EXECUTER

verbe

[T-L : executer ; GDC : executer ; AND : executer ; FEW (III, 290b) : executio ; TLF (VIII, 421b) : exécuter]

A. -DROIT Mener à accomplissement (une décision de justice).

1.Executer qqc. Donner suite, effet à (une résolution, une décision, un jugement).

...furent d'oppinion que (...) il feust mis à question. Et ad ce fu ledit prisonnier, et en sa presence, condempnez par mons. le prevost. En excecutant lequel jugement, ledit prisonnier fu fait despouillier, liez et mis à question sur le petit tresteau (Reg. crim. Chât., I, 1389-1392, 274)

Et, ce fait, fu mené à son derrenier tourment, et illec fini ses jours. Lequel jugement fu excecuté le samedi XJe jour de fevrier mil trois cens quatrevins et dix. (Reg. crim. Chât., II, 1389-1392, 43)

...et à executer ceste lettre a esté ordonné Robert Chaurre, huissier de ceans. (Baye, I, 1400-1410, 188)

Lesquelles gens dudit Conseil avoient entre autres choses conclu que lesdictes lettres seroient publiées et executées, quam cicius, le plus tost qu'elles pourroient estre seellées (Fauq., I, 1417-1420, 112)

...et que ceste ordonnance sera executée, non obstans opposicions ou appellacions. (Fauq., I, 1417-1420, 217)

...en oultre que le Roy veult que l'ordonnance sur la reduction de l'eglise à ses libertés soit revoquée et que la revocacion d'icelle faicte en son conseil et les lettres sur ce faictes soient publiées, observées et exequtées, lesquelles ont esté de par lui presentées au pape, qui les a receues très agreablement. (Fauq., I, 1417-1420, 258)

A ce faire, dedens troiz ans Prouchainement d'illec venans, Par faulx venim en l'air jeté Tant en yver comme en esté, Et l'Arrest, à bon réputé, Fut en la forme exécuté (La Haye, P. peste, 1426, 40)

Au moyen et par vertu duquel povoir icelluy nostre cousin exposant s'est transporté esditz pays (...) que noloit tenir Jehan, nagueres conte d'Armignac, et en iceulx a fait et fait faire plusieurs reformations, executions, condemnations d'amendes, compositions, sentences, declarations, jugemens, confiscations et autres exploix de justice et de guerre, selon la teneur de sondit povoir, et icelles excecutées et fait excecuter, ainsi que en tel cas apartient. (Le Clerc, Interp. Roye, c.1502, 254)

Saisir judiciairement qqc. (un bien).

Un receveur compte chascune année Et du compte prant sa conclusion Que sa terre ne soit executee, Ses heritiers mis a perdicion, En doubte vit s'il n'a audicion De ses comptes en mise et en recepte (Desch., Oeuvres Q., t.2, c.1370-1407, 16)

...led. Olivier de Blais adoncques tenant le chastel de Roche, assecuta lesd. terres, mes[me]ment les dismes de Ploegresquent (Actes Jean V Bret. B., t.3, 1422, 86)

Emploi pronominal à sens passif.

Et quant aucuns cas de nouvelleté se executent par aucun juge ou executeur seculier (Juv. Urs., Verba, 1452, 382)

Executer justice. Rendre la justice.

Et tel epyeyke ['homme modéré'] n'est pas diligent de executer justice au pis en punissant (Oresme, E.A., c.1370, 325)

[Dans un cont. allég.] Executer une sentence

Justice nous condempnoit, et nous ne savions ou appeller. Puissance excecutoit la sentence, et nous ne savions ou fuyr ne resister (Gers., Annonc., a.1400, 232)

Faire executer une commission contre qqn. Donner suite à une décision sur la personne de qqn.

...et trouvé fut aucune année qu'il devoit souffrir mort violente et publique, pour sa collere. Il advint que le Parlement de Paris fist executer aucune commission contre luy ; à cause de quoy il print la masse du sergent et l'en batit tellement, que le bruit en fut à Paris. (Simon De Phares, Astrol., c.1494-1498, f° 133 v°)

2.En particulier. Executer qqn

a)Executer qqn (de qqc.). Contraindre qqn, par la saisie de ses biens, à payer (une amende, une dette).

