ORDONNER

verbe

[T-L : ordener ; GD : ordoner ; GDC : ordonner ; FEW (VII, 395a) : ordinare ; TLF (XII, 592b) : ordonner]

I. -[Idée d'ordonnance, de mise en ordre] Ordonner qqc.

A. -[L'obj. préexiste à l'action d'ordonner]

1.Ordonner qqc.

a)Mettre qqc. en ordre, en état, aménager, disposer qqc..

Et que Nature y fust aussi, Ce puis je prouver sans nul si, Car Nature avoit ordené Le lieu et trés bien aourné De mainte diverse couleur, Et toutes coulours de valeur, De ce que puet faire Nature, Dont la champaigne estoit verdure, Et les couleurs abelissans Contre le vert resplendissans. (Mach., D. Aler., a.1349, 386)

Bien savoit la cause des choses Qui sont ou firmament encloses, Pourquoy li solaus en ardure Se tient, et la lune en froidure, Des estoiles et des planettes Et des douze signes les mettes, Pourquoy Dieus par nature assamble Humeur, sec, froit et chaut ensamble, Et pourquoy li quatre element Furent ordené tellement Qu'adès se tient en bas la terre, Et l'iaue près de li se serre, Li feus se trait haut a toute heure, Et li airs en moien demeure. (Mach., J. R. Nav., 1349, 180)

Qui lors veïst gens esveillier, Troter, courir et abillier Coques, nés, avirons et voiles, Et requeudre les tros des toiles, Cordes renouer et trecier, Et les grans maz ès nés drecier. Et qui veïst les amiraus Ordener armes et chevaus, C'estoit belle chose à veoir, D'à si grant fait bien pourveoir. Briefment si furent mis à point, Que de deffaute n'i ot point, Eins pooient au point dou jour Partir sans plus faire sejour. (Mach., P. Alex., p.1369, 60)

Ce jour ala li roys jouer Pour veoir et pour ordener La maison de la Marguerite [château construit par Pierre Ier près de Nicosie] Qu'au deviser moult se delite. (Mach., P. Alex., p.1369, 265)

Politique, qui est une espece de prudence, ordene toutes les choses de la communité et commande sus toutes sciences et methaphisique et artz, et sus toutes commande lesquelles doivent estre receües en la cité et lesquelles non (Oresme, E.A.C., c.1370, 355)

Une [maniere] est que un monde soit apres un autre par succession de temps, si comme aucuns anciens cuiderent que ce monde eust commencement parce que tout estoit devant en une masse confuse sanz ordre, sanz forme et sanz figure. Et apres ce, par amour ou par concorde, ceste masse fu desmelee et formee et ordenee, et ainsi fu fait ce monde. (Oresme, C.M., c.1377, 166)

Celle [Rhétorique] nous enseigne ordener Noz parolles et raisonner Par mesure et par ordre attraict (Chr. Piz., M.F., II, 1400-1403, 131)

Dont soient les ungs devant les aultres, endementiers que les consulles ordonnoient leurs esquieres, Hasdrubal avec aucuns de ses gens vint pour les veoir (La Sale, Salade, c.1442-1444, 44)

...quand vint au soir, le lit a l'espousée fut paré et ordonné (C.n.n., c.1456-1467, 334)

...[elle] monta en sa chambre, et illec prepara et ordonna les bagues et joyaulx qu'elle avoit attains et mis dehors pour festoier et recevoir son amoureux. (C.n.n., c.1456-1467, 572)

En particulier.

DRAPERIE Ordonner les draps. Apprêter les draps en les étirant sur les lices.

...prisonnier oudit Chastellet, pour souspeçon d'avoir mal prins et emblé environ quatre aulnes et demie de drap vert escru et tout mouillié, et ouquel apparoit assez, comme freschement et nagueires, pour le estendre et parer, il avoit esté mis ès lices acoustumées à mettre pour les ordonner (Reg. crim. Chât., II, 1389-1392, 111)

...la riviere (...) joignant des lices où l'en estant les draps de ladite ville pour les ordonner (Reg. crim. Chât., II, 1389-1392, 114)

[Dans le domaine médical] Remettre en état normal.

Il fault que vostre bon oeil soit couvert et caché tellement qu'il n'ayt point de lumiere une heure ou environ après que je aray assis l'emplastre et ordonné l'autre ; car en verité il l'empesche a garir sans doubte. (C.n.n., c.1456-1467, 504)

Participe passé en emploi adjectival. Disposé, aménagé, agencé.

...sa chambre, assise en ladite Truanderie, bien et competenment ordonnée et amesnagée de biens meubles, utenciles d'ostel, armeures et autres biens (Reg. crim. Chât., II, 1389-1392, 260)

...messire J. de Montagu, chevalier et grant maistre d'ostel du Roy nostre sire (...) avoit aussi en moins de IJ ans edifié et fondé un couvent de Celestins près dudit chastel, si bien ordonné en toutes manieres que c'estoit merveille, comme l'en disoit, et avoient cousté lesdiz chastel et couvent plus de IJc mil frans (Baye, I, 1400-1410, 292)

Bien ordené. Bien agencé ; d'où approprié.

Mais je qui sui leur droite mere [des amants] Leur doing une clarté si clere, Si a point, si bien ordenée, Que la racine qui entée Est dedens leur cuer d'amours germe Fleur, fueille, fruit et nouviau germe, Et les fais plus cointes vint tans Que la terre n'est au printemps. (Mach., R. Fort., c.1341, 81)

Après ces paroles moustrées, Bien dites et bien ordenées, Eus tantost le cuer esjoy, Car tant escoutay que j'oy Chevaus venir et gens debatre ; Dont en l'eure se vint embatre Devers nous cils bons rois de pris Que nous aviens a juge pris. (Mach., J. R. Nav., 1349, 186)

Que vous yroie je contant ? Il y avoit de biauté tant Qu'onques mais en jour de ma vie Ne vi haie mieus assevie En tous endrois, ne mieus ouvrée, Plus cointe, ne mieus ordenée ; Tant estoit bele a grant devis, Si qu'on ne puet, ce m'est avis, Nulle chose mieus ordener. (Mach., D. Aler., a.1349, 392)

Mal ordené. Mal agencé, mauvais.

Et sa gracieuse parole, Qui n'estoit diverse ne fole, Estrange ne mal ordenée, Hauteinne, mais bien affrenée, Cueillie a point et de saison, Fondée seur toute raison, Tant plaisant et douce a oïr, Que chascun faisoit resjoïr, Me metoit un frein en la bouche Pour moy taire de ce qui touche A tout ce qu'on claimme mesdire. (Mach., R. Fort., c.1341, 9)

Conforme à un certain ordre.

Se les temps se portent temporelment, les maladies sont ordenees et de bonne terminacion ; maiz quant ilz sont desatrempez, les estas et les terminacions des maladies sont desordonnez et perilleuz. (Saint-gille, A.Y., 1362-1365, 66)

[D'un lieu] Approprié, convenable.

LE PAPE. (...) Je leur vueil un sermon donner. Faites moy un lieu ordener Ou le feray. LE CARDINAL. (...) Vezla un lieu, ce m'est avis, Tout ordené et bien faitiz Pour preeschier. LE CHAPPELLAIN. Il dit verité, pére chier. Il est tout propre a sermon faire (Mir. prev., 1352, 229)

[D'une cérémonie] Conforme au cérémonial, solennel.

La requerrez que sanz detry Soit pour mon seigneur celebrée Une haulte messe ordenée (Mir. fille roy Hongrie, c.1371, 36)

Sy entra ainsi cestui évesque et passa parmy ceste vile, là où tout le monde s'estoit mis aux fenestres et sur les rues pour le voir passer, et estoit armé tout au blanc comme seroit un conquéreur de païs, prince séculier, là où il avoit des cérémonies pluseurs à l'entrée de la porte et ailleurs en la réception selon la mode ancienne ordonnée (Chastell., Chron. K., t.3, c.1456-1471, 155)

b)Ranger qqc..

Et en teles manieres d'amistiés pourroit aucun ordener et mectre amistié de pelerins. (Oresme, E.A., c.1370, 440)

...quant elle penseroit qu'il feust levez, que elle alast le deffermer la chambre et le mettre hors, et feist son lit et ordonnast sa chambre ainsi comme elle savoit qu'il le convenoit faire, et aussi que elle avoit acoustumé de faire. (Reg. crim. Chât., I, 1389-1392, 175)

...et il qui parle demoura avec ladite Margot et avec sadite fille en ladite chambre, et leur aida à ordonner lesdiz biens jusques environ IIJ heures après misdi (Reg. crim. Chât., I, 1389-1392, 348)

...lequel [huissier] avoit et a la commission de ordonner et nestoier la chambre de ceans et les sieges (Baye, I, 1400-1410, 39)

...ladicte Court a ordonné que ledit Raoul Le Noir ira par delà à Troyes et appellera au roole et ordonnera les sieges (Baye, I, 1400-1410, 40)

c)Préparer qqc..

LE ROY. Alez, je feray ordener Mes chambres a mes chamberlens (Mir. femme roy Port., c.1342, 172)

Deux jours demoura sus le port En tel peinne et en tel descort, Tant que yaue douce fu faillie. Lors fist ordonner sa navie, Et vers Chypre adressa sa voie. Or prions Dieu qu'il le convoie, Car fortune li est contraire, Qui li a esté debonnaire. (Mach., P. Alex., p.1369, 109)

Ordené lui ont bonne nef, Bien garnie et bien ordenee. (Chr. Piz., M.F., III, 1400-1403, 64)

Beaux oncles, vous m'avez fait ordonner et mettre à point vostre chambre et vostre logis que vous avez fait faire tout propre à vous. (Chastell., Chron. K., t.3, c.1456-1471, 210)

L'OSTE. Il sont ja six heures sonnees. Pour vostre appetit actraper, Les vïandes sont ordonnees Bien cuyctes, bien assaisonnees ; Quant vous plaira, vous vous serrez. (La Vigne, S.M., 1496, 202)

[Avec valeur factitive] Faire préparer.

