ENTENTE

substantif féminin

[T-L : entente ; GD : entente ; GDC : entente ; AND : entente1 ; DECT : entente ; FEW (IV, 742b) : intendere ; TLF (VII, 1207a) : entente]

I. -[Idée de tension vers qqc. (tendre à)]

A. -Intention, projet ; désir, aspiration ; but, finalité.

1.Intention, projet ; désir, aspiration.

...Et je l'amoie Si loiaument que tout mon cuer mettoie En li amer, n'autre entente n'avoie ; Qu'en li estoit m'esperance, ma joie Et mon plaisir, Mon cuer, m'amour, mon penser, mon desir. (Mach., J. R. Beh., c.1340, 63)

Car m'amour donnay en jouvente, Cuer, corps, ame, vie et entente, A ma trés douce dame gente, Plaisant et gaie. (Mach., R. Fort., c.1341, 49)

Si que tout einsi, sans attente, Li dis tout mon cuer et m'entente. Si m'escouta diligenment... (Mach., R. Fort., c.1341, 154)

...il n'est plus de vie Que d'avoir entente et envie Touzjours de la vierge servir (Mir. ev. N.D., c.1348, 63)

Et j'ay une autre oppinion Qu'elle n'a ; s'en diray m'entente, S'il li plaist et il vous talente, Nom pas pour le sien fait punir, Mais pour ma cause soustenir. (Mach., J. R. Nav., 1349, 196)

Ne pensés pas que je vous die Que j'en rien tiengne a musardie Se j'aim ma douce dame gente, Car ce ne fu onques m'entente, N'onques mais si grant bien ne fis Ne tele honneur, j'en sui tous fis, Com de li amer entreprendre, Si que nulz ne m'en doit reprendre. (Mach., Voir, 1364, 288)

Et coers loyaus (...) Ne poet avoir l'entente wide Qu'il ne soit gais et amoureus Et as biens faire virtueus (Froiss., Espin. amour. F., c.1369, 51)

...supplions Que vous prenes aucuns des vostres, Que nous menrons avec les nostres, Seürement, jusques au Quaire ; Et qu'il soient de tel affaire Qu'il sachent moustrer vostre entente, Et la passée et la presente, Au soudan, et nous esperons Que si courtois le trouverons Que nous cherrons en bon acort. (Mach., P. Alex., p.1369, 126)

Il n'est pas notre entente que des choses ardues riens se passe sans ce que les trois seaulx des dessus nommez avec le seel de la chambre y soient mis. Donné comme dessus. (Titres Bourbon H.-B., t.1, 1374, 576)

Mais je monstreray apres que ceste suppousicion n'est pas vraie universelment, et toutevoies est ce l'entente d'Aristote selonc l'exposicion d'Averroÿs. (Oresme, C.M., c.1377, 206)

A la tierce conclusion, en laquelle vous avez fondé l'antente et la partie de madame de Penthyevre par plusieurs raysons, par lezquellez il semble qu'elle ait droit en la duché de Bretaingne, ja soit ce que je y aie ja aucunement respondu, toutevoies je vous respons aux singulieres raysons (Songe verg. S., t.1, 1378, 266)

...et que par tant de fois comme l'en vouloit qu'il empirast à celui que l'en vouloit faire estre bien malade, l'en mettoit icelle paile sur le feu pour frire, et remuoit l'en icelle cire et poix à laditte cuillier, et que alors celui en quel entente l'en faisoit ceste chose, il lui sambloit que l'en le piquast d'aguilles parmi le corps, telement li esmouvoit et espoingnoit le corps. (Reg. crim. Chât., II, 1389-1392, 306)

Le fault Sathan de mal entente (Pac. Job M., c.1448-1478, 375)

Scelont mon senz Qui est petit, je y consente. Mais que ung sache ung peu de l'entente De nostre fillie Marguerite. (Myst. st Bern. Menth. L., c.1450, 24)

