes jours par compaignie avecq moy (Curial B.-H., a.1447, 3)

(S')empescher de/en qqc. Faire des recherches au sujet de qqc..

Il n'est pas bon de trop enquerre Ne s'empeschier es fais des cours ; S'on m'assault, pour avoir secours, Vers Nonchaloir yray grant erre (CH. D'ORLÉANS, Rond. C., 1443-1460, 300)

'...Or ne m'enquerez plus, car cieux trop se mesprent Qui empesque et enquiert de l'autrui l'esrement, Quant a lui riens ne toucque' (Jourd. Blaye alex. M., a.1455, 165)

Emploi absolu. Se donner du mal, travailler.

Partons nous sans dilacion ! Il n'est pas saison de preschier ; Bien arons a nous empeschier Avant que tout soit labouré. (Gréban, Pass. J., c.1450, 112)

2.Estre empesché. Être occupé, retenu par qqc..

Mais tant l'attendy qu'i lui sambloit qu'elle demouroit trop, si s'en esmerveilla forment, combien que esperance le conforta, car il cuida que aucunement fust empeschie pour garder son honneur. (Percef. IV, R., c.1450 [c.1340], 355)

Tandis qu'elles estoient ainsy empeschies et ne pensoient que d'accomplir leur entention, je me departi en muchettes et sans congié me retrahy, car grant sommeil avoie. (Ev. Quen. I, c.1466-1474, 105)

LE JUIF. Le cas a quoy vous pretendez Et qui vous meut venir vers moy Declairez tost. LE CRESTIEN. Sire, en ma foy, Vous le diray tout a cest heure. LE JUIF. Sans plus faire longue demeure ; Je suis empesché autre part Et aussi y vient sus le tard. Despeschés vous. (Mir. st Nic. juif, c.1480-1500, 87)

Icy parle des practicques que le roy menoit contre le duc de Bourgongne et de la guerre qu'il luy feït en Picardie, pendant que ledict duc estoit empesché au siège de Nuz. (Comm., II, 1489-1491, 15)

...et esperoient secours au Dauphin, qui, d'autre part, sur la riviere de Saine, contre autres Anglois estoit empesché et ne lui estoit possible les secourir. (Simon De Phares, Astrol., c.1494-1498, f° 153 r°)

Estre empesché de qqc. Être occupé par qqc..

...tout a cest coup que vous avez hurté, monseigneur, j'estoye bien empeschée d'un songe qui est de vous. (C.n.n., c.1456-1467, 112)

...les pouvres aveuglez cuidoient bien seulz estre empeschez de leur besoigne, et ne se doubtoient gueres qu'on en tenist conseil ailleurs (C.n.n., c.1456-1467, 164)

(Estre) empesché à + inf. (Être) occupé à.

Mais non obstant ce qu'il fu bien empeschié a saouller et emplir son ventre comme il avoit a coustume, toutesvoies en son lourdois il luy souvenoit assez de la belle et bonne dame quy pour le retraire pluiseurs signes d'amour luy avoit fait (Jehan d'Avennes F., c.1465-1468, 20)

Nous trouvasmes nos archiers empeschéz à defendre l'huys et les fenestres contre les Liégeois, et y avoit ung merveilleux cry en la rue. (Comm., I, 1489-1491, 156)

Au plustost que ladicte duchesse se trouva à Rouvre, comme j'ay dit, accompaignée de toutes ses femmes et largement serviteurs, et qu'elle veït ledit duc bien empesché à rassembler gens, et que ceulx qui la gardoyent n'avoyent pas la craincte de leur maistre, qu'ilz avoient acoustumé d'avoir, elle se delibera de envoyer devers le roy son frère pour traicter appoinctement et pour supplier qu'il la retirast. (Comm., II, 1489-1491, 124)

Nous avons peü veoir en poy parolles les douleurs que ont receüz ces deux grands et puissans royaulmes en trois moys d'espace, qui poy paravant estoient si enflamméz l'ung contre l'autre et tant empeschéz à se tormenter et à penser à se accroistre et n'estoient en riens saoulz de ce qu'ilz avoient. (Comm., III, 1495-1498, 300)

Estre empesché de + inf. Être préoccupé de.

Si dist ung jour a monseigneur qu'il avoit si tresbelle et bonne dame espousée, car a ceste cause il ne sera plus empesché de faire queste ça et la pour luy, comme il avoit de coustume. [Un serviteur refuse de continuer à procurer des maîtresses à son seigneur] (C.n.n., c.1456-1467, 80)

...il n'avoit garde de dormir, tant estoient ses yeulx empeschez de veoir son contraire. [Un homme découvre un spectacle qui le contrarie fort] (C.n.n., c.1456-1467, 253)

...y avoit grosse assemblée de gens du païs ; et estoit madame l'abbesse fort empeschée de festoyer les gens de bien qui estoient venuz a la feste (C.n.n., c.1456-1467, 306)

LE PREMIER ESCHEVIN. Chascun de nous est empesché De savoir comme il en yra. LE CLERC. Je croy que l'on vous en dira De tresgracieuses nouvelles. (La Vigne, S.M., 1496, 398)