Avoit ordonné les logis de son chambrelan et des autres trèstous ses prochains au propre chastel de Hesdin, pour estre près de luy (Chastell., Chron. K., t.4, c.1456-1471, 359)

Participe passé en emploi adjectival. Prêt.

TROISIESME CHEVALIER. (...) Alons monter, sanz plus parler, Nostre espousée. AURELIAN. Vostre monture est ordenée, Dame (Mir. Clov., c.1381, 222)

d)Régler, organiser qqc..

... [Ma dame] Ne congnoissoit fole largesse, Ne d'escharseté la simplesse, Ne la destresse d'avarice, Qui est en cuer humain grant vice. Mais toudis, quant elle donnoit, Ses dons sagement ordonnoit Et savoit certeinnement quoy, Quant, comment, a qui et pour quoy. Tost le faisoit, et volentiers, S'en estoit ses dons plus entiers ; Car qui tost donne, deus fois donne. (Mach., R. Fort., c.1341, 10)

Et quant je me senti à ce mené [à vous aimer] , Par le pooir d'Amours qui tous cuers vaint, Que mi penser furent tout ordené En vous, ma dame, en qui tous mes corps maint, Je, confians de vostre humilité, D'ardant desir fort espris et contraint, À vous servir de bonne volenté M'offri, dame, moult de paour attaint. (Mach., Lays, 1377, 468)

...de prinsault ceste vaillant femme fut esbahie et soupprinse ; mais le loysir qu'elle eut de respondre si tresbien l'asseura et sa contenance de maniere si bien ordonna, que, a l'oyr, sa response estoit plus asseurée que la plus juste de ce monde faisant a Dieu son oroison. (C.n.n., c.1456-1467, 465)

Cestui fonda une cité nomée Aclydem, assize au pié du mont Olympus, jouxte Macedone, et y ordonna les jeux que ce faisoit de V ans en V ans que l'on appella Olympiades, et fut le premier date des Grecs annuel. (Simon De Phares, Astrol., c.1494-1498, f° 26 v°)

Ordonner un pays. Gouverner.

Aprés l'en doit penser, querir et trouver les moiens prouchains de venir a telle fin, comme seroit ou traictier as ennemis ou les combatre ou ordener son paÿs et gouverner, si que il n'y puissent mal faire. (Oresme, E.A.C., c.1370, 191)

Ordonner un mécanisme d'horlogerie. Régler.

Et pour ce que li orloges ne poet Aler de soi, ne noient ne se moet, Se il n'a qui le garde et qui en songne, Pour ce li fault a sa propre besongne Un orlogier avoir, qui tart et tempre Diligamment l'aministre et attempre, Les plons relieve et met a leur devoir, Et si les fait rieuleement mouvoir, Et les roes amodere et ordonne, Et de sonner l'ordenance lor donne (Froiss., Orl., 1368, 105)

[Du mécanisme d'horlogerie lui-même] Régler, déclencher.

C'est le darrain mouvement qui ordonne La sonnerie, ensi qu'elle se sonne. (Froiss., Orl., 1368, 97)

S'ordonner. Se régler.

Et por ce que ceste roe premiere A de mouvoir ordenance et maniere, Par la vertu dou pois que le plonc donne, Dont, selonc ce, elle dou tout s'ordonne. (Froiss., Orl., 1368, 87)

Participe passé en emploi adjectival. Réglé, organisé d'une façon conforme à ce qu'on peut attendre.

Et quant elle m'ot escondit, Assez m'acorday a son dit ; Car bien la response ordenée Estoit, et seur raison fondée. Si la merciay humblement, Et le chevalier ensement, De ce que par eaus deus savoie Ce que demandé leur avoie. (Mach., D. Lyon, 1342, 232)

Il est tel fois que il demande A ceuls qui sont soubs sa commande En signe d'amour enterine : 'Ou est ma dame la royne ?' Einsi est dou roy honnourée. Et elle, par voie ordenée, Selon droit et sans nuls desrois, Doit dire : 'Mes sires li rois.' Cil dui point de leur droit conferment Vray amité, et se defferment Les dis, les signes et les fais, Par amours dis, monstrez et fais. (Mach., D. Aler., a.1349, 349)

Au departir dou bel esté Qui a gais et jolis esté, De fleurs, de fueilles faillolez, Et d'arbrissiaus emmaillolez, Arrousez de douce rousée, Sechiez par chaleur ordenée Que le soleil li amenistre, Et qu'oisillons ont leur chapitre Tenu de sons et de hoquès, Par plains, par aunois, par bosquès, Pour li servir et honnourer, (...) Le novisme jour de novembre, M'en aloie par mi ma chambre. (Mach., J. R. Nav., 1349, 137)

Ce n'estoit pas chose ordenee Que en riens deusse amander Des biens mon pere (Chr. Piz., M.F., I, 1400-1403, 21)

Être déterminé par qqc..

Mais la qualité et la quantité de la pugnicion est taxee, establie et ordenee par droit humain, legal et positif. (Oresme, E.A.C., c.1370, 305)

e)Ordonner qqn / qqc. qq. part. Placer qqn ou qqc. qq. part (où il faut).

...[ils] disposerent de leur fait comme de guerre et ordonnerent une gaitte sur ung arbre (C.n.n., c.1456-1467, 451)

On second ventricule est ordonnee la cogitation et ou milieu de ce second ventre est ordonnee l'extimation (Prevost, Cir. Guill. Salicet, 1492, IV, 1)

...ou dernier ventricule du cerveau est ordonnee la memoyre (Prevost, Cir. Guill. Salicet, 1492, IV, 1)

Participe passé en emploi adjectival. Destiné à être mis qq. part.

...[l'official enjoignit] a la mariée qu'elle empoignast baudement le bourdon joustouer et le mist ou lieu ou il estoit ordonné. (C.n.n., c.1456-1467, 501)

f)Ordonner qqc. de qqc. Mettre qqc. en état en le munissant de qqc..

...le pally (...) qui estoit cheus et fondus, relever (...) et en iceluy faire une huisserie à deux ventaux toute nuefve, ordonner le suel de lit de posteaux et de moyen (Trés. Reth. S.L., t.2, 1409-1410, 634)

Ordonner un lieu de gens. Pourvoir un lieu des gens nécessaires à sa défense.

Alons garnir et ordener Noz villes et chastiaux de gent. (Mir. ste Bauth., c.1376, 126)

2.Ordonner un groupe. Mettre en bon ordre.

...dame, tu es espoventable come un ost bien ordené. (Mir. ev. N.D., c.1348, 60)

L'armée est au port demourée, Toute preste et toute ordenée, Pour partir quant li roys vorra, Et quant son milleur point verra. (Mach., P. Alex., p.1369, 122)

Et quant elle [la ville] fu bien pillie, Bien destruite et bien essillie, Li roys le feu dedens bouta, Car bien vit, et pas ne doubta, Qu'il ne la peüssent tenir, Et veoit le vespre venir. Si fist la trompette sonner Pour mettre à point et ordener Sa gent qui estoient espars, Par la ville de toutes pars. Quant il furent tuit assamblé, Tant ont pillé, tant ont emblé, Qu'il n'i avoit garson ne page Qui ne fust chergiez de pillage, Et qui n'eüst très grant richesse. (Mach., P. Alex., p.1369, 209)

Et, quant vint a la matinee, Les Juïfs leur ost ordenee Ont (Chr. Piz., M.F., II, 1400-1403, 227)

...le duc de Bourgoigne estoit à grant effort de gens d'armes ordonnez comme en bataille entre la porte Saint Honoré et la porte Saint Deniz (Baye, II, 1411-1417, 167)

Ordonner ses batailles. Disposer ses troupes, les mettre en bon ordre.

Lors se leva le cry fortement Et comencent a ordeigner Lour batailles et deviser. (Héraut Chandos, Vie Prince Noir T., c.1385, 57)

Bataille ordonnée. Bataille rangée.

Vezci venir paiens, sanz faille, Qui vous pensent donner bataille Toute ordenée. (Mir. Rob. Dyable, c.1375, 61)

[D'un groupe] S'ordonner. Se ranger en bon ordre.

Quant il furent tuit descendu, Longuement n'ont pas atendu ; Einsois issirent tuit à plain Par la porte devers le plain. Le prince et sa gent s'arresterent, Pres dou chastel, et s'ordonnerent Bien et bel et par grant avis, Car il veïrent vis à vis Les annemis Dieu qui traioient De toutes pars, quanqu'il pooient. (Mach., P. Alex., p.1369, 146)

Messire Philippes d'Omont Respondi : 'Que vaus cils sermons ? Partons nous et si nous armons.' Si que tuit en l'eure s'armerent Et sus la place s'en alerent. Et vraiement il s'ordenoient Com gens qui leurs annemis voient. (Mach., P. Alex., p.1369, 151)

Le prince et sa gent s'ordenerent Et tuit li Crestien s'armerent. Et quant il furent bien armé, Bien abillié, bien acesmé, Et euls et toutes leurs maisnies S'ordenerent en trois parties, Et en feïrent trois batailles, Qui n'estient mie de merdailles, Eins estoient, je le say bien, Toutes gens d'onneur et de bien. (Mach., P. Alex., p.1369, 162)

Ordonner deux personnes par mariage. Assembler, unir par le mariage.