Pource que scet bien mon entente Jehan de Calaiz, honnorable homme, Qui ne me vist des ans a trente Et ne scet comment on me nomme, De tout ce testament, en somme, S'aucun y a difficulté, L'oster jusqu'au rez d'une pomme Je lui en donne faculté. (Villon, Test. R.H., 1461-1462, 140)

LA FILLE. Si est ce une de mes ententes Que d'avoir amy nouvelet. (P. moyne, a.1500, 45)

Quant a la premiere ordonnance, La belle fille icy presente Ce n'est que pour resjouyssance D'avoir amours, s'est son entente. (P. moyne, a.1500, 51)

Désir.

...Enamourez de bonne entente pure (Recueil galant. V.-B., c.1350-1400, 105)

Car toute ma grignour entente Fu que de savoir sur quel cose Li livrés que m'envoioit Rose Estoit compillés et escrips (Froiss., Pris. am. F., 1372-1373, 113)

J'avoye de garir entente (Michel, Myst. Pass. J., 1486, 117)

À bonne entente. De bon gré.

Car il a fait a bonne entente Si quoitousement mon message... (Froiss., Pris. am. F., 1372-1373, 143)

À mon entente. À volonté.

A mon desir et mon entente, Je la baiseray des foys trente (Gent. moun. T., c.1500, 342)

Sy vous plaist me laiser joyr A mon grand desir et entente, Vous aurés... (Gent. moun. T., c.1500, 352)

D'entente. Volontiers.

D'entente la regardoie Et moult fort je m'entendoie A remirer sa beaulté (Chr. Piz., Duc vrais amans F., a.1405, 74)

D'entente lie / saine. Volontiers, de bon gré.

DIEU. Gabriel, enfant et amy, Vatent la jus d'entente lie A Joseph l'espeux de Marie (Marcadé, Myst. Pass. Arras R., a.1440, 16)

Je le feray d'entente saine, Ne vous en doubtez nullement. (Du Prier, Roy Adv. M., 1455, 23)

...je vous remercie De cueur et d'entente lie (Du Prier, Roy Adv. M., 1455, 207)

D'entente speciale

Et en l'eglise du dit lieu cathedrale Il ouÿt messe d'entente especïalle, Et en baillant offrandes et chandelles. (La Vigne, V.N., p.1495, 241)

En vraie / en loyale entente

...Car Loiauté me doctrine et adresce A vous amer en tresloial entente... (Mach., Voir, 1364, 418)

Mais se je suis long de vous sans leesse, Ne pensez ja que d'amer me repente, Car Loiauté me doctrine et adresse à vous amer en tres loial entente [le ms. porte atente (note de l'éd.)] . (Mach., L. dames, 1377, 176)

Eins vous sert en loyal entente, Ma dame gente (Mach., L. dames, 1377, 281)

Lasse ! chetive, dolente, Bien haïr ma vie doy, Quant je voy Que tous ces maus nous presente Bonne foy. Car je t'aim en vraie entente Et tu moy... (Mach., Lays, 1377, 354)

En / par bonne entente. Dans de bonnes intentions, dans de bonnes dispositions.

J'en mettray sur Dieu tout le fais, Qui scet et voit que je le fais En bonne entente. (Mir. emp. Julien, 1351, 177)

LE FOL. (...) Si t'i conduiray se tu veuz Par bonne entente. GODART. Sire, sanz plus faire d'atente, Me menez a vostre plaisance (Mir. parr., 1356, 65)

...des bons en est mains (...) qui preudes hommes et meurs Sont, et servent par bonne entente Dieu, a qui ilz ont leur attente (Chr. Piz., M.F., II, 1400-1403, 9)

JHESUS. Ce pain donc et ceste liqueur Qui mon sang et corps represente, Prenez par bonne et vraye entente En la remembrance de moy. (Gréban, Pass. J., c.1450, 240)

En entente de + inf. Avec l'intention de.