...se ceulx qui auront fait l'offerte a Dieu pour les pauvres, et par obligacion voluntaire, ne vouldront satisfaire de l'obligacion aucune, et se seront aidiez des biens des pauvres, que licitement et devant Dieu ilz soient executez par la justice publique, comme de la debte de Dieu et des pauvres. (Mézières, Songe vieil pèl. C., t.2, c.1386-1389, 290-291)

Et lors elle qui parle, recordant que iceulx Rotisseur et fames avoient faiz plusieurs grans dommages, en les faisant executer pour certain argent qu'ilz leur devoient (Reg. crim. Chât., I, 1389-1392, 265)

...ledit seigneur mandoit à il qui deppose, ou au premier autre sergent d'armes qui sur ce seroit requis, que tantost et sans delay il excecutast par prinse de corps et explettacion de biens Heran du Port et Rose de Moustereuil, juifs, de la somme de quatre cens frans (Reg. crim. Chât., II, 1389-1392, 21)

Et vient le terme qu'il est temps de paier ses creanciers et le pouvre homme ne peut paier et ilz ne le voulent plus atendre et le font executer ou excoumenier, et la dame en oit les nouvelles et voit faire l'execucion, et a l'aventure en a prins les joyaux pour lesquelx la debte est deue. (Quinze joies mar. R., c.1390-1410, 12)

Pour ce que maistre Guillaume Cousinot, advocat ceans, n'est pas venu à heure ordenée de plaidier après disner, la Court a commandé à Jehan Maisnier, huissier de ceans, qu'il execute ledit Cousinot de XL solz parisis (Baye, I, 1400-1410, 233)

...la Court a ordonné que chascun des V absens dessusdiz sera executé de XX solz parisis au proufit de la chappelle de la salle du Palès (Baye, II, 1411-1417, 20)

Ce jour, la Court a commis Guillaume de Buymont, huissier de Parlement, pour contraindre et executer Pierre Baillé, receveur de Paris, par la forme et maniere acoustumée es debtes du Roy, de la somme de vint et six livres quinze sols IIIJ d. p., qu'il doit par assignacion sur lui faicte aux conseilliers de ladicte Court (Fauq., II, 1421-1430, 188)

J'é baillié à Bertran Heurtart, sergent du petit scel, la clameur dudit petit scel avec l'annexe du conseil du Roy de Secille, en Prouvance, pour excécuter les héritiers de feu missire Jehan Armentier, en son vivant seigneur d'Orgon, de la somme de mil cinquante florins (Aff. Jacques Coeur M., 1453-1457, 211)

...parcequ'il est allé de vie à trepassement, ledit receveur n'a pu estre payé, et, quant on a voulu executer la veufve d'iceluy Bellay et ses plaiges desdits fermes, icelle veufve en a appelé et en est le procès en Parlement avec les autres fermiers desdictes chaussées (Comptes Paris M., t.2, 1457-1458, )

Vela le sergent A l'hostel qui nous exequute. (Colin loue dép. Dieu T., c.1485, 128)

b)Appliquer une sentence de mort à qqn, faire subir la peine capitale à qqn.

Item, des causes qui sont instantez et presentes quant un princey avra condempné aucuns, que l'autre princey soit executeur, si comme que les astinomes ['magistrat chargé de la police'] executent ceulz que les agronomes condempnerunt (Oresme, Pol. Arist. M., c.1372-1374, 272)

Or ça ! il fault que je m'atire A ces enfans executer, Et puis les en terre bouter (Mir. roy Thierry, c.1374, 262)

Et de la dicte simple et civile querelle, pour un neue de festu, on la fera criminelle, et sans arrestier il sera execute [l. executé] et de tous ses biens et de sa vie privez. (Mézières, Songe vieil pèl. C., t.1, c.1386-1389, 472)

... [ils] delibererent que l'en ne le povoit espargnier qu'il ne feust excecutez comme un très-fort larron. (Reg. crim. Chât., I, 1389-1392, 497)

...deliberé fu que l'en ne le povoit espargnier que comme larrenesse elle ne feust executée, c'est assavoir : enfouye toute vive, et que elle l'avoit bien gaignié et deservi. (Reg. crim. Chât., II, 1389-1392, 436)