LE PAPE. (...) En mon palais nous en irons : La seront joins et ordenez Par mariage (Mir. Rob. Dyable, c.1375, 77)

3.Ordonner qqn.

a)Mettre qqn dans tel ou tel état (convenable, approprié).

Li amiral ont pris congié, Qui n'ont pas dormi ne songié, Einsois faut que chascuns entende Ad ce que leurs sires commande. Quarante Sarrasins ont pris, Honnourables et bien apris, Si qu'avec eaus les ont mené. Quant il furent bien ordené, Le landemain se departirent, Si tost comme le jour veïrent. (Mach., P. Alex., p.1369, 133)

Doulz Sires, ne me vueilles lessier a ma humainne ignorance ou enfermeté (...), mes toy meïsmes ordenne moy piteusement et touz mes consiriers et euvres et paroles en ton playsir (Gast. Phébus, Livre oraisons T., c.1380-1383, 45)

Ordenez moy a complir la voulenté de Dieu en bonnes euvres (Gast. Phébus, Livre oraisons T., c.1380-1383, 50)

Faites qu'en sa chambre menée Soit la derriére et ordenée Conme une espousée doit estre, Car de l'espouser entremettre Me vueil en l'eure. (Mir. Clov., c.1381, 227)

...elle enfanta une fille, environ l'eure de deux à trois heures après my jour en la presence d'une femme nommée la Bolande et d'une autre femme nommée Loyse Perrote, ses voisines et commères, lesquelles receurent ladicte fille et la baptisèrent en la paisle et l'ordonnèrent comme il appartient, et la misdrent au près de ladicte Jehanne, sa mère (Doc. Poitou G., t.10, 1458, 86)

Ordonner son coeur, son ame

Tout aussi qui vuet recevoir Le saint sacrement et avoir, Lui et son cuer doit ordonner, Et sa maniere, à pardonner Toutes rancunes, tous meffais, Qu'on li a pourchacié et fais. Li saint le faisoient jadis, Pour ce ont il gloire en paradis. (Mach., P. Alex., p.1369, 241)

Par extension. Traiter.

Aristonicus enmenerent A Romme, ou moult mal l'ordenerent. (Chr. Piz., M.F., III, 1400-1403, 261)

Et les flatteurs m'ont ainsi ordonné Que vous voyés, sans cause et sans raison. (Pouvre peuple H., c.1450-1492, 195)

RELIGION Administrer à (un mourant) les derniers sacrements, le communier.

...après soupper, moy alant en nostre hostel, fu navré d'aguet fait apensé, ou ventre, par Perrin Pontigniau, pour laquelle navreure je fu cy hyer apporté ; et aujourd'uy ay esté confessé et ordonné par messire Guy Briere, chappelain de ceans. (Reg. crim. Chât., I, 1389-1392, 272)

b)S'ordonner

S'installer, s'organiser.

...du residu d'icelle somme s'est amesnagié, vestu et ordené, lui et sa femme, et gouverné son mesnage (Reg. crim. Chât., II, 1389-1392, 495)

Au figuré.

Mais si mes cuers en ce penser s'ordonne Qu'il ne vit pas femenine personne... (Mach., F. am., c.1361, 178)

Se préparer.

Comment le roy s'ordonna pour faire son entrée à Paris. (Chastell., Chron. K., t.4, c.1456-1471, 75)

Passevent, or vous ordonnez : Je vueil que sans dilation Allez faire summation Au roy de Gaule incontinent, Et luy dictes que promptement Nous viengne son hommaige faire (Myst. st Laur. S.W., 1499, 126)

Se ranger, adopter une attitude raisonnable.

...(et) le prodig[u]e, par une grant povreté, se poeult par necessité chastier et soy ordonner. (La Sale, Sale D., 1451, 93)

S'ordonner à qqc. Se régler, régler sa conduite sur qqc..

Mais qui bien est moriginez Et en vertus enracinez, Fortune n'a nulle puissance De lui faire anui ne grevance Quant aus meurs ; car s'elle a l'avoir, Les vertus ne puet elle avoir, Car vertus sont dons que Dieus donne A homme qui a bien s'ordonne, Et viennent d'acquisition Faite en bonne condition Par armes ou par grant estude Ou par avoir grant multitude De meschiés, de labour, de peinne. (Mach., C. ami, 1357, 69)

Mettre son âme en ordre.

...elle se confessa et ordonna comme bonne chrestienne, priant mercy a tout le monde (C.n.n., c.1456-1467, 425)

c)Participe passé en emploi adjectival. [D'une pers.] Sage, prudent.

... [Escarmouche imprudente du sire de Lesparre] Et pluseur compaingnons estranges, Li aidierent tant qu'il revint ; Mais il en tua plus de XX. En leur bataille. Et eu chastel Se retreïrent bien et bel, Com gent sage et bien ordenée. Plus n'i ot fait ceste journée. (Mach., P. Alex., p.1369, 147)

Et pour ce, mon ami, le saige, vray et loial amoreux est et doit estre en tous ses faiz et ditz ordonné et mesuré. (La Sale, J.S., 1456, 33)

LA MERE. Vous n'estes pas bien ordonné, Monsieur ; las, ne le batez poinct ! (La Vigne, S.M., 1496, 293)

Sa personne est ad ce capable Tant est en vertus ordonnee, En bonne doctrine adonnee, En exemple et en euvre munde. (La Vigne, S.M., 1496, 400)

B. -[L'obj. se crée par l'action d'ordonner] Réaliser, créer, établir qqc. comme il convient, mettre qqc. en place (une chose concr. ou abstr.).

Et encor dit la debonnaire Que ce seroit trop grans pechiez, S'uns amis si bien entechiez Com cils est morroit par deffaut De la joie qui si tost faut ; Car la joie n'est ordenée Sans plus que pour estre donnée Aus amans qui de cuer entier Aimment pour leurs corps avancier ; Et s'il aimme sans decevoir, Si doit la joie recevoir. (Mach., D. verg., a.1340, 45)

Il y avoit de biauté tant Qu'onques mais en jour de ma vie Ne vi haie mieus assevie En tous endrois, ne mieus ouvrée, Plus cointe, ne mieus ordenée ; Tant estoit bele a grant devis, Si qu'on ne puet, ce m'est avis, Nulle chose mieus ordener. S'avoit au piet pour ramposner Herbes de diverses manieres, Toutes bonnes, beles et chieres, Et de gerofles, violiers, Mente, sainnemonde, frasiers (Mach., D. Aler., a.1349, 392)

Iluec ordrenent leur demoure Ou Dieu servirent chascune oure (Vie st Evroul S., c.1350, 64)

[Le roi envoie des messagers en Chypre pour faire venir la flotte] Vous irez en Chypre ; ordenez Que nous aiens planté de nez, Des milleurs et des plus seüres ; Et s'amenez des armeüres Quan que vous en porrez avoir ; Et n'espargniez pas nostre avoir. Car quant sires, qui vuet honneur Et qui het toute deshonneur, Vuet faire ordener une chose, Se son serviteur s'i oppose, Qui plaint et pleure ce qu'il donne, S'onneur esteint et abandonne, Si que ce sont larmes perdues, D'envie nées et venues. (Mach., P. Alex., p.1369, 52)

En Rodes ot un amiral Qui les freres de l'Ospital, Qui sont bon chevalier de pris, Et les gens d'armes dou pourpris Et dou païs fist mettre ensamble. Li roy leur pria, ce me samble, Que o li fussent en ceste armée, Qui estoit faite et ordenée En l'onneur de Nostre Signeur. Tantost li grant et li meneur Respondirent que il iroient Volentiers, et que prest estoient Pour aler où le roy vorra, Et que ja piet n'en demorra. (Mach., P. Alex., p.1369, 59)

Si ont tant nagié et vogué, Parmi la mer, qui a po gué, Qu'au viez port, devant Alixandre, Vint li bons roys sans plus atendre, En un juedi, ce m'est avis, Jour de la feste St. Denis ; Et y vint à l'eure de nonne. Li roy ses besongnes ordonne, En atendant sa compaignie, Dont il vint la plus grant partie Einsois que la nuit fust venue. (Mach., P. Alex., p.1369, 67)

Irbouga, dont je vous devise, Avoit ordené la devise De ceste tres grant fausseté. (Mach., P. Alex., p.1369, 186)

Donques, par plus forte raison Dieu et nature, qui ne font rien pour neent, ont ordené homme selon ce que il est homme a aucune operacion. (Oresme, E.A.C., c.1370, 120)

LA BEGUINE. (...) Je vous vois ordener tandis Un colis de quoy humerez Quant hors de vostre accès serez. (Mir. Pierre Changeur, c.1378, 241)

...contre le quel pechié est ordonné baptesme (Gers., Ms Paris, 1405, B.N., fr. 13258, f° 37 v°. In : G. Ouy, Le M. fr. (5e Colloque, Milan), t.2, 1986, 63)

...et furent lesdictes processions ordonnées et faictes pour prier Dieu pour le bon estat du Roy et de ce royaume et pour leur salut et prosperité. (Fauq., I, 1417-1420, 381)

... [le concile général] est et sera au plaisir de Dieu moult utile, necessere et moult fructueux, et est principalment institué, establi et ordené pour extirper les heresies qui pullulent en pluiseurs parties de la crestienté (Fauq., III, 1431-1435, 34)

...il ordonna son partement et print congé de sa dame. (C.n.n., c.1456-1467, 145)

LE MESSAGIER. Pour mieulx nostre emprise ordonner Et faire nostre cas a poinct, Messieurs, allez vous tous disner, Car pause faisons sur ce poinct (La Vigne, S.M., 1496, 513)

[Avec un attribut de l'obj.]