...et quant ilz orent beu, il se parti de Paris en entente d'aler à Aucerre, et print son chemin par dessus le fossez par dedens la ville, et s'en ala par la porte Saint-Anthoine (Reg. crim. Chât., I, 1389-1392, 129)

Sous entente de + inf. Avec l'intention de.

Et à la fin, et soubz entente De procéder par droite sente Et monstrer le fait évident, Establirent à Président Le beau Soleil, leur noble maistre (La Haye, P. peste, 1426, 33)

Mon / ton ... entente / l'entente de ... est (de) + inf.

Car m'entente est de mener vie Solitaire et en hermitage. (Mir. st Guill., c.1347, 35)

Là vuet il le temps differer Pour veoir que ce devenra Et se son Tricoplier venra ; Et s'il ne revient, c'est s'entente De passer la mer, sans attente, Et d'aler devant Alixandre... (Mach., P. Alex., p.1369, 202)

Le Clerc respont que, selon la verité, l'entente de Jhesuchrist ne fust mie, par celle auctorité, faire aucune division dez deux juridictions. (Songe verg. S., t.2, 1378, 98)

Et dist avec ce que son entente estoit de aler dymenche derrenierement passé, au matin, querre ledit cheval et païer la despence que faitte avoit en l'ostel dudit Marin (Reg. crim. Chât., I, 1389-1392, 191)

Après ce se leva maistre J. Petit, maistre en theologie, qui dist que l'entente de l'Université estoit de monstrer en especial la faute et injure de ladicte espitre (Baye, I, 1400-1410, 158)

...s'entente est de s'en vengier si comme il est raison (Chr. Piz., Trois vertus W.H., c.1405, 35)

Mon / ton ... entente est que...

Toutevoie, n'est pas nostre entente que, se pour aucunes choses il avenoit que nous rendissions ou feissions rendre la dite maison et sez appartenances au dit Jehan Belon, nous fussions de riens tenus à en faire recompensacion aucune au dit Jehan de La Barre (Doc. Poitou G., t.3, 1369, 389)

Toutevoies nostre entente n'est pas que, se par traictié de paix ou d'accort, ou par quelconque autre voye ou maniere que ce feust, les dessus nommez revenoyent à leurs dites terres et appartenances, que pour ce nous soyons tenus de faire à icellui Guillaume restitucion ne recompensacion aucune. (Doc. Poitou G., t.4, 1369, 24)

Et pour ce que chascun reçoive Ceste parole, et apparçoive Que il fait bon le mal laissier Et soy humblement abaissier, Et faire trestoute bonne euvre, Est m'entante que vous descueuvre Aucun petit de l'Escripture (Jour Jug. R., c.1380-1400, 216)

Avoir entente de + inf.

Ma seur, puis qu'avés telle entente D'aler au prophete Jhesus, Vestés vous - et n'actendés plus - De draps humbles en penitence. (Pass. Auv., 1477, 150)

2.Ce à quoi on vise, but, finalité.

...pour m'entente Du tout avoir, c'est d'evesque estre, Pense je maintenant a mettre Ceste grant pierre dessus l'uis De ce moustier (Mir. ev. arced., c.1341, 111)

Et quant l'en a pluiseurs ententes On pert sa voye hastivement (Courcy, Chem. vaill. D., 1406, 11)

...car le contendre des deux maistres estoit en diverses ententes, à l'un en toute preud'homie et honneur de Dieu, pour avoir paix et repos entre les chrestiens et pour vaquer tant mieux ès affaires de la foy, et à l'autre pour venir au desseure de son projet, pour jouir de propre privé bien en soy et pour soy (Chastell., Chron. K., t.4, c.1456-1471, 337)

Faillir à son entente. Ne pas parvenir au but que l'on s'est fixé.