Avoecques le signeur de Cliçon qui fu decolés a Paris (...) furent accuset de traison et mort et exequté a Paris li sires de Malatrait et ses fils, li sires d'Avaugor et ses fils (Froiss., Chron. D., p.1400, 594)

...feu messire J. des Marès, docteur en loiz, et, en son temps, advocat du Roy ceans, et lequel avoit esté executé avec pluseurs autres es Hales de Paris (Baye, I, 1400-1410, 188)

...messire Pierre des Essars (...) avoit esté par certains commissaires condempné à estre trayné et decapité et pendu, et par ceste maniere avoit esté executé. (Baye, II, 1411-1417, 245)

Et, ledit jour de samedi, fu executé et esquartellé Jehan Gault, l'un desdiz prisonniers. (Fauq., II, 1421-1430, 13)

...Massieu que lui actaint dudit cas, il a esté executé de son corps pour ses demerites et a deschargé ledit suppliant dudit cas (Chancell. Henri VI, L., t.1, 1425, 239)

...et enfin y en eut de deux à trois cents mors et prins. Lesquelz prins furent menez à Paris et mis en Chastellet, et depuis en y eut d'exécutez. (Monstrelet, Chron. D.-A., t.3, c.1425-1440, 57)

...le corps dudit defunct feust executé (Paris domin. angl. L., 1421, 20)

Et de mon temps ay sceu hommes et femmes condempnez a mort et executez (Juv. Urs., Aud. illos, 1432, 35)

...pluseurs chevaliers et escuiers (...) furent prisonniers, dont les aucuns furent mors et executez (C.n.n., c.1456-1467, 422)

Et, le samedi ensuivant, par la court de Parlement fut widé ledit appel, et, en corrigant icellui, fut dit par arrest de ladicte court que ledit Laurens de Mory seroit pendu et estranglé au gibet de Paris, et fut executé cedit jour. (Roye, Chron. scand., I, 1460-1483, 70)

...et là commanda que on excecutast les prisonniers à seigneur Thomas de Pegeson, son chambellan, et furent trainez à queue de cheval six vertueux hommes dudit lieu jusque à la justice (Simon De Phares, Astrol., c.1494-1498, f° 149 v°)

Tu fis plus, car comme chief de justice souveraine, tu fis planter justices royalles en l'enclos de Romme, ou furent executez par tes officiers ceulx qui l'avoyent merité. (La Vigne, V.N., p.1495, 298)

Executer qqn à/de mort

Il les convint morir, et furent executet à mort à Paris. (Froiss., Chron. R., IX, c.1375-1400, 57)

Ces maleoites gens, pour mieux tourbler le roiaulme et esmouvoir le peuple, avoient mis avant et semet ces paroles, et che congnurent à le mort, quant il furent executé de mort, Listier, Tieullier, Strau, Baquier et Jehan Balle. (Froiss., Chron. R., X, c.1375-1400, 129)

C'est bien ce que j'en doy avoir Quant deux fils qu'avoie portés Tous ensemble en mes costés As cy volu executer A mort, et n'en ose parler ! (Marcadé, Myst. Pass. Arras R., a.1440, 59)

Participe passé en emploi substantival. Executé à mort

Et en y eut pour les causes dessusdictes des exécutés à mort (Monstrelet, Chron. D.-A., t.4, c.1444-1453, 188)

B. -Accomplir (la volonté de qqn ou la sienne propre) ; réaliser qqc..

1.Accomplir, réaliser, mettre en pratique qqc. (un commandement, une volonté, une charge, un conseil...).

Et a ce fait ce que dit Aristote en la fin du .XXIe. chapitre, ou il dit que le juge quant il use de la vertu appellee epyeykie, si comme il doit faire en cest cas, il ne doit pas diligenment executer rigueur en pugnissant, ja soit ce que la loy li aide quant a ce. (Oresme, E.A.C., c.1370, 321)

LA MÉRE DU ROY. Puis que chascun se fait si fort De mon vouloir executer, Je vueil que vous m'alez jetter En mer Osanne la chetive (Mir. roy Thierry, c.1374, 277)

Et l'autre exerce, applique et execute ce par les oeuvres singuleres ce que les loys dient, et est appellee politique par le commun nom. (Oresme, E.A., c.1370, 345)