...Si que j'en doy et vueil Amour loer, Qui l'ordena si digne et vertueuse Que concevoir (...) Pot no sauveur sanz euvre vicieuse (Mir. Berthe, c.1373, 255)

Réaliser qqc. selon un projet élaboré.

Et sachiez aussi que celi Qui la nacelle et la riviere Fist ordener en tel maniere, Largement de son or donna A celui qui les ordonna, Par quoy la nacelle fust faite Si que jamais ne fust deffaite, Ne qu'elle ne peüst perir, N'empirer, ne l'iaue tarir, Mais toudis fust et large et roide (Mach., D. Lyon, 1342, 190)

...Amis, se saiens faisoie Closture de pierre ou de croie, De mur, de haie ou de palis, Li scens me seroit trop faillis ; Car li vaillans homs qui fist faire L'ordenance de ce repaire Et de l'iaue qui va entour L'ordena sans mur et sans tour, Et s'est la closture moult forte, Comment qu'il n'i ait mur ne porte, Barbacane, tour, clef ne serre (Mach., D. Lyon, 1342, 231)

Ordonner (un calendrier). Établir (un calendrier).

...il fist condescendre les Egipciens à son oppinion touchant la quantité des jours de l'an, lesquieulx il reduisit à trois cens soixante cinq jours et VI heures ou environ, desquieux il composa les bixes, et de ce ordonna XII moys, desquelz, en perpetuelle memoire de son nom, il nomma l'un et le plus cler jullet (Simon De Phares, Astrol., c.1494-1498, f° 3 v°)

...et, selon ce, il ordonna et divisa l'an en trois cens soixante cinq jours et VI heures ou environ (Simon De Phares, Astrol., c.1494-1498, f° 69 v°)

...mandé par le pappe Hillaire pour amender le Paschal de l'abbé Denis, qui moult est neccesaire à l'Eglise, qui jà avoit beaucop couru, lequel Victorien l'amenda et ordonna pour cent ans ensuivans très precizement. (Simon De Phares, Astrol., c.1494-1498, f° 92 r°)

Ordonner des lois. Promulguer des lois.

Et de habit qui est vers le gouvernement de la cité, une partie est aussi comme prudence architectonique, laquelle met et establist ou ordene les loys. (Oresme, E.A., c.1370, 345)

Langage bien ordonné. Langage bien construit.

Premierement eloquence es langues, car ilz avoient ung langaige bien ordonné et attempré et de beau parler aorné. (Somme abr., c.1477-1481, 120)

Rédiger, composer (ou faire rédiger).

Et ja soit che que es livres ordonnés par cheulx qui sont venus aprés les apostres soit trouvee verité, toutefois n'est elle pas de si grant auctorité (Daudin, De la erudition H., c.1360-1380, 111)

Si me fi tant en leur bonté Et en leur debonnaireté Que, s'en mon lay qu'ay ordené Riens mesavient, De ligier sera pardonné ; Et se croy qu'il prenront en gré De moy la bonne volenté : Bien le convient. (Mach., Lays, 1377, 391)

Comment Guillaume de Machaut respont a Amours : Graces ne say, loange ne merci N'autre chose qu'on sceüst proposer Dont vous, Amours, assez gracier ci Vous peüsse, n'a mon voloir loer, Car vos trois enfans vis a vis Ci m'amenez pour moy donner avis Et matere dont ç'ordener porray Dont Nature de vous m'a fait devis, Et par son gré je m'y emploieray A mon pooir, tant comme je vivray. Et nientmeins humblement vous merci Par plus de fois qu'on ne porroit nombrer, Car vous et vos enfans moult esclarci M'avez ces fais que j'ay a ordener, Pour lesquels arriere tous mis Seront autres, puis qu'a ce sui commis, N'a autres fais jamais jour n'entendray, N'onques amans, tant fust bien vos amis, Ne vous servi mieus que vous serviray A mon pooir, tant comme je vivray. (Mach., Prol., c.1377, 5)

...pour le salut des ames (...) est ordenee ceste brieve escripture (Gers., Ms Paris, 1405, B.N., fr. 13258, f° 4 v°. In : G. Ouy, Le M. fr. (5e Colloque, Milan), t.2, 1986, 63)

Et endementiers que ilz s'abilloient, Saintré et ses compaignons ordonnerent une tres belle lectre d'armes, adreçans a la court de l'empereur, comme la principale des autres, que incontinant par le duc d'armes de Normandie y firent porter. (La Sale, J.S., 1456, 238)

Donc, pour mieux informer de la verité ledit duc, son beau-frère, fit ordonner ses lettres addressantes à luy (...). Et cestes lettres ainsi ordonnées... (Chastell., Chron. K., t.3, c.1456-1471, 200)

II. -[Idée d'ordre donné (à qqn) et, p. ext., de décision prise]

A. -Commander, enjoindre qqc., de faire, d'exécuter qqc..

1.Ordonner qqc. (à qqn)

Et qu'il batent presentement ceuls qui s'en veulent fuir, et qui ordeinent fossés ou aucuns telz empeschemenz afin que l'en ne puisse fuir. (Oresme, E.A., c.1370, 212)

...par ledit Salmon, fu requis ausdiz prestres et chappellains le saint baptesme ordonné par Nostre Seigneur Jhesu-Crixst estre fait, prins et donné à sainte eglise à toutes personnes et creatures qui le requierent (Reg. crim. Chât., II, 1389-1392, 52)

...et toutevoie le Roy avoit ordonné la guerre contre les Angloiz. (Baye, II, 1411-1417, 264)

...sur quoy ledit de Savigny veult faire ce que la Cour lui vouldra commander et ordonner (Fauq., II, 1421-1430, 3)

Adonc au plus matin qu'il fut levé et eust oÿ messe, il s'en ala a Perrin de Solle, tailleur du roy, et lui fist faire les trois robes que Madame avoit ordonné (La Sale, J.S., 1456, 61)

...et quant aux armes que me ordonnez, Dieu avant, Nostre Dame et monseigneur Saint Michiel l'ange, onques de chose, aprés vostre grace et amour, je ne fus si content (La Sale, J.S., 1456, 82)

...suis celuy a qui vous povez ordonner et commender tout ce que bon vous semble (C.n.n., c.1456-1467, 166)

...[il] fut contraint de venir demourer (...) avecques sa femme, dont il se fust bien passé si l'eglise ne l'eust ordonné. (C.n.n., c.1456-1467, 288)

Le casier (...) fut attelé au cheval, et mené par la rue, pour aller ou le bon homme l'avoit ordonné. (C.n.n., c.1456-1467, 446)

Mon pere, je te rans mercy Du grant pouvoir que m'as donné. Faire ce que m'as ordonné M'en vaiz. (Pass. Auv., 1477, 161)

Ne fault qu'i envoyer Gens seures qui le garderont ; Et les princeps les payeront Tout ce que vous ordenarés. (Pass. Auv., 1477, 272)

EMPEREUR. (...) Tenez ! Vella que je vous donne : C'est une couppe d'or bien bonne Et des escus cent et cinquante. Prenez la, puisque je l'ordonne, Car de bon cueur la vous presente. (La Vigne, S.M., 1496, 508)

En particulier. [Dans le domaine médical] Prescrire.

Et ne m'a le medicin point ordonné de regime ? dit madame. (C.n.n., c.1456-1467, 140)

2.Ordonner (à qqn) à / de + inf.

Et donques ordene elle [la prudence politique] de servir les dieux, car les gouverneurs de la policie ordenent que aucuns soient deputéz a Dieu cognoistre et servir principalment. (Oresme, E.A.C., c.1370, 362)

Comment Nature, volant orendroit plus que onques mais reveler et faire essaucier les biens et honneurs qui sont en Amours, vient a Guillaume de Machaut et li ordonne et encharge a faire seur ce nouviaus dis amoureus, et li baille pour lui conseillier et aidier a ce faire trois de ses enfans, c'est assavoir Scens, Retorique et Musique. (Mach., Prol., c.1377, 1)

...messeigneurs les ducs d'Orleans, frere du Roy nostre dit Seigneur, et de Berry et de Bourgoigne, oncles dudit Seigneur, avoient ordonné à oïr les parties. (Baye, I, 1400-1410, 21)

...monseigneur le regent avoit ordonné de tenir ou faire tenir le Parlement lendemain de la feste saint Martin (Fauq., III, 1431-1435, 73)

Le seigneur de Saintré, estant du tout armé, ordonna a ses gens a bien garder l'uis que nul n'entrast ne yssist hors de la sale (La Sale, J.S., 1456, 294)

...et ordonna aux Hebrieux escripre de la main dextre, en venant à senestre, car par avant escripvoient alant et venant ainsi que l'on laboure les terres à la charrue. (Simon De Phares, Astrol., c.1494-1498, f° 48 r°)

[Le compl. est une prop. inf.]

...pour occasion desdiz crimes par eulx cogneuz, ilz estoient ordonnez estre mis ès prisons dudit office que l'en appelle oubliete. (Reg. crim. Chât., I, 1389-1392, 256)

Si a ordonné la Court icelle somme estre baillée audit Jacotin. (Baye, I, 1400-1410, 309)

Ce jour, la Court ordonna processions generales estre faictes pour la paix general de ce royaume (Fauq., I, 1417-1420, 265)

...ledit Chancelier avoit ordené le paiement de la Court estre fait de mois en mois (Fauq., III, 1431-1435, 86)

...vers le soir, ordonna son maistre d'ostel le faire souper de bonne heure, et le tenir le plus aise que faire se pourroit (C.n.n., c.1456-1467, 580)

3.Ordonner (à qqn) que + subj.