Dou son qui de sa harpe [de Phebus] yssoit Moult doucement restentissoit La sale et tous li lieus d'entour, N'il n'i avoit chambre ne tour Dont on ne le peüst oÿr. Li blans corbiaus a resjoÿr Se prist moult fort quant il entend. Grant chiere et grant salaire attent, Mais il faurra a son entante. Il ressemble au cyne qui chante Et resjoÿt contre sa mort (Mach., Voir, 1364, 698)

...longe atente Fait bien falir l'omme a s'entente (Froiss., Espin. amour. F., c.1369, 110)

Quant li roys vint enmi les chans, Il vit, à milliers et à cens, Les Sarrasins par grans tropiaus. Adonques il resgarda ceaus Qui furent en sa compaingnie, Et trouva qu'il n'estoient mie De gens d'armes plus de quarante. Lors dist : 'J'ay failly à m'entente. Je cuidoie que tuit venissent, Et que la baniere sievissent ; Po somes pour le pont abatre...' (Mach., P. Alex., p.1369, 92)

Quant a mon entente ay failly, Joie pers et Tourment recueil. (Au grey d'amours F.-H., c.1400-1500, 223)

Besogner à son entente

...car, qui parleroit plus avant, il en porroit besongnier a son entente [Éd. : 'ne pas venir à bout'] (MART. D'AUV., Arrêts Am. R., c.1460-1466, 75)

Emprendre / poursuivre une / son entente

Et s'il te plaist a bien poursuivre L'entente que tu as emprise... (Tomb. Chartr. Trois contes S., c.1337-1339, 84)

Car poursuivre vueil mon entente [de rédiger mon testament] . Et s'aucun m'interrogue ou tente Comment d'Amours j'ose mesdire, Ceste parolle le contente : 'Qui meurt a ses loix de tout dire'. (Villon, Test. R.H., 1461-1462, 69)

Venir / parvenir à (son) entente. Parvenir au but que l'on s'est fixé.

...pour ce que lez Anemis ne puent faire leur operacions, se ce n'est par le moyen dez vertus natureles, et, pour ce est il que lez Anemis considerent, en leurs operacions, lez habilités dez corps celestes pour venir a la fin de leur entante. (Songe verg. S., t.1, 1378, 381)

...ce l'acteur vient a entente par la depposicion des tesmoings par lui produis, il peult requerre desdit et despens, c'est assavoir que le deffenseur soit par justice contraint a soy desdire en plain jugement a oye de parroisse par prinse de nez et en plein marchié (Instruct. ensaign. B.G., c.1386-1390, 43)

...et s'ilz y passent ou marchent des piez, ta besoigne sera faite, et te promectz que tu vendras à ton entente. C'est assavoir : que son ami dessus nommé retourneroit par devers elle comme fait avoit paravant (Reg. crim. Chât., I, 1389-1392, 341)

Maiz qui vouldroit cy bien parfondement considerer, il apperceveroit que toutes les dessus dictes consideracions des astronomiens ne sont ymaginees fors par la deffaulte et l'imparfeccion de nostre entendement, qui ne peut autrement mieulx venir a s'entente des choses par le ciel signifiees qu'il desire a savoir. (Evr. Conty, Harm. sphères H.P.-H., c.1400, 23)

Sans faille, avec les choses dessus dictes dont ceste science use, soient herbes ou pierres ou paroles ou autre chose, dient aucuns philosophes anciens qu'il est neccessité que le magicien, afin qu'il puist mieulx venir a son entente, ait a ce qu'il veult faire grant foy et grant fiance et grant desir aussy et tres bonne esperance de en venir a chief. (Evr. Conty, Harm. sphères H.P.-H., c.1400, 100)

Item quant je labeure d'avoir Jhesus espirituelement par jeunes, par oroisons ou par quelque aultre bonne operation, soit que je parviegne a mon entente, soit que je n'y parviegne pas, toutesfois il n'y a pas de peril, il n'y a pas de nouveau pechié (Traité S. Sacr. B., c.1450-1500, 171)

