INCITER

verbe

[T-L : enciter ; GDC : inciter ; DEAF, I 166) : inciter ; AND : enciter ; FEW (IV, 626a) : incitare ; TLF (X, 15a) : inciter]

A. -Inciter qqn (à / de / pour). Induire, pousser qqn (à).

Car le juge fait tele injustice de son auctorité et de sa posté et est principal acteur, comment que il soit incité par la partie. (Oresme, E.A.C., c.1370, 314)

...le dyacre par maniere de exhortacion incite le pueple a humiliacion (Jean Golein, Rational B.D., c.1370-1372, 335)

...attisié et incité de l'Ennemy d'enfer (Wauquelin, Belle Hélène Const. C., c.1448-1452, 24)

Inciter qqn (à / de / pour) + inf.

Les seigneurs sont gouvernez par le clergié, ne ilz ne saroient vivre et seroient si comme bestes se le clergié n'estoit, et le clergié conseille et incite les seigneurs à faire ce qu'ilz font. (Froiss., Chron. M., XII, c.1375-1400, 227)

Les gens du roy de l'autre part Si incitoint par soutiffart Les Bretons de soy rebeller Contre leur duc. (Saint-andré, Livre Jean de Bret. C., c.1400, 488)

En m'aprochant plus pres j'ouy tantost Dame Nature qui les autres excite à faire dueil, et lamenter incite, Disant : Helas ! (Robertet, Oeuvres Z., c.1450-1500, 168)

...chacun de ceulx estans en la dicte compaignie dirent que bien avoit dit ledit marchant, et inciterent lesdictz Jehan et Thomas de faire ladicte soubzmission [Un marchand accepte de régler un litige entre deux amis, à condition qu'ils se plient à sa décision] (C.n.n., c.1456-1467, 393)

Et ainssy est que, a la postulacion et requeste du devant dit venerable homme, messire Henry Bollomier, chanoisne de Lausane, ay esté incité de luy translater et reduyre en prose françoise la matiere devant desduicte. (Bagnyon, Hist. Charlem. K., c.1465-1470, 220)

...pour occasion de certains procès qu'il a en son privé nom contre les diz supplians, leur a suscité certaine nouvelleté, et incité noz autres officiers à mettre et donner ausdiz supplians aucuns troubles et empeschemens en leurs immunités, franchises et droictures, à tort (Lettres Louis XI, V., t.9, 1481-1482, 272)

...pourquoy dès lors laissa les ydolles et esmeut et incita le peuple à recongnoistre ung vray Dieu qui avoit fait ciel et terre et fut appellé par trois noms, comme dit saint Augustin. (Simon De Phares, Astrol., c.1494-1498, f° 18 v°)

Nabusgodonozor fut en ce temps appellé Main forte, pour ce qu'il fut incité de Dieu pour abaisser l'orgueil des Juifz en Babillonie, dont il tenoit le resne. (Simon De Phares, Astrol., c.1494-1498, f° 44 r°)

Cestui incita moult à fonder l'abbaye de Clervaux et de Pontigny et de Premoustier, toutes en ung temps. (Simon De Phares, Astrol., c.1494-1498, f° 116 r°)

Inciter à qqn

...mais Lyon lui incita tant qu'ilz firent le commandement de l'escuier (Wauquelin, Belle Hélène Const. C., c.1448-1452, 190)

[D'une chose]

Et sont .VII. causes qui incitent icheulx a recepvoir discipline volentiers, c'est asscavoir la bonté de la voulenté divine, pité paternelle, le bien de pacience, l'exemple de Jhesu Christ et des sains, le prouffit de icelle discipline, et le briefté d'icelle, et la leesse qui d'icelle ensieut (Daudin, De la erudition H., c.1360-1380, 195)

Puis que mon cueur en est tenté, Se je luy ay mon fait compté, Je presume de sa bonté Qu'il ne m'en prisera ja mains, Car amours m'y ont incité Et contraint par necessité. (Narcissus, p.1426, 288)

...telz benefices quy enclinent et incitent a recepvoir ce sacrement sont meilleurs et valent mieulz que les causes quy en seulent retraire, comme cremeur de conscience, indignité de vie, ignorance du bon plaisir de Dieu, pusillanimité et aultres teles causes. (Traité S. Sacr. B., c.1450-1500, 166)

B. -Exciter.

1.[D'une chose]

Congnoistre Dieu art et incite En nous de charité l'ardour (Desch., M.M., c.1385-1403, 206)

...car ire et courroux pour la grande chaleur du ceur fait grant dommaige a toutes les operations de l'ame raisonnable. Et est a noter que ilz sont aucunes gens qui sont frois naturellement, ou par accident d'aucun malefice et poyson auquel est utile et profitable pour la santé corporelle de estre marris et courroussés a ce que par ce moyen la chaleur naturelle en eulx soit incitee, acquise, et conservee. (Rég. santé corps C., 1480, 2)

2.Inciter qqn contre. Exciter qqn contre.

Cestuy Ptholomee Lacyros rengna avec sa mere ; mais elle fust tost ennuyé de celuy. Dont en rengnant elle incita tant le poeuple contre luy qu'il s'enfouy en Chippre en essil. (La Sale, Sale D., 1451, 109)