Conforte toy et plus ne pleure, Car je vueil, ordonne et devis Qu'aies merci et ton devis. (Mach., F. am., c.1361, 201)

DIEU. Mére, je vueil et si ordene Que ces deux enfans (...) de voz mains touchiez... (Mir. Amis, c.1365, 63)

Il avoit là pluseurs esclaves, Qui, dedens fossez, dedens caves, Toute jour la terre fouoient, Et hors, à leur col, la portoient. Li roy ordena qu'on l'i meinne [Jaques de Giblet] , Et commanda, seur moult grant peinne, Qu'il ne soit homs qui l'entreporte, Qu'à son col la terre ne porte, Et qu'il y foue toute jour, Sans avoir respit ne sejour. (Mach., P. Alex., p.1369, 259)

...icelli mons. le prevost dist, ordonna, appointa et commanda audit maistre Dreue d'Ars que il se transportast devers icelle dame et l'examinast sur les choses dessus dites (Reg. crim. Chât., II, 1389-1392, 361)

Oy lequel appel, ledit mons. le prevost dist et ordena qu'il feust remis en la prison, de laquele il avoit esté attaint, et que autrement, quant de present, ne feust contre lui procedé. (Reg. crim. Chât., II, 1389-1392, 481)

Li roys lui avoit ordené 'Qu'en Delphos alast...' (Chr. Piz., M.F., III, 1400-1403, 86)

En oultre ordena la Court que lesdictes lettres feussent par moy enregistrées (Fauq., II, 1421-1430, 135)

SAINT CLEMENT. (...) Sy ordenons en cest concile Qu'en face d'eulz feste a vigile Qui soit devotement jeunee. (Mart. st Pierre st Paul R., c.1430-1440, 160)

Ordonna neantmains a sa gouge qu'elle entretenist le prestre, voire sans faire la courtoisie (C.n.n., c.1456-1467, 455)

Seigneurs, ce n'est pas trop mal fait D'advoir ensevelit Jhesus. Josep n'y a point fait d'abus, Car le corps il a demandé A Pilate, qu'a ordené Qu'il l'ensevelit a son aise. (Pass. Auv., 1477, 268)

...pour laquelle chose icelui Cicrops ordonna que on offrist le beuf plus tost que autres bestes. (Simon De Phares, Astrol., c.1494-1498, f° 24 v°)

...au moïen de laquelle predicion et advisement, le pappe ordonna que l'on fist procession par toute chrestienté et oroisons, et à ce moïen fut leur entreprise empeschée et ne procederent oultre. (Simon De Phares, Astrol., c.1494-1498, f° 120 v°)

Emploi impersonnel. Il est ordonné que + subj.

Si se meïrent au retour, À grant joie et à grant baudour. Mais ensois qu'il se departissent Il fu ordené qu'il veïssent Les bestes que li soudans a ; Et leur garde pas ne tensa, Eins les moustra, sans contredit, Tout en l'eure qu'il li fu dit. (Mach., P. Alex., p.1369, 201)

Si comme en aucune cité ou policie il est ordené que les corps de ceulz qui sont homicides de eulz meïsmes soient trahinéz et pendus ou jectés es champs senz sepulture. (Oresme, E.A.C., c.1370, 326)

Et sur sa lettre n'est point fait de mention de ladicte opposition, mais il a esté ordené que il soit ci enregistré. (Baye, II, 1411-1417, 194)

4.Ordonner qqn. Appeler, faire venir qqn par un ordre.

Li roys ordena ses messages, Preudommes diligens et sages, Où raison et bonne foy a ; Et en Chipre les envoia. (Mach., P. Alex., p.1369, 52)

Le duc et la gent de Venise, Quant il orent ceste entreprise, Tantost ordonnerent messages Tous preudommes, hardis et sages, Et au soudant les envoierent. Mais einsois bien les enfourmerent De tout ce qu'il devoient faire. (Mach., P. Alex., p.1369, 116)

5.Emploi absolu.

Comme, sans elle, je ne puis Avoir joye n'esbatement (...), Puet elle a son gré ordonner, Je suis cellui qui est content De ce qu'el vouldra commander (Garenc., Poésies N., 1390-1400, 73)

...mais puis que ainsin Fortune le vouloit, il [le seigneur de Loissellench] estoit prest de soy acquicter, ainsin qu'il [le roi] ordonnoit et que raison le vouloit. (La Sale, J.S., 1456, 168)

B. -Par extension.

1.Emploi transitif.

a)Décider qqc..

Ordonner qqc.

Et si ne say que c'est de cest espoir, Car pas ne vient : si me deçoit espoir. Et s'ay cause de penser le contraire De ce qu'il dit ; pour ce ne say que faire. Or soit einsi com Dieu l'a ordonné ; Mais je vous ay si franchement donné Moy et m'amour que c'est sans departir. Et s'il convient m'ame dou corps partir, Ja ceste amour pour ce ne finera, Qu'après ma mort m'ame vous amera. (Mach., Compl., 1340-1377, 255)

Le Tricoplier premierement (...) Dist au soudan ce qu'il queroient Et pour quoy là venu estoient. Quant il ot dit tout son plaisir, Longuement et à grant loisir, Et les autres eurent parlé Qui estoient bien emparlé, La chose estoit toute ordenée Qu'on leur donroit autre journée. À ceste fois plus ne feïrent Et au soudan congié preïrent. (Mach., P. Alex., p.1369, 198)

Or sa, ce titre sera cy mis ; Mon maistre l'a ainsi ordené. (Pass. Auv., 1477, 215)

Emploi absolu.

...car les loys estiment ou supposent que celui a qui est octroié l'estimacion en doit plus justement ordener que celui qui li octroie. (Oresme, E.A., c.1370, 454)

Au passif. [D'une chose] Faire l'objet d'une décision.

Et donques appert que le terme de cité qui est tres bon est cestui, ce est assavoir tres grant excés de multitude a autarchie, ce est a dire assoufisance de vivre, laquele puisse estre de legier resgardee et ordenee. (Oresme, Pol. Arist. M., c.1372-1374, 289)

Ordonner que + ind.

Et celui preudoms (...) Ordena qui ses heritages Vouldroit possesser ne tenir Ces lampes devroit soustenir [parataxe : 'que qui'] . (Mir. pape, 1346, 358)

Car li sains peres ordonna Et tels indulgences donna Que tous ceuls qui se croiseroient Et qui avec eaus en iroient Sont absols de coupe et de peinne (Mach., P. Alex., p.1369, 22)

...la Court ordonna que ledit arrest seroit fait par ledit de Cessieres (Baye, I, 1400-1410, 4)

...le Roy ordonne que la maison messire Charles de Savoisy sera demolie et abatue aux coulx et despens de la matière d'icelle maison (Baye, I, 1400-1410, 112)

...quand elles parceurent qu'elle ne se disposoit a garison, elles ordonnerent que l'une d'elles yroit a Rouen porter son urine, et compteroit son cas a ung medicin (C.n.n., c.1456-1467, 139)

... [le médecin] dit et ordonne qu'il fault que vous aiez compaignie charnelle avecques homme, [ou] bref aultrement vous estes morte (C.n.n., c.1456-1467, 140)

Si fut ordonné qu'il demourra prestre et maryé et curé aussi. (C.n.n., c.1456-1467, 288)

Monseigneur l'official (...) ordonna par arrest que les deux mariez yroient coucher ensemble (C.n.n., c.1456-1467, 501)

Projeter que.

[Les deux négociateurs arabes se proposent de paraître favorables aux ambassadeurs chrétiens, pour mieux les tromper] Uns enfes estoit li soudans D'environ XIIJ. ou XIIIJ. ans, Qui n'avoit pas bien congnoissance De leur mauvaise decevance. Einsi avoient ordené Que Crestien fussent mal mené, Mais Dieux, qui est lassus en haut, À ses amis onques ne faut ; Eins les conforte et les gouverne En terre, en mer et en taverne (...) Volt punir ceste trayson Et les siens mettre à garison. (Mach., P. Alex., p.1369, 186)

Il est ordonné que + ind.

Cedit jour, a esté ordonné que (...) le procès sera revisité et veu en la grant Chambre (Baye, I, 1400-1410, 309)

Et a esté dit et ordené que ledit Jaquet Rat aura l'office de portier de la grant porte du Palais. (Fauq., I, 1417-1420, 147)

...il est ordonné par madamoiselle et son estroit conseil qu'il n'en partira meshuy (C.n.n., c.1456-1467, 185)

b)Déterminer qqc. par une décision.

Mes messages envoyeray Par devers le roy de Hongrie (...) Et devers le roy de Poulainne, Qui est de ce païs procheinne. Si leur feray prier et dire Qu'il ne me vueillent escondire D'estre ensamble à une journée, Par eaus et par moy ordenée. En Cracoe la metterons, Et, se Dieus plaist, nous y serons Sans querir essoinne, n'alongne Pour parler de ceste besongne ; Car la matiere est grosse et grande. (Mach., P. Alex., p.1369, 38)

Et n'est ce pas grant doulceur de cest amy qui, non contrestant quelconque fourfait contre luy, tout pardonne se tu as entiere contriction, c'est assavoir du pechié passé desplaisir, propos ferme de non y recheoir et de soy confesser en temps et en lieu ordonné par l'Eglise ? (Gers., Concept., 1401, 413)

Et tantost il ordonna les bornes a chascun terroir (La Sale, Salade, c.1442-1444, 26)

...que cellui qui le deliverra et lui seront tenus de courre a cheval l'un contre l'autre X coursses de lances d'armes de la mesure que le prince ordonneroit (La Sale, J.S., 1456, 144)

...et ce fait le roy ordonna de cellui jour a XXX jours le jour des armes a cheval (La Sale, J.S., 1456, 149)

... [le médecin] entreprint garir net cest oeil, Dieu avant ; et ordonna les heures qu'il viendroit chacun jour pour le mettre a point. (C.n.n., c.1456-1467, 503)

Semblablement à Saint Ignocent, à Paris, en la fosse ordonnée pour mectre les pouvres, nul corps n'y demeure à corrompre plus de IX jours (Simon De Phares, Astrol., c.1494-1498, f° 68 v°)

Participe passé en emploi adjectival.