Prince du lis, qui a tout bien complest, Que pansés vous comment il me deplaist, Quant je ne puis venir a mon entente [rembourser le prince] ! Bien m'entendez, aydés moy, s'il vous plaist, Vous n'y perdrés seullement que l'attente. (Villon, Poèmes variés R.H., c.1456-1463, 51)

Remarque : Doc. 1356 ds Bibl. Éc. Chartes 99, 1938, 306 ; Concil Basle B., 1434, 121 ; GARIN, Compl., 1460, 114 ; Lyon cor. U., 1467, 35 ; Pont aux ânes T., c.1480-1500, 93...

Ce à quoi tend qqc..

Vers vous sera l'antente de ma joye (Recueil galant. V.-B., c.1350-1400, 122)

B. -Effort porté à qqc., application mise à qqc..

Vous m'avez bien servy par entente ordonnee (Ren. Gennes D.B., c.1350-1400, 91)

...chascun de toute son entente travailla à soy monstrer le meilleur (Chastell., Chron. K., t.2, c.1456-1471, 23)

Au pluriel. Efforts.

O chetif homme, plus que tous aultres recreant et las, par les veilles, peines, labours et ententes que tu as prins et porté (C.n.n., c.1456-1467, 555)

Entente de + inf. Application (voire acharnement) à + inf..

...voyant son mary chacun jour continuer la diligence et entente de soy lever pour ouvrer et marteler, s'advisa qu'elle employroit avecques son curé le temps qu'elle estoit habandonnée (C.n.n., c.1456-1467, 492)

À grant entente

Si fist son ost devant logier, Et dressa on la mainte tente A grant force et a grant entente. (Mach., D. Aler., a.1349, 314)

Donner son entente à qqc. S'appliquer à qqc..

Tant avoit vacqué et donné son entente a l'estude, que en tout le païs n'y avoit clerc de plus grand renommée (C.n.n., c.1456-1467, 569)

Mettre son entente à qqc. S'appliquer à qqc..

Mais encor vueil que tu escoutes : Dire te vueil mes vertus toutes. Or met t'entente au retenir, Car je ne t'en quier ja mentir. (Mach., D. verg., a.1340, 31)

NOSTRE DAME. Et je conferme ceste charge. Or y met entente et desir, Et i vueilles sanz desplaisir Perseverer. (Mir. parr., 1356, 63)

Li roys metoit toute s'entente à tel fin que sa gent cuidassent Que droit en Chypre retournassent. Mais il pensoit tout le contraire, Si comme vous l'orrez retraire. (Mach., P. Alex., p.1369, 64)

Et qui, aveques les autres graces que il lui a donnees, il li a inspiree si noble volenté que il met sa cure et son entente a si bonnes sciences. (Oresme, E.A., c.1370, 98)

Mettre son entente en qqc.

Or puet estre qu'en ta jouvente Tu as mis ton cuer et t'entente En vices et en vanitez, En ordures et en viltez, Et que n'as pas recongneü Les biens que tu as receü De Dieu, einsi com tu deüsses. (Mach., C. ami, 1357, 72)

...toute s'entente a mis En l'esbatement des faucons, Pour ce qu'il en scet trop plus que homs Et trop plus qu'autres s'i deduit : [La sont presque tuit si deduit]. (Mach., Voir, 1364, 724)

Si demoura dedens sa chambre Presques tout le mois de novembre, Tant qu'il fu de tous poins garis Et ses maus curés et taris. Si ne metoit mie s'entente En chiens, n'oisiaus, n'en dame gente, Fors en ses anemis grever. (Mach., P. Alex., p.1369, 131)

Par ce que ilz mectent leur entente en speculacion ou en contemplacion. (Oresme, E.A.C., c.1370, 530)

Mettre (son) entente (à / de / en) + inf.