Et le homme fait droicturier sacrifice a Dieu, qui d'entiere pensee s'offre et soubzmet a ses commandemens executer de son povoir. (Chart., L. Esp., c.1429-1430, 174)

Mais erreur y est si grand mestre [à Paris] , Semblablement crainte et faveur, Qu'on n'ose executer la lettre De Jhesuchrist, nostre sauveur. (Martin Le Franc, Champion dames I-II, P., 1440-1442, 108)

...lequel executa par grant dilligence le commandement du senat (La Sale, Salade, c.1442-1444, 33)

...comme il approchoit pour executer le conseil du medicin... (C.n.n., c.1456-1467, 136)

Et plutost ennuyt que demain Vouldroye l'office executer, Car j'ay ung courage inhumain Pour vie des hommes persecuter. (Cene dieux, c.1492, 129)

...nous mandons à tous nos seneschaulx, chiefz et capitaines de guerre ou à leurs lieuxtenans (...) et à chascun d'eulx, si comme à lui appartiendra, sur peine de desobeïssance envers nous, que à nostre cousin et lieutenant et à ses commis et depputez, en faisant et executant les choses dessusdittez et chascune d'icelles, leurs circonstances et dependances, ilz facent et donnent tout aide, confort, faveur et ouverture de places (Le Clerc, Interp. Roye, c.1502, 231)

Et, combien que nostredit cousin ait fait et executé sadicte charge au mieulx que possible luy a esté, et se soit en icelle bien et deuement gouverné, toutesvoiez (Le Clerc, Interp. Roye, c.1502, 254)

Emploi absolu. Accomplir un ordre.

Et semble que elle [l'ire] seüroie raison en la maniere que aucuns servans vistes et hastis qui s'en cueurent executer avant que il aient oÿ tout le commandement. (Oresme, E.A., c.1370, 383)

Aussi dit-on que, pour adviser et meurement deliberer, les anciens doivent preferer, et les jeunes gens sont pour bien dilligamment executer. (Bueil, I, 1461-1466, 96)

Executer la derniere volonté

Et plaise sovenir as peres desusdis comment c'est grand merite d'executer a la lectre la darraine volenté, mais qu'elle soit catholique, des trespassans en Dieu et ausi le peril du contraire. (Mézières, Test. G., 1392, 320)

Executer qqc. contre qqn

...et avecques ce pour espier et regarder quelz gens de guerre et puissance le roy avoit, pour tout ce que dit est le rapporter ausdiz princes et seigneurs au roy contraires, pour mieulx et plus aisieement executer contre lui leur dampnée entreprinse. (Roye, Chron. scand., I, 1460-1483, 78)

2.Donner une forme concrète à (une idée, un projet, une volonté, une résolution...).

Celui qui est actrempé, il met en fait et execute tantost sa conclusion (Oresme, E.A.C., c.1370, 374)

Et de ce disoit bien vray Cathon que ire et convoitise avugle tellement l'omme que il ne voit la loy mais la loy le voit bien, c'est à dire qu'il n'apperçoit le peril du dangier de la justice où il se met executant par fait son malefice. (Chr. Piz., Paix W., 1412-1413, 94)

Le soir du lendemain approucha (...) tresdesiré du bon mercier pour accomplir la tresc[r]iminale vengence qu'il veult executer (C.n.n., c.1456-1467, 50)

Pour executer ce desir, ceste vaillant femme (...) venoit menu et souvent couldre et filer auprès de ce clerc (C.n.n., c.1456-1467, 150)

...à ceste foiz dont je parle, cest evesque de Bas descouvrit ceste matière au duc de Clocestre, qui luy ayda bien à executer son mauvais vouloir. (Comm., II, 1489-1491, 233)

Si se mist au chemin en intencion d'executer ce qu'elle avoit conclud. (C.n.n., c.1456-1467, 275)

...il alla et passa des derrenieres fins de Babillone et excecuta ce qu'il entendoit et revint sauf, lui et ses gens. (Simon De Phares, Astrol., c.1494-1498, f° 53 r°)

...et advertit plus avant icelui maistre Guillaume, car il dist le temps qu'ilz devoient excecuter icelui mauldit propox, qui estoit ou mois d'aoust ensuivant (Simon De Phares, Astrol., c.1494-1498, f° 144 r°)

En grant triumphe et parfaicte excellence, En bruyt, en los d'onneur victorïeux, Le roy des roys entra dedens Florence Ou il conquist ung renom glorïeux, Car il portoit le glaive furïeux Pour son vouloir partout executer, Et pour la guerre ou la paix discuter Par haulx exploitz d'emprise vertüeuse (La Vigne, V.N., p.1495, 208)

infinitif substantivé. Le fait de donner suite à une chose arrêtée, résolue.