...la Court a commendé et enjoinct à Robert Chaurre que (...) il lieve les amendes ordonnées pieça des advocas et procureurs qui negligence feroient de venir à heure ordonnée. (Baye, II, 1411-1417, 3)

c)Susciter qqc..

Car li sains peres ordonna Et tels indulgences donna Que tous ceuls qui se croiseroient Et qui avec eaus en iroient Sont absols de coupe et de peinne ; Et si fist le roy cheveteinne De France de toute l'armée Que l'eglise avoit ordenée. (Mach., P. Alex., p.1369, 22)

2.Ordonner de / sur qqc. Prendre des dispositions, des décisions à propos de qqc..

a)Ordonner de qqc.

...pour ce que yceulx deux compoingnons ne trouverent pas leurdit ami, alerent boire ensemble en une taverne, en laquelle, pour paour qu'ilz orent que l'en ne les apperceust desdites poudres, ilz ne oserent ordonner d'icelles poudres. (Reg. crim. Chât., I, 1389-1392, 455)

...lui qui parle yroit par devers l'ermite de Bethinie, le feroit venir à Paris, et (...) eulx trois estans ensamble à Paris, ordonneroyent desdites poudres comme ilz avoient paravant dit, ordonné et appointé ensamble. (Reg. crim. Chât., I, 1389-1392, 316)

Ce jour, est venus monseigneur le Chancellier en la Court pour ordonner de l'office vacant en la Chambre des Enquestes ou lieu de maistre Regnaut d'Amiens (Baye, I, 1400-1410, 51)

...lesdis freres et suer et le mary d'icelle suer disoient (...) que tous les biens meubles et acquests appartenans à feu Jehan Goulet (...) au jour et à l'eure de son decés, excepté ce dont il avoit disposé et ordonné en son testament, leur competoient et appartenoient (Trés. Reth. S.L., t.2, 1403, 492)

...et pour ce requeroit ledit maistre Jaques qu'il pleust à la Court de ordonner de son siege et de son lieu, secundum decentiam officii, ainsi qu'il appartient (Fauq., II, 1421-1430, 99)

Voz deux freres vous bailleron Pour vous conduire le pays, Et me desplaist que je ne puis Y aller moy mesmes en personne. Vous savez l'affaire ou je suis ; Fault de ce pays que je ordonne. (Myst. siège Orléans H., c.1480-1500, 351)

Jour et nuyt vestir le harnois Nous font [les Anglais] comme gens forcenez, Que ad ce y vueille prouvoir Et de ceste guerre ordonner (Myst. siège Orléans H., c.1480-1500, 360)

...au moïen de laquelle predicion, chacun ordonna de son cas et, par ce moïen, furent plusieurs sauvés de mort. (Simon De Phares, Astrol., c.1494-1498, f° 100 v°)

En ordonner

Cils poins ne se puet soustenir. Dont j'ay fait, et fais, et vueil faire Protestation dou contraire. C'est auques nostres plaidïez. Pour ce volons que vous soiez Juges ; si en ordonnerez Selonc le plait que vous orrez. (Mach., J. R. Nav., 1349, 190)

...lesdiz du Chesne, pour obvier à toute matiere de plait et de descort, s'en sont mis et soubzmettent en l'ordenance dudit monseigneur de Flandres, pour en ordener par lui, ou par ceulx que sur ce vouldra ordener ou deputer (Trés. Reth. S.L., t.2, 1378, 268)

...ledit maistre Jehan de Cessieres dist que ce que il avoit ouy cognoistre audit prisonnier il reporteroit et diroit de bouche à mesdiz seigneurs de parlement, afin qu'ilz en ordonnassent comme il verroient que bon seroit à faire. (Reg. crim. Chât., I, 1389-1392, 297)

...et volt mondit segneur le Dauphin avoir le double ou copie desdiz advis pour envoyer au Roy et gens de son Conseil estans à Creeilg pour en ordonner et faire en outre ce qu'il appartendra. (Fauq., I, 1417-1420, 80)

Appoincté que lesdictes lettres seront mises par devers la Court, et les verra pour en ordonner et faire ce qu'il appartendra au Conseil. (Fauq., I, 1417-1420, 168)

...lequel nombre de gens et de chevaulz il dist tout coyement, ainsin con s'il lui semblast trop grant nombre pour en ordonner a son plaisir. (La Sale, J.S., 1456, 89)

Mais, pour la chose mieulx conduyre, Avant que j'en puisse ordonner, Oÿr vous vueil determiner S'il est raison qu'il soit pugny. (Myst. Pass. Troyes B., a.1482, 769)

(Il) en est ordonné

...et, quant au temporel desdiz evesques, abbez et autres, qui estoit en la main du Roy, la Court leur recroit soubz ladicte main jusques à ce que autrement en soit ordonné (Baye, I, 1400-1410, 135)

Il est ordonné (de / en qqc.)

...incontinent conseil fut prins et ordonné en ceste maniere. (C.n.n., c.1456-1467, 442)

Ordonner de qqn

...et que se elle vouloit lui laissier l'uys de sa chambre ouvert, qu'il ordonneroit de son mary à sa voulenté. À la priere et requeste duquel Thevenin, elle qui parle lui accorda laissier l'uys de sadite chambre ouvert. (Reg. crim. Chât., II, 1389-1392, 57)

...ledit mons. le prevost demanda ausdiz presens conseilliers leurs advis et oppinions comment l'en avoit à proceder, faire et ordonner dudit prisonnier. (Reg. crim. Chât., II, 1389-1392, 70)

Ordonner ou

...que semblablement tout feust dit et rapporté audit mons. de Bourbon, afin de ordonner ou surplus et en oultre ce que bon lui sembleroit. (Reg. crim. Chât., II, 1389-1392, 451)

[D'une chose] Décider de.

Et pour ce, politique ordene de toutes les autres communicacions particulieres (Oresme, E.A.C., c.1370, 433)

[Contexte métaph.] Et tout ce determine Aristote ou .VIe. d'Ethiques, et en la fin de cel .VIe. il monstre comment il ne s'ensuit pas se prudence ordene de sapience que pource elle soit plus digne. (Oresme, Pol. Arist. M., c.1372-1374, 312)

b)Ordonner sur qqc.

...du consentement et volenté expres du Roy (...) nous sommes chargéz, et avons pris le fais en nous de euls accorder, et sur lesdiz debas ordener et mettre à fin (Trés. Reth. S.L., t.2, 1337, 39)

...la Court, assemblez les presidens et conseilliers des Chambres de Parlement, interpreteroit, decideroit et ordonneroit sur yceulz debas, questions et altercacions. (Fauq., II, 1421-1430, 81)

...pour deliberer et ordonner sur certaines requestes baillées par aucuns des serviteurs et officiers dudit feu roy Charles VIe (Fauq., II, 1421-1430, 84)

(Il) est ordonné sur qqc.

...sur lesquelles [requestes] ne fu riens ordonné, ledit jour, pour ce que le prevost des marchans et eschevins de Paris n'y vindrent point (Fauq., I, 1417-1420, 324)

3.Disposer, décider qqc. par testament.

Ce jour, ont esté delivrez C frans de l'argent deposé aux Maturins apartenens au prieur de Cerfroy, à cause de l'execution de messire Raoul de Chenevieres, audit prieur pour faire une cloche en l'eglise où ledit Chanevieres a ordené certeinne messe (Baye, I, 1400-1410, 118)

Participe passé en emploi adjectival. Décidé par testament.

...le residu de l'argent et debtes de ladicte execution sera delivré et baillié par la main de la Court aux freres du Carme à l'usage ordonné par ladicte Perrenelle (Baye, I, 1400-1410, 9)

III. -[Idée de finalité, de fonction, de rôle conféré à qqn ou qqc. (par un ordre donné ou non, mais toujours par la puissance d'un sujet qui impose son ordre)]

A. -Ordonner qqn (à / pour)

1.Ordonner qqn. Désigner qqn (pour un certain rôle, une certaine fonction).

NOSTRE DAME. Chier filz, (...) Qui de grace tant me donnas, Que de moy ta mére ordenas, Non pas conme mére conmune, Mais mére et vierge fui... (Mir. ev. arced., c.1341, 132)

Et par aventure, des ce que Dieu crea les cielz, Il ordena et deputa angels qui ainsi les moevent et mouvront tant comme il Lui plaira. (Oresme, C.M., c.1377, 288)

Ci dit comment Romulus ordena les senateurs a Romme. (Chr. Piz., M.F., III, 1400-1403, 186)

Item, que le Prevost de Paris commette et ordene XXX ou XL bons sergens et seurs qui se transportent souvent par la ville et es tavernes (Baye, II, 1411-1417, 153)

Et furent ordonnés pour faire ceste ambassade : l'évesque d'Arras, messire Atis de Brimeu, messire Rouland de Hutequerque et plusieurs autres. (Chastell., Chron. K., t.1, c.1456-1471, 85)

Pour tout ce fournir et parfaire [ma succession] , J'ordonne mes executeurs Ausquelz fait bon avoir affaire Et contentent bien leurs debteurs. (Villon, Test. R.H., 1461-1462, 145)

Ordonner qqn à qqn. Désigner et attribuer qqn à qqn d'autre.