Mais de ces nobles damoisiaus Qui jouent parmi ces praiaus, Et de ces damoiselles gentes Qui mettent toutes leur ententes A moy honnourer et servir Te vueil je les noms descouvrir, Car ja ne te seront celé. (Mach., D. verg., a.1340, 33)

'Sire, et comment ? Dites le moy, et de vo sairement Vous aquitez.' - 'Moult voulentiers, mais que vous m'escoutez, Et que vo cuer de tristesse gettez, Par quoy toute vostre entente mettez A moy oïr.' (Mach., J. R. Beh., c.1340, 67)

Rois Manassès, eu douzieme an, Regna, rois de Jherusalem, Et regna d'ans cinc et cinquante. Mais ne vueil pas mettre m'entente A rimer en especial Tout ce qu'il fist en general, Eins m'en passeray plus briefment. (Mach., C. ami, 1357, 49)

Einsois ay mis tout mon cuer et m'entente En vous servir, tres douce debonnaire, Et en amer vo noble fasson gente La grant biauté dont vostre corps est pleins, (Mach., L. dames, 1377, 124)

Amours doucement me tente Que m'entente, Si que je ne m'en repente, Mette en li servir... (Mach., Lays, 1377, 330)

En ce lay faire ay mis m'entente Et compris, sans ce que je mente, Ma vie, attains de vostre amour. (Mach., Lays, 1377, 472)

Après quoy il luy auroit peu dire et remonstrer l'affection qu'il avoit audit véage, pour sçavoir et entendre sur ce et faire seulement le bon plaisir du roy, sans l'aucthorité et consentement duquel il ne peut ny ne doit faire telles entreprinses, mesmement en si grande matière, sur tout actendu que les Anglois, anciens et invéterez ennemis du royaulme de France, s'efforçoient et mectoient leur entente chacun jour, plus que jamais, d'envahir et attirer à eux les pays, seigneuries et subjets du roy (Chart. J., Chron. Ch. VII, V., t.3, c.1437-1464, 63)

C'est donc raison que mette mon entente Les reveler a tous grans et menus. (Myst. Incarn. Nat. L., t.1, c.1454-1474, 10)

...nature avoit mis son entente de la faire tresbelle [D'une jeune fille] (C.n.n., c.1456-1467, 115)

Et a les bien nourrir mettoit la geline toute sa cure et son entente (Colart Mans., Dial. créat. R., 1482, 193)

VITA alloquitur Jovem. Ne me soyés a ce besoing nuysible, Dieu tresbegnin, mettés peine et entente D'entretenir en son estat paisible Le genre humain que maint [tres] bien regente. (Cene dieux, c.1492, 116)

Remarque : ACART, Prise am. H., 1332, 24 ; Myst. st Christophle R., c.1350-1380, 7 ; LA BUIGNE, Rom. deduis B., 1359-1377, 232 ; FROISS., Pris. am. F., 1372-1373, 56 ; LE FÈVRE, Respit Mort H., 1376-1380, 90 ; Ménagier Paris B.F., c.1392-1394, 13 ; Chev. papegau H., c.1400-1500, 16 ; 61 ; MIÉLOT, Mir. N.D. W., 1456, 70...

Mettre son entente à ce que

Mettez grande entente a ce que lez despens de vostre hostel soient raisonnables et a mesure (Nouvelles inéd. L., p.1452, 122)

Tourner son entente à + inf.