...de son hault emprendre [du chevalier] il en parvint en glorieuse fin, et de son valereux executer j'en ay tiré l'effect de ma desirance, dont jamais n'en sera heure que je ne soye son obligée, et que je ne labeure en ma pensée comment je lui polray satisfaire à son condigne dont. (La Marche, Mém., IV, Pièces annexées, p.1468, 113)

3.Réaliser, faire qqc., mener à bien (un travail, une oeuvre, une entreprise).

Je me esbahis comme lez mains sacrileges pevent obeir au cueur endurcy a executer si grief malefice, dont l'injure est a Dieu directement (Chart., L. Esp., c.1429-1430, 61)

...les choses doubteuses il [l'homme prudent] expedie, les dures amollit, les aspres adoulcit, les haultes execute (Juv. Urs., Loquar, 1440, 334)

HERODE. Avant nostre departement, La nostre intencion fut telle De mectre a mort dure et cruelle Tous les enfans de la cloison de Bethlëem et d'environ (...). ADRASCUS. La maniere estoit belle et bonne ; Il la convient executer. (Gréban, Pass. J., c.1450, 103)

Et vray Dieu (...) si n'estoit ta large grace je ne suys pas digne d'executer ung si grand euvre. (C.n.n., c.1456-1467, 102)

...il tenoit plus du costé de dame Folie que de raison, quoy que aucunesfoiz il executast, et de la main et de la bouche, pluseurs besoignes que plus sage de luy n'eust sceu acever. (C.n.n., c.1456-1467, 449)

...et depuis fut le pas remis et executé à l'arbre Charlemaigne qui siet à la charme de Marsenay, près de Dijon (La Marche, Mém., I, c.1470, 284)

Par quoy les surprendroient de si près qu'ilz les tueroient ou prendroient avant que leurs gens fussent assembléz et qu'ilz n'avoient point loing à se retirer et que, au fort, se il failloit qu'ilz mourussent pour executer une telle entreprise, qu'ilz prendroyent la mort bien en gré, car aussi bien se veoient-ilz de touz poinctz destruictz (Comm., I, 1489-1491, 154)

Mais quant il vit tant de gens promps et prestz De executer ceste emprise estrange (...), Il s'enferma dens le Chastel Saint Ange Sans autrement vouloir parler au roy. (La Vigne, V.N., p.1495, 231)

Emploi absolu. Agir, passer à l'action.

C'est a tous chose mal faite de entreprendre, et pis de executer, sans licence de son seigneur ou de cellui qui a son pouoir et sa charge. (La Sale, J.S., 1456, 237)

Le bon duc, qui desiroit de soy venger de ses rebelles et qui vouloit executer l'esté, qui estoit bel et sec, si se tira, au deppartir de Scandelbecque, devant le chastel de Poucques. (La Marche, Mém., II, c.1470, 308)

Executer de fait. Passer aux actes (après les menaces).

Renauls de Ghinghant, lor chapitainne, entendi que il tretioient pour euls rendre. Si en fu durement courouchiés et maneça les plus grans mestres de la ville a faire coper les testes, et les appella fauls, mauvais et traittes, dont il furent moult courouchiet, et se doubterent de lui que de fait il ne vosist essequter, ensi que il le disoit. (Froiss., Chron. D., p.1400, 535)

Proverbe. Sagement entreprendre fait bien executer. La bonne conception d'une entreprise en garantit la bonne exécution.

Saigement entreprendre fait bien executer. Car le principal point de toute la guerre, c'est après Dieu la discretion du chief. Car, se le chief n'est discret et moderé, à paine fera-il chose qui vaille, ne lui, ne ceulx qui sont en sa conduitte. (Bueil, I, 1461-1466, 130)