...je vous ordonneray gens pour vostre renforcement assez bon nombre. (Chastell., Chron. K., t.3, c.1456-1471, 366)

2.Ordonner qqn à / pour

a)Ordonner qqn à / pour qqc. Destiner, désigner qqn à.

S'en y avoit qui renoier Le jouster, ne le tournoier, Le dancier, ne le caroler Ne pooient, ne le baler, Mais si forment se delitoient Qu'en tous lieus ou elles estoient Ne leur chaloit d'autres reviaus, Tant fust estranges ne nouviaus ; Et vosissent que leurs amis A ç'ordené fussent et mis Que pour honneur ne pour vaillance Ne partissent de ceste danse, Et qu'einsi usassent leur vie, Sans avoir d'autre honneur envie. (Mach., D. Lyon, 1342, 216)

...elle fu par plusieurs années mancipée et ordenée au divin service. (Mir. Berthe, c.1373, 156)

...les freres li donront leur beneisson et se partiront, excepté ceulz ou celui qui seront ordené pour la garde. (Mézières, Test. G., 1392, 313)

...et furent repriz par les gens du Roy environ XIIIJ freres estrangiers, comme dist en la Court le commissaire de Chastellet à ce ordonné (Baye, I, 1400-1410, 11)

La Court de Parlement a eu et receu de Alexandre Le Boursier, receveur general des aydes ordenez pour la guerre, seze descharges (Baye, II, 1411-1417, 39)

...qui font en nombre C personnes ordonnées pour la justice capital de ce royaume. (Baye, II, 1411-1417, 42)

...le Roy avoit ordonné ledit conte de Saint-Pol à la garde et gouvernement de Paris (Fauq., I, 1417-1420, 243)

Il est tout notoire que monsieur le conestable, que Dieu absoille, et monsieur de Dunois estoient chiefz commis et ordonnéz de par le roy pour le fait de l'entreprinse qui fu faite pour ladicte cause (Chastell., Chron. IV, D., c.1461-1472, 198)

...et parlerent ensemble assez bonne piece, le guet et les gardes joignant especialement les capitaines ad ce ordonnez. (La Vigne, V.N., p.1495, 254)

Ordonner qqn (à / pour) + inf.

...car homme est par nature ordené a vivre civilement et en communité. (Oresme, E.A., c.1370, 118)

Cedit jour, a ordonné la Court maistres R. Rabay et R. Broisset à soy informer sur les excessiz salaires des notaires (Baye, I, 1400-1410, 185)

...a esté advisié que commissaires seroient ordonné pour veoir ceulx dont est plaincte (Baye, II, 1411-1417, 222)

Lequel jouvencel par sa debonnaireté vint en grace au roy, et tellement qu'il le voult avoir, et, car il estoit encore bien josne, le ordonna a estre son paige, seullement aprés lui chevauchier, et le surplus servir en sale comme ses autres paiges enfens d'onneur. (La Sale, J.S., 1456, 2)

...a la premiere foiz qu'il vous vist si joly il dist en riant qu'il vouldroit que eussiez quatre ou cinq de ses ans, qu'il vous ordonneroit a tranchier devant lui. (La Sale, J.S., 1456, 65)

Le roy, qui ja tant amoit Saintré, ainsin que avez oÿ, l'amour de lui peu a peu crut tant que en peu de temps il le ordonna dormir en sa chambre, et puis son premier chambellan. (La Sale, J.S., 1456, 141)

...trois cordeliers qui s'en alloient a Geneve (...) furent ordonnez a coucher en une chambre (C.n.n., c.1456-1467, 201)

...la gaitte ordonnée pour faire saillir ceulx qui rescourre le devoient estoit sur cest arbre endormye (C.n.n., c.1456-1467, 452)

'Grace vous soit donnee de Dieu le Pere et paix, qui nous a predestiné et ordonné depuis le estre de son eternité pour estre ou nombre de ceulz qui sont apelléz ses filz par adoption' (Somme abr., c.1477-1481, 107)

Attropos, deesse ordonnee Pour cueillir mes vomissemens, Escumes et vomissemens, Aproche (Cene dieux, c.1492, 127)

Dieu ordonna l'omme premierement Pour regarder en hault tout droit es cieulx. (Antitus, Poés. P., c.1500, 26)

[D'une pers.] Ordonné à. Voué à, destiné à.

Nul homme qui est ordené au service de Dieu ne se doit impliquer es negoces seculieres. (Oresme, Pol. Arist. M., c.1372-1374, 379)

...le vray amoreux gentil homme qui n'est point ordonné ne disposé aux estudes des tres prudentes et saintes sciences de theologie, des decrez, des loys ne autres estudes de science (La Sale, J.S., 1456, 29)

Ordonné de + inf. Chargé de.

Au devant leur furent, par l'ordonnance du roy, messeigneurs les ducz de Berry et de Bourgoigne ses freres, qui ou mylieu d'eulz menerent le seigneur de Saintré, et y furent les contes de la Marche, de Flandres (...) ordonnez chascun de acompaignier le sien. (La Sale, J.S., 1456, 269)

b)S'ordonner à / de / pour. Se préparer, se disposer à.

Mais ainçois com je me partisse, Il couvenoit que j'escrisisse Et que humblement la merciasse De sa douce ymage, qui passe Plus que sains, sans comparison, Pour mes maulz mettre a garison. Si m'ordenai tout bellement, Bien et bel et faiticement, Pour aler ou je desiroie Cent fois plus que ne vous diroie. (Mach., Voir, 1364, 182)

Item, congneut aussi que l'année passée, environ le temps que le roy se ordenoit pour aler en Almaigne, il estant ès fauxbours de la ville de Vernon, print et embla illec de nuit, en un fardeau de draps, deux demi draps de sanguine (Reg. crim. Chât., I, 1389-1392, 31)

Cecy, sur tout, a volu commander, Car de te faire de grans biens il s'ordonne ; Et s'il t'a fait en la prison garder, Il te supplie que brief tu luy pardonne. (La Vigne, S.M., 1496, 255)

(Estre) ordonné de + inf. (Être) disposé à.

...elle s'estoit, au matin à son descoucher, disposée et ordonnée de venir par devers icelle Macete querre ledit botereau, pour faire et acomplir ce que dit est (Reg. crim. Chât., II, 1389-1392, 309)

LE MESSAGIER. (...) Puisque present de cecy je m'empesche, A mon maistre le raport soit donné, Car messaigier qui nonchaillance pesche Merite bien qu'il soit mal guerdonné. EMPEREUR. Puisque tu es de ce faire ordonné, Ces lectres cy par moy luy porteras. (La Vigne, S.M., 1496, 253)

Pour quoy m'amour habandonnee Est a luy seul, non pas a toy, Et est de tous poincts ordonnee De renuncer ta faulce loy. (La Vigne, S.M., 1496, 494)

Estre ordonné à qqc. Se consacrer à qqc..

Item, Tulles dit que se un philosophe qui est ordoné a la speculative pouoit en riens secourir au peril du pays, il devroit par ce laissier toute speculation (Oresme, Divin. C., c.1366, 104)

B. -[Avec un attr. de l'obj.]

1.Nommer, désigner qqn (dans telle ou telle fonction), lui conférer tel ou tel titre.

SAINT PIERRE. Du pouoir que Dieu me donna, Quant pape en terre m'ordena, T'absoil. (Mir. pape, 1346, 385)

Li rois riches dons li donna [à Daniel] Et maistre et signeur l'ordonna Et fist de toutes les provinces Sus les sages et sus les princes De son païs de Babiloine. (Mach., C. ami, 1357, 18)

L'ABBÉ. (...) Cest enfant con moinne vestez, Puis vueil qu'a lettre le mettez, Et je vous ordene son maistre. (Mir. Theod., 1357, 117)

...elle vous donrra L'un de ses filz (...) ; si le garderons, Et après nous l'ordenerons Roy de Hongrie. (Mir. Berthe, c.1373, 200)

Liquels Hennequins sur ce fu refusant, et ne voult aler parler audit mons. le visconte, liquels est cappitainne ordonné de par le roy en ladite ville de Saint-Quentin (Reg. crim. Chât., I, 1389-1392, 381)

...maistres Jehan Truquam et Gerart de La Haye, examinateurs du roy nostre sire ou Chastellet de Paris, et commissaires ordonnez par le roy nostredit seigneur sur ledit fait (Reg. crim. Chât., I, 1389-1392, 420)

...le Roy avoit ordonné pluseurs vaillans hommes reformateurs generaulx (...) lesquelx reformateurs puniroient celx qui averoient failli (Baye, I, 1400-1410, 306)

L'ange qui ordonné fut messagier isnellement descendit porter les nouvelles a Joachim et saincte Anne. (Gers., Concept., 1401, 406)

Audit maistre Thierry, (...) monseigneur le duc Phelippe (...), confians plainement de ses sens, loyaulté et bonne diligence, a retenu en son conseillier, et avec ce pour la bonne et grant experience qu'il a ou fait desdictes chartres, il l'a fait et ordonné garde d'icelles chartres et de tous autres privileges, lettres et escriptures touchans son pays de Flandres et autres qui sont et seront mises en ses tresoreries ordonnees en icellui pays (Comptes Etat bourg. M.F., t.3, 1418-1420, 515)

Le roy vous a son varlet tranchant ordonné, a trois chevaux delivrez et deux varlez. (La Sale, J.S., 1456, 67)

Lors lui acorda, et ordonna pour son juge françois le roy d'armes d'Anjou, de Thoraine et du Mayne. (La Sale, J.S., 1456, 174)

Car tantost (...) ordonna un arcevesque chief de son ambassade (Chastell., Chron. K., t.3, c.1456-1471, 369)

Ordonner qqn curateur / procureur... Désigner un curateur, un procureur....