...il voulut tourner son entente à y besongner (Chastell., Chron. K., t.5, c.1456-1471, 360)

C. -Attention portée à qqn ou qqc., aspiration qui porte vers qqn, vers qqc..

Et a tousjours a Dieu s'entente (Tomb. Chartr. Trois contes S., c.1337-1339, 89)

Et si avoit entente aillours qu'a mi (Froiss., Dits Débats F., 1363-1393, 156)

Mais vous, Dieu mercy !, vous, devotes gens, qui estes yci venus, signifiez par vostre presence et par vostre entente, et demonstrez que vous n'avez pas du tout oublié voz amis trespassez : Qui aime a vie, A mort n'oblie. (Gers., Déf., 1400, 226)

Et a sa doctrine excellente Soubmettront toute leur entente Par foy et vraye obedïence (Gréban, Pass. J., c.1450, 137)

Donner / livrer (son) entente à qqn / qqc. Prêter toute son attention à qqn ou qqc..

...si n'avoit il jamais donné son entente aux sainctes parolles par le prestre proferées [À propos du baptême] (C.n.n., c.1456-1467, 426)

...sans donner entente, ne ascout l'un à l'autre (Chastell., Chron. K., t.3, c.1456-1471, 360)

...et que tu livres attente [var. entente] a une femme miserable cristienne (Chastell., Temple Boc. B., 1463-1464, 83)

Mettre son entente à / en qqn. Se tourner vers qqn, porter son attention vers qqn.

...on verra conment s'entente En homme a mis. (Mir. abbeesse, 1340, 84)

Ne il ne m'estoit mie avis Que sans vous vëoir fusse vis, Et en vous si toute m'entente, Mon cuer mettoie, et ma jouvente, Que vostre oueil, vos fais et vos dis Estoient mon droit paradis. (Mach., R. Fort., c.1341, 131)

...celle damoiselle gente Ot mis ou chevalier s'entente, Et il estoit ses vrais amis. (Mach., J. R. Nav., 1349, 206)

A la loenge et a l'onnour De tresfine Amour que je honnour, Aim, obeÿ et sers et doubte, Qu'en lui ay mis m'entente toute ; Et pour ma gracieuse dame A cui j'ay donné corps et ame Et que j'aim de vray cuer d'ami, Sanz comparison plus que mi ; Et d'Esperance la vaillant, Qui unques ne me fu faillant, Vueil commencier chose nouvelle, Que je feray pour Toute Belle. (Mach., Voir, 1364, 40)

Car qui en toy [Dieu] s'entente met Il fait folie. (Mir. Oton, c.1370, 363)

Plaisant accueil et gracieus attrait Me font amer ma douce dame gente, En qui je vueil de sentement parfait Mettre mon cuer et mon corps et m'entente (Mach., L. dames, 1377, 114)

...il a mis a autre son entente Et m'a laissee au plus pres de la sente De Desespoir (Au grey d'amours F.-H., c.1400-1500, 215)

...non mettans en Dieu aucune attente [var. entente] (Chastell., Temple Boc. B., 1463-1464, 19)

D. -Attaque.

[D'un objet lumineux] Donner d'entente à qqn. Agresser qqn (par son intensité).

Et pour ce veons nous que la couleur blanche espert la veue et la travaille moult et afeblie, quant elle est excellente ; et samble que ce soit pour ce que elle ly donne trop de entente pour sa trop grant lumiere, sy come nous veons quant on regarde trop affichiement la nege ou aucune autre chose excessivement blanche et lumineuse (Evr. Conty, Eschez amour. mor. G.-T.R., c.1400, 618)

...c'est la [blanche] coulour aussi qui plus esmeut la veue et excite et qui plus d'entente ly donne, en tant que elle le espert et moult souvent le travaille et le grieve, sy come nous veons quant aucun regarde la nege trop affichiement (Evr. Conty, Eschez amour. mor. G.-T.R., c.1400, 663)

Remarque : Cf. T-L III, 582 : «livrer, baillier entente a aucun 'jem. zu schaffen machen, jem. anfallen, angreifen'» et GD III, 257b (ex. d'a. fr.).

E. -LOGIQUE Extension.

Et toutesvoies, les benefices que le roy fait a ses subjéz est de plus grant entente ou exencion [l. extencion] et a pluseurs, mais non pas si grant a un singulier. (Oresme, E.A.C., c.1370, 438)

II. -[Idée de compréhension, de jugement (entendre qqc., le comprendre, l'interpréter) ; capacité, faculté de comprendre, entendement, intelligence, esprit]

A. -Avis, jugement que l'on porte sur qqc..

Fille, je ne say, mais m'entente Est que le cuer as enthechié Contre Dieu d'aucun grant pechié (Mir. st J. Cris., c.1344, 279)

...ceste exposicion est plus a l'entente et a la sentence de Ga. (Saint-gille, Comment. A.Y. L., 1362-1365, 368)

Juste jugement as rendu Et cecy vient a mon entente ['c'est bien là mon avis'] (Gréban, Pass. J., c.1450, 186)

Pour ce, seigneurs, je conclus mon entente Que... (Michel, Myst. Pass. J., 1486, 16)

À / en / selon mon / son ... entente. À mon avis, à mon sens.

En cel palais, selon m'entente, Trouvast on tant vaissellemente Que... (Renart contref. R.L., t.1, 1328-1342, 144)

...a lor entente, Ilz jugerent que... (Tomb. Chartr. W., c.1337-1339, 22)

Mére, bon jour puissiez avoir. Onques mais, puis que je nasqui, En m'entente je ne vous vi, Et si ne sçay se c'estes vous. (Mir. enf. diable, c.1339, 25)

...je voy Jehan la. Certes Dieu de mort gardé l'a, Selon m'entente. (Mir. st J. Cris., c.1344, 281)

Ainsi n'est ce pas, a m'entente, Uns oiseaus qui doie estre en vente, Car il est a si grant signeur Qu'il le tient et garde a honneur Et de tous servages l'aquite, Tant qu'il le donne franc et quitte. (Mach., D. Aler., a.1349, 310)

Je croy c'onques de lui n'en vi plus a m'entente (Brun de la Mont. M., c.1350-1400, 67)

Bien porroie estre voir disans, Car vraiement il a diz ans, Voire, a m'entente, plus de douse Que j'ay goulousé et goulouse Qu'Amours me donnast une dame Qui belle, bonne et preudefame Fust... (Mach., Voir, 1364, 58)

Et là alerent il descendre, Le jour de feste Nostre Dame, En mars, sans perdre home ne fame. Et fu tout droit, selonc m'entente, L'an mil CCC. sept et sexante, Einsi com li ans renouvelle. (Mach., P. Alex., p.1369, 181)

Revivre c'est, a mon entente, Quant... (Taillev., Songe thois. D., 1431, 71)

...La plus belle et la meilleure A m'entente. (Taillev., Lai mort Cath. Fr. D., 1446, 246)

Bons amis a, a mon entente (Gréban, Pass. J., c.1450, 41)

Elle s'en va au monument De Lazaron, en mon entente, Affin que... (Gréban, Pass. J., c.1450, 200)

Avoir son entente que... Être d'avis que, penser que.

Jacob avoit donc son entente Que les roys de Juda venans Devoient estre parvenans De lignee bien entretenue... (Gréban, Pass. J., c.1450, 131)

Estre d'une entente. Être du même avis.

Nous sommes tous deulx d'une entente Et une oppinion avons. (Gréban, Pass. J., c.1450, 80)

B. -Entendement, intelligence, esprit.

Je tien le roy Charlon de France la louee Pour si saige et si bon et d'entente senee (Ren. Gennes D.B., c.1350-1400, 107)

Car vous devés plus cler avoir L'engin, l'entente et le savoir (...) Q'uns aultres de mendre venue. (Froiss., Dits Débats F., 1363-1393, 114)

Puis dy de saine entente... (Myst. Incarn. Nat. L., t.1, c.1454-1474, 15)

...les adolescens ayans raisonnable entente - ce que n'ont les cygoingnes - doivent et sont tenus de... (Colart Mans., Dial. créat. R., 1482, 230)