Cedit jour, messire Guillaume d'Avaugour, chevalier, a esté fait et ordonné curateur au conte de Peintevre (Baye, I, 1400-1410, 209)

...les autres seigneurs (...) devront venir ceans pour ordonner curateur à ce que dit est. (Baye, I, 1400-1410, 264)

...les tresorier, chanoines et ceulx qui ont accoustumé de ordonner procureur en la Saincte Chappelle s'assembleront et dedans lundi feront un procureur (Baye, II, 1411-1417, 20)

Participe passé en emploi adjectival. [D'une pers.] Affecté de manière durable (à une fonction).

Mais quant tous deux furent en leurs pavillons, ne tarda gueres que le mareschal, acompaignié des quatre gardes, l'un aprés l'autre, vint et premiers a Saintré commença, et, armé de toutes ses armes, et aprés lui ses ordonnez conseilliers, le mena et presenta au roy, qui en son hourt estoit. (La Sale, J.S., 1456, 125)

2.En particulier. LITURGIE Conférer à qqn le sacrement de l'ordination.

...les lettres, qui seront faictes et baillées à ceulz qui ce jour auront esté ordenez et promeux esdis ordres par ledit archevesque, seront seellées du seel de la Court de Paris et non mie du seel d'icellui archevesque (Fauq., II, 1421-1430, 8)

Aussi il n'est ordonné prestre qui ne veult, et peut on bien estre sauvé sans estre prestre. (Cib., Qui manducat me M., 1446, 43)

Nous en yrons tous sains respit Vers mon seignieur vous presenter, Pour vous prestrer et ordonner (Myst. st Bern. Menth. L., c.1450, 75)

C. -Ordonner qqc. à (une certaine finalité). Préparer, disposer qqc. à .

1.Ordonner qqc. à / pour qqn. Destiner, attribuer qqc. à qqn.

SECOND MOINE. (...) s'il [Theodore] l'a [la celle] , Elle est bien bonne. L'ABBÉ. Et je li ordene et li donne. (Mir. Theod., 1357, 117)

...et aussi pour avoir les honneurs qui sont par les loys ordenés a ceulz qui s'i contiennent viguereusement. (Oresme, E.A., c.1370, 210)

Puet on acquerir pardons pour les mors ? Response : Je tiens que non, car pardons sont ordonnez a ceulz qui se soubmettent a la court de misericorde qui est icy et qui dure jusques a la mort, non pas aprés la mort. (Gers., Déf., 1400, 237)

...si ordonna toute la proye a ses compaignons (La Sale, Sale D., 1451, 181)

... [Madame] pensoit que vraiement il convenoit qu'il eust ces trois chevaulz qui lui estoient ordonnez, et ses deux varlez. (La Sale, J.S., 1456, 68)

[À un animal] En verité, monseigneur, si vous eussez autant cogneu mon bon chien (...) comme j'ay, vous ne seriez pas tant esbahy de la sepulture que je luy ai ordonnée, comme vous estes. (C.n.n., c.1456-1467, 541)

...et lui portèrent les riches présens qui avoient esté ordonnés pour lui de par la ville (Chastell., Chron. K., t.3, c.1456-1471, 305)

...disans que n'avoit point (...) payé ce qui leur avoit esté ordonné et promis (Chastell., Chron. K., t.3, c.1456-1471, 316)

Comment le roy ordonna certaine somme de grans deniers à qui pourroit amener le seigneur de Brezé. (Chastell., Chron. K., t.4, c.1456-1471, 181)

Mais en ce est difference, car predestination ordonne la glore selon le bon plaisir, mais reprobation prepare et appareille la paine selon la requeste des merites ou demerites. (Somme abr., c.1477-1481, 171)

En ardeur de luxure Se traictent mariages. Bien souvent on procure Benefices a cure Ordonner aux mains saiges ['aux moins sages'] . Virginités, vefvages N'ont plus qui les deffende. (Cene dieux, c.1492, 115)

TIERS. A luy mon cueur et mon corps donne. SECOND. Mon cueur et mon corps luy ordonne. PREMIER. Je luy rens mon cueur et mon corps. (La Vigne, S.M., 1496, 450)

Emploi pronominal à sens passif.

PREMIER ESCHEVIN. A luy je m'areste et me fonde, A luy ma voix du tout s'ordonne, A luy me tiens, parolle ronde, A luy mon vouloir s'abandonne, A luy mon esperance donne, A luy je donne ma pencee, A luy ma puissance redonne (La Vigne, S.M., 1496, 400)

[Un lieu (en partic. de résidence)] Destiner, affecter, assigner.

...tant t'amoye Que ja en paradis t'avoye Ordené un lieu ou feusses (Mir. chan., c.1361, 168)

...lors le roy et tous se appenserent que vraiement il devoit estre homme de bien, et incontinent ordonna a Barcellonne tres honorablement son loigeis, lequel fut a ses fourriers livrez deux jours avant sa venue. (La Sale, J.S., 1456, 106)

...partans de Tours sans nul qui les accompagnast [les ambassadeurs du duc de Bourgogne] de par dela ne qui les vinst querre, se rendirent a Monbason le jour qui leur estoit institué, et la se logerent ou lieu a eulz ordonné. (Chastell., Chron. IV, D., c.1461-1472, 173)

Ordonner voie devers qqn. Attribuer la possibilité d'être reçu par qqn.

A tous lez s'esforça de traire à luy les nobles et de gagner leurs coeurs ; les accueillit familièrement de paroles ; leur fit ordonner voye devers luy, afin de les traire à son amour ; leur fit promesses et beaux semblans (Chastell., Chron. K., t.4, c.1456-1471, 402)

En particulier. [Dans un testament] Léguer qqc. à qqn.

...pour ce qu'il savoit vostre necessité et indigence, il vous ordonna cinquante escuz d'or, que je vous apporte. (C.n.n., c.1456-1467, 541)

MÉDECINE Ordonner (un remède) à qqn. Prescrire (un remède) à qqn.

Et tout ensi est il quant un homme est malade : tout pleyn de choses ly fait ly meistre et ly ordeyne siropes a boire et letuaires a prendre, qe sont par aventure a la foize ameres et male savourez a receyvoir (Henri Lanc., Seyntz medicines A., 1354, 196)

2.S'ordonner à

S'ordonner à qqc. Se conformer à qqc..

Merite autre n'y chacoit Fors le louier que Dieu(x) donne A qui a son vueil s'ordonne. (Chr. Piz., Chem. estude P., 1402-1403, 10)

S'ordonner à + inf. Se préparer à, se destiner à.

Je lo que nous ci le mandons, Que tantost viengne a nous parler Ains qu'il s'ordene ailleurs aler (Mir. st Alexis, 1382, 288)

S'ordonner en + inf. Se mettre dans la disposition de.

En vous servir, vierge honnorée, A moult de joie et de deport Personne qui s'est ordenée En vous servir, vierge honnorée. (Mir. abbeesse, 1340, 87)

3.Ordonner qqc. à qqc. Destiner, régler qqc. à qqc..

Toutes mes euvres ordenne a ton doulz plaisir (Gast. Phébus, Livre oraisons T., c.1380-1383, 32)

[D'une chose, d'un animal] Ordonné à / pour qqc. / à / pour + inf. Préparé pour, destiné à, affecté à.

Et vraiement, se bien savoir Qu'en son dous service morroie, Et que bien peüsse garir D'un autre, s'aim je mieus morir Dessous son gracieus voloir Que de nulle autre joie avoir. Or est a ce faire ordenée Ma volenté et atournée, Et j'aussi sui a ce tournez, Q'envers Amours sui si tournez Que nulle riens ne me destourne Que tousjours, quel part que je tourne, Mes cuers ne preingne son retour Vers ma dame au plaisant atour (Mach., D. verg., a.1340, 55)

Et selon ceste maniere sont les arts et doctrines et offices ordenees les unes pour servir as autres. (Oresme, E.A., c.1370, 104)

Et aussi est il dit en quelles ou envers quelles choses est eleccion, et que elle est de choses ordenees a certaines fins. (Oresme, E.A., c.1370, 193)

De la policie des Lacedemoniens et aussi presque de toutes les autres sunt .II. consideracions : une est resgarder se en tele policie a aucun estatu fait par lay qui soit bien fait et ordené au bien de vertu. (Oresme, Pol. Arist. M., c.1372-1374, 99)

Selon autre translacion, il dist que par ce est acreue la vertu de nostre entendement, ce est a dire que entendement humain, qui se excercite et estudie en telles nobles questions, est par ce aussi comme eslevé et miex ordené et disposé a la cognoissance de plus hautes choses, si comme sont les choses divines (Oresme, C.M., c.1377, 500)

...elle estant auprès de la fosse ordennée à le enterrer et sur le point que l'en lui vouloit mettre, congneut et afferma par serement les confessions cy-dessus escriptes par lui autrefoiz faites estre vrayes (Reg. crim. Chât., II, 1389-1392, 437)

...le sacrilege fait en icellui [moustier] , en despeçant, gastant et dissipant les biens et cierges ordenez à faire le service divin en ladite eglise (Reg. crim. Chât., II, 1389-1392, 246)

...car se la Court emploie aucuns jours de Plaidoiries à conseiller et juger ladicte epistle, en pourra repranre autant des jours ordonnez à conseiller (Baye, I, 1400-1410, 164)

Molettes sont poingnantes et sont ordonnees a estre mises aux esperons pour corrigier le cheual et le cheual est ordonné a seruir l'ordre de cheualerie (Best. hérald. H.E., c.1435-1450